arzu qeybullayeva

indiyə kimi tutduğu mövqedə səmimi olduğunu düşünsəm də, sonuncu hərəkəti ilə məndə səmimiyyətinə qarşı dərin şübhə yaratmış şəxs. bu barədə əli novruzov burada yazıb...

əlavə olaraq qeyd etmək istəyirəm ki, bu ölkədə müxaliflər arasından zərdüşt əlizadədən daha çox təhqirə məruz qalan adam tanımıram, şəxsən. müxtəlif sosial şəbəkələrdə, video platformalarda xalqımızın necə böyük istedad göstərərək, kreativ təhqirlər yaradıb, ona qarşı yazdığını, onu təhdid etdiyini görə bilərsiniz... özü də ki, lap gənc adamlardan tutmuş yaşlı insanlara qədər... ancaq mən onun hələ heç bir məqaləsində və ya müsahibəsində bu haqda fikir bildirməsinə və ya bundan şikayətlənməsinə rast gəlməmişəm * bəlkə də var . yaxşı bilir ki, bu xalqın təfəkkürü nə yerdədir, və onun təfəkkürünün bu səviyyədə olmasında günahkarın da kimlər olduğunu çox yaxşı bilir... onun üçün bu adamlar iradəsi əlindən alınmış varlıqlar, bir növ beyni yuyulmuş "təbii" və "səmimi" trollardır, ona görə də bunlara reaksiya verməyi tamamilə əhəmiyyətsiz hesab edir... doğru sözü demə yoluna qədəm qoyan insan bilir ki, çoxluq onun əleyhinə olacaq və bunlara məhəl qoymadan yoluna davam edir... başa düşür ki, abidə heç vaxt milçəyə cavab verməz...

problem burada ona səmimi yazılan mesajı "screenshot" edib, silsilə şəklində paylaşdığı postların arasına salıb, nifrət nitqi kimi tirajlamağıdır, təəssüf... bu sadəcə ucuzluqdan başqa bir şey deyil artıq.

azərbaycan əsgərlərinin erməni əsgərlərinə qarşı davranışı

vicdanı olan şəxslərin qınamalı və cəzalandırılmasını könül rahatlığıyla tələb etməli olduğu davranış.

heç bir halda, qarşı tərəfin etdiyi hansısa cinayət, istəyir soyqırım olsun, başqa bir insanın döyüş meydanından kənarda öldürülməsinə bəraət qazandıra bilməz. bəraət qazandırmaq üçün belə bir şeyi arqument kimi göstərmək, ağla gətirmək sadəcə, əxlaqsızlıq və vicdansızlıqdır!

belə bir bəraət ona bənzəyir ki, başqası sizin qardaşınızı öldürür, və özünə bəraət qazandırmaq üçün deyir ki, başqa bir cinayətkar da mənim qardaşımı öldürmüşdü...

Başa düşün ki, Səhvlərinizi etiraf edə bilmək sizi kiçiltməz, əksinə böyüklüyünüzü göstərər... qarşı tərəf belə bir addım atmadığı təqdirdə belə...

Əli xamanei

wikipediaya əsasən, gəncliyində Jean Paul Sartre və Bertrand Russeli oxumaqdan həzz alan iranın ali dini lideri.

həmçinin, öz nitqlərində mixail şoloxovun, aleksandr tolstoyun, honore de balzac və antiklerikalist * din hakimiyyətinin əleyhinə olan cərəyanın nümayəndəsi , anarxist fransız yazıçı michel zevaconun əsərlərini yüksək qiymətləndirmişdir. hətta, çıxışlarından birində gəncliyində zevaconun bir çox romanını oxuduğunu dilə gətirərək, gənclərə onu oxumağı xüsusilə tövsiyyə etmişdir. Viktor hüqonun səfillər romanını isə tarixdə yazılmış ən möhtəşəm roman hesab etmişdir.

"mən " ilahi komediyanı" oxumuşam. Əmir Arslanı * iranda 19-cu əsrə aid məşhur dastan oxumuşam. həmçinin, " 1001 gecə nağılları"nı da oxumuşam. Lakin, "səfillər" roman yazılışında bir möcüzədir. Səfillər bir sosiologiya kitabıdır, bir tarix kitabıdır, bir tənqid kitabıdır, ilahi bir kitabdır, sevgi və hissin kitabıdır."


qeyd.
Dante məhəmməd peyğəmbəri və əlini ilahi komediyasında bəşəriyyətin düşmənləri hesab etmiş və onların cəhhənnəmin səkkizinci dairəsinin doqquzuncu bölməsində əzablar içində ölümünü təsvir etmişdir. Əsərdə həmin hissə "cəhənnəm, 28-ci kanto"da belə verilmişdir:

tərcümə:

Elə ki, o zavallı gördü məni nəhayət,
Araladı əlilə qana batmış sinəsin,
Dedi: "gör bir nə şəklə düşüb bu üz, bu sifət!

Gör nə eybəcər olub Məhəmmədin çöhrəsi!
Qarşımdakı əlidir, budur inləyib gedir,
Onun iki hissəyə parçalanıb kəlləsi."

orjinal:

Mentre che tutto in lui veder m’attacco,
guardommi e con le man s’aperse il petto,
dicendo: «Or vedi com’ io mi dilacco!

vedi come storpiato è Mäometto!
Dinanzi a me sen va piangendo Alì,
fesso nel volto dal mento al ciuffetto.

bu hissəyə rəssamlar tərəfindən bir sıra illüstrasiyalar da çəkilmişdir.

1861-ci ildə gustav dore tərəfindən çəkilmiş illüstrasiya. sinəsi yarılan məhəmməd, arxada qılıncın altında dayanan isə məhəmmədin əzabından kədərlənən əlidir.


william blake adlı rəssama məxsus başqa bir illüstrasiya.


boloniya şəhərində san petronia kilsəsindən oxşar hissəni təsvir edən fresko.



mənbə.
https://en.m.wikipedia.org/wiki/Michel_Zevaco
https://en.m.wikipedia.org/wiki/Ali_Khamenei
https://en.m.wikipedia.org/wiki/Medieval_Christian_views_on_Muhammad
link
http://www.gutenberg.org/files/1012/1012-h/1012-h.htm
ilahi komediya, tərcümə: əliağa kürçaylı, 2004

midhət abasov

geoloq, akademik, sabiq dövlət katibi, ameanın sabiq vitse-prezidenti.

vaxtilə heydər əliyevlə arasında belə bir məşhur dialoq baş tutmuşdur:

"90-cı illərin ortalarında Heydər Əliyevin keçirdiyi çoxsaylı müşavirələrin birində akademik Midhət Abbasov neytral bir mövzuda çıxış edirdi. Akademikin bir qədər müstəqil davranışı Heydər Əliyevin xoşuna gəlmir. Əliyev tələb edir ki, akademik sussun və akademik etiraz edəndə Heydər Əliyev qəribə bir bəyanat verir: “Sən vaxtilə mənim adamım olmusan”. Akademik bir daha etiraz edərək bildirəndə ki, "Mən sizin adamınız deyiləm. Siz bu dövlətin rəhbərisiniz, mən də onun alimi, institutunun direktoru", Heydər Əliyev səsini ucaldıb daha inadla deyir: “Sən mənim adamım olmusan!”

mənbə

tərəkəmə

azərbaycanlı türklərin yarı-köçəri tərəkəmə (baxma: qarapapaq) subetnosuna məxsus qədim ritmik rəqs.

görkəmli bəstəkar aqşin əlizadənin xatirələrinə əsasən, onun məhz, bu rəqsi 9 yaşında pianoda dinləməsi onu gələcəkdə bəstəkar olmağa ilhamlandırmışdır. -*

piano

(youtube: )

(youtube: )

şah ismayıl xətai

mənim gözümdə sekulyarlıq simvolu olan, islam dininin təməllərinin iran və iranın keçmişdə əhatə etdiyi ərazilərdə, müasir azərbaycan da daxil olmaqla köklü şəkildə sarsıdılmasına səbəb olaraq, iranda təqribən 1000 il sonra dinin dövlətdən ayrılmasının və fars kimliyinin yenidən dirilməsinin əsasını qoyan, əslinin yunan, gürcü, kürd, fars, türk mənşəli olmasına baxmayaraq, öz müridlərini anadoludan öz başına toplamaq və cəsarətləndirmək məqsədilə yaratdığı türk dilli poeziya ilə, bugün danışdığımız azərbaycan dilinin təməllərini atdığı üçün * nəsimiylə birlikdə * azərbaycan dilini dövlət dili elan etməsi boş iddiadır. hərbidə və məhkəmədə işlənib, ancaq rəsmi yazışmalar farsca olub azərbaycanlı kimliyini daşıyan hər kəs üçün mənəvi cəhətdən dəyərli sayıla biləcək, qorxmadan və çəkinmədən öz fikirlərini və ideyalarını diktə edə biləcək cəsarətə sahib olan, özündən əvvəl mövcud olan əxlaqi-dini normaları heçə sayıb, özünü allah belə adlandıra biləcək dərəcədə çılğın olan (#296511), öz "əxlaq"ını yaratmış şah.


qeyd.
onun yaydığı şiəlik məzhəbini bugünkü iran perspektivindən baxıb qiymətləndirmək qətiyyən doğru deyil. Ismayılın o dövrdə demək olar əhalisinin hamısı sünni olan bir yerdə etdiyi bu inqilabı belə təsəvvür edə bilərsiniz ki, bugün homoseksuallığa meyilli davranışı edam ilə cəzalandıran səudiyyə ərəbistanında homoseksual evlilikləri leqallaşdırırsınız. Ərəbistanda bu aktın xalq və dini şəxslər üzərində psixoloji təsirinin miqyası nə olacaqdısa, iranda da bu baş vermişdi, ölkənin hər tərəfində üsyanlar baş qaldırmışdı. Siz yüzlərlə ildir 5 dəfə namaz qılan adamları gündə 3 dəfə şiə üsulu namaz qılmağa, onlar üçün dəyərli olan, sünniliyin əsasını qoymuş şəxsləri təhqir edib, lənətləməyə məcbur edirsiniz... Nəticə etibarilə Ismayıl özünə sədaqət andı içən qızılbaşların köməyilə bu üsyanları dəhşətli qətliamlar törədərək qılınc gücünə yatırır, əhalinin dini ideallarını dəyişdirir və rəvayətə görə qılınc müsəlmanı ifadəsinin yaranmasına səbəb olur... onu da qeyd edim ki, oxşar bir şeyi Nadir şah kimi qüdrətli bir sərkərdə də iranda yeni bir məzhəb yaradaraq həyata keçirməyə çalışıb, ancaq din adamlarının qəzəbinə səbəb olaraq müvəffəqiyyətsizliyə düçar olub. hətta ölümünün səbəblərindən biri kimi bunu göstərənlər də var.

orta əsrlər şiə-sünni münasibətləri ilə bağlı bunu deyim ki, deyilənə görə, onlar bir-birlərindən elə dərəcədə nifrət edirdilər ki, şiə və sünni olan kəs öz qızını sonradan müsəlmanlığı seçmiş hər hansı bir dinə mənsub şəxsə, məsələn xristiana verə bilərdi, ancaq şiə və ya sünni dünya dağılsa da, bir-birinə qız verməzdi... sonradan digərinin məzhəbinə seçsə də, hətta.

zərdüşt əlizadə

"nooldu paşinyan? " adlı yeni yazısında müharibənin bitməsinin səbəbləri və nəticəsinin ölkələrin gələcəyinə necə təsir edəcəyi barədə öz hipotezlərini irəli sürmüş politoloq. Yazıdan bir neçə maraqlı məqam:

"Lakin... Məncə, Paşinyan belə yeni reallığı istəmirdi. O istəyirdi ki, Azərbaycan Dağlıq Qarabağı tam tutsun. Məhz bu halda onun da, erməni xalqının da canı bu qanlı-qadalı və nəhayətsiz “Qarabağ problemindən” qurtulurdu. Qarabağ ermənilərinin faşizoid liderləri Ermənistanı minib sürən milli qəhrəman statusundan məhrum olub dönürdülər qaçqın statusunun sahiblərinə, Ermənistan isə Rusiyanın Qarabağ qarmağını qabırğasından ağrı ilə də olsa, çıxarırdı və səmtini Qərbə tuturdu."



"Nəticədə qurtarmalı olan oyun yenidən başladı. Rusiya tam olmasa da, natamam “DQR” kartı ilə həm Ermənistana, həm Azərbaycana təsir etmək imkanını özündə saxladı."



"Nooldu, Əliyev? Niyə Xankəndinin 2-3 kilometrliyində dayandın?

Səbəb rusların noyabrın 9-da Bakıya atdığı və yerli Hava Hücumundan Müdafiə qoşunlarının vurub zərərsizləşdirdiyi 2 ballistik taktiki “iskəndər” raketi idimi? Yəni ardıyca 10 raket də gələ bilərdi?
(bax: 10 noyabr 2020 bakıda qəribə səsin eşidilməsi)

Yoxsa səbəb sizinlə Putin arasında Paşinyanın devrilməsi məqsədilə əvvəlcədən gizli razılaşdırılmış məqamın yetişməsi idi?

Yoxsa səbəb bölgəyə ağalıq edən yırtıcı dövlətin başçısı ilə məhrəmanə münasibət yaradaraq öz hakimiyyətinizi möhkəmlətmək istəyi idi?"



"Azərbaycan xalqın şüurunun əsas hissəsini çulğalamış Qarabağ müşkülündən xilas olduqdan sonra ciddi bir seçimlə üzləşəcək: biz hansı növ dövlətdə yaşayırıq? Bihörmət, əski feodal qaydalarla sürülən və təbii sərvətlər hesabına yaşayan tüfeyli bir dövlətdə, yaxud insanların asudə və xoşbəxt yaşayıb-yaratdığı azad ölkədə?"

10 noyabr 2020 atəşkəs bəyanatı

azərbaycan prezidenti, ermənistan baş naziri və rusiya prezidenti tərəfindən imzalanan, bakı vaxtı ilə 10 noyabr 2020 01:00-dan etibarən ikinci qarabağ müharibəsini sona yetirən atəşkəs bəyanatı.

azərbaycanca mətni
rusca mətni

qısaca, bu bəyanat azərbaycanın ərazi bütövlüyünü tam təmin etməsə də, gələcək danışıqlar prosesində azərbaycanın üstünlüyünü təmin etmişdir. Əgər buna qədər danışıqlar prosesində dağlıq-qarabağ+5+2 rayon üçün mübarizə aparırdıqsa, bundan belə sadəcə dağlıq-qarabağın onların əlində qalan hissəsi üçün mübarizə aparacayıq. artıq qarşı tərəf bizə 7 rayonun qaytarılması qarşılığında, dağlıq-qarabağın müstəqilliyinin tanınmasını diktə edə bilməyəcək. Üstəlik, laçın koridoru da azərbaycan ərazisidir, qarşı tərəfə sadəcə naxçıvana açılan koridorun qarşılığında verilib. ən əsası isə de-fakto dağlıq qarabağ respublikası 1994 bişkek protokolundan fərqli olaraq tərəf olaraq bəyanatda iştirak etməyib və bəyanatda nə onun adı, nə onun hazırkı, nə də gələcək statusu barədə heç bir kəlmə yoxdur. yekunda isə münaqişə tam həll olunmamış olaraq qalır.



bəyanat vasitəsilə əldə edilən əsas nəticələr bunlardır ki:

-1994 bişkek protokolu sonrası mövcud olan status quo dəyişmiş;

-azərbaycanın ərazi bütövlüyü tam şəkildə təmin olunmasa da, dağlıq-qarabağ ətrafındakı 7 rayondan hərbi əməliyyatlar nəticəsində azad edilməmiş rayonların 1991-ci il 26 noyabrdan əvvəlki inzibati bölgüyə uyğun olaraq ən gec 1 dekabr 2020-ci ilədək azərbaycana qaytarılması;

-azərbaycanın dağlıq-qarabağ ərazisindən hərbi əməliyyatlar nəticəsində azad etdiyi torpaqların başda şuşa olmaqla onun tərkibində saxlanılması;

-qarşı tərəfə təhlükəsizlik zəmanəti altında laçından rusiya sülhməramlılarının nəzarəti altında 5 km endə koridorun verilməsi;

-qarşı tərəfin isə azərbaycanın qərb rayonları ilə naxçıvan arasında nəqliyyat əlaqəsinin təhlükəsizliyinə rusiya dövlət sərhəd xidmətçilərinin nəzarəti altında zəmanət verməsi;

-dağlıq-qarabağda qarşı tərəfin nəzarətdə tutduğu bölgələrə rusiya sülhməramlılarının yerləşdirilməsi nəzərdə tutulmuşdur.

rus sülhməramlılarının azərbaycana gəlməsi

bu sifarişi verən: dasein

belə demək olar ki, 25 may 1993-cü ildə Azərbaycanı idarə edən, düzgün xarici siyasət yürütməkdən bixəbər, hər fürsət tapdıqca ağzının suyu axan giyena sürüsü kimi hakimiyyəti ələ keçirməyə cəhd edən, bu zaman iqtidarda olan yarıtmaz cəbhəçilər və onların tör-töküntülərinin təşəbbüsü ilə Azərbaycandan çıxarılmış rus qoşunlarının 10 noyabr 2020-ci ildə yenidən Azərbaycana daxil olması hadisəsi.

bunun haqqında bugün də böyük qürur və fəxarət hissi ilə danışan bu qanmazlar başda isa qəmbər olmaqla, bu davranışları ilə dağlıq-qarabağ və ətrafındakı 7 rayonun tamamilə işğal olunmasına rəvac verdilər, 28 illik bu müsibətləri başımıza gətirdilər, minlərlə insanın həlak olub, yaralanmasına səbəb oldular. özləri isə bu hadisədən 10 gün sonra baş tutan surət hüseynov tərəfindən törədilən çevrilişlə (bax: 4 iyun 1993 gəncə qiyamı) hakimiyyəti əldən verdilər.

ancaq gördüyünüz kimi rus qoşunları yenidən azərbaycana qayıdan kimi ətraf 7 rayon qaytarıldı, dağlıq-qarabağın qarşı tərəfin əlində qalan hissəsinin statusu gələcək danışıqlar üçün təxirə salındı.

rusiya nə qədər ki mövcuddur və gücü yerindədir, qafqazı daim öz nəzarəti altında saxlamaq istəyəcək: ya konflikt yolu ilə, ya da ki, burada qoşun saxlamaqla. Azərbaycan kimi kiçik dövlətlərin özünün müstəqil siyasi iradəsi olmur, ola da bilməz. onlar mütləq şəkildə hər hansı bir gücün himayədarlığını əvvəl-axır qəbul etməlidirlər. əgər bunu könüllü surətdə qəbul etsələr hər şey onlar üçün yaxşı bitir, qəbul etməsələr də qəbul elətdirirlər... hər ikisini də sınaqdan keçirmişik... təcrübəmiz var, artıq...
(baxma: xiyardır yesən də, yeməsən də)

azərbaycan dövlətinin, eləcə də bütün dövlətlərin xalqı və bütövlükdə bəşəriyyət üçün edə biləcəyi ən gözəl iş - qarşılarına qoymalı olduğu ən ali məqsəd öz xalqının sülh və əmin-amanlığını təmin etmək, xalqının sosial və mədəni rifahını yüksəltmək, millətçilik xəstəliyinə yoluxmamış rasional şəkildə düşünə bilən insanlar yetişdirmək olmalıdır.

qeyd.
buna da nəzər yetirə bilərsiniz: #310136

xatırlatma.
Rus qoşunları buranı tərk etməzdən öncə Azərbaycan sadəcə öz fərsiz iqtidarı ucbatından Şuşa, Laçın və Kəlbəcəri itirmişdi.

9 noyabr 2020 rus helikopterinin vurulması

Sadəlöhv yanaşılan məsələ.

Onsuz helikopterin məxsus olduğu ölkə hadisələrə müdaxilə etmək istəsə, helikopterin məqsədli və ya məqsədsiz şəkildə, azərbaycan və ya ermənistan tərəfindən vurulmasından asılı olmayaraq, məsuliyyəti özünə sərf edən ölkənin üzərinə qoyacaq. Istəməsə, məsələni bağlayacaq. * qısaca istədiyi bəhanənin həmişə tapacaq Helikopterin həqiqətən kim tərəfindən vurulmasını düşünmək əbəsdir, çünki atış elə formada həyata keçirilib ki, konkret olaraq müəyyən etmək olmur kimdir məsuldar olan tərəf.

məsələnin konspiroloji tərəfi bundan ibarətdir ki, şuşanın alınmasından 1 gün öncə ərdoğan-putin arasında baş verən telefon görüşməsində atəşkəs müqaviləsinin müzakirəsi, şuşa azad olunan gün türk mətbuatına türkiyə maraqlarının lehinə olan, mehrinin azərbaycana verilməsi ilə naxçıvanın azərbaycana birləşdirilməsini və azərbaycanın maraqlarına tam cavab verməyən laçın koridorunun ermənistan tərəfə verilməsi və azad olunmamış dağlıq-qarabağ ərazilərinin statusunun nə olacağını (ancaq, sanki ermənistana verilməsi nəzərdə tutan) müəyyən etməyən sülh sazişinin sızdırılması, bugün isə sanki, bu sazişdən razı olmayan rusiyanın helikopterinin vurulması. sanki, azərbaycan tərəfi də helikopteri kimin vurduğunu bilmədən məsuliyyəti tez üzərinə götürüb üzr istəyir ki, hadisə böyüməsin... * onsuz sezir ki, bunun boynuna qoyacaqlar, kimin vurmasından asılı olmayaraq

qeyd.
bu da maraqlıdır...

.

hafiz paşayev

mənbədə qeyd olunanlar doğrudursa, * mənbədə bildirilənlərə əsasən, özünün bir səfirin manifesti kitabına istinad olunub sabiq xarici işlər naziri həsən həsənov barədə aşağıdakı fikirdə olan sabiq səfir:

"Tabeliyində olan şəxsdən tam itaətkarlıq tələb edərdi. Elə məhz bu xüsusiyyətinə görə də mənimlə münasibətlərində gərginlik yarandı. Işi hər an gərginləşdirmək imkanını əldən verməzdi. Tez-tez Vaşinqtona Bakı vaxtı ilə saat 12-də zəng edərdi. Uzun müddət Nyu-Yorkda yaşamış nazir yaxşı bilirdi ki, gecə 3.00-da Vaşinqtonda telefon dəstəyini qaldıran şəxs iş masası arxasında deyil, çarpayıda şirin yuxudadır. Buna baxmayaraq, nazir əmri əmr dalınca verər, hər hansı məsələ barəsində dərhal tədbir görməyi hökmlə tələb edərdi. Əlbəttə, Amerikada hökumət idarələrinin gecə saat 3.00-də bağlı olduğu faktı naziri qane etməzdi…”

mənbə

təkəli prosesi

erməni və azərbaycan xalqları arasında qarşılıqlı sülh dialoqlarının yaradılması məqsədilə erməni və azərbaycanlı ziyalıların, aktivistlərin iştirakı ilə ilk dəfə 2011-ci ildə gürcüstanın marneuli rayonunun təkəli kəndində təşkil olunmuş silsilə görüşlərə verilmiş ad. görüşlərin iştirakçıları arasında politoloq zərdüşt əlizadə, filosof niyazi mehdi, yazıçı seymur baycan, erməni sülh aktivistləri, prosesin təşəbbüskarı və qafqaz sülh təşəbbüsləri institutunun direktoru george vanyan, onnik krikorian, siyasətçi və dissident paruyr hayrikyan da olmuşdur.

həmçinin, prosesin iştirakçılarından, bir-birilə yaxın dostluq əlaqələri olan vanyan və əlizadə ikinci qarabağ müharibəsi başlamazdan 16 gün öncə hər iki xalqı müharibənin başlayacağı barədə xəbərdar etmiş, tərəflərə məsələnin sülh və qarşılıqlı kompromis yolu ilə həll olunmasına dair çağırış etmişdir.

ikinci qarabağ müharibəsi

əxlaqi nöqteyi-nəzərdən azərbaycanın tam şəkildə haqlı olduğu müharibə.* baş verən müharibə cinayətlərindən fərdlər məsuliyyət daşıyır, dövlət tərəfindən isə cəzalandırılmalıdır bunu törədənlər immanuel kantın 1797-ci ildə yazmış olduğu " əxlaqın metafizikası" adlı kitabında dediyi kimi:

"As regards the original right that free states in a state of nature have to go to war with one another (in order, perhaps, to establish a condition more closely approaching a rightful condition)"

"In the state of nature among states, the right to go to war (to engage in hostilities) is the way in which a state is permitted to prosecute its right against another state, namely by its own force, when it believes it has been wronged by the other state;"

"As for active violations which give a right to go to war, these include acts of retaliation, a state’s taking it upon itself to obtain satisfaction for an offense committed against its people by the people of another state, instead of seeking compensation by peaceful methods) from the other state. In terms of formalities, this resembles starting a war without first renouncing peace (without a declaration of war);"

qarşı tərəfin sui-istifadə etdiyi öz müqəddəratını təyin etmə hüququ ermənilərin ekspansionist ideyalarının üzərini örtən pərdədir, sadəcə. onlar hələ ilk başlarda - ssri-nin son dönəmlərində dağlıq-qarabağın ermənistanla birləşməsi üçün referendum keçirsələr də, sonralar bunun leqal əsasının olmadığını görüb, bunu öz müqəddəratını təyin etmə olaraq dəyişdirib yenidən referendum etdilər. ancaq, bunlar həqiqətən, könüldən bu hüququn doğruluğuna inansaydılar onda çeçenlərin də mübarizə hərəkatını dəstəkləməliydilər, irandakı bəlucilərin də, ərəblərin də, fransadakı baskların da, kiprdəki türklərin də... ancaq dəstəkləməyiblər. etdikləri sadəcə ikiüzlülükdür, əllərində bayraq etdiyi bu hüququ ancaq özlərinin maraqlarına cavab verdikdə istifadə edirlər...

həmçinin, öz müqəddəratını təyin etmə hüququ özü olduqca qərəzli bir məsələdir, ayrı müzakirə mövzusudur. hər nə qədər ikinci dünya müharibəsində sonra yaranıb, faşizmlə və kolonial dövlətlərlərlə mübarizə üçün bmt nizamnaməsinə ayrı bir maddə olaraq əlavə olunsa da, əksinə millətçiliyin daha da alovlanmağına səbəb oldu. bu maddə bir növ bir millətə xas olan fərdlərə bu hüququ tanıyır, ancaq məsələn, lgbt fərdlərinin eyni ideya üzərində birləşib baş verən təzyiqlər qarşısında öz müqəddəratını təyinetmə hüququnu absurd hesab edir. Yəni, eyni millətə xas olan insanlar bu hüquqdan istifadə edə bilər, ancaq eyni ideologiyanı qəbul edən insanlar bundan istifadə edə bilməz...beləliklə, bu millətçiyilin dövlətlərin daxilində daha da azğınlaşmasına səbəb olur.

onu da qeyd edim ki, ilk başlarda bu müharibənin geniş şəkildə vüsət alacağına qətiyyən ehtimal vermirdim. bir çoxları kimi sadəcə iqtidarın öz hakimiyyətini uzatmaq üçün etdiyi addım olaraq düşünürdüm və #297063-də qeyd etdiyim kimi, heç vaxt hər hansı bir insanın ölümünü müharibədəki qələbədən daha üstün hesab etməmişəm, onların bir heç uğruna ölümünü doğru hesab etməmişəm, indi də etmirəm. həmçinin baş verənlərin bizim iradəmiz xaricində də baş verdiyindən əminəm və bizim istəklərimizin bir şeyi dəyişdirəcəyinə inanmıram. biz bunun əksini istəsək də bu baş verəcək, istəməsək də.

ancaq, sırf nəzəri cəhətdən bu məsələyə yaxınlaşsaq, sırf gələcəkdə öz vicdanımızı rahatladan mövqe seçmək üçün, bugün müharibənin dayanmasını istəyib, atəşkəs istəmək gələcək nəsilləri öz düşdüyümüz bitməz bəlanın, öz çəkdiyimiz faciənin içinə yenidən atmaqdır. bu isə gələcək nəsilləri nə vaxt bitməsi bilinməyən saxta "atəşkəs"ə sürükləmək, bişkek protokulundan sonrakı atəşkəsdə olduğu kimi minlərlə insanın qətlinə, yaralanmasına imza atmaq deməkdir. bu konfliktin hazırkı müharibə ilə tam həll olma ehtimalı daha yüksəkdir, nəinki əvvəlki yolla. xalqlar arasında sülh danışıqları aparmaq, xalqların bir-birinə öyrəşməyi üçün görüşlər keçirmək və s. kimi bu konfliktin sülh yolu ilə həll olunmasını istəyənlərin irəliyi sürdüyü iddialar, qulağa gözəl səslənsə də, xalqların psixoloji durumunu və regional güclərin maraqlarını qətiyyən nəzərə almır, cəfəngiyyatdır, üstəlik belə görüşlər indiyədək keçirilib də, nəticəsi də göz qabağındadır. (bax: təkəli prosesi)

günü ifadə edən şeir

(bax: səməd vurğun)