"I'm Calling the Police" kitabını oxudum keçən həftə, çox qısa idi, 50 səhifə civarlarında. Bir oturmaqla onsuz bitirirsiz. Türkcəyə "Ölüm Korkusunu Yenmek" olaraq tərcümə edilib kitabın adı. Çox təsirli kitab idi. Məsləhət görürəm, internetdə zlibrary kimi saytlardan pdfini tapıb, bəlkə də 1 saatdan qısa zamanda oxuyub qutara bilərsiniz. Mövzusu: Holokost
blok başlıqlarını gizlət
aydın süleymanlı
sözlük yazarlarının uşaql
Notice: Undefined variable: thisuser in /var/www/soz6/profilson.php on line 166
Həyatımda oxuduğum ən təsirli kitab. Çox gənc yaşımda oxumuşdum, ili tam olaraq xatırlaya bilmirəm, bəlkə də 2012. Tək xatırladığım, televizorda olimpiya oyunlarının açılışı verilirdi. Ona görə ili təxmin edə bilirəm, 2016 olmadığı çox aşikardı. 2008 olma ehtimalı çox aşağıdı çünki 9 yaşında oxumuş ola bilmərəm. Yəqin 2012 idi. Həmçinin bu il mənim Mübariz ibrahimov adına Biləsuvar Liseyinə qəbul olduğum ildi, yəqin ki, ordan kitabxanadan götürmüşdüm. Küləkli bir yay günü evə giriş qapısının qabağında oturmuşdum. Mən son səhifələrə gəldikcə, hava da lap qaralmışdı. Kitabın sonuna çatanda tüklərimin biz-biz olmasını dünən kimi xatırlayıram. Həyatıma necəsə yön verdiyini düşünürəm bu kitabın.
Bu gün yerli vaxt ilə saat səhər 8-də başlayıb axşam 8-də sonlanacaq olan parlament seçkiləri. Əsas rəqiblər Nikol Paşinyan və Robert Koçaryandır. Paşinyan hakimiyyətə gələndə Koçaryanı həbsə atdırmışdı. Koçaryan isə Putin ilə yaxınlığı ilə məşhurdu. Üçüncü yerdə Serj Sarkisyan amma onun seçilmə ehtimalı çox zəifdir. Seçkilər onsuz da nəticələnə bilməyəcək çünki heç bir tərəf yetəri qədər səs toplayıb, limiti keçə bilməyəcək. Seçimə qatılan 25 partiya var, Ermənistan Respublikasının tarixindəki bütün prezidentlər seçkilərə namizəddir. Qatılan çox olduğu üçün, səslən çox bölünür. Nəticə çıxmayacağı üçün 1 həftə sonra ikinci tura gedəcəklər, onda məcbur partiyalar koalisiya qurmalı olacaqlar və bu koalisiya vasitəsilə hökümət olacaqlar. Paşinyan ilə kim koalisiya qurmağa hazır olub özünü riskə atar, orası da ayrı mövzu. Görək də. Bircə Koçaryan gəlməsin, sir-sifətindən şərəfsizlik yağır.
atalar gününüz mübarək! 20 iyun, 2021
Podcast yayınlamaq istəyənlər üçün ən məşhur və ən geniş istifadə olunan platforma. iki il əvvəl dəcəl Spotify podcastin gücünü təxmin elədi və anchoru aldı. Mən özüm platformanı bir ildən çoxdur ki, istifadə edirəm. Ümumiyyətlə razıyam. Hər şey sadə, sürətli, əziyyətsizdir. Bu da mənim həyat tərzimə çox uyğundur. Anchorun sistemi belədir:
Səs yazınızı sayta atırsınız, orda arxa plan musiqisi qoya bilərsiniz və başqa əməliyyatlar da görə bilirsiniz. Mən səsi audacity programında kəsib doğrayıram, anchora yükləyəndə sadəcə arxa plan musiqisi ilə kifayətlənirəm. Sonra bu sayt sizin podcastinizi bütün platformalara paylayır. Podcast gedir spotify, apple podcast, google podcast, castbox, və onlarca yerdə dinlənməyə hazır olur. Sadəcə Amerikada yaşayırsanızsa, dinlənmə sayına görə pul qazana bilirsiz. Ümid edirəm, bir gün qlobal olacaq pul qazanmaq. Çünki indiyə kimi 75 min dinlənmə almışam podcastimdə. Pula çevirsən bir ölüsü 300 dollar var idi. Olsun, əsas dinlənmək və izləyici sayını artırmaqdı, gələcəkdə bunu öz cəhdlərimlə pula dönüşdürə bilər və sponsor tapa bilərəm yəqin ki.
TÜBiTAK tərəfindən qurulan Türkiyənin akademik jurnal və məqalələrinin yayınlandığı internet platforması. Son zamanlarda sıxlıqla faydalandığım yerdi, türkcə məqalə oxuyaraq türkiyədə elmin bizdən qat-qat yuxarı olduğuna şahid oldum və türkiyənin önəmli insan resursuna sahib olduğuna dair inancım yeniləndi. link
iranın yeni prezidenti. iyun 2021-ci ildə keçirilən 13. prezident seçkilərində ibrahim Rəisi iranın 8. prezidenti oldu. 1960-cı ildə Məşhəd şəhərində doğulub, hal-hazırda 61 yaşı var.
(bax: tələbə olmaq)
Tələbəsən deyə sulu yemək bişirmirsən, quru yemək eləmək tez və az əziyyətli başa gəlir. Yeməyi yeməmişdən əvvəl qəşəycə ketçuplıyırsan. Bişirdiyin yeməyin dadı-duzu olmasa da, o ketçupın arasında hər şey qarışır gedir, yeyirsən, aclığın gedir. Məsləhət görürəm tələbələr, hər yeməyə ketçup sıxın. Plovda pis olmur.
Qurucu üzvü olmasam da, bu günə kimi 4 tərcümə məqaləsi yollayaraq töhfə verməyə çalışdığım qurumdu. Azərbaycan dilində fəlsəfə materialları azdır. Lakin, əsas problem bu deyil. Azərbaycanda fəlsəfəyə olan baxış xətalıdır. Bakı Fəlsəfə Akademiyası da "hər kəs üçün fəlsəfə" motto-su ilə könlümü qazanmışdı. Çünki fəlsəfə hər kəs üçündür. Həyatımızın bir parçasıdır. Tək ehtiyacınız olan şey: sağlam düşünməkdir.
Maraqlanan, oxumaq istəyən olsa, tərcümə etdiyim məqalələr (sonuncu hələ paylaşılmayıb) link :
1. Mişel Fukonun tarixi dəyişdirən gerçək LSD hekayəsi
2. Martin Haydeqqer, Hitler Almaniyası və Yəhudi Düşmənçiliyi
3. Lyotard: Bilik satılmaq üçün istehsal olunur!
4. Bertran Rassel: Bəlkə bir az yavaşlayaq?! Tənbəllik və işləmək haqqında
Macarıstanın Baş Naziri. 1998-2020-ci illər arasında 4 il, 2010-2022-ci illər arasında isə 12 il baş nazir olub. növbəti seçkilərə qatılacaq mı, vəzifəsini bir növbəti 4 il daha davam etdirəcək mi, ümumiyyətlə belə bir haqqı var mı bilmirəm, amma Avropanın ortasında bir ölkədə 16 il hakimiyyətdə qalmaq möhtəşəm bir diktatorluq bacarığıdır, ustaqlıqla yerinə yetirilən bir populizm nümunəsidir. Erdoğan və Putin kimi diktatorlar ilə arası yaxşıdır. Avropa Birliyi ilə tam tərsinə soyuq münasibətləri var. Siyasi partiyasının adı Fideszdi. sağ mühafizəkar partiyadır. Ölkədə LGBT fərdlərinin haqları əzilir və qəti qadağalar və cərimələr təyin edilir. immiqrasiyanın qabağı alınmağa çalışılır. Milliyətçilik partiyanın ən böyük dəyərləri arasında yer alır.
haqqında mit entry-si açılsa da, "mit" çox şeyin qısaltması ola bilər.
Massachusetts Institute of Technology, qısa (MIT), qs rankingə görə, hal-hazırda dünyanın ən güclü üniversitetidir. 1861-ci ildə, Boston şəhərində, Amerikada qurulub. Özəl üniversitetdir, əsasən elm və mühəndislik proqramlarına görə məşhurdur.
Richard Feynman, Benjamin Netanyahu, Buzz Aldrin, bizim yaxından tanıdığımız Selçuk Bayraktar və s. kimi məzunları var.
Ən prestijli "universitet reytinq sıralaması" edən qurum. Saytı topuniversities.com -dur. QS sıralamasında 2022-ci il üçün ilk 5-lik belədir:
1. (bax: Massachusetts Institute of Technology) - 100 / 100
2. (bax: University of Oxford) - 99.5 / 100
3. (bax: Stanford University) - 98.7 / 100
4. (bax: University of Cambridge) - 98.7 / 100
5. (bax: Harvard University) - 98 / 100
"Həqiqət sonrası", "Həqiqətin ötəsində", "Həqiqətin bulanıqlaşması" və s. mənasına gələn, siyasət fəlsəfəsi terminidir. 2016-cı ildə Oxford Dictionary tərəfindən ilin sözü seçilib. Həqiqət sonrası - ümumi obyektiv sübutlar əvəzinə hisslər və inanclar üzərindən həqiqətin təyin olunmasını təsvir edən fəlsəfi və ya siyasi bir anlayışdır. Yalın Alpayın bu barədə yazdığı kitab var: Yalanın Siyaseti. Həqiqət sonrası erada kütləvi informasiya vasitələrinin, propaqandaların xüsusi yeri var.
Ən nifrət etdiyim ifadələrdən biri. Bu cümlə vasitəsilə axmaq insanlar özünü axmaq deyilmiş kimi göstərə bilir və arqümentlərini elmi müstəviyə qaldırmış kimi görünüb mövqeylərini gücləndirə bilirlər. "aparılan tədqiqatlara görə..." - cırt. Mənbə ver düzgün, hansı araşdırma onu de, ilini de, yazarı de, dəqiq bilmirsənsə və ya yadında qalmayıbsa - ki bu normaldı - ən azı bir ipucu ver ki, gedək o araşdırmanı tapa bilək sonra. dini arqümentləri gücləndirmək üçün də istifadə edilir bu, dinin elm ilə toqquşmadığını, aparılan tədqiqatlara görə quran ay nə bilim nə imiş - deyə sizə arqüment gətirdiklərini düşünürlər. facebook statuslarında bu cümləni sıx-sıx görə bilərsiniz, bir "fakt"dan bəhs edib, "elm xadimlərinə görə..." ilə sonlandırıb, mənbə verdiyini düşünür.
Post-truth erasında biliyin, məlumatın doğrulanması, mənbə göstərilməsi, göstərilən mənbənin etibarlılığı və s. önəmli mövzulardı. Mənim üçün ekstra həssas mövzulardı çünki öz gələcəyimi akademik kariyer ilə planlamışam, insanların sıx-sıx bu ifadəni istifadə etməsini görüb məyus oluram.
Meksika mətbəxinin ən məşhur və ən ləzzətli nemətlərindən. Bizim lavaş dönər kimi bir şeydi. Tortilla içərisinə Allah nə verdi yığırsan, sonra yeyirsən. Yemək nə gözəl şeydi.
(bax: fear of missing out)
Bu günlərdə üstünlük verdiyim pivə markası. Belçika pivəsidir. Belçikada ki dünyanın ən keyfiyyətli pivəsini istehsal etməklə məşhurdur. Alkoqol faizi 5.0%. Macarıstan qiyməti ilə yarım litrlik pivəni 309 HUF-a alıram, bu da 1.75 AZN edir. Hələ bu nisbətən bahadı, Heineken 1.50 AZN qiymətinə satılır. Azərbaycanda bu pula heç Xırdalan pivəsi ala bilmirsən. Avropanın ən sevdiyim şeyi ucuz alkoqol, xüsusilə pivə satılmasıdır. Friday (cümə) və Saturday (şənbə) içki, parti günüdür, sən evdə oturanda çöldəkilər içib qışqırır, sən də ağır FOMO hiss edirsən.
B. F. Skinner - Amerikalı psixoloq, davranışçı, yazar, ixtiraçı, sosial filosof. Skinner, ən görkəmli 100 psixoloq listinə görə 1-ci sıradadır, yəni tarixin ən görkəmli psixoloqudur. John B. Watson və Ivan Pavlov ilə birlikdə Davranışçılığın atası olaraq qəbul edilir.
Notice: Undefined variable: user_id in /var/www/soz6/sds-themes/vengeful-light/profile.php on line 1336
blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343