agabalaeev

6 əjdaha! 27.07.2022 02:18, agabalaeev

o vaxt kasedlər var idi qara rəngdə dörbucaq qalın formada bilən olar. onun içindəki qara lentləri söküb bütün bədənimə dolayıb özümü venom zənn edirdim. qohum əqrəbanın içində tullanıb düşürdüm lent zad atırdım sağa sola. güclü fantaziyam olubmuş. sadəcə oğlanlar var şərait yoxdu

#355159 şikayət

sizi niyə işə götürməliyik sualına veriləcək alternativ cavablar

7 əjdaha! 30.11.2022 01:56, agabalaeev

"çünki həvəsim var" deyirəm hər zaman. və işə götürürlər

#363342 şikayət

insanı sevindirən şeylər

6 əjdaha! 01.08.2022 03:01, agabalaeev

əl üzümü yuyanda uvalnikin içindən çıxmağa çalışan böcəkləri xilas edib ağac budağının üstünə qoymaq

#355733 şikayət

pişiklərə həddindən artıq hörmət edilməsi problemi

5 əjdaha! 12.12.2022 23:46, agabalaeev

zərrə hörmət ediləcək heyvan deyil. qırağdan baxıb sığallayıb sevmək asandır. evdə 6 pişiklə yaşamaq sadəcə işgəncədir. gah kompyuterimi sındırdılar, gah dibçəyi aşırdırlar. sulu quru mamaları olsa da gəlib mənlə birlikdə qoz ləpəsidə yeyirlər. təkamül keçirir eləbil şərəfsizlər. öz özlərinə şüur inkişaf elətdiriblər. utanmasalar adam kimi dil açıb danışarlar mənlə. babat mırtdaşırlarda mənlə. yatağımı eləbil bunlara vəsiyyət etmişəm. bir qram xeyirləri yoxdu. yeyib içib batırıb sonrada klounluq edirlər.(haqqlarına girməyim stand updan daha çox güldürürlər)azdırıramda geri qayıdırlar. biriləri kömək etsin

#364017 şikayət

ilahi hisslər keçirmək

6 əjdaha! 30.07.2022 01:12, agabalaeev

bu başlığı açılmağa layiq gördüm. bəlkədə gələcəkdə oxuyub özümü yenidən analiz etmək üçün bir vasitə olar. bilmirəm bəzən ilahi hiss dediyim ümid dolu bu hisslər bütün ruhumu sarıyır. bunu dindar bir ailədə böyüməyim yaxud hal hazırda dindar olmağımla əlaqələndirmirəm. inancsız olduğum vaxtlarda belə bu hiss məndən əl çəkmirdi. daim kənardan bir qüvvənin durmadan mənə özünü sübut etməyə çalışdığını hiss edir, öncədən haqqında etdiyim təxminləri reallaşdıraraq özünü isbat etməyi bacarırdı. həyatda çalışdığım qədər qərarlarımı məntiqlə verməyə çalışmışam. duyğular həmişə işlərimi korlayıb. amma bu fərqli bir şey idi. nə zəkaya sığırdı, nə də duyğulara. eynilə bəzi qədim filosofların bu anlayışın insan şüurundan qat-qat üstün olduğunu, anlaşıla bilməyəcək səviyyədə olduğunu dedikləri kimi. bunun zamanla birbaşa tanrı olduğunu qəbul etdim bu sözsüz. amma bu mövzu olduqca qarışıqdı və hərkəsin öz baxış bucağı var. bəlkədə ifadə edilməsi ən çətin hiss olardı deyərdim. tanrının dilinin, kəlməsinin insana başa salınması yaxud onda əks olunması dəhşətli prosesdir. insanın varlığı bir andaca məhv ola bilər. fikrimcə bu hissin özü belə insandan insana dəyişir. amma tək bir məqsədə doğru yönləndirdiyi şübhəsizdir. tanrıyla birləşmək, həzz almaq, üstün hiss etmək və durmadan daha artığını diləmək. tanrılaşmaq deyərdim buna. kim bilir bəlkədə xristianların "ata" deyə nəzərdə tutduğu sanki ona qovuşmağın və birləşməyin müraciət formasıydı. tanrınında məqsədi bu idi onsuzda. özünü insanın simasında əks etdirmək yaxud başqa bir forma keçirmək. anlaşılması çətindir. əvvəl axır uca bir məqamdan göndərilmiş üstün "mesajlar" bəsitləşdirilərək, gah hisslərlə gah da peyğəmbərlərin yardımıyla insanoğluna çatdırılmağa çalışılıb. insan bəlkədə məsuliyyətli olub sözündən çıxmasaydı, əminəmki nə peyğəmbərə, nədəki vəhyə ehtiyac qalmazdı. sadəcə içindəki o müqəddəs hissi yaşadaraq tanrıya qovuşa bilərdi. heç bir vasitə - ibadət, kitab, peyğəmbər, vəhy olmadan. sadəcə ilk başladığımız yerə qayıtma istəyi. sırf bunu hiss etmək belə bəs edərdi insanoğluna. daha artıqdı amma hiss etdiklərim. heçnə yetmir artıq ifadə etməyə. sussam da, danışsam da xeyri yoxdu onsuzda. sadəcə varlığım bəs edir dərk etməyə.

#355499 şikayət

az bilinən mükəmməl qruplar və mahnılar

4 əjdaha! 10.08.2022 14:39, agabalaeev

mordecai and rigbys - party tonight

#356794 şikayət

zövq verən kiçik çılğınlıqlar

6 əjdaha! 22.08.2022 22:44, agabalaeev

ailəlikcə baxdığımız xarici filmin altyazılarını oxuyub tərcüməçilik edərkən özümdən sözlər atıb basıb bağlayaraq dialoqları mənasından uzaqlaşdırmaq

#357890 şikayət

acı həqiqətlər

+9 əjdaha

insanlar çoxu əslində bir-birini sevməz. aralarında yaşanan sevgi deyildir. sadəcə onlarda axtardığını, onun xeyrinə/leyhinə olanı sevərlər. özlərini sevərlər belə də deyə bilərik. öz zövqlərini təmin etmək, məqsədlərinə çatmaq üçün qarşısındakını vasitə olaraq işlədərlər. insan ruhu eqoistdi. avtomatik olaraq sadəcə özünün yaşamasını, həzz almasını və keyfiyyətli həyat sürməsini təmin etmək üçün hər cür yola əl ata bilər və bunu gözəl bir şey olaraq göstərmək üçün "xoş" isimlər qoya bilər. təmənnasız olaraq sizi sevənlərdə var əlbət. ancaq istisnalar, kaideyi bozmaz.

8 əjdaha! 29.07.2022 12:25, agabalaeev

#355412 şikayət

özgüvənsiz insan

6 əjdaha! 29.07.2022 12:08, agabalaeev

özünə güvəni, inamı olmayan insandır. hələdə zəncirlərini qırıb istəklərinə addımlamağa qorxan insandır. eləcə də bir çox şeydən məhrum qalacaq, gələcəkdə etmədiklərinə görə peşman olacaq, limitlərini aşmadığı hər ana lənət oxuyacaq insandır. insan nədən şübhə edirsə etsin, özündən heç vaxt şübhə edə bilməz. öz varlığından, gücündən, potensialından və duyğularından.. buna görədə özünüzə güvənin və aşılmaz limitləri aşın!

#355410 şikayət

sahibsiz əşya və şübhəli şəxs

4 əjdaha! 01.08.2022 16:07, agabalaeev

koridor boyunca beynimdə minlərlə senari yaradıb, məhv edirdim. başıma nələrin gələcəyini bilmirdim. bəlkədə gedib təslim olmalıydım polislərə. amma.. yox! mən hələ cavanam. nəvələrimlə futbol oynama xəyalımı həyata keçirmədən mənə ölüm yoxdu..

birdə gördüm qədeş ordadı gəlir:

-hardaydın? məndə səni axtarıram

-heç qədeş bufetdəydim yemək yeyirdim

-ala sən canı dilini qarnına qoy onsuz da qonaqsan burda müəllimlə dirəşmək nədi ala?

-neyniyime qədeş cahil - cahil danışırdı mən də dayana bilmədim

-onun başın burax görüm, sən danış görək burda niyə gizlənirsənki?

-gəl sinifdə danışaq bu haqqda

sinifə daxil olduq. içəridə sadəcə iki-üç nəfər var idi. arxa partaya keçib stulları üzbəüz qoyduqdan sonra olanları astadan danışmağa başladım. mən danışdıqca qədeşin üz ifadəsi getdikcə dəyişirdi. mənim üçün narahat olduğu bəlliydi. əlini çiynimə qoyaraq:

-qorxma, arxandayam. bir şey fikirləşərik. amma sən çalış polislərdən uzaq gəz. hər şey yaxşı olacaq

-sağol qədeş

-gəl gedək tualetə. ciyərlərim yanır bir siqaret çəkim.

onun adına pis olmuşdum. olduqca zərərli olan bu şeytan tüstüsünü ciyərlərinə çəkməklə özünə ziyan vururdu. qaşlarımı çataraq ciddi ifadə alıb, siqaretin zərərlərindən, onun həm maddi, həmdə sağlamlığa olan ziyanından danışaraq onu bu vərdişdən uzaqlaşdırmağa çalışdığımı dedim. ağzını ayırıb biraz üzümə baxdı, sonra gülüb nalayiq bir kəlmə işlətdi. məncə də haqlıydı. yollandıq tualetə tərəf. universitet deyilən yeri bəyənmişdim. qəbul olmağa çalışmadığım üçün peşman idim..

zəng səsi eşidildi. qədeşin telefonundan gəlirdi. üzr istəyib çölə çıxdı. önəmli bir zəng imiş deyəsən. əminəmki bir həftəlik sevgililərindən biridi. çöldə gözləməkdənsə elə tualetə girdim. içəridə heçkəs yox idi. üfunət qoxulu bu məkan qorxu evlərinə oxşayırdı. qapılara zor tətbiq edilmiş, divarlarda satanist ayinləri keçirilmişdi. iyrənc idi. iflic olmuş krantı açıb əlimi üzümü yuyub çıxmaq istəyirdim sadəcə. birdən gələn qapının cırıltısıyla o tərəfə baxdım. biri içəri daxil olmuşdu. bu.. o idi. qatarda yanımdakı "şübhəli şəxs". əlindədə həmin o məni bəlaya salan "sahibsiz əşya". onun burda nə işi var idi? "hey sən!" deyə səsləndim. başını qaldırıb məni görən kimi qapını açıb çölə çıxdı. heç şübhəsiz olanlardan xəbəri var idi. məndə möhtəşəm refleksimdən istifadə edərək ardınca çölə atıldım. yoxa çıxmışdı. göz qırpımında yox olmuşdu. yuxu kimiydi. ətrafdakı uşaqlardan soruşsam da, belə birini görmədiyini dedilər. bu anda qədeş gəlib çıxmışdı:

-üzrlü say işim uzun çəkdi. gəl gedək siqaret çəkəy, özümüzə gələrik

birlikdə tualetə daxil olduq. amma bir dəqiqə.. tualet dəyişmişdi. bayaqkı dağınıq yerdən əsər əlamət qalmamışdı. üstəlik içəridə başqalarıda var idi. ağlımı qaçırırdım deyəsən..

yerdə qalan dərslərdə bitdikdən sonra çıxmışdıq. qədeş də sağollaşıb gözdən itdi. hava çox istiydi. ştrafda görünməkdən qorxurdum. telefonumda tonla cavabsız zəng var idi işdən. vecimədə deyildi. skamyada oturub insanları izləməyə başladım yenidən.

-nə edirsən burda belə?

başımın üstünə dikilmişdi yenə bu gözəl sarışın. deyəsən çox maraqlı gəlirdim ona. aa doğurdan unutmuşdum. ona evlilik təklif etmişdim axı. üzük almalıydım deyəsən. və banket zalı düşünürdüm. xəyallara dalmışdım ki, o yenə sualını təkrarladı:

-hey eşidirsən məni?

-bəli buyrun

yenə gülürdü. bilmirəm bəlkədə alnımda komediya filmi zad gedirdi. hər sözümə gülürdü. amma çox gözəl gülürdü. oturmaq sıxıcıydı. gəzmək istədiyimi dedim. o da "olar" deyərək gülümsəyib qoluma girdi. lənətə gəlsin. məni əsir götürmüşdü. qolundan çıxıb qaçmaq istədim birinci, amma mən parlaq zəkamı işə salaraq plan qurdum ki, sonradan mən onu ələ keçirib düşmənin sirrini ondan öyrənə bilərdim..

bir müddət sonra sahilə gəlib çıxmışdıq. söhbət edib gəzirdik. yorulduğunu deyib daşın üstündə oturaraq ayaqlarını aşağı salladı. məndə onun tərəfində olduğunu bildirmək məqsədilə eynisini etdim. yanımızdakı böyük su kütləsinin dalğalarının qayalara çırpılmağı çox gözəl idi. həzin əsinti üzümə doğru gələrək beynimi oksigenlə təmin edirdi ki, bu da daha parlaq ideyalar istehsal etməyimə şərait yaradırdı. ana təbiəti buna görə sevirəm. ancaq bu sevgimi gizləyə bilməyərək "təşəkkürlər ana təbiət!" deyə bağırdım. insanlar mənə baxırdı. bir bibi mənə baxıb başını buladı. onlara yazığım gəlir, çünki onlar bu sevgidən məhrum qalıblar. amma deyəsən qızı utandırmışdım:

-niyə qışqırdınki?

-içimdən gəldi

-haralısan sən?

-bakılı balasıyam

-(gülümsəyərək) vaay yerli imişik

-bəli elədir

-doğurdan heç soruşmadım, adın nədir sənin?

suallarla kimliyimi ortaya çıxarmağa çalışırdı. çox sıxışdırmasına baxmayaraq həll yollarım bitmirdi. saxta bir ad işlətməliydim:

-mən eyyub

-məndə mariya. amma mənə məryəm deyirlər. sizin azərbaycan dilində belə səslənir səhv etmirəmsə

qız deyəsən yarı rus idi. əslində danışıq tərzi şübhələrimi doğrultsa da, əmin deyildim. dəqiqləşdirmək üçün həqiqəti ortaya çıxaracaq sualı verdim:

-do you have vodka?

gülüşündən bəlliydi ki, kimliyini ortaya çıxarmışdım. mənə biraz yaxınlaşdı və dərin dərin gözlərimə baxdı. hipnoz etməyə çalışırdı deyəsən:

-çox maraqlı birisən. əslində səni bəyəndim. amma mən getməliyəm. istəsən telefonla danışarıq biz. nömrəsini mənə verib sağollaşdı. heçnə anlamamışdım. tələyə düşmüşdüm deyəsən. amma qəribə halda çox yaxşı hiss edirdim. mədəm ağrımağa başlamışdı. sevgi şeylərindən başım o qədər yaxşı çıxmır amma deyəsən buna deyirlər. evə getməyə qərar verdim. atama olanları danışsam mənə kömək edərdi. amma metroya minməyəcəkdim. taksi çağırmağa qərar verdim. təxmini 10 dəqiqə sonra taksi gəlmişdi. özümü önəmli biri göstərmək üçün arxa oturacağa əyləşdim. şofer dayı gərgin görünürdü. halını yaxşılaşdırmaq üçün irəlidəki maşını göstərərək "tez qırzmızı maşını təqib edin!" deyə qışqırıb xırda zarafatlarımdan birini işə saldım. dayı biraz məni acılayıb adres soruşdu. ciddiydi. evə salamat gedib çatmaq üçün səssiz olmağı qərarlaşdırdım. yenə çox ağıllıydım. kurtuluş için küçük bir bedel. biraz yol getmişdik ki, bir şeyə fikir verdim. yanımda bir çanta var idi. o həmin çanta idi! "sahibsiz əşya".

-dayı bu sənindi?

-nə mənimdi?

-bu çanta

-hansı çanta?

əlimə götürüb göstərmək istəyərkən orda olmadığını gördüm. bir andaca qeyb olmuşdu. həqiqətən bu işdə bir tərslik var idi. halisünasiya görürdüm sanki..

bir müddət sonra qəsəbəmizə çatmışdım. yorğun idim. evə yaxınlaşırdım. yatmaq istəyirdim. amma diqqətimi bir şey çəkdi. qapımızın ağzında bir şey var idi. yenə həmin çanta..

#355777 şikayət

yazarların həyatdan çıxardığı dərslər

+9 əjdaha

etmərəm deməyin. həyat bir-bir sizə tüpürdüyünüzü yalatdıracaq. insanlara çox güvənməyin. başınızı onlara yaslasanız belə bir gözünüzü daim açıq tutun. onlar nankordur. eləcədə gözləntilərinizi hər məsələdə aşağı tutun. əgər sonra işləriniz tərs getsə daha az ağrı çəkərsiniz. sevərkən belə diqqətli olun. qarşınızdakı insanı ölümünə belə sevsəniz bildirməyin. necə biri çıxacağı bəlli deyil. leyli məcnun hekayələri keçmişdə əfsanə olaraq qaldı. sizi yarı yolda qoyacaqlar, güvəninizi bir andaca məhv edəcəklər. ilk növbədə təkliyi sevin, yəni özünüzü. insanı özündən başqa daha yaxşı tanıyan yoxdur. rədd olsun hamısı. sizdən daha dəyərli heçnə yoxdur. göyə doğru baxmaq istəyirsənsə yerin dibinədə bax! nura çatmaq istəyirsənsə zülmət qaranlıqdan yapış! həyat bir şeyi istədiyiniz anda heç vaxt verməyəcək. ta ki siz ondan əl çəkənə qədər. sürprizlərə hazır olun. və ən əsası soyuqqanlı olun, hər şeyi olduğu kimi qəbul edin. belə olduqda özünüzə zərər yetirməmiş olarsınız.

7 əjdaha! 04.07.2022 00:10, agabalaeev

#353287 şikayət

sözaltı günlük

6 əjdaha! 07.11.2022 01:15, agabalaeev

əziz sözaltı və günlük. bağışla ki, səni bilgi toplusu ensiklopediya olmağın üçün köməklik edə bilmədim. amma bir gün ümid edirəmki edəcəm. sən qaralama və xatirə dəftərim oldun. ən azından yazdıqlarım daha güvəndədir. qonaq uşaqları səni gəlib buruşmuş vərəqlərimi cıra bildikləri kimi məhv etmirlər. ilk başlarda hər şey planladığım kimi gedirdi. amma sonralar belə olmadı. klassik senaridi. son dəfə yazdıqdan bəri bu qısa müddətdə bəzi suallarıma cavab tapmışam. amma zibilə qalsın ki, indi məni ağrıdan xatirələrdi. hamı anlayır. gizləyə bilmirəm. son vaxtlar boğuluram. ağlayıb özümü burda duyğusal olaraq təmin etmirəm. sadəcə yazıram ki sonra oxuyub gülə bilim. çünki bəzən hər şeyi silirəm. amma necə olursa sildiklərim qayıdır. başım sancır yenə. xahiş edirəm, elm və ya tibb dünyası bir şey tapsın. xatirələri silmək üçün bir dərman və ya iynə. son qəpiyimidə verib alaram. çox ağrıdır məni fikirlər. nəaliyyətlər qazansam belə sevincini tam yaşaya bilmirəm. tanrıdan çox uzaq düşmüşəm. günah üstünə günah yığıram. bəlkə unudaram, bəlkə əylənsəm keçər bütün xatirələr dedim. olmadı. daha da pisləşdi. dahada darıxdım. hərkəs anlayır sifətimdən. gözlərimə baxan kimi bilirlər. ağzım yalan danışsa da, gözlərim qışqırır həqiqəti. dahada soyuqqanlı oldum. hədəflərimi təkmilləşdirdim. uğruna can verəcəyim bir hədəf qoydum özümə. və məncə buna dəyər. sadəcə tək istədiyim duyğu və xatirələri silmək üçün bir vasitədir. çox ləngidir məni. insanın addımını yerə sərt basıb qərar verdikdən sonra bir müddət keçir və qərarının tam əksi olan qərara şans verir. buna çox güldüm. ağlanılasıdı amma gülürəm. kaş robot olardım. duyğularım olmazdı. komandalarla işləyərdim. paslandıqda da dəmiralanlar məni aparardı uzaqlara..

silinmiş entry.

#362171 şikayət

ateist olmağın çətinlikləri

6 əjdaha! 18.07.2022 00:56, agabalaeev

ateist olduğum vaxtlardakı təcrübəmə əsasən deyə bilərəm ki, tutunacaq/sığınacaq bir qüvvənin olmamasıydı. bir növ məna axtarışındaydım. özümü çox yalnız və ümidsiz hiss edirdim. marketdə azmış uşaq kimiydim. bir "şeyə" ehtiyac duyduğumu hiss edirdim amma şübhələrimdə bol idi deyə çarəsiz vəziyyətdəydim. insanoğlu acizdir. ümumiyyətlə insan bir qırağa ətrafdakı görünən hər şey bir şeyə bağlıdır və hamısı zəncirvari bir biriylə bağlıdır. biri digərindən, o da digərindən üstündür. insanında ehtiyac duyduğu bir sığınacaq qüvvəyə ehtiyacı var. insandan da üstün olan bir şey var. ifadə olunması çətin bir şeydir, insan o qüvvənin parçasıdır sanki. ondan ayrı düşmüş bir parça. onu ayaqda tutan və həyat sahibi edən bir enerji yaxud tükənməz bir qaynaq. doğrusu bunu qəbullandıqdan sonra ateizmi tərk etmə səbəblərimdən biridə bu idi.

#354413 şikayət

mövsümi depressiya