Son yazılanlar
meningit
matruşka
matruşka
rafael santi
"Ə ta bezdik, nə vaxt gəlir bu peyvənd?" dedirdən rejim. Təzədən sərtləşdirilməsi qaçınılmaz idi. Yoluxma olub 2000 . 500də hər yeri bağlayan adamlar bunu çoxdan etməli idi. Universitetə getmək üçün darıxacağımı heç düşünməmişdim. Bu il məzun olacaqların gözüyaşlı, tələbələr "nolacaq bu işin axırı" deyir. iqtisadiyyatın axırı məlum deyil. Təzə məzunların və bu il məzun olacaqların da kitabı bağlanır artıq.
Adam kriptoloqluq edib, 2-ci dünya müharibəsinun gedişinə təsir edib. Onda gey olmağı gözlərinə batmayıb. Sonra adama "ya terapiya al, ya da ki, türməyə gedəcəksən" deyiblər. Adam da işini davam etdirmək üçün 1-ci versiyanı seçib. Nəticə: dözə bilməyib, özünü öldürüb. Ədalətinə dünya...
ilk yoluxmanın görülməsindən bəri 1 il keçsə də, insanlarımızın "yoxdur elə virus.Yalan söhbətdir", "əş, ancaq yaşlını öldürür, cavanlar yoluxmur" deyib, dirəşdiyi virus. 30 qəpik verib, maska taxmağın dərdindən özünü göstərib, tonla camaatın içində maskasız gəzənlərin yaydığı virus. Bu gün 2239 yoluxma olub. Xəstəxanalar yenidən dolmağa başlayıb. Bir müddət əvvəl 100-ə enmişdi say. iş yerləri, işləyən işçi sayı ixtisara salınıb. Nəticə iş yoxdur. Aşağı təbəqənin iş tapma ehtimalı xeyli azalıb. 1 maskaya görə.
Bu dediklərim karantin, komendant saatı olduğundan hələ ki, baş vermir. Sakitləşib buralar. Əvvəllərdən danışım. Demək, gecə saat 1dir, 2-yə işləyib. Mən də yarıyuxuluyam. Çöldən gələn səsə dik atıldım. Çöldən dava səsi gəlir. 2 oğlan dalaşır. Qız da "ibrahim, eləmə. Eləməəəə" bağırır. Başımı çıxardım, bir-birlərini sürüyürdülər.
Bundan əvvəl də döyülən, boğulan adam səslərinə yuxudan qalxdığım olub. Qorxumdan başımı da çıxarmamışdım. Məndən sizə məsləhət. 28 may ərazindən qətiyyən ev almayıb, ev tutmayın. Dəlixanadır.
Ambivert introvertlə ekstrovertin ortasında dayanan adamlardırlar. Sosial içəqapanıq demək olar. Extroverted introvert deyə bilərik. Həm təklikdən zövq alan, eyni zamanda kütləvi əyləncələrə də yox deməyən insandır. Bir əmması var. O kütlədən sıxılanda evinə qaçmaq, öz güvənli, şəxsi ərazilərinə çəkilmək kimi xassələri də var. Adaptasiya qabiliyyətləri yaxşıdır. insanlara introvertlər qədər güvənsiz olmasalar da, lap tez də güvənmirlər.
bu sifarişi verən: benedictus
(bax: Mirage)
(bax: The invisible guest)
(bax: El cuerpo)
(baxma: The skin i live in)
(bax: pans labyrinth)-i sevən xeylidir. Mən sevməmişdim çox da.
Bunlara baxmışam düzü. Başqa bilmirəm.
bu sifarişi verən: Can vermə qəmü eşqə ki, eşq afəti-candır
Sanki sırf mənfi bir şey yazılsın deyə açılan başlıq.
Açıq-saçıq şəkli kimə və hansı halda atmağından asılı olaraq vəziyyət çox dəyişir. Oğlan basqısından, təhtidindən şəkil yollamağa məcbur edilənlər də var, başqasının sahibli partnyorunu şəkillərlə əldə etməyə çalışan da, partnyoruna güvənib, öz aralarında balaca həyəcan, oyun yaratmaq üçün atan da.
Qarşılıqlı anlaşma və güvən olandan sonra, məcbur edilmə, manipulyasiya yoxdursa, atılmağında problem görmürəm. Bu, əxlaqlı və ya əxlaqsız olmağı təyin etmir. Zatən güvən, 1 qırıq hörmət varsa, ayrılsanız da, o şəkilləri siləcək adam.
Amma eşşəyi sağlam yerə bağlamaq istəyirsinizsə, kimliyinizi bildirəcək elementlər olmadan atın.
Çox gözəl səslənişi olsa da, qrammatikası dəhşətdir. Almancanın qrammatikasını unudun. Almanca qrammatika asan qalır onun yanında. Bu, onun bir üst versiyasıdır.
Yunan mifologiyasında ilan saçlı, baxışlarına tuş gələnlərin daşa döndüyü qadın. Qorqondur. Əslində mən pis oluram medusaya. Haqsızlığa uğrasa da, cəzanı o çəkir. Bu yunan tanrı, tanrıçalarəndan da baş açmaq olmur.
Deməli, Medusa 3 bacı arasında yeganə ölümlü olan, çox gözəl qız imiş. Xüsusən də saçlarının gözəlliyi dillərə dastan olubmuş. Hətta o qədər gözəl imiş ki, tanrıça Atena onu qısqanar, tanrı poseidon isə aşiq imiş. Medusa atena məbədində bakirə rahibə olmaq andı veribmiş. poseidon medusanı atenanın məbədində zorlayır. Amma bilin görüm cəzalanan kim olur? Medusa. Atena bu olanlardan çox hiddətlənir, medusanın o gözəl saçlarını ilanlara çevirir və baxdığı adamların daşa dönməsi barədə lənət oxuyur. Hətta içi soyumur. Onu öldürtmək üçün perseyə kömək edir. Hətta başqa tanrılar da perseyə kömək edir. Hermes ona qanadlı sandalet, atena qalxan, hades də görünməzlik verən dəbilqə verər. Persey meduzanın başını kəsəndə peqasus və xrizaor (ingiliscə yazılışı chrysaordur) doğulur. Digər versiyada isə meduzanın dənizə qarışan qanından yarandıqları deyilir. Persey evə qayıdanda poseidonun dəniz canavarını öldürür, şəhzadə andromedanın əlini qazanır, onun əvvəlki nişanlısını da medusanın başı ilə daşa döndərir. Yolüstü titan atlası da bir daşa döndərim düşünüb ki, onu da daşa döndərir. Və atlas dağlarının bundan sonra yarandığı deyilir. Onu başından edib, anasıyla evlənmək üçün onu 100 cür çətinliyə yollayan polidektes və heyətini də daşa döndərir. Sonda isə başı atenaya qaytarır. Atena isə başı qalxanına taxır.
Ps. Əfsanənin bəzi fərqliliklər göstərən versiyaları var. Mən yazan ovisin və
Müasirlərinin üstünlük verdiyi versiyasına yaxındır, daha sonrakı versiyadır. ilkin versiyada medusa digər bacıları kimi bədheybət dünyaya gəlib.
Normalda qadın olmaq çətindir desələr də, kişi olmaq da çətindir. Həqiqətən çətindir. Xüsusən də ataxaqanlıq prinsipləri ilə yaşanan, maskulinliyin önəmli olduğu toplumlarda. Düşünsənizə sizi hər an matışka çıxara bilərlər. Kövrək ürəklisənsə, üzündən zəhrimar yağmırsa, matışkasan. Zarafatcıl, söhbətcilsənsə, matışkasan. Cılızsansa da ,kişi kateqoriyasına uymursan. Qızları ələkdən keçirmək kimi adətin yoxdursa, sənin kişiliyindən şübhə edəcəklər. Hələ 20dən yuxarı yaşda bakirsənsə, yandın. Adın impotent, geyə çıxa bilər. Hətta səni fahişəxanaya da getməyə məcbur edə bilərlər. Getməsən, damğan hazırdır. Mental düşüncələri paylaşmırsansa, hazır ol. Adın peysər ə çıxa bilər. Hələ ailə, ailə yükü. Necə sınır kişilərimiz o yük altında. Yaxşı kişinin bacısı/yoldaşı işləməz prinsipinə görə gecə də, gündüz də işləyən kişilər var. Ha, bu arada ağlamaq da olmaz. Qətiyyən. Sən kişisən axı. Sonra da vay anam, kişilərdə intihar halı niyə çoxdur. Bu yazıq özünü sındırmaq qorxusundan heç elə olur ki, ömür gün yoldaşına ürəyini açmır. Nə etsin bəs?
ideoloji fərqin nə qədər olduğundan asılıdır. Mənə dinsiz birinin dindar biriylə, ağır mental birinin mentalitetə fikir verməyən biriylə təsəvvür etmək mümkün kimi gəlmir.
bu sifarişi verən: hechliyin_menasi
Şəxsi fikrimi deyəcəm. Məncə, kütləvi şəkildə olması təhlükəlidir.
(baxma: amerikada yerindən qalxanın silahlı hücum etməsi)
hələ bu, bizim kimi dəliyə də ağıllı yazıla biləcək, insanların ani əsəb partlamalarına çox meyilli olan ölkədə olacaqsa.
"irəvan, Zəngəzuru verdi" deyə daşlasalar da, əslində bu verilmə fikrinə etiraz edən adam. O aralar ermənilər yenə edib ibnəliklərini. Milli məclisdə səs üstünlüyünə görə qəbul edilib qərar. Qəbri Ankarada eski mezarlık deyilən yerdədir. Gələn ay ilk dəfə qəbrinə baş çəkəcəm. Düzü qarabağ məsələsindən sonra könlüm açıq gedəcəm deyirdim. Amma indi əmin deyiləm. Dərd danışmağa gedəcəm deyən.
Kim nə deyir desin, bu gün pis, yaxşı ölkəmiz olmağına, ölkənin adının olmağına səbəbiyyət verən insanlardansan, bəy!
bu sifarişi verən: Can vermə qəmü eşqə ki, eşq afəti-candır
Dil alimlərinin yazı qaydasıyla yersiz oynayıb, yeni sözlər ortaya qoymaması. Yeni söz dediysəm, dialekt, arxaik sözləri ümumişlək hala gətirmək, bəzi xarici sözlərə alternativ tapmağı nəzərdə tuturam. Bu templə dildə kasadlaşma gedəcək.
Dostoyevski- alçaldılmış və təhqir edilmiş insanlar. dosto əmi imzalı kitablar arasında da ən sürətli oxuna biləcək olan kitab.
Bağçada bişən yeməklərin qoxusunun qarışığı olan qoxu( bağçadan və bağçadakı şeytanlardan zəhləm gedirdi), məktəbin silindiyi xlorlu bir məhlulun qoxusu. Xüsusən aşağı mərtəbədə hiss edilirdi. indi bəzi yerlərdə eyni qoxu olanda ibtidai sinif düşür yadıma.
Empatiya qurmadan edilən hərəkət olduğunu düşündüyüm davranış. Mən oldum olalı itdən qorxmuşam. indi də qorxuram, amma nisbətən daha az. itdən belə qorxmaq səbəbim də, məncə, bibimoğlunun avçarkası idi. O vaxtlar heç 4 yaşım olmasa da itin ifritliyi hələ də yadımdadır. O nə it idi? Aman tanrım, fəlakət. Gələnə cumur, gedənə cumur. Qonaq gələni nə məhləyə buraxır, nə də evdən çıxan qonağa çıxmağa icazə verir. Bibimoğlu olmada bunu etsək, parçalayardı bizi. Onsuz evə gələn neçə adamı da qapmışdı. Ona görə də küçənin ayağında it kölgəsi görsəm, öldürsələr, dükana getmirdim. Bir gün çörək almağa yolladılar. Döngəni dönəndə nə görsəm, yaxşıdır? Avçarka! it mənə baxdı, mən itə. itin bilmirəm, haradan beyninə əsdi, cumdu üstümə. Yaxşı idi, evdən az uzaqlaşmışdım. Özümü necə həyətimizə saldım, bilmirəm . Nənəm rəng-rufumu görəndə qorxdu, ağappaq olmuşdum.
Sonra bir dəfə rayona getmişdik. 4də oxuyardım. Axşam idi. Anamla, xalam dərziyə gedirdilər. Anam "gəl səni xalangilə qoyum. Sıxılacaqsan" dedi. Mən də yox dedim. Amma orada həqiqətən sıxıldım. Beynimə haradan düşdü, bilmirəm. Durub, xalamgilə getmək üçün tək çıxdım küçəyə. Bir azca getmişdim ki, 2 küçə iti düşdü dalımca. Mən yəqin ki, bir də elə bərk qaça bilməyəcəm. Düşünün, yıxıldımsa da, itlər mənə çata bilmədi. Çatsa da, böyük ehtimal parçalayacaqdılar. Mən həyatımda yıxılıb, əl-ayağımı, gövdəmi elə parçalamamışam. Qorxudan onun ağrısını belə hiss etməmişdim. ayağa qalxıb, təzədən qaçmışdım. Nəticə: mən indi boyu, ölçüsündən asılı olmadan bütün itlərdən qorxuram. Boyfriendim( sevgili sözünü çox sevmirəm) itlərdən qorxduğumu bilsə də, balacalardan da qorxduğumu bilmirdi. Bir dəfə parkda gedəndə balaca it üstümə gəldi. Mən "ay anaa" qışqırıb, onun üstünə necə qaçdımsa, onu da, itin yiyəsini də gic gülmək tutdu. Qorxmağımın üstünə pərt də oldum. Fu.
Deməyim odur ki, itdən qorxana "itin nəyindən qorxursan?" , "sapsakit itdi e. Niyə qaçırsan?" ,"heyvan düşməni" deməzdən əvvəl düşünün. Nəticədə dünyada əl boyda itin üstünə gəlməyindən dəhşətə düşən, ağzı açılanda isə rəngi ağaran adamlar var.
Ümumən tərbiyə də, dindarlıq da kimə görə, nəyə görə prinsipinə tabe anlayışlardır. Biri əvvəl açıq olub, sonra bağlanıbsa, onun keçmişi zatən indiki halına təsir etmir. Lap əvvəllər seks işçiliyi belə etsə. Amma! Nəticədə dindar olmusansa və qapanmısansa, o qapanmağın da haqqını verməlisən. Adi biri oğlanlarla flört edirsə, bu ona okeydir. Dindar deyil. Amma başıbağlı birinin naməhrəm anlayışı olduğundan bunu etməsi tərbiyəsizlik olmasa da, ikiüzlülük çıxır. Bir də dindarlıq, başıbağlılıq türk demiş şirret olmamağa qarantiya deyil. Baş örtüsümü dəyişəcək xasiyəti? Eyni şəkildə başıaçıq, hətta açıq geymək də pozğunluğa mütləq işarə deyil. Həm oğlanla danışmayıb, özünü evə bağlamaq tərbiyəlilik niyə olur? Uzaq başı prinsiplərə, məshəbinə dik getmək olar.
Ps. Açıq biriyəm. Amma mənə görə, az qala fasilə qoymadan flörtləşmək, sevgili və s. olmaq tərbiyəsizlik olmasa da, prinsipsizlikdir.
Etiraf edirəm, mən Cəlil Məmmədquluzadəni fərli oxumamışam. Amma bilmirəm niyə, Haqverdiyevə qarşı bir ayrı simpatiyam var. Adının daha az çəkilməyi məni pis edir. Mən Haqverdiyevi ilk dəfə ədəbiyyat kitabındakı "xortdanın cəhənnəm məktubları" əsərindən olan bir parça ilə tanımışdım. Az səhifə də olsa, marağımı çəkmişdi. Sonra təsadüfə bax ki, kəndimizə gedəndə atamgilin uşaqlığından qalan köhnə kitabların arasında həmin əsəri tapdım. Ondan sonra da ədəbiyyat müəlliməmiz tətil üçün oxumağa kitablar tapşırdı. içində haqverdiyevin də kitabları vardı: "ac həriflər" və "marallarım". Marallarımı başda sevməmişdim. Daha doğrusu stili qavramamışdım. Amma sonra sevdim. Adamın sivri mizacı var. Mənə görə, azərbaycanca yazılan əsərlər bir gün başqa dilə tərcümə ediləcək olsa, o tərcümə ediləcək kitablar arasında mütləq haqverdiyevinkilər də olmalıdır.
Keçək haqverdiyevin özü barədə məlumatlara. Bəy şuşalıdır. 1870-ci ildə Şuşada anadan olub. Klassik Azərbaycan ədəbiyatının korifeylərindəndir. Eyni zamanda "Molla Nəsirəddin" jurnalının baş redaktoru, Teatr şurasının təsisçisi və birinci rəhbəridir. Dirijorluq fəaliyyəti də olub. Dram, komediya, faciə janrında əsərlər yazıb. Əsərlərinin dili azərbaycancadır. Əslində əsərlərinin sadəcə adları da olsa, bir çoxumuza tanışdır. "Yeyərsən qaz ətini, görərsən ləzzətini", "Pəri cadu", "şeyx şaban" da bu qəbildəndir. Əminəm ki, bir çoxunuz 1 dəfə də olsa, "ac həriflər" tvdə yayınlananda baxmısınız. "Zəəərbəlii, ay zərbəli" bağıran, acıqlananda Zərbəlini basıb döyən yeməkxanaçı Həsən dayını xatırlayırsınız, yəqin ki. Əbdülrəhim bəy əsər yazmaqla yanaşı xarici əsərləri azərbaycancaya tərcümə də etmişdir. Gürcüstan milli şurasında etdiyi çıxışa baxanda isə tarixin necə təkrarlandığını gördüm, açığı içim ağrıdı. Bəy 1933-cü ildə bakıda vəfat edib, qəbri halhazırda fəxri xiyabandadır.
"Ölülər" əsərinin qəhrəmanıdır. Hər cür fırıldaq, şarlatanlıq edən, başqasının yoldaşı, bacı, qızına göz qoyan və sadəcə göz qoymaqla kifayətlənməyən əbləh molla. Kimisə nəyi var var-yox söymək istəsəniz, amma bunu çox mədəni və intellektual şəkildə etmək istəsəniz, adama şeyx nəsrullah deməyiniz bəsdir. Zira o*raş sözü adamın adının yanında mələk kimi təmiz söz qalır.
Son bəyənilənlər
