venesiya

ərəblər tərəfindən "əl bunduqiyyə" deyə adlandırılan şimal şərqdə yerləşən italiya şəhəri.
venesiya məşhur bəstəkarlar- antonio vivaldinin, rondo venezianonun doğulduğu şəhərdir.
mən elə nə vivaldidən yazacam, nə rondodan, nə də, kanallardan. -*
az- maz bu "bunduqiyyə" ifadəsindən yazım qalsın yaddaşda.
deməli bunduqiyyə sözündəki "iyyə" hissəsini boş verin. bu hissə məkan bildirir.
çox- çox qüvvətli olan versiyalara görə "bunduq" sözü elə bildiyimiz fındıq sözüdür.
necə ki, ərəblər indi də fındığa "bunduq" deməkdədirlər.
əgər ərəb dilində fındıq sözünü cəmləndirsək, söz "bənadiq" şəklinə düşəcək və ya "bənadik".
bu söz türklərin venesiya üçün işlətdiyi "venedik" i xatırlatmaya bilmir. əlbəttə, burada "v" səsinin "b" ilə əvəzləndiyini nəzərə almalıyıq.
əgər "bunduq" sözünün cəmi olan "bənadiq" sözü "venedik" i meydana gətirmirsə ki, bu çox aşağı ehtimaldır o zaman ərəblərə "bunduq" sözünün qədim german dillərindəki "vendeg" sözündən dəyişikliyə uğrayaraq keçdiyi düşünülür.

bu ehtimalı azaldan əsas amil isə, odur ki, ərəb orduları siciliyadan başlayaraq italiyanı işğal edərkən buralarda fındıq sahələri görmüş, bu əraziləri də fındığın vətəni hesab etmişlər.

təsadüfi də deyil ki, dünya fındıq ixracatında ölkəmiz üçlüyü tamamlayan ölkə olmaqla italiya türkiyədən sonra ikinci yeri tutur.
üstəlik italiya ixrac edənlər içində tək ölkədir ki, ən çox idxal edənlərin də içində ilk üçlükdədir.

amma, tarix kitablarında portağalın olduğu kimi fındığın da vətəninin asiya- çin olduğu qeyd edilir.

deməli hindistandan bağdada yolu düşən bir adam olub. bu adam da bilir ki, ərəbistan yarımadası və yaxınlığındakı ölkələr fındıq yetişdirmir.
nə isə, hara gedərsə "fundukil bağdad", "fundukid diməşq" zad oxuyub dəhşətə gələr ki, burda nəinki fındıq yetişir, hələ hər şəhərin məxsusi fındığı da ixtira olunub. -*
amma bu adam girdiyi obyektlərin heç birində fındıq tapmayıb. niyə?
çünki "funduk" ərəbcə otel deməkmiş. -* -* -*

11 mart 2016 sözaltı radio yayımı

evdə olmadığım üçün təəssüf ki, canlı olaraq dinləyə bilmədiyim yayımdır. amma, gəlib dinlədim.
təbii ki, asan deyil efirdə 1 saatı doldurmaq. çünki doğrudan da danışmaq yazmaq kimi deyil. nələrisə editləmək, cümlələri "bişirmək" olmur.

açığı sözlüyün dilimizə hansı ifadəni gətirdiyi barədə konkret bir fikrim olmasa da, bu yayımın dilimizə timidus azərbaycancası gətirdiyini düşünürəm. -* qınamıram təbii. xəyallarını da artıq bəlkə azərbaycanca qurmur tim. -*

sözlük əksər azərbaycanlı üçün hələ də maraqsızdır yəqin ki. çünki cəmiyyətdə dinləmə mədəniyyəti ilə başa salma mədəniyyəti, yazma mədəniyyəti ilə oxumaq mədəniyyəti 4- ü də bir- birinə paralel olaraq zəif formalaşıb.

yazma mədəniyyəti deyəndə gözəl və səlis yazmağı nəzərdə tutmuram. ümumiyyətlə nələrsə yazmağın əhəmiyyətini dərk etməyi nəzərdə tuturam.

hərdən adam düşünür ki, bəlkə həddən artıq təvazökarıq biz?
bir məşhur portuqaliya atalar sözündə "həddən artıq təvazökarlıq göstəriş əlamətidir" deyilir.

məsələ ondadır ki, görəsən niyə gözəl yaza bilməməyi "yaza bilməmək" səviyyəsinə endirib heç nə yazmırıq.
əgər əbu yəhya bu sözlükdən getsə, heç nə itməz bəlkə amma, sən yazmasan, o yazmasa, bu yazmamaq "biz" mərhələsinə çatarsa, sözlük çox şey itirəcək. itirəcəksə, deməli dəyərliyik.
yayımda bu mövzuya toxunub timidus. ..

bu arada elə çujoy poxmel gedən umbay kişi olub. -*

əsəb pozan şeylər

(baxma: adapteri itirmək)
(baxma: qulaqcıqları itirmək)
(baxma: evə gəlib çatan kimi çörək almağa göndərilmək)
(baxma: evdə təkliyin dadını çıxarmaq istəyərkən ev telefonunun susmaması)
(baxma: tozsovuran səsi)
(baxma: yuxunun şirin vaxtında atanın səni köməyə çağırması)

kitab oxumamaq

məncə, ibtidai sinif kitabları ilə əlaqəsi olmayan bir "hərəkətsizlik" dir. #202853 nömrəli entry- də bizim dərs kitablarımızda "pərvər" lə bağlı söz yığınından danışılır. bəs bu söz yığını həddən ziyadə lazımsızdırmı? məncə xeyir.

canlar ürəklər siz 2- ci sinif şagirdinə nəyin öyrədilməsini istəyirsiz?
azərbaycan xalqı ümumən qonaqpərvər xalqdı. deyil?
ay humanist, insansevər yazarlar!
yolda qalmış və sizdən imdad gözləyən bir yaşlı adamı siz evinizə aparıb yedirib- içirməzsiz?
naxçıvana gedin, lənkərana gedin lap aran zonasına və ya qərb rayonlarına gedin. sizi necə qarşılayacaqlar?

burda incə bir nüans var: bəli. əgər sən "azərbaycan xalqının 90%- i tryabkadır" deyirsənsə, yenə haqlı ola bilərsən. səni haqlı edən neqativ söz yığını da çoxdur: cahil, avvam, kələkbaz, atanşik, başlığın adında olduğu kimi kitab oxumayan və sairə və ilaxır...

heç şübhəsiz ki, bu qonaqpərvərlərin içində "tryabka" da var savadsız da var avvam da.

indi bu ibtidai sinif kitabı "bu millətin çoxu cındırdır" ı aşağı sinif uşaqlarına necə başa salsın?

sən övladına hələ 7-8 yaşlarda ikən millətin cındırlığı barədə hansı "pozitiv don" geydirib danışa bilərsən?

ibtidai təhsili bu barədə necə qınayırsan? vətənpərvərlik aşılamayan bir ibtidai təhsil düşün:
belə olan halda insana uşaqkən elə bir aqressiya yüklənəcək ki, öz millətinə qarşı onda oyadılan nifrət, kin o uşağa mizantropiya toxumu səpəcək.

ibtidai sinif kitabı sırf azərbaycanlı qonaqpərvərliyindən, azərbaycanlı vətənpərvərliyindən, azərbaycanlı qəhrəmanlığından danışır. burda anormal olan nə isə var?
qonaqpərvərliyi götürək:
biz iri- iri adamlar olaraq bu insani keyfiyyətin sadəcə bizim millətə aid olmadığını bilirik. deyilmi? kitabın balaca uşağa "azərbaycan qonaqpərvər xalqdır. " deməsi bizə məntiqsiz görünür.
amma, kitab "əslində isveç soyuq ölkə olsa da, insanları çox istiqanlı və qonaqpərvərdir" desə, bu da uşağa məntiqsiz görünəcək. çünki onun azərbaycan xaricində heç bir ölkə haqqında təsəvvürü yoxdur.
xülasə xalqımızı uşaq üçün qonaqpərvər adlandırmaq əslində o uşağa qonaqpərvər sözünün mənasını başa salmaq məqsədi daşıyır.

diqqət: məqsəd təhsilimizdəki qüsurları ört- basdır etmək deyil. ya da, sırf bir entry- ə cavab olaraq bunları yazmamışam. sadəcə bəzi məsələlərdə həqiqətən mirzə cəlillik edirsiz. həddən artıq qara yaxırsız camaata.

əjdaha

qədim əsatirlərdə və nağıllarda adını çəkən xalqların kimliyindən asılı olaraq forması müxtəlif cür təsvir edilən varlıq.
bizə ən yaxın olan təsvir isə, yəqin ki, budur:
başı dəvə başına, qanadları qartal və yaxud yarasa qanadlarına oxşayan, qulağı inək, buynuzu maral, gözləri iblis gözünü xatırladan, balıq kimi pulcuqları da olan bir varlıq. sərt və tikanlı quyruğu da var.
yenə haqqında danışan xalqdan asılı olaraq başının sayı 1; 7; 9; 40
ayaqlarının sayı əksərən 2 və ya, 4 olaraq göstərilir.
əjdahanın avropaya məxsus təsvirlərində qanad mövcud olsa da, şərq xalqları onu qanadsız təsvir edirlər. onları qanadlı təsvir edənlərə görə o fövqəltəbii bir quş, qanadsız təsvir edənlərə görə isə, o nəhəng bir ilan və ya, kərtənkələdir. söz sürünənlərə gəlmişkən: reallıqda "əjdaha skeleti" axtaranlar onların dinozavrlar kimi bir vaxtlar mövcud olması ehtimalından ağız dolusu danışırlar.
əjdahaları məşhurlaşdıran mifik bacarıq isə, ağızlarından od püskürə bilmələridir. nağıllarda əjdahalar odu hücum və müdafiələri üçün püskürürlər.
qərbdə əjdaha uğursuzluq, xaos, qəsbkarlıq simvoludur.
əjdahaları şər qüvvə kimi göstərən nağıllarda onların ən çox suyun yolunu bağlayıb yaxınlarına heç kəsi buraxmamasından və nağılın qəhramanının əjdahanı güc ilə zəkası sayəsində çətinliklə məğlub etməsindən söhbət açılır.
əjdaha haqqında müxtəlif millətlərin fərqli ideyaları var:
məsələn yunanlar qədim zamanlarda böyük olan istənilən ilan növünə drakon deyiblər.
az qala hər bir xalqın ədəbiyyatında mövcud olan əjdaha anlayışı heç bir yerdə uzaq şərqdə olduğu kimi ön plana çıxmır.
əgər avropa insanı üçün əjdaha xəzinələri qəsb edən pis bir varlıqdırsa, asiyalı üçün o, xəzinənin hamisi və sadiq xidmətçilərinə tarlalarını suvarmaları üçün su verən ədalətli padişahdır.
həyat üçün əhəmiyyətli ünsürləri daima yanında saxladığı üçün də əjdaha şərqli üçün zülmkar yox, bərəkət və rifahı özündə ehtiva edən deməkdir.

çin dilində əjdahaya "luu" deyirlər. məşhur mortal kombat personajı olan çinli liu kangın da ağzından alov çıxardığını görürük.
(bax: əjdaha lazımdı)

fermi paradoksu

digər adı fermi hart paradoksu olan məşhur bir paradoksdur. bu paradoksu 1950- ci ildə öz dost tanışları ilə nahar edən məşhur amerikalı fizik enrico fermi ortaya atmışdır.
nə deyir fermi?
fermi deyir ki, bu qədər böyük bir kainatda bizdən başqa mədəniyyətlərin mövcudluğu ehtimalı çox yüksək olduğu halda niyə onlar tərəfindən ziyarət edilmirik? niyə radio siqnallarımıza cavab verilmir?

sözlüyün bilgi gücdür şüarını hətta yuxusunda belə sayaqlayan yazar bəylər və xanımlar! kəmərlərinizi bağlayın! və gözünüzü 4 açaraq beyin diqqətinizi bura yönəldin. sizinlə bir "ədəd oyunu " oynayaq.

hazır olduğunuzu hesab edərək başlayıram :

isti yay günlərində çılpaq gözlə gördüyümüz ulduzlar nəinki kainatın, süd yolu qalaktikamızın da çox "kiçik" hissəsidir.
kiçik sözünü dırnaq işarəsinə alarkən tərəddüdə qapıldım. çünki, sayı 2500- ü keçməyən ulduzlar görüş əhatəmizdə olsa da, bizdən təxminən 1000 işıq ili uzaqlıqdadır.1 işıq ilinin 9 trilyon yarım kilometr olduğunu bilərək bu ədədi 1000- ə vurmaq ədəd oyununun sizə düşən hissəsidir.

bizim süd yolu qalaktikamızda təqribi ulduz sayı 100-400 milyard arasıdır. kainatın özündə də bizim qalaktika böyüklüyündə təqribən milyardlarla qalaktika var.

alimlərin hesablamalarına görə bütün kainatda olan ulduzların sayı 250x10 ^ 22 dir. həmçinin alimlərin fikrincə bu ulduzların 5% - i yəni, 500 kvintlyon ulduz bizim günəşimizə bənzəyir.
-500 kvintlyon nədir ya şeyx?
- 500 kvintlyon 500 - ün yanına 18 ədəd sıfır qoymaq deməkdir ya buneyyə!
deməli ulduzların ümumi sayı haqqında 5%- i 500 kvintlyon olan bir ədəd düşünməliyik. düşünə bilmədik? onda hər qum dənəsinə 10 000 ulduz düşdüyünü düşünək.
nə isə. heç mövzu ulduz da deyil.

alimlər deyir ki, kainatda günəşə bənzəyən bu 500 kvintlyon ulduzun minimum 22%- ində bizim yer kürəsinə bənzəyən planetlər var.
biz "yox şişirdirlər" məntiqi ilə yanaşaq və düşünək ki, günəşə bənzəyən 500 kvintlyon ulduzun cəmi yüzdə birində dünyamıza bənzəyən planet var. bu yenə 5 kvintlyon kimi nəhəng bir ədəd edir.

gəlin oyunu kainat "level" indən öz samanyolu qalaktikamıza endirək və daha xırda düşünək:

öz qalaktikamızda 100- 400 milyard arası ulduz olduğunu fərz edək. həmçinin fərz edək ki, minimum (100 milyard) ulduzun minimum (yüzdə biri) günəşə bənzəyir. bu 1 milyard ulduzun günəşə bənzəməsi deməkdir. bəli?
yenə minimum ədəd götürüb bu 1 milyard günəşə bənzər ulduzun sadəcə 1%- ində bizim planetə oxşayan planetin mövcud olduğunu düşünəndə edirmi 10 milyon?

indi isə, bir qədər "game pause" edək:

ehtimal olunan mədəniyyətləri kateqoriyalara bölən kardeshev cədvəli adında bir cədvəl var.
bu cədvəl bizim planetimizi 0 - ıncı səviyyədə hesab etməklə 3 kateqoriya təqdim edir:

1) öz enerjisini kamil şəkildə istifadə edən mədəniyyətlər.
2) öz günəşlərindən aldıqları enerjini kamil şəkildə istifadə edən mədəniyyətlər.
3) bizim xəyalımıza gətirə bilməyəcəyimiz səviyyədə texnologiyası inkişaf etmiş super mədəniyyətlər.

planetimizə yuxarıdakı qeyddə hesabladığımız üzrə 10 milyon planetin bənzədiyini, bunların yüzdə birində (100 000) də həyat olduğunu, bu yüz minin də yüzdə birinin yəni, 1000- nin 3 cü səviyyə mədəniyyətdə olduğunu fərz edək:
bəs hardadı onlar? bütün bu reallıqlar və ehtimallar məşhur everybody is where? "hər kəs haradadır? " sualını ortaya qoymurmu?

paradoksu gücləndirən amil isə, budur ki, yerbənzəri planetlərdə və günəşbənzəri ulduzlarda bizim planetə ekstra fərq aşikar edilməmişdir. başqa sözlə planetimiz və günəşimiz tipik sayılır.bəs başqa mədəniyyətlər bizi niyə tapmır?

dünyamızın yaşı təqribən 4 milyard yarım dır. yerbənzəri bir ayrı x planetinin yaşı da 8 milyard olsun.
gəlin 4 milyard yarımı 45; 8 milyardı da 80 kimi götürək.
samanyolu qalaktikasında ulduzlararası səyahəti həyata keçirib " kaloniyalaşdırma " prosesini başa çatdırmaq təxminimizcə 3 milyon 750 min il tələb edir. bu 3 milyonlar 8 milyardı müqayisə etmək 80- lə 3- ü müqayisə etmək demək deyilmi?

editos: (bax: wow siqnalı)

8 mart qadınlar bayramı təbrikləri

səhvkeş yazılsa da, sözlükdəki zərif cinsin nümayəndələrini təbrik etməyimizə şərait yaradan başlıq.

əziz xanımlar və qadınlar! qızlar va avratlar -* dəyərli analar və sonalhffjhfg -*
sizi 8 mart münasibəti ilə ürəkdən! belə nəyi var səmimi qəlbdən təbrik edir, sizə gizli bax ilə verəcəyim qadın xoşbəxtliyi və ailə səadəti arzu edirəm.
həyatınızda əlbətdə problemlər olacaq. sizə bu problemləri həll etmək üçün ən doğru yolu seçən beyin və məntiq arzu edirəm. sizə 9 mayda təbrik edilməyə layiq əsl dürüst, saf qəlbli həyat yoldaşı da arzu eliyirəm.
(baxma: 8 martı)
(baxma: 8 qağayı) -*

azərbaycanda rus dilində təhsil

azərbaycanımızın bu keşməkeşli, ağır, çətin günlərində bizə ən çox lazım olan təhsillərdən biridir. niyə?
heşzad! pirqulunun orta statistik azərbaycanlı gənc olduğunu düşünün. evində xarici dil olaraq rusca daha çox danışılır. atası rusiyada işləyən klassik "rusyat" kişisidir. pirqulunun qeyri adi olmayan beyni ingilis, fransız və bu kimi dilləri qavramağa qadir deyil. heç həvəsi də yoxdur...
əgər o sabah atasının taleyini paylaşacaqsa, yəni, təhsili onun üçün sadəcə məktəbdən ibarət olacaqsa, niyə də rus dilini məktəbin rus bölməsində qrammatik şəkildə öyrənməsin?
onsuz da o gələcəyini ban ki moon-un tərcüməçisi olaraq görmür, görə bilmir.
türkiyə candı, ürəydi, qərdeşdi öz yerində amma, rus çörəyi yediyimiz danılmaz faktdır.
sadəcə rus dilinin həddən artıq qabardılması fikri ilə, "bakinka" ların ağızlarını marçıldada- marçıldada rus dilinin atasını ağlatması fikri ilə razıyam.
insan dili ondan sui istifadə etmək üçün bilməməlidir təbii.
belə də götürəndə onsuz da vakansiya azlığından əziyyət çəkdiyimiz ölkəmizdə rus bölməsini bitirənlər üçün ixtisas və alternativ çox azdır. əgər, rusiya ilə bağlı gələcəkdə kreativ bir planın yoxdursa, öz dilində də təhsil ala bilərsən yəni.

oğurluq

bir və ya, bir neçə şəxsə aid olan daşınan əmlakın bir və ya bir qrup şəxs tərəfindən əmlak sahibinin (sahiblərinin) xəbəri izni və iradəsi olmadan mənimsənilməsi aktıdır.
başlığı açıb nələrsə, yazmamışdan əvvəl orta səviyyədə bəzi araşdırmalar apardım və yazarlarla bunları paylaşmaqdan qürur duyaram.

əvvəlcə gəlin, mən deməsəm də, onsuz da bildiyiniz, sadəcə xırda bir yaddaş təzələməsi xarakteri daşıyan bir nüansı qeyd edim:
bu nüans oğurluğa verdiyimiz təriflə bağlıdır. belə ki, əgər əmlakın qanunsuz mənimsənilməsindən mal sahibinin xəbəri varsa, amma, izni yoxsa, bu quldurluq kateqoriyasına, yox əgər qanunsuz mənimsənilmədən mal sahibinin xəbəri varsa, və onun izni və iradəsi varsa, bu dələduzluq kateqoriyasına girir.

illərdir, əsrlərdir qədimdə hammurapi qanunlarından tutun bu günkü əxlaq və hüquq normalarına və inanc sistemlərinə. oğurluğu təbliğ edən məzmunda düşüncələri çox çətin taparsınız. bu elə bir cinayətdir ki, istənilən texniki səviyyədə yaşamış və ya yaşayan, bəlkə də yaşayacaq sivilizasiyalarda qarşısı alına bilməmişdir. təbii ki, kleptomaniyanı istisnalardan saysaq, oğurluğa meyilliliyi başlıca qığılcımlandıran amil cəmiyyətdəki sosial uçurumlardır. lakin, bu işin klassik sosioloji tərəfidir.
maraqlıdır ki, oğurluq haqqında tədqiqat aparanlar tək kriminoloqlar və ya, sosioloqlar filan yox, bioloqlar və ginekoloqlar da olmuşdur.
onlar daha da irəli gedərək müxtəlif həbsxanalarda cinayət məsuliyyətinə cəlb olunanlardan aldıqları saç, dırnaq, tüpürcək, dnt ləri tədqiq etmişlər.
xromosomların təhlilində "17 və 25- ci xromosomlar oğurluğa cavabdeh olan xronosomlardır." fərziyyəsini irəli sürməkdən də çəkinməmişlər. bu "nömrələmə" təbii ki, insanlar arasında böyük rezonans doğurmuş, sərt reaksiya ilə qarşılaşmışdır. kütlə "oğurluğun, terroristliyin, cinayətkarın geni olmaz" deyə etiraz etmişdir.
bu fərziyyə haqqında diqqətlə düşünəndə həyat təcrübəmiz bizə deyir ki, gerçək olma ehtimalı az deyil.
böyüklərimiz bizi hələ biz uşaq ikən bu kimi vərdişlərdən çəkindirərkən təqribən belə şeylər eşidirik:
"- gülməmməd o gün girib güləndam xalasıgilin toyuğunu götürüb aparıb satıb. şeytan qulağına çatdırmasın! şamo babasının da əlində əyrilik var idi. "

indi mən sözlükçülərə sual verirəm:
deyək ki, şamo baba oğurluq ilə "ad qazanıb" və gülməmmədin 10 yaşında vəfat edib. yəni gülməmməd nəvə şamo babasını 10- ca il görüb. bu oğru baba da ki, 99,9% ehtimalla oğurluğu gülməmmədin gözləri qarşısında ikən etməyib.
nəvə isə, ilk "təcrübə" sini təxminən 15-16 yaşlarında edir. və ya, lap nəvənin də oğru olduğu bu yaşda üzə çıxır. şamo baba da klassik bir babadırsa, oğru olsa da, nəvəsinə "oğurluq et ay bala" deməyəcək. baba nəvəyə oğurluq etmə "taktikaları" da öyrətməyibsə, sizcə burda irsi faktor tərəzinin ağır tərəfi olar ya mühit faktoru?
sualım bir qədər istiqamətverici xarakter daşıyır və sanki "irsi" cavabını almaq istəyirmişəm kimi görünür, amna elə deyil.

artıq təsdiqlənib ki,intihar hadisələrində genetik amillər mühüm rol oynayır. yəni, şəxsin nəslində intihar edən insan çox olarsa, irsi cəhətdən şəxs özü də buna meyilli olur.
əgər intiharda mühit amili, psixoloji amil kimi genetik parametrlərimizin təsiri varsa, niyə də oğurluqda bu təsiri yox sayaq?
təbii ki, tibbin məqsədi bir cinayəti etməyənin boynuna yıxmaq deyil deyə bu mövzuya girməyi yazarların intellekt səviyyəsi səbəbilə artıq sayıram.

sonda bir qədər də hüquq sistemində oğurluğa qarşı seçilən cəza tədbirləri haqqında çərənləmək istiyirəm. -*
biz hüquqi dövlət olduğumuza görə oğruya həbs cəzası verməklə kifayətlənirik. bu cəzalar braziliya, yamayka kimi ölkələrə oxşar olaraq bizdə də yaxşıya doğru dəyişiklik yaratmır və ya az təsiri olur.
islam ölkələrində oğurluğa qarşı tətbiq edilən radikal cəza oğurluq faktlarını xeyli azaldır.

iranda bir qiymətli daşların satıldığı mağazaya girib sərbəst şəkildə ovucunu ləl- cəvahiratla doldurub, dükanın səs küyündən qaçıb çöldə seçimini edə, seçdiyini ala bilərsən. heç kəs "oğurlayarlar" deyə qorxmur. kor koranə teokratiyaya qarşıyam amma, bəzi sahələr liberal yox, daha radikal addımlar tələb edir.

bu insana istər- istəməz azərbaycan haqqında olan o ironik lətifəni xatırladır:
oğrututan aparat ixtira edilir. abşda oğruları uğurla tutur, yaponiyada oğruları uğurla tutur, azərbaycanda aparatın özünü oğurlayırlar. -*

nə isə. çox danışdım və yoruldum. işin linqvistik tərəfi üçün
(baxma: oğurlamaq)
(baxma: qarət etmək)
(baxma: talamaq)
(baxma: tərac etmək)

sabirabad

yayda istisindən yarpaq tərpənməyən, qışda da dizdən yuxarı palçığı ilə göz oxşayan doğulduğum irayon. -*
şairlər elə "ol ginən ehtiyatlı, ala bura sabirabaddı" nı yerində deyiblər. çünki yay səhəri saat 10:30- dan sonra günəş sənlə əsla qazana bilməyəcəyin challenge-ə girər. ümumiyyətlə, mən bu rayonda yeri günəşin ultrabənövşəyi şüalarından qoruyan ozonosferin ya da, nə bilim maqnitosferin olmadığı düşüncəsindəyəm. -*
bilmirəm sözlükdə yazmışam yoxsa yox, amma yenə yazacam:
deməli 2009- cu il kürdə çimmək üçün yayı kəndə getmişəm. bibim oğlunun juqilisiynən şellənirik zad...
nə başınızı ağrıdım bibim oğlu bu isti iyul günlərindən birində mənə dedi ki, gedək əmim gilə. nə isə gətirəcəkdi. siftə- siftə hər şey əladır. maqnitofon, axıra kimi səs, kəndin löydərəməz yollarında təkər altından çıxan qrabellərin şıqqıltısı. bu minvalla gedəcəyimiz evin 10 dəqiqəlik məsafəsi olan yerə çatdıq. bibi oğlu mənə o acı, sarsıdıcı xəbəri söylədi:
-dayı oğlu, burdan o yana ot ələfdi, maşını sürə bilməyəcəm. piyada getməliyik!
sındı qol- qanadım yanıma düşdü. -* nəsəəə "başa gələn çəkilər" deyib yola düzəldik. 4-5 dəqiqə getmişdim ki, artıq "bədənimizin 2/3 hissəsi sudur" nəzəriyyəsinə həsrətlə baxmağa başladım. -*
o gün həyatımda heç vaxt tərləmədiyim bir tərzdə tərlədim. gedəcəyimiz yerdə yaşayanları tanımırdım. amma, qapıdan içəri keçəndə ilk sözüm qaraca qızın son nəfəsi ərəfəsindəki piri babaya olan son sözləri oldu:
"suuuuuu"
yekə qrafinkanı alıb suyu 30-35 saniyədə tamamilə içdim. vücudumun zəruri ehtiyacını ödəyəndən sonra şüurum yerinə gəldi və "salam" dedim.

əzizlərim, yayda sabirabadın günü kölgəsindən istidir, kölgəsi günündən.

insaflı danışmaq lazımdırsa, ildə bir- iki ay var ki, elə yaşanılası ən gözəl yer bəlkə də, sabirabaddır. bu da aprel ayından mayın ortalarına kimi olan dövrdür.
əgər sabirabada səfəriniz çoxlu qarpız yemə məqsədi daşımırsa, səfər üçün bu ayları seçin.
əgər könlünüz qarpız istiyirsə,
(baxma: sifariş verin. biri gətirər)