man vs wild

bear gryllsin hər bölümdə helikopterdən kimsəsiz çöllərə, cəngəlliklərə, dağa daşa tullanıb qurtuluşu axtarmasından bəhs edən tv showvari belgesel. deməli belgeselimsi verliş trt belgeseldən gedir. ayı ləqəbli bear bəyimiz görüb görə biləcəyiniz ən heyvanımsı insandır. çox da qənaətcildir, belə ki, bataqlıqda ölü bir qoyun tapıb, yağından istifadə edib, sonra dərisini soyaraq gecə onun içinə ayaqlarını salıb yatmış(isti saxlasın deyə), daha sonra çayı keçəndən sonra paltarları quru qalsın deyə soyunub o qoyun dərisinin içinə yığıb, biraz da şar kimi püləyib onun köməyiylə çayı keçmiş adamdı. bir dəfə də əlinə heyvan zəhəri bulaşmışdı nolmuşdu durdu işədi əlinə ki, idrarımda zəhəri təsirsiz edəcək zadlar var. nəysə, proqramda saxtakarlıq filan da var. hamısı həqiqi deyil yəni. amma maraqlı bilgilər öyrənmişəm. bambuk ağaclarının davamlılığı, buz bağlamış gölə düşsəm necə çıxa biləcəyimi, suyu çölün ortasında necə qaynada biləcəyimi və.s
nə vaxt lazımım olar onu bilmirəm. böyük ehtimal heç vaxt lazımım olmayacaq, baxırıq da yenə də

yalnızlığın ən çox anlaşıldığı anlar

ilk öncə onu deyim ki, gecələr pərdəni ən qırağa verib çölə baxaraq yatıram. dəniz ya da meşə mənzərəsi yoxdu, amma axtardığım da bunlar olmur heç. məqsəd yaşam işartısı tapmaq, həyatın davam etdiyini, zamanın axdığını görməkdir. bunun üçünsə qarşıdakı binanı özümə ov seçmişəm. deməli yenə günlərin bir günü yatmaq üçün yatağa uzananda qarşı binanın işıqlarını söndürmə oyununun oynanıldığı andır. * yalnızlığın ən çox anlaşıldığı anlar deməli, oyunun şərtləri çox sadədir. qarşı binada işığı yanan mənzillərə baxıb təsadüfi birini seçirsiniz. sonra da uzanmağa davam edərək gözləyirsiniz. təxmin etdiyiniz sönsə qazanırsınız, ayrısı sönsə uduzursunuz. düzü bu babat vaxt aparan prosesdir, amma və lakin yuxusuzluqdan əziyyət çəkirsinizsə tavana baxmaqdan maraqlıdır. haaa, bir də qazananda yəni sönəcək dediyiniz işıq sönəndə özünüzdə insanüstü güclər filan hiss etməyə başlayırsınız. bu da işin
ən zövqlü tərəfidir. nəysə. bir gün yenə yuxusuzluğun mənə vermiş olduğu yetkiye dayanarak* türklər demişkən bu oyunu oynayıram. təxminən 3-4 ay əvvəl. bu dəfə çox əzimliyəm və məqsəd əvvəlki kimi 1-2 mənzil söndürüb yatmaq deyildir. bu dəfəki məqsədim çox böyükdür. məqsəd: bütün binanın işığını söndürmək!
dedim yəqin bu iş uzağı 4ə qədər uzanar gedər. tam da təxmin etdiyim kimi olacaqdı. saat 2dən 3ə doğru irəliləməkdə, işıqlar yavaş-yavaş sönməkdədir. saat 3 olmuş və işıqlar sayca çox az qalmışdır. biraz sonra azsaylı işıqlardan bir neçəsi də sönür və yavaş-yavaş məqsədə yaxınlaşmaqdayam. artıq 4 olmuşdur, 5ə doğru irəliləyik birdən dedim aman tanrım o da ne. bir işıq sönməməkdə qərarlıdı. mənim də yuxum gəlir artıq, gec olub, yatmalıyam. amma çox maraqlı gəldi mənə. inada düşdüm dedim ulan söndürəcəm səni. çox gözlədim, nəhayət 5 olmamış söndü o işıq da. amma o mənzil mənim üçün qəribə bir tapıntıydı və eyni zamanda gələcək yuxusuz günlərin xəbərçisiydi. belə ki, artıq digər mənzillərlə maraqlanmır birbaşa o mənzili hədəf seçirdim. hərdən o qazanırdı, hərdən mən. gah mən onu, gah o məni "yatızdırırdı" -* ilk başlarda ona məğlub olmanın verdiyi narahatçılıqla yatırdım, sonralar münasibətimiz ciddi hal almağa başladı. artıq o mənim xəyali dostum idi. hərdən futbol izlədiyini, hərdən siyasət proqramı izlədiyini, bəzən aslan belgeseli izlediyini düşünürdüm. ara-ara porno izləmə ehtimalı da gəlirdi ağlıma. lap bekar olanda xəyali olaraq içib dərdləşirdim onla. amma xüsusi bir cismi yox idi. gah uzun saçlı cavan və avara oğlan, gah 50 yaşlı təqaüdçü dayı olurdu. hərdən deyirdim bəlkə qızdı ala bu. amma bunlardan aslı olmayaraq eyni adam idi o. hətda artıq işığını söndürmədən rahat yata bilirdim. əvvəl ağ işıqlardan taxırdı, sonra sarıya keçdi. nadir hallarda da olsa bəzən tez yatırdı. elə bu entryini yazarkən gözucu baxırdım mənzilinə, 3ü keçmişdi biraz, söndü işıq. bu ara aramız yaxşı deyil. neçə vaxtdı baxmırdım ona. şizofrenə bağlamamaq üçün ayrılmışdım. bugün yenə barışdıq. elə bu entryini yazarkən -*
yaşadığım yer şəhərin mərkəzinə, universitetlərə uzaq olduğu üçün buralarda orta yaşlı ailələr qalır. böyük ehtimal o da hansısa avtobusda yer verilən daydayla xalanın evidi. amma yenə də insana maraqlı gəlir xəyali dostunun ruh halından cisim halına keçdikdə necə görünəcəyi. ara bir dəli şeytan deyir get o mənzilə döy qapını de ki, "olar məmmədi?" sonra da basıb bağla ki, səhv binaya gəlmişəm. bu bəhanəylə də gör o evdə kim qalır. sonra da çəkingənliyim və tənbəlliyim imkan vermir. deyirəm otur oturduğun yerdə. və düzü görmək də istəmirəm, qoy hansısa çəkiylə, boyla, görüntü ilə sərhədlənməsin, xatirəmdə yaşasın, ölümsüz olsun.

not editi: yandı işıq, yuxu tutmayıb yenə. * yenə? * wtf * mala bağlamaq
2015
-----------
edit: artiq perdeni pencerelerin qabagina cekib, basimi atib yere yatiram. yene yalnizam
2016
-----------
edit: heç necə yatıram xəbərim olmur day. yenə yalnızam
2017
-----------
həyata, özümə və ən əsası insanlara marağımı itirmişəm. artıq heç nə vecimə deyil. o axtardığım dırnağarası yaşam işartısı da maraqlandırmır day məni. başımı atıb yata da bilmirəm. artıq mən də normal yalnızlar kimi tavana uzun-uzun baxıb sonra da yatıram. çox vaxt da pərdəni çəkirəm pəncərələrin qabağına, elə gecə də, gündüz də. görmək istəmirəm daha. bəzən köhnə günlər yada düşür, qırağa çəkirəm pərdəni gecələr. amma işığı yanan mənzillərdən başqa da nəsə görə bilmirəm artıq. bu entrynin varlığı da kimsə bəyənəndən bəyənənə yadıma düşür. hər il girib edit verirəm * glş
həə, hələ də yalnızam. yenə yalnızam
2018
-----------
2019 yalnızlıq editi. Salam, gənclər. yatmaq da daxil olmaqla, ümumiyyətlə uzun müddətdir nə pox yeyirəm bilmirəm. Uzunmüddətli təkərdəyəm. Belə də ki, Yalnızlığa davam -*

siqareti tərgitmək

ilk olaraq onu deyim ki, bu entyrdəki bilgilərin heç biri şəxsim tərəfimdən təcrübədən keçirilməyib. yəni çox da güvənməyin yazacaqlarıma. siqareti tərgitmək üçün məndən kömək istəyən bir-iki adama kömək etmək məqsədilə o vaxt bolluca metodlar oxumuşdum. yadımda qalan və ağlıma batanları yazım. bəlkə atmaq istəyənlərə kömək oldum. nəysə bu qədər giriş yetərlidi. keçim mətləbə
1.sizə siqareti xatırladan amillərdən uzaq durun. tutaq ki, kofe içəndə siqaret yadınıza düşür, ya da ahmet kaya dinləyəndə? bunları siqaretsiz edib zövq almağa çalışın. siqaretlə bunlar arasındakı əlaqəni kəsin
2. deməli bir banka qoyursunuz evdə. tutaq ki, gündə 3 paçka (!) siqaret alırsınızsa 3 paçka siqaretin pulunu hər gün atın o bankaya, 2 gündə 1 paçka alırsınızsa 2 gündən bir o bir paçkanın pulunu atın ora. nəysə də bir sözlə siqaretə ayırdığınız pulu yenə ayırın, amma ayrı şeylərə. o bankaya pul yığılandan sonra da mükafat olaraq onla özünüzə hədiyyə alın
3. çox yayılmış bir metod olaraq siqareti əvəz edəcək birşey tapın. bir uşağın əlindən oyuncağını almaq üçün ona ayrı bir şey verməlisiniz. bir də ki, idman etməyə başlayın. idman dediyim də yeriyəssiz də ala. təmiz hava alın bir, beyninizə oksigen getsin.
4. dost tanışa yalan deyin. deyin ki, "artıq siqareti tərgitmişəm, çəkmirəm." amma onlar bilməsin bu yalandı. ona görə də məcbur onların yanında istəsəniz də çəkə bilməyəcəksiniz. həm də psixolojik bir şey olduğu üçün ailə də sizi tırkalayacaq, müsbət rəy bildirəcək. gaza gələssiz siz də. bir iki ibnə dost tam tərsini edə bilər ama fikir verməyin onlara.
5. oxumuşdum ki, birdən atmayın. azaldaraq atın. səbrli olun və.s və.s
və azaldanda da fərqli siqaretlərlə edin bu prosesi. bir dada alışmayın. siqaret çəkmək istəyəndə çəkmədiyiniz ayrı birini çəkin. gələn dəfə başqasını. guya effektiv olurmuş
6.elə adam var siqaretin dumanı xoşuna gəlir sırf . götürsün kibriti yandırıb dumanına baxsın məsələn * ən dandik üsul
elə bu qədər. bunlar yadımda qalmışdı. ən əsası da həqiqətən istəyin bunu. çünki bunları öyrənməyimə səbəb olan tanışlarımın heç biri tərgidə bilmiyib