adtapabilmedim


707   4   0   0
adtapabilmedim 5.nəsil yazar
reytinq xalı: 1351
karma xalı:174
entry sayı:707
izləyənlər:2
sifariş sayı:14

son yazdıqları| | əl əməyi göz nuru| favori seçdikləri| favori seçilənləri| bütün entryleri| saxlanılanlar| lövhə/blog
desiring a thing cannot make you have it.

house of cards 6'cı Sezon, serialın finalı olacaq. Netflix artıq final sezonun trailer'ini yayınlamağa hazırlaşır. 6'cı sezon kevin spacey olmadan çəkilən ilk və son house of cards sezonu olacaq.
Son sezonda əsas rolu frank underwood'un yoldaşı claire underwood (robin wright) üstlənəcək. Netflix, kevin spacey haqqında çıxan xəbərlərə görə onu 6'cı sezondan xaric etmişdi.
Lakin house of cards'ın finalından sonra netflix, yan xarakterlərdən ibarət spin-off çəkməyi planlaşdırır. Spin-off'da baş rolu underwood'un köməkçisi Doug Stamper üstlənə bilər.
three billboards outside ebbing, missouri Filmin klassik oscar'a namizəd overrated film olduğunu zənn edərək izləməyə başladım. Frances McDormand'ı görəndə düşündüm ki, bu film də fargo kimi olacaq. Klassik cinayət, sonra da qisas və s...
Bu film qisas filmi deyil. Ədalət, qisas, irqçilik kimi məsələlərə toxunan bir filmdir.

--spoiler--

Qızını zorlayaraq öldürən bir qatili tapmaq istəyən ana; tapıla bilməyən bir qatil; irqçi, vecsiz polislər, və birdən birə ortalığa çıxıb günahkar kimi görünən bir qatil tipləməsi.
Diqqət çəkən nöqtə heç kimi saf olmamasıdır. Qızına "yolda səni zorlasalar yaxşı olar" deyən bir ana; irqçi polis; vecsiz bir ata. bu cəhətdən film reallığı əks etdirir. Həyatda da belədir heç kim tam saf yaxşı və ya tam pis deyil.
Ortaya çıxıb mildrey'i təhdid edən bir əsgər əvvəlcə qatil kimi görünür. Amma sonradan "qumlu bir yerdə" xidmət etmiş bir əsgər olduğu ortaya çıxır. Əsgər əslində bir qızı zorlamışdı böyük ehtimalla iraq'da və ya əfqanıstan'da. Sonda qatili tapa bilmirik ya da qız zorlamış əsgərin acı içində ölümünü görə bilmirik. Həyat da belədir; bəzən hər şeyin üstü açılmır. Sonluq bir az da insana "ala iki saatdır baxıram ən azından cındır əsgərin ölümünə baxardım ən azından," dedirtsə də yenə də mükəmməl sonluq idi.

--spoiler--
a haber (bax: aztv)
akp'nin təbliğat maşını. azərbaycanın aztv'sinin daha radikal versiyasıdır. bütün günü "ameriganın oyunları", "ameriga teröre destek veriyor", "avrupa birliği çöküyor" tərzində xəbərlər verərək əhalinin nisbətən cahil təbəqəsini akp hökümətinin uğuruna inandırmağa çalışır.
Az əvvəl abş ilə bağlı belə bir xəbər verildi:
"amerika'da ipini koparan silah alıyor. herhangi bir kısıtlama yok. amerikalılar silahları seviyor. silah sesleri duymak sıradan bir şey..."
dəhşətlisi isə buna həqiqətən də inanıb, "erdoğan amerigaya posta koyuyor" deyən tiplər var.
true detective 2'ci sezonun 6'cı seriyasında friends'in adı keçir. Ray velcoro'nun oğlu tv'də friends'ə baxmaq istəyir. Velcoro oğluna "20 il əvvəlki serial deyil o? Əvvəlki sevgilim ona baxırdı," deyir. Tv'də rachel və monica'nın da səsi eşidilir amma görüntü verilmir.
Bu arada bu seriyada həm də eyes wide shut'dakına bənzər kütləvi seks səhnəsi də var.
friends An etibarilə 10'cu sezonun son bölümünü də bitirdim. Söz vermişdim ki, bitirənə kimi serial haqqında heç nə oxumayacam. Finaldan sonra həmən söz6'nı açıb başlığa girdim amma sözlükdəki entry sayısı məni üzdü. Yəni, heçmi təsir etmədi bu serial sizə? Nə isə.
Serial haqqında ümumi şeyləri yazmayacam onsuz hamı bilir.
çox çətinlik yaşadığım Oktyabr ayında heç də istəməyərək izləməyə başladım. Çox da gözləntim yox idi açığı, amma gəl gör ki... nifrətlə dolu olduğum, hər şeyi vurub sındırmaq istədiyim anlarda belə bu serialı izləyərək gülməyi bacardım. Kofedən içdim, 'cicibebe'dən yedim "friends"i izləyərkən. Chandler'ın iynəli zarafatları, joey'nin qızlarla münasibətləri, rachel'ın gözəlliyi, monica'nın mükəmməllik xəstəliyi, phoebe'nin mahnıları və ross'un 'dinazorları' kimi şeylərlə əyləndim. Bərbad həyatıma rəng qatdım. Özümü 7'ci dost hesab etdim, xəyal dünyamda rachel'ı sevdim, chandler'ın zarafatları ilə əyləndim, phoebe'nin mahnılarına 'central perk'də qulaq asdım, ross'a qadınlar haqqında məsləhət verdim, joey ilə qız tutdum, monica ilə ev təmizlədim... həyatımda heç vaxt "dost" deyəcəyim insan olmamışdı, friends'i izləyənə qədər amma indi 6 dənə dostum var. Məni heç vaxt yarı yolda qoymayacaq, əsl dostlar. Giriş mahnısını eşidəndə qəribə şəkildə sevinirəm, oynamaq gəlir içimdən yəni o qədər sevirəm. Hər bir seriyasını sıxılmadan, "axı niyə bu qədər tez bitdi?!" Deyərək izlədim. Kaş real həyatda da insanın belə dostları ola, amma dünya bu qədər saf, təmiz ola bilməz.
Bütün xarakterləri sevirəm. Amma favorim chandler'dır. Mükəmməl zarafatları məni öldürür gülməkdən. Sonra isə rachel gəlir hansı ki, kaş belə bir sevgilim ola dediyim. Jennifer aniston'u aktrisa kimi sevməyimə səbəb olmuşdur. Yaşlansa da belə yenə gözəldir.
Phoebe isə ayrı bir dünyadır, qəribə yaşam tərzi, fərqli mahnıları, gülüşü... əfsanə!
Joey'nin gecə yatıb sabah xatırlamadığı qızları, monica'nın təmizlik xəstəliyi... ax, kaş sonsuza qədər davam edərdi bu serial...
ən favori seriyam hansı ki gülməkdən gözümdən yaş axmışdı: sezon 1, seriya 7 olan the one with the blackout'dur.
true detective ilk sezonunu hər həftənin 2'ci günü izləyirdim. Həftədə bir seriya izləyəndə daha maraqlı olur, seriyaları üzərinə düşünmək, gələn seriyanə səbirsizliklə gözləmək serialı daha maraqlı edir.
ilk sezonu əfsanə olacaq dərəcədə maraqlı idi. Rust və marty mükəmməl bir ikili idi. fəlsəfi Dialoqlar, çaşdıran hadisələr...
Gəl gör ki, ikinci sezon, ilk sezonun tam tərsi idi. Maraqsız ssenari, boş dialoqlar, rachel mcadams istisna olmaqla zəif heyət, qısaca zəif bir ekran əsəridir. tək müsbət cəhəti müxtəlif xarakterləri bir hadisə ətrafında toplamağı yaxşı bacarmasıdır.
ikinci sezonu vaxt tapdıqca izləyəcəm.
Edit: ikinci sezonu bitirdim, deyə bilərəm ki, ən az birinci sezon qədər keyfiyyətli idi. ilk iki bölüm sıxıcıdır, amma sonraki bölümlərdə həyəcan artır. ilk sezonu izləyənlər mütləq ikincini də izləsin.
aquaman 160 milyon dollarlıq büdcə ilə james wan'ın rejissorluğunda çəkiləcək film. 21 dekabr 2018'də yayımlanması planlanır. justice league'in gözlənəni verməməsi səbəbilə bu filmlə dc, geri dönüş yaratmaq istəyir.
Bu filmdən sonra dc'nin 2019'da wonder woman 2 və ben affleck'in baş rolda olması güman edilən the batman çıxacaq.
justice league Batman'ın yaradıcısı bob kane bu filmdəki batman'ı görsəydi, yəqin ki, utanardı. indiyə kimi çəkilmiş bütün batman filmlərində görülməmiş zəif, əzik bir batman var bu filmdə. ben affleck rolunu mükəmməl icra edir, batman'ın kostyum dizaynı da əladır amma gəl gör ki, batman çox acizdir. O qədər zəifdir ki, wonder woman, batman'ı itələyərək divara çırpır, türklər deməli "posta koyur". Bəs batman nə edə bilir? Heç nə! Heç etməməyi ilə yanaşı geri də addım atır. Mənasız, artıq həddə feminizm var filmdə. Gal gadot çox gözəldir, bunu başa düşmək olar ancaq axı, filmdə əsas üstünlüyü wonder woman'a vermək nəyə lazım idi?
--spoiler--

Dediyim kimi, batman bu filmdə arxa planda qalıb. Sadəcə arxa planda qalmayıb, eyni zamanda sanki superman'ın köməkcisi kimi görünüb. Wonder woman'ın batman'a "sənə görə gəlməzdim amma dünyanı xilas edəcəm!" Kimi bir şey deməsi elə özü biabırçılıqdı. Əlinə qılıncı alan gözəlçə, batman'ı bir uşaq kimi azarlayır. Hələ batman'ın intihara cəhd edərək, özünü sübut etdirməyə çalışması rəzillik idi! Superman batman'ın boğazından tutaraq "qanın axır görəsən?" Deməsi və batman'ın çarəsiz qalması... bildiyimiz batman bu qədər çarəsiz deyildi axı?
Batman'ın özünə güvənməməyi, israrla superman'ı geri qayıtmasını istəməsi və superman'ın 2 dəqiqəyə günü xilas etməsi gülməli idi. Batman'ın əməlli döyüş səhnəsi də yox idi. Bu elə bir batman'dır ki, çıxmış qolunu wonder woman olmasa yerinə sala bilməyəcəkdi.
Sanki batman yerinə robin var idi.
Bütün bunlara baxmayaraq yenə də maraqlı film idi. Flash, aquaman, cyborg kimi xarakterlər filmi maraqlı ediblər. Ədalət liqasını görmək gözəl idi, mənfilərə baxmayaraq.

--spoiler--
porno irvine welsh'in 2002'də çıxan trainspotting'in davamı olaraq yazdığı romandır.
Roman əsasında 2017'ci ildə t2 trainspotting filmi çəkilmişdir. Film, "porno" romanını əsas götürsə də, filmdəki hadisələr romandan fərqlidir.
hər nə qədər ki, "Porno" da uğurlu bir davam romanı olsa da, t2 trainspotting filmi daha uğurlu idi.
justice league Yüksək keyfiyyətli "web-dl" versiyası bir neçə saat əvvəl torrent'ə düşən yeni super-qəhrəman filmi. "Web-dl" versiyası keyfiyyət olaraq bluray ripdən demək olar ki, fərqlənmir.
Bir neçə günə bluray versiyası da torrent'ə düşər, gözləməyinizi tövsiyə edərəm.
Edit: blu-ray versiyasının mart ayında çıxacağı gözlənilir.
jennifer aniston bugün 49 yaşı tamam olan amerikalı aktrisa. friends serialındakı rachel rolu ilə dünya şöhrəti qazanmış, eyni zamanda office space, along came polly, bruce almighty, love happens, wanderlust, derailed, horrible bosses, we're the millers, Just Go with it, Marley and me, the good girl kimi filmlərdə rol almışdır.
Rol aldığı ilk film, 1993'cü il tarixli qorxulu komediya Leprechaun olmuşdur.
friends serialındakı roluna görə golden globePrimetime Emmy mükafatı əldə etmişdir.
mother! 2017'ci il abş istehsalı jennifer lawrencejavier bardem'in baş rolda olduğu psixoloji-qorxu filmi.
Sadəcə bir məkanda (evdə) keçən hadisələr, ümumi olaraq psixoloji məqamlarla yadda qalır. Dram ünsürləri də tapmaq olur.
Film, nəticə etibarilə, 44 milyon dollar gəlir əldə etmiş, lawrence'in aktrisalığı ilə yadda qalmışdır.
Lawrence'i heç bəyənməsəm də bu filmdəki performansı, cəsur səhnələri peşəkarlıqla icra etməsi mükəmməl idi.

--spoiler--

Psixoloji, yuxu tərzi bir giriş, elə əvvəlcədən filmin dərin məna ifadə etdiyini bildirirdi.
Ara-sıra ananın (lawrence) gördüyü qanlı xəyallar filmdəki qorxu ünsürləri idi amma o qədər də yaxşı olduğunu demək olmazdı.
Film əsas olaraq özünü həkim kimi təqdim edən əslində yazarın (bardem) fanatı olan şəxsin gəlməsi ilə başlayır. Daha sonra get-gedə evdəki əhalinin sayı artır, işlər kontroldan çıxır. Bu səhnələr filmin ən həyəcanlı nöqtələri idi.
Ananın uşağını yeyən camaatın ananı döyməsi səhnəsi isə əjdaha idi. Sadəcə bu səhnə belə lawrence'in peşəkarlığını sübut edir.

--spoiler--
qlobal istiləşmə Təhlükə get-gedə böyüyür. Ciddi tədbir görməyən insanlıq, öz məhvini elə özü hazırlayır. insanlar dünyanın qaynaqlarını kor-koranə, vəhşicəsinə talan edərək, dünyanı məhv edir. Bərpa edilən enerjidən istifadə etməmək, böyük baş heyvanların süni olaraq kütləvi surətdə artırılması, meşələrin qırılması, tullantı sularının okeanlara axıdılması, böyük sənaye şəhərlərinin karbon qazı tullantılarının ozon qatını deşməsi kimi səbəblər qlobal istiləşməyə səbəb olur.
Maksimum 350 ppm (particle per million) səviyəsində qalmalı olan karbon qazı miqdarı 2017'ci ildə 440 ppm'ə çatıb. 2040'cı ildə isə bu rəqəmin 650'yə çatacağı ehtimal edilir. Bu da 2040'dan sonra tənəffüs üçün normal havanın çatışmaması, bitki və ağacların məhvi, su qaynaqlarının quruması, qida çatışmazılığı deməkdir.
Qışda havaların isti, yayda qaynar keçməsi artıq prosesin çoxdan başlandığının xəbərcisidir.
iqtisadi səbəblərə görə böyük dövlətlərin heç bir tədbir görməməsi prosesin qarşısını alınmaz edir. Ümumiyyətlə, bu qədər ciddi bir prosesə heç bir ölkə reaksiya vermir.
Metan qazı, karbon qazına nisbətdə 23 qat daha çox istilik tutumuna malikdir. 1 kq metan, 23 kq karbon qazına bərabərdir. Ortalama bir inək, bağırsaqlarında, ildə 70-120 kq arası metan qazı ifraz edir. Bu metan qazı il ərzində atmosferə buraxılır. Dünyada təxminən 1.5 milyard inəyin olduğunu nəzərə alsaq, atmosferə buraxılan karbon qazının dəhşətli dərəcədə çox olduğunu görərik. Əslində, dünyada təbii yolla inəklərin sayı 1.5 milyarda çatmamalı idi, ancaq iqtisadi səbəblərə görə süni yolla kütləvi surətdə inəklərin artırılması belə bir vəziyyət yaratdı. Hələ heyvandarlıq üçün otlaq ərazilərin artırılması meşələrin məhvinə də səbəb olur. üstəlik, bu qədər inəyi yemləmək üçün artırılan əkin sahələri, əkinlərə verilən gübrələr, bir inəyin gündə 10-15 litr su içməsi kimi məsələlərdə var.
Fərdi olaraq biz də mal əti istehlak edərək qlobal istiləşməyə təkan veririk.
Çin höküməti, qırmızı ət (dana, mal əti) istehsalını 2030'a qədər 50% azaltlmağı planlaşdırır.
Qırmızı ətin zərərləri hamıya məlum olsa da yenə insanlar ağız dadları üçün bunu istehlak edir.
Sadəcə bir neçə insan qlobal istiləşmənin qarşısını ala bilməz, amma milyonlar olaraq tədbir görsək, ən azından təbiətin məhvini təxirə sala bilərik.
aeroportda noutbuku çantasından çıxarmaq Təyyarə ilə səfər edərkən ən sevmədiyim şeylərdən birisi də noutbuku çantasından çıxarmaqdır. Çantaya noutbuk ilə yanaşı film dvd'lərini, şarj alətini və digər şəxsi əşyaları qoyduğuma görə şişən çantaya çətinliklə yerləşdirdiyim noutbuku yoxlamadan sonra təkrar yerinə qoymaq əzab kimi gəlir. Hələ sonuncu dəfə işçilərdən biri noutbuku işə salmağımı da tələb etmişdi:
- onu işə sal görüm hələ bir.
+ niyə ki?
- eşitmədin nə dedim?!
(Noutbuku işə saldım)
- işləməyən noutbuklar təyyarəyə buraxılmır, ona görə di bu.
Daha sonra 30 saniyəyə yaxın windows'un açılmasını və təkrar 20 saniyə bağlanmasını gözlədim. Bu arada 2 dəqiqəyə yaxın noutbuku yenidən çantaya qoymağa vaxt sərf edərkən hətta işçilərdən biri cəld olmağımı da tələb etdi.
Noubuklar, oyun konsolları qarışıq mexanizmə sahib olduqlarına görə, dərindən incələnməsi üçün yoxlama zamanı çantadan çıxarmaq lazım gəlir.
Abş'da noutbukların içindən yoxlamalar zamanı tapanca maqazini, marixuana, bıçaq kimi qanunsuz vasitələr tapılıb.
jagten (bax: the hunt)
Avropa sinemasının ən güclü dram filmlərindən biridir. avropalılar hollywood'dan daha güclü dram filmləri çəkməyə qadirdilər. ben x, klass, who am l, amelie, intouchables kimi mükəmməl filmlər məhz avropa'da istehsal olunub.
Jagten'də ən diqqətə layiq cəhət cəmiyyətin ikiüzlülüyünü, qəddarlığını olduğu kimi göstərməsidir. mədəni səviyyəsi yüksək olan isveç'də belə insanlar qəddarlaşa, mədəni qaydaları yox saya bilər. Filmdə həyəcanlandığım çoxlu səhnə oldu. Axırıncı dəfə nocturnal animals'a baxanda bu qədər həyəcanlanmışdım.

--spoiler--

filmdə lucas'ın təhqir edilərək döyüldüyü və lucas'ın oğlunun klara'nın evinə gedib döyülməsi ən mükəmməl səhnələrdən idi.
Lucas'ın itinin öldürülməsi insanda nifrət yaradır insanların qəddarlığına qarşı. Bilmədən, körpə qızın hər dediyinə sözsüz inanan kütlə, bir növü şəxsi mühakimənin zərərlərini ifşa edir. filmin adının "ov" olması da təsadüfi deyil, ovçu, ovunu öldürmək üçün hər yola atır, kütlə də lucas'ın həyatını məhv etmək üçün hər yola əl atır.
Digər məsələ uşaqların cinsi istismara məruz qalıb, qalmamasıydı. Uşaqlar, evin padvalında istismara məruz qaldıqlarını demişdi. Lakin lucas'ın evində padval yox idi. Bu uydurmada ola bilərdi, olmaya da bilər; filmdə göstərilmir.
Klara'nın qardaşı porno səhnəsini klara'ya göstərmişdi. Klara da lucas'ı şərləyərkən qardaşının dediyi "şeyi çox sərtdir" sözündən istifadə etmişdi. Sonradan klara peşman olsa da qardaşını ifşa etməmək üçün heç nə deməmişdir. Qardaşı bir səhnədə klara'ya baxaraq ağlamışdı, klara'nın qardaşı gerçəkləri deməmişdir. Axı, balaca bacısına porno səhnəsi göstərmişdi və bu aşkar olsaydı yaxşı olmazdı.
Sonradan lucas'ın günahkar olmadığı ortaya çıxsa da sonra atılan güllə, hələ də lucas'ın "ov" olduğuna işarədir.

--spoiler--
along came polly jennifer anistonben stiller'in baş rolda olduğu 2004'cü il istehsalı romantik-komediya filmi.
Reuben Feffer (Ben Stiller) sığorta şirkətində çalışan bir işçidir. Təzəcə evlənən reuben, elə toydan sonraki ilk gün arvadını başqa kişi ilə tutur. Arvadından ayrılır. Təsadüfən keçmiş sinif yoldaşı polly prince (jennifer aniston) ilə qarşılaşır. Bundan sonra həyatı dəyişməyə başlayır.
izlədiyim ən yaxşı romantik-komediyalardan biri hesab edirəm bu filmi. Dəhşətli gülməli səhnələri var. Hələ bir 'tualet səhnəsi' var ki, çox gülməlidir. Eyni zamanda bi film, aniston'un ən yaxşı filmlərindən hesab edilir.
1 2 3 4 5 6 7 8 9 10 11 12 13 14 15 16 17 18 19 20