bu gün saat 3 radələrində ermənilər tərəfindən twitterdə adına saxta profil yaradılan 
nazirlikdir. bunu deyən "apa", "report"dur deyə adamın inanmağı da gəlmir, hal-hazırda profil şübhəli hesab olunub bağlandığına görə baxmaq olmur.
blok başlıqlarını gizlət
Notice: Undefined variable: thisuser in /var/www/soz6/profilson.php on line 166
bəxtimdən həmin an ursula k. le guin oxuduğum üçün "ruh" adlı mahnılarıyla birgə möhtəşəm duo olmaqları bəs etmirmiş kimi (cümlə hələ də uzanır, fərqindəsinizsə), sırf bu duoya görə həmin həftə özümü dünyadan təcrid etməyimə səbəb olan qrupdur. o həftə mənimçün bu illər ərzində keçirdiyim ən möhtəşəmi idi.
(youtube: 
)
)
"qoymazsız da özümüzü bir az sərbəst hiss edib içimizdəkiləri tökək" dediyim və var olduğunu düşünmədiyim istəkdir.
bunu qeyd edərək başlayım, hər kəsin özünü hiss etdiyi kimi davranmasından yanayam. ailəmiz, yaşadığımız ölkə kimi, doğularkən cinsimizi də biz seçmirik və bəzən inkişaf etdikcə özümüz haqda kəşf etdiyimiz faktlardan biri faktiki cinsimizlə rahat hiss etmədiyimizdir. hisslərimizin ardınca getmək də alqışlanası hərəkətdir.
bu başlıqda toxunmaq istədiyim mövzu isə sosial ətraf, ailə, cəmiyyət təzyiqi ilə "maskulinləşən" qadınlardır. formatın bəlasını verməyək deyə bir dənə tərif keçək: seçdiyi geyimlərindən davranışlarına, düşüncələrinə qədər kişilərə bənzəyən, el arasında bəzən "kişi qırığı", "kişi qeyrətli qadın" adlandırılan qadınlardır. kişinin qeyrəti ilə qadın qeyrəti arasındakı fərqi mən başa düşməmişəm hələ, amma danışacağım mövzu bu deyil.
müşahidə etdiyim üzrə, maskulin davranmağa özünü məcbur edən, yaxud yeniyetməlik çağlarında yaşıdları qızlardan fərqlənərək oğlanlara bənzəməyə çalışan qadınların çox fərqli tipləri var. bəziləri, həqiqətən, qadın bədənində olmaqdan razı deyilsə, bəziləri sadəcə sosial təsirlərlə maskulin davranmağa başlayıb.
bu müşahidələrimdən ən çox rastlaşdığım tiplərdə ilk pilləyə atası tərəfindən sevilmək üçün uşaqlıqdan özünü belə yetişdirən qadınlar keçir. xüsusən ailədə özündən kiçik qardaş varsa (misalçün yaşı 3-7 aralığında), və atanın fikri daim "evin potensial kişisi" olan oğlundadırsa, qızlar (qardaşı ilə arasındakı yaş çox deyilsə) dərhal diqqət çəkmək üçün qardaşlarının roluna bürünməyə başlayırlar. bazarlıqdan qayıdandan sonra atasının oğluna verdiyi torbaları çəkib almaq, oğlu ilə qol güləşdirən atasını qısqanıb qardaşını itələyərək özünü oyunun tərkibinə daxil etmək, atası hər dəfə oğlunun kompüterdə oyun oynamasından fəxr edərək danışdıqca qızın gələn səfər kompüter qarşısına oturanda maşın oyunları oynamaq istəməsi və sairə. bu nümunələrlə görürük ki, atasının qiymətləndirməsi vecinə olmayan (çünki yaşı o yaş deyil) bir oğlan uşağı bacısının onun yerində olmaqçün nələri qurban verdiyini görmür. ailəsi tərəfindən "böyüdükcə qızlaşar" deyilən qız isə gözlənilən kimi böyüdükcə feminenləşmir, feminenləşirsə belə, bu 30 faiz hallarda baş verir.
ikinci yerdə özündən böyük qardaş(ları olan qızlarımız var.) böyüdülən ailədə böyük ehtimalla, kişinin daha önəmli rol alması, qadının isə yalnız ev işlərini görən, fikirləri alınmayan, iqtisadi azadlığı olmayan bir obyekt kimi var olması həmin ailənin qız uşağına öz cinsinin aciz, dəyərsiz olmağı ilə bağlı bir sıra fikirlər ötürür. testosteron hormonu çox olan belə evlərdə, təəssüf ki, o qız uşağına feminenliyin necə möhtəşəm bir şey olduğu öyrədilməməklə qalmır, onun təxəyyülündə ən ideal varlıqlar kişilər olur. buna görə qardaşının geyimlərini ələ keçirməyi, onlarla məhlədə oynamaq istəkləri bitmək bilmir. bu qızlar, əsasən, böyüdükcə feminenləşirlər. çünki bu, onlarda keçici həvəs olur və əslində, qardaşları böyüyüb əsgərliyə getdikcə, yaxud evdə daha az göründükcə onlar da nə istədiklərini, özlərini necə rahat hiss etdiklərini anlayırlar.
üçüncü yerdə uzun illər ata fiquru görmədiyi üçün özünü ailənin qəhrəmanı olmağa həsr etmiş qadınlarımız var. buradakı alt mətnin emosional olduğunun fərqindəyəm, amma bunları ağlamalı olsun deyə yazmıram, açığı. bu qadınlar, əsasən, üzərinə götürdükləri yüklərlə birlikdə ailənin böyüyü kimi davranmaqdan əl çəkmir və illərlə bunu daşıyırlar. ailədə daşıdıqları məsuliyyətlərdən bezsələr də, buna o qədər alışırlar ki, iş yerində, dostluq münasibətlərində, yaxud romantik münasibətlərdə digər tərəfi "daşıyan" bir partner olmaq talelərindən yan keçmir. buna da öyrəşdikcə bu vəzifə onları rahat buraxmır.
nəhayətində, bu 3 tipdən başqa da maskulin olanda özünü daha rahat hiss edən qadın tiplərində sosial təsirlər, böyüdükləri ailə mühüm rol oynayır. 70 %-nin buna heç fərqində olmadan məcburən adaptasiya olduqlarını demək olar, bəlkə də. həyatlarında müəyyən nöqtədə feminenlikdən utanmamağa və bunu sevdikcə özlərini rahat hiss edəcəklərinə inanclarını artırmağa çalışsalar, hər şey əla olacaq.
oğlanları aşağılayanda "qız kimi olma!", "qız kimi gəzmə", "qız kimi ağlama" sözləri qadınlara da öz töhfəsini verir, amma və lakin qadın olmaq belə təhqiramiz bir şey deyil və heç vaxt olmayıb.
bu başlığı dolduran kimi gedib bir dənə də feminen kişilər başlığı açıb bərabərliyi qorumaq istəyərdim, amma o barədə, təəssüf ki, əsaslı və çoxsaylı müşahidələrim yoxdur.
var-yoxsuz, xaotik 6 aydan sonra ümid bəslədiyim, bel bağladığım aydır. xüsusən, bu gün mənim üçün çox önəmlidir, çünki illərdir həyata keçirmək istədiyim layihənin ilk addımını atacağıq. ya batacaq, ya çox yaxşı nəticələri olacaq. batsa, avqust ərzində yavaş-yavaş işləri geri çəkirik; uğurlu olsa, avqust ayında keçən ayın 3 qatı çox işləyirik. kritik momentdi, kritik aydır. ölməsək, yaşasaq, gələn il bu entryni görüb sevinim deyə də ultra ümid edirəm.
edit: gənclər, işimiz 3-4 saatda dəhşət çox dəstək, tərif, təbrik aldı. bundan sonrası asandı. 1 avqustu bağrıma basıram
deputatlarına bayramla bağlı aylıq maaşdan əlavə 549 manat verilən orqan. nuş eləsinlər, il boyu çox işləyirlər, xalqın dərdini düşünməkdən saralıb-solublar.
dünən "Azerbaijan’s president aims to finish off the political opposition" adlı məqalələri ilə bizim müəllimi sərt tənqid etmiş qəzetdir. sosial şəbəkələrdə oxuma alışqanlığı olmayan tiplərin yersiz aqressiyasını görə bilərsiniz,əsəbdən partlayırlar ki, bu qədər əfsanəvi qəzet necə onların əleyhinə yazı yazıb?! bunların müəlliminə elə bil söz demək olmaz.
ümumilikdə qəzetin özünə baxası olsaq, amerikada əsasının qoyulması onu müstəqil etmir, qərəzsiz heç etmir. qərəzli, ancaq şərqə qarşı propaqanda aparan mətbuat orqanlarından biridir.
türkiyəni bir az daha avropaya yaxınlaşdıran, gender bərabərliyi və şiddət məsələlərinə fokuslanan, əslində, əzilənin yanında olan bir müqavilədir. bizdə də polislərin etdiyi kimi, əgər bir qadın ailədaxili zorakılıqdan şikayət etməyə gəlirsə, artıq istanbul sözləşməsi polisin bu məsələyə "hər ailədə olur, uşaqlarınız var, lazım deyil" yanaşmasını qadağan edir. konvensiya yalnız evli qadınları ailədaxili zorakılıq halında deyil, hər bir qadına qarşı istənilən münasibət müstəvisi üzərində göstərilən şiddətə qarşı şərtlərlə müdafiə edir. iqtisadi zorakılığa qarşı mübarizə şərtlər daxilindədir.
müqavilənin akp hələ də hakimiyyətdə olarkən 2012-də təsdiqlənməsinə baxmayaraq, yenə akp dövründə türkiyə rəsmiləri tərəfindən müqavilədən çəkilməsi müzakirə edilir. bu qədər təcavüz, cinayət halı var ikən istanbul konvensiyasından çəkilmə məsələsinin müzakirə edilməsi belə ağlabatan deyil. ya kor olmalısan, ya da kar.
bu barədə xarici məşhur qadınlar #istanbulSözleşmesiYaşatır, #istanbulconventionkeepsusalive, #istanbulconventionsaveslives, #ChallengeAccepted kimi heşteqlərlə birlikdə türk qadınlarının mübarizəsinə dəstək üçün ağ-qara şəkillər paylaşmağa başlayıblar. qərb mediası sevinir, dünya türkiyənin yobazlıqlarını daha açıq şəkildə anlayır, bir tərəfdən də qadınların dəstəyi - xüsusən qlobalda - sevindiricidir. düzdür, instagramda 60 nəfər izləyicisi olan insanın ağ-qara şəkil paylaşması, inanmıram ki, nəyisə dəyişdirə amma, Christina Aguilera, Emmy Rossum, jennifer aniston, Cobie Smulders paylaşırsa, ehtimallar 1 faiz də olsa, artır.
bu gün 72-ci mükafat mərasimi üçün öz namizədlərini açıqlamış və palaz boyda kateqoriyaları ilə siyahıya baxanda zaman məfhumunu unutduğumuz mükafatdır. digər mükafatlar kimi, bu mərasimin də dişli keçəcəyini indidən praqnozlaşdırmaq olur. xeyli uğurlu başlamış "watchmen" 26, "The Marvelous Mrs. Maisel" 20, "Succession" və "Ozark" 18, "Schitt's Creek" və "The Mandalorian" isə 15 kateqoriya üzrə mübarizə aparır.
2019-2020 üçün qlobal müstəvidə izləyənlərinin 18-22 yaş aralığında olan hər birini depressiya burulğanına sürükləmiş "Euphoria" Zendaya ilə birlikdə "ən yaxşı dram aktrisası" üzrə yarışır.
adını eşitməkdən bezdiyimiz "Unorthodox" "ən yaxşı mini serial" üzrə yarışacaq, məncə, ondan yana xeyli şansı var.
20 sentyabrda qaliblər öz yerini tapacaq, ona qədər səbirsizlənirik.
qoy hələlik yazım bunu, sonra 2-3 il sonradan yenidən editləyərəm. demək əzizim çolpa özüm, mən sənə bunları yazanda 17-dən bir az böyümüş hesab edirəm özümü, əslində, artistliyə ehtiyac yoxdur, həqiqətən də belədir, amma bu illərdə etdiyin dəyişikliklər möhtəşəmdi, hələ çox yol qət etməmişik, amma sənlə qürur duyuram. ayağa qalxırsan, sənə inanmayanlara işlərinlə cavab verirsən, qəlbini qırmış bir çox insanın mədəni şəkildə sikdir edirsən, əvvəl səninçün ən önəmli insan olanlar belə vaxt gəlir vecinə olmur, onda yenə başa düşürsən ki, bu dünyada səndən önəmli heç nə yoxdur. bu arada, bacara bilməyəcəyin də heç nə yoxdur. gələcək illərdə bir əldə 8 qarpız tutmağı öyrənəcəksən, ona görə də 17 yaşında heç nəyə görə tələsmə, heç nəyə görə özünü aşağı, alçaq hiss eləmə. badassin yekəsisən, ona görə ki, vaxt gəlir necə əjdaha olduğunu özün-özünə deyirsən. ola bilər ki, çox insan olan ortamlarda yenə özünə xeyrin dəymir, yenə öz pr-nı apara bilmirsən, işlərindən çox danışmırsan, amma əsas odur özünə qarşı sevgin, hörmətin artıb, heç kimin qəlbini qırmağına icazə vermirsən. bir sözlə, sən böyüyüb böyük adam olacaqsan, eşitdin?! ona görə hələki kef elə, dərsə get-gəl, yaxşı insanlar tanı, onlardan bərk yapış, qəlblərini qırma. öpürəm.
dəqiq tarix yadımda deyil, amma bir neçə il əvvəl sözlüyə, ümumiyyətlə, lap az adamın yazdığı bir dönəm olmuşdu, deyəsən, onda bütün modlar passiv idi, burada olan 1-2 moddan biri uber idi və yeni nələrsə etmək istəyirdi sözlük üçün. layihələri, düzəliş etmək istədiyi çox sahə var idi.
mənə elə gəlir, sözlük üçün çalışan insanların içində ilk 5likdə mütləq yer tutardı. kimlə nə davası olub, nə münaqişə olub, bilmirəm, bilmək də istəmirəm, amma adekvat yanaşsaq, çox əziyyət çəkib. və heç vaxt köməyini əsirgəməyib. odur ki, nikaltıda getməyi ilə bağlı yazılar görüb təəssüfləndiyim mod-yazardır.
elə bilirdim ki, təyyarəylə harasa getmək o deməkdir ki, bütün ölkələr üst-üstə düzülüb, təyyarə yuxarı qalxır axı. yəni azərbaycanın səması bitdiyi yerdə rusiyanın torpaqları başlayır, misalçün. ölkələr üst-üstə düzülüb. o vaxtı coğrafiya nədir bilmirik axı, bir allahın qulu da qırağa çəkib başımıza ağıl qoymur ki, xiyar, nə danışırsan?
daha sonra elə bilirdim ki, bir məhlə marketinin şüşələrində hansı reklam varsa, yalnız o məhsullar satılır. mamagil məni çörək almağa göndərirdi səhər-səhər, baxırdım ki, marketin üzərində çörəklə bağlı reklam, yaxud poster yoxdu, heç marketə girmədən evə qayıdırdım ki, çörək bitib.
gülməli olan hadisə. "hörmətli-izzətli" adamlar adlandırdığım 1-2 (ölkə üzərində) adamlar bu siyahını paylaşıb həmkarlarını təbrik edir və dolayı yolla deyir ki, bəs mən? altda da fanatkaları yazır ki, bəs azərbaycanda jurnalistika anlayışı mənim üçün sizin adınızla bağlıdır, siz üstadsız-zad, statusu paylaşan jurnalist də bunu oxuyur oxuyet eliyir ki, aybla gör mən nəyəm də. bundan sonra da həmin jurnalist yazır ki, mənim -caps lock- ən böyük mükafatım -caps lock- sizsiniz, əzizlərim, var olun. bununla da bir milli mətbuat günü bitir gedir.
əsasən, "courage of others" albomu ilə tanınan qrup. 2010-cu ildə çıxan albomu "pitchfork" 3.6 kimi qiymətləndirsə də, qələt edirlər, başlarını daşa döyürlər, əvvəlcə, midlake yaradıcılığının, daha sonra isə indie-rock, alternative-rock janrının ən yaxşı işlərindən biridir. mən bunun üçün dirəşərəm. çünki midlake-in arada-dərədə ayağının büdrədiyi bir country, folk çökəkliyi var, xəfif-xəfif onu hiss etmək olur və sözlərindəki orijinallığa görə 3 dənə sözü yan-yana eşidib midlake mahnısıdır deyə bilərsən. bir də burada vokalist işini vurğulayaq. səsinin tonu bir tərəfə, sözlərə yanaşma tərzi başqadır.
albomu həftələrcə depressiv günlər yaşamağıma səbəb olan "acts of man" mahnısı ilə tanımışam, amma sonradan gələn "core of nature" albom haqqında fikirlərimi geriyə itələməyib ki, əksinə bütün mahnılarını dinləməyə həvəsləndirib. "on repeat" playlistimdə 7 dənə midlake mahnısı var, 6-sı bu albomdandır.
və hətta gəlib burada başlığının boş olduğunu görəndən sonra saat 05:04-də heç kimə lazım olmayan fikirlərimi yazacam, həyəcanlıdı ehehe.
albomun vizitkartı funksiyasını daşıyan "acts of man"lə, onun yolunu davam etdirən "winter dies"la, və dalbadal "small mountain", "core of nature" ilə albom çox yaxşı addımlarla yaxınlaşır dinləyicisinə.
bir çox resenziyalarda yazıblar ki, bəs bu albomu digər albomlarından heç nə ilə fərqlənmir və yadda qalan heç nəyi yoxdur. sizi ruhsuzlar, sizi! yadda qalan olması üçün nə etməlidir ki, bu qədər duyğulu iş görürlər, gözünüzdən gəlsin. hələ o "rolling stones", düzdü, resenziyanı tapa bilmədim, amma 5, ya 6 bal vermişdi, populist qudurğan.
"rulers, ruling all things"də də "I only want to be left to my own ways, The rulers of one leaving all things undone" deyərək kədər, qəm-qüssə, intriqa-filan beşmekan. və "children of the grounds", "bring down".
deməli bir nəfər üçün albomdan 7 favori mahnı çıxa bilirsə, bu albom "vasat" sayıla bilməz də hər halda. gedim bir az da başqa yerdə "pitchfork" haterlığı edim. midlake-ə yenə qayıdıb bu başlığa nələrsə əlavə etmək çox istəyərəm.
müsahibə almaq üçün zəng edən müxbirə "bu nə sualdır, sən allah? başqa mövzu yoxdur? bu saatda adama sual verərlər? sabah zəng elə leyla abdullayevadan soruş" deyən nazirimiz. freelance işlədiyi üçün evində rahatlıq tələb edir, ona da icazə yoxdur. bu arada "sən allah" kimi xalqdan ifadələr işlətməyi məni kövrəltdi. sonra da deyirsiniz ki, dilimizə hakim deyil
"eşşəyi öldü" deyə biləcəyimiz xarici işlər naziri. belə ki, "Prezident ilham Əliyev: Ayın 12-də hadisələr baş verəndən sonra mən Xarici işlər nazirini tapa bilmədim"
dünyanın ən pasifist insanı olsa belə, çox adamın qarabağ məsələsinə və cəbhədəki gərginliyə diqqət çəkməli olduğunu düşündüyüm gündəmdir.
açığı, mən də müharibə üçün ölmürəm və ümumiyyətlə, valideynimin "şəhidlik zirvəsinə ucalması" istəklərim içində deyil. amma informasiya müharibəsi çox sürətlə gedir. "the new york times"ın qərəzli xəbərləri erməni lobbiçiliyinin gücündən xəbər verir.
ona görə twitter kimi güclü platformada nə də etməsək, reallıqlardan danışmaq olar. bunu bir fikirləşin.
yürüş iştirakçılarının milli məclis binasına daxil olduğunu göstərən bir sıra "müxalif" media qurumlarına qarşı düzgün düşünə bilməyən insanlar tərəfindən nifrət yaranan yürüşdür. hamı meydantv-ni günahlandırır ki, bəs niyə bu görüntüləri çəkdiniz, verdiniz, niyə paylaşdınız və sairə. biri də düşünmək istəmir ki, ay xiyarlar, lap birinci pro-dövlət kanalının binası 10 metr o yanda ikən və böyük ehtimalla, ən az 5-6 gecə növbəsi müxbiri orada olduğu halda biri də çıxıb yürüşdən standup eləmədi. sözsüz, onlara bu əmri kimsə verməliydi, başqa cür haqları yox idi. yaxud çox sevdiyiniz digər kanallar. əlbəttə ki, verə bilməyəcəkdilər, kim obyektivlik, qərəzsiz yanaşma, şəffaf xəbərçilik axtarır ki? əsas media qurumlarına bir söz deyən yoxdur, hamı axışıb digərlərinin üstünə. hamı öz işini görsəydi, insanlar meydantvnin, azadlıq qəzetinin, yaxud adı belə tanınmayan səviyyəsiz media orqanlarının canlılarına baxmağa məcbur qalmazdı və ümumiyyətlə, heç veclərinə də olmazdı.
facebookda paylaşılan bir statusda yazdığı kimi: "Saat 2:17 üçün televiziya kanallarımızın mənzərəsi
ARB - film "Qartal ovçusu"
Real tv - günortadan təkrarlanan xəbərlər
Xəzər tv - film "Asfaltbasan"
ATV - film "Xaç atası"
Space tv - yayım dayandırılıb
ictimai tv - sənədli film "Heydər Əliyev"
idman tv - idmandan təkrar süjetlər
Mədəniyyət tv - Konsert "Paris 2013-cü il"
AzTv - "Koronavirus info""
uşaq ticarəti ilə məşğul olduğu ilə bağlı teoriyalar çıxan mebel şirkəti. reddit istifadəçiləri düşünür ki, ütopik qiymətə (misalçün 7 milyon dollarlıq şkaf) satılan məhsulların kodları və adları şübhə doğurur: "birinci, niyə 7 milyon dollara şkaf satılır? ikincisi, həmin şkafın adları bizim tanış olduğumuz insan adlarıyla adlandırılıb? üçüncüsü, adlandırılmış məhsul 7 milyon dollara ikən niyə eyni məhsul adlandırılmamış versiyada lap ucuz qiymətədir? dördüncüsü, nəyə görə məhsulların adların həmin dövrdə itkin düşmüş uşaqların adları ilə eynilik təşkil edir?"
və suallar daha da çoxalır. bu teoriyaların axmaqlıq silsiləsi olduğunu, yoxsa reallığı əks etdirdiyini təxmin etmək çətindir. nə qəribədir ki, bu boyda həngamə və gün ərzində minlərlə tvitə rəğmən #wayfair heşteqi twitterdə TT-ə çıxa bilmir. və yenə nə qəribədir ki, Facebookun "Fact check"inə əsasən, bunlar yalandır və Facebook özü belə bu söhbətin nəyə əsasən yanlış iddialardan ibarət olduğunu açıqlamır. hətta hillary clintonun da adı keçən bu məsələ 2 gündür türkiyədə oxşar hadisələrin olduğuna diqqət çəkir. trendyol da sən demə bu şirkətlərdən biri ola bilərmiş, çünki yenə mebellər satıldığı halda, mebelin descriptionunda sadalanan detallar uşaq bədəni, boyudur. buradan yola çıxsaq, trendyolun belə iş bacaracağına inancım yoxdur. ona görə ki, göstərilən qız uşağı/oğlan uşağı yaşları, boyları, bədən ölçüləri tamamilə eynidir nisbətlə götürəndə. yəni real bir şəxsdən söhbət getmir, dünya standartlarında olan ölçülər yazılıb və bunun sistemə səhvən vurulması reallığı ola bilər.
amma insanları təşvişə salan budur ki, bu mövzular gündəmə gəldikdən bu yana wayfair/trendyol sürətlə həmin məhsulları saytdan yığışdırır.
bir başqa teoriyanı da atım. demək heç də yaxşı olmayan sənət əsərləri/əl işləri də xeyli uçuq qiymətlərə satılır. bura qədər okaydir, fəqət həmin əsərlərin üzərində olan loqolar FBI tərəfindən aşkar olunmuş pedofiliyaya xidmət edən insanların bir-birilərini tanımaq üçün istifadə etdikləri loqolarla oxşarlıqları var.
mən hər şeyi lakonik danışdım. indi floodları yerləşdirirəm. siz oradan zad edərsiniz.
flood 1
flood 2
bir başqa flood
bu da sonuncu tapdığım
Notice: Undefined variable: user_id in /var/www/soz6/sds-themes/vengeful-light/profile.php on line 1336
blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343