oxen

1991-ci ildə Sven Nykvist tərəfindən çəkilmiş film. hadisələr 19-cu əsrin sonlarında isveçin aclıq və yoxsulluq tüğyan etdiyi bir kəndində svenning adlı fermerə məxsus öküzlərdən birini öldürən helge və onun ailəsinin yaşamından bəhs edir. öldürməsinin səbəbi isə 1 yaşlı qızı annanın həyatda qalmasıdır. əgər o öküzü kəsib yeməsə qızı acından öləcək. o da ehtiyac üzündən bu yola əl atır. öküzün ölməsini hər kəsdən gizli saxlamağa çalışsa da bir müddət işin üstünü kəndin keşişi açır. bunun çox böyük günah olduğunu deyərək onu məhkəməyə qədər işin qaldırır. məhkəmə helgeyə ömürlük həbs kəsir. bir tərəfdən də yoldaşı alfred qızının ac qalmaması üçün dilənir və ehtiyac üzündən başqa kişilərlə əlaqədə olur. sonradan keşiş helgenin cəzasını yüngülləşdirmək üçün svenningdən razılıq alır. helge azadlığa çıxsa da onu evdə gözləmədiyi hadisə ilə üzləşəcək..film bir daha aclıq və yoxsulluğun insanı son çarə kimi hansı yollara düşürməsini göstərməyə çalışır. helgenin öküzü öldürdüyü səhnə idi i smotri filmində inəyin öldüyü əzablı səhnəni yada salır. 1992-ci ildə oskarda ən yaxşı xarici dildə film nominasiyasının qalibi , elə həmin il kann festivalının Un Certain Regard kateqoriyasında yarışıb.

be svendsen

danimarkalı elektronik musiqiçi. əsasən yaratdığı etnik house tərzi musiqilərlə ürəyimizdə özünə yer eləmişdir. müxtəlif mədəniyyətlərə xas musiqiləri kəşf etməyi sevən dj 2011-ci ildən etibarən bu kəşf yoluna çıxmışdır. bir yandan şərq , bir yandan afrika ritmlərilə musiqilərinə rəng qatan dj-in hər musiqisinə qulaq asdıqca yeni qalaktikaların izinə düşürsən. tam olaraq bu işi pisdir bu yaxşıdır söhbəti yoxdur. bütün musiqiləri əladır. nəmrud dağında olan cercle seti.

(youtube: )

13 tzameti

gürcü əsilli rejissor Gela Babluani tərəfindən çəkilən 90 dəqiqəlik ağ-qara film. mövzusu isə gürcüstandan fransaya köçmüş sebastien adlı şəxs evlərin damında təmir işləri ilə məşğul olaraq pul qazanan bir ustadır. təmir etdiyi evlərdən birində yaşayan Jean François Godonun yaxın vaxtlarda böyük məbləğdə pul qazanacağını eşidir. godon da bir gün evində ölü tapılır. sebastien üçün də bu göydən düşmə şans olur. godona göndərilən məktubun izi ilə gedərək özünü godonun yerinə qoyur və bir oyuna qatılır. 13 nömrəli kartla ölüm-dirim oyununa. heç gözləmədiyi həyat və ölüm arasında bir savaşa qatılan əlinə indiyə qədər silah dəyməmiş sebastienın girdiyi oyunda ya özü ölməlidir ya da yaşaması üçün başqasını öldürməlidir. bu çirkli oyundan sebastien qalib çıxaraq böyük məbləğdə olan pulu qazanır. amma sonrakı gedişat sebastienın ürəyincə olmur. bir nəfəsə izləniləcək filmdir çox uzun yazmağa da ehtiyac duymuram. filmdə 13ün həm uğurlu həm də uğursuz rəqəm olmasının şahidi oluruq. filmin çox yerində 13 rəqəmi var. ölüm-qalım mübarizəsinin keçdiyi otağın nömrəsi də elə 13dür. tzameti də gürcü dilində 13 deməkdir. sebastien rolunu rejissorun qardaşı canlandırıb. aktyor seçimi çox idealdır. mərc edən adamların üzündən qatillik yağır.elə bilirsən hamısı real həyatda cinayətkarlardır. eyni filmin 2010-cu ildə remeyki də çəkilmişdir. o sadəcə ad olaraq 13dür. düzü 13-ə baxmamışam .o film bu filmin yerini verərmi deyə fikirləşirəm? cavab məncə əlbəttə yox olar. dünyanın hər hansı bir yerində belə bir oyunun keçirilmə fikri belə adamı dəhşətə gətirir. bu ölümlər üzərindən mərc gələn adamlar və pul üstündə hər nəyə razı olan insanlar...filmdə işlədilən insan bir dəfə doğulur və bir dəfə ölür. başqa bir şey ola bilməz. işin fəlsəfəsin fikirləş. sən şopenhauerin nəslindən gəlirsən ifadəsi unudulmaz film reprikalarına daxil ola biləcək növdəndir.
belə musiqilər səslənir filmboyu.. işıq yandısa biri ölməlidir. amma film ölməz elə musiqiləri kimi

(youtube: )

(youtube: )

ad usum delphini

latıncadan vəliəhd üçün mənasına gələn ifadə. delphini Dauphin sözünün latınca yazılış şəklidir. dauphin də fransada vəliəhd şahzadələr üçün tituldur. deyimin meydana gəlməsi xıv lüdovikin adı ilə bağlıdır. oğlu üçün asan anlaşılsın deyə klassiklərin əsərlərinin dilini sadələşdirib çap etdirməyi buyurur. beləcə 1670-1698-cı illər arası 64 cildlik ad usum delphini külliyatı tərtib olunmuşdu. eyni zamanda kitabın dilini sadələşdirərək məzmununu da korlayırdılar. fransa ilə məhdudlaşmayan sadələşdirilmiş klassik əsərlər avropaya , amerikaya yol açır. 19-cu əsrin əvvəllərində ingilis nəşriyyatçı Abraham John Valpy Valpy's Delphin Classics adı altında cildlər nəşr etmişdi

170 hz

iki həm eşitmə həm də danışma qüsuru olan yeniyetmənin sevgilərindən və bu yolda qarşılarına çıxan əngəllərdən bəhs edən hollandiya istehsalı film. qəhrəmanlardan biri nick qüsurlu olduğu üçün daima bullinqə məruz qalmaqdadır. sevgilisi olan evy-nin atası onların münasibətini bir mənalı qarşılamır. elə nickin də atası ilə işlər heç də yolunda getmir. nick evy ilə qaçmaq qərarına gəlir. hər kəsdən uzaq qaçaraq təkcə özlərinin olacağı bir gəmidə yaşayırlar. sevgilisinin ata qatili olduğunu biləndən sonra evy onunla sonunacan bir yerdə yaşaya biləcəkmi ? bəs doğulacaq körpə onların sonsuza qədər bərabərliyinə kömək edə biləcəkmi? filmdəki evy obrazını oynamış gaite jansen roluna görə həm seattle həm də niderland film festivallarında ən yaxşı aktrisa nominasiyasının qalibi olub.

hilma af klint

abstrakt sənətin baniləri vasili kandinski və kazimir moleviç sayılsa da onlardan əvvəl özü də bilmədən Abstraksionizm cərəyanını yaratmışdır. amma kəşfini demək olar ki hər kəsdən gizli saxlamışdır. çünki yaratdığı sənət nümunələrinin heç kəs tərəfindən başa düşülə bilməyəcəyini fikirləşirdi. çəkdiyi rəsmləri isə təkcə özünün yox ruhlarla qurduğu əlaqənin sayəsində ortaya çıxdığını iddia edirdi. 1890-cı illərdə de fem (beş) adını verdiyi qrup yaradaraq ruh çağırma seansları təşkil edir. beləcə başqa ''dünyalar''la əlaqə sayəsində rəsmlər çəkirdilər. spritualist rəssam 82 yaşında qəza nəticəsində həyatla vidalaşır. rəsmlərini isə vəsiyyətinə əsasən 20 il sonra sərgilənməsini tapşırır. rəssamın mövcudluğu barədə personal shopper filminə baxdıqdan sonra xəbərim oldu. filmin ana teması ilə yaxın olduğundan bir səhnədə rəssamdan bəhs edilir. sırf bu video filmdə də keçir:

(youtube: )

sama abdulhadi

fələstindən çıxmış hələki yeganə elektronik musiqi ilə məşhurlaşmış texno və house dj-i . ölkəsində texno kraliçası olaraq bilinən sama 13 yaşında olarkən yaşadığı ramallah şəhəri israil tərəfindən hücuma məruz qalır.yaşadıqları bina israil ordusu tərəfindən mühasirəyə alınır. sama və ailəsi bir müddət mühasirədə yaşayır. bu kimi çətinliklərə baxmayaraq fələstindən dünyaya çıxa bilir. 2011-ci ildə londona köçür orada musiqi üzrə təhsil alır və adına uyğun olaraq skywalker psevdo adı ilə iki albom buraxır. 2017-ci ildən isə sama adı ilə artıq məşhurlaşmağa başlayır. keçən il fələstində texno parti verdiyi üçün həbs olunmuşdu. həbsinə etiraz olaraq petisiyanı rəqəmlərə əsasən yüz min şəxs imzalamışdı. səbəb partinin musa peyğəmbərin məzarı olaraq güman edilən yer olan nəbi musada keçirdiyi idi. müqəddəs yerə hörmətsizlik etdiyini əsas gətirərək əllərində dəyənəklərlə partini dağıtmışdılar. sonradan partinin olduğu yerdə hotelləri yağmalayaraq mebellərini yandırmışdılar. bax belə insanların içində o musiqisinə davam edir. maraqlananlar üçün ətraflı müsahibəsi var
fələstindəki boiler roomundan:

(youtube: )

after eight

1962-ci ildən etibarən istehsal olunan şokolad . şokolad məhsulunu ilk istehsal edən rowntree's konfet şirkəti olsa da 1988-ci ildən şokoladın hazırlanması və istehsalını nestle həyata keçirir. əsasən nanəli olan bu şokoladı yeyədən sonra daxildən bir sərinlənmə baş verir -* . təkcə nanəli olmayan ; moxito , limon , portağal , çiyələk kimi növləri də var. şokoladın paketlənməsi də xüsusi vurğulanmalıdır. birinə hədiyyə olaraq məhz şokolad vermək istəsəniz ideal seçim ola bilər. paketin üstündə də şokoladı səkkizdən sonra yeməyi işarə edən 9a beş dəqiqə işləmiş kimi emblemi var. həm qara həm də ağ şokoladlardır eyni zamanda.