nikahsızlıq, katolik keşişləri tərəfindən qəbul olunan və on birinci əsrdə müəyyən edilmiş əhd. tətbiq edilməsinin başlıca səbəbi kilsənin öz torpaq mülkiyyətini saxlamaq , varislər arasında bölünməsinə yol verməmək səyindən ibarət idi. həmçinin kilsənin , dindarların nəzərində ruhanilərin hörmətini qaldırmaq , din xadimlərinin həyat tərzini xristian asketizminin normalarına uyğunlaşdırmaq niyyəti əhəmiyyətli rol oynamışdır. amma selibatın həyata keçirilməsi ruhanilər arasında pozğunluğun yayılmasına gətirib çıxarmışdı.
insanların məmnunluq duyğusunun müvəqqəti bir fenomen olduğunu vurğulayan nəzəriyyə. insandan insana görə dəyişsə də hər insanın genetik standart xoşbəxtlik nöqtəsi var. çoxdan bəri arzuladığınız maşın , telefon və bu kimi xəyallarınızı gerçəkləşdirsəniz belə bir müddət keçdikdən sonra xoşbəxtlik səviyyəniz öz standart xəttinə geri çəkiləcəkdir. nəzəriyyə təkcə müsbət təcrüblərlə kifayətlənmir. iflic olmuş şəxslər arasında da araşdırma ediblər. nəticələr göstərib ki bir il əvvəl iflic olmuş xəstələrin xoşbəxtlik səviyyəsi 1 həftə əvvəl iflic olmuşlara görə çox yüksəkdir. nəticə nədir? öyrəşiblər artıq. nəzəriyyəyə hedonik çarx da deyirlər. çarxda fırlanan siçan kimi axtarırıq xoşbəxtliyi. bunun üçün çox güc sərf edirik xoşbəxtlik gətirəcəyini sandığımız şeylər üçün . xarici dünyada xoşbəxtlik və həzz axtarışına çıxdığımız hər an əslində siçan çarxına girmiş kimi oluruq. sahib olduğumuz bir şeyin məsələn pul ya da mövqenin , daha çoxunu əldə etdiyimiz zaman əvvəlcə özümüzü xoşbəxt hiss edirik. ancaq çox qısa zaman sonra əldə etdiyimizə alışmağa başlayırıq.
bir şeyin zərərli olduğunu bildiyin halda çox əmək və zəhmət sərf etdiyin üçün ondan əl çəkməmək. sindromun ortaya çıxması 2-ci dünya müharibəsindən sonra ingilis və fransızların ortaq şəkildə səsdən belə sürətli təyyarələrin istehsalı üçün razılığa gəlməsilə əlaqədardır. istehsala xeyli zaman , maliyyə (təxminən 4 milyon dollar) xərclənir. xərclənən məsrəflər qarşısında sınaqlar uğursuz olsa belə hər iki ölkə layihəni dayandırmamaq barədə israrlı olurlar. sindromla demək olar ki həyatın hər sahəsində qarşılaşmaq olar. götürək elə universitet təhsilini. daxil olub oxuyursan amma gözləntilərin öz nəticəsini vermir. yarıda da atmaq istəmirsən. fikirləşirsən mən neçə il hazırlığa getmişəm tonla pul xərcləmişəm. ziyanıma olsa ,vaxtımı alsa belə davam etdirməliyəm. uzun illər boyu evli olan amma bir-birini tamamlamayan evliliklər də buna ən gözəl nümunədir
iki alman dj-dən ibarət minimal texno qrupu. ikilinin bir yerə gəlməsi 1998-ci ilə təsadüf edir. imzaları olan musiqilərin içərisində insan dinlədikcə yeni dünyalar kəşf edir. david augustun remix etdiyi last day mahnıları isə bu dünyadan deyil.
çində yerləşən və parisə bənzədilən səma şəhəri . səma şəhəri oranın demək olar ki ikinci adıdır. parisə bənzədilməsinin ilk göstəricisi parisin simvolu sayılan qüllənin demək olar eynisinin burada yerləşməsidir. proyektin inşası 2007-ci ildən başlamış demək olar elə həmin ildə də hazır olmuşdur. amma parisin kopyasını yaratmaq o qədər də uğurlu təşəbbüs sayılmır. daha çox tərk edilmiş yer olaraq da bilinir
qərbi almaniyada təşkil olunmuş 1974 dünya çempionatına qatılmaq üçün keçirilmiş və futbol tarixinin üz qarası hadisələrindən birinin yaşandığı qarşılaşma. həmin çempionata avropadan 8,cənubi amerikadan isə iki komanda seçmə oyunlardan birbaşa iştirak etmək haqqı qazanmalı ,ayrıca avropadan bir komanda ilə c.amerikadan bir komanda pley-off oyunu oynamalı idi. qələbə çalan da dünya çempionatına qatılacaqdı.bu günkü qaydalar o vaxtda olan qanunlar ilə eyni deyildi,avropa seçmə oyunlarında 9 qrup vardı və pley-off oyunu oynamalı olan komanda qrupunu ən az xalla bitirən deyil püşk atma ilə 9 qrup arasında birinci olaraq təyin olunmuşdu.beləcə avropa 9-cu qrupdan ssri, c.amerika üşüncü qrupdan çili lider olaraq çıxmışdı.11 sentyabr 1973 cü ildə çilinin faşist diktatoru a.pinoçet 1970cı ildə sərbəst seçimlə iqtidara gələn sosialist salvador allende-ni qanlı çevrilişlə devirmişdi.bu hadisələr zamanı allende başda olmaqla çox sayda insan qətlə yetirilmişdi .çevrilişdən 15 gün sonra pley-off oyunun ilk görüşü allendenin mütəffiqi olan ölkənin paytaxtı -moskvada oynanılmalı idi.sovetlər birliyi də pinoçet rejimini tanımayaraq çili ilə bütün əlaqlərini kəsdiyini açıqlamışdı.pinoçet də vətəndaşlarının ölkədən çıxışına qadağa qoymuşdu.üstəlik də çili komandasında allendeni dəstəkləyən Carlos Caszely, Leonardo Véliz kimi oyunçular vardı.bu oyunçuların da ssridən sığınacaq istəməsindən və xarici mediayaya danışmasından qorxan rejim son anda komandanın ölkədən çıxışına icazə verdi.bu şərtlərlə oyunun baş tutub tutmayacağı sual altında idi.belə söhbətlər dolanırdı ki sovetlər birliyi çilidə həbsdə olan vətəndaşlarının əvəzini çıxaraq çili komandasının bütün üzvlərini həbsə salacaqdı.bütün mediayaya qapalı keçən oyun 0-0 bitdi.cavab oyunu çilinin paytaxtı santiaqonun estadio nacional stadionunda oynanılmalı idi.amma ssri yüzlərlə siyasi məhbusunun işgəncə ilə öldürülmüş olduğu bu stadionda oyuna çıxmağı rədd etdi.oyunun neytral bir stadionda oynanılmasını ssri tələb etmişdi amma nə fifa nə də çili bu tələbi müsbət qarşılamamışdı.fifa estadio nacional stadionuna öz mütəxəssislərini göndərərək stadionun qazonunun futbola əlverişli,stadionun ölçülərinin standartlara uyğun ,tribunaların təmiz olduğunu və heç bir siyasi məhbusa rastlamadıqlarını sadəcə bir neçə kimliyi bilinməyən şəxslərin saxlandıqlarını açıqlamışdı.ancaq vəziyyət heç də elə deyildi.onlar məhbusları fifanın nümayəndələrinin görməyəcəkləri yerlərdə gizlətmişdi.ancaq ssri onlara qarşı qurulan bu ''teatrı'' qəbul etmir və işgəncə ilə öldürülən vətəndaşlarının öldükləri yerdə oyuna çıxmağı qəti şəkildə rədd edir.ancaq o teatr hələ bitməmişdi.ssri komandası çiliyə ayaq basmadı.fifa ssrinin oyuna çıxmadığı biləndən sonra avtomatik olaraq oyunun nəticəsini 2-0 olaraq müəyyən eləyir.ancaq oyunun oynanılacağı gün və saatda baş tutacağı simvolik olaraq açıqlanır.çili komandası oyuna rəqib komanda olmadan çıxır.avstriyalı hakim erich linemayr-ın fitindən sonra ''oyun'' başlayır.çilili oyunçular mərkəz xətddən öz aralarında paslaşaraq ssri-nin qapısına qollarını vururlar.komandanın iki oyunçusu ceszaly və veliz komanda yoldaşlarının arxasıyca qaçmağı rədd edirlər.
çilinin vurduğu qol futbol tarixinin ən vicdansız qolu olaraq bilinir.
1977-ci il paris doğumlu synth-pop , elektronik janrlarında mahnıları olan musiqiçi. ilk addımını 2003-2005 -ci illərdə sex in dallas qrupu ilə atan musiqiçi sonradan solo fəaliyyətə dAvam edib. 2010 -cu ildə ilk ep albomu olan milk teeth i buraxıb. daha sonra Event Horizon və 2016-ci ildə Sideration işıq üzü görüb. sideration albomundakı sleeples eyes mahnısı çox qəşəngdir.
italyanca qıvrım , spiral mənalarına gələn mərkəzində dairəsi olan spiralşəkilli memarlıq bəzəyi. ionik sütun başlığının xarakterik hissəsi. son intibah dövrü , həmçinin barokko memarlığında volyutadan başlıca olaraq dini binaların fasadlarının bəzədilməsində istifadə edilirdi
orqanın , toxumanın , bədənin bir hissəsinin yaxud bütün orqanizmin inkişafdan qalması. əsasən dölün bətndaxili inkişafı zamanı ana orqanizmə qida pozğunluğunun , bəzi infeksion xəstəliklərin təsiri nəticəsində baş verir
latınca qardaş sözündən yaranmış tayfanın bir neçə qolu. afinada və klassik dövrə qədərki yunanıstanın bəzi digər dövlətlərində sosial təşkilat forması. fratriya başqa üzvləri ilə nikah əlaqəsinə girən qohum nəsillərin ekzoqamiya qrupu idi. iki fratriyanın daimi nikah əlaqələrindən tayfa yaranırdı.
fransanın Provans-Alp-Kot-d'Azür bölgəsində yer alan dünyanın parfüm paytaxtı. grasse-da üç mühüm ətir firması fragonard , gallimard , molinard yerləşir. dünya ətir istehsalının təxminən 60 faizinin əhatə edən bu kiçik qəsəbə kann , nitsa kimi şəhərlərin yaxınlığında yerləşir. bu şəhərlərdən bir başa qatar yolu ilə qrasa getmək mümkündür. 1989-cu ildə grasse-da beynəlxalq ətir muzeyi fəaliyyət göstərməkdədir. ətriyyatçı romanında da adı çəkilən qəsəbəni statistik rəqəmlərə inansaq ildə iki milyon turist ziyarət edir
iki dilin eyni ərazidə uzun müddət yanaşı işlənməsi nəticəsində yaranan ikidilliyin bir növü ; gəlmələrin dilinin aborigenlərin dilinə təsiri. gəlmələrin dili yerli dilin yalnız leksikasına deyil fonetik və qrammatik quruluşuna da təsir göstərir. adstrat nəticəsində mənşəcə bağlı olmayan dillər arasında ümumi əlamətlər yarana bilir
orta əsr yaxın şərq o cümlədən azərbaycan ədəbiyyatında hər misrasının baş hərflərini yuxarıdan aşağıya doğru oxuduqda söz və ya ifadə əmələ gətirən şer. qədim yunan poeziyasındakı akrostixin ekvivalentidir.
)
