Son yazılanlar
meningit
matruşka
matruşka
rafael santi
Ailənə belə açıqca "mənim bundan xoşum gəlmir" etirazı edə bildiyi, yeri gələndə dirəşib, dalaşdığı vaxt. Əvvəl gözünün suyunu tökdüyü, susduğu şeylər təzədən ediləndə qabağındakını sözlə döydüyü vaxt, özünü sındırtmadığı vaxt. Sınmaq istəmirsinizsə, qəpik də olsa, öz pulunuz olsun. Qapını vurub, çıxa biləsiniz. Bax, onda böyümüş olacaqsınız. Sizə böyümüş gözüylə baxacaqlar, hörmət edəcəklər. Yoxsa belə soxub içinizə oturacaqsınız.
Bir yandan deyirəm ki, gözlənən idi. 1-ci qarabağ müharibəsində bunun 2 qatı qədər təkcə ağdamda can qoyulub. Bir yandan da pis oluram. Candır axı onlar da. Sırf məntiqlə baxanda çox olmasa da, candırlar. Elələri var qardaşımdan (17 yaşı sentyabrda olub) 1-2 yaş böyükdürlər. Ürəyim gəlmir.
Döyüşən kimlərin əsgərləri idi? Azərbaycanın. Texnikanı pay vermişdilər? Yox. Milyonlar verib almışdıq. Şuşanı kim aldı? Öz XTQ-miz. Belə də Türkiyə özü qafqazda güc artırmaq istəyirdi. Vasitə biz olduq. Qısası, sakit dursunlar.
Çəkilməsi məsləhət görülməyən tütün məmulatı. Çəkməyin bunu. KOAH-xroniki obstruktiv ağciyər xəstəliyi,xroniki bronxit, ürək xəstəlikləri, təzyiq, hətta cinsi performansda azalma belə yarada bilir. Çünki damarları tıxayır. KOAH-DA getdikcə ala bildiyiniz havanın miqdarı azalır. Ölümə qədər yolu var. Ha, bir də ağız xərçəngini də unutmayaq. Bundan başqa siqaret çəkənlərin sidik kisəsi xərçəngi olma riski çox yüksəlir. Siqaret çəkəndə tək siz yox, ətrafınız da çəkmiş olur passiv şəkildə. Paltarınıza çökən siqaretin iyi belə passiv siqaret çəkməyə səbəb olur. O ki qaldı birinin yanında çəkmək. Pul tapmıram deyən adamlar aya 100 manat siqaretə pul tapır qəribə şəkildə. Yeməyə tapmayıb, siqaretə tapırsınızsa, çəkməyəndə krizə girirsinizsə, demək narkomanın mədənisisiniz.
it is raining cats and dogs- güclü yağış yağdığını bildirmək üçün deyilir.
Window shopping- mağazaları gəzib, baxıb, amma almayanda deyirlər.
Hog the limetime- hog ingiliscə erkək, gombul ev donuzudur. To hog the limetime acgözcə bütün diqqəti üzərinə çəkmək deməkdir
Roll up the sleeves- qolları çirmələmək.
Edgy person- müsbət və mənfi mənası var. Edgy person həm əsəbi insana deyilir, həm də cəmiyyətdən tipinə, stilinə görə fərqlənən insana.
Bu gün yenə əsəbləşdim, sözlük. Bu gün koronalı xəstələr üçün ayrılan xəstəxanada könüllü işləyən 3 universitet tələbəmiz qəzada həyatını itirdi. 1-i ağır yaralıdır. Ölənin biri qızdır. Bir görsəniz üzünün qəşəngliyini. Tanıyanlar xasiyətinə də elə deyirlər. Sözlük, onu rəylərdə qəhi çıxarmağa çalışdılar. Axşam smendən çıxanda 3 oğlanla maşında nə gəzirmiş. Hansı ata razı olarmış buna. Nədir bizim millətin adamları qəhbə çıxarmaq eşqi? Hamı soxmağa deşik axtarır? Sizin beyninizdir
soxmağa deşik axtaran! Maşını sürən oğlan müəllimimin oğlu idi. Adamı öz aramızda tontik deyə çağırırdıq. O qədər yumoş adam idi. O pulları haradan alıb, oğlunun altına maşın veribmiş. Özü də BMW! Malalamaq, özünü göstərmək üçün koronalı xəstələrlə işləməyə icazə veribmiş. Adam travmatoloq-ortopeddir, üstünə müəllim! Məndə olacaq pul? Onda olacaq da. Bir başınız sağ olsun deyə bilmədilər.
Bu arada 8 yaşlı uşaq da özünü atıb, intihar edib. Atası alkaşa görə... gözünüz aydın
Xəstələnib, ya ayağımı qırıb xəstəxanaya gedəsi olsam, kimlərin gələcəyini düşünmək və çox yaxın bildiklərimin gəlməmə ehtimalını düşünüb, qruza düşmək
Bunun qız versiyası da var. (baxma: sevgilisinin üzünü emoji ilə örtən qız)
Bu andırı ya adam kimi paylaşın ya da ki, heç paylaşmayın. Ha, "sevgilim var" demək istəyirsinizsə, o ayrı məsələ.
(bax: absurdizm)
(baxma: motux)
(baxma: məsməxanım)
Deyəsən, üstümüzə asteroid gəlir. Plastik selofana qadağa gəlməyi, normativ qoyulmağı, sonra da bu.
Maska taxanda, yağışlı havada tərləyir. Ana-atasını siluetdən tanıyan birinin belə halda vəziyyətini düşünün...
Bir də maraqlı harasa gedəndə eynəyi unutmusansa, dilxorçuluq. Nəsə qəşəng şey olduğunu duyursan, görmürsən.
Ağdamı görməmiş ağdamlıda belə praktik zəka var. Genetikdir, deyəsən.
anauşağı, hozuları "axı mən onu sevirəm" deyib, özünüzə kişi eləməyin. Sonra da "kişimin xasiyəti tünddü, nə edim e?" Deyib orada-burada çarə axtarmayın. Sizə psixoloji basqı edən, qadağa qoyan, hətta vuran, xəyanət edənləri də bağışlamayın."Qapıdan çıxanda məndən icazə alacaqsan. Ancaq mən deyən yerlərə gedəcəksən" deyən adamı hərləməyin yanınızda. O, sizi sevdiyindən demir. Nəsə qələti var ya da psixi xəstədir. "Oy, nə romantik. Mənim dəli arizona kərtənkələm" moduna girməyin. "Onlar elə-belədir, məzələnirəm onlarla, ehtiyacımı ödəyirəm" deyən oğlanı da yanınızda saxlamayın. Bir qadını ehtiyac ödəmək üçün istifadə edən, qadının duyğularıyla oynayan kişidə nə mənəviyyat ola bilər ki, hələ sizə də ömür-gün yoldaşı olsun?
Oğlanı pulqabı kimi görməyin. Oğlan ilk görüşdən bəri sizin hər yediyinizi, içdiyinizi ödəməli, ehtiyaclarınızı qarşılamalı deyil. O sizin saxlayanınızdır ya sevgiliniz? Özünüzü göylə aparıb, əlçatmaz tanrıça rolu da oynamayın.
Orta statistik qafqaz kişisi olmayıb, evin əliyimruqlu rəisliyini eləməyə çalışmadığın üçün, "evdə rəis olmaz, öz başına qərar alınmaz, evdəkilərlə məsləhətləşilər" dediyin və bir az böyüyəndə o məsləhətləşməyə qardaşım və məni qatdığın üçün təşəkkür edirəm. Dinləməyə çalışdığın üçün, təşviş atakamın ortasında dəli kimi ağlamağıma da təmkinlə yanaşıb, qulaq asdığın üçün, "mən deyəndir, qurtardıq", "kəs səsini" demədiyin, hər addımımı güdmədiyin, məni sıxmadığın üçün çox sağ ol. Hə, bir də mənim stresdən partladığımı görüb, 6-cı günləri gəzmək günü etmişdin. Mənlə durub künc-bucaqdakı balaca kafelərə gedirdin. Çox sağ ol. Baxmayın, 50 yaşı ötmüş biri üçün 17-18 yaşlı birinin nazıyla oynamaq asan deyil. Ürəkdən istəməsən, edə bilməzsən.
Bizim ölkədə kənddən gələnə geridüşüncəli kimi baxırlar. Mən səndə o geridüşüncəliliyi görmədim. Bakıda 100 ildir qalanlardan daha "bakılı"san. Məncə, "xoşun gələn biri var?" Sualını danlamaq, incitmək üçün deməyən tək-tük atalardansan. Üzrlü say. Onda düzünü deyə bilmədim. Amma narahat olma, onun da xasiyəti sənin kimidir. Deyəsən, qızlar ataları kimi birini tapır söhbəti düz söhbətdir. Mən sənə baxıb, bir kişinin mənimlə necə davranmalı olduğunu, nələrdənsə keçməli olmadığımı öyrənmişəm. Düzü, bunda anamın da rolu olub. Nə anam özünü kişiyə əzdirəcək adamdır, nə də sən qadın üzərindən eqo savaşı aparacaq birisən.
Qısqanc biri olmağımı görüb, anayla birgə "bala,sən kimə oxşadın belə? Adam qısqanmaz, qısqanclıq münasibəti məhv edir" deyirsiniz. Bilirəm, bilirəm. Ona görə də içimdəki şeytanları boğuram. Elə dikbaşlığım, qısqanclığıma görə "bu qız kimlə dolanacaq? Kimə razılıq verəcəm mən?" düşündüyünü də bilirəm. Tanımadığım bibisiqızıyla toyda çəkilən şəklini görüb, sifət asmağımdan sonra kişinin gözü qorxub. LOL.
Arada səndən narahat qalıram düzü. Oxşar olduğumuzdan içimizdəki şeytanları da təxmin edə bilirəm. Bir görürsən, içinə qapanırsan. Susqunlaşırsan. Nə yalan deyim, qorxuram. Ona görə qapıdan girən kimi öpüb, qucaqlayıb, yanağını oynadıram. Ürəyin açılır bir az. Bir qorxduğum şey də varsa, mənə nə vaxtsa küsməyindir.
8-də oxuyanda telefon almışdınız. işlə problemin vardı. Ana "gəl,başqasını götür, sonra daha yaxşısını alarıq" deyəndə "qoy öz istədiyini seçsin" demişdin. Çətin vaxtında qanacaqsızlıq edib, onu seçdiyim üçün indi də özümü pis hiss edirəm. Bağışla.
Ps. Uşaq vaxtı oynadığımız oyunlar yadımdan çıxmayacaq, dədili.
Bu başlığa yazılanların, başlığı yerləşdirənin ciddi olmadığına ümid etdiyim başlıq. Başlıqdan gələn seksizmin qoxusu anosmiyası olan pasientə qoxu hallusinasiyası yaşadar. Qınamıram, "qaqaş, kişidən seks obyekti olar heşşş? Seks obyekti qadındır" deyən varsa, bu zehniyyət də çıxar.
Ps. Bu gün wifi, gps və s. Kimi texnologiyaların yaranmasında böyük rolu olan hedy lamarr ı da anaq.
Müəllim olmaq, əsl müəllim olmaq həqiqətən çətindir. Məktəb müəllimliyi, məncə, ən çətinlərindəndir. Hər igidin işi deyil uşaqların illər sonra da yadına saldığı müəllim olmaq. "Yaxşı ki, varlar, yaxşı ki, müəllimim olublar" dediyim müəllimlərim var. Yaxşı ki, olublar və mən müəllimin nə olduğunu bilirəm. Onlardan biri indi ordudadır. Qayıdanda gedəcəm yanına. Bir fizika müəllimim vardı məktəbdə. Aman tanrım, insan peşəsinə, fənninə necə aşiq idi. Peşəcə fizik idi, müəllim də deyildi. O qadının gözündə fizikaya olan eşqi görmək nəyə desəniz dəyərdi. Kimya müəllimim də bir ayrı. Qadın sadəcə olaraq öyrətmək istəyirdi. Ədəbiyyat müəllimim füzuli adı çəkəndə özündən gedirdi. Ədəbiyyat vurğunu idi adam. Kaş bütün müəllimlər elə olsa.
Tarix müəllimimdə olan tarixi detallara bölmə həvəsi başqalarında olsa, hər şeydə qabağa getmişdik. indi mən necə pis deyim azərbaycandakı müəllimlərə? Cibindən sinif otağı düzəltməyə çalışan müəllimlər var e. Azərbaycanda müəllim lazımi dəyəri görmür. Görəcəyi günü gözləyirəm. Siz dəyər verdikcə onlar da özünə dəyər verəcək. Day başqa ixtisasa balı çatmır deyə əlac dərdindən müəllimlik seçməyəcəklər.
Qız gözüylə deyirəm. Bəzən qarşıdakı insanın dostluğu, özü əziz olur insana. Amma başqa bir hissin olmur. dostu itirmək, məncə, sevgili itirməkdən daha ağırdır. Ona görə bəzən dost qalmaq istəyərsən. Amma bir yandan da dost qalmaq da qarşıdakı insana əziyyətdir. Ona görə də Qarşıdakı adamın sərgiləyəcəyi davranışı ölçüb-biçib, bir şey etmək lazımdır. Qarşıdakı insan çox istəyirsə, razılıq vermək olar. Ən azından məsələni gedişatın axarına buraxmaq olar.
Azərbaycanın yerli tomboy stilli müğənnisi
Xəstəliyin yeni dünya, yəni amerika qitəsindən kristofer kolumbun səyahətindən qayıdan dənizçilər tərəfindən köhnə dünyaya gətirildiyi düşünülür. Keçmişdə çox dəhşətli xəstəlik sayılıb. Xəstələr ağır vəziyyətdə, ağlını itirərək, ağrı və yara içində ölürmüş. Müalicə üçün hər şeydən, hətta civədən də istifadə edilirmiş. Sifilis barədə ona görə də belə bir ifadə var:"bir gecə venera ilə, bütün ömür merkuri ilə".
P.s. Civənin kimyada digər adı merkuridir.
Antibiotiklərin kəşfindən sonra sifilis ölümcül deyil. Tək şərt var. Vaxtında müalicə almaq. Erkən müalicə alınmadığı halda deformasiya, sinir zədələnməsi, həyati orqanlarda zədələnmə yaranır. Sifilis cinsi yolla keçən xəstəlikdir və şankr mərhələsində çox yoluxucudur. Çox aşağı ehtimal olsa da, yaxın dəri təmasından, cinsi yolla olmadan da keçə bilər. Anada sifilis olması düşük, erkən və ya ölü döllü doğum, xəstəlikli uşağın doğulması və doğulan uşağın qısa müddət sonra ölməsi ilə nəticələnə bilər. Bəzi uşaqlar sağlam da doğula bilər. Bu, ananın sifilisə hamiləliyin hansı dövründə yoluxmasından asılıdır. Anadan uşağa xəstəlik doğuş zamanı və ya hamiləlik dövründə keçir. Sifilitik yenidoğulmuşlarda kəskin anemiya, həyati orqanlarda, hissiyyat orqanlarında zədələnmə, sümük deformasiyası ola bilər. Erkən kongenital sifilis 2yaşa qədər müddəti əhatə edir. Uşaqda burun axması, sümük deformasiyası, göz, qaraciyər, böyrəkdə problemlər, dəridə eroziya ola bilər. 2 yaşdan sonra da davam edən sifilis gecikmiş kongenital sifilisdir. Bu uşaqlarda görmədə problemlər, karlaşma, dişdə problemlər, müxtəlif növ skelet sistemi deformasiyaları görülür. Burun yastılaşır. Hutchinson triangle müşahidə edilir. Bura karlaşma, gözdə keratit, hutchinson dişləri aiddir. Bu halda dişlərin xəstəliyə xas görünüşü olur. https://i.imgur.com/SKrRjfb.png
Son bəyənilənlər
