niva

Toyota, nissan, land rover markalarının "yolsuzluq" avtomobil modellərinin əksinə Lada niva ən ucuz və ən dözümlü yolsuzluq avtomobilidi.

Sadəcə 4 yolsuzluq təkəri və mühərrikin hava girişinin çay keçişlərində su almaması üçün mühərrikin hava girişinə taxılaraq banına qədər uzadılan snorkel bəs edir ki, bu tip çox cuzi off-road tuningi nivanı off-roada hazır etsin.

Ruslar bu modeli dizayn edib istehsal edərkən tək məqsədləri var idi; keçilməz yolları, dağları və yüngül keçiləbilən çayları keçmək. Bu avtomobil düz yolda nə qədər narahatdırsa, dağlıq və off-roadda isə bir o qədər rahat və komfortludur . Çox ucuz olmasının səbəblərinə gəldikdə: avtomobildə abs, dsc, esc, airbag və digər təhlükəsizlik asistantlarından söz gedə bilməz. Təhülkəsizlik demişkən, avtomobilin şassisi monokok şassi olduğu üçün nivanın hesablanmayan yüksək sürətlərdə baş verə biləcək qəzalarda keçirdiyi deformasiya ilə şassi dəmir qutu kimi dağılır və sonradan təmir olan ağır qəza keçirmiş nivayla yenidən qəzaya düşüləcəyini düşünsək o avtomobilin içindən insanın sağ çıxa bilməsi qeyri-mümkündü.

Texniki xüsusiyyətlərinə gəldikdə isə mühərrik çox da güclü olmayan 1500, 1700 kub metr həcmli atmosferik 4 sıralı mühərrikdir və 70 at gücü istehsal edir, bu həcmə nəzərənsə yanacaq sərfiyyatı həddən artıq çoxdur, çünki, avtomobil daimi 4x4'dür. Bəzilərinin bildiyinin əksinə ön ox daimi 30%, arxa ox isə daimi 70% gücü təkərlərə ötürür, ön və arxanın 50-50 ötürülməsi ilə də tam 4x4 moduna keçə bilir, bu vəziyyətdə isə benzin sərfiyyatı 20l-lərə qədər çıxa bilər.

məndəgəldim

Sual verdiyi mövzu barədə dolğun məlumat üçün yazıb doldurduqdan sonra “yolla” butonunun bizə belə surprizlər etməsinə vəsilə olan 4. nəsil yazar
(baxma: bruh moment)
(baxma: yazmağa peşiman edən yazar)

iskonto

iskontonun əsas mənası güzəşt və ya endirimdir. Mühasibat və bank işi sahəsində fərqli bir mənada istifadə olunsa da, iskonto borc və ya haqqın ödənilməsi zamanı edilən endirim deməkdir.


Bankçılıq sahəsində iskontonun mənasına baxdığımızda; istiqrazın faiz dərəcəsi endirildikdən sonra hələ ödənməmiş qalan hissəsini ödəmək anlamına gəlir.


Məsələn, 9 aylıq ödəmə ilə 10 min Manat məhsul aldınız, nağd alarkən daha çox endirim əldə edə bilərsiniz, lakin, ödəmə müddəti ilə aldığınız üçün 10 min manat olacaq. Satıcılara pulu 9 ayda ödəyəcəyinizə söz verdiniz, ancaq 2 aydan sonra borcunuzu tam şəkildə ödəmək imkanınız oldusa , satıcı erkən ödəmək üçün sizə endirim edəcək. Beləliklə, razılaşdığınız puldan daha az pul ödəmiş olacaqsınız.

zen bağı

Yapon bağları olaraq da bilinən zen bağları yaponcada “Karesansui” deməkdir. “Karesansui” isə peyzaj anlamını verir, bu bağlara baxanda peysaj və incəsənətin əlaqələndiyini görmək olar.
Zen bağları yaponların necə səliqəli yaşadığının da bir göstəricisidir. Bu bağların insanı necə sakitləşdirdiyi, ətraf aləmdəki neqativliklərdən uzaqlaşdırması və insana tam bir meditasiya etdirməsi də qədim Yapon mədəniyyətində öz yerini alıb.
Deyilənlərə görə buddizm dininə gedib çıxır tarixi, amma tarixə daha yaxından nəzər salınsa zen bağlarının tarixi zen rahiblərinə dayanır.

Zen bağlarında susuz bir göl və ya dəniz yaradılır: xırda qumluca daş qırıntılarından su təsvir edilir, qayalar qoyularaq adətən Yapon adalarına bənzədilir.
Yaponların mədəniyyətinə heyran olmamaq əldə deyil.

(youtube: )

amerikanka vs servis maşını

Amerikanka - amerika qanunlarına, qaydalarına və export şərtlərinə uyğunlaşdırılmış maşınlardır.
Bunun Yaponka, Nemka(almaniya üçün olan) versiyaları da vardır. Bu terminlər rus dilindən dilimizə keçdiyi üçün xalq deyimində belə deyilir, yəni "amerikanka" , “nemka” qavramları mövcud deyil.

Məsələn hamının bildiyi bmw 540 modelinin amerikanka modeli ilə nemka(almaniya üçün olan versiyası) versiyasını müqayisə edək. Bəli, deyəcəksiniz ki, bmw-ni elə Almaniya istehsal edir, bu nə absurd versiya və müqayisədir. Xeyr, bu elə deyil, bmw 540 modeilini yaponiya da istehsal edir, amma sol sükanla(sadəcə yaponka, yəni yaponiya üçün olan).
bmw 540 modeilinin nemka yoxsa amerikanka olmasını isə daha çox arxa kapot hissəsindən, nömrə yerindən(amerikada nömrələr kvadrat olduğu üçün, amerikankalarda kvadrat nömrə olur) və Amerikan park fənərlərindən(həmişə yanan narıncı fənərlər və ya bumperlərdəki narıncı reflektorlardan) bilmək olar. Hər ölkənin öz yol hərəkətinə uyğun qaydaları olduğu üçün də bu versiyalar 40-50 il öncədən başlayaraq ortaya çıxmağa başlamışdı.

Amerikanka vs servis maşını qarşılaşdırmasına gəldikdəysə şəxsən deyə biləcəyim bu mövzuda amerika exportu maşının şəxsin özü tərəfindən auksiondan alınmasıdır. Amerikanın hər yerində trumpçı olmadığı kimi, hər yerində də sel ,qasırğa olmur.
Sadəcə burda incə detay: aldığınız ştata və maşına diqqət etmək lazımdır. Alacağınız maşın okeana, daşqın və qasırğaların daha çox cərəyan etdiyi bölgələrə yaxındırsa, o avtomobilin suya düşmə ehtimalı daha çox olur.
Bəzi insafsız alverçilərin 2 min dollara selə düşən amerika exportu maşınları necə insafsızca qiymətlərlə və sanki heç suda üzməmiş maşın kimi satdığını görüb "hamısı ameriqanın oyunlarıdı" deyən dayılar kimi düşünməyin.

can vermə qəmi-eşqə ki, eşq afəti-candır

MƏHƏMMƏD FÜZULi
"Leyli və Məcnun" poemasından

Can vermə qəmi-eşqə ki, eşq afəti-candır,
Eşq afəti-can olduğu məşhuri-cahandır!

Sud istəmə sövdayi-qəmi-eşqdə hərgiz!
Kim, hasili-sövdayi-qəmi-eşq ziyandır!

Hər əbruyi-xəm qətlinə bir xəncəri-xunriz,
Hər zülfi-siyəh qəsdinə bir əfi ilandır!

Yaxşı görünür surəti məhvəşlərin, əmma
Yaxşı nəzər etdikdə, sərəncamı yamandır!

Eşq içrə əzab olduğun ondan bilirəm kim,
Hər kimsə ki, aşiqdir, işi ahü fəğandır!

Yad etmə qara gözlülərin mərdümi-çeşmin,
Mərdüm deyib aldanma kim, içdikləri qandır!

Gər dersə Füzuli ki: "Gözəllərdə vəfa var"
Aldanma ki, şair sözü, əlbəttə, yalandır.

Xalqımızın, o cümlədən, şərqin, klassik Azərbaycan ədəbiyyatı dühası, ilahi şairi kimi tanınan M.Füzuli yaratdığı Məcnun obrazında diri ikən haqqa qovuşub cəmiyyətin çirkinliklərinə, insanların riyakarlığına və saxtakarlığına qarşı kəskin etiraz var. Füzulinin qəzəllərindəki bədii təsvir texnikası çox dahiyanədir. ilahi Eşq və həyat arasında mükəmməl harmoniya yaradır.

" Can vermə qəmi-eşqə ki, eşq afəti-candır,
Eşq afəti-can olduğu məhşuri cahandır..."
Məalı :
" Eşq-sevda aləmindən uzaq ol. Eşq--qəm, kədər, ahü-zardır, buna görə , can yonqarıdır, bəladır.
Eşq möhnət yükü olduğundan, çarəsizlər o yükü daşıya bilməz. Onun məhşur olmağı, afətliyindədir( bəlalığındadır) .

Gər dersə Füzuli ki, - “Gözəllərdə vəfa var”
Aldanma ki, şair sözü, əlbəttə, yalandır. 
Neçə vaxtdır ki, şərti olaraq “Füzuli yalanı” deyə biləcəyimiz bu bədii yalan oxucuları düşündürməkdədir. Axı niyə “şair sözü, əlbəttə, yalandır?” ilk baxışda yalan “Gözəllərdə vəfa var” fikrinə aiddir.

qızardılmış kartofu dadsız bişirənlərə məsləhətlər

Deməli sizə qızıl məsləhətlər:
1)kartofu soyduqda və doğradıqda suyun içində saxlayın ki, nişastası getsin.
2) kartof biraz ziyan olsa da çalışın kvadrat doğrayın və əyri-üyrü yerlərini atın.
3) doğradıqdan sonra quru dəsmalın arasında qurulayın ki, kartof yapışmasın.
4) tavanı öncədən isidin və isinəndən sonra bolca yağ əlavə edin tavaya. Yağı çox əlavə edin, olmasa bişmədən yapışacaq və əziləcək kartof.
5) və əsas qanun: tavanın ağzını bağlamayın, yoxsa, kartof çox əziləcək və tam bişmədən dağılacaq.
6) bişənə yaxın duzlayın və nuş olsun

Edit: bununla bərabər : toyuq filesi varsa, bir gözəl də onu qızartmaq olar, pamidorlu, bibərli.

ərəblərin azərbayacana ova gəlməsi

Ölkəyə necə daxil olub, istədikləri kimi də 20-30 nəfərlik qrup halında gəzir, oteldə qalır və palatqa qururlar ov üçün, hələ ov mövsümü çoxdan bağlandığı halda. Hara baxır bu kor ekalogiya və təbii sərvətlər nazirliyi ki, bunlar biabırçı şəkildə ölkəni talan edir, pulları ilə bəzilərinin şərəflərini də almağı bacarıblar deyəsən. leş kimidi yaşantıları, elə bil sivilizasiyadan uzaq qalmış vəhşi kimi.
Quşları drona bağlayıb şahinə yem etmək nədi, nədi bu biabırçılığın adı? Tutaq ki , heç Cavid Qara orda olmasaydı, videonu çəkməsəydi, bizim bundan necə xəbərimiz olacaqdı? Bəlkə də elədikləri neçə-neçə vəhşiliklər, zorakılıqlar var Azərbaycan təbiətinə.

Açıq bazarın açıq görüntüləri:

(youtube: )

(youtube: )

(youtube: )