bazinga


541   0   0   0
bazinga 3.nəsil moderator
reytinq xalı: 1054
karma xalı:-81
entry sayı:541
izləyənlər:14
sifariş sayı:0

son yazdıqları| | əl əməyi göz nuru| favori seçdikləri| favori seçilənləri| bütün entryleri| saxlanılanlar| lövhə/blog
what is up bitches

bütün zamanlarda yazdığı ən əjdaha entrylər:

ailə ilə izlənilən filmdə seks səhnəsinin çıxması +39 əjdaha avatar
mentalitet gərəyi hamının bir-birinə və ya divara baxdığı vəziyyətdir. Başıma gələn bir hadisəni danışım. qonşuya getmişdik. həyət evi idi. balkondaydıq. birdən səhnədə öpüşmə səhnəsi keçdi və məhərrəm əmi təkərə düşmüş bir halda pultu axtardı amma tapa bilmədi. və o gərginliyin , stressin vermiş olduğu qaz ilə çıxartdı o bomba sözlərini.
- hə e qonşu deyirəm bu söyüd ağacları da bu il meyvə vermədi də
+ ...

hamletin olmaq ya da olmamaq monoloqu +41 əjdaha avatar
William Shakespeare'in "Hamlet"ə, teatr oyununun üçüncü pərdəsində oxutdurduğu "to be, or not to be - that is the question" monoloqu.

tərcümə mənə aiddir.

olmaq ya da olmamaq budur bütün məsələ!
qəddar talehin yumruqlarına, qəzəbinə dözərək
düşüncəmizi özümüzə saxlamaq?
yoxsa bəlalar dolu dalğaları ilə üstümüzə gələn həyat dənizinə qarşı
dur! bəsdir! demək?!
ölmək, yatmaqdır sadəcə! düşünün ki ancaq yatmaqla
bitəbilər bütün ağrıları ürəyin,
çəkdiyi bütün əzablar insanoğlunun.
yatmaq, amma yuxu görürsən yatdığın zaman, o pisdir
çünki ölüm yuxularında,
yadından çıxdığı zaman yaşamaq qayğısı,
nə yuxular görə bilər insan bunu düşünməlidir.
ki, bu düşüncədir uzun yaşamağı cəhənnəm edən.
kim dözə bilər zamanın şallağına?
güclünün üstünlüyünə, qürurunun sındırılmasına,
sevgisinin beş qəpiklik edilməsinə,
qanunlar bu qədər yavaş,
ikiüzlülüyün bu qədər sürətli yayılmasına.
pislərə qul olmağına yaxşı insanların.
bıçağı saplayıb sinəsinə azad olmaq şansı varkən?
kim istəyər bunlara dözmək,
ağır yüklərlə dolu bu həyatın altında yorulub, əzilmək.
ölümdən sonrakı bir şeydən qorxmasa,
heç kimin gedib də qayıtmadığı bilinməz dünya
qorxutmasa ürəyini?
bilmədiyimiz imtahanlara çəkilməkdənsə
əziyyətlərinə razı etməsə insanı?
şüur belə qorxaq edir insanı:
düşüncənin zəif işığı bulanıqlaşdırır
ürəyindən gələn canlı rəngi.
və necə böyük, cəsarətli düşüncələr
bu səbəbdən yollarını dəyişib
itirir, bir iş, bir hadisə olmaq gücünü.


edit: azərbaycan dilində tərcüməsini tapa bilmədiyim üçün belə bir məsuliyyəti öz üzərimə götürdüm və mütəxəssis olmadığım üçün də xahiş edirəm iradlarınızı mesaj yolu ilə bildirin, düzəldim.

yuxu paradoksu +29 əjdaha avatar
günlük yaşamımızda ayıq olduğumuz zaman beynimizin ən üst səviyyədəki komponentlərindən var olan prefrontal cortex aktiv işləyir. və real həyat elə də absurd keçmir. yatdığımız zaman isə cortex işini çox yavaşlatdığından yuxuda gördüyümüz hadisələr nə qədər məntiqsiz olsa da ona inanırıq. yuxuda zaman mövhümü da itir 10 il 15 saniyədə yaşana bilir. və əksər hallarda işlər artıq düz getməyəndə məsələn öləndə yuxudan ayılırıq.
yuxu paradoksu da budur əslində. bəlkə də biz hal hazırda yuxudayıq. öləndə oyanacıq yuxudan. bəlkə də sözlük yoxdu. bəlkə də bu qasimin yuxusudu. biz yoxuq. bəlkə də qasim yuxuda görür ki zeppelin entrydə ondan danışır. bəlkə də qasim bu entryni oxuya oxuya yol keçəndə maşın vuracaq və ayılacaq ki o 2pacdı yuxuda özünü qasim deyə biri kimi görürmüş. məlum, cortex.

edit: başlığı düzəltsəz sevinərəm moderlər. əslində olan başlıq: yuxu paradoksu.
edit 2: tşk.

tələbələr üçün sadə yemək reseptləri +25 əjdaha avatar
qırmızı mərcimək supu.

lazım olanlar:
4 qaşıq yağ
2 qaşıq un
1 qaşıq tomat (olmasa da olar amma olsa yaxşıdı)
1 kartof
1 kök (olmasa da olar)
1 soğan
1.5 stəkan mərcimək (1 stəkan da olar)

hazırlanışı:
1 - soğanları istəyə görə balacalıqda doğruyuruq. kartofu və kökü də kub formasında doğruyuruq. mərciməyi yuyuruq. bunların hamısını qoyuruq qırağa.
2 - qazana yağ qoyuruq. sonra soğanları tökürük içinə azca qarışdırıb dayanırıq. çəhrayı olana kimi qızardırıq. çəhrayı nə aq. dediyinizi eşidirəm. yəni ki gözəl insan gördün uje biri ikisi qaralan kimi olur deməli qızarıb hamısı. unu töküb soğanla qarışdırırıq. sonra tomatı qoyub qarışdırırıq 10-15 saniyə. ardından da hazırladığımız hər şeyi boşaldırıq qazana. (mərciməyi, kartofu, kökü). ən son da qazanın 75-80 faizini suyla doldururuq. o boyda sözlük yazarısız göz qərarı bilərsiz nə qədər. üstünə də kafanıza görə duz, acı və s. baharatları səpin getsin.
3 - 20 dəqiqə qaynadıqdan sonra götürün. nuş olsun.

not: türkiyədəki çorbacılardakı kimi olsun istəyirsizsə blenderdən keçirin. üstünə də kərə yağında qızardılmış pul bibər tökün.

tərs psixologiya +31 əjdaha avatar
birinə etmək istəmədiyi şeyi etdirmə üsulu.

günümüzdə əksəriyyət tərəfindən əsasən uşaqlar üzərində istifadə edilir.
-elşad, bu yeməkdən 4 qaşıq ancaq yeyər atası
-nə danışırsan heç onu da yeyə bilməz
elşad bütün boşqabı yeyib qurtarır və üzündə "bacardım" ifadəsi olur.

eks sevgilinizi geri qazanmaq üçün də istifadə edə bilərsiz (blog yazısından nümunə götürülmüşdür).

sizi sevən amma səhviniz ucbatından ya da anlaşmazlığa görə ayrıldığınız sevgilinizin əsasən getdiyi kafe, məkanlar haradırsa oralara siz də gedin. qarşılaşdığınız anda çox da şişirtməmək şərti ilə onu vecinizə almamış kimi davranın. həmçinin də xoşbəxt görünün ki sizin onsuz da yaşaya biləcəyinizi ona sübut etmiş olun. bu tərs psixologiya vasitəsi ilə onda maraq oyandıracaqsınız yenə.
P.s tərs psixologiya başqa bir qadını/kişini eks sevgilinizin gözünə soxmaq deyil, o zaman tamamilə itirmiş olarsız.

günlük həyatınızdaki problemlərinizdə də

məsələn ev yoldaşınız yemək bişirmir öz növbəsi olduğuna baxmayaraq. ona
-mans, yeməyi hazırlaya bilərsən? ya da başın burax e ala sənin hazırladığın yeməkdən nə çıxacaq.

və ya

-ala fərid gəlsəydi pes zad oynuyardım ətağa ürəyim partdıyır sıxıntıdan
+fəridi neynirsən ala oynuyaq da
-get clashivi oyna ala pes bacarırsan?
+götür pultu əlivə verəcəm

polislə dialoqlarınızda

üstünüzdə sənədləriniz yoxdusa və xarici ölkədəsinizsə polis sizə yaxınlaşdığında siz ondan qabaq hərəkətə keçib qara məni basınca qoy qaranı mən basım misalı polisə deyirsiz ki,
-bayaqdandır hamı sənədləri soruşur amma biz sənədlərimizi almaq üçün polis bölməsinə getməliyik necə gedə bilərik?

hətta o gün yorğun, seks istəməyən sevgili ilə sevişmək istədiyinizdə belə

onu masaj edin (genital orqanları çıxmaq şərti ilə). sonra da dodağından öpüb yatmaq üçün yatağın sizə aid tərəfinə çəkilib uzanın. seks başlanğıcı və ya ön sevişmə olaraq beyninə siqnallar göndərən qadın bir anda şok yaşayıb özü davam etdirmək qərarına gələcəkdir.

tərs psixologiya günümüzdə hamı tərəfindən şüurlu şüursuz istifadə edilir. bir növ insanların eqolarına və ya şüuraltına xitab edən psixoloji təsir növüdür.

12 dekabr 2003-cü il +23 əjdaha avatar
mən, mən o qədər kədərliyəm ki tanım belə verə bilmirəm, o gün kaş ki orda olaydım açaydım qollarımı..... baba! sən, sən yox ikən xpert ə zada bağlamışam
Soruşsalar: bazinga, varmı arzun ?!
Gecə babamın ruhu saçımı sığallasın
Pəncərəni də açıq qoysun arxasıyca
istərəmki o gedən kimi məni də külək aparsın

ömrümüzü sikdin baba

2 aprel 2016 sözlüyün anasının sikilməsi +19 əjdaha avatar
anasını sikim girirsən ki görəsən bu azərbaycanda nə baş verir? bir xəbərin bir məlumatın olsun yoxdu. türklər,türklər, türklər. sikim türkləri elə. sikimin bildiyini başları bilmir gəlib burda qardaşlıq, millətçilik zad kasırlar. timidus da açıq qoyub umbayların entrylərin, mesajların populyarlığa oynuyur. aq açdın ilk 1 saat dedik yəqin açıq qoyub ki görək nələrlə əlləşdiyini ki elə deyilmiş. məllim hələ dönərçiləri sevmə zad kasıb dəbə girib sonra da gedib o başlığı ekşidə paylaşır zad. sənə lazımdı ala? özün də pis çıxmasın az çox başın işliyən adamsan.

tanımın da anasın sikim.
silinmiş entry.

13 noyabr 2015 parisdə partlayış +24 əjdaha avatar
bizə daha doğrusu mənə girən hadisədir. deməli sikdiyimin terrorçuları həmişə islam dini altında fəaliyyət göstərib və ya elə gösdərilib və humanist millət olan avropada belə islamofobiya altdan altdan var idi. bu hadisələrdən sonra isə uje altı zadı qalmadı. bütün müsəlmanlar terrorçudur deməsələr belə bütün müsəlmanlar potensial terrorçudur deyəcəklər, terrorizm islamdır deyəcəklər. və mən, zeppelin avropaya getmək üçün viza problemi ilə sikişməli olacam. gedib lap quranı da ayaqlasam qabaqlarında qozdamıyacaqlar.
(bax: götümüzdəki zontiq açıldı madmazel)

motivasiya +17 əjdaha avatar
mən özünü heç bir sikimdə tapa bilməyən zeppelinin maraq saldığı alınması üçün də yay boyunca götünü dağıtdığı sənət olan rejissorluq sənətinə özümdə qurduğum psixoloji üsul.

tanımda da dediyim kimi özümü bu işə adamışam. həmişə fərqli fərqli peşələrə marağım olub. djlik etmişəm, hackerlıq etmişəm, pianino çalmışam, nəm ala qanmıyan vaxtlarımda bir pox yediyimi zənn edib çat zad yığmışam. amma heç birində rejissorluq üçün çalışdığım göt qoyduğum olmuyub. anlayın yəni necə ümidli, rəqabətcil olduğumu.

mövzüya qayıtsaq ilk profesional qısa filmim haqqında oynayacaq aktyorlarla evdə idealar irəli sürüb mübahisələr etdiyim vaxtda hansıki bu da 15-20 dəqiqə əvvələ rast gəlir. özümə ən yaxın bildiyim ev yoldaşım gəlib hamının içində mənə:
-sənə bir şey diyim ama incimə
+yox ala, de
-sənnən rejissor çıxmaz
+ haha, niyə?
-yox ətağa ciddiyəm çıxmaz
+hardan belə bir qərara gəldin?
-gördüklərimdən
+sən nə görmüsən ki mənim heç bir ciddi işim yoxdu hələ? harannan fikirləşdin bunu?
-sikimdən

dedi və getdi. mənim ən yaxın bilib həmişə arxamda olacağını düşündüyüm tək insan da bunu etdi. heç kimi qozdamıyan mənə bu çox ağır gəldi. əl çəkdim bu söhbətdən. deməyin e necə sevirsənki bir adamın sözüynən fikrivi dəyişirsən. o elə deyil.

filmdən anlayışı sadəcə slow motion yumruq, silah atəşindən, karizmatik aktyorun siqaret tüstüsü buraxmağından, finalında anidən aktyorun ölməyindən olan bir adamın bunu deməsidi söhbət. qayıdıb deyə bilərdim ona hər şeyi. üzünə vura bilərdim. solyarisdən sıxılıb mission impossible izləməyini, shiningdə yox dabbedə gərilməyini, belluccinin təcavüz səhnəsindən kayf tutmağını, enter the voidə bunu mən də çəkərəm də ala deməyini üzünə vura bilərdim. amma eləmədim.

entryim 5-10 dəqiqə əvvəl də qurtara bilərdi amma gəlib mənlə heç nə olmamış kimi siqaret çəkib hıçqırığından danışmağına qulaq asmalı oldum.

heç kimin həvəsini, motivasiyasını qırmayın. insanlığınız olsun.


narkozdan ayıldıqdan sonra deyilən ilk cümlə +20 əjdaha avatar
pasosu çəkin pasosu.

boğazımdakı artıq əti kəsdirdiyim gün saat 4 radələrində ayıldığım zaman dediyim bu cümlə əfsanə oldu həmin ayın dəb bölməsində birinci sırada yerini qorudu və əfsanə cümlə olaraq ailə tariximizin arxivində özünə yer etdi.

hadisənin üstündən təqribən 25 gün zad keçəndən sonra ad günümdə telefonuma 16 dənə ayrı ayrı adamlardan pasosu çəkin pasosu mesajı gəlmişdi.

edit: bu entryini oxuyan dostum entrymin bax kimi istifadə edilə biləcəyini dedi deyəsən mən də bununla barışıb artıq istifadə edəcəm bax kimi. gördün qaça bilmirsən zövq al prinsipi.

dəb editi: xahiş edirəm həyət evində yaşayanlar qapılarının ağzına, binada yaşayanlar da ən azından blokun ağzına su imkan olduqca da yemək qoysunlar heyvanlar üçün.


ananın dur qar yağıb deyə oyandırması +21 əjdaha avatar
mama oyandıran kimi pəncərədən baxıb paltarlarımı geyinib çölə çıxmışdım. əllərim üşüyürdü amma vecimə almırdım. kim qarla oynayanda üşüdüyünü hiss edər?

3 saat zad tək yığdığım qarları evə soxub mətbəxə aparmaq istəyəndə icazə verməmişdilər.

həmin il acı içdim çayları. bəlkə də azca qarı çaya qatmağıma icazə versəydilər daha yaxşı olardı.

amma kaş mən həmişə 'pesox' bilsəydim onlar da icazə verməsəydilər.

-dur, dur qar yağıb
+nə qədər 'pesox' var mama çöldə

işləmək +17 əjdaha avatar
həyatımızı davam etdirmək üçün məqsədlərimizə çatmaq üçün insanlığımızdan hər şeyimizdən əl çəkib nə deyirlərsə onu da etməyə məcbur olmağı ifadə edən söz. işləyirəm sözlük çox işləyirəm gecə gündüz işləyirəm. sırf evin kirayəsini siqaretimin pulunu çıxarmaq üçün. yemək zad nə olsa yeyərəm modundayam. ki elə də əhəmiyyət vermədiyim bişeydi. sadəcə mən də istəyərdim ki azərbaycanda olum pulum olsun arada kefimə düşəndə durum gedim baxım görüm nə yerdədi vəziyyət nə qədər qazanmışam. tamam əladı e bir yandan avropa nə bilim mədəniyyət əyləncə anlayışı zırt pırt . prosta bilmirəm e çox yorğunam. saat 4ə 10 dəqiqə qalır və mən 3 siparişi yerinə yetirməliyəm. həyat sikib atır e məni oysa istədiyim elə də çox şey deyil. sikim bu entryni ağladım konkret sözlərnən . işləmək istəmirəm. soxum belə yaşayışa. nəysə sikdirsin hər şey. sağolun



timidus +16 əjdaha avatar
#187030
həqiqətən yaşayıb yaşamadığını bilmədiyin bu hadisə beynimizin səhv xatırlamasıdı, yanlış yaddaş deyilən bu beyin bugına təcrübələr də aparılıb.
2002ci ildə fotoşopla düzəldilmiş balonlar uçan bir şəhərin fotosunu həmin şəhərin sakinlərinə göstərirlər. nəticədə baxanların 50 faizi həmin hadisəni uşaqlıqda yaşadığını iddia edir.

qozaltı qozluq +14 əjdaha avatar
içindəki keyfiyyətli insan profilinə olan həsədi ilə ətrafına görə milliyyətçi kimliyə bürünmüş, sığınmış şəxsiyyət ikiləminin çatışmasından şiddətə müraciət edən umbay. belələrini çox yaxşı tanıyıram. siz də tanıyırsız. yazıqdılar dəstək olun. heç olmasa bu soyuq günlərdə qapınızın ağzına bir qab yemək qoyun. sevin onları.


köhnə sevgilinin unudulmayan sözləri +15 əjdaha avatar
əslində heç bir şeyin unudulmadığını qısaca izah edəcəyim başlıq.
beyin idarə etdiyi sistemə pis təsir etdiyini görüb düşünməməyə alışdırır insanı. maddi olan xatirələrinə bu prosesi etsə də mənəvi olanlara bunu qeyri iradi etməyə ixtiyarı olmadığının fərqinə varır.

sigmund freud demişkən,

bir insanı unuda bilərsən, bir insanın sənə nələr etdiyini də unuda bilərsən amma bir insanın sənə hiss etdirdiklərini heç vaxt unuda bilməzsən.

tommydarwinson +12 əjdaha avatar
#205193

Oğlu olduğu üçün çox sevinən tommynin babası bütün çayxananı da götürüb gedirlər meşəyə 40 gün 40 gecə 2ə 3ə qədər kabab çəkib araq içirlər. 40cı günün sonunda Yediklərinin yarısını yolda təbiətə bağışlayan baba evə gəlib şüşəbənddəki köhnə setkalı yatağın üstündə yatıb qalır. səhər dəyərli həyat yoldaşı tərəfindən oyandırılaraq uşağa ad qoymağın vaxtı gəldiyi ona bildirir.

məmur: salam məllim, nə lazım idi
baba: oğluma ad
m: sənədləri gətirmisiz?
b: (yoldaşına baxaraq) hmm?
yoldaşı: hm hm.
b: (məmura baxaraq) hmm.
m: nə ad fikirləşmisiniz?
b: uzun müddətdir ki fikirləşirəm
m: yox nə vaxt yox, nəə aad?
b: fəhmin
m: nə?
b: pərvin
m: fərmin ya pərvin?
b: vin
m: nə vin məllim? ciddi iş başındayam burda!
b:...
m: məllim?!
b:.. zzzzzz.....
m: öhö, öhö məlliimm!!
b: darvin!
m:.....
m: yaxşı al!
b: ver!

iqtisadi böhrana həll yolları +16 əjdaha avatar
səhərdəndir beynimi qurcalayan bu hadisəyə düşündüyüm məsləhətlərdir.

iqtisadi böhran olanda nələr dəyişir? bildiyiniz sıradan şeyləri saymayacam. məsələn,
oxumaq istəməyən tələbəyə əvvəlcə kəskin şəkildə yox oxu deyilirdisə indi kəm küm yoxlar deyilib ardından əsgərliyə, işə və s. yola salacaqlar.
xəstəxanaya getməsi üçün məcbur olunan adam, 'yox, keçər əşi zamanla' deyəndə inad edib zorla xəstəxanaya aparırlardısa indi, 'görəy, inşallah' deyiləcək.
sevgi bitəcək, insanlar boğazını düşünərkən ətrafındakılara sevgini unudacaq. bəzi atalar cinnət keçirdib özünü yandıracaq, bəziləri ailəsini sonra özünü. bəzi analar xadiməçiliyə, bəzi qızlar fahişəliyə, bəzi oğlanlar inşaatlara haqqı olan xoşbəxtliyi ala biləcəyi dövrdə.
qardaşına, qohumuna, dostuna borc verən biri üzü gəlmirdisə istəməyə indi boğazına yapışacaq.

bəs nə etmək olar?
qaçmaq! ölkədən qaçmaq, fəhləlik, ofisiantlıq edəcəksən bari get mədəniyyətin olduğu bir yerdə insan kimi et. otur ingilis dili oxu təhsil üçün qaç. evlən qaç. sıxıllar de ateistəm de qaç, rədd elə. sikdir get bir sözlə.

ya da ki meydanlara çıxmaq. çıxıb haqq tələb etmək. məmurundan tut prezidentinə kimi hamısının maaşını yarı yarıya azaltmağı tələb et. azərbaycan markalarının istehsal etdikləri məhsulları maya dəyərindən çox az bir miqdar baha satmasını tələb et. dövlətin lazımsız yüzlərlə fabrik, zavodunu xarici biznesmenlərə özəlləşdirməsini tələb et. lazımsız lazımsız klub sponsorluqlarını ləğv etməsini tələb et.

mən hansını seçirəm? mən birincini seçirəm. mən və mənimkimi minlər vaxtilə bunlara qarşı mübarizə aparanda cəmil həsənlinin şəklinin yanına aftafa qoyub məzələnirdiz. ona görə də mən sizin üçün bir də nəinki meydana çıxmaq otağımdan çıxmaram. mən bildiklərimin çoxunu tarqovidə bir pankartın altında buraxdım.

sizə uğurlar.

həyat +12 əjdaha avatar
xəstəlik. xəstəxana. gözləmə otağı. tibb bacılarının ayaqlarına baxan kişilər. telefonla danışan üzük saat dəstli həkimlər. pul. pul. ikinci mərtəbə. pul. həkim. müalicə. resept. 1ci mərtəbə. pul. dərmanlar.

yol. avtobus. başının yanlarındakı əllər. whatsapp. subway surf. yamalar. tərs baxışlar. gələcək mərkəzli gülümsəmələr. düşüncələr. mahnılar. var. var!. bir nəfər.

ev.

ailə link
.
.


həyat. bir neçə adlıq cümlə.

(youtube: )

spotify link

timidusun esgeri +11 əjdaha avatar
məllim, babat özünü yormusan bir yazar olaraq çox təşəkkür edirəm. amma xahiş edirəm bu entryni oxu və ona uyğun yaz #96538.

hüquqşunas yazar.

sözaltı etiraf +11 əjdaha avatar
əvvəlki kimi yaza bilmirəm sözlük. fikrimi yığıb yığışdıra, sonunu çatdıra bilmirəm. ona görə də yemək resepti zad paylaşıram -*

röyksopp +14 əjdaha avatar
royskop deyə tələffüz etdiyim, elektronik musiqi bəstələyən iki nəfərdən ibarət norveçli qrup. adlarının mənası balaca, ayaqlandığında partlayıb toxumlarını ətrafa yayaraq nəslini davam etdirən bir göbələk növündən gəlir.

something in my heart coup de grace mahnıları insanı melanxolik vəziyyətə gətirib çıxarır.

röyksopp sonradan kəşf etdiyim amma unutmayacağım qrupdur.

the inevitable end albomları sonuncu albomlarıdır. qrup fəaliyyətini tamamlamış, toxumlarını tökmüşdür ətrafa.

sözaltı sözlük +13 əjdaha avatar
çoxdandır yazmağı dayandırdığım sözlük. yazmağı dayandırsam da oxumağa davam edirdim. bir neçə yazar var ki axır vaxtlar hər gün girib yazdıqlarını oxuyurdum. bu gün baxıram ki adamlar uçurulub. hansı ki sərhədləri tanımayan bu yazarlar hamının deməyə çəkindiyi mövzülarda belə daşşaq keçərək heç bir mesaj vermək qayğısı güdmədən əylənirdilər. timidus məllimin ekşidəki entryləri də qabağıma çıxır. adam liselilərə aid entrysində pedofiliyanı qozlamır link ki məntiqli olan da budu. ifadə azadlığına da belə bir şey yazıb link . bəs məllim burdakı insanlara niyə ifadə özgürlüyü vermirsən? adamların temasını tuta bilməyənlərə belə bir də nümunə:
(youtube: )


edit: ikinci üçüncü dördüncü beşinci və s. hesabımın olduğunu fikirləşmədən sizə bildirim ki bəli tanıyıram amma mən deyiləm və bildirdiyim fikirlərin də münasibətimin olması ilə bir əlaqəsi yoxdu.
silinmiş entry.

oğlanlar var şərait yoxdur +13 əjdaha avatar
qabiliyyətini üzə çıxara bilməyən insanların gülərək trajikomik bir formada istifadə etdikləri, çoxluq tərəfindən sevilməyən deyim.

hamı kimi mən də uşaqlıqdan bəri özümü sübut etməyə çalışmışam. bəzən bacardığımı zənn etmişəm bəzən də ümumiyyətlə heç nə edə bilməmişəm.

ilk nəaliyətim türk litseyinə qəbul olmağımdı. birinci ildə yəni yeddinci sinifdə riyaziyyat üzrə keçirilən test imtahanında birinci yerə çıxmağım dörd illik litsey həyatımdakı son nəaliyətim olub.

nə yaxşı futbol oynaya bilirdim, nə də sinif rəhbərimizin sevimli şagirdi idim. yoldaşlarım arasında sevilirdim sadəcə. bəlkə də kim nə xahiş etsə edirdim ona görə.

doqquzuncu sinifdə qruplara uyğun sinifləri böldülər. o qədər bacarıqsız olmuşam ki bu həyatda o anda belə bilə-bilə, müəllimlərin sevdiyiniz ixtisası seçin demələrinə baxmayaraq sırf ingilis dili və riyaziyyatım güclüdü deyə birinci qrupu seçmək istəyirdim. amma bu məntiqsiz istəyimi belə yerinə yetirəcək bacarığım olmadığı üçün ailəmin zoru ilə dördüncü qrup oxumağa məcbur qalmışdım.

həmin vaxtlar atam gözümdən düşmüşdü. məni liseydən evə aparanda birinci qrup oxuyacağımı ona bildirmiş qarşılığında da hə cavabını almışdım. mama 4cü qrup oxumağımı atam kimi həkim olmağımı istəyirdi. sabahsı gün atam yolda dedi ki get dördüncü qrupa yazıl.

biologiya və kimya ümumiyyətlə tibb mənim üçün deyildi. oxuya bilmədim, oxumadım. sınaq nəticələrini görən ev əhli ortaq qərarla litseydən məni çıxarıb fərdi hazırlığa göndərdilər sonuncu ilimdə. yeganə dostlarımdan da elə ayrı düşdük. qəbul imtahanımda alışqın olduğum hissi təkrar yaşadım. kəsildim. məktəbə bir il tez başlamışdım deyə əsgərliyə də getmədim.

oturdum dedim bu dəfə olacaq yösə hazırlaşdım. axır ki qəbul oldum. amma ixtisas seçimini yenə onlar etmişdi. ilk sırada tibb sonra diş həkimliyi, maaliyyə və belə dövlət işlərində yaxşı pul qazanacağımı düşündükləri ixtisaslar olaraq davam edirdi. maaliyyəyə qəbul oldum.

türkiyəyə gəldiyim birinci il dərslərə gedə bilmirdim, çəkinirdim hamıdan, içəri girəndə mənə baxdıqlarını güldüklərini zənn edirdim. cəmi üç dəfə getdim birinci il. ikisini də təhsil haqqını ödəmək üçün.

ikinci il öyrəşdim biraz. amma nə fayda hələ də birinci ilin dərslərinə girirdim. özümə düzəldəcəyimə söz verdim.

birinci yarım ilin viza imtahanlarında səhərə qədər not əzbərləyib səhərə yaxın yatıb qalmışdım. sonra oyanıb tələsik imtahana getmişdim. amma hamı gülmüşdü. mən də onlara qatıldım üç dörd saniyə söhbəti başa düşmək üçün amma başa düşə bilmədim. bu dəfə həqiqətən də mənə güldüklərinin fərqinə vardığımda çıxdım sinifdən. tualetə gedib lc waikikidən aldığım qalın "kazağın" tikişlərini gördüm. yandan və boynumdan sallanan etiketləri də həmçinin.

ikinci il nə də ki üçüncü il dərsə getmədim.

ikinci ilin yay tətilində hövsanda oteldə resepsiyon işi tapdım. yaxşı pul qazanıb fotoaparat aldım özümə. youtubedan, tanışlardan öyrənməyə başladım fotoaparatı xüsusilə də manuel və video çəkilişi. tam öyrənəndən sonra montaj proqramlarını yükləyib onları da youtubedan öyrənməyə başladım.

türkiyəyə qayıdanda tam pro fotoqraf idim. şəhərin adına uyğun "fotoğrafçılar kulübü"nə üzv oldum. bir yerdə digər şəhərlərə, kəndlərə gedib fotolar videolar çəkməyə başladım. ən çətin adobe proqramı olan adobe after effects də daxil olmaqla bütün adobe proqlamlarını tam öyrənmişdim. özümü yaxşı hiss edirdim. işlərim bəyənilirdi. sübut etməyi bacarmış kimiydim.

sonra o kulübün qurucusu "x adlı" şəxs şəhərdən ayrılıb başqa yerə köçdü deyə dağıldı kulub.

yenə yarım qalmışdım.

indi də ieltslə avropaya qaçmaq istəyirəm. bəlkə orda alınar. "sinema ve televizyon" tərzi bir bölümdə oxuyub öz istədiyim işi görmək istəyirəm.

necə deyərlər oğlanlar var şərait yoxdur.

hər gün bir entry +10 əjdaha avatar
jerry seinfeldin motivasiya texnikasindan (bax: don't break the chain) ilhamlanaraq başladığım və yazarlarımızı birazdan dəvət edəcəyim axım.

deməli əziz yazarlar hər gün sadəcə 20-25 dəqiqənizi ayırıb bir entry yazmaq həm sizin üçün, həm sözlük üçün həm də gələcəkdəki yazarlar, oxucular üçün faydalı olacaq. düşünün bir entry yazmaq üçün bir bilgi, mövzü haqqda araşdırırsız və həm siz öyrənirsiz həm də sözlük istifadəçiləri. ildə 365 bilgi. 365 fərqli mövzü haqqda anlayışı olmaq. yaxşı bir yazar olub 9cu 10cu nəsillərə vay be dedirtmək. qoşulmaq istəyən yazarlar özünü bildirsə mən hər gün onların yadına salaram yazmaları üçün. mənim də ilk entrym bu olsun.
silinmiş entry.



buludlar +13 əjdaha avatar
su damcılarından ibarət sərbəst hava kütləsi. buludlar qədər sərbəst ola bilmək də vardı bu dünyada.

gecələri ay olduğu zaman bir yerdə durub buludları seyr edirəm bəzən. bulud olmağı çox istəyərdim və ya bir buludla söhbət edə bilməyi. çox sakit və kədərli görsənirlər.

bəlkə biz də onlara istəmədən ziyan vururuq. hər bir şey kimi onlar da insan zülmünə səssiz qalırlar. düşünün bir hansı qapıağzı xalça qayıdıb deyib ki hər gün palçıqlı ayaqlarınla üstümdən keçirsən. heç olmasa ayaqqabılarını təmiz saxla.

həmişə qaçırlar bizdən, baxdığımız gözlərimizdən. təbiət hadisəsidi bilirəm amma bəlkə bu da onların bəhanəsidi?

yer və ay durur buludlar irəliləyir ya da biz geriyə qayıdırıq.

bu gecə yenə gedirlər. baxın pəncərədən.

üşümək üçün darıxmaq +9 əjdaha avatar
havadan danışacağımı zənn edəcəyiniz başlıq. əslində var. havanın da aidiyyəti var.

qaranlıq idi. ilk dəfə yalnız qalmışdıq. həmişə istəyirdik içtən içə tək qalmağı amma bir birimizə deyə bilmirdik. bu dəfə nə oldusa təsadüfən hamı yavaş yavaş getdi. hər bir adam getdikcə torbadan çıxan hər daşın rəqəminə uyğun biletə xətt çəkərkən gözləri işıldayan, beynində ev maşın xəyalı quran pensioner(pensiyaçı) kimi hiss edirdim.

hamı getdi ikimiz qaldıq nəhayət. ətrafda insanlar var idi amma tək biz ordaydıq.

..: hamı getdi mən də yavaş yavaş gedim
z: metroynan gedəcəksən hə? gedək istəyirsən, tək getmə gecdi
..: mənə görə getmə hələ hava təzə qaralıb
z: olsun soyuqdu gedək
..: yaxşı

həyəcanlıydıq. söhbət edirdik. haqqında bilmədiklərim məni ona daha da bağlayırdı.

metrodan endik. stansiyadan çölə çıxdıq. insan inana bilmir bəzi şeylərə. ətraf ağarmışdı. qar yağırdı. 2 stansiya müddətində bu mümkün idi görəsən?

biz tərəfdəki stansiyada istədiyim siqaret olmur bəhanəsi ilə çıxdığım üçün məcbur siqaret aldım. çəkmə dedi mənə. qısa amma çox fərqli idi. #176265 bu entry'mdə də dediyum kimi atam belə demirdi mənə. istəmsizcə yaxşı dedim, utanaraq.

evlərinə qədər yanında getməyimə razı oldu. çox üşüyürdüm.

bloklarının qabağında məni qucaqlayıb sağol gedərkən də üşümək üçün darıxmışam dedi.

o vaxtdan bu yana əvvəllər mən hər gün üşümək üçün darıxırdım, qışda belə. indi arada, məsələn, indi elə. istidi.

ielts +9 əjdaha avatar
speakingi pox kimi keçən imtahan. examiner əlindən gələni etdi amma sikdiyimin həyəcanı ucbatından wedding, hidrophobia kimi sözlər yadıma düşmədi. bağlayıcıları qatdım qarışdırdım. nə bilim ala tək məsləhətim odu ki ottan zaddan tapsaz çəkin gedin. adamı sikən tək şey həyəcandı. yoxsa imtahan çox sadədi.

həftəsonu işə getməyən atanın film izləmə istəyi +9 əjdaha avatar
mənim atamın nacizanə istəyidir. elə bir hal alıb ki həftə içi boş olduqca film, animasiya axtarıram. deməli beşinci gün işdən gəlir. iki gün evdədi deyə həmin günü tv filan idarə edir. şənbə səhər oyanır yemək filan notebooku hdmi kabeli ilə qoşur tvyə. googledan ya rusca ya da türkcə dublaj filmlər axtarır. adını, afişasını bəyəndiyi bir filmi açır erotik bir səhnə görən kimi ya da kino sıxan kimi topu mənə atır. deyir dur bir kino tap baxaq. birbaşa deməsə də ikimizin də bildiyimiz şərtləri var:
1) kinonun müddəti çox uzun olmamalıdı;
2) erotik səhnə olmamalıdı max 5 6 saniyəlik öpüşmə o da sıradan french zad yox;
3) aksiyon janrında olmalıdı;
4) çox köhnə olmamalıdı max 2008 filan;
5) maraqlı olmalıdı;
6) dublaj olmalıdı rus ya da türk;
7) köhnə dövrdən bəhs etməməlidir;
8) ya da ki mırt, dublaj animasiya;
9) ən son ehtimal rusiya və ya yırtıcılar haqqında documentary;
və hər həftəsonu minimum 4 kinoya baxır. zarafat filan bir yana mənim də ən sevdiyim vacib şərti də odur ki evdəki heç bir şəxs başqa işlə məşğul olmamalıdı və onunla bu anı paylaşmalıdı. *

bu arada

bu şərtlərə uyğun filmlər, animasiyalar, belgeseller bilirsinizsə yeşillendirin. * -*

bir qızın tükəzban olduğunu anlama yolları +8 əjdaha avatar
qaş , saqqal , bığ üçlüsünə sahib , bəyəndiyi oğlana bircə dəfə baxan və təkər vəziyyətinə keçən , feysbuk profilində adətən selena gomezin və ya qızılgül şəkli olan , yaşadığı yerə istanbul yazan , röya`ya qulaq asıb depresiv vəziyyətə düşən , mustafa ceceli limon çiçekleri mahnısı ilə feyziyab olan 20 yaşından etibarən evdə qaldığını düşünən oluşum , varlıq.


bazinga +8 əjdaha avatar
arada bir bir şeylər qaralayan yazar.

səhərlər hava soyuq olduğundan əllərimi üniversitet illərimdə aldığım paltomun qollarının içində saxlayırdım. növbə ilə ayaqqabılarıma və səkidəki daşlara baxaraq bəzən iti bəzən də asta addımlarla məni gözlədiyi yerə doğru gedirdim. hava da getdikcə isinir, duman artırdı. görüş məsafəm azaldıqca onun silüeti yavaş yavaş canlanmağa başladı sarı hissəsi qırıq işıqforun altında. düşüncələrimlə etdiyim söhbətlər bir birini əvəz edir mövzüdan mövzüya gəzirdim. yanına çatdığım zaman söhbət bir anda dayandı və çətin vəziyyətdə qalan mən salam belə verə bilmədən sadəcə başımı yellədim. əlindən tutub addımlamağa başladım.

həmişəki kimi işdən çıxdıqdan sonra dövlət kitabxanasından aldığım kitabı qaytarmağa gedirdim. köhnə camaşırxanadan sağa dönmək üçün irəliləyirdim və qulağıma gələn uğultu yavaş yavaş aydınlanmağa başlayırdı. geriyə qayıtmaq haqqda düşündüm amma vicdanım əl vermədi. kütləyə doğru qaçaraq hərəkət etməyə başladım və mitinq sahəsində əlimdəki kitabın üz qapağındakı oraq və çəkici göstərməyə başladım qışqıraraq. utranı orda görmüşdüm. çox gözəl idi. yazılarla təsvir edilə bilməyəcək dərəcədə gözəl. öz içimdə hərfi mənada şəxsi renesansımı yaşayırdım. məni görmüşdü diqqətini çəkmişdi çox da parlaq olmayan simam. o baxışlar növbəti günlərdə bir birini ardıcıllıqla kitabxanada, binanın damında, yataqda və axırıncı kofemizi içdiyimiz 8d nömrəli avtobusun ilk dayanacağında əvəz edəcəkdi.
dumanlı havada bir metr önümüzü görmək üçün qarşıdan gələn maşınların işıqlarından yararlanırdıq. hava çox durğun və isti olmaqla bərabər adamı qorxudurdu da. utra əlimi fərqində olmadan ağrıyacaq dərəcədə sıxırdı. düşünəndə ki bu onun üçün ilk idi normal qarşılamaq olardı. üzünə baxıb gülümsədim. o da qeyri ixtiyari cavab reakiyası olaraq gülümsədi və sanki demək istədiyimi anlayırmışcasına gözlərini qırpdı.
Vağzala çatmışdıq. həyəcanlı idik. gözümüz istəmsizcə dolur eyni xəyalları qururduq bir birimizdən xəbərsiz. Vaxt tamam idi saat 11i göstərirdi. Vaqona yaxınlaşıb biletlərimizi göstərərək içəri daxil olduq. kupemizdə yanyana oturmuş pəncərədən baxırdıq. hərəkət vaxtından keçməsinə baxmayaraq qatar hərəkət etmirdi. taybatay açılan qapıların səsi yaxınlaşırdı. içəri girən qadın paltarındakı üç nəfər mənim sağ çiynimdən və alnımdan, utranı isə sinəsindən vurmuşdular. nə mənim nə də ki utranın yaşama ehtimalı yox idi. öləcəyimizdən əmin idim. musiqinin şiddəti artmışdı ağır notlara basırdı ifaçı. qadın paltarlı üç nəfər sakit sakit vaqondan çıxıb uzaqda yox olurdular. başımızın üstündə durub kimlərisə gözləyən insanlar var idi. sarışın amma tünd dərili bir uşaq utranın əlində sıxdığı üzüyü götürmüş bizi öldürən o üç nəfərdən daha ağır cinayət işləmiş kimi sürətlə qaçırdı halbuki istəsəydi də verərdik onu. istədiyimiz kimi olmasa belə artıq azad idik. utra da gəlmişdi artıq. nəbzini tutan tələbənin mimikasından hiss etmişdim.
qatardan yuxarıya doğru qalxarkən bədənlərimiz getdikcə yox olurdu. sevdiyimiz bu şəhərdə artıq azad idik istədiyimizi edə bilərdik. camaşırxananın köhnə kirəmitlərindən küçəni izləyirdik. həmişəki kimi mitinq var idi. insanlar bəlkə də mitinq zamanı özlərini bu şəhərin sahibi kimi hiss etdiklərindən bu qədər coşğulu və azad olurdular. mitinq sahəsinə doğru əlində kitab bir oğlan addımlayırdı. bir an duruxsundu və geri qayıtdı gəldiyi yol ilə. utra məni qucaqladı, başını çiynimə qoydu. düşüncələrimiz bizdən uzaqlaşır, hər tərəf qaralırdı.
silinmiş entry.

çorumda 13 yaşlı qıza öz atası qardaşı və əmisinin təcavüz etməsi +8 əjdaha avatar
'nıdınsı bılı pısılır ıncıq tırklırdın çıxır'
belə şeylər hər yerdə hal hazırda da var. ən kasıbından tut ən varlısına ən dindarından tut ən inancsızına bütün ölkələrdə. sadəcə gündəmə gətirilmir. sənin ölkəndə elə hər il neçələrlə 16 yaşlı qızlar, 15 olub da 17 göstərilən nə qədər qız zorla, anlamadan evləndirilir. Sadəcə təcavüz deyil deyə gündəmə gətirilmir. ən acıqlısı da odur ki bütün dünyada irqçilik, pedofiliya hər an tənqid olunsa da seksizm elə də problem kimi dilə gətirilmir. halbuki bu cür hadisələrdə təməl dayanaq içindəki seksist canavardı.

tanım: hər cümə günü namazına getməyə davam edəcəklərin etdiyi təcavüz.

boşluqda hiss etmək +8 əjdaha avatar
özünü mənasız, məqsədsiz və müəyyən hedelərdən məhrum hiss etmək. yalnızlığın əmioğlusu.

bəzən insan əllə tutulur, gözlə görülür, hiss edəcəyi bir xoşbəxtlik istəyir. sevmək sevilmək istəyir amma əvvəlki cümlədə yazdıqlarımın olması şərti ilə.

vidalaşdığın zaman ən axıra saxlanılan insan və ya ən axıra saxladığı bir insanın olmasını istəyir onun qoxusunu, üzünü uzun müddət xatırlaya bilmək üçün. dolan gözünün bir göz qırpımında boşalmasını ona göstərməmək üçün vidalaşıb arxaya dönüb getmək.

içəndə onu yada salmaq, onla xatirələri gözündə canlandırmaq. 'qruz' mahnılardan qaçmaq istəyir.

içində olduğun o boşluq beyninə yer edir. o kiçik boşluq böyüyüb böyüyüb bütün beynini öz içinə aldıqdan məqsədlər, səbəblər mənasızlaşır.

yaşın da vermiş olduğu bir ağırlıqla bunu realda çatdıra bilməmək guya heç nə qozuna deyilmiş kimi xoşbəxtlik imitasiyası yaratmaq o boşluğun verdiyi ağırlığı daha da artırır.

mənim istədiyim ən sona saxlayacağım insanın olmasıdır sadəcə. çox bir şey deyil. son olaraq da
zoe - labios rotos


aviakassadan bilet almaq +11 əjdaha avatar
ölkə xaricinə çıxmaq üçün təsadüfən, pulum olandan olana etdiyim proses. yoxsa əksər hallarda avtovağzaldan bilet almaq kimi action'larım var.

gecə yatmadım. səhər 6da evdən sonra da 28may metrosundan çıxdım. aviakassanın qabağına gəldim saat 7 olardı. baxdım doqquzda açılırmış sən demə. mən elə bilirdim səkkizdə başlanır iş rejimi.

qulaqcıqları cibimdən çıxarıb bardurda oturdum. arxa cibimdə olduğu üçün oturmaq istəmədim. ona görə də çıxardım cibimdən. hazır çıxarmışkən bir iki mahnıya bezməsəm radyoya qulaq asaram deyə başladım özümlə dialoqa yəni monoloqa. monoloq ümumiyyətlə lazımsız termindi məncə o da bir növü dialoqdu. mahnıların sırasını əzbərə bildiyim üçün shuffle'ı açıq qoyuram həmişə. yoxlayın həyəcanlı olur. mənim kimi biri isəniz röyksoppdan sonra eric clapton çıxma ehtimalının insanı həyəcanlandırdığından da şüphəniz olmamalıdır.

adət ənənəni pozmamaq üçün winston micro xs'imi yandırdım. o gün siqaret çəkmək istəmirdim. aviakassanın işə başlamasına bir premier league oyunu qədər vaxt var idi hələ.

səhərin bu çağında şəhərə hardan gəldiyi məlum olmayan bir bal arısı başımdan iki qarış yuxarıda sağa sola dairələr cızırdı. tanıyırdım bu arını. gecə saat 4də (nə 3də nə də 5də konkret 4də) yüz qırx kvadrat metrlik evdə iki millimetrlik ölçüsü ilə gəlib mənim beş millimetrlik qulaq dəliyimdə eşələnən ağcaqanadın gündüz növbəsindəki əvəzləyicisi idi bu arı.

su almaq bəhanəsi ilə arıdan qaçmaq qərarına gəldim. beynəlxalq bank tərəfdəki kioska doğru cool addımlarla travolta tək irəliləyirdim. arının ucbatından 20 qəpiklik qazsız bonaquaya 40 qəpik verdim.

qayıtmışdım. arı yox idi amma mənim kimi düşünüb tez gələnlər var idi əvəzində. insan istiyir qayıdıb desin ki 'siz yokken biz vardık lan' və ya dava istəmirsənsə 'buralar hep tarlaydı krdş'. sora da öz özümə dedim ki 'hamı hər istədiyini etsəydi nə olardı halı bu cəhanın?' ona görə də 'sox içivə'.

hava da isinirdi bir tərəfdən. evdəki kondisionerimiz yadıma düşdü. kondisioneri söndürəndə evin istidən dubaya dönməsi də. sonra dubay deyəndə kıkır kıkır gülən azərilər. yadıma düşənlər artdıqca kefimin qaçdığının fərqinə vardım. dayandırdım düşünməyi. bu dəfə də düşünməyi dayandırdığımı düşünürdüm. hamı durmadan nə isə düşünür. biri mağazadan bu gün necə nisyə çörək götürəcəyini düşünür biri də bazar storedan aldıqlarının siyahısını incəliyərkən ən bahalı qiymətin nədə olduğunu.

saat 9 olmuşdu. qapılar açıldı. hamıdan əvvəl gələn mən 32ci sıranı götürə bilmişdim. avtobusa da minə bilmirəm mən. qapının düz ağzında ola ola camaata yol verirəm sonra da mənə yer qalmır. məktəbdə də yemək sırasında axırda olduğum üçün ayran qalmırdı mənə. bəlkə də sıra adamı deyiləm. bəlkə də sıranı yaradan adam olmaq üçün gəlmişəm. bilmirəm.

sıram gəldiyində yaxınlaşdığım qadın passportumu tələb etdi. baxışdıq elə uzun uzun. o arı, kioskda mənə suyu satan dayı, aviakassadakı bileti mənə sata bilməyəcək xanım.

passportsuz olmur hə?
-yox
seriyasını filan desəm?
-nç
sağolun -*
-buyurun -*




tet-a-tet +7 əjdaha avatar
#185880 entrysi ilə guya bomba söhbət edən yazar. mən sənə deyim, o vaqona minməyib başqasına minən qadına sən də çox yaxşı bilirsən ki hamı potensial verən kimi baxacaq. ayrıseçkiliyi gördün?


ekşi sözlükdə olan çaylak onay sıralamasındakı soz6 yazarları +6 əjdaha avatar
əvvəllər gözləsəm də indi qozuma olmayan sıralama.
çaylak ola ola 70ə yaxın entry yazmışam amma səviyyəsiz başlıqların və onlara uyğun olaraq səviyyəsiz entrylərin debeyə girdiyini və hər gün 6-7 dənə sekslə əlaqəli başlıq açıldığını görəndən sonra qərara gəldimki çoxluq poxluqdur. və sözaltı sözlükün bu passivliyi, olan adamların da samballı olmaları ciddi mənada mənim üçün yeni kayf metodu olmuşdur. günümün tamamı burda oluram.

paraskavedekatriafobiya +7 əjdaha avatar
13 rəqəmindən və cümə günlərindən qorxma.

müsəlmanların qorxmasının mənasız olduğu vəziyyətdir. çünki müsəlmanların başına yaxşı şeylər gəlib bu rəqəmlə əlaqədar.

məsələn məhəmməd peyğəmbər doğum ili 571>> 5+7+1=13
istanbulun fəthi 1453>>1+4+5+3=13
türklərin müsəlman oluşu 751>>7+5+1=13

amma məncə belə baxanda ümumiyyətlə mənasızdı.

xristianlar isə çox qorxur səbəb isə hz. isanının məşhur son yeməyində 13 nəfər olduqları üçün,

yəhudilər əlifbada 13-cü hərfin 'm' olduğu üçün hansı ki ölüm sözü də bu hərflə başlıyır. (bax: mavet)

skandinaviyalıların mifinə görə isə ən pis tanrı olan lokinin 12 nəfərlik yemək süfrəsinə 13cü adam olaraq gedib və adının mənası müzəffər olan ən sevilən, ədalətli tanrı baldrın ölümünə səbəb olub.

13 oktyabr 1307ci il cümə günündə fransız kral filip ilə papa klemensin (bax: papa clemens) kilsə şəhzadələrini edam etdirməsi.

bir ildə 13 dəfə tam ayın görünməsi.

məşhur qatillər jack the ripper, charles manson, jeffrey Dahmer, theodore bundy, albert de salvo'nun adlarındakı hərf sayı 13ə bərabərdir.

nə qədər mənasız, absurd görünsə də bu fobiya çox yayqındır. bəzi liftlərdə, ev nömrələrində 12dən sonra 12a və ya birbaşa 14ə keçənlər var.

p. s: entry'nin bəzi hissələrini başqa mənbələrdən alıntı etmişəm daha dəqiq desək tərcümə.

sözaltı etiraf +7 əjdaha avatar
bu mf türklərdə depozito deyə bir söhbət var. yetimə pul verirsənki evini göt gününə salmıyacam. salmasan pulunu qaytarır ilin axırı. salsan da ki pul qalır onda.

depozito da çox olduğuna görə taksinləndirmişik iki aya. birinci ayı vermişik. ikinci ay da dünən oldu. indi iki gündü evdə səssizlik hğkm sürür. yan qonşudu mk. tak səsin eşidən kimi gəlir qapıya. amk evdə fövqəladə vəziyyət var mahnı zad açmırıq. çörəyi zadı səhər 6da alıb siqaret zad bir günlük depoluyuruq. indi uje bilir evdəyik. bir ev sakinimiz imtahandadı o yırtdı. ikinci yatıb oyanmır. bir mən oyağam. bu da qapını 10 dəqiqədən bir döyür. yorğanın altdayam çok korkuyorum hüsnü.