yaydan ləzzət alan adam

Bu günlərdə evdə oturmağa məcbur olub dərin depresiyalara qərq olan adamdır.

baku research institute

Azərbaycan standartlarında kifayət qədər keyfiyyətli iş görürlər. Ölkədə akademik platformalar yox deyəcək qədər azdır, bu tip təşəbbüslər həm əli qələm tutanların ictimaiyyətə tanıdılması, həm də ictimaiyyətin müəyyən məsələlərdə keyfiyyətli fikir sahibi olması baxımından çox vacibdir.

öyrənildiyində təəccübləndirən məlumatlar

Data jurnalistikası ilə məşğul olan yenijurnalist. org saytı “Apple” şirkətinin açıq məlumatlarını, avtomobil data statistikaları ilə işləyən “Otonomo” şirkətinin, “Google Qlobal” mobillik hesabatını və “Yandex” xidmətlərinin dataları analiz edərək bu qənaətə gəlib ki, 5 iyunla müqayisədə evdən çıxma qadağası tətbiq olunan 6 iyunda Bakıda hərəkətlilik 65% azalıb və 0%-ə yaxın olub. Bu isə o deməkdir ki, iyunun 6-sı dünyanın iri 42 şəhəri içində ən az hərəkət Bakıda qeydə alınıb.

günü ifadə edən tək cümlə

yenə türmə, yenə qazamat, ay brat, ay brat

bəxtiyar hacıyev

Bir vaxtlar "Mən Azərbaycanın Saakaşvilisi olacağam" deyib sonradan ümidləri doğrultmayan, son parlament seçkisində ən uğurlu və prinsipial mövqe sərgələyən namizədlərdən biri. ictimai-siyasi proseslərlə yaxından maraqlanan insanlar onu artıq ciddi fiqur olaraq görməsə də, məsələrlə uzaqdan maraqlanın ofis əhli üçün hələ də cazibədarlığını saxlayır. Azərbaycanda insanların tərəfsiz xəbər almaq imkanları olmadığı üçün bəzi məsələlərin ictimailəşməsində təqdirə layiq rol oynadığını da demək lazımdır.

demokratiya

Ən gözəl izahı, Demokratiya – idarəçiliyin ən pis formasıdır, əgər digələrini nəzərə almasaq olan məvhum.

azərbaycanda formula 1 yarışlarının keçirilməsi

bir qrup istismar olunan könüllücükdən və bu layihədən korrupsiya vasitəsiylə gəlir əldə edən məmurlardan başqa ölkədə heç kimin dəstəkləmədiyi, ildə bir neçə gün xalqa əziyyət verilməsinə və büdcənin mənasız işlərə xərclənməsinə səbəb olan idman yarışıdır. Prezident adminstrasiyasına qalxan yoldakı daş döşəmənin sökülüb yerini asfalta verməsini də bu tədbirə borcluyuq. yeniyetməlik vaxtımda f1 fanatı idim, ancaq ölkəmzidə bu şərtlər altında keçirildiyi üçün bütün həvəsim öldü.

7 iyun 2020 yasamal sakinlərinin zibil atmaqla polisə etirazı

ölkəmizin dəyişikliklərə hamilə olduğunu göstərən hadisədir. gözümüzün qabağında azərbaycanda inqilab yetişir amma ən qorxulusu odur ki, bu dəyişikliklərə az-çox müttərəqqi yön vermə potensialı olan bütün siyasi qüvvələr cəmiyyətdən təcrid olunub və resursları tükədilib. Bu qəzəbli kütlə populistlərin arxasınca düşsə hər şey daha da pis ola bilər, amma artıq insanların polis dəyənəyi altında yaşamaq istəmədiyi aşikardır.

günel nağdıyeva

dəfni vağzalı sədaları altında həyata keçirilən və bununla da qaragüruhçu aziklərin mağara təfəkküründə evliliyin necə müqəddəs bir fetişizm olduğunu göstərən, zorla evləndirilməmək üçün intihar edən bəxtsiz və ay parçası kimi gözəl qız.

sözlük yazarlarının niklərinin hekayəsi

iki gün öncə hesab açarkən xeyli fikirləşdim nickname barədə, ağlıma heç nə gəlmirdi. Həmin an tv-də ABŞ-dakı olaylarla bağlı xəbərdə "Alabama ştatındakı blablabla" tipli nəsə deyirdilər, dedim aha, alabama? olsun alabama!

bəhram bağırzadə

Azərbaycanlı Rusdillilərin mini modeli. Biraz fotoqraf, biraz rəssam, biraz aktyor, öz aləmində mədəni və intellektual insan, ancaq heç birində ciddi və peşəkar iş ortaya qoymayan, hakimiyyətə yaltaqlanan, konfortundan qalmayan insan modeli.

7 iyun 1992 azərbaycanda prezident seçkiləri

Elçibəyin seçilməsi qədər, Nizami Süleymanovun absurd və populist vədlərlə 33 faiz səs yığması ilə də yadda qalan və Azərbaycan xalqının nə qədər asan manipulyasiya edilə bildiyi və siyasi cəhətdən savadsız olduğunu göstərən seçki.

zərdüşt əlizadə

Sosial Demokrat siyasətçi. Xalq Cəbhəsinin qurucularından. Meydan Hərakatında aktiv iştirak edən və memuarlarını yazan nadir siyasətçilərdən biridir, əfsuslar olsun ki, kitabı rusca çap olunub və bildiyim qədər Azərbaycan dilinə tərcümə edilməyib. Özünə görə savadlı olsa da, xalq cəbhəsinə qarşı qərəzini gizlədə bilmədiyi üçün hər dediyinə də inanmaq olmaz.

indiki gəncləri bəyənməyən yaşlı nəslin əslində bir zibil olmaması

Bunu üzə çıxarmağın ən gözəl yolu həmin şəxslərin sosial şəbəkədəki fəaliyyətinə baxmaqdır. Böyük əksəriyyəti bayağı, qeyri-ciddi məzmunlu paylaşımlara daha çox maraq göstərir, asanlıqla saxta xəbərlərə inanırlar. Məişət mövzularından kənara çıxmağı bacaranları çox azdır. Homosovetius islah olunmazdır.

mehman hüseynov

əgər ictimai-siyasi hadisələrlə yaxından maraqlanırsınızsa bəzi anlarda "taraftara oynamağı" nı başa düşə bilərsiniz və bu sizdə qıcıq oyandıra bilər amma düşünsək ki, əhalinin böyük hissəsi ölkədə turist kimi yaşayır və olub-bitəndən xəbərləri olmur, bəzi mühüm xəbərlərin qara camaata çatdırılmasında Mehman kimi adamların çox faydası dəyir. Bir neçə Mehman kimi fiqur olsa görün ölkədə necə canlanma olar. 2019-cu 19 yanvar mitinqində də, indiki kampaniyada da göstərdi ki, əhalinin mobilizasiya edilməsi baxımından müxalif partiya liderlərindən daha çox nüfuzu var.

katyuşa

ikinci dünya müharibəsi illərində Bakıda da istehsal olunmağa başlanan əfsanəvi raket