catasterismi

86 0 0 0

10. nəsil partizan

Entry: 86

blok başlıqlarını gizlət

unkill yourself

sözaltı fotoqrafiya

yazarların çəkdikləri piş

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözaltı etiraf

+35 əjdaha

nənəm yatanda həmişə xoruldayır. Bəzən də elə olur ki, xoruldamır, amma nəfəs alıb vermək filan səsi çox gəlir. Öyrəşmişəm yəni bu səsə daha lol. Hərdən bir də görürəm ki, nənəm xoruldamır, səs filan gəlmir də. belə olanda bir az qorxuram, həmən gedib yaxınına üzünə filan baxıram ki, görüm nəfəs alır ya yox. Bir gün elə yaxınlaşanda gözünü açıb ikimizi də dəli edəcək.

32 əjdaha! 11.08.2023 02:03, catasterismi

#377372 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

yazarların çəkdikləri pişik şəkilləri

+18 əjdaha

13 əjdaha! 19.07.2023 19:25, catasterismi

#375842 şikayət

kainat

+22 əjdaha

kainat ağılasığmaz dərəcədə möhtəşəm və genişdir. bir neçə gündür təqdimat hazırlamaq üçün bu haqda araşdırma edirəm, və, həqiqətən, araşdırarkən öyrəndiklərimdən çox heyrətləndim. bir dəfə girdimi çıxa bilmir adam mövzunun içindən. təsadüfən elə google'da axtararkən Nasa'ın saytını gördüm və ordan istifadə elədim (artıq bunun da nə təsadüfü olacaqsa, kainatdırsa, nasa da). o saytı bu günə qədər kəşf etmədiyim üçün çox üzüldüm, həqiqətən. bu nə gözəllikdir: https://exoplanets.nasa.gov/
deməli, nə qədər habitable zone (yaşayış üçün əlverişli olduğu düşünülən) olan planet mövcud imiş. və hələ sadəcə Süd yolu qalaktikasında Super-Earth adı verilən yer bənzəri nə qədər planet mövcuddur. bu planetlər yerin ölçüsündən 2 dəfə, kütləsindən isə 10 dəfə böyük olurlar. Adətən Uran, Neptun böyüklüyündə, həmçinin dəmirdən, karbondan və qazlardan təşkil oluna bilirlər.
Günəş sistemindən kənara çıxanda qarşımıza çıxan bütün planetlər ekzoplanet adlandırılır. Digər planetlərdən fərqli olaraq onlar hansısa ulduza bağlı olmur və qalaktikanın mərkəzində sərbəst şəkildə "üzürlər".
Yerə ikinci ən yaxın ekzoplanet isə "Barnard's Star b"dır. yerdən 6 işıq ili uzaqlığındadır və yerdən 3.2 dəfə böyükdür. orbital periodu 233 gündür. barnard ulduzu ətrafında orbital dövr edən planet qırmızı, soyuq və az kütləlidir. öz ulduzundan uzaqda olduğu üçün zəif işıqlanır və bu yerin günəşdən aldığı işığın 2%dir. ətrafında fırlandığı ulduz isə gecə səmasında ən sürətli hərəkət edən ulduzdur.

Yerdən kənarda artıq həyat üçün əlverişli planet axtarışına çıxanda bir neçə yer bənzəri Super-Earth tapmaq olar:
Kepler teleskopu ilə izlənən K2-131b Super-Earth tipli yerdən 2 dəfə böyük planetdir. Həm də Günəş kimi sarı bir ulduzun ətrafında fırlanır. Bizim yerə nə qədər bənzəyir hə? siz də yeni bir həyat üçün həyəcanlandınız, amma tələsməyin çünki bu planetin səthi bit dəmiri buxarlandıracaq qədər istidir. həm də öz orbiti ətrafında fırlanmağı 9 saat çəkir. Merkuridə isə bu 88 gündür. Və gün ərzində bu planetdə günəş heç vaxt batmır.
Kepler teleskopu ilə izlənən ikinci bir planet Kepler-22B elm adanları tərəfindən tam təsbit edilə bilməyib. Səthi su ilə örtülsə də, onun qaz halında da ola biləcəyi də ehtimal edilir. ancaq son kompüter modelləşdirməsindən sonra nəzəri olaraq həyat üçün əlverişli olduğu ortaya çıxdı. çünki bütün səthi su ilə örtülən və yan tərəfə əyilmiş bu ekzoplanetin səthinin orta tempraturu 15 dərəcə selsidir. radiusu isə yerdən iki dəfə böyükdür. orbital periodu 289 gündür. yerdən isə 635 işıq ili uzaqlığındadır.

kainat hər an genişlənən bir məfhumdur. ancaq maraqlıdır, hara kimi genişlənəcək? bir dənə burda dayanın. və sadəcə təsəvvür edin. hər keçən an genişlənir. bu kainat nədir ki? nəyin içindədir? niyə genişlənir? hardan tapır genişlənəcək yeri? çox maraqlıdır. bəlkə də kainat özü başqa kainatın içindədir. bəs bu kainat o hardadır?

ulduzlar da böyüyür. böyüdükcə isə parlaqlıqları artır. parlaqlığı artan ulduz artıq öz məhvinə yaxınlaşır, yaşlanır artıq, enerjisini sərf edir. enerjisi bitən ulduz isə "ağ cırtdan" adlanır. ağ cırtdan adlandırılsa da, hələ də parlaq olurlar. parlaqlığın səbəbi isə enerjisi vermək deyil, səbəbi ulduzun hələ də çox isti olmasıdır.
kainat çox maraqlı yerdir. onu kəşf etmək, öyrənmək isə insana zövq verir. ancaq bir gün(hansı planetə, hansı ulduza görə gün) hər bir ulduzun məhv olacağını anlayanda artıq onda qorxur insan. Düzdür, hələ günəş cavandır, ancaq bir gün o da məhv olacaq. günəşin 8 milyard ili var hələ qarşıda , ancaq yerin neçə ili var? bax o kainatdan daha çox insanlara bağlıdır.

16 əjdaha! 29.11.2021 00:43, catasterismi

#340683 şikayət

dissosiativ şəxsiyyət pozğunluğu

+19 əjdaha

(baxma: Dissociative Identity Disorder) qısacası DiD və ya split personality disorder.

DiD iki və ya daha artıq şəxsiyyətin bir insanın bədənində təzahür etməsi ilə ortaya çıxan şəxsiyyət pozuntusudur. Bu şəxsiyyətlərin hər birinin öz keçmişi, xarakteri, sevdiyi və ya sevmədiyi şeylər mövcuddur. hər biri müxtəlif vaxtlarda davranışları idarə edə bilir.

DiD çox nadir bir xəstəlikdir. 0.01-1%-lik bir qismi əhatə edir. Qadınlar kişilərə nisbətən bu xəstəliyə daha çox meyllidirlər.

DiD uşaq vaxtı ağır fiziki və ya cinsi zorakılığın nəticəsində yaranır. Bəzən müharibə, təbii fəlakət kimi travmaların təsirindən də yaranması mümükündür. xəstəliyin ortaya çıxma səbəb isə xəstənin özünü bir neçə şəxsiyyətə parşalayaraq travmadan uzaqlaşmağa çalışmasıdır.
xəstənin bir "əsas" şəxsiyyəti olur, hansı ki onun hər zamankı halı. bir də digər "alternativ" şəxsiyyətlər var ki, bəzi DiD xəatələrində bu şəxsiyyətlərin sayı 100-ə qədər arta bilir ki, onlar müxtəlif cinsin, irqin nümayəndəsi ola bilərlər. şəxsiyyətlər arasında keçidlər olduğu üçün yaddaşda bəzi "boşluqlar" olur, və ya xəstə halüsinasiylar görür.
DiD xəstələrində depressiya, anxiety, alkoqol və narkotik asılılığı, intihar və özünəzərərvermə kimi hallara təsadüf edilir.
şəxsiyyətlər arasındakı keçidin səbəbləri isə müxtəlifdir. bunlar stress, alkoqol və yuxarıdakı digər səbəblər ola bilər. xüsusilə, alkoqol və narkotik asılılığı şəxsiyyət keçidlərinin tez-tez baş verməsinə səbəb olur.

DiD özünü daha çox uşaq vaxtı(5-10 yaş aralığında) göstərsə də, bunu qeydə almaq çox çətin olur. düşünəndə ki, DiD travma və ya hansısa istismar nəticəsində yaranır və uşaqların da əksərən yaxın ətraflarındakı insanlar tərəfindən buna məruz qalma ehtimalı yüksəkdir onda bu hal normal olur.
DiD, həmçinin uşaqlarda ADHD kimi davranış və öyrənmə problemləri ilə qarışdırıldığı üçün onu uşaq vaxtı müəyyən etmək çətindir.

DiD xəstələri bütün ömürləri boyu bu xəstəliklə yaşamaq məcburiyyətində olurlar. psixoterapiya ilə xəstəlik tamamilə aradan qaldırıla bilməsə də, zamanla xəstə artıq öz hərəkərlətini idarə edə bilir.

16 əjdaha! 11.01.2022 00:40, catasterismi

#343173 şikayət

sözaltı fotoqrafiya

+18 əjdaha

15 əjdaha! 25.07.2023 20:30, catasterismi

#376221 şikayət

metaverse

+15 əjdaha

gələcəkdə internetin yerini alacağı düşünülən texnologia. hazırda internetdə qarşımıza çıxan cisimlər və səhifələrlə sadəcə vizual əlaqə qura biliriksə, metaverse ilə siz həmin səhifələrin içində ola biləcək, həm də gördüklərinizə toxuna biləcəksiniz. bu səbəbdən də gələcəkdə internetin yerini ala biləciyi düşünülür.
crypto valyuta istifadəçiləri tərəfindən inşa edilməyə başlanılıb. son bir ildə haqqında daha çox danışılır və keçən aylarda facebook'un ceo'su artıq şirkətin bir "metaverse company"ə çevrilməsini istədiyini bildirib.
metaverse anlayışı isə 1992-ci ildə "snowcrash" elmi fantastik romanından gəlir.
fiziki və rəqəmsal həyatın birləşdiyi bir məkən ola biləcəyi düşünülən metaverse hazırda mövcüd olmasa da, metaverse bənzəri elementlər bir neçə video oyun nümunəsində istifadə edilmişdir.
bu texnologiyanın məqsədi isə virtual bir dünya yaratmaqdır: şəhərlərin, şirkətlərin və insanların özlərinə aid avatarlarının olacağı bir dünya. metaverse dünyasında mövcud olmaq üçün isə 3d eynəklərdən istifadə ediləcək. hətta bunun üçün 2014 ildən bəri facebook bu eynəklər üzərində işləyir.
insanların özlərinin yaratdığı avatarlarına metaverse dünyasındakı shoplardan əşyalar ala biləcəklər. eyni zamanda paralel dünyaların da olacağı, nəticədə, chromda səhifələr arasında keçiş edə bildiyimiz kimi metaversedə də dünyalar arasında keçiş edə biləcəyimiz qeyd edilir. metaverse nə sadəcə bir oyundur, nə də sadəcə virtuallığın olduğu bir məkan.
mark zuckerberg'in interview'u oxuyaraq ətraflı məlumat əldə edə bilərsiniz:
link link

11 əjdaha! 24.09.2021 15:14, catasterismi

#337134 şikayət

yazarların linçə səbəb olacaq fikirləri

+15 əjdaha

kassirlərdən zəhləm gedir.
mənim üçün ən sadə işi görüb özünü bir pox zənn edən işçi qrupudur. elə davranırlar ki, sanki amk kassir deyil, marketin sahibidir. nə deyirsən, ağız büzür, göz süzür. az nə naz eliyirsən? işini görürsən də.
ən çox da qadın kassirlər. bu nə götüqalxmışlıqdır. alt üstü mal vurub paketə qoyursan da. aparat işləmir deyək, mənə nə ağız büzüsən.

təəssüflər olsun ki, bu işçi qrupunun çoxu belədir. ona görə də çoxundan zəhləm gedir.
əlbəttə ki, çox mehriban və insan kimi işini görən adamlar da var. məsələn bir il əvvəl xətai tərəflərdə bir bravo marketə girmişdim. kassir qız o qədər mehriban idi ki, hələ də yadımdadır. pəltək bir müştəri var idi, məndən əvvəl sırada, çox səbirli və mədəni şəkildə onu yola saldı. hər yadıma düşəndə deyirəm yox belə insanlar da var. amma təəssüf ki, əksəriyyəti dediyim qrup təşkil edir.

12 əjdaha! 10.01.2024 22:07, catasterismi

#381821 şikayət

the pianist

+14 əjdaha

2002-ci ildə rejisor roman polanski tərəfindən çəkilmiş bioqrafik dram filmidir. adrien broydun canlandırdığı yəhudi pianinoçu şpilmanın ikinci dünya müharibəsi zamanı sağ qalmağa çalışmasından bəhs edir film.

--spoiler--

Hər şey şpilmanın polşa radiosunda şopenin əsərlərindən birini çalarkən binanın almanlar tərəfindən bombalanması ilə başlayır. Ardından yəhudilərin gettoya köçməsilə onlar üçün çətin günlər başlayır.

hər kəsin ölümə məhkum olduğu bu dövrdə şpilman həyatını iki şəxsə borcludur: ailəsi ilə digər yəhudilər ölüm düşərgəsinə göndərilərkən onu qatara minməkdən son anda xilas edən yəhudi polisinə və sovet ordusu varsava yaxınlaşdığı vaxtda ona kömək edən alman generalına.

film boyu bir çox səhnədə insanın gözləri dolur, bəzi səhnələrdə heç sözə belə ehtiyac olmur. insanın boğazı düyümlənir, udquna bilmir. filmdə mənim ən çox bəyəndiyim iki səhnə var.

bütün ailəsi qatarla ölüm düşərgəsinə göndərildikdən sonra xilas olan şpilmanın şəhərə geri qayıdıb dağıntılar arasında hər addımda cəsədlərlə qarşılaşdığı səhnə. burda şpilmanın dağılmış şəhərdə yalnız və kimsəsiz qaldığını görürük. artıq heç kimi olmayan şpilmanın göz yaşları insana çox ağır bir təsir bağışlayır.

məncə, filmin digər ən yaxşı səhnəsi alman generalı ilə qarşılaşdıqdan sonra şpilmanın pianinoda ifa etməsidir. həmin səhnə ilə birlikdə sanki filmi ən başdan bir daha izləyirmiş kimi hiss etdim.

(youtube:

)

--spoiler--

11 əjdaha! 18.01.2022 01:25, catasterismi

#343608 şikayət

yazarların ruh halı

+14 əjdaha

Ruh halım göt-baş olub, nə hiss etdiyimi, niyə üzgün olduğumu həftələrdir anlaya bilmirəm. durduq yerə ağlamaq, yerə çökmək, qışqırmaq istəyirəm. Sanki hər şey ürəyimdə qalıbmış kimi hiss edirəm, amma ağlayıb rahatlaya da bilmirəm.

Bəzən heç danışmaq da istəmirəm. Nə deyim ki? niyə deyim? heç bir mənası yoxdur onsuz da heç birinin. Danışarkən yoruluram. necə ifadə etmək bir yana, olan problemləri tam olaraq özüm də anlamıram ki, qarşımdakına izah edim. indi hiss etdiyim hər bir duyğu bir neçə dəqiqə sonra bütün əhəmiyyətini itirir.

Çox yalnız hiss edirəm aq. Bir insan hər mühitdə necə bu qədər yalnız olmağı bacara bilər axı. Evdə yalnızam, universitetdə yalnızam. Hər yerdə yalnızam. Əvvəl məni xoşbəxt edəcək az da olsa bir şey tapırdımsa, indi onlar da kifayət etmir.

insanlardan nifrət edirəm. insan görmək istəmirəm. Hər kəsin çox yaxşı yola getdiyini görmək mənim ortamdakı tək yalnız bədbəxt olduğumu gözümə soxur. və bu məni dəli edir. Çölə çıxmaq, insan görmək istəmirəm. sanki hər kəs xoşbəxt də tək bədbəxt mənə imişəm kimi hiss edirəm. amma Evdə oturmaq da istəmirəm, çox bezirəm. Ümumiyyətlə, heç yerdə olmaq istəmirəm e mən. Hər yerdə sıxılıram. Heç yerdə məni özünə çəkən heç nə tapa bilmirəm.

Bəzən saatlarca oturub ağlamaq istəyirəm, oturub arzumu gerçəkləşdirməyə çalışıram, o da olmur. Əsəblərim onsuz başını götürüb gedib. Yersiz aqressiyalar, durduq yerə gözlərimin dolmağı dəli olmaq üzərəyəm. Artıq özümə çətinliklə hakim ola bilirəm. Əsəblərimi də idarə edə bilmirəm, çox gərilirəm, anidən əlimdə olan hər şeyi qırıb-tökmək, parçalamaq istəyirəm.

Üf özümdən bezdim e. mən yaxşı hiss etmək istəyirəm, xoşbəxt olmaq istəyirəm. Gülmək istəyirəm, həqiqətən gülmək istəyirəm. Ürəkdən gülmək üçün çox darıxmışam.

10 əjdaha! 20.05.2022 22:33, catasterismi

#350102 şikayət

uşaqlığı xatırladan şeylər

+12 əjdaha

Bu gün tez-tez dayanacaqdan evə doğru gedəndə bir uşaq gördüm, yəqin ki, 5-6-cı sinifdə olardı. Məktəbdən evə dönürdü. Rahat-rahat yavaş-yavaş gedirdi. Birdən öz uşaqlığım yadıma düşdü, istər-istəməz yavaşladım. indi o günləri xatırlayanda qəribə hislər keçirirəm. Doğrusu, çox şey yadıma gəlmir, amma o hissi, uşaq olmaq hissini xatırlayıram. Məyusluq, həsrət, sevinc qarışıq -*

9 əjdaha! 18.03.2022 23:28, catasterismi

#347615 şikayət

foot binding

+13 əjdaha

(baxma: ayaq bağlama)
qədim çində gənc qızların gözəllik uğruna ayaqlarının forma və ölçülərini dəyişmək üçün istifadə etdikləri bir üsuldur. ayaqlarını sındırıb sıx bir şəkildə bağlayaraq ölçüsünü kiçiltməyə çalışırdılar. 13-cü əsrdən başlayaraq yerinə yetirilən bu adət çində aparılan arxeoloji qazıntılar zamanı balaca, ədətən oyuncaq ayaqqabısına bənzəyən ayaqqabıların tapılması ilə nəticələnmişdir. bu kiçik ayaqqabılar "lotus shoes" adlandırılırdı.
foot binding prosesi qız uşaqları 5-6 yaş aralığında ikən başlayırdı. Əvvəlcə, ayaqları isti suya salınır, sonra dırnaqları qısa bir şəkildə kəsilir və yağ il ayağa masaj edilirdi. ardından baş barmaq xaric bütün barmaqlar qırlır və ayağın üçbucaq forması alması üçün qırılmış barmaqlar dabana doğru ipək parça ilə sıx bir şəkildə bağlanırdı. yaralarda irin yaranmaması üçün 2 gündən bir sarğılar dəyişdirilirdi. Bəzən "artıq" qalan ətlər kəsilirdi və ya çürüyürdü. sümüklərin qırılmasını tezləşdirmək üçün isə qızlar uzun məsafələr yeriyirdilər. zamanla isə daha kiçik ayaqqabılar geyinirdilər.
hazırda bu adət tamamilə ortadan qaldırılsa da, son "lotus shoes" fabriki 1999-cu ildə bağlandı. bu səbəbdən də, hələ də çinin bəzi bölgələrində bu adətin qurbanı olan qadınlarla qarşılaşmaq mümkündür. sifarişi verən: Derek

11 əjdaha! 02.01.2022 19:56, catasterismi

#342691 şikayət

yalnızlıq

+10 əjdaha

iki il əvvəl bu hissi bir gün yaşayacağımı eşitsəm, hər halda yaxşıca gülərdim. amma budur: biz artıq birlikdəyik -*.
əvvəllər yalnızlıq haqqında nə isə eşidəndə, oxuyanda çox qəribə gəlirdi mənə. "yəni həqiqətənmi? tək dərdin budurmu?" filan deyəsim gəlirdi. anlamırdım qarşımdakı insanı, hisslərini filan. bu hiss mənə nə qədər mənasız gəlsə də, içdən-içə yalnızlığı yaşamağı, anlamağı istəyirdim. istisnasız bu günə qədər özümün belə fərqində olmağımı istəməyərək gizlidən arzuladığım hər şey gerçəkləşib. və, əlbəttə, bu da onlardan biridir.
bilmirəm, bəlkə də, hələ də tam anlamamışam bu hissi, bəlkə də, bu heç yalnızlıq deyil, bəlkə də, həqiqətən, yalnız hiss edənlərə haqsızlıq edəcəyəm burda, amma içimdə hiss etdiyim bu duyğuya yalnızlıq demək istəyirəm.
karantinin həyatıma girməyi ilə, gərəksiz olduğunu düşündüyüm insanları həyatımdan çıxarmağım üst-üstə düşdü. ardından isə yalnızlıq başladı. ilk başlarda çox da tınn deyildi, rahatdı filan, amma zamanla vəziyyət dəyişdi.
qısa bir vaxtda təcrübə etsəm də, mənə görə çox ağır bir hissdir. günlərlə söhbət sırasının, son mesajların dəyişməməsi, tətildə evdə olmaq, tək tətil deyil, normal günlərdə də təkrarlanmış rutinin dəyişməməsi, yenilik yox, insanlar yox, söhbət yox. püf, sıxıcıdır e.
bəzən kimləsə söhbət uzananda o qədər xoşbəxt oluram ki, söhbət heç bitməsin istəyirəm. amma, əksərən, söhbətlər də qısa olur. bəzən də çox qəribə şəkildə söhbətin uzanmağını istəyirəm, amma nə danışım, nə danışaq bilmirəm. bu da çox sıxıcı gəlir.

bir rutin qursam və ona uyğunlaşsam, yalnız hiss etməyə vaxt olmaz hər halda deyirəm. amma ona da uyğunlaşa bilmirəm. vaxtımı yaxşı keçimək üçün bir işə başlamaq istəyirəm, hərr şeyi hazırlamışam, çalışmaq üçün səliqəli masa filan. amma yox, masaya gəlirəm və budur: başladıq. boşluqdayammış kimi hiss edirəm və heç cür heç nəyə başlaya bilmirəm.
gecələr isə daha yalnız hiss edir insan. ürəyi sıxılır, ağlamaq gəlir, amma ağlaya bilmir. yatmaq istəyir, yata bilmir. yazmaq istəyir, yaza bilmir filan. pəəh

bəlkə də, çox şişirdirəm, böyütməli bir şey yoxdur, amma ən yaxşısı lazımsız olduğunu düşündüyümüz insanlar həyatımızın bir küncündə qalsınlar. çünki əylənmək lazımdır-*.

7 əjdaha! 02.02.2022 01:10, catasterismi

#344797 şikayət

hippi

+9 əjdaha

60-cı illərdə Amerikada ortaya çıxan bir qrupdur. ilk olaraq bu hərəkat Amerikada bir kollecdə başlamış, daha sonra Kanada və Britaniya da daxil olmaqla geniş şəkildə yayılmışdır. Hippilər Amerikanın Vietnam müharibəsində iştirakına qarşı çıxdıqları üçün siyasətlə də çox sıx məşğul olmurdular.

Özlərinə xas həyat tərzləri ilə marjinallıq yaradan hippilər əksərən 20li yaşlı gənclərdən təşkil olunan bir qrup idilər. Vegeterian dietləri ilə qidalanır və holistic medicine istifadə edirdilər. Hippilər fərqli geyim tərzləri: uzun saçları, "psychedelic" rənglərdə paltarları, sandal geyinməkləri, kişilərin saqqal saxlaması ilə seçilirdilər.

Hippilər çox vaxtdan davamlı iş həyatından və kariyeradan qaçaraq cəmiyyətdən uzaqlaşmağa meyl edirdilər.
Şiddətə, müharibəyə qarşı idilər. Əsas şüarları isə "Make love, not war"-dır. Hippilər open relationships yaşamağa üstünlük verirdilər. Daha çox Buddizm, Hinduizm və digər Şərq dinlərinə və ya bəzən bu dinlərin müxtəlif birləşmələrinə inanırdılar.

Hippilər uzun səfərləri zamanı halüsinogen maddələr, xüsusən də marixuana istifadə edərək bunun şüurun genişlənməsi üçün bir yol olduğunu iddia edilərdilər. Və narkotiklər "hippi yolunu" keçəmək üçün bir səbəb idi.
Folk və Rock musiqisi hippi mədəniyyətinin ayrılmaz hissəsi idi.

8 əjdaha! 16.09.2022 11:25, catasterismi

#359244 şikayət

class

+8 əjdaha

class(sinif) proqramlaşdırmada istifadə edilən bir termindir. Xüsusilə, OOP-da (Obyekt istiqamətli proramlaşdırmada) aktiv istifadə edilir.

Bəs nədir class?
Class ortaq xassələri olan obyektlərin yığımıdır. Bir digər şəkildə desək, class bir template-dir.
Daha aydın izah üçün class obyekt yaratmaq üçün istifadə edilən bir plan kimi də düşünülə bilər. Biz bu plandan istifadə edərək bir neçə obyekt yarada bilərik (yəni instantiate edə bilərik. bu halda yaratdığımız obyetlər də instance adlanır). Proqramlaşdırmada bu blueprint adlandırılır.

Bir class yeni obyekti "new" operatorundan istifadə edərək yaradır. Tutaq ki, bizim Animal adlı class-mız var. yeni obyekt yaradarkən biz aşağıdakı strukturdan istifadə edəcəyik: (yaradacağımız obyekt istənilən bir animal növü ola bilər)

Animal dog=new Animal();

Bu şəkildə biz Animal class-ın dog adlı bir obyektini yaratmış olduq.
Biz class-ın içərisində yaradacağımız obyekt üçün müəyyən dəyərlər (bunlar field və ya dəyişkənlərdir) və obyektimizi davranış şəkillərini (bunlar da metod və ya funksiya adlanır) də qeyd edə bilərik.

6 əjdaha! 20.06.2022 23:51, catasterismi

#351998 şikayət

sözaltı günlük

+9 əjdaha

çox yorğun hiss edirəm, sözlük. bəzən bu yorğunluğumun səbəbinin elə burda olmaq, burda çox vaxt keçirmək olduğunu düşünürəm. ətrafın təsiri üzdən mood'un aşağı olduğunu filan. bura gəlməmişdən əvvəl də düşünürdüm ki, o qədər insan yığışıb hər şeyi problem edib ağlayır, buna görə də bir-birinə təsir edir, depressiyadan filan çıxa bilmirlər.
indi özümə baxıram, bağımlı olmuşam buralara. bikar kimi iki dəqiqədən bir gəlib-gedirəm. kimsə uzun entry yazanda da böyük acgözlüklə oxuyuram. görəsən, insanlar necədir, nə edir filan maraqlı gəlir. görəsən, xoşbəxt olan varmı filan. əslində, xoşbəxt insan axtarmaq üçün yanlış yerdir bura. amma burda insanların çəkdiyi acıları görüb, rahatlayıram bir az. çox qəribə səslənir, amma hə.
neçə gündür çox dəyişkən olub ruh halım da. üzgün kimiyəm, niyə üzgünəm, nəyə üzgünəm onu da bilmirəm amma. yorğunam. ən kiçik şeyləri dərd edəcək qədər dəli olmuşam. bir şey etmək istəyirəm. dərs oxumağa çalışıram olmur, açıram kitabı, 10 dəqiqə sonra, yarım saat sonra, bir saat sonra, 3 saat... axşam oldu, indi də sabah tez oyanıb baxaram. sabah da gec oyanıram və yenə eyni rutini təkrarlayıram.
Evdə olmayanda yenə nə isə fərqlilik olur, insanlar, kiçik gülüşlər. amma evə gələndə yenə eyni. evə heç gəlmək istəmirəm. həftə sonları isə daha dözülməzdi. bütün həftə boyu bunu edəcəm, onu edəcəm deyib, sonda yenə heç nə, əldə var heç.
sakit heç kimin olmadığı yerdə heç nəyi düşünməyəndə filan xoşbəxtəm sanki. amma sonra yenə yorğunam. bəzən istəyirəm ki, kimsə olmasın. əslində, bir-iki insan xaric yalnızam demək olar. amma bu aralar heç nə istəmirəm. birdən mal-mal yanımda olan insanlardan da uzaqlaşmaq keçir ağlımdan, sonra bir az düşünəndə necə peşman ola biləcəyimi görürəm. çünki heç kim heç nə etməyib ki mənə. nə edirəmsə, özüm edirəm özümə.
hər şeyi qaydasına qoymaq istəyirəm. yavaş-yavaş qarşıma qoyduğum məqsədlər üçün çalışmaq, özümə inanmaq. normal olmaq istəyirəm e. əvvəlki, mən üçün də darıxdım bir az.

8 əjdaha! 15.11.2021 00:16, catasterismi

#339892 şikayət

emoji

+9 əjdaha

emojilər hissləri ifadə etmək üçün istifadə edilən işarələrdir. emojilərin necə ortaya çıxdıqlarını müzkirə etməzdən əvvəl onların əcdadları emoticonlardan danışmaq lazımdır.
emoticon sözü "emotional icon" (emosional simvol) ifadəsindən gəlir. Durğu işarələri, mötərizələr, hərflər və rəqəmlərdən istifadə edərək emosiları ifadə edən emoticonlar yaradılır. işarələr limitli olduğu üçün çox vaxt bu ifadələri oxumaq üçün ekranı yan tutmaq lazım gəlir.

Emoticonlarin yaranması da maraqlı hadisəyə dayanır.

Hər şey 16 sentyabr 1982ci ildə Carnegie Mellon Universitetindəki bir zarafatın səhv başa düşülməsi ilə cərəyan edir. Neil Swartz adlı bir kompyuter elmləri işçisi departmentin online veb saytında fizika ilə bağlı bir zarafat paylaşır.
bu veb saytda daha çox departmentin işçiləri digər iş yoldaşlarının həll etməsi üçün puzzlelar yerləşdirirdilər. Həmin gün də veb saytın istifadəçiləri sərbəstdüşmə zamanı quşun liftdə uça biləcəyini müzkirə edirilər.
Swartz da təzə bir ssenari ortaya atır:
"Liftin divarına yanan şam bağlanıb və yerdə də civə var. Kabellər qırılır və lift düşür, bu zaman şam və civəyə nə oldu?"
bu postdan sonra digər bir istifadəçi zarafat mənasında belə bir mesaj paylaşır.
"XƏBƏRDARLIQ! Axırıncı fizik ekperimenti zamanı ən soldakı lift xarab olub və cümə gününə qədər dəyən ziyan ortadan qaldırılacaq."
Bu yazıdan sonra da ortalıq qarışır və hansı yazının zarafat, hansının ciddi məna daşıdığı müzakirə edilməyə başlayır. Üstündən bir az keçəndən sonra isə Scott Fahlman adlı istifadəçi belə bir post paylaşır.

emojilər ilk görnüşdən şəkilə bənzəsə də, əslində onlar şəkil deyillər. Hər biri unicode link

-da onlar üçün xüsusi yer ayrılan xarakterlərdir. əcdadlarından fərqli olaraq onlar piktoqrafik formada olan işarələrdir. ilk dəfə Yaponiyada ortaya çıxdılar və sonra bütün dünyaya yayıldılar. emoji yapon sözü olub e - şəkil, modzy - xarakter mənasına gəlir.
1997-ci ildə J-Phone 90 emojidən ibarət SkyWalker telefonunu təqdim etdi. o ilk emojilərdən təşkil olunmuşdu, lakin telefonun satışlarının düşməsi emojilərinin nadir hallarda istifadə edilməsinə səbəb oldu.
Shigetaka Kurita adlı yaponiyalı 1999-cu ildə mobil telefonlarda istifadə edilən 176 xarakterli emoji setini yaratdı. özünün dediyinə görə emojiləri yaratmaq üçün manga və kanji, yəni çin simvolları və küçə işarələrindən ilhamlanıb.
Yaponlardan sonra Apple yapon müstəriləri cəlb etmək üçün 2007-ci ildə emoji klaviyaturasından istifadə etdi. Və zamanla androidlərdə də bu funksiya əlavə edildi və hazırda bütün dünyada geniş istifadə edilir.
iphone-larda emojilər androiddəkindən bir az fərqli görünür amma eyni emojini bütün cihazlarda görmək və paylaşmaq mümkündür. Bunun səbəbi emojilərin unicode-un köməkliyi ilə platformalar arasında "tərcümə" edilməsidir.
Bəzən whatsapp-da və ya digər plaformalarda istifadəçilər yeni emoji göndərərndə sizdə kvadratlar görürnürsə bunun səbəbi sizin cihazınızın versiyasının yenilənməmiş olmağıdır. çünki hər bir yeni emoji unicode əlavə edilir və onu görmək üçün siz də öz cihazınızı son versiyasına update etməlisiniz.

8 əjdaha! 01.02.2023 01:00, catasterismi

#366722 şikayət

cringe

+8 əjdaha

(baxma: whatsapp'da yazılı tiktok videolarını paylaşmaq)
axı 18 yaşında bir qız niyə "ay ana üzün sənin çiçək kimidir, sənin gül çöhrənə qurban" yazılan, arxada da 50 yaşlı dayıların qulaq asdığı sintezatorlu muğam olan video paylaşar? həqiqətən, yerinə çox utandım...

7 əjdaha! 04.09.2021 13:31, catasterismi

#335473 şikayət

yazarların xüsusi istedadları

+8 əjdaha

(baxma: dilini burnuna vurmaq)
Keçən gün təcrübə proqramı üçün qeydiyyatdan keçəndə xüsusi istedadlar hissəsi var idi. Necə ürəyimdən keçdi bunu yazmaq xd

7 əjdaha! 26.10.2021 15:56, catasterismi

#338463 şikayət

yazarların hazırda düşündükləri

+9 əjdaha

yenə burda pessimist olmaq istəmirəm amma, bu gün barədə düşündüklərimi yazacağam.
deməli, bu gün səhər evdən çıxdım, axşamüstünə kimi şəhərdə idim. və bir şeyi hiss etdim ki, insanlar çox üzgündürlər. yəni bu gün metroda avtobusda kimə baxırdım, çox narahat görünürdü.

Səhər-səhər 2 ATM olan yerdə uzun bir sıra var idi. Hamı gözləyirdi, hiss olunurdu ki, hamı bayram alış-verişi üçün maaş filan çəkir kartdan. amma baxırsan ki, hamı belə üzgün filan.* ya da çox sıra gözləməkdən ürəkləri sıxılmışdı bilmirəm bəlkə də mən çox şişirdirəm, amma çox pis bir enerji aldım bu gün. xüsusilə kişilər. çox fikirli görünürdülər. çox qəribə şəkildə pis hiss etdim.

bildiyiniz ekonomi insanların üzlərindən oxunur. insanlar, doğrudan, çətinlik çəkirlər, kasıbdırlar. və bu insanlar çoxluq təşkil edir.

ümid edirəm bir gün bu insanlar da yolda gedərkən bir-birinə gülümsəyər, və bu qədər fikirli olmaz, xüsusilə bayram günlərində.
Düzdür, bayram abu-havasını mən də hiss etmirəm, o ayrı məsələ. amma bu gün avtobusda öz-özümə dedim ki, bundan sonra daha optimist olacağam. hadisələrə yaxşı tərəfindən baxmağa çalışacağam. mənə elə gəlir ki, bu gündəlik həyatımda və produktivliyimdə də müsbət bir iz buraxacaq. 2024-də nə edəcəyimi tapdım -*

6 əjdaha! 30.12.2023 20:54, catasterismi

#381507 şikayət

düşünə bilməmək

+7 əjdaha

çox maraqlı haldır. Mən də tez - tez yaşayıram. əslində buna düşünə bilməmək deməzdim mən. Beyin daha çox düşünmək istədiyin şeydən qaçmağa çalışır və sən onu düşünməyə çalışdıqca qarşına barierlər qoyur. Məsələn, çox ciddi bir şeyi düşünmək istəyirsən. bir nöqtəyə baxıb fikrini cəmləmək istəyirsən, amma ora kilidlənib qalırsan. qaçmağa çalışmaq da alınmır. Düşünmədiyini anlayanda da niyə düşünə bilmədiyin gəlir ağlına. indi də o ağlına ilişib qalır, beləcə, ümumiyyətlə, məsələdən uzaqlaşırsan.
mövzu haqqında fikirlərin öz-özünə gələcəyi gözləməyin özü elə boşluğa səbəb olur. buna görə səsli düşünmək kömək edə bilər, ya da yazmaq. Onda artıq faktlar arasında səbəb nəticəni görürsən deyə proses davam edir.

6 əjdaha! 17.08.2022 21:36, catasterismi

#357485 şikayət

yazarların ən sevdiyi anime personajları

+6 əjdaha

(baxma: shikamaru nara)
animenin başlarında bu obraz passiv olsa da, sonra döyüş strategiyaları ilə, bir az da tənbəlliyi ilə sevgimi qazanmışdı-*. Digər obrazlar fiziki gücləri ilə göz önündə olarkən şikamaru daha çox hərtərəfli döyüş planları ilə diqqət çəkirdi.
Əsas gücü kölgə tekniğidir. bu justuya düşən insana da özünün etdiyi hərəkətləri etdirir -*. Temari ilə olan qarşılaşması isə ən maraqlı qarşılaşmalardan biri idi -*

(youtube:

)

Şikamarunu sevdirən bir digər səbəb isə bütün hər kəsdən fərqli olaraq narutonu uşaq ikən yalnız buraxmamağı olmuşdur.

Və sevimli obrazım olmağa haqq qazandığı an isə asumanın intiqamını aldığı an idi. Asumanın alışqanını həmişə yanında daşımağı və dəyər verməyi -*

5 əjdaha! 17.08.2022 21:52, catasterismi

#357487 şikayət

fintech

+6 əjdaha

(baxma: financial technology)
fin - financial, tech- technology sözlərinin qısaltması olub azərbaycan dilində "maliyyə texnologiyaları" deməkdir.
fintech həm biznes, həm də istehlakçılar üçün ənənəvi maliyyə formalarını təkmilləşdirmək və avtomatlaşdırmaq üçün yaradılmış, software, mobil proqramlar və digər texnologiyalara istinad edən hər şeyi əhatə edən termindir. FinTech sadə mobil ödəniş proqramlarından tutmuş, şifrələnmiş əməliyyatların yerləşdiyi mürəkkəb blockchain şəbəkələrinə qədər hər şeyi əhatə edə bilər.

fintech bir texnoloji yenilik kimi görünsə də, əslində, core concept uzun vaxtdır ki mövcuddur. Belə ki, 1950-ci illərin ilk kredit kartları ictimaiyyətə təqdim edilən ilk fintech məhsuludur.
fintech-in getdikcə təkminləşməsi və bu günlərə gəlməsi prosesi isə 19-cu əsrin ikinci yarısından etibarən başlayıb.
ilk dəfə 1860-cı illərdə Giovanni Caselli pantelegraph adlanan cihazı təkminləşdirir ki, bu da maliyyə innovasiyalarının başlanğıcı hesab olunur. O vaxtlar panteleqraf daha çox bank əməliyyatlarında teleqraf kabelləri ilə signalların ötürülməsi və qəbul edilməsi vaxsitəsilə imzaların təsdiqlənməsində istifadə edilirdi.
1880-ci illərdə isə Amerikada indiki kredir kartlarının əvəzində sikkələr ( charge coins) istifadə edilirdi. Üzərində müştərinin iD-si və şəkili olan metal sikkələr indiki qəpik pullarla eyni ölçüdə və formada idi.
Daha sonra zamanla bu məhsullar təkminləşərək indiki vəziyyətinə çatıb.

1998-ci ildə internet üzərində fəaliyyət göstərən ilk fintech şirkətlərindən birini təmsil edən PayPalın əsası qoyuldu. mobil texnologiya, sosial mediya və data encryptionın inkişafı ilə daha da irəliləyiş etdi. fintech-in bu şəkildə inkişafı bugünkü mobil ödəniş app-lərinə, blokchain şəbəkələrinə gətirib çıxardı.

Müasir fintech ilk növbədə süni intellekt, Big Data və blokçeyn texnologiyası ilə idarə olunur.
Xüsusilə, süni intellekt istehlakçı davranışı və müəssisələr üçün xərcləmə vərdişləri haqqında vacib anlayışlar təqdim edərək onlara müştərilərini daha yaxşı başa düşməyə kömək edir.
Big Data analitikası şirkətlərə bazardakı dəyişiklikləri proqnozlaşdırmağa və yeni, data-lara əsaslanan biznes strategiyaları yaratmağa kömək edir.
Maliyyə sahəsində daha yeni texnologiya olan blokçeyn üçüncü tərəfdən daxilolmalar olmadan(yəni bankın müdaxiləsi olmadan, sadəcə pulu göndərən və alan şəxş arasında) mərkəzləşdirilməmiş əməliyyatları həyata keçirməyə imkan verir.

Geniş şəkildə desək, fintech bütün əlaqəli tərəflər üçün potensial olaraq lazımsız addımları aradan qaldıraraq, prosesi qısaltmağa və asanlaşdırmağa çalışır. Məsələn, bir var siz banka gedib sənədləri hazırlayıb, sıra gözləyib harasa pul göndərəsiniz, bir də var bir neçə dəqiqə ərzində elektron şəkildə bunu həll edəsiniz.
sifarişi verən: sonra dedilər ki alınmadı

5 əjdaha! 29.08.2022 17:20, catasterismi

#358319 şikayət

yazarların həyatdan çıxardığı dərslər

+7 əjdaha

əslində, universitet həyatından çıxardığım dərslərdir, amma yenə də həyatdır da.

deməli, mövzuları imtahandan bir gün əvvələ saxlamamaq lazımdır. hər gün az, amma effektli şəkildə dərs çalışmaq lazımdır. çünki bir gündə öyrənilən 3 ayın mövzuları 3 günə yaddan çıxır.

4 əjdaha! 12.11.2021 00:51, catasterismi

#339699 şikayət

cəmiyyətə demək istənilənlər

+5 əjdaha

çox güclüsünüz, amma, təəssüf ki, gücünüzü düzgün istifadə etmisiniz. nəyisə dəyişmək istəyən insanlar var aramızda, ancaq onlara da digərləri kimi təsir edirsiniz. halbuki bu adamlar sadəcə problemləri ortaya atmaqla qalmayıb həll yolunu da göstərirlər. ancaq imkan vermirsiniz ki, həll edələr. cəmiyyət vecimə deyil desələr də, hamısı o qədər təsiriniz altındadır ki, doğru olduğunu bilsə də, içində bir yerdə onu yeyib-bitirən "insanlar nə deyər?" düşüncəsi ona imkan vermir. həqiqətən, halaldır sizə. təbrik edirəm!

5 əjdaha! 24.09.2021 15:30, catasterismi

#337137 şikayət

ann hodges

+6 əjdaha

ann hodges hardasa 50 il bundan əvvəl Amerikanın alabama ştatında yaşayan sıradan bir insan idi ta ki 1954 noyabrın 30-a qədər. Həmin gün göy üzündən 5.5kq-lıq bir meteroid parçası Hodgesin evinin damina düşərək orda 91 santimetrlik bir deşik açır və divanda uzanan Hodgesin ayağının yuxarı hissəsini və əlini yaralayır.

hadisədən sonra Hodgesin kirayə qaldığı evin sahibi onun evinin damına düşdüyü üçün meteroidin ona aid olduğunu iddia edir və məhkəmə açır. ancaq məhkəməni Hodges qazanır və ona 500$ ödənilir. Məhkəmə davam edərkən hodgesə meteroid üçün çoxlu təkliflər gəlir, ancaq meteroid məhkəmə davam edərkən onlarda olmadığı üçün heç bir təklifi qəbul edə bilmirlər. Məhkəmə yekunlandıqdan sonra isə artıq meteroidin populyarlığı və yaratdığı maraq azaldığı üçün alıcı tapa bilmirlər. Ölümündən əvvəl isə Hodges meteroidi 25$-a Alabama Tarixi Muzeyinə satır.
Hodges böyrək çatışmazlığından 1972-cü ildə dünyasını dəyişir. Meteroidin adı isə Sylacauga meteroidi olsa da, Hodgesin şərəfinə ona Hodges meteroidi adı da veriblər.

4 əjdaha! 18.07.2023 18:17, catasterismi

#375760 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

catasterismi

son bəyənilənlər:

oxuyucuların bəyəndikləri: