Youtube-da hansı yaxşıdır deyə gecə 5-ə kimi videolara baxdığım alət. Amma bir baxın, nə yoxdur. Almağa pul. Amp ilə birgə ən ucuz halda 600-700 manata əmələ gətirə bilərsiniz. Deyəsən aptekdə işləməyə başlayanda ilk iki ayın maaşını qoyacam buna. Çox baha olmasın deyənlər yamahanın pasifica seriyalarına baxa bilər.
blok başlıqlarını gizlət
meningit
matruşka
matruşka
rafael santi
Notice: Undefined variable: thisuser in /var/www/soz6/profilson.php on line 166
Xüsusən də 40 yaş üstü kişilər bu mövzuda diqqətli olmalıdır. Mədəm ağrıyır deyərsiniz, əslində miokard infaktı olarsınız. "Yaprak dökümü"ndəki Cemin "midem rahatsız" deyib ürəkdən öldüyünü xatırla.
Yuxarıdakı yazıya əlavə olaraq kiçik qeyd etmək istəyirəm: klimaks həm də kişilərdə olur.
Mən dikdabanda oynaya bilmirəm, özümü çini kukla kimi hiss edirəm. Xalanın biri də gəlir ki, "gəl oynayaq. Yox e, papa canı küsərəm". Mahnı da əksərən ətimin töküldüyü, ritmi bərbad mahnı olur. O moment aradan çıxmağın 100 yolunu düşünürəm. "Hunger games"-dəki labirintdən qaçmaq səhnələri gözümdə canlanır.
Burada sizin də reklamınız ola bilərdi dadında başlıq. Getdik. Mən bildiyim kafeləri bu şəkildə qruplaşdırdım:
A) Boho tea and wine room, saqi wine bar, kefli wine house- bunlar adından məlum olduğu kimi içkili yerlərdir. Amma səviyyəlidir. Həlləhüş yeri deyil. Həm də fərqli çayları da olur. Sizin içməyinizə okey baxan, amma özü içməyən yoldaşınızla da gedə bilərsiniz.
B) friends baku, art ground baku, old school cafe and shop, içərişəhər bookhouse&cafe, 90lar kafe, music nest cafe, coffeemofie, il futuro- bunlara konsept kafe deyə bilərəm, maraqlıdırlar. Adam əlindən qaçmaq üçün pis yer deyillər. Friends kafe Friends serialından ilhamlanılaraq hazırlanıb. Music nestə tez-tez gedirəm. Çox vaxt sakitlik olur, baha deyil və balkonunda uzanmaqlıq yerləri belə var.
C) comeinclubbaku, museum inn-mənzərə üçün. Comeincluba getsəniz, əmin olun, tanışla qarşılaşma ehtimalınız 1 faiz olar, ya olmaz. Çox sakit yerdədir. Museum inn-in adminstrasiyası dəyişib. Bir də soulkitchen var. Ona maraqlıdan çox yayda oturmağa deyəcək yer deyərdim. Xüsusən axşamtərəfi.
D) Socialbee, coffeelea, cupcupcoffebaku, coffee_rabb, united coffee beans-kofe içməklik. Kofe şoplar çox rahatdır. Ortalama 5 manatını ver, kafedə səhərdən axşama kimi otur. Ps. Cupcup bahaçılıqdır.
Əlavələri olan deyər.
Bir gün xəbər gəldi ki, bəs çox istədiyim müəllimim dünyasını dəyişib. Pis oldum. Mən də neçə müddətdir, yanına getməyi planlayırdım. Axırıncı dəfə 1-ci kursda yanına dəymişdim. Sonra dərslərə görə alındıra bilməmişdim. Nəysə. Getdim evlərindəki məclisə. Oturmuşam, mollaxanım başladı salavat çəkməyə. Bəs mərhumun ruhuna salavat, mərhumun anasının, nəm filankəsinin ruhuna salavat. indi mənim də içimdən salavat çəkmək gəlmir. inanmadığın şeyə nətər salavat çəkərsən ki? Çəkmədim də. Dalıyca da başladı dua oxumağa, hamı da onunla birgə başladı fatihə oxumağa. Mən də nə bilirəm dua-mua. Fahitənin başından 1 kuplet bilən adamam. Qaldım mal kimi. Düzü bilsəm də, oxumazdım. Bir düşünün, hamı dua oxuyur, salavat çəkir. Mən də hitlerə " heil hitler" salamı verən kütlə arasında inada nə mimikası, nə də qolu oynayan o adam kimi durmuşam. Sonra Mərsiyə başladı, mən də mərsiyə sevmirəm. Səsi sonra qulağımda qalır. Bir az oturdum, çıxdım.
Demək, 1-ci kursdayam. Mən də starosta idim o ili. Mühazirəyə gəlmişik, birinci dərsdir. Özü də çöldə yağış yağır əməlli. Bilən bilir bizim mühazirə zallarını. O kinolarda göstərilən amfiteatrlar kimi mərtəbəlidir, həm də mühazirələrdə çox adam olur. Yalan olmasın 100 adam olur mühazirələrdə. 90 dəqiqəlik mühazirələrdə 5-10 dəqiqəlik fasilə olur, o arada da davamiyyət yoxlanır, starostaların jurnalları imzalanır. Nə isə. Dərs başlayıb, yağışdır deyə adamlar gecikir. Bir qız girdi tələsik. Bizdə də bilmirəm niyə, o zalın döşəməsi bir az sürüşkəndir. Qız oturma yerinə az qalmış ayağı sürüşdü, guppultuyla yerə dəydi. Mənim də içimdən qız yıxılanda "mən də yıxılmasam, yaxşıdır" keçdi. Sevgilim yazmışdı. Buna dedim ki, qız yıxıldı, mən də yıxılmasam, yaxşıdı. Öz kapasitasiyama bələdəm çünki. Əldən kütələyəm. Yıxılıram tez-tez həm də. indi fasilə gəlib çatdı, mən də o günü nəsə bir az hündürdaban botumu geymişdim, biz də zalın üst hissəsində oturmuşduq. indi düşdüm aşağı, özü də havalı-havalı. Tam müəllimin masasına çatıb jurnalı qoyurdum ki, ayağım sürüşdü, əlimlə özümü saxladım ki, yerə yapışmayım. Qalxmaq istəyəndə ayağım bir də sürüşdü. indi zaldakılar bilmir gülsün, ya gəlib qaldırsın. O momentdə də özümü gülmək tutdu deyə zal da başladı gülməyə. Adımız kimya mühazirəsində yıxılan 2 qız qaldı o qızla birgə. Mənim 100 adamın qabağında yıxılmağımla yıxılma tarixcəmin ən parlaq gününü yaşadım.
Etdiyim bir şeydir. Peşiman deyiləm. Çünki məni ona bağlayan əsas faktorlardan biri də dostluğumuz, o doğmalıq hissidir. Oxşar uşaqlıq, oxşar həyatlar bizi bir-birimizə əzizləşdirir. Bilmirəm, mən sevgililikdə könül bağına önəm verirəm. Mənə görə dostla sevgili olmasan da, sevgili ilə mütləq dost olmalısan. Dostluq sizi komanda halına gətirəcək. Ehtiras romantik münasibətlərdə önəmli olsa da, bir yerə qədər bağlaya bilər sizi. Amma o da düzdür ki, ayrılsanız, eyni vaxtda dostunuzu və sevgilinizi itirmək ehtimalı var. Qruz üstünə qruz yəni.
Fernweh- haradasa feğnvea kimi səslənir. Heç görüb, tanımadığın yerlərə qarşı duyulan həsrət, özləmi ifadə edir.
Schatzi-şatцi xəzinə, dəfinə deməkdir. Qızlara deyilir. Kişilər üçün versiyası da schatz-dır. Mein Schatz/meine Schatzi
Kuschelbär- kuşelbea. Azərbaycanca gülməli tərcümə olunur düzü. Qucaq ayısıdır hərfi mənası. ingilislər də cuddly bear deyir. Əzizləmək üçün istifadə edirlər.
küssen- öpmək. K kartofun k-sıdır.
Artıq ləğv edilən qərar. Bu qərara tibb tələbələri də mənfi yanaşmışdı. Ən azından etik deyil. Düşünün, Müalicə işi üzrə bizim vaxtımızda ortalama 600 uşaq qəbul olurdu. (indi yerlər azaldılıb) Bunun da ortalama olaraq 3-də birinə rezidenturada yer ayırırlar. Sonra da deyirlər ki, hə, balın istədiyin ixtisasa çatmadı? 4000 ver, həll edək. WTH?
Bəd və xoşxassəli dəri törəmələrinin, məsələn, ziyillərin, nevusların aşağı elektrik axını ilə çalışan alət vasitəsilə aradan qaldırılmasıdır.
Daha çox aşağıdakı kimi sadalamaq olar:
a) Ər, ər, ər, ər, mənim ərim.ancaq məndə var. Kimin belə əri var? Yanın e davranışı
b) sevgiliylə 1 ay danışan kimi elçini göndər, premium abonəliyə keç davranışı
c) ancaq pullu kişi axtarıb, kişiləri soyub, sonra da kişilər hamısı eynidir, pulunu ye . Üf, əcəb edirəm demələri
d) kemalim yapmaz havasına girib, sevgilisinin/ərinin salam verdiyi bütün qızları sürtük çıxarıb, ər/sevgilisini qanadsız mələk etmək
Edit: Vaginayla vulva fərqini bilməyənlər dastan yazıbmış. Pis də çıxmasın, vagina saldığınız yerdi, vulva da çöldən görünən yerdir və heç bir qadın sizin paşa kefinizə görə qasığını, vulvasını ağartmalı ya labioplastika etdirməli deyil.
sahiblənici arizona kərtənkələsi davranışları göstərməsi, seksist olması, qeyrətdən danışıb, sonra da başqasının ailəsindəki qadınların qeybətini etməsi, yenə eyni şəkildə qeyrətdən danışıb "dzeyran, nə naza çəkirsən özünü, sənin də xoşun gəlir" deyib taciz etməsi, yoxdan anlamaması. Hə ataş, yad adam əlləyəndə, söz atanda, bizi izləyəndə xoşumuz gəlir. Xəstəsiniz?
Ps. Əslində seksist başlıqdır. Yazıb-yazmamaq barədə otub düşündüm açığı. Amma təəssüf ki, üstdə yazılanları ənnnn çox oğlanlarda görürük.
Oxumağa hövsələ və ya vaxt edə bilməyənlər youtube-da səsli kitabını tam versiyada dinləyə bilər. Yazan kimi çıxacaq. Bizim kütüphane səhifəsindəki səsləndirmə daha çox xoşuma gəlir. Yol gedəndə, evdə iş görə-görə dinləyin. Maraqlı kitabdır.
Ölkədə euro-manat mübasibəti dağın ətəyiylə zirvəsi arasında münasibət kimi olduğundan hamının abonə ola bilmədiyi və serial, kino və sənədli filmlərin toplandığı platforma. Bu qiymət məsələsini də netflix hesab satanlardan almaqla və ya dost-tanışla birləşib atışmaqla həll etmək olur. Axırıncı dəfə netflixdə baxdıqlarım barbarians , hitler's circle of devil və christiane amanpour: sex&love around the world-dür
Özü maraqlı, qrammatikası yüngülcə zülm olan dil. Düzgün səslənməni etmək azərbaycanlılara daha asan olur, çünki bizdə [ğ], [x'], səsləri var, ruslardan da [ц] səsiylə tanışıq, hətta bəzilərimiz [ç] yerinə [ц] da deyir. Mənim üçün almancada əsas zülm isimləri cinslərə görə əzbərləmək, onları hallandırmaqdır. O ismin yanındakı sifət belə o ismin halına uyğunlaşır. Bir də mürəkkəb isimləri bəzən lezva olur, 3 sözü birləşdirib, 1 söz edirlər. Gəl indi bunu tələffüs elə. Bunların yanında incəlikləri olan dildir. Başqa üstünlüyü ingiliscə ilə yanaş biləndə fransızcanın da asanlıqla öyrənilməyidir. Hə, bir çox məntiqli dildir. Sözləri belə məntiqlə qurulub.
Almanlarda çox sayda ləhcələr var. Ona görə də hochdeutsch yaradılıb. Tvlərdə eşitdiyimiz də hochdeutsch dur.
Bir bitmədi də bu söhbət. Yatır, sizə nə, yatmır, sizə nə? Qız oğlanla yatanda qəhi olur, oğlan yatanda qoçu? Və ya əksinə qız oğlanla yatmayanda olur namuslu ev uşağı, oğlan olur yarım-oğlan, gey, oğlanlığında problem olan? A siz canı, yaxşı. icazə verin, hərə öz istədiyi kimi cinsi həyatını yaşasın, istədiyi partnyoru seçsin. Sonra da azərbaycan inkişaf etməyib deyirsiniz. Day burada da oğlanlıq söhbəti edilirsə, etməyəcək də.
Ps. Bu arada ilk tərcübəsini el dilində bazlıq adlandırdığınız şeydə yaşayıb, travma alan oğlanlar var. Mən bildiyim adam isə dostları tərəfindən təzyiqlərlə gedib və nifrət edib orada olan şeyə. indi özünüz baxın da. Çox qəribədir, birinin sevgilisiylə cinsi həyat yaşaması, sonra onunla evlənməsi qəribə qarşılansa da, ilkini seks işçisiylə yaşamaq normal qarşılanır. Oğlanlığın bir hissəsi sayılır. Hətta fuckbuddy tapmaq/ birinin duyğularıyla oynayıb, yatağa atmaq da oğlanlıq sayılır.
Hazırda 5 növ vaksin, elimizin diliylə desək, 5 növ çip var:
1. BBIBP-CorV
(Sinopharma, China)
2. CoronaVac (SinoVac, China)
3. mRNA-1273 (Moderna, USA)
4. Tozinameran (Pfizer-USA, BioNTech-Germany, Fosun-China)
5. Gam-Covid-Vac (Gamalei, Russia)
1 və 2 inaktivləşdirilmiş virus. Yanı real virus vurulur, amma inaktiv. Bu, həm də dədə-baba üsulu vaksinlərdir.
Müsbət: ucuz və asan istehsal olar
Mənfi: immun cavab zəifdi, bir neçə doz almaq lazım
3 və 4 mRNA vaksini. Xüsusi lipid örtüklü sferanın içində virusun səthi zülalın kodlaşdıran mRNA.
Müsbət: güclü və sürətli immun cavab.
Mənfi: Baha başa gəlir. mRNA bir zəncirli olduğuna görə qeyri-stabildi və mütləq - 80 - 60 temperatur diapazonunda saxlanmalıdı və vaksinasiyadan 1 saat öncə çıxarılır konteynerdən. Transport çox bahalı və qəliz olur. 3cü dünya ölkələri üçün millionlarla doz (sadə sözlə TIRlarla) vaksini bu temperaturda saxlamaq mümkün olmayacaq. Bu artıq soyuducu yox, başqa modern cihaz tələb edir.
5. Adenovirusa yeridilən Covid genomu
Mənfi: effektivliyini sübut edən çalışmaları ilə paylaşmırlar.
https://i.imgur.com/xfBdKyY.jpg
Yəqin ki, çoxumuz bu rəsmi görüb. Əsərin adı "Afina məktəbi"dir. Ba onu çəkən, renessans dövrü görmüş adamdır. Çəkdiyi madonnalar ilə məşhurdur. Tez parlayan tez sönər misalı 37 yaşında ürək çatışmazlığından romada vəfat edib. Atası rəssam olub, elə Rafaelin ilk rəsm müəllimliyini də o edib. Rafael atasının ölümündən sonra 11 yaşında onun emalatxanasında əsərlərini analiz edərək rəsm çəkməyə davam edib. 17 yaşında usta adı alıb. Çox sayda şagirdlərinin arasında kavaraccio da var.
Halhazırda təzədən hazırlığına başlamaq üzrə olduğum imtahan. Sizə məsləhətim intermediate olum, gedib, imtahan verim havasına girməyin. Təbii ki, normal bal istəyirsinizsə. Bazanızı gücləndirin. Marağınızda olan məqalələr oxuyun. Sizə reading sectionda yardımçı olacaaq. Ümumən seriala, kinoya baxanda da altyazılı baxın. Ted-X, Ted-edə də baxa bilərsiniz. Bir müddət sonra alışqanlıq olacaq, altyazısız da tutacaqsınız. Həm də b2-c1 səviyyəsinə çatanda "ə, mən bu sözü görmüşəm e" deyə biləcəksiniz. Ən yaxşı versiyada da artıq sözün mənasını da biləcəksiniz. Speaking sectionun mövzuları əksərən sızır və çox bir qism oradan düşür. ieltsbro deyə saytdan baxa bilərsiniz. 7 almaq istəyən igid phrasel verb, collocations-la speaking-i bəzəməlidir. Yoxsa ətini kəs, 6.5-dən yuxarı qaldırmayacaqlar verdikləri balı. Hə, bir də speaking-də sərbəst olun. Göz kontaktından qaçmayın. Amma dana kimi gözünüzü də adama bərəltməyin. Writing-ə bir şey deyə bilməyəcəm. Özümün də yaralı yerimdir. Amma yenə də buradan da normal bal almaq üçün mətnlər, inşalar oxumağı məsləhət görürlər. Yazını nə qısa tutun. Nə də cuşa gəlib 350-400 sözlük inşa da yazın. Onda da bal kəsir ibibiklər. Bir də nə danışığınıza, nə yazınıza qətiyyən siyasi proseslər qatmayın. Qardaşımdan məsələni siyasi proses üzərindən izah eləməyə çalışmışdı deyə bal kəsmişdilər .ən əsası isə unutmayın, ielts hazırlığı imtahana hazırlıqdır, baza artırmaq üçün deyil.
Notice: Undefined variable: user_id in /var/www/soz6/sds-themes/vengeful-light/profile.php on line 1336
blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343