uazya

Əsl adı Röyal Paşayev olub hazırda Nyu-Yorkda yaşayan azərbaycanlı dizayner, jurnalist və virtuoz. host, madhouse community, kəllə-kəlləyə, test yayım 2, shamans agentliyinin həmtəsisçisi; az-ya , az-ya+ , əyrixətt proyektlərinin sahibi.

Ali təhsilini odlar yurdu universitetində jurnalistika fakültəsində alıb. Bir müddət futbol jurnalisti işlədikdən sonra dizaynerliyə yönəlib. bu linkdən h.o.s.t və madhouse dövründə çıxan albom və sinqllar üçün hazırladığı coverlərə baxmaq olar.

Hər şey kənara, kəşf edilməsi lazım olan möhtəşəm youtube kanalı var, hansı ki, içində fəlsəfə , biznes , feminizm , rep battle , karikatura , dizayn , yumor , kino və s. kimi müxtəlif-müxtəlif mövzularda, hər adamın özünə uyğun nəsə tapa biləcəyi videolar var. həmçinin, hazırda hər şənbə günü saat 23:00-da bir qonaq dəvət edib canlı yayımda həmin qonağın ixtisaslaşdığı mövzuda söhbətlər edir.

Son olaraq, ən sevdiyim və əlimdə olsa, bütün ölkədəki hər kəsə tək-tək izlətdirmək istəyəcəyim 2 qısa videosunu bura qoyuram.

(youtube: )

(youtube: )

köhnə sevgilinin unudulmayan sözləri

Sevgili olmamışdan təxminən il yarım əvvəl gecə danışarkən məktəb vaxtı bir qıza olan platonik sevgim haqqında qısa söhbətimizdən* ömrü boyu belə söhbət edən adam deyiləm e. o gecə nə olmuşdusa bir qızla birinci və axırıncı dəfə belə söhbət eləmişəm. 1-2 istisna hal xaric heç Ən yaxın dostumla da eləmirəm bu söhbətləri. sonra mənə dediyi cümlələrdir. O sözlər mənə necə yer elədisə, heç vaxt yadımdan çıxmaz, hətta bu yaxınlaracan ss-i saxlamışdım.
Gecə saat 01, ya da 02:40-neçə idi və eynilə belə yazmışdı:
- Ay da, Zobrist, mən səni heç belə bilməzdim e.
- Necə yəni belə?
- Yəni nə bilim e. Mən elə bilirdim ki, sənin ürəyin yoxdu, sən robotsan. Ordakı da* ürək hissəni nəzərdə tuturdu nəsə daş zaddır. (arxasından da vəziyyəti yumşaltmaq üçün 1-2 smaylik)

Həmin vaxt birinci kursa təzə başlamışdım, oktyabr idi. Məktəbdə necə idimsə, universitet uşaqları ilə də deyib-gülüb, qaynayıb-qarışma niyyətində idim və edirdim də. Dayandırdım. * bunun tamam başqa səbəbləri də var, sadəcə bu məsələ də çox böyük təsir elədi Tamam ciddiləşdim. Əslində, bundan aylar öncə son zəngdə, necə deyərlər, tıncıxmışdım, vəziyyəti tutmalıydım. çünki kimin sinifdə nə tip olduğundan danışılanda mən "əyləncəli, güldürən, tema qaynadan oğlan* bunu məni məktəbdən sonrakı dövrdə tanımış birinə desələr, ilk deyəcəyi şey "hassktr lan, boş yapma" olar " idim, halbuki aralarında ən açıq sözlü, haqqını tələb, fikrini aydın ifadə edən (oxuyan uşaq temalarını qoyuram qırağa da, orası bütün məktəbə bəlli idi) mən idim və vicdan, ədalət kimi keyfiyyətlərin mental təfəkkürlü, dindar beyinli, hər işə mız qoyanda yox, məndə görüləcəyini gözləyirdim. O qız da (ki, bir neçə il eyni məktəbdə oxumuşuq) yuxarıdakı sözləri deyəndə bu nəticəyə gəldim ki, insanlar məni tamam qəlibləşdiriblər və mən özümü başqa, ətraf isə məni tamam başqa görür. O qız məni əksərən zarafat edən, məzələnib, deyib-gülən görüb deyə ciddi şəkildə o qənaətə gəlibmiş ki, "bertrand ciddi duyğulardan uzaqdır, kimisə sevə, aşiq ola bilməz". And içərəm ki, digərləri də elə bilib məni. Mən də unidə ciddiləşib, az qaynayıb-qarışaraq həmin o özümdə görülməsini istədiyim şeyləri göstərdim. Çünki bir az zarafat, səmimiyyət gördülərsə, sonra nə qədər ciddi mövzularda söhbət etsən də, səni gözlədiyin qədər ciddiyə alan, fikirlərinə diqqət edən, dəyər verən olmayacaq. gərək daimi olaraq sərt olasan, nadirən güləsən, hər zaman məsafəli davranasan. Bəs onda nə baş verdi? Onda da oldum soyuq, qaynayıb-qarışmayan, neqativ, özündənrazı və eqoist adam. Hətta dostlarım demişdi ki, bir çoxlarının bu şeylərə görə (heç tanımadan) məndən zəhləsi də gedir. durduğum yerdə məndən qıcıqlanan qızlı-oğlanlı n qədər adam vardı universitetdə.

Sonra nə oldu? Heç nə. Bir nöqtədən sonra insan başa düşür ki, nə etsən də belədir, səni heç vaxt tam görməyə çalışmayacaqlar. Hətta özün göstərməyə çalışsan da, görmək istəməyəcəklər, çünki özləri çərçivədə olan insanlardır. Heç vaxt düşünməcəklər ki, insan, hər nə xarakterdə olsa da, necə profil göstərsə də, bütün duyğulara sahibdir:
- Nə qədər soyuq, ciddi olsa da, sevə, zarafat edib gülə bilər;
- nə qədər deyib-gülən, səmimi olsa da, içdən-içə nələrinsə fikrini çəkə bilər;
- utancaq dediyin qız yataqda dominant ola bilər;
- kələ kimi, "ağır abi" qaqaş da olsa, gülünc şeyə fobiyası, uşaqca hobbisi ola bilər;
- ən əsası, bir vaxtlar tema qaynadan, daim gülən, hər şeydən çoxlu-çoxlu danışan, hamıya nümunə çəkilib, "bu uşağın gələcəyi çox parlaqdır" dedikləri bertrand illər sonra bütün 1 həftəni hər günü 6-7 stəkan kofe içib 24 saat otağından çıxmayan, heç danışmayan, tamamilə içəqapanıq birinə çevrilə bilər.

bir sözlə insan, heç də tək bir pəncərədən baxılası, "o yaxşıdır", "bu pisdir", "o, loxdur, loserdir", "bu möhtəşəmdir, winnerdi", "o, duyğusuzdur", "bu, sempatikdir", "o, zarfatcıldı, ciddiyə almayın", "bu çox ciddi adamdır, temanı tutmayacaq" və s. deyərək qəlibləşdiriləsi varlıq deyil.

Nəysə Əşşi, bilirəm ki, bu sözlərimin də bir mənası olmayacaq. Əzəldən insanlar belə gəlib, belə də gedir. Ona görə Siz yenə də qəlibləşdirin. Onsuz da, özü qəlibdə olan insanlar digərlərini də qəlibləşdirməlidirlər ki, tapışa bilsinlər. Mənə qalan odur ki, özüm kimisi rastıma çıxanda ümid edirəm anlaya bilərəm ki, məndən biridir.
Siz də bu entridəki misallardakı kimi öz qəlibinizə uyğunları tapın. Hər zaman səthi olun ki, həyatı yaşaya və orda-burda özgüvəni yüksək görünüb, sanki həyatı bilir, insanları da çox yaxşı tanıyırmışcasına hərəkət edə biləsiz. Necə ki indi içi həmin qız qarışıq bütün o məktəb, uni, iş yerlərindəki tanıdıqlarım sözdə ailədən, həyatdan narazı olsalar da, gələcəyə dair xəyallarla, planlarla, sabaha ümidlə yaşadıqları, düşündüklərindən bir qram belə şübhə etmədikləri halda, sözdə 90%-indən daha perspektivli (olmuş) mən bütün gecəni tamamilə sönmüş halda, qaranlıq otaqda "nəyə görə yaşamalıyam?", "sözlüyə, dəftərlərimə, notlara yazdıqlarımın mənası nədir?" "bütün bunlar, bu qədər həngamə nəyə gərək?" "filan şey dəqiq belədir?" deyə düşünüb, baş verən hər şeyi çək-çevir edib, başdan-sona həyatımı gözümün önündən keçirəcəm.

Qeyd: son abzas paradoks kimi görünə bilər: "özün insanları qəlibləşdirməməli olduğunu deyib, sonra onları eyniləşdirirsən. Bəlkə, sən onlara fərqli tərəfdən baxasan?". Məsələ budur ki, mən hər zaman ətrafımdakılara mənə yanaşmadıqları kimi yanaşmağa çalışıb, həmişə "bəlkə də, elə deyil" deyib dəfələrlə onları tanımağa, müxtəlif mövzularda dindirməyə, yenidən kəşf eləməyə cəhd etmişəm. Dolayısilə, belə olan halda, mənim ümumiləşdirməm həmin kəslərin məni qəlibləşdirməsindən çox daha həqiqi və doğrudur.

Dekabr 2022 edit: məlum şəxs artıq evlidir. Mənə köhnə "mən"i xatırladan çox nadir insanlardan biridir deyə Xətri dəhşət əzizdir. həqiqətən xoşbəxtlik arzulayıram. * münasibət qısa çəksə də, əlaqəmiz hər zaman qalırdı, tez-tez söhbətləşirdik. Son dönəmdə Bilirdim ki, ciddi münasibəti var. Amma adam istər-istəməz evləndiyini görəndə içi burxulur. Yaşamayan anlamaz...

uzaq məsafəli münasibət

Alınası şey deyil, 99/100 vaxt itkisidir. Münasibətdə olunan şəxsi həqiqətən olduğu kimi yox, öz istədiyin kimi təsəvvür etməkdir. Şekspirin "xoşumuza gələn bədənlərə axtardığımız ruhu yerləşdirib buna eşq deyirik" sözünü yadıma salan münasibət tipidir. Əgər məsafələrə rəğmən münasibət daha da ciddiləşərsə, tərəflər hər nə qədər dünyagörüşlü, müasir düşüncəli olsalar da, atacaqları addımları görücü üsulu ilə evlənməkdən bir fərqi olmayacağını da bildirim. Gerisi də ki: #323919

qeyd: bu (#320002) və bu tip halları istisna durum saymaq olar. Yəni fiziki olaraq birlikdə olunub, sonra necəsə məsafələr artıbsa, bunun üstəsindən müəyyən dərəcədə gəlmək olur. Mən dediyim şey uzaqda başlayıb uzaqdan da davam edən münasibətlərdir. Yəni hər necəsə fiziki bir yaxınlıq olmalıdır. Yoxsa xəyali varlıqla beynin içində qurulan münasibətdən bir fərqi olmur.

evlənmədən öncə bərabər yaşamaq

Mənə universitetin birinci kursunda dərs demiş bir professorun dediklərini xatırladan başlıq. demişdi ki, iki insan eyni evdə yaşamadığı, dolayısılə, 24 saatını bir keçirmədiyi müddətcə heç vaxt bir-birini tanıya bilməz.

Dedikləri ilə razıyam mən. Çölə çıxanda hamı bəzənib-düzənir. Fərqi nədir ya üzünə makiyaj vurdun, ya xarakterinə əl gəzdirib özünü düzəltdin - eyni şeydir. Həmçinin, bir şey də yadıma düşdü. Oğuzhan Koç verilişlərin birində Eser Yenenler barədə demişdi ki, bəs o vaxtı eyni evdə qalanda eseri yoxlamaq üçün qəsdən yerə nəyinsə boş paketini atıbmış. Eser düz 1 həftə o paketi yerdən götürməyib. yəni tapdalamırmış, amma hər dəfə keçəndə addım atıb üstündən keçirmiş, ərindiyindən əyilib o zibili götürməyib. Axırda Oğuzhan özü götürüb. Sözümün canı, eyni evdə yaşayanda partnyorun hansı xarakterə sahib olduğu bilinir. Həftədə bir dəfə (lap elə olsun hər gün) görüşəndə səliqəli olmağa nə var ki? Eser özü daim göz önündə olan insandır, amma evdə pinti imiş. Başqa bir şey şəxsiyyət pozuntuları ilə bağlı ola bilər. Narsist birini çöldən heç cürə tanımaq mümkün deyil, özünü çöldəkinə tamam başqa cür göstərib evdə tamam əksi ola bilər * yaşandı. Qalanını soruşmayın . Bu da bir evdə yaşayanda öyrənilir. Eyni zamanda, bir insanla eyni evdə yaşayarkən onun həyat tərzinin böyük çoxluğu aydın olur, həmçinin sıxılanda, əsəbiləşəndə, dilxor vaxtında necə davranış sərgilədiyi də evdə məlum olacaq. Qısası, mən vətəndaş nigahını dəstəkləyən adamam. Düzdü, eyni evdə illərlə yaşayıb bir-birini tanımayan insanlar var, o, ayrı mövzudur.

Bir də niyəsə bu söhbətlərdə hər dəfə mövzu seks, cinsi performans məsələsinə gəlir. Tətmin edə bilməmək və s. mövzular. Mən heç cürə belə şeyi anlaya bilmirəm. Başa düşürəm, genetik və s. faktorlar var ortada. misal üçün, qadın onu tətmin edə bilməyən kişidən soyuyur və gözdən düşür həmin adam. o da daha yaxşısı varsa, şüuraltı olaraq ona yönəlir. amma ki bu qədər hazıra qonan xarakterə sahib olmaq da düzgün deyil. Ən azından hansı duyğu/düşüncənin niyə yarandığını adam bir götür-qoy edər, fərqində olar. Yuxarı abzasda sadaladığım və n qədər də sadalaya biləcəyim şeylərin yanında bu mövzu çox cılızdır. Cinsi performansı düzəltmək bəyəm belə çətin məsələdir? Partnyor bakir/bakirədir? - okay, 3-5 seksdən sonra öyrəşib "xoda düşəcək". Performans xoşuna gəlmədi? - bəs dil nə üçündür? (Söhbət oral seksdən getmir, ünsiyyətdən gedir). Niyə tətminsizlik yaşandığını danışaraq həll etmək 2x2-dir* cinsi mövzuda ciddi travması olması istisna , ən uzağı bir neçə seans gedib psixoloqla da həll etmək olar. Burada vurğulanmalı şey də tətmin edə bilməyən tərəf yox, tətminsizlik yaşayıb, bunu dilə gətirib, aradan qaldırmağa çalışmadan uzaqlaşan tərəfdir. Buraxmaq lazımdır qoy çıxıb getsin, elə partnyorla uzunmüddətli nəsə düşünməyə dəyməz. Bu məsələylə müqayisədə, halbuki şəxsiyyət, xarakterlə bağlı şeylər danışılaraq düzələn, heç də asan şeylər deyillər.

Qısası, istənilən halda, düşünürəm ki, əvvəlcədən eyni evdə yaşamaq dəstəkləniləsi və üzünə baxıb içini bilmədən, bazardan qarpız seçirmişcəsinə görücü üsulu ilə evlənməkdən milyon dəfə yaxşı şeydir. Bir insanın buna qarşı çıxmasının da samballı bir əsası olacağını hesab eləmirəm. Bu olmadan, sadəcə çöldə-bayırda görüşülüb, 2-3 dəfə də boş ev tapılıb seks etməklə qurulan evliliyi də çox riskli sayıram. Mən oneitis xasiyyətimlə bunu düşünürəmsə, bunu qəbul etməyən birinin nə cür düşüncədə olduğu ürküdür məni.

dinlədikcə gözəlləşən mahnılar

Mahnının gələn il 20 ili tamam olacaq və başa düşürsən ki, * rəydə yazan oğlanın sözünə qüvvət bu mahnı əbədi oldu.

(youtube: )

(youtube: )

(youtube: )

nickelodeon vs cartoon network vs disney channel

Kimin uşaqlığı hansı kanala baxaraq keçibsə, qarşılaşmanı o kanalın udacağı müqayisə.

Hə, duyğuları kənara qoyub müqayisə edəndə (#265395) doğrudur, amma özümdən götürəsi olsam, bayaq "american dragon: jake long"-un introsuna belə baxarkən içim bir anda sevinclə doldu. Hal belə olanda, rick and morty "zeke and luther"-dan lap istəyir milyon dəfə yaxşı olsun, heç bir vaxt oturub baxanda zeke and luther qədər bütün bölüm boyu üzümdə mənasız bir gülümsəmə və içimdə sevinc doğurmayacaq və mən istənilən halda disney seçəcəm. Düşünürəm ki, uşaqlıq və yeniyetməlik boyu disney channel və disney xd-də gravity falls, phineas and ferb, kid vs cat və s. n qədər şeyi izləyərək bu kanalı seçirəmsə, eyni məntiqlə də oturub nickelodeon-da Teenage Mutant Ninja Turtles, spongebob squarepants; cartoon network-də regular show, adventure time, ben10 izləyən biri də öz izlədiyi kanalı seçəcək. Başda da dediyim kimi, məncə, işə duyğular və hissiyyat qarışırsa, cavablar bəllidir və durub müzakirə etməyə dəyməz.

ən yaxşı cizgi film soundtrackları

Cəmisi 2 dənə (#299083 və #261900) disneydə verilən cizgi film soundtrack-i paylaşılan başlıq. * ki, ən yaxşısını da nellie paylaşıb "necə unuda bilərsiniz axı..." (2)

(youtube: )

(youtube: )

(youtube: )

cəmiyyət tərəfindən normal qəbul edilən anormal şeylər

1) söyüş/alçaltma. Ailə daxilində, hansısa kruqda, iş kollektivində daimi olaraq söyüşlər, təhqirlər(şərt o deyil ki, ana söyüşü söysün, insanı xor görməyin özü də təhqirdir) olur və adi şeymiş kimi yanaşılır.

2) dava/aqressiya/şiddət(həm fiziki, həm psixoloji). Yəqin ki, ölkədə hər şeydən daha adi olan şey davadır. Haçan kimisə vurmaq, ona aqressiya tətbiq etmək anormal qəbul olunub? Əksinə, vurana haqq verilən cəmiyyətdə yaşayırıq. Ata anaya, ana uşağa, uşaq dostuna, dostu küçə heyvanına. Hamı bir-birinə tətbiq edir. Halbuki dil ona görə var ki, insan ünsiyyət qurub öz problemini həll etsin. Hamı lakonikdir, ağzını açmadan başa düşülməsini gözləyir.

3) rüşvət/korrupsiya. Rüşvət vermək, korrupsiya vasitəsilə nəsə iş görülməsi birbaşa olaraq kiminsə haqqına girmək, o işi gördürənin bacarıqsız və rüşvət/korrupsiya vasitəsilə gördürdüyü işə layiq olmadığının göstəricisidir. * deyəsən, bir az sərt ifadədir, çünki haqqın ola-ola əldə edilə bilinməyən şeylər də doludur. Adam haqlı olanda da baxılnır deyə gərək polisə işi düşəndə kiməsə ağız aça ki, tapşırılsın . Hey sən, bunu oxuyan, o dəqiqə ağlına milyon oğurlayan məmuru gətirmə. Adicə dostuna "bu məsələ yoluna qoyulsun, nalmalni oturaq e" deyəndə sən də potensial rüşvətxor sayılırsan. Ki, bu dəqiqə digərlərini qoyuram qırağa, sözlükdəki proqressiv gənc sayılanların azı 90%-i bu və ya digər yolla rüşvət və korrupsiyanın içindədir, halbuki bir məmur adı çəkiləndə hər şeyini söyür ki, çapıb-talamaqla məşğuldur.

4) qayda-qanunu pozmaq. Hələ ən primitiv şeylərdən dnaışıram: qırmızıda keçmək, yeraltı və ya piyada keçidindən istifadə etməmək, kimisə söymək, döymək, pul atmaq, sürət limitindən yuxarıda maşın sürmək, iş yerində "çöplətmək", virus təhlükəsi olduğu halda hər variantda maskasız gəzmək və s. bu kimi normal qəbul olunan və hətta fəxr edilən, etməyənə də yan gözlə potensial lox, çurban, mal kimi baxılan cəmiyyətdə yaşayırıq. Halbuki gecə saat 4-də bomboş yolda belə olsan qırmızıda dayanmalı, piyada zolağından, yeraltı keçiddən istifadə etməlisən və normal olan budur. iş yerinin nə qədər bərbad, müdirinin nə qədər əclaf olmağının önəmi yoxdur, müqavilə imzalamısansa, o saat ərzində öz işini layiqincə yerinə yetirməlisən. Necə deyərlər, hər qoyun öz ayağından asılar.

5) müqavilə demişkən, əmək müqaviləsi olmadan işləmək. Çox şey demirəm, hamıya aydındır məsələlər.

Keçən indi daha dərin və qəliz şeylərə:
6) din, ilahi qüvvəyə inam və ondan nəsə gözləmək. Müşahidə edilə bilən kosmos azı 96 milyard işıq ili genişliyindədir və bu da yerdə qalan kainatın kiçik hissəsidir. Artıq hər nə qədər banal ifadə olsa da, təkrar edim ki, insanın kainatdakı dəyəri adi qum dənəsinin yer üzündəki dəyərindən daha aşağıdır. Hətta bakteriyalar məhv olsa, bütün canlı həyat məhv olacağı təqdirdə, bu an bütün insanlar məhv olsa, (dəqiq yadımda qalmayıb) azı 90% şeyə heç bir təsiri olmayacaq bunun. Yəni insan, yeri gələndə adını təhqir kimi işlətdiyi bakteriya/mikrobdan da dəyərsiz canlıdır. Belə halda bütün hər şeyin insan üçün olduğunu düşünmək, hələ oturub bunları yaradan qüvvənin də hansısa instagramdakı qızı, oğlanı, yaxşı həyatı dua edəndə sənə qismət edəcəyini gözləmək anomal davranışdır, sağlam məntiq və düşüncə məhsulu deyil.

7) başda yeni il olmaqla bir sıra bayramları qeyd etmə. Təxminən, 2 saat öncə tarix 4 apreldən dəyişib 5 aprel oldu. Təsəvvür edin ki, bu entry-ni oxuya-oxuya çöldə fişəng atılır, sizə zəng gəlir ki, bəs bayramın mübarək, təbriklər filan-fəsməkan. Çox mənasız və gərəksiz oldu, hə? Əlbəttə ki. Eyni məntiq 31 dekabrdan 1 yanvara keçəndə də olur, sadəcə milyardlarla insan eyni anda edir deyə qətiyyən narahatlıq keçirmirik.
8) doğum gününü qeyd etmə. Təsəvvür edin ki, elə indi, bu dəqiqə yazını oxuyub bitirən kimi zəng gəlir və ata-ananız sizin doğum gününüzü təbrik edir və deyir ki, bəs əslində həqiqi doğum gününüz bu gün imiş. Hey sən! Dayan. Oxuyub keçmə. WhatsApp-dan özünə doğum günü təbriki yolla və mesaja diqqətlə bax. Mənasız və maraqsız gəldi, hə? Çünki elədir, insanın hər il qeyd etdiyi pasportdakı doğum günü kimi. Yaxşı, deyək ki, məsələ tarix yox, hadisədir. Yenə də, bu cür dünyada, ölkədə, cəmiyyətdə doğulmaq qeyd olunası şey deyil. Arthur Schopenhauer deyirdi ki, əgər həyat gözəl olsaydı, heç kəs gecə yatmaq istəməz, səhər tezdən isə gülə-gülə xoşbəxt oyanardı. Hər halda anormallıq və mənasızlığa aid bu entry-ni oxuyursansa, belə həyat yaşamırsan. Pis olmağa dəyməz, çünki milyonda bir insan belə yaşayar, ya yaşamaz. Dolayısilə, belə halda durub doğulduğun günü qeyd etmək və yaxşı şey kimi düşüncəyə kodlamaq anormal davranış olmalıdır. istər dindar olsun, istərsə ateist, insanın ölüm gününü(kaş biləydi) qeyd etməyi doğum günün qeyd etməyindən qat-qat daha məntiqlidir.

Entry gör hardan hara gəldi. Ancaq istənilən halda, bu, yazılanların doğruluğunu dəyişdirmir. Hə, indi kimsə şiddətin və s. şeylərin insanın təməlində yatan şeylər olduğunu və s. deyə bilər, amma bu onları "təbii davranış" kateqoriyasına salır, "normal" və ya "olmalı olan" kateqoriyasına yox.

Ümumiyyətlə, mən hesab edirəm ki, deyəcəyim istisna xaric heç nə normal kimi qəbul edilə bilməz. Həmin istisna da hüquq, qaydalar, qanunlar toplusu və s. bu kimi şeylərdir. hansıları ki, insan didik-didik üstündə baş sındırıb, ərsəyə gətirib tətbiq edir. Qalan hər şey, yuxarıda da dediyim kimi, "təbiidir", "belə də olmalıydı", "fakt belədir də" kateqoriyasına girsə də, mən normal, adi bir şeymiş kimi qəbul etmirəm. belə şeylər barədə ən sadə dildə məlumat üçün qaraqanın "üçüncü addım" kitabını məsləhət görə bilərəm. Orada adi ağac, texnologiya, yuxu və s. barədə adamda ilkin düşüncə yaradacaq şeylər var idi. Yox əgər kitab-filan oxunmayacaqsa, qoltuq hissədən qolu tutub sıxıb keyitmək "homemade" başlanğıc ola bilər. Keyiyəndən sonra hissiyyatı itmiş qolu, barmaqları tərpətmək məndə əcaiblik oyadır və siz də bunu müşahidə edərək mövzuya giriş edə bilərsiniz.

qaldı ki, bu entry-nin niyə o cür başlayıb buralara gəlməsinə. son cümləni bitirən kimi ilk hissəni oxuyun. Görün ilkin olaraq bu qədər şeyi oxuyandan, düşünəndən sonra o cür davranışlar normal görünür, yoxsa anormal? Şəxsən mənə, nə onlar, nə də n qədər digər * digər yazarlar da, güman ki, qeyd edəcəklər həmin şeyləri şeylər normal, adi və üstündən keçiləsi şeylər kimi görünmür.

nostalgiya hissi verən 2000-li mahnılar

Əksəriyyəti xarici mahnılar paylaşılan başlıq. Fikirləşdim ki, sırf 2000-2009 arası çıxan mahnılar arasından başda bizimkilər və türklər olmaqla, hərəsindən 3-5 dənəsini paylaşıb ardını da mən gətirim. Məlum, o boyda "nostalji" adında youtube playlist-im var.
Bütün xatirələrinizi də götürün, yaxın əyləşin.

Bizimkilərdən:

(youtube: )

(youtube: )

(youtube: )

(youtube: )

(youtube: )

(youtube: )

(youtube: )

(youtube: )

(youtube: )

(youtube: )

(youtube: )

(youtube: )

(youtube: )

(youtube: )

(youtube: )

(youtube: )

(youtube: )

(youtube: )

(youtube: )

(youtube: )

diafraqma və apertur

en: aperture and diaphragm
tr: açıklık ve diyafram

diafraqma kamera lenslərində olan və görüntü sensoruna düşən işığın miqdarını tənzimləyən mexanizm (pərdəciklər * ingiliscə lens blades ), apertur isə ortadakı dəlikdir

Qeyd: əslində, praktikada ingiliscə "aperture" deyilməsi azərbaycan və türk dillərinə müvafiq olaraq diafraqma və diyafram kimi tərcümə olunur. Yəni bu terminlər ayrı olsalar da, əksər hallarda danışıqda ikisi bir-birini əvəz edir. sözləri tam dəqiqliklə işlədilməsinə qarşı xüsusi bir obsesiyanız yoxdursa, bu ikisini "qatıb-qarışdırmağınız" heç bir problem yaratmayacaq.

Diafraqma shutter speed və iso ilə birlikdə, fotoqrafiyaya meyil salan, əlinə fotoaparat götürüb şəkil çəkən birinin başlıca olaraq bilməli olduğu 3 əsas termindən biridir. işləmə prinsipi göz bəbəyi ilə tamamilə eynidir: necə ki, günəşə baxanda gözə düşən işıq həcmi azalması üçün göz bəbəyi kiçilir, qaranlıqda isə əksinə, böyüyürsə, gündüz və ya gecə şəkil çəkəndə də eyni məntiqlə diafraqma artırıb-azaldılır.

Diafraqma "f" hərfi ilə işarələnir və yanında yazılan ədəd onun dəyərini göstərir. misal üçün, f/1.8, f/4, f/8, f/16 və s. işığın miqdarından başqa, şəklin kəskinliyinə və sahə dərinliyi (eng: dof - depth of field) də diafraqmadan asılıdır. f dəyəri say olaraq böyüdükcə apertur balacalaşır, sahə dərinliyi isə artır.
,
Yəni f/1.4 dəyərində sahə dərinliyi az olduğundan fotoda yalnız fokuslanan hissə aydın olacaq, qalan hissələr isə bulanıq; f/22-də isə əksinə, hər yer aydın olacaq. Real həyatdan misal: portret çəkərkən


və ya kadrdakı hansısa əşyaya diqqət çəkmək

onu arxa plandan ayırmaq üçün aşağı diafraqma dəyərlərindən istifadə edilir.

Təbiət, mənzərə kimi kadrlar çəkəndə isə f dəyəri yüksəldilir ki, fotodakı hər detal düşsün. Aşağıdakı şəkildə dağ və güllük sahənin hər ikisinin aydın düşməsinin səbəbi də budur.

Son olaraq, bu gif-ə baxaraq hər şeyi tam anlaya bilərsiniz.

Həmçinin Fotoqrafiya ilə bağlı olan digər entrilər üçün
(baxma: noise/-322896)
(bax: shutter speed)

sapioseksual

fiziki görüntüsündən öncə qarşıdakı insanın ağıl, zəka və intellektuallığına görə cinsi yaxınlıq hiss etmə.

sözün düzü, bir erkək fərd olaraq hələ bu zamanadək özünə sapioseksual deyən qızların həqiqətən elə olduğunu görməmişəm. heç oğlanlarda da görməmişəm. Şəxsən özüm və yan-yörəmdəki müşahidədən danışıram. Bu müşahidəni də bir sapioseksualın özünü göstərdiyi ən real 2 yerdə aparmışam:
1) məktəb. Yadımdadı, 15-16 yaşlarında iq testinə girmişdim. Bir dəfə 160, bir dəfə də 140 çıxmışdı. Okay, razıyam, səhv ola bilər. Hətta deyək ki, original deyildi, həqiqəti əks etdirmirdi. işin maraqlı yanı yan-yörəmdən, Facebook-dakı tanışlarımdan eyni testə girənlər oldu və hamısı məndən aşağı toplamışdı. Yəni sözümün canı, test original olsa da, olmasa da, testi ən yaxşı keçən mən idim. Dərslərim əla, nə olsa oxuyur, hər zad ilə maraqlanırdım. Di gəl ki, məhlədə, məktəbdə-filan bütün qızlar ancaq deyən, gülən, mırtlaşan, hə, bir də ki, hormonların partlayış vaxtları idi deyə bir az da him-cim edən qaqaşlarla yaxınlıq edirdilər. Okay, mənim də aram zor olub və deyib-gülmüşəm, ancaq söhbət səmimiyyətdən, partnyorluqdan, sevgi məsələlərindən gedir. 11 il nə öz məktəbimdə, nə də dostlarımın məktəbində bir nəfər görmədim, eşitmədim ki, kimisə savadına, zəkasına görə sevsin.
2) sonrakı dövr: universitet. Həmçinin digər fərqli ortamlar. bunda vəziyyət daha kompleks olmağa başladı. Qızlar yenə də yuxarıdakı tiplərlə zaman keçirirdilər. Amma işin maraqlı yanı bəziləri ilə mənim də səmimiyyətim olmuşdu. Vəziyyətin kompleksliliyi burda başladı, çünki həmin ərəfələrdə yan-yörəmdə məndən çox daha zəkalı, dünyagörüşlü oğlanlar da vardı, amma onlar qıraqda qalmışdılar. belə şeyi deməyə nifrət edirəm, ancaq anonimliyə sığınıb deyim ki, maddi səviyyə və tip cəhətdən bir az geridə qalırdılar. Həmçinin də əksinə, mənim sosiallıq, maddiyyat və görünüş baxımdan geri qaldığım və "seçilmədiyim" hallar da olurdu.

Dolayısılə, məktəb, məhlə, universitet, fərqli-fərqli kruqlarda bunu gördüm ki, o "sapioseksual"lar ortamların "ən"-ləri və "daha yuxarı" zəkada olanları ilə birlikdə deyildilər. Və bütün bu illərdən, bir az da təkamül psixologiyası oxuyandan sonra aydın oldu ki, istər özünə sapioseksual desin, istər deməsin, ilk öncə gələn ancaq və ancaq görünüş, pul, danışıq və potensialdır. Bu "danışıq" dediyim də qətiyyətən ətrafda baş verənləri müşahidə/analiz etmək; kitab, film, serial, hansısa hadisə haqqında subyektiv fikrini izah etmək; düşüncələrini detallı çatdırmaq kimi sapioseksual birinin diqqət edəcəyi şeylər deyil ha, bildiyimiz "dvijenya", əyləncə, mizah və tipik psixoloji manipulyativ addımlardır. Hə, ilk tanışlıqda sən yuxarıda saydıqlarımla təəccüb doğura bilərsən, amma o qız bunlara görə heç vaxt səninlə sevgili olmayacaq. Sən olsan-olsan onun friendzone'nundakı ailə, iş, şəxsi münasibətlərdə dərdini danışıb ağıl-fikir istədiyi oğlan olarsan. Halbuki sapioseksual üçün maddi və fiziki planda olan hər şey zəka və intellektdən sonra gəlməlidir. Yəni necə ki, adi homo-sapiens kişi bir sısqa görünüşlü, bir də sinəsi, arxası daha iri/fit olan, estetik olaraq daha seksi fiquraya sahib xanım görəndə impulsiv şəkildə ilk olaraq ikinciyə meyil edirsə, sapioseksualda bu olmur, əlaqələri fiziki görünüşə görə qurmur. Qarşıdakı adamlar ağzını açıb danışmalı, öz dünyagörüşlərini, intellektlərini ortaya qoymalıdır ki, bizim sapio özünə partnyor seçə bilsin. Nəticədə, başqa bir misalla desəm, necə ki bir qız qandığı qrafa olmayan amma fit, model, varlı qaqaşla hansısa barın, klubun darısqal tualetində belə olsa, ehtirasla sevişməyə razıdırsa, sapioseksual qadın da güzgüdə özünə çox diqqət etməyən, saçı seyrək, qalın eynəkli, bir çoxunun "nerd" dediyi, amma hər yerindən zəka fışqıran, hansısa sahədəki məsələləri "söküb-yığan" kişi ilə 1 otaqlı evdəki dədə-baba yorğan-döşəyində eyni ehtirasla sevişməyə razıdır.

Yəni, əziz həmcinslərim, zəkanıza baxacaqlarını gözləyirsinizsə, çox gözləyəcəksiniz. çünki illərdir gördüyüm qədərilə, tükəzban, cool, ya da hər zaddan başı çıxan intellektual olmasından asılı olmayaraq hansısa qız özünə "sapioseksualam" deyirsə, bunun oğlancaya tərcüməsi belədir: "saçı, saqqalı, geyimi, yaraşığı yerində, fiziki/psixi sağlam (yəni dişlər, müəyyən bədən fitliyinə sahib olma, obsesiya, depressivliyin olmaması), əli pul gətirən, sosial əlaqələri yaxşı olan, kruqda təqdir görən, gözümə xoş gələn oğlanlar arasında hansı daha çox bilirsə, o məni cəlb edir"dir. Ad da olur ki, kişinin qızı sapioseksualdır. Ay təpən haqqı sən sapiosansa!

Ümumiyyətlə, Azərbaycan kimi bir yerdə belə qızın olması ağlabatan deyil. Bunun da səbəbləri n qədərdir. Mental təfəkkür, qızların necə görülmək istənməsi, tərbiyələndirilməsi, müqayisə və türk-xarici serialları ilə böyümə, cəmiyyətdəki patriarxallıq və nəticədə maddi gəlirlərdəki kişi/qadın bərabərsizliyi və s və ilaxır səbəblərdən dolayı bizdə elə qadını tapmaq samanda iynə axtarmaqdır. Çünki 99,9%-i heç özünün hansı instinktlərə, sosial psixologiyaya sahib olduğunu, nəyi niyə sevdiyini bilmir. Bizdəki qadınların təməli yuxarıdakı səbəblərdən dolayı başqa cür qoyulur. Camaat eləsini yuxarıdakı şeylər olmayan ölkələrdə güclə tapır, tapanda o dəqiqə hollivud "based on true story" adında kino çəkir, qaldı ki, bizdə tapıla. amma sözdə hər ortamda 2-3 dənə var, hələ sherlock-zad izləyibsə, ümumiyyətlə, ağız dolusu boş-boş nağıl/xəyal çərənləyəcək. Həm də ki, eləsini tapsanız da, işin ortaq maraqlar, eyni zamanda, psixoloji tərəfləri də var: o qızın həyatındakı "real" və "ideal" ata obrazları ilə oxşarlıqlar olması və s bu kimi şeylər.

Nəsə, entry çox uzanır və həddən artıq da kompleks mövzudur. Haçalandıqca haçalanacaq. Burada bitirək. Qısası, eləsinin varlığına inanmıram. Məndən öncə yazılan və oxşar mövqe qoyan yazarlara da qatılıram.

coveri originalından daha yaxşı olan mahnılar

Türklərdən, əsasən, zeynep bastık cover-ləri olduğunu düşündüyüm başlıq.

(youtube: )

(youtube: )

(youtube: )

cosmopolitan

bir az öncə öz-özünə danışmaq, tək yaşamaq, azərbaycanda qadın olmaq kimi bir çox başlığa yazdığı entrilərini(#208586, #130302, #148776) oxuduğum, 3-4 aya sözlükdə entry yazmamağının 5 ili tamam olacaq yazardır.

entry-ləri oxuyan kimi söhbət etmək arzumda mənasız bir tətiklənmə oldu. profilinə göz atanda gördüm ki, 5 ildir yazmır. aktiv olsaydı belə nə danışacağımı bilmirdim. üzərində 15-20 dəqiqə düşündükdən sonra belə nəticəyə gəldim ki, bu tətiklənmə söhbət ehtiyacı deyil. ümumiyyətlə, mən düşünürəm ki, 2 insan arasındakı önəmli faktor ortaq dəyərlər, maraq dairələri(ndən) y(ç)ox, hər hansı situasiyalarda, söhbətlərdə ortaq yaşananlar, aura, duyğu vəziyyətidir. elə məndə də onun yazdıqlarında olan ruh halına görə o tətiklənmə oldu. həm də ki indiyə fikirlərində qat-qat daha yetkinləşmə baş verər(di), məlum, o vaxtı tələbə olub.

hazırda yaşayırmı, yaşayırsa, necədir, 5 ildə nələr baş verdi, xaricə gedə bilmədiyini yazmışdı, o alındımı və s. və ilaxır - bir sözlə hər hansı bir xəbər bilmək istədiyim yazardır.

Edit: yüngülvari danışmışdıq. Xaricdə oxuyub qayıdıb. Özünə buradan çoxlu-çoxlu uğurlar diləyirəm.
Son tanım: sözlükdə ən sevdiyim və mənə görə ən dəyərli yazardır.