Son yazılanlar
meningit
matruşka
matruşka
rafael santi
Heç vaxt aidlik duyduğum yeri, mühiti tapmamaq. Bir az dərinə getmədiyim halda problem olmur. Başqalarının gözündə qəşəng evim var, əslində ətrafımdakı insanların da xətrini istəyirəm. Amma bəzən unim, evim o qədər mənə yad gəlir ki. insanlardan o qədər soyutlanmış hiss edirəm ki, elə bil bir dənə mən varam. Deyəsən, Afrikaya da getsəm, "home,sweet home" hissini tapmayacam.
Amare et sapere vix deo conceditur.
Tanrı belə eyni zamanda aşiq və bilgə ola bilmir.
Memento mori, memento vivere. Fani olduğunu xatırla, yaşadığını xatırla.
Nə vaxtsa imkan tapanda bunlardan döymə etdirəcəm.
(baxma: uşağa bərabər bir canlı )
Qapıdan girən kimi uzandığı yerdən üstünə uşaq kimi sevincək qaçan, gecə də özünü sənə pərçim edib yatan miniminnoş artist.
Bizim evdə də öz yeməyinin axırına çıxan, əldə gördüyü hər yeməkdən pay istəyən 4 kiloluq motal var. Deyəsən, hədəfi 5 kiloya çatmaqdır."Cibimi əritdin, ay bala. Az ye." demək də olmur. Amma di gəl ki, bir xüsusi adamı salamlaması var. Qapıdan girən sevdiyi adamdırsa, birinci qapının ağzına gəlir, sonra qonaq otağındakı xalçaya özünü beli üstə yıxır və sığallamağını gözləyir. Sığallayana qədər miyoldayır. Etməsən də, küsür. Hər səhər mən ayıldığımı görən kimi oturduğu qalxıb, üstümə qaçır. Bunu indi necə sevməyəsən?
Pişiyim var. Adını ağ, yumşaq tüklü olduğundan ipək qoyduq. Amma mən onu ipəyə öyrədənə qədər anam yemək verəndə pisi-pisi çağırdığından pisi-pisiyə öyrəşdi. Ancaq pisi-pisiyə geri dönüş verir. Bir də kefinə düşsə, lulu deyəndə baxır. Səd. Ondan başqa toppuş olduğundan totoşima da deyirəm. Belə baxırsan, yazıq ipək adını necə öyrənsin bu qədər ləqəblə çağırılandan sonra.
Səsi gələndə atan şəxsi xoş olmayan sözlərlə yad etməmə səbəb olan şey. Satışının əslində qanunla qadağan olması isə ayrı bir ironiyadır.
Catarina Costa adlı 22 yaşlı qızın webcomics səhifəsidir. Məncə, səhifəyə göz atan hər kəs orada özündən bir parça tapa bilər. Xüsusən də təşviş və depressiya kimi problemlər yaşamısınızsa. Səhifəni sevmə səbəbim sənətçinin hislərini çox səmimi və canayaxın şəkildə ifadə etməyi, bizim yalnız olmadığımızı göstərməyidir. Mənə qrup terapiya effekti verir. Lol Məncə, webcomicsdə psixi sağlamlıq kimi məsələni ələ almaq çətindir. Ona görə də instada bilinmədən qalmağını istəmədim. Göz gəzdirməyi unutmayın * :*
Kitaba əsaslanaraq çəkilən netflix serialıdır. 1 sezon, 6 bölümdən ibarətdir. Kriminal, detektiv kinoları sevənlərin sevəcəyi serialdır. Kitabını oxumamışam, ona görə də uğurluluğunu kitabla müqayisə edə bilməyəcəm. Serial əsasən Kopenhagendə, kiçik hissəsi isə Almaniyada davam edir. Detektivlər kəsilmiş qadın əli və onun yanında tapdıqları chestnut man, yəni şabalıq adam tapırlar. Şabalıd adamın üzərində tapılan barmaq izi isə hamını təəccübləndirir. Çünki bu barmaq izinin sahibinin artıq 1 ildir ölü olduğu düşünülürdü. Bundan başqa, qətllər dayanmır. Maraqlısı odur ki, bu qətllərin hamısı da oxşar patternlərlə davam edən qətllərdir və hamısında da bu şabalıd adamdan tapılır. Baxmağı məsləhət görürəm, maraqlı serial killer serialıdır. Sonu da fərqli bitir.
Düz 3 dəfə taxdırmış biri kimi deyirəm. Mütləq uzun müddət ortodontiya ilə məşğul olan, başı çıxan birinə etdirin. Plomb qoyan, arada da çox qazanmaq üçün breket qoyanlara etdirməyin qəti. ilk dəfə 8-ci sinifdə qoymuşdum diş teli. Breketlərin dişin üstündən qopması hər dəfə mənim boynumda qalırdı. Sonradan breketlərə həddən artıq təzyiq salındığından elə olduğunu anladım. Sonradan məndə o breketə çox kəskin allergiya yarandığından çıxartdırmalı oldum. Nəticə isə 1 il keçsə də pis idi. Sonra yenidən düzəltdirmək üçün başqasına getdim. O isə ancaq üst çənəyə qoydu breketi. Lazım olsa, alta da sonra qoyacaqmış. siz bu xətaya qəti getməyin. Dişləm probleminiz varsa, alt və üst çənənizin dişləri yerində deyilsə, bunu etmək olmaz. Nəticəsi məndə çənə ağrıları, pozulmuş dişləm oldu. Əgər sizin həkiminiz sizin şikayətiniz, narahatlığınızı ciddiyə almır, buna görə sizə əsəbləşirsə, orada qalmayın. Artıq 3cü dəfədə şükür ki, həkimi tutuzdura bildilər evdəkilər. Bundan çıxan başqa nəticə-öz işinizi özünüz görün. Breketə qulluq qaydaları isə belədir. Qoz, fındıq kimi şeyləri dişinizə salmaq olmaz. Dişinizlə yemək qoparmaq olmaz. Əllə qırın, bıçaqla kəsin. Lap alçanı belə olsa, bıçaqla kəsin. Tumlu şeylər breketi qoparır. Bu da müalicə müddətini də uzadır. Dişlərinizi yaxşı-yaxşı təmizləyin. Yoxsa dişinizdə daş, ərp, kariyes kimi problemlər yaşayacaqsınız, damaqlarınız da şişəcək. Həkimin günlərini ötürməyin. Bu da müalicə müddətini uzadır. Breket qoyulanda ilk 10 gün filan bərk şey ola bilsin ki, yaxşı yeyə bilməyəsiniz. Ağrı olacaq. Ondan sonra isə duqa(dəmir tel) və rezinlər dəyişdikcə ilk günlər diskomfort ola bilər. Amma keçir. Bu arada dişlərinizdəki əyriliklər dişlərinizdə qida toplanmasına səbəb olub, onların tez xarab olmasına gətirib çıxara bilər. Dişləm problemləri isə nitqə, üz quruluşuna, nəfəsalmaya təsir edir. Dişləmdəki problemlər baş ağrısı da yarada bilir.
sifarişi verən: sumqayıt yetkası siz yeti deyin
Xaric iş üçün lazım olan imtahanları normal keçə bilmək. Eşşəyə minmək bir ayıb, qayıdıb düşmək 2 ayıb misalına nümunə halına gəlməmək.
Ətrafınızda soruşsanız, hər bir qızın taciz hekayəsi vardır. Düzü bizim evlənmək adətlərinə daxil olan mərhələlərdə də təcavüzçü təfəkkürü gizlənib. Səni səndən xəbərsiz gəlib güdürlər, yox deyirsən, naz anlayırlar. Adı da olur elçi düşmək istəyir də. Üzdən ən mədənisi belə "yox"un yox demək olduğunu anlamır. Buna görə vpda(nömrəm də məndən xəbərsiz verilmişdi) adamın üstünə çığıra-çığıra səs atdığımı xatırlayıram. Bunu təcavüz, tacizlərə təməl yaradan ünsürləri göstərmək üçün dedim. Neyse. Mövzumuza keçək. Başlayım 8-ci sinifdən. Bəzi qızlar kimi uzun, gözəgəlimli filan deyildim. Bəzənməyim də yox idi. Klassik şagird. Yollar bağlandığından evimizdən bulvara düşüb, məktəbdəki hazırlığa gedirdim. Yeni bulvarı bilən bilər. Zolaqlar var. Mənsə velosiped yolu tərəfə yaxın yerdən gedirdim. 2 dənə yekə parazit digər zolaqdan, hansı ki aramızda 5 metr məsafə olardı, söz atmağa başladı. Ala, yelə kişisən e, qabağındakı uşaqdır.
Sonra başqa biri. Xalamgildən qayıdırdıq. Anam avtobuadan işi olduğu üçün bizdən tez endi. Mənsə balaca qardaşımla ən yuxarı hissədə oturmuşdum. Bir özünübilməz yekəbaş orada oturmağıma görə söz atmağa. Narahat olduğum üçün aşağıya keçəndə hələ üzsüz-üzsüz "həəəə, bax belə. Qızların nə işi var yuxarı oturacaqda" demişdi. Uşaq ağlı. indi olsa "süttür burdan" komandasını almışdı.
Həmişə deyirəm, mənim başıma nə gəlsə, uzun geyəndə gəlir. Həyətimizdən çıxıb, yerüstü keçidi keçdim. Yay idi, dədəmdən yaxşı dayı(dədəm 55-i haqlamış adamdı) yolun o üzündən hündürdən söz atmağa başladı. Belə pajardı? Allah kəssin, ilin bir günü çaşıb salona gedəsən bayrama görə ya evdən bir az bəzənmiş çıxasan. Tanıyanlar bilir. Çox bəzənən biri də deyiləm. Yekə-yekə kişilər yanıq-yanıq baxıb, üstünə "nə bomba şeysən" məğzində şeylər pıçıldayıb yanından ötür adamın. Sarıyanızam deyə rus sanıb, rusca deyənlər də olub. "Soxsunlar sənin qəzəlinə" bu yerdə deyirlər.
Bir dəfə də qız dostumla görüşmək üçün gün seçib, içərişəhərdə görüşdük. Bir dənə restorana girdik. Bir müddət sonra qız arxadakılar bizə gözünü zilləyib dedi. Boğazımıza yeməyimizi yeməyə qoymadılar. Sən demə, bu insanlar qızı Nərimanov metrosundan bəri güdürmüş. Restorandan çıxdıq, yenə güddülər dalımızca. Nə qədər fırlandıq, əl çəkmədilər. Üstlərinə çığırdıqsa da, utanmaz-utanmaz gəldilər. Qızın sevgilisi olduğuna inanmayıbmışmış. Rəsmən 2 kruq içərişəhər turunun üstünə azneftə qədər gəldilər. Axır məcbur taksiyə mindik. Ay qa, siz kimsiniz? Nə zənn edirsiniz özünüzü?
61 nömrəli avtobusu bilən bilir. Əksərən, əsas da universitet açıq olan vaxtları dolu olur. Mən də belimdə bel çantası, it yorğunu olduğumdan ilk gördüyüm boş yerə özümü atıram, yer verən olanda da etiraz etmirəm. Bir dəfə bir yaşlı (bax:musculus gluteus) yer verdi tezcə. Mən də o sıxlıqda yer tapdığım üçün yox da demədim. Bir gördüm, əli aşağısındadı. Gülməyin, amma birinci elə bildim qaşınır deyə edir. Sonra gördüm, bu dayınınkı ondan deyil. Verdiyin yer o musculus gluteuslarının arasındakı deşiyə girsin.
Bir dəfə də yenə evə qayıdırdım və gündüz vaxtı idi. Gəl sən 30 yaş ətrafında biri popoma vur, üzümə də hırtılda, get. Bunu isə 50 yaşlar ətrafında kişi gördü. Sizcə, reaksiyası nə oldu? Nçnç edib getdi. Lənət olsun, şoka düşəndə insanların üzünü unuduram mən 1 dəqiqə keçməmiş. Adamın dalıyca qaçanda üzünü artıq unutduğumun fərqinə vardım. O 50 yaşlarda olan insanlar amma sevgili üzündən öpən görəndə dünyanın qarğışını tökən baxışlarla baxır. Bu qədər bədbəxtsiniz?
Ən böyük hadisəni axıra saxlamışam. Siz düşünün ki, günün günorta vaxtıdır. Sizi dərsdən gələndə biri məhlənizə qədər güdür, binanıza girir və sizi liftdə zorlamaq istəyir. Ondan bəri mən kimləsə liftə minməyə çəkinirəm. Etiraf edirəm, bir an adam mənə qəribə gəldi, amma fikir vermədim. 3cü mərtəbəyə getdiyini dedi, mən də basdım. Basan kimi adam sakit dur, tərpənmə deməsinmi. Deyən hə, nətər məsləhətdi deməyimi gözləyirmiş xiyar. Şokdan affekt vəziyyətə düşməyimmi mən də. Mənim də 2 modum var. Ya donuram, ya da beynim çönür, adam öldürə biləcək moda girirəm. Mənim beynimin çöküb, bunu vurmağımdan əl-ayağı da bir-birinə dolanmasınmı bu dümsüyün. Lifti aşağı basıb giriş mərtəbəyə atdım adamı. Məhləyə tullamaq istədim. Amma sonra qorxdum, çox heyif ki, qorxdum. Evdə nə deyəcəyimdən, niyə gec gəldiyimi izah etməkdən( dərs 2də bitirdi, mən 4də gəlmişdim), məndən soruşulacaq detallardan, bir qara köpüyə yaramasalar da, aşağıda gələn, gedəni güdən işsiz daydayların bizə atacaqları baxışdan qorxdum və peşimanam 4 il sonra belə. Gərək ayağımdakı dabanla ağzına-ağzına döyərdim onun. O tərəddüddən sonra geri qayıtmaq istəyəndə də yenə də üzünü unutdumun fərqinə vardım. Bu olanı 3 il sonra evdə deyə bilmişəm. Yuxarıda yazdıqlarım və hələ yazmadığım digər şeyləri deməmişəm. Polisə şikayət? Azərbaycanda ən başda gedən qaqalar və zorakılar polis orqanlarında işləyir.
John Snow-un "winter is coming" deyən kimi beynim "anxiety is coming" sirenası verir, əziz günlük. Hər hansı davranışı şəxsi anlaya, üz vurmasam da, içimdə küsə, məni çox da sevmədiklərini düşünüb, zibil kimi hiss edə bilərəm. Özüm özümə triplərə girib, özüm də çıxmağa çalışıram. Ətrafımfakıları da yükləyib, başını şişirmək istəmirəm. Bunu artıq bura yazıramsa, işlər proqressiv şəkildə xarablaşır. Hayır, ağlamıyorum, gözüme toz kaçtı.
Ciddiyə alınmalı olan məsələdir. Bir anda özünüzü ürəklə bağlı ciddi problemlər yaşayan halda tapa bilərsiniz. Ağız boşluğunda olan bakteriyalar qan dövranına qoşularaq yayıla, ürəyi zədələyə bilər. Məsələn, staphylococcus aureus
"Xalxın uşağı" toksik manipulyasiyasına məruz qalmış, yarış atı kimi çapılmağa çalışılan uşaqların böyüyəndə özlərini tapa bildikləri vəziyyətlərdən biri. Nə etsən, yetmir, nə etsən, razı qalmaq olmur. içdə bir hüzursuzluq. Bəzən çox babat iş hazırlayırlar, amma di gəl stress səviyyəsi kosmosa kimi. Hamının çəpik çaldığı özünün etdiyi o işi bəyənə bilmir. Hətta o iş təriflənəndə qabaqdakının məzələndiyini düşünür. Çünki özünü sevmir, təqdir olunmaq istəyir, amma təqdir olunduğuna inanmır. Neçə-neçə fürsəti əla etməyəcəklərini düşündükləri üçün əldə verirlər. Eləməyin belə, ay qa.
Spinal anesteziyada edilməyəcək şey: spinal anesteziyaya razılaşıb, əməliyyat masasına çıxanda "yox,mən yatmaq istəyirəm, mənə ümumi verin" demək, həkimlə dalaşıb, şöbəni ayağa qaldırmaq. Qorxmayın, qorxursunuzsa da , açıq deyin. Dalaşmaq lazım deyil. Vuracaqlar bir dənə sakitləşdirici. Dünyadan xəbəriniz də olmayacaq :-* Burada yazarın kişi olduğu üçün spinal anesteziyadan qorxduğunu demək yerinə şöbədə dava salan pasiyent yadına düşdü. (baxma: toksik maskulinlik ) spinal anesteziyanın təsiri orta olaraq 2 saat çəkir və ediləcək əməliyyatın lokalizasıyasına görə iynənin yeridiləcəyi yer təyin edilir. ilkin olaraq çanaq daraqlarına əsasən lumbar fəqərənin yeri tapılır. Həmin fəqərədən 1-2, bəzən 3 fəqərə yuxarıya anestetik yeridilir. Bundan sonra ayaqlara istilik hissiyyatı gəlir, ardında uyuşma baş verir. Toxunma hissiyyatını bir müddət hiss etsəniz də, o da keçib gedir, ağrı isə qətiyyən hiss etməyəcəksiniz. Spinal iynə yeridilməmişdən əvvəl həmin nahiyənin dərisi uyuşdurulur. Spinal iynə yeridilərkən hoppanmaq, yerindən tərpənmək, beli oynatmaq olmaz. Ps. iynə yeridilərkən el diliylə desək, ayağınızı tok vururmuş kimi ani qıcıq gələ bilər, normaldır. Bacardıqca tərpənməyin. Spinal anesteziya üçün müxtəlif pozisiyalar var. Ən çox istifadə edilən oturaq halda ediləndir. Bu vaxt pasiyent çiyinlərini, belini tam boş buraxır. Önə əyilir, başını aşağı əyir. Pozisiyanızı dəyişməklə iynənin oriyentirini dəyişmiş olursunuz, beləliklə boşluğa düşmək çətinləşir. Ümumən isə yaşlı şəxslər, kök şəxslərdə spinal anesteziya bir az daha çətin olur. Bu da yaş və çəkiyə görə onurğada olan dəyişikliklərə görədir.
ilkin olaraq limbik sistemin özündən başlayaq. Limbik sistem qədim beyinin bir hissəsidir və talamus, hipotalamus, döyənək cismin üzərində yerləşən gyrus cinguli, hippokamp, bazal qanqlia onu təşkil edən əsas strukturlardandır. Emosiyalar, davranış, motivasiya, uzun müddətli yaddaş, qoxu kimi funksiyaları idarə edir. Eyni zamanda həyatda qalmaq üçün lazım olan instinktlər: çoxalma, qidalanma, körpələrin qayğısına qalmaq, "qaç ya da savaş" mexanizmi kimi davranışların da təmininə nəzarət edir. Bundan başqa zövq mərkəzi də buradadır. Dinlə əlaqəyə gəldikdə, təəssüf ki, əksər fikirlər fərziyyə şəklindədir və elmi olaraq tam sübut edilə bilməyib. Əks halda indi tanrı barədə ikiləm aradan qalxmış olardı.
insanların ölülərini 100.000 ildən artıq bir müddətdir ki basdırdıqları bilinir. Bu kimi davranışların temporal lob, yəni gicgah payı, amiqdala, hippokamp kimi hissələri altivləşdirdiyi düşünülür. Maraqlıdır ki, temporal lob epilepsiyası yaşayan insanların bir qismində də spiritual təcrübə yaşandığı görülüb. Buna bağlı olaraq dindar insalarda "temporal beyin" quruluşu ola biləcəyi fərziyyəsi var. Başqa bir fərziyyə isə insanın təkamüldə keçirdiyi yolda müdafiə refleksi kimi tanrı imperativi qazanması və bunun onların genetik yaddaşına həkk olması fikridir. Açığı bu fikrin təməllərində boşluq olsa da, inandırıcı hesab edirəm. (baxma: Yazarın dinə inanmadığını necə bilə bilərik). Antropoloji baxımdan bu iddia belə izah edilir: insan bir canlı növü kimi yarandığı gündən özünü ona qarşı düşmən olan və acımaz şəkildə aparan təbiətdə tapdı. Onlar çox qorunmasız idilər, hər an digər canlılar, aclıq və xəstəlik səbəbilə ölə bilərdilər. Digər canlılardan fərqli olaraq sahib olduqları şüur onların təbiət ilə özlərini bütün halında görmələrinə mane olurdu. Dırmaşdıqları ağacdan yıxılaraq və ya gecə bir heyvanın parçalanması nəticəsində öləcək qədər çarəsiz və eyni zamanda şüurlu olan insan bütün bu olanlara səbəb axtarmağa başladı. Sonda isə bu dünyaya yollanmaqlarının bir səbəbi olduğuna, ali bir qüvvənin varlığı ilə bütün olanların izahını verə biləcəyinə inandılar. Bu dəyişiklik onların beyinlərindəki proteinlərin mutasiyası ilə baş verdi, beyin kimyası dəyişməyə başladı. Genimizə əks olunan dəyişiklik nəsillərcə ötürüldü. Tanrı imperativi yarandı. Halhazırda dinlərə inamın azalmasının sosial səbəbi var və nietzsche-in "tanrı öldü" ifadəsi bunu yaxşı ifadə edir. Genlərin aktivləşməsinin ətraf mühitdən təsirləndiyini bilirik. Düşünürəm ki, halhazırda məhz bu sosial səbəblər nəticəsində həmin genlərin koşalması gedir.
Halhazırkı duyğu durumumu düşünəndə gəldimi yenə bədneybət düşündürən, enerji sömürücü vəziyyət. Bir çoxumuz ancaq qış və payızda baş tutduğunu düşünsək də, yazda və yayda da olurmuş. Mən də təzə öyrəndim. Mövsümi depressiya əksər insanlarda payızın son dövrləri, qışda yaransa da, prosesin bunun əksi istiqamətində də baş tutduğu görülüb. Əlamətlərə günün əksər/bütün hissəsini depressiv hiss etmək, əvvəl marağınız olan məşğuliyyətlərə qarşı marağın ölməsi/azalması, enerjikliyin azalması, yatmaqda, konsentrasiya olmaqda problem yaşamaq, ümidsiz, dəyərsiz, günahkar hiss etmə( ən pis hissələrindən biridir deyərdim), intihar düşüncələri, təşviş içində/ləngləşmiş hiss etmək aiddir. Qış, payız sezonunda görülən mövsümi depressiyanın əlamətlərinə həddən artıq yatmaq, yeməklərə, xüsusən də karbohidrat mənbəyi olan yeməklərə qarşı duyulan arzu( durub-durub beyninə san sebastianlar, eklerlər düşməyi məsələn), yorğunluq hissi, çəkinin artması azalmış enerji aiddir. Yaz/yay sezonuna xas mövsümi depressiyaya isə iştahın azalması, çəki itirmə, insomnia, təlaş və təşviş hissi xarakterikdir.
2-ci dozanı iyulun 3-ü vurdurmuşam. 1-2 gün iynə vurulan yerdə dəhşətli olmasa da, ağrı oldu. Bundan başqa heç nə. Ətrafımda ailəm daxil olmaqla, çox adam vurdurub. Salamatdırlar.
Ömür boyu içində bir boşluğun qalacağını bilmək. Sonradan evdə münasibət nə qədər düzəlirsə, düzəsin, nə qədər yaxşı yaşayırsınız, yaşayın, o hiss sizinlə olacaq. Başqalarının sizi sevdiyinə şübhə etmək, ümumən sizin özünüzün kimisə sevə bildiyinizə şübhə etmək, eşşək boyda da olsanız, başqası dalaşanda gözünüzün dolması, səslər, xüsusən də dava, yüksək səslərə qarşı həssas olmaq, o səslərin sizi həyəcanlandırması da bura aiddir. Hələ çujoy paxmel davanın hirsi sizdən çıxılıbsa da, sizə çığırmaq,üstə çıxmaq istəyən olanda içinizi hikkə və qəzəb basacaq. Çünki sizi əzmişdilər, amma siz reaksiya verə bilməmişdiniz. 20-li yaşlarınızda 40-50-li yaşlarda olan birinin emosional yorğunluğu üstünüzdə olacaq. Bunu uşaqlarınıza etməyin. Uşaqlar siz sözlü dava etməsəniz belə bədən dilinizdən məsələni anlayır.
Çətin peşədir. Əsasən təyinat əsasında ora sənin, bura mənim gəzirlər. Universitet boyunca 6 ilin 3 ilini kazarmada, ciddi rejimdə keçirlər. Yəqin, elə ona görə də əsgərliyə aparılmırlar. Çətin olduğunu bizimlə eyni ildən olan hərbi tibb fakültəsinun uşaqlarının gözlərində gördüm. Müharibəyə aparıldılar və oradan qayıdandan sonra eyni cür baxmırlar. Artıq gözlərində o işıq yoxdur.
Dəhşətli dərəcədə şeytan tükü olan varlıq. Anamın "mən pişikdən tiksinirəm", "evdə nə heyvan saxlamaq?", çox dirəşəndən sonra "blokda saxlayarsan" deməyinə rəğmən indi anam evə girəndə "a pisi pisiii, salam. Evdə tək darıxmışdın?" deyə salam verir, hətta sığallayır. -*
Bu arada uşaq kimidirlər. Sahiblənəndə sizi yuxusuz qoymaq ehtimalını, xəstələnəndə xərclərini, oyunbazlıqlarına görə ətəyinizdən yapışma ehtimalını nəzərə alın. Mənim pişiyim mənlə yatır, qucağımda gəzir. Demək olar ki, bqşqa heç kimin qucağına getmir.
Son bəyənilənlər
