adelchist

316 0 0 0

4. nəsil yazar

Entry: 316

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

12 dekabr 2022 xankəndi-şuşa yolunda etiraz aksiyası

+30 əjdaha

qəlbimin ən dərin hissəsindən "kül sizin təpənizə" demək istədiyim hadisədir. ölkədə çox utancverici şey görmüşük, amma sənalla bu nədi.

şuba geyinən adamları dartıb gətiriblər. hamısı da bütün günü maaşından narazılıq edib seçkilərdə məktəblərdə qolundan, şalvarından bülleten çıxaran adamlardı. oturublar soyuqda gözləyirlər ki, bu dəqiqə prezident bunlara qızıl medal verəcək.

sovet təfəkkürlü, iylənmiş, heç vaxt həyata qarşı dik dura bilməmiş, hər yeni gələn siyasi rejimin qabağında əzilib büzülən adamlar ki var ha, şəkillərdə sifətlərini görəndə elə tiksinirəm. gözümün qabağına aldıqları rüşvətlər, hökuməti tərifləyən momentləri ağlıma gəlir və ən əsası mən bu xalqın yarısından çoxunun bu qədər ağılsız, şüursuz, savadsız olmağına inana bilmirəm. rəsmən bir ölkənin xalqı nə qədər xam, qanmaz ola bilərsə, o qədər adam var ölkədə. nə baş verir başa düşmürlər. belə şey olar?

26 əjdaha! 15.12.2022 01:48, adelchist

#364091 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

qızlardan qızlara tövsiyələr

+31 əjdaha

"heç sənin kimi qızla tanış olmamışdım", "yaşıdlarından fərqlisən", "digər qızlarla danışmağa sözüm olmur, amma sən çox başqasan", "səninlə söhbətə doymuram", "azərbaycanlı qızlarla oturub-dura bilmirəm, çox boşdular, amma sən elə deyilsən" bunları deyən adamlara salam da verməyin. unutmayın ki, sizi tərifləmək istəyən insan digər insanları (buradakı məqamda qadınları) alçaltmadan da bunu edə bilər. əgər sizə kompliment edəndə digər qadınları alçaldırsa, deməli bunu bilərəkdən edir, çünki o seksistin yekəsidi. özünüz seksist biri deyilsinizsə və normal hörmət görmək istəyirsinizsə, bu kimi seksist insanlardan uzaq durun. onlar dəyişmirlər. ya da dəyişməkləri üçün yaxın dostlarının dəyişməyi lazımdı. siz heç kim üçün reabilitasiya mərkəzi, psixoloqu deyilsiniz.

25 əjdaha! 29.03.2022 11:14, adelchist

#348080 şikayət

metal sevən qız

+29 əjdaha

seksist sözlük yazarlarını tanımağınız üçün ideal olan başlıqdır. məsələn neçə gündür görürəm başlığı, heç marağımı çəkmirdi, çünki kim nəyə qulaq asır, nə edir - maraqlanmıram. amma qadınların hər hərəkətinin batdığı yazarlarımız üçün gördüyünüz kimi, dinlədiyimiz musiqi janrı belə "pick me girl"lüyə xidmət edir. allah bizə səbir versin.

25 əjdaha! 10.02.2023 23:34, adelchist

#367131 şikayət

skayliin

+25 əjdaha

tərif: tiktokda məşhur olan azərbaycanlı tiktoker və instagram bloqeri.

17-18 yaşındakı gəncliyinin ən rəngli çağlarında olan birinə bu qədər nifrət, kin bəsləmək nəyinsə düzgün getmədiyinə dəlalətdi. hamı niyə elə davranır ki, elə bil yeniyetməlik dövründə fərqli olmaq dərdində olmayıb?

bu qızın başlığı niyə açılıb, ümumiyyətlə, anlamıram, məsələn. çünki sevmirəm və dəxlisiz məşhurluq qazandığını düşünürəm, amma gəlib bu qədər qəddar şeylər heç vaxt yazmaram. qarşınızdakı 18 yaşına yeni basmış yeniyetmədir. özünə yığdığı bir kütlə var, hansı ki o nə etsə, onu dəstəkləyir, səhvini heç vaxt demirlər. yəni bu kimi faktorları düşündükdən sonra ona uyğun tənqid etmək lazımdır. ekşisözlükdən betər olmuşuq e, gedəni "cancel"ləyirik, gələni "cancel"ləyirik.

18 əjdaha! 08.04.2022 19:25, adelchist

#348426 şikayət

azərbaycanda bloq yazmaq

+22 əjdaha

böyük bir heç. oxunmayacaqsan, çünki makroblogging və mikrobloggingin fərqini bilməyən gözəlçə qızlar instagramda public hesab açıb yediklərini, içdiklərini göstərməklə özlərinə fashion / lifestyle bloqqer deyirlər və 100 min izləyicisinə lazım deyil sənin araşdırmaların, tərcümələrin, yaxud yazıların, fikirlərin.
insanlar bunlarla maraqlanmır.
insanlar kim harada oldu, atası nə işləyir ki, oralara gedir, onunla maraqlanır. insanlar multimediayla maraqlanır. onlara sənin uzun cümlələrin və antikvar kəlmələrin lazım deyil. gözəl effektlənmiş şəkil hər şeyi həll edər.
və xüsusilə, bax canımçün deyirəm, insanlara sənin 3 dəqiqə vaxt aparacaq bloq yazın lazım deyil, onlar 30 dəqiqəlik videoya isə aralıqsız baxa bilərlər.
bunu anladığın müddət bloquna hər yeni yazıda ən uzağı 15-20 nəfərin gəlməsini, yazı paylaşılmayanda isə günə sadəcə 1, bəzən isə 0 baxış sayının gəlməsini önəmsəmirsən. buna görə də yazmaq istəyən, yazan, yazıb daha sonra atmaq istəyən yoldaşlara səslənirəm, əgər bu başlığı oxuyursansa, deyəsən, çox ümidsizsən. amma fikir eləmə, bloqun heç vaxt sən istəyən dəyəri görməsə belə, bir gün elə bir professional insandan feedback alacaqsan ki, onda anlayacaqsan 2000 etibarsız izləyiciyə sahib olmamağın xoşbəxtliyini. sən yazmağa davam et, qalanı düzələr.

19 əjdaha! 01.07.2018 23:55, adelchist

#274386 şikayət

yeniyetmələrə məsləhətlər

+21 əjdaha

icazənizlə "reski" gələn həvəs və istəklə gənc yeniyetmə qızlara məsləhət verim.
əzizlərim, heç bir xoşunuza gələn oğlan sizdən artıq deyil. dünyanın ən yaraşıqlısı, ən varlısı, ən yaxşı xarakterlisi, ən yaxşı manipulatoru, ən özgüvənlisi də ola bilər, amma sizdən heç vaxt artıq deyil. partneriniz sizi əzməyə çalışanda əgər yanınızdadırsa, onu 2 dəqiqəlik iqnor edin bircə dəqiqə düşünün ki, sizi ananız-atanız (yaxud kim yetişdiribsə), bu çətin dövrdə nə zülmlərlə, çətinliklərlə yetişdirib, boya-başa çatdırıb. sizin bu yaşa qədər gəlməyinizdə nə boyda əziyyət çəkilib, üstəlik hələ siz də yaşamaq mübarizəsinin içərisindəsiniz. 1 dəqiqə bunu düşünəndən sonra isə növbəti 1 dəqiqəni qarşınızdakı qaqaşa baxın. sizi gaslight edən, daima özünüz haqqında pis düşünməyinizə səbəb olan, sizi dəyərsiz hiss etdirən, ya da öz potensialınızı ortaya qoymağa heç vaxt imkan verməyən, həyatınıza qarışan, öz həyatında bir baltaya sap ola bilməmiş o qaqaşa baxın. özünüz onda başa düşəcəksiniz məsələni.
mənə vaxtında bunları deyən olmayıb deyə əldən gedən illərimə, əsəbimə, insanlara qarşı münasibətimi belə dəyişəcək qədər pis təsiri olan bir "durum"un içində vaxtilə olduğum üçün indi də onun peşmanlığını çəkirəm. siz elə olmayın. gördünüz ki, bir-iki dəfə o yan bu yan edir, xoşunuza gəlməyən hərəkət edir və siz ona xəbərdarlıq etsəniz də, bunu dayandırmır, ya da özünü sizdən üstün görməyə başlayır, ya da sizi başqalarının yanında pis vəziyyətə salır, ondan sizə yar olmaz, inşallah heç kimə də yar olmaz ki, camaatı bədbəxt eləməz. sakitcə uzaqlaşın.
yox, desəniz ki, xoşum gəlir, aramızdakı əlaqə, hiss, bağ güclüdür, onda ona maksimum 3 dəfə xəbərdarlıq edin, bu qədər. düzəlməsə, öz səhvidir. inanın ki, sizə sizin ona davrandığınız kimi, sizin istədiyiniz kimi davranacaq, dəyərinizi biləcək insan axır-əvvəl çıxacaq. olmasın, 17 yaşında, olsun 27 yaşında.
əsəbinizi korlamayın, səhv və uğursuz münasibətin təsiri ilə özünüzü pis hiss edəcək gücü də heç kimə verməyin. allah vurmuşdu elə.

17 əjdaha! 31.01.2022 21:45, adelchist

#344634 şikayət

sevilməyən insan davranışları

+20 əjdaha

hamıyla dost olmağa çalışmaq. sevməmək deyil e, birbaşa nifrət edirəm bu davranışdan. birinin də dostu olma da nolub

17 əjdaha! 25.11.2022 01:03, adelchist

#363040 şikayət

azərbaycandakı telekanallar

+18 əjdaha

gəncədə baş verən hadisələrdə canlı yayım etməyə icazəsi olmayan, yaxud özlərinin canlı yayıma çıxmadığı, amma 10 noyabr günü, siyahını paylaşdıqları əsas dövlət kanalının müxbirlərinin utanmadan-qızarmadan 10 metr aşağı düşüb şəhidlər xiyabanında canlı yayıma çıxdığı kanallardır.

ölkədə çətinlik olanda yaxşı gizlənməyi bacaran, amma yaxşı gündə işçilərin çıxıb canlı yayında sevinc qışqırıqları atan, pul üçün ekrana gərəksiz verilişlər verib izləyiciləri günahlandıran, istənilən mövzuda özü-özünü təkzib edən, yenilikçi gənclərə yer vermək istəməyən, imkansızlıqdan ora gələn gəncləri özləri kimi qəliblərə salan utandırıcı medianın bir hissəsidirlər.

əsl üzləri isə belədir (ətrafımdakıların təcrübəsindən): bəziləri ora müxbir kimi işləməyə gələn artıq çəkili tələbələrə aparıcı olmaq üçün "arıqlamalısan" deyə təzyiq göstərib mental sağlamlığını pozan və o insanların da tək çarəni dərmanla, gic-gic otlarla arıqlamağına səbəb olan redaktorlara sahibdirlər. sizi ora 1 aylıq yoxlanış üçün götürərlər, amma 2-ci ayınızda işiniz qarşılığında maaş tələb etsəniz, tələbə olduğunuzu deyib yerinizdə otuzdururlar. yaxşı müdiriyyətə sahib olan kanallarda isə "qoca qurd" dediyimiz köhnə jurnalistlər işə yeni başlayan müxbirlərə "sizdən jurnalist olmaz" deyə-deyə yenə aldıqları maaşı burunlarından gətirməkdə əladırlar. daha sonra canım sizə desin, tanış-tunuş köməyi ilə təcrübəçi kimi oraya daxil olmuş insanların təcrübəçi olduqları kanal haqqında hərarətli nifrətlə danışmaqlarına baxmayaraq, lazım gələndə hər yerə o 1 aylıq heç nə etmədiyi dövrünü soxuşdurması halları da mövcuddur.

telekanalların da niyə bu gündə olduğunu deyim: son cümləmdə qeyd etdiyim o bütün gənclər lazımi yerdə dəlisov-üsyankar, lazımi yerdə qatı yapçı olmağı çox yaxşı bacarırlar. bu da onları gələcəyin vəzifəli adamı edir: ikiüzlü, özünə lazım gələn şəkildə davranan, artistliyin bədəndə əksi. öz cızığından dönməyən tanıdığım 5-6 bilikli, savadlı cavan isə hər freelance işinə görə minimal maaş alıb kənara durur, onlara da heç kimin təqdiri lazım deyil, heç reklam da etmirlər işlərini, müəllimlərinə də yaltaqlanmırlar. və böyük ehtimalla, 10 il sonra sektorda bu savadlı, ümidli, idealist uşaqları yox, yaltaqlanmağı sevən, müdirinə yalnız eşitmək istədiklərini deyən insanlar qalacaq.

gələcəyimi onlardan birində nəinki görmək, düşünmək belə istəmirəm, bu günlük neqativlik kvotamı doldurdum, təşəkkürlər.

15 əjdaha! 05.12.2020 23:21, adelchist

#312698 şikayət

sözlüyün azərbaycanda tutmamasının səbəbləri

+18 əjdaha

bir dənə üzrlü sayın, tam səmimi bir şey yazacam.
tərif: biri də sözlüyün artıq çox sayda yaxşı yazarlara sahib olmaması olan səbəblərdir.
həm dünya, Həm azərbaycan gündəmində nə qədər şey baş verir, sözlükdə onun başlığı az qala 1 həftə sonra açılır. yazarlar hələ də seksist başlıqlara entry yazmaqdan dünya problemlərini düşünməyə vaxt tapa bilmirlər. millət olaraq sosial məsuliyyət bizdə aşağı səviyyədə olduğu üçün sözlükdə də bu özünü göstərir. əvvəllər və indi də bəzi yazarlar var ki, maksimum çox sayda sifariş doldurmağa çalışırlar, edit edirlər, araşdırırlar, lazımlı şeylər yazırlar, amma 10 nəfərlə olmur, təəssüf ki.
sözlük 2013-2014-də çox aktiv idi, amma o bomba günlərinə davam edə bilmədi, çünki sözlüyü insanlara qəbul etdirmək missiyasını hamı mənimsəmədi. azərbaycandakı kütləyə bir şeyi yedizdirmək çox çətin deyil, sadəcə 20-30-40, bəlkə də, 50 nəfər birləşib onun üçün çalışmalı və sözlüyün keyfiyyətini də normal həddə saxlamalı idi, bu da alınmadı. heyif ki.

17 əjdaha! 02.04.2023 15:37, adelchist

#369719 şikayət

insanın böyüdüyünü anladığı anlar

+16 əjdaha

hər iki valideynini günahlandırsan da, ikisinə də dəhşət çox əsəbləşsən də, etdiklərini onlara bağışlamasan da, bir vaxtdan sonra həm ananı, həm atanı başa düşüb onların zəhmətini yerə vurmamaq üçün çox çalışmağa, heç bir şeyə 'yox' deməməyə başladığında böyümüş olursan. <br />
gecə saat 3'də özündən balaca qardaşının burnu qanadığında ananı oyanmağa qoymayıb həm qardaşının qorxmaması üçün danışarkən, həm qana bulaşmış tişörtünü dəyişdiyində və 15 dəqiqəyə hər şeyi normal hala saldıqda böyümüş olursan. <br />
zəhmətli yetişkin dünyasına özünü atmaq istəyəndə, ailə fərdlərini üzgün görmək istəməyəndə, problem yaratmamaq üçün hər şeyi təsdiqləyəndə və qardaşına məsləhətlər verməyə, onunla uzun-uzun söhbətlər etməyə başladığında böyümüş olursan.<br />
qohumlar arasında sənin ailən müzakirə olunarkən hirsini basdıra bilməyib əsəbdən qızarırsansa, əsəb krizinə girirsənsə, böyümüş olursan. amma artıq sözlərinlə onların ağzının üstündən vurmaq gücünü özündə tapmış olursansa, böyüməklə qalmır, yaşlanırsan.

silinmiş entry.

16 əjdaha! 08.07.2016 18:19, adelchist

#220684 şikayət

ad günü

+15 əjdaha

ad günlərlə bağlı ciddi problemim var, ona görə bir dəfəlik burada içimi töküb üstünə torpaq atıb bir dəfəlik özümçün söhbəti bağlamaq istəyirəm.

bir neçə saat sonra ad günümdür. bəlkə, bunları yazıb bitirənə qədər artıq ad günümə girmiş sayılacam, day bilmirəm onu. uşaqlıqdan bəri ad günlərinin nəsə önəmi olduğunu hiss etməmişəm, çünki ad günlərimin sonunda həmişə sentimentallıq kəllə atıb və günü ağlayaraq bitirmişəm. ağlamaq səbəblərim də atamın uzaqda olması, mənə maraqlı gəlməyən qohumların gəlib səmimiyyətsizcə ad günümə daxil olması idi. amma 2011-də hansı ki, ilk dəfə idi atam aylıq icazəsini mənim ad günümə təsadüf etdirə bilmişdi, onda mamam həmişəki möhtəşəm süfrələrindən birini açmışdı və sözün əsl mənasında ilk dəfə idi ki, ad günümdə bütöv bir ailə kimi süfrə arxasına keçmişdik. o qədər həvəsli idim ki, məktəbdə öyrəndiyim sualları kağıza yazıb atmışdım bir qutunun içinə, o kağızları seçib suallara cavablar tapırdıq, ya nə bilim, şarların içində də kağızlar qoymuşdum ki, oradan yeni oyunlar kəşf edək. və əlbəttə ki, mənim 7 yaşımdan bəri bizimlə olan videokameramız yenə öz işinin başında - masanın ən önəmli yerində dayanmışdı ki, bu gözəl günü tarixə yazsın. çox böyük şey olub, 11 yaşıma keçirəm. pəh.

hə, nə deyirdim. bu ad günüm önəmli idi. özü də illərdir boşanma söhbətlərini ertələyən bir ailə üçün ümid işığı idi, sözün düzü, artıq mən də inanmağa başlayırdım ki, bu günün nəsə xüsusiliyi var. xüsusiliyi olmağına, xüsusiliyi var idi. o da o oldu ki, həmin gün atamla anam ayrılmağa bir dəfəlik qərar verdilər və yenə bir ad günü sonrası yine bana hasret, yine bana hüsran var filan beşmekan. sabahsı gün nənəm gəldi ki, barışdırsın, amma alınmadı, atam 2 gün hələ şəhərdə qalıb işə qayıtmalıydı, amma elə o gün qayıtdı. bir neçə ay sonra da boşandılar, onsuz.

2011-dən sonra da demək olar həyatımız o qədər dibdən daha dibə düşdü ki, ad günüdü, yaş üstünə yaş gəlir, 12 yaş, 13 yaş zibildən daha zibil olmağa başlayırdı. atamla aram pozulurdu, hətta yeni ailə həyatı qurmağa hazırlaşdığı bir dövrdə bunu məndən gizlətməyi və mənim başqa insanlardan öyrənməyim ona qarşı nifrət yaradırdı. bütün ailənin psixologiyası pozulduğu və məndən başqa hamının major depressionla boğuşduğu illərdə ad günüləri ürəkdə yaranan səbəbsiz sıxıntıdan başqa bir şey deyildi, hətta problem kimi görünürdü gözümə. yenə qohumlar gəlirdi, yenə mamam qəşəng süfrələr qururdu, yenə aş ən sevdiyim yeməklər içində ilk 3-ə girirdi, amma oktyabr kimi bir ay məhz o gün nəsə ürəyimə yatmırdı.

illər keçdi, hər şey yaxşılığa doğru irəlilədi və həm ailəm, həm özüm üçün kainat necəsə kömək əli uzatdı. yəni o çuxurdan qalxa bildik biz. major depression artıq həyatımızda yox idi, qardaşımı aparmaqçün onlarla psixoloq axtarmırdıq, mamamın da karyerasında işlər yolunda getməyə başlamışdı.

2018-ə qədər isə ad günüləri mənim üçün önəmsiz bir şey idi, həqiqətən. 2018-də isə mən başa düşdüm ki, daha doğrusu, ətrafımdakı düzgün insanlar mənə başa saldı ki, sən bu gün doğulmusansa, yəqin ki, ən az 2-3 nəfər bu günə minnətdar olacaq, çünki axı biz insanıq, dəyərli hiss etməyimiz, yaxud başqalarının bizi elə görməsi çox normaldır. yəni bundan çəkinməməliyəm, bundan utanmamalıyam - insanlar məni sevə bilər, sevgi gözəl şeydir. ətrafındakı insanların 4-5 gün əvvəldən səni düşünüb hansısa əşyanı görüb sənə yaraşdırması, alması, sənə hədiyyə etməsi önəmli şeylərdir. materialist bullshitləri qoy kənara, onlar hələ bir sənə nəsə arzu edirlər. vao! önəmlidir, önəmli. açığı, bəlkə də, deyil e, dünya səthi bir aləmdir. bəlkə də, deyil. amma düzü, bunu hiss etmək xoşuma gəlir. ilk dəfə bax o gün gözləmədiyim adamların məni düşündüyünü biləndə başa düşdüm ki, fərqində olmasam da, kiminsə həyatında rol oynamışam, kiminsə həyatında butterfly effectinin baş verməsinə mən səbəb olmuşam. ya da olmamışam e, bu da ayrı məsələ. elə bir təvəqqem də yoxdur.

keçən il isə başa düşdüm ki, səhv insanların ətrafındayam. bu il isə heç nəyə fikir vermirəm. səhv insan, düz insan, ciddi insan, qeyri-ciddi insan. nə fərqi var? bir dənə ömürdü, onu da zir-zibillə, aşağı-yuxarı - axır ki, yola veririk də. insan övladı da day belə gəlib, belə də gedəcək, ha ad günün olsun, ha olmasın. sadəcə bu il özümü sevib dəyər verməyimçün atdığım addımlarım təqdirə layiqdi. ən azından, cəhd edirəm. ad günüm mübarək. 4-cü ildir ki, ad günümə in the wake of poseidona qulaq asa-asa girirəm və deyəsən, yaxşı ki, varam.

silinmiş entry.

12 əjdaha! 23.10.2020 23:27, adelchist

#307189 şikayət

sözaltı etiraf

+15 əjdaha

deyirəm müqəddəratın oğraşlığına bax e, sözlük. sənlə tanış olanda abituriyent bir çolpa idim, gərəksiz bir yığın fikirlərim var idi, o qədər özgüvənsiz idim ki, bir entryni yazana qədər üstündə nə qədər baş yorurdum, mən də əjdahalanmaq istəyirdim, o ard-arda əjdahalayan mələyin mənim də profilimə baş çəkməsini istəyirdim. bir də o zamanlar, sən təzə-təzə bomba yazarlarını itirmişdin, başın qarışıq idi, bilmirdin neyniyirsən, kimləri yazar edirsən, arada qaynamışdım, həyatdı da. o vaxtı hələ məsləhətxanada başlıq açanda əlim-ayağıma dolanırdı ki, görəsən, kim nə cavab verəcək, ən önəmlisi isə mən necə cavab verəcəm. çolpaydım da, çolpa.
indi heç vecimə deyil, belə baxıram ki, 4-cü nəsil yazaram, dünya talan olur olsun, nə işim var hesabı özümçün fırlanıram da.
amma yaxşı ki, tanımışam səni, bir bilsən buradan öyrəndiklərim sayəsində neçə yaşıdımla münaqişə edəndə ən düzgün fikir bildirən mən olmuşam. birlikdə böyüdük e sənlə də, valla. nə bilim, böyüyüb qarınlı dayı olacaqsan, sözlük

9 əjdaha! 10.05.2020 17:04, adelchist

#295377 şikayət

ata

+14 əjdaha

vaxtında terapiyaya getmədiyi üçün mənim getməyimə səbəb olan və neçəsə aydır aldığım dəstək sayəsində 1 ay əvvəl hər dəfə bir zəngi, mesajı və sairə ilə günümün içinə pox qoyduğunu anladıqdan sonra mənə qarşı olan sevgisinin şərti olduğunu dərk etməyə məcbur qaldığım insandı. yəni məni şərtlərlə sevən insandı - onun istədiyi kimi olmasam, məni sevgisizliyi ilə cəzalandırmağa hazır olan, məni olduğum kimi qəbul etməyən, qəbul edəcək götə sahib olmayan, mən həyatımı özünə uyğun qurmağa çalışan biridir. insan ayrı da qala bilmir - illərin emosional təcavüzüdür ki, bir az artıq-əksik söz deyən kimi özün pis olursan, amma faktiki olaraq öz sağlamlığın üçün belə ailə fərdlərindən uzaq durmalısan.

13 əjdaha! 18.06.2023 02:38, adelchist

#373991 şikayət

ikinci qarabağ müharibəsi

+14 əjdaha

ikinci qarabağ müharibəsidirsə belə (ki məncə, deyil, 1 ay sonra "sentyabr döyüşləri" kimi xatırlanacaq) yenə öz içimizdən bir-birimizi diddiyimiz hadisədir. kosmopolit, pasifist olanların başına açmadıqları oyun qalmır, hamı bir-birinə zəhər qusur. yalançı şovinistlər whatsapp statuslarında, sosial mediada göstərdikləri tək adamlıq tamaşaları ilə təngə gətiriblər. heç kim ağzının danışığını bilmir və bilmək də istəmir, cəbhədə olanların vəziyyətinə görəmi narahat olaq, ya bu axmaqların yazdıqlarınamı əsəbiləşək, insan seçməkdə çətinlik çəkir. hamı nəsə yazanda elə bil and içib ki, sözləri camaatın 7 qatından keçməlidir, halbuki istifadə olunan kəlmələri daha həssas seçmək olar.

o qədər bəllidir ki, çətinlik, müharibə görməmiş bir nəslin yetişdiyi (97-98-dən sonrasından danışıram). necə davranmalıyıq, bilmirik. ən xırda problemdə belə bir-birimizi boğuruq. bütün dünyada baş verməyibmiş kimi öz taleyindən gileylənənlər var hələ, bəs niyə belə oldu, pandemiya, müharibə dövrünə düşdü gəncliyim. sənin gəncliyinə asqırım, gözlə də iki dəqiqə.

hələ də dəqiq itki sayının açıqlanmaması (biz tərəfdən) dünya miqyasında və müharibə propagandası baxımından yaxşı addımdır, çünki hər insanın məhləsinə uzağı 2-3 şəhid gəlir, digərlərindən xəbərimiz yoxdur, amma media qarşı tərəfin rəsmilərinə istinadən 500-dək yaralı olduğunu deyəndə biz sanki düşünməyəcəyikmi bir 600-ü də bizdə var? deyəsən, düşünməyəcəyik, çünki insanlar şəhid xəbərləri 1-1 gəldikcə orada 15 nəfərin öldüyünü düşünür, həqiqətən də, yüzlərləsinin yox.

bircə şey bilirəm ki, orada həyatını itirən adamların canı hər şeydən üstündür və heyif ki, kimlərinsə kefi belə istəyir, planları belə cızılıb deyə ölənlər onlar oldular.

bununla belə, dünən rusiyadan çıxan yük maşınları iran ərazisi ilə norduzdan ermənistana daxil olur. bir çoxunun güldüyü informasiya müharibəsi məsələsində isə nə qədər geridə qaldığımızı başa salmaq mümkün deyil, çünki bütün rəsmilərin twitter hesablarının reply hissəsində türklərin bizə etdiyi yardımlardan danışılır, rusiya və iranın ermənistana etdiyi yardımdan yox.

bu arada, cənubi azərbaycan adlandırdığımız bölgədə bizim saytlara çıxış məhdudlaşdırılıb. normalda dini əlində bayraq edən bir ölkənin əzəldən xristian olan qonşusuna yardımı gözlərimizi yaşartdı, tolerantlıq burada qazanmalıydı, hə mütləq?

12 əjdaha! 29.09.2020 12:35, adelchist

#305273 şikayət

maskulin qadınlar

+12 əjdaha

bunu qeyd edərək başlayım, hər kəsin özünü hiss etdiyi kimi davranmasından yanayam. ailəmiz, yaşadığımız ölkə kimi, doğularkən cinsimizi də biz seçmirik və bəzən inkişaf etdikcə özümüz haqda kəşf etdiyimiz faktlardan biri faktiki cinsimizlə rahat hiss etmədiyimizdir. hisslərimizin ardınca getmək də alqışlanası hərəkətdir.
bu başlıqda toxunmaq istədiyim mövzu isə sosial ətraf, ailə, cəmiyyət təzyiqi ilə "maskulinləşən" qadınlardır. formatın bəlasını verməyək deyə bir dənə tərif keçək: seçdiyi geyimlərindən davranışlarına, düşüncələrinə qədər kişilərə bənzəyən, el arasında bəzən "kişi qırığı", "kişi qeyrətli qadın" adlandırılan qadınlardır. kişinin qeyrəti ilə qadın qeyrəti arasındakı fərqi mən başa düşməmişəm hələ, amma danışacağım mövzu bu deyil.

müşahidə etdiyim üzrə, maskulin davranmağa özünü məcbur edən, yaxud yeniyetməlik çağlarında yaşıdları qızlardan fərqlənərək oğlanlara bənzəməyə çalışan qadınların çox fərqli tipləri var. bəziləri, həqiqətən, qadın bədənində olmaqdan razı deyilsə, bəziləri sadəcə sosial təsirlərlə maskulin davranmağa başlayıb.

bu müşahidələrimdən ən çox rastlaşdığım tiplərdə ilk pilləyə atası tərəfindən sevilmək üçün uşaqlıqdan özünü belə yetişdirən qadınlar keçir. xüsusən ailədə özündən kiçik qardaş varsa (misalçün yaşı 3-7 aralığında), və atanın fikri daim "evin potensial kişisi" olan oğlundadırsa, qızlar (qardaşı ilə arasındakı yaş çox deyilsə) dərhal diqqət çəkmək üçün qardaşlarının roluna bürünməyə başlayırlar. bazarlıqdan qayıdandan sonra atasının oğluna verdiyi torbaları çəkib almaq, oğlu ilə qol güləşdirən atasını qısqanıb qardaşını itələyərək özünü oyunun tərkibinə daxil etmək, atası hər dəfə oğlunun kompüterdə oyun oynamasından fəxr edərək danışdıqca qızın gələn səfər kompüter qarşısına oturanda maşın oyunları oynamaq istəməsi və sairə. bu nümunələrlə görürük ki, atasının qiymətləndirməsi vecinə olmayan (çünki yaşı o yaş deyil) bir oğlan uşağı bacısının onun yerində olmaqçün nələri qurban verdiyini görmür. ailəsi tərəfindən "böyüdükcə qızlaşar" deyilən qız isə gözlənilən kimi böyüdükcə feminenləşmir, feminenləşirsə belə, bu 30 faiz hallarda baş verir.

ikinci yerdə özündən böyük qardaş(ları olan qızlarımız var.) böyüdülən ailədə böyük ehtimalla, kişinin daha önəmli rol alması, qadının isə yalnız ev işlərini görən, fikirləri alınmayan, iqtisadi azadlığı olmayan bir obyekt kimi var olması həmin ailənin qız uşağına öz cinsinin aciz, dəyərsiz olmağı ilə bağlı bir sıra fikirlər ötürür. testosteron hormonu çox olan belə evlərdə, təəssüf ki, o qız uşağına feminenliyin necə möhtəşəm bir şey olduğu öyrədilməməklə qalmır, onun təxəyyülündə ən ideal varlıqlar kişilər olur. buna görə qardaşının geyimlərini ələ keçirməyi, onlarla məhlədə oynamaq istəkləri bitmək bilmir. bu qızlar, əsasən, böyüdükcə feminenləşirlər. çünki bu, onlarda keçici həvəs olur və əslində, qardaşları böyüyüb əsgərliyə getdikcə, yaxud evdə daha az göründükcə onlar da nə istədiklərini, özlərini necə rahat hiss etdiklərini anlayırlar.

üçüncü yerdə uzun illər ata fiquru görmədiyi üçün özünü ailənin qəhrəmanı olmağa həsr etmiş qadınlarımız var. buradakı alt mətnin emosional olduğunun fərqindəyəm, amma bunları ağlamalı olsun deyə yazmıram, açığı. bu qadınlar, əsasən, üzərinə götürdükləri yüklərlə birlikdə ailənin böyüyü kimi davranmaqdan əl çəkmir və illərlə bunu daşıyırlar. ailədə daşıdıqları məsuliyyətlərdən bezsələr də, buna o qədər alışırlar ki, iş yerində, dostluq münasibətlərində, yaxud romantik münasibətlərdə digər tərəfi "daşıyan" bir partner olmaq talelərindən yan keçmir. buna da öyrəşdikcə bu vəzifə onları rahat buraxmır.

nəhayətində, bu 3 tipdən başqa da maskulin olanda özünü daha rahat hiss edən qadın tiplərində sosial təsirlər, böyüdükləri ailə mühüm rol oynayır. 70 %-nin buna heç fərqində olmadan məcburən adaptasiya olduqlarını demək olar, bəlkə də. həyatlarında müəyyən nöqtədə feminenlikdən utanmamağa və bunu sevdikcə özlərini rahat hiss edəcəklərinə inanclarını artırmağa çalışsalar, hər şey əla olacaq.

oğlanları aşağılayanda "qız kimi olma!", "qız kimi gəzmə", "qız kimi ağlama" sözləri qadınlara da öz töhfəsini verir, amma və lakin qadın olmaq belə təhqiramiz bir şey deyil və heç vaxt olmayıb.
bu başlığı dolduran kimi gedib bir dənə də feminen kişilər başlığı açıb bərabərliyi qorumaq istəyərdim, amma o barədə, təəssüf ki, əsaslı və çoxsaylı müşahidələrim yoxdur.

9 əjdaha! 02.08.2020 22:53, adelchist

#302168 şikayət

azərbaycanın geridə qalma səbəbləri

+16 əjdaha

başı qapazlı millət olmağımızdır. yuxarıda sadalanan hər şeyin səbəbi mənə elə gəlir ki, bundan irəli gəlir. bütün tarix boyu əzilən, başına vurub konfeti alınan bir ölkə və millət olduğumuz üçün özümüzə qarşı inamımız, etiraz edə bilmə qabiliyyətimiz, şikayətimizi dilə gətirmə bacarığımız yoxdur, əziliriksə, buna qarşı səs çıxartmırıq, çünki heç vaxt çıxartmamışıq. biz həmişə bizim axmaqlığımızdan istifadə edən bir qəhrəman gözləmişik ki, o bizi səsləsin, ondan sonra küçələrə tökülüşək (baxma: 1993). bu da öz içimizdə passiv aqressiv olub çölə yaltaqlanmağımıza, içimizdəki aqressiyanı başqaların həyatına paxıllıq eləməklə, ona-buna söz atmaqla, gənclərin həyatını qaraltmaqla çıxarırıq. əyləncəli, xoş, uğurlu həyat yaşayan adamları görməyə gözümüz yoxdu.

tarixdən dərs çıxarmırıq. azərbaycanlıların əksəriyyəti də nə ölkəsini, nə də millətini sevir. kim nə edirsə, ölkəni daha da aşağı batırmaq üçün edir. ona görə də geridə qalmağa məhkumuq.

13 əjdaha! 17.11.2022 14:37, adelchist

#362622 şikayət

sevil beynəlxalq qadın sənədli film festivalı

+11 əjdaha

2020-ci ildən bəri fəaliyyət göstərən gender məsələlərinə fokuslanan sənədli film festivalıdır.

qurucusu aygün rəşiddir. aygün rəşid beynəlxalq mediada lgbtqa+, gender problemləri ilə bağlı yazı və fotoreportajları ilə fəaliyyət göstərir. və yəqin ki, ona görə də bu festivalı gender məsələlərinə işıq tutan filmlərin platforması olsun deyə yaradıb.

bu festivalı digər festivallardan (onsuz da, azərbaycanda 1-2 festival var) fərqləndirən şey həm də regionlarda keçirilməsidir. keçən il "mən bahara layiqəm" şüarı altında 21 film nümayişi keçirib, 5 gün əsas festival tədbirlərini gəncədə keçirib, 12 ustad dərsi təşkil ediblər. əslində, bu rəqəmlər festival üçün, xüsusən də, azərbaycanda olan, dövlət tərəfindən maliyyələşməyən, genderi əsas mövzu təyin edən və regionlarda daim problem və çətinliklərlə üzləşən festival üçün çox güclü rəqəmlərdir.

keçən il festivala 74 ölkədən 414 film müraciəti olub. düzdür, bu say həm də müraciətin pulsuz olması səbəbilə belə yüksəkdir, amma hər halda da.

saytları link

,

film aç-da olan müsahibələri link

,

başqa bir müsahibə link

11 əjdaha! 20.02.2022 16:56, adelchist

#345931 şikayət

10 milyonuncu vətəndaşın doğulması ilə bağlı konsertlərin keçirilməsi

+14 əjdaha

biri var imiş, biri yox imiş, bir gün dərəbəyliyin baş alıb getdiyi azərbaycan adlı yabılar ölkəsində böyük şirkətlərin işləyən beyinləri bir yerə yığılıbmış. yenicə xəbər tutduqları 10 milyonuncu vətəndaş xəbərindən xoşbəxtlikdən göydə uçurmuşlar. birdən bu şirkətlərin ağlına gözəl bir fikir düşübmüş: bu xəbəri virala çevirib qara camaatın patriot və beyinsiz təbəqəsini oyalamaq. bu cibləri və evləri böyük insanlar xalqı öz arxaları ilə çəkə bilmişdilər, amma əsas məsələ 13 yaşlı qızın eyni vaxtda intihar etmiş olmasıymış.
bunu görən digər təbəqədəki insanlar buna qarşı passiv etiraza başlayıblarmış. amma bu, heç bir nəticə vermirmiş.
sonda məktəb direktoru qızın yıxıldığını bəyan edib, insanlar da 10 milyonuncu adamı da, 9 milyondan birini də unudub eyni cürə robotvari yaşayışlarına davam edibmişlər. göydən 3 alma düşdü, hamısı da özümündü.
tərif: xalqın yarısını sevindirib, yarısını təəccübləndirən hadisə.
edit: başlıq üstümə qaldı

12 əjdaha! 08.04.2019 12:55, adelchist

#285085 şikayət

pişik

+12 əjdaha

həyatı gözəlləşdirən şeydi, doğrudan deyirəm.
ən bomba anti-stress varlıqdır. götürürsüz küçədən bir bala. xəstə və bitli, ac, pis gündədirsə, lap yaxşı. götürün, çimizdirin, veterinarına aparın, yedizdirin, həm o balanı qurtarmış olun, həm də özünüzə bala qazanın.
aylıq xərciniz ilk vaxtlar bir az çox ola bilər, çünki qurd dərmanı, bit dərmanı, hətta lap balacadırsa, süd içə bilmirlər deyə daha fərqli şeylər almalı olacaqsınız. bir də ilk 1-2 peyvəndi pul aparacaq, amma ondan sonra hər şey qaydasına düşür.
mənim bu balam ilk balam olduğu üçün və pişiklər haqqında daha əvvəl heç bir fikrim və biliyim olmadığı üçün qorxurdum. həm qorxurdum ki, ona yaxşı həyat təmin edə bilmərəm, həm də qorxurdum ki, infeksiyası daha da ciddiləşər və sairə.
bina blokundan tapdığımız bu balacanı anası atıb getmişdi, həmişə oynadığı bir bacısı gedib gəlməmişdi, qardaşını isə başqa qonşulardan biri götürübmüş.
yəni tək tənha o qaranlıq blokda tanımadığı insanları görə-görə yaşamalı olub bir müddət. sonra qrup yoldaşım onu tapdı və sahibləndirmək istədi, mən də könüllü oldum.
ilk dəfə qrup yoldaşımdan götürüb veterinara aparmaq üçün çantama qoyanda o qədər qorxurdum ki, birdən incidərəm, birdən ağrıdaram deyə, ifadə edə bilmərəm.
sonra veterinara getdik. gördüm ki, gələnlərin hamısı cins pişiklər, cins itlər. sahibləri varlıqlı insanlar, hamısı qəşəng markalı maşınlardan düşüb girirlər içəri. sonra başa düşdüm ki, doğrudan, bu bala ilə bizim çox ortaq nöqtəmiz var.
ikimiz də sadə ailələrdən gəlib sonradan belə yarım-yarımçıq qoyulmuşuq. çox emosional və qeyri-rasional yanaşmadır, bilirəm, amma doğrudan o moment həmin düşüncələrdən az qala oradaca oturub ağlayacaqdım.
nəysə, mənim balacam həm məni 15 dəqiqə idi ki, görürdü, ətrafdakı insanları da qəribə-qəribə izləyirdi, yəqin ki, ağrıları da var idi. çantam kifayət qədər rahat deyil idi, yalnız hava alsın deyə üstünü aça bilirdim.
evdə də onunçün yer düzəltmişdim. biri qumu üçün, biri də özü otursun, yatsın deyə (heç vaxt orada yatmır hələ də).
nəysə, artıq 4 aydır bu balaca mənimlədir. keçən ay pasportunu aldıq, illik peyvəndlərini tamamladıq. 1-2 aydan bir bit dərmanı və qurd dərmanı verməli olacağıq.
özü xasiyyətcə soyuqdu deyə yalnız yatmaq istəyəndə və oyananda yaxınlaşır, özünü sığalladır. bir də mən evdə kompüter başına oturub oyun oynamaq istəyəndə klaviyaturanın yanında oturub oyunuma baxmağı çox sevir.
belə bir varlığın olması sakit, səssiz evdə tək yaşayan adam üçün ilk başlarda çox qəribə gəlir. çünki öyrəşmisən tək əlin, tək başın. öyrəşmisən evdə sakitlik olsun. amma doğrudan da, balaca uşaq kimidi. adam evə getməyə tələsir, qucaqlamağa, öpməyə tələsir.
yemək bişirirsən, gəlir stolun üstündə dayanıb diqqətlə baxır. bişirdiklərini yaxınlaşdırırsan ki iyləsin, iyləyib bəyənməyəndən sonra çıxıb gedir -*
bir sözlə, cins pişiklər gözəldilər, razıyam. amma küçə pişiklərinin üzərində olan naxışlar hətta, bəlkə də, cins pişiklərdən belə gözəl gəlir mənə. anayam, mən obyektiv yanaşa bilmirəm, məni qınamayın.
bir sözlə, pişik sahiblənmək istəsəniz, facebookda, instagramdakı səhifələrdən yardıma möhtac pişikləri götürün, xahiş edirəm. ilk təcrübəsi olan insanlar məsləhət axtarsalar, sevə-sevə bildiyim şeyləri onlarla bölüşə bilərəm.

7 əjdaha! 13.08.2021 17:25, adelchist

#334090 şikayət

homofobik

+10 əjdaha

queerləri dəstəkləsəniz belə, öz davranışlarınız, istifadə etdiyiniz sözlərlə belə fərqində olmadan aid ola biləcəyiniz sifətdir.

daha əvvəl söz6-da bu barədə yazılıbmı bilmirəm.

istəyərək olmasa da, işlətdiyimiz bəri homofobik sözlərdən yazmaq istəyərəm:

biz/onlar bölgüsü: queerlərdən danışarkən "bu, onların həyatıdır. onlar da bizim kimi yaşamağa layiqdirlər" kimi ifadələr və lgbtlərdən "onlar" kimi danışmaq istər-istəməz homofobik bir yanaşma ortaya qoyur. çünki siz queerləri cəmiyyətdən kənarlaşdırmış olursunuz by bölgü ilə.

lgbtqa üzvləri, lgbtqa nümayəndələri: lgbtqa bir təşkilat deyil və geyler, lezbiyanlar, biseksuallar və s. hansısa təşkilat üzvü deyil ki, "lgbt üzvü" deyilsin.

lgbtli fərdlər: lgbt hətta bir ölkə, şəhər, milliyət-filan deyil ki, bu sözə -li şəkilçisi əlavə edək. (bax: lgbtli fərdlərin incəsənət sahəsində daha uğurlu olması həqiqəti)

cinsi azlıqlar: lgbtqa lar cinsi azlıqlar deyillər. onların sayı xeyli çoxdur, sadəcə bir çoxu "out" olmadığı üçün xəbərimiz olmur və dolayı yolla medianın bizə propagandasını etdiyi "cinsi azlıqlar" mövzusu belə bir döngüyə girir. buna "sükut spiralı" nəzəriyyəsini misal göstərmək olar. hansısa şəxs ətrafında özü kimi düşünən insan görmür deyə fikrini səsləndirmir, daha sonra onun kimi bir çox insan həmin hissiyatı keçirərək ictimai fikir dəyişməməyə başlayır. indi mən loru dilində başa saldım. "cinsi azlıqlar" məsələsi də kifayət qədər çox olan lgbtqa ların sayını süni şəkildə azaltmış, mübarizə aparanları görməzdən gəlmiş olur.

qeyri-ənənəvi orientasiya, mavi, üçüncü cins: homofobik yanaşma və ifadələrdir.

ingilis dilində heteroseksuallığı bildirmək üçün istifadə edilən "straight" və "natural" sözləri də homofobik hesab olunur.

7 əjdaha! 08.04.2022 19:40, adelchist

#348427 şikayət

8 mart

+14 əjdaha

zərif olmayan, ana olmaq istəməyən (childfree), ailə qurmaq barəsində düşünməyən, şəhid anası olmayan, xoş gün üzü görməmiş, 14 yaşında evləndirilmiş, qətlə yetirilmiş, döyülmüş, alçaldılmış, qız övlada hamilə olduğu üçün xor görülmüş, təhsildən yayındırılmış, qaynana hökmranlığına boyun əyməyə məcbur qalmış, hər hansı bir səbəb görə boşanmış qadınların da günüdür.

13 əjdaha! 08.03.2022 18:49, adelchist

#346867 şikayət

musiqi jurnalistikası

+10 əjdaha

dünyada bu boyda "billboard"ların, "rolling stone"ların, "clash"ların var olduğu təqdirdə azərbaycanda mövcud olmayan anlayışdır.
musiqi jurnalistikası başqa bir deyimlə musiqi tənqidi də anlanır və musiqini sevən jurnalistlərdən çox, vaxtı ikən musiqi ilə məşğul olmuş insanların yiyələndiyi peşədir.
yuxarıda sadaladığım jurnallara daha çoxunu misal vermək olar və bunu da qeyd etmək lazımdır ki, 80-ci illərdə türkiyədə də musiqi sektorunu bir-birinə vuran musiqi jurnalı olub o da "blue jean".
fanzin, jurnal, qəzet keçmişi o qədər də parlaq olmayan (klassikləri, 18-ci əsrin sonu, 19-cu əsrin əvvəllərindəki babalarımızın yaratdığı jurnal/qəzetləri kənarda tutaraq deyirəm) bir ölkə üçün musiqi jurnalistikası da xəyala yaxın bir şeydir.
hətta məhz buna görə də radiolarımızın heç birində janr bölgüsü görmək mümkün deyil. günorta xalq mahnıları verən aztv (105.0) gecə 5-də michael jackson verir. musiqi tənqidçisi, dolayı yolla janr bölgüsünə tabe tutulmuş radio sistemi olmayan bir ölkə üçün də standartdan üstün musiqi sektoru gözləmək bir az ağrılıdır. azərbaycan ölməyib, amma nəsə pis iy verir

5 əjdaha! 02.05.2020 01:02, adelchist

#294863 şikayət

hər şeyin pisə doğru getdiyinin anlaşıldığı anlar

+9 əjdaha

fevralda "yəqin, başım qarışıqdı, düzələrəm" deyə düşünüb artıq 11 aydır mental sağlamlığının düzəlmədiyini və hətta sözün əsl mənasında fiziki olaraq da tək qaldığın üçün bunun get-getə pisləşib dərinləşdiyini dərk etdiyin andır.

7 əjdaha! 23.12.2020 01:18, adelchist

#314188 şikayət

söz6 sözlüyü diriltmək üçün edilə biləcəklər

+9 əjdaha

söz6 sözlüyü diriltməkdən əlavə, həm də yeni gələnlərə buranın yazılmamış qaydasını (adam olmaq) başa salmaq üçün istənilən mizoginist, seksist başlığa feminist entry yazmaqdır. son entrylərimə baxıb birdən anladım ki, özüm də bilmədən bunu edirəm. artıq nə etdiyimi bilirəm, ona görə də istənilən hörmətsiz başlığa aqresiv feminist kimi yazmağa davam edəcəm. ümid edirəm, digər sözlükçülər də eyni şeyi etməyə davam edər ki, söz6 sözlük facebookdakı "bizim mentalitet" səhifəsindən fərqlənə bilsin.

9 əjdaha! 12.06.2022 13:20, adelchist

#351486 şikayət

yazarların həyat prinsipləri

+9 əjdaha

1. insanlar düzələn deyil, əsəblərini korlama.
2. 'zəhmət olmasa', 'təşəkkürlər', 'çox sağolun', 'əlbəttə' deməkdən və gülümsəməkdən heç kəs ölməyib. kobud insanları kübarlıqla utandır.
3. insanlar gəlib-gedir, əsas olan ağlında həkk olunan məlumatlar və oxuduqlarındır. çoxlu oxu.
4. həyatdı da yaşayıb gedirsən, heç olmasa maraqlı yaşa.

9 əjdaha! 07.07.2016 15:17, adelchist

#220530 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

adelchist

son bəyənilənlər:

oxuyucuların bəyəndikləri: