qeyd.
yazı qismən texniki və uzun olduğundan ilk öncə hər kəsə maraqlı ola biləcək məlumatı bildirmək istəyirəm ki, "ümumdünya səhiyyə təşkilatı " "covid-19" pandemiyası ilə əlaqədar olaraq, martın 3-ə kimi əldə olunan statistika və riyazi modellər əsasında, belə proqnozlaşdırır ki, əgər vəziyyət belə davam edər və lazımi tədbirlər - karantin, vaksinasiya, antiviral dərmanlar, dezinfeksiya və s. görülməzsə, epidemiya ən pik həddinə mayın 23-də çatacaq və yoluxmuş şəxslərin sayı 425.066 milyon olacaq və həmin gündən etibarən isə yoluxanların sayında azalma müşahidə olunacaq. Artıq sentyabrın 14-ü həmin gün üçün yoluxanların sayı 10 000 olacaq. Daha ətraflı məlumat üçün bu hesabata müraciət edə bilərsiniz: hesabat
infeksion xəstəliklərin riyazi modellərini quraraq, irəli sürülən hipotezlər və əldə olunan ilkin məlumatların əsasında xüsusi parametrlər əldə edərək epidemiyanın gedişatını və onun qarşısını almaq üçün görülən xüsusi tədbirlərin (vaksinasiya, karantin, antiviral dərmanlar) müvəffəqiyyətini proqnozlaşdırmağa kömək edən riyaziyyat və epidemiologiyanın kəsişməsində yerləşən elm (discipline). Tarixinə nəzər yetirsək görərik ki, ilk dəfə demoqrafiyanın əsasını qoyan, hətta ilk epidemioloq hesab olunan John Graunt tərəfindən müəyyən nəzəriyyə (ölmə səbəblərini görə insanları qruplaşdırıb, əldə olunan statistikanı analiz edərək) yaradılmağa çalışılıb. Ancaq ilk model 1760-cı ildə çiçək epidemiyasını analiz etmək üçün riyaziyyatçı Bernulli tərəfindən təklif olunub. Hal-hazırda ən çox istifadə olunan model isə 1927-ci ildə McKendrick və Kermack tərəfindən yazılan elmi məqalədə təklif olunan sir modelidir. Bundan əlavə onlar bu məqalənin davamı kimi 1932 və 1933-cü illərdə daha 2 məqalə nəşr etdirərək Kermack–McKendrick nəzəriyyəsinin əsasını qoyublar. Nəzəriyyənin irəli sürdüyü hipotez budur ki, təklif olunan epidemioloji model vasitəsilə müəyyən zaman kəsiyində yayılmaqda olan inkefsion xəstəliyə yoluxmuş şəxslərin sayını və bu zaman müddətində yoluxanların necə paylanmasını proqnozlaşdırmaq mümkündür. Eyni zamanda qeyd edim ki, onların təklif etdiyi model kompartmental model adlanır, yəni bu tipli modeldə əlinizdə olan statistikanı oxşar xüsusiyyətlərə görə qruplaşdırıb, həmin qruplar arasında əlaqəni təyin etməyə çalışırsınız.
istifadə olunan modellər əsasən stoxastik və deterministik olmaqla 2 yerə bölünür. Sadə yolla izah etməli olsaq, stoxastik modeldə əldə olunan nəticələr müəyyən ehtimal aralığında olur, ancaq deterministik modellər diskret nəticə verir və yüksən xəta payı olur. Epidemiyanın gedişi zamanı əldə olunan ilkin məlumatlar nə qədər çox olarsa, determinsitik modelin verdiyi nəticələr daha dəqiq olur. Ümumilikdə bu yazıda sadəlik üçün epidemoloji modeli deterministik şəkildə fərz edərək, modeli adi differensial tənliklər üzərindən izah etməyə çalışacam.
infeksion xəstəlikləri izah edən ən sadə model SiR modeli adlanır. Digər daha mürəkkəb modellər də mahiyyət etibarilə bu model üzərində qurulur, ancaq nəzərə alınan parametr sayı daha çox olur. (parametr sayı nə qədər çox olarsa dəqiqlik bir o qədər artır)
SiR akroniminin açılışı (suspicious, infected, removed or recovered)-dir.
s - şübhəlilərin sayını,
i - yoluxanların sayını,
r - isə sağalanların və yaxud ölənlərin sayını ifadə edir.
Burada s, i, r əslində hər biri yuxarıdakı xüsusiyyətlərə görə qruplaşdırılmış şəxslərin zamana görə sayını göstərən funksiyalardır. Bu şəkildə yazılması daha doğrudur:
Model aşağıdakı adi differensial tənliklərdən ibarət sistemidir:
indi isə modelin nə üçün belə qurulduğunu izah etməyə çalışım:
birinci tənliyin birinci hissəsi şübhəlilərin dəyişimini ifadə edir və ikinci hissəsi isə bu dəyişimin asılı olduğu ifadəni göstərir. Bu ifadə β (beta-yoluxuculuq əmsalı) ilə müəyyən zaman anında olan şübhəlilərin sayının yoluxanların sayına hasilinə bərabərdir. Belə olmasının əsasə səbəbi budur ki, şübhəlilərin və yoluxanların hasili bizə mümkün bütün təmasların sayını göstərəcək. Belə ehtimal olunur ki, şəxslərin şübhəli haldan yoluxmuş hala keçməsinin əsas səbəbi, onlar arasında baş verən təmaslar və həmin xəstəliyin yoluxuculuq əmsalından asılıdır (müxtəlif xəstəliklər üçün bu əmsal fərqli olur, və ilkin əldə olunan "data"-ya əsasən hesablanır). Mənfi işarəsi isə şünhəlilərin sayının azalmasını ifadə edir.
ikinci tənliyə keçməmişdən öncə üçüncü tənliyi izah etmək daha məqsədə uyğundur. Üçüncü tənlik sağalanların dəyişim sürətinin asılı olduğu ifadəni tapmağa çalışır. Belə düşünə bilərik ki, bu γ (qamma-sağalma əmsalı) və infeksiyaya yoluxanların sayı ilə mütənasibdir. Asanlıqla görə bilərsiniz ki, xəstə olmasa (i=0) sağalan da olmayacaq, xəstənin sayı artıqca sağalma əmsalından asılı olaraq sağalan və ya ölən də artacaq.
ikinci tənlik isə yoluxmuş şəxslərin zamana görə dəyişim sürətinin asılı olduğu ifadəni təyin etməyə çalışır. Buradan da asanlıqla başa düşmək olar ki, yoluxanların sayı birinci tənlikdə əldə etdiyimiz ifadəyə bərabərdir, ancaq sağalanlar və ölənlər olduğuna görə onların sayı azalır. Ona görə də belə bir ifadə əldə etmiş oluruq.
Beləliklə bu adi differensial tənliklər sisteminin həllərii - s(t), i(t), r(t) funksiyaları bizim proqnozlarımız olacaq.(yəni bu funksiyalar gələcəkdə istənilən t zamanı üçün bizə yoluxanların sayını, sağalanların sayını və s. təqribi olaraq göstərəcək). Bu tipli sistemlər qeyri-aşkar (implicit) şəkildə olduğuna görə onların həlləri daha çox ədədi üsullarla (eyler üsulu, runger-kutta və s.) kompüterlərdə hesablanır. Hal-hazırda istənilən proqramlaşdırma dilində bir neçə sətir kod yazaraq bu sistem üçün təqribi həlləri tapa bilərsiniz. Hətta internetdə bunu hesablamağa və qrafik şəkildə təsvir etməyə yardım edən bir sıra online simulyatorlar da mövcuddur. buna baxa bilərsiniz: simulyator .
Bu sistemin ilk analitik həlli isə 2014-cü ildə bu məqalədə 2-ci hissədə (2.The exact solution of the SIR epidemic model) aydın olaraq göstərilib və maraqlananlar bura baxa bilərlər: sci-hub.now.sh/10.1016/j.amc.2014.03.030 məqalə
bir də qeyd edim ki, ümumi say n dəyişmir. yəni şübhəli sayı azaldıqca xəstə sayı artır, xəstə sayı azaldıqca da sağalan sayı artır və yekunda ümumi adam sayı sabit qalır. Daha rahat təsəvvür etmək üçün bu nümunəyə baxa bilərsiniz: karantində saxlanılan hər hansı bir şəhərdə müəyyən müddət ərzində şübhəli, yoluxan, sağalan sayı dəyişsə də, şəhər qapalı olduğundan ümumi şəhərin əhalisi həmişə sabit qalır:
aşağıda gördüyünüz qrafik bu sistemin sonsuz sayda mümkün olan həllərindən birini sizə əyani şəkildə - qrafiki olaraq göstərir.
ilkin vəziyyət: 1000 şübhəli, 0 yoluxan, 0 ölən və ya sağalan;
≈20 gün sonra: epidemiyanın ən pik həddə çatacağı proqnozlaşdırılır və ≈200 şübhəli, ≈600 yoluxan, ≈200 sağalan;
≈90 gün sonra: 0 şübhəli, 0 yoluxan, 1000 sağalan və ya ölən.
qrafikdən rahatlıqla görünür ki, model düzgün şəkildə problemi təsvir etməyə imkan verir, ancaq verdiyi nəticələr tam düzgün olmaya bilər. Ancaq ilkin məlumat nə qədər böyük həcmdə olarsa, deterministik modelin dəqiqliyi bir o qədər də artır. (eynilə "supervised machine learning alqoritm"-lərində olduğu kimi)
digər vacib bir nüans budur ki, bu tənliklərdən əldə olunan digər vacib bir rəqəm var ki, hansı ki, ona " basic reproduction number" - "elementar törəmə ədədi" deyilir və bizə epidemiyanın baş verib verməyəcəyi sualını cavablandırmağa imkan verir. Əgər bu rəqəm 1-dən kiçik və ya 1-ə bərabər olarsa epidemiya baş verməyəcək, ancaq 1-dən böyük olarsa epidemiya baş verəcək. bu rəqəm ikinci tənlikdən əldə edilir:
yuxarıda gördüyünüz ifadədəki ilkin nisbət (β/γ) r0 ilə işarə olunur və bu nisbətə (yoluculuq əmsalının sağalma əmsalına nisbəti) "elementar törəmə ədədi" deyilir:
bu rəqəmin mənası ondan ibarətdir ki, bu rəqəm 1 nəfərin xəstəliyi yoluxdura biləcəyəyi şəxs sayını təyin edir və hər xəstəlik üçün fərqlidir. aşağıda müxtəlif xəstəliklər üçün dəyəri göstərilmişdir:
ebola (r≈2) və sars(r≈4) üçün qrafiki olaraq belə təsvir edilib:
bu rəqəmin nə üçün epidemiyann varlığını təyin etdiyini bilmək istəsəniz, belə izah edə bilərəm ki, əgər yoluxanların sayı artarsa - epidemiya baş verərsə, yəni ikinci tənlik 0-dan böyük olarsa, bunun baş verməsi üçün "elementar törəmə ədədi" aşağıdakı şərti ödəməldir (bütün insanların sayının ilkin vəziyyətdə olan şübhəlilərin sayına nisbətindən böyük olmalıdır):
əks halda isə epidemiyanın baş verməməsi üçün:
Bu modelin üzərində qurulan digər daha mürəkkəb modellər də mövcuddur. Bəziləri ölənləri və doğulanları, bəziləri vaksinasiya olunanları da nəzərə alır. Aşağıda bəzilərini görə bilərsiniz:
məsələn, aşağıda msir modeli üçün qurulan tənliklər sistemini görə bilərsiniz. hansı ki, anadangəlmə immun sistemi də nəzərə alınır:
Hal-hazırda baş verməkdə olan "covid-19" pandemiyasına tətbiq olunan modellər və onların verdiyi proqnozlar barədə məlumat verəcəyəm. araşdırdığım modellərdən biri 2020-ci ilin yanvarın 26-a qədər olan məlumata əsasən, digəri 3 marta qədər olan ilkin statistikaya əsasən proqnozlar verməyə çalışıb.
Hər iki məqalə "seir" modelindən istifadə edib.birinci məqalədə " elementar törəmə ədədi" təqribi olaraq 2.8-3.3 aralığında hesablanıb.bu rəqəm əsaında o nəticəyə gəlinib ki, xəstəlik çin hökuməti tərəfindən aparılan tədbirlər ilə qaldırıa bilər.Əslində həmin dövrdə çin hökumətinin apardığı tədbirləri də nəzərə alaraq çin üçün düzgün nəticə verib. Hal-hazırda çində vəziyyət olduqca normaldır. Daha ətraflı məlumat üçün bu məqaləyə müraciət edə bilərsiniz: məqalə
ikinci məqalə (əslində "ümumdünya səhiyyə təşkilatı"-nın hesabatıdır), martına 3-ə kimi əldə olunan statistika əsasında, belə proqnozlaşdırılır ki, epidemiya ən pik həddinə mayın 23-də çatacaq və yoluxmuş şəxslərin cəmi sayı 425.066 milyon olacaq və həmin gündən etibarən isə yoluxanların sayında azalma müşahidə olunacaq.Artın sentyabrın 14-ü həmin gün üçün yoluxanların sayı 10 000 olacaq. Aşağıdakı qrafik isə həmin proqnozu göstərir. Qrafik ən pik həddi 23 maya təsadüf edir.Daha ətraflı məlumat üçün bu hesabata müraciət edə bilərsiniz: hesabat
Sonda qeyd edim ki, bu modellərin əsas məqsədlərindən biri görülən tədbirlərin effektivliyinin ölçülməsidir. Effektivliyin əsas meyarı isə "elementar törəmə ədədi"-nin minimuma endirilməsidir. Əgər bu rəqəm minimuma endirilərsə, yoluxanların sayının artımı daha aşağı sürətlə baş verəcək, və səhiyyə sistemi buna tab gətirə biləcək. Ancaq lazımi tədbirlər qabaqcadan görülməzsə, vəziyyət çox pis bir hal alacaq, və epidemiya qısa müddətdə başa çatsa da, səhiyyə sistemi bu qədər xəstəyə eyni vaxtda xidmət göstərməyə qabaqcadan nəzərdə tutulmadığına görə (hal-hazırda italiya, ispaniya, iranda olduğu kimi) yoluxanların sayı sürətlə artacaq, və çoxuna da lazım olan xidmət göstərilə bilinməyəcək.Aşağıdakı qrafik bu halları təsvir edir:
mənbə:
[1] https://arxiv.org/ftp/arxiv/papers/2001/2001.10530.pdf
[2] https://labblog.uofmhealth.org/rounds/how-scientists-quantify-intensity-of-an-outbreak-like-covid-19
[3] https://en.wikipedia.org/wiki/Mathematical_modelling_of_infectious_disease
[4] https://www.researchgate.net/publication/265887931_Lecture_Notes_in_Mathematical_Epidemiology
[5] https://www.nature.com/articles/nrmicro1845
[6] https://www.ncbi.nlm.nih.gov/pmc/articles/PMC3710332/
[7] Exact analytical solutions of the Susceptible-Infected-Recovered (SIR) epidemic model and of the SIR model with equal death and birth rates Harko, Francisco, Lobo, Mak, 2014
[8] https://en.wikipedia.org/wiki/Basic_reproduction_number
[9] applied calculus - hughes hallets and others, 2004
[10] https://introcs.cs.princeton.edu/java/94diffeq/
[11] https://www.who.int/bulletin/online_first/20-255695.pdf
[12] https://en.wikipedia.org/wiki/Compartmental_models_in_epidemiology
[13] https://en.wikipedia.org/wiki/Kermack%E2%80%93McKendrick_theory
Əlavə Resurslar:
burada sadə və əyani izahı verilib:
https://www.youtube.com/watch?v=qEKkJ5T4FGw
https://www.youtube.com/watch?v=Qrp40ck3WpI
burada isə qismən riyazi şəkildə izah edilir:
https://www.youtube.com/watch?v=NKMHhm2Zbkw
burada məsələ üzərindən izah olunur:
https://www.youtube.com/watch?v=06wnwSEHZPY
SiRS üzərindən izahı:
https://www.youtube.com/watch?v=Mgc93ztSDQ0
riyazi epidemiologiyanın əhəmiyyəti barədə TEDX söhbəti:
https://www.youtube.com/watch?v=eHlu6Vi_wxo
seir modelinin pythonda implementasiyası:
https://towardsdatascience.com/social-distancing-to-slow-the-coronavirus-768292f04296
seir modelinin matlabda implementasiyası:
https://www.researchgate.net/publication/339311383_Estimation_of_the_final_size_of_the_coronavirus_epidemic_by_the_SIR_model
qeydlər.
1. Differensial tənliyin analitik həlli deyildikdə "exact solution" nəzərdə tutulur.
2. Bəzi ədəbiyyatlarda "r"-in ya "removed"-i ya "recovered"-i və ya hər ikisini işarə etdiyi bildirilir. Ancaq bu xüsusilə "sir" modeli üçün bir əhəmiyyət daşımır, çünki onlar "oyundan" çıxanların sayını göstərir və modelin proqnozlarına təsir göstərmir. Çünki ölən və ya sağalan şəxs artıq heç kimi yoluxdura bilməz.
3. Sistemi həll etmək üçün ilk öncə əlinizdə olan ilkin statisitka əsasında yoluxuculuq və sağalma parametrlərini təyin etməlisiniz. Ondan sonra həll edib, proqnozları təyin edə edə bilərsiniz.
blok başlıqlarını gizlət
Mən şəm'-i sərâçe-yi firâkəm.
Gündüz həbsəm, gecə nicâtəm,
Gündüz mövtəm, gecə həyâtəm.
ıv nəsil azərbaycan bəstə
ağa məhəmməd şah qacar
iran
ssri
aşurbəyovlar
mirzə fətəli axundov
homoerotik azərbaycan ədəbi
Notice: Undefined variable: thisuser in /var/www/soz6/profilson.php on line 166
"covid-19" pandemiyası ilə bağlı ümumdünya səhiyyə təşkilatı tərəfindən elan edilən " səhiyyədə qlobal fövqəladə hal" ilə əlaqədar olaraq 2021-ci ilin yayından gec olmamaq şərtilə 1 il müddətinədək tokioda keçirilməsi təxirə salınmış olimpiya oyunları
mənbə:
reuters
edit.
keçirilməsi 2021-ci il 23 iyul - 8 avqust arası tarixlərdə qərara alındı.
mənbə
indiyə kimi dünya tarixi ərzində baş vermiş pandemiyaların tarixi və törətdiyi fəsadlar barədə maraqlı infoqrafik:
mənbə:
https://www.visualcapitalist.com/history-of-pandemics-deadliest/
bəstəkar aqşin əlizadə tərəfindən "rəqiblər" filmi üçün yazılmış musiqi. Dinlədikcə həm düşündürür, həm də kədərləndirir...
azərbaycanlılara üzeyir hacıbəyovun 1910-cu ildə yazılmış " o olmasın, bu olsun" operettasındakı "Deyirlər ki, toy olacaq" mahnısından tanış olan, erməni keşiş və bəstəkar komitas tərəfindən nota köçürülmüş, 1906-cı ildə parisdə "la lyre armenienne" adı altında kitabçada çap edilmiş, ermənistanın Vaqarşapat (keçmiş Eçmiədzin, Armavir vilayəti) şəhərinə və yaxud regionuna məxsus gözəl rəqs. 1944-cü ildə bəstəkar Arno Babacanyan yenidən fortepiano üçün işləmişdir.
gürcü əsilli pianist Khatia Buniatishvili tərəfindən möhtəşəm ifası:
başqa gözəl ifası:
"Deyirlər ki, toy olacaq":
qeyd. şəxsən üzeyir hacıbəyov tərəfindən bu əsərin intihal ( plagiatçılıq və ya plagiarizm) edildiyinə ehtimal vermirəm. xalq rəqsi olduğundan mümkündür ki, geniş bir arealda məşhurlaşan rəqs olsun və o da bu rəqsə məxsus melodiyanı komitas-dan xəbərsiz şəkildə öz operettasında istifadə etsin.
mənbə:
https://en.wikipedia.org/wiki/Komitas
https://en.wikipedia.org/wiki/Armenian_dance
https://en.wikipedia.org/wiki/Uzeyir_Hajibeyov
1906-cı ilə məxsus parisdəki nəşri:
http://serials.flib.sci.am/openreader/hay%20qnar/book/content.html
edit.
#293092 nömrəli entry-də yazılanlara cavab olaraq bax:
https://soz6.com/meslehetxana/13368/vaqarsapat-reqsi
oxşar mövzulu başlıqlar:
(bax: koronavirusun müsbət tərəfləri)
(bax: covid-19)
(bax: koronavirus)
(bax: sars-cov-2)
(bax: covid-19 testi)
(bax: huanan dəniz məhsulları bazarı)
(bax: sars-cov-2 vs covid-19)
(bax: yazarların koronavirus günlükləri)
(bax: koronavirusinfo.az)
(bax: aziklərin koronavirusla bağlı konspirasiya nəzəriyyələri)
(bax: 2019-ncov)
(bax: koronavirus pandemiyasından sonra dəyişəcək şeylər)
(baxma: nəyə görə virus avropada daha çox can aldı)
"sars-cov-2" virusunun varlığını təyin etmək üçün həyata keçirilən test. Hal-hazırda əsasən 2 üsulla aparılır: molekulyar tanıma və seroloji metod ( serologiya - biologiyanın qanda antigenlərlə, immuloglobin zülallarının və ya anticisimin qarşılıqlı təsirini öyrənən sahəsi). Molekulyar tanıma metodu daha dəqiq nəticə verir. Bu metod kimya üzrə Nobel mükafatçısı, "AiDS DENiALiSM" hərəkatının məşhur nümayəndələrindən olan Kary Mullis tərəfindən kəşf olunmuş " polimeraz zəncir reaksiyası" vasitəsilə pasiyentdən götürülmüş nümunədə olan nuklein turşularının milyonlarla nüsxəsini yaradıb çoxaldır, və onların üzərində " nuklein turşusu testi" apararaq nümunədə virusun varlığını təyin edir. seroloji metod isə əsasən pasiyentin qanından götürülmüş nümunədə immun sistemi tərəfindən patogenləri məhv etmək məqsədi ilə istifadə olunan və qandakı plazma hüceyrələri tərəfindən istehsal olunan immunoglobulin zülallarının varlığını aşkar edərək, xəstəliyin olub-olmamasını təyin edir. Eyni zamanda, xəstə sağalsa belə, immunoglobulin zülalları xəstənin qanında uzun müddət qaldığından,seroloji test müsbət nəticə verir. Ona görə də, ilkin metod, əsasən, aktiv infeksiya şübhəsi olan şəxslərə diaqnoz qoymaq üçün istifadə olunsa da, ikinci metod artıq xəstəlik təyin olunan şəxslərdə xəstəliyin müşahidəsi, və virusun tədqiqi üçün istifadə olunur (anticisimlərin qan nümunəsindəki konsentrasiyasını ölçərək).
Molekulyar tanıma metodu ilə aparılan testlər boğazdan və ya burun boşluğundan götürülən nümunələrin üzərində aparılır. Testin Nəticələri isə orta hesabla 2 - 48 saat arasında bəlli olur.
Hələ ki, test dəstlərinin (kit) sayı az olduğundan, testlər ancaq qızdırma və nəfəs almada çətinliyi olan, virus aşkarlanmış insanlarla yaxın kontaktda olan şəxslərin üzərində aparılır.
ölkələrə görə testin həyata keçirilmə statistikası
mənbə:
https://en.wikipedia.org/wiki/COVID-19_testing
https://en.wikipedia.org/wiki/Polymerase_chain_reaction
https://www.ncdhhs.gov/divisions/public-health/coronavirus-disease-2019-covid-19-response-north-carolina/testing-covid-19
azərbaycan dilinə türk dilindən keçən və cümlələrdə yamaq kimi göründüyünü hiss etdiyim "insan oğlu" ifadəsinin əvəzinə, işlədilməli olduğunu düşündüyüm ifadə.
qeyd. daha poetik tərzi üçün (baxma: övladi-bəşər)
edit.
deyəsən, bəzi yazarlara fikrimi düzgün formada çatdıra bilməmişəm:
cümlənin vergülə qədər olan hissəsi - "və" ilə bir-birinə bağlanan feli sifət tərkibləri -
1. "azərbaycan dilinə türk dilindən keçən"
2."cümlələrdə yamaq kimi göründüyünü hiss etdiyim"
hər ikisi "insan oğlu" ifadəsini təyin edən həmcins təyinlərdir. "bəşər" sözünün türk dilindən keçdiyi iddia olunmur.
həmçinin "insan oğlu"-nun ifadə formasında türk dilindən (türkiyə türkçəsi) dilimizə keçdiyi bildirilir. "insan" sözünün türk sözü olduğu yenə iddia olunmur. "bəşər" və "övladı" sözünün mənşəyi barədə ümumiyyətlə fikir bildirilmir.
eyni zamanda ıx-xx əsr azərbaycan ədiblərinin əsərlərində də "bəşər övladı" ifadəsinə daha çox rast gəldiyimdən, "insan oğlu" ifadəsinin buna görə mənə qəribə - yamaq kimi göründüyünü bildirirəm, ancaq yenə hər kəsin subyektiv fikrinə əsasən, hər kəs istədiyi ifadəni işlətməkdə azaddır.
belçikalı rəssam Rene Magritte tərəfindən çəkilən surrealist rəsm əsəri ("Le fils de l'homme")
pomidor sözünün etimologiyasının italyancadan tərcümədə "pomo d'oro" - "qızıl alma" olması.
oqtay kazımi tərəfindən bəstələnən, ilk dəfə flora kərimova tərəfindən ifa olunan şedevr. həmçinin azərbaycanda rok üslubunda yazılan ilk bəstə olduğu da iddia olunur:
qeyd. çoxlarına oqtay ağayevin repertuarından tanış olsa da, fikrimcə bu mahnının ruhunu flora xanım daha yaxşı hiss edir.
azərbaycanda rok musiqi janrı ilə bağlı ilklərin əsasını qoyan bəstəkar: ilk rok operanın müəllifi (bax: Hophopnamə)
, ilk rok operettanın müəllifi, ilk professional rok qrupunun yaradıcısı (baxma: Eksperiment Ok) və həmçinin ehtimal olunur ki, rok janrında ilk bəstənin də müəllifidir (bax: qaytar eşqimi)
bu sifarişi verən: hechliyin_menasi
tarixən soyuducu olmadığından toy üçün 1 gün əvvəl kütləvi şəkildə kəsilən heyvanların daxili orqanlarının (içalat), başının və ayaqlarının tələf olmasının qarşısını almaq üçün yaxın qohumlara, toyu təşkil etməkdə köməklik göstərən şəxslərə əsasən maddi yardım (baxma: toyana) gözlənilmədən təşkil olunan məclis. Axşam içalat ya qızardılaraq, ya da kabab şəklində verilər, səhər açılmağa az qalmış isə gecədən bişməkdə olan xaş təqdim olunar və bununla da məclis dağılar. Eyni zamanda ciyər axşamları qumarın ən pik həddə oynanıldığı məclislərdən biridir (toy sahibi də uyğun faizini alır). zənnimcə, məhz elə bu səbəbdəndir ki, indi də "ciyər axşamı" adətini tərgitməmişik, baxmayaraq ki, artıq "soyuducumuz" var...
DNTnin quruluşunu göstərən ilk həlledici fotosübut. ilk qara dəlik-in görüntüsünün əldə edilməsi fizika tarixində necə böyük nailiyyət idisə, bu şəkil də biologiya üçün eyni və ya daha böyük səviyyədə əhəmiyyətə malik idi. Şəkil rosalind franklinin doktorant tələbəsi raymond gosling tərəfindən x-şüa diffraksiyası metodu ildə əldə edilmişdir. belə adlandırılmasının səbəbi isə onlar tərəfindən bu metodla əldə edilən 51-ci şəkil olması idi.
mənbə
Şah Ismayılın portretini çəkən florensiyalı rəssam. əsərləri arasında şah Təhmasibin, Sultan Süleymanın, Dantenin, Bəyazidin, mirandolanın da portretləri var və uffizi qalereyasında görmək olar.
çinin wuhan şəhərində ekzotik canlı heyvanların (təqribən 120 növ vəhşi heyvan) və dəniz məhsullarının satıldığı bazar. ilkin mərhələdə (31 dekabr 2019) pnevmoniya simptomları ilə xəstəxanaya yerləşdirilən 41 pasiyentdə "sars-cov-2" virusu aşkarlanması ilə, və aşkarlananların 70 faizinin müəyyən formada bu bazar ilə əlaqəsinə görə, 2020-ci il yanvarın 1-dən etibarən çin hökuməti tərədindən dezinfeksiya məqsədilə qapadılmışdır. eyni zamanda bazarın müxtəlif hissələrindən götürülən 585 nümunədən 33-də "sars-cov-2" aşkarlanmışdır.həmçinin virus aşkarlanan 33 nümunənin 31-i vəhşi heyvanların satıldığı - bazarın qərb hissəsindən götürülmüşdür. Bazarda satılan bəzi heyvanların siyahısı:
Porsuq, Yarasa, Qunduz, Dəvə, Toyuq, Yencək, Timsah, it, uzunqulaq, Balıq, Tülkü, salamander, Kirpi, Koala, Yenot, Dəvəquşu, Panqolin, Tovuzquşu, Qırqovul, Donuz, Dovşan, Siçovul, Qoyun, Karides, Xallı maral, Tısbağa, Zəhərli ilanlar, Canavar
Virusun yarasalardan panqolinlərə, onlardan da insanlara keçməsi ehtimal olunur.
panqolin
çində yerləşən bu tipli bazarlardan görüntülər:
mənbə:
https://en.wikipedia.org/wiki/Huanan_Seafood_Wholesale_Market
https://www.businessinsider.com/wuhan-coronavirus-chinese-wet-market-photos-2020-1
https://time.com/5770904/wuhan-coronavirus-wild-animals/
https://www.nature.com/articles/d41586-020-00548-w
"anonimlik autentiklikdir !"
və ya
"anonimlik orijinallıqdır !"
Notice: Undefined variable: user_id in /var/www/soz6/sds-themes/vengeful-light/profile.php on line 1336
blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343