alabama

4 əjdaha! 30.06.2020 01:06, alabama

narahat etmək qorxusu. Kiməsə yazanda və ya kimdənsə nəsə istəyəndə çox qorxuram ki, onu narahat edə bilərəm və bu doğrudan da narahatedici hissdir.

#298781 şikayət

günel nağdıyeva

5 əjdaha! 07.06.2020 22:20, alabama

dəfni vağzalı sədaları altında həyata keçirilən və bununla da qaragüruhçu aziklərin mağara təfəkküründə evliliyin necə müqəddəs bir fetişizm olduğunu göstərən, zorla evləndirilməmək üçün intihar edən bəxtsiz və ay parçası kimi gözəl qız.

#296829 şikayət

mehman hüseynov

3 əjdaha! 06.06.2020 10:50, alabama

əgər ictimai-siyasi hadisələrlə yaxından maraqlanırsınızsa bəzi anlarda "taraftara oynamağı" nı başa düşə bilərsiniz və bu sizdə qıcıq oyandıra bilər amma düşünsək ki, əhalinin böyük hissəsi ölkədə turist kimi yaşayır və olub-bitəndən xəbərləri olmur, bəzi mühüm xəbərlərin qara camaata çatdırılmasında Mehman kimi adamların çox faydası dəyir. Bir neçə Mehman kimi fiqur olsa görün ölkədə necə canlanma olar. 2019-cu 19 yanvar mitinqində də, indiki kampaniyada da göstərdi ki, əhalinin mobilizasiya edilməsi baxımından müxalif partiya liderlərindən daha çox nüfuzu var.

#296709 şikayət

aya sofiyanın ibadətə açılması

4 əjdaha! 11.07.2020 12:58, alabama

çox absurd və ərdoğanın nə qədər geridəqalmış siyasətçi olduğunu göstərən qərardır. istanbulda aya sofiya yerləşən ərazidə sultan ahmed başda olmaqla çoxlu sayda məscid var idi onsuz da. başa düşürəm ki, bu siyasi qərardı və ərdoğan populizminin növbəti göstəricisidir, amma o kilsə axı həm də istanbula gələn turistlərin əsas motivasiyalarından biri idi. illik gəliri 400 milyon lira imiş. əgər bu qərara görə xeyli tusir də istanbul səyahəti boykot etsə onsuz da yaxşı gündə olmayan türkiyə iqtisadiyyatı daha da betər olacaq. digər tərəfdən isə, bu qərardan sonra türkiyə dövlətinin hansısa başqa ölkədəki məscidin kilsəyə və ya sineqoqa çevrilməsiylə bağlı nəyisə tənqid etməyə mənəvi haqqı yoxdur.

#299708 şikayət

12 iyul 2020 tovuz döyüşləri

4 əjdaha! 12.07.2020 19:05, alabama

Bu gün yayımlananlar Aprel döyüşləri - 2 filminin treyleri idi deyəsən. Tovuzdan, yəni dövlət sərhəddindən başlaması da maraqlıdır. Yəqin ki, filmin tam versiyasını devalvasiyadan sonra ekranlarda görəcəyik. 2016-nı xatırlamayanlara və unudanlara tövsiyə edək ki, "tırkaya" getməyə tələsməyin, elə olanda sonda yaşanan travma daha ağır olur. Hansısa məqsədlərə görə insanların vətənpərvərlik hisslərini istismar etmək və gənc əsgərlərin ölümünə səbəb olmaq dəhşətdir. Amma heyifki bilərək və bilməyərək bu havaya oynayanlar da çox saydadır. Artıq 21-ci əsrdə doğulan insanlar şəhid olur Azərbaycanda. Təsəvvür edirsiz? Əlbəttə işğal olunmuş ərazilər azad olunmalıdır, amma bunun üçün bu şəraitdə müharibə elan etməzdən əvvəl görüləcək çox iş var.

#299890 şikayət

azərbaycanda polis zorakılığı

3 əjdaha! 21.06.2020 14:28, alabama

hakimiyyət dəyişsə belə polisin reputasiyasının düzəlməsini çox çətin edən hadisədir. ictimailəşənlər yəqin ki, realda olanların çox cüzi bir hissəsidir. Nəticəsi də, polisin şəxsi və qurum olaraq nüfuzunun çox aşağı olması, heç kimin polisə güvənməməsidir.

#298055 şikayət

fərda xudaverdiyev

3 əjdaha! 31.07.2020 19:08, alabama

iqtisad Universitetində oxuyanda bir müəllim Fərdanı səhnəyə özünün gətirdiyini deyirdi. Həmin müəllim özü tələbə olanda həmkarların sədri imiş və bir gün buna tapşırıq gəlib ki, universitetin KVN komandasını düzəltsin yarışa çıxmaq üçün. Bu isə heç kimi tapa bilmirmiş. Dediyinə görə bir dəfə kolidorda gedərkən otaqdan səs-küy gəldiyini görüb və qapını açıb ki, Fərda çıxıb stolun üstünə müəllimləri parodiya edir və hər kəsi güldürür. Müəllim iddia edirdi ki, onun vaxtında tələbə həmkarların sədrinə indiki kimi dırnaqarası yanaşmırdılar, hörmət var idi. Fərda da qorxub yaxınlaşıb bizim müəllimə ki, bəs bu məsələ burda qalsın, dekanatlığa demə və s. Müəlimin də deyib ki, bir şərtlə ki, universitetin KVN komandasına qoşul. Beləcə Fərdanı komandaya götürüblər və o da böyük səhnəyə elə KVN çempionlarından gəlib.

#301900 şikayət

baku research institute

2 əjdaha! 14.06.2020 19:16, alabama

Azərbaycan standartlarında kifayət qədər keyfiyyətli iş görürlər. Ölkədə akademik platformalar yox deyəcək qədər azdır, bu tip təşəbbüslər həm əli qələm tutanların ictimaiyyətə tanıdılması, həm də ictimaiyyətin müəyyən məsələlərdə keyfiyyətli fikir sahibi olması baxımından çox vacibdir.

#297443 şikayət

cəmiyyət tərəfindən normal qəbul edilən anormal şeylər

4 əjdaha! 08.04.2021 08:16, alabama

vəzifəli şəxsin "lotu"luğu, müxalifə basqılar. Hökümət o qədər qanunsuz hərəkətlər edib ki, artıq çox az adam nəyəsə təəccüblənir

#323929 şikayət

leş tofiq

2 əjdaha! 31.07.2020 19:00, alabama

qurban bayramında azadlığa çıxmasıyla "hadi ateistler bunu da açıklayın" dedirdən leş ətlər kralı.

#301898 şikayət

yerli iqtisadçılar

2 əjdaha! 15.06.2020 12:37, alabama

Ən əjdahasının Rövşən Ağayev olduğunu deyə bilərik. Adam professionallıq abidəsidir. illərdir durmadan keyfiyyətli işlər görür. tək başına beyin mərkəzidir sanki. insanlığı və ictimai-siyasi mövqeyi ilə də təqdirə layiq adamdır. Ölkədə onun kimi bir neçə nəfər olsa və əlbəttə rahat işləmələrinə şərait yaradılsa möhtəşəm işlər görərlər. Azər Mehtiyev və Samir Əliyevin işlərini də təqdir etmək lazımdır. Yəqinki Azərbaycanda ən məşhur iqtisadçı Qubad ibadoğludur amma mənə elə gəlir onun iqtisadçılığı biraz şişirdilir. Xüsusilə son illərdə sadəcə olan hadisələri şərh edir və heç bir araşdırma işi qoymur ortaya. ABŞ-da yaşayan Fariz Hüseynli, Kənan Aslanlı və Toğrul Vəliyev də izlənilməli iqtisadçılardandır.

#297519 şikayət

Hökumətin pandemiya dövründə xalqı günahkar göstərmə cəhdləri

2 əjdaha! 15.06.2020 17:50, alabama

açıq görünür ki, hökümət koronavirusla bağlı vəziyyətin pisləşməsi səbəbindən vətəndaşları günah keçisi elan etmək üçün ictimai rəy yaratmağa çalışır. amma dövr əvvəlki dövr deyil. "yuxarılar əvvəlki kimi idarə edə bilmir, aşağılar əvvəlki kimi idarə olunmaq istəmir" məsələsi. hamı əsəbidir, belə şəraitdə mübahisə açmaqdansa iş görmək lazımdır. Bütün günahları vətəndaşlara yükləyənlərə demək lazımdır ki, rəsmi rəqəmlərə görə də, xüsusi karantin rejimi dövründə vətəndaşlara düz-əməlli iqtisadi və sosial yardımlar edilməməsinə rəğmən Bakıda hərəkətlilik dəfələrlə azalıb və bu imkan verirdi ki, epidemik ocaqlar müəyyən edilsin və lokallaşdırılsın. Görünür müvafiq qurum bu işi yaxşı bacarmayıb və hələ də düşünür ki, məsələnin həlli sadəcə sərt qadağalar və məsuliyyəti öz üzərindən vətəndaşlara atmaqdır. əlbəttə xalq da, süddən çıxmış ağ qaşıq deyil, bəzi hallarda primitiv qoruyucu önləmləri almırlar və hələ də virusun mövcudluğunu sual altına alan və konsproloji fikirlər irəli sürənlər var, amma bunun da səbəbi normal təhsil sisteminin qurulmamasından və hökümətin addımlarına etimad göstərilməməsindən irəli gəlir. məsələ yenə də gəlir çıxır idarəçiliyə. digər tərəfdən, bu məsələdə hökümətin tərəfini tutanlar, yəqin ki, "dövlət", "vətəndaş", "hökümət" terminlərinin fəlsəfəsini bilmirlər. yoxsa bu qədər asan manipulyasiya olmazdılar hökümətin təbliğatına.

#297538 şikayət

4 iyul 2020 sobsan boya fabrikində yanğın

0 əjdaha! 06.07.2020 00:34, alabama

Bakının modern şəhər olmadığının daha bir sübutu. Çünki, Modern və öz idarəçilərini özü seçən şəhərdə(bakı avropa şurasında seçkili mer institutu olmayan yeganə paytaxtdır) boya istehsal edən fabrik yaşayış məntəqələrinin yaxınlığında yerləşmir.

#299212 şikayət

31 oktyabr 2020 gürcüstanda parlament seçkiləri

1 əjdaha! 31.10.2020 23:27, alabama

Bu seçkilərdə 2012-ci ildən bəri iqtidar partiyası olan Gürcü Arzusu partiyası yenidən qalib gəlmək niyyətindədir. Birləşmiş Milli Hərəkat, Avropa Gürcüstanı, Girçi kimi partiyalar isə bunu dəyişdirmək istəyir.

Bu ilin əvvəlinə qədər davam edən və seçki sisteminin dəyişilməsi ilə bağlı etiraz və narazılıqların nəticəsi olaraq seçki sistemində ciddi dəyişikliklər edilib. 2024-cü ildə tam proporsional seçki sisteminə keçməyi planlayan Gürcüstanda keçirilən bugünkü seçkilər qarışıq sistemə əsaslanır: 150 yerlik parlamentin 120 deputatı partiya siyahıları əsasında proporsional sistemlə, 30 deputatı isə majoritar sistemlə seçiləcək. Daha əvvəl seçkilərdə 77 deputat proporsional və 73 deputat majoritar sistemlə seçilirdi.

Bu il həm də seçki bariyeri 5%-dən 1%-ə endirilib və seçki bloklarının iştirakına icazə verilib. Partiyalardan fərqli olaraq isə seçki blokları üçün bariyer tərkibindəki partiyaların sayına uyğun şəkildə müəyyənləşdirilib. Eyni zamanda partiyaların namizədlər siyahısına gender kvotası tətbiq edilib: siyahıdakı namizədlərin azı 25%-i əks-cinsdən olmalıdır.

Bu yeniliklərlə yanaşı təkbaşına hökumət qurmağı hədəfləyən hansısa partiya səslərin minimum 40,6%-i toplamalıdır. Lakin bu, parlamentdə sadəcə 48 yer demək olduğundan partiya üzvləri majoritar seçkilərdə də ən az 28 yer qazanmalıdır (cəmi 76 yer olması üçün). Əks halda koalisiya hökuməti qurulmalı olacaq.

Pandemiya və yoluxanların sayının kəskin artması da nəzərə alınaraq karantin və izolyasiya şəraitində olan seçicilərin səs verməsi üçün 127 ayrı məntəqə də təşkil edilib. Həmçinin, ölkə xaricində yaşayan vətəndaşlar üçün 38 ayrı ölkədə də məntəqələr yaradılıb. Ancaq Ümumi karantin rejiminə görə bəzi ölkələrdə Gürcüstan vətəndaşlarının parlament seçkilərində iştirak etməsi üçün seçki məntəqələri açılmayacaq. Bu ölkələrin arasında Azərbaycan da var.

#308722 şikayət

7 iyun 1992 azərbaycanda prezident seçkiləri

2 əjdaha! 07.06.2020 16:54, alabama

Elçibəyin seçilməsi qədər, Nizami Süleymanovun absurd və populist vədlərlə 33 faiz səs yığması ilə də yadda qalan və Azərbaycan xalqının nə qədər asan manipulyasiya edilə bildiyi və siyasi cəhətdən savadsız olduğunu göstərən seçki.

#296808 şikayət

azərbaycan beynəlxalq bankı

1 əjdaha! 21.06.2020 01:49, alabama

Bank sektorunun aktivlərinin yarısına yaxınına, milyonlarla müştəriyə sahib olmasına baxmayaraq normal müştəri xidmətləri təşkil edə bilməyən bank.

#298027 şikayət

məsləhətli teleqram kanalları

+12 əjdaha

Scholar gram - https://t.me/scholargram
Post-strukturalizm, dilçilik, siyasət, post-Marksizm, psixoanaliz

Çəpəki - https://t.me/cpkfm
iqtisadi siyasət və statistikalar, inkişaf məsələləri, Bakı şəhəri və daha nələr-nələr

Bir yeni söz - https://t.me/biryenisoz
Azərbaycan dilində az istifadə olunan, işləkliyini itirmiş köhnə sözlər, həmçinin çox bilinməyən neologizmlər və digər alınma və milli sözlər paylaşılacaqdır.

12 əjdaha! 07.06.2020 17:33, alabama

#296818 şikayət

öyrənildiyində təəccübləndirən məlumatlar