Cetrion

68 1 0 0

11. nəsil yazar

Entry: 68

blok başlıqlarını gizlət

azərbaycan respublikası xari

azərbaycan

ilham əliyev

butterfly hug

yazarların çəkdikləri piş

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

norveç

+19 əjdaha

Eynilə azərbaycan kimi nefti ilə zəngin bir skandinaviya ölkəsidir. Məhz buna görə də, xüsusilə azərbaycan üçün ibrətlikdir norveç. Neft iki ucu da kəskin bıçaqdır və ona sahib olan dövlətlər, adətən demokrasiyadan uzaqlaşmış, hakimiyyət adamlarının və onlara yaxın olan digər şəxslərin əmələ gətirdiyi təbəqənin demək olar, əmək göstərmədən varlanmış olduğu və vergiləri az əhəmiyyət daşıyan vətəndaşlarının ümumi rifahı hakim təbəqə tərəfindən daha arxa planda saxlandığı haldadırlar. azərbaycan buna göstərilə bilən mükəmməl bir örnəkdir.

1960-cı illərə kimi xalqının dolanışığını, əsasən balıqçılıqla təmin etdiyi və əkinçiliklə məşğul olmaq üçün münbit torpağı olmayan, iqtisadiyyatının ortalamadan daha pis olduğu norveçdə 1969-cu ildə neft kəşf edildikdən sonra sözügedən digər dövlətlərin qara siyahısına daxil edilmədi. Neftin "iyini almış" amerikan nəhəng şirkətlərin sahibləri "sizə heç zəhmət olmasın" deyə öz işçilərinə nefti çıxartmaq və nefti satanlara da paylarını vermək istəsələr də, norveçlilərin başları yaxşı işlədiyi üçün buna izin vermirlər. Norveç dövləti himayəsində böyük qayğı və ləyaqətlə yetişdirilmiş yüzlərlə texnik və mühəndislərə hökumət nefti çıxarma istixdamı verir. "Bu bizim babamızın malı deyil, milli dəyərimiz və sərvətimizdir" prinsipi ilə qurulmuş suveren investisiya fondundan yığılmış məbləğ 1,4 trilyon dollardan artıqdır və ölkədəki təxmini 5 milyonluq xalqın hər bir üzvü bu gəlirlərdən ehtiyacı olduğu qədər yararlana bilir. Başqa bir populist başçı olsa idi, boş vədlər verib pulların siyasətçilərin cibinə getməsini təmin edərək ümumi rifahı məhv edərdi. Halbuki, norveçdə məmuru və siyasətçisi də yaxşı bilir ki, zəngin olsa belə, vergi ödəmədikcə bütün vətəndaşlar ilə birlikdə, özü və yaxınları da bunun zərərini görəcək.

Həmçinin, ölkə toplumunda maaş uçurumu da yoxdur. Tələb edilən verginin çox olmasına baxmayaraq qurulmuş mövcud gəlir sistemi sayəsində ölkənin süpürgəçisi də, xörəkpaylayanı da, mühəndisi də təxmini eyni yaşam keyfiyyətində, həyatlarından doyunca zövq alaraq yaşayırlar.

Bu kimi gözəl əxlaq, sevgi, sayğı və güvən mühitinin və təbiət ilə uyğunlaşmış toplumun bir gün dünyanın hər bir yerində formalaşmış olmasını diləyirəm.

15 əjdaha! 23.08.2023 00:47, Cetrion

#377926 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

yazarların çəkdikləri pişik şəkilləri

+10 əjdaha

Keçən il xatirələrindən:

7 əjdaha! 21.06.2023 23:21, Cetrion

#374114 şikayət

yazarların doğum günü tarixləri

+9 əjdaha

19 dekabr. Eyni ay günündə doğulduğunu bildiyim tək azərbaycanlı da, pianoçu, bəstəkar və caz ifaçısı əzizə mustafazadədir. Şükür, bu gün də yalnız hiss etmədim))). Neyse, iyi ki doğmuşum, swh.

9 əjdaha! 19.12.2023 20:36, Cetrion

#381185 şikayət

bullinq

+11 əjdaha

Bunu edənlər arasında ən çox qarşılaşılan tiplərdən bəziləri də, hər iki cümləsindən ən azı birində, mütləq, camaatı güldürməkdən ötrü başqasını məsxərə obyektinə çevirən, zorbalıq edən, onu zəif nöqtələrindən vuraraq ələ salan, axmaq yerinə qoyan, söz soxan, hörmətsizlik edən, baxıb halıma şükr etdiyim bambılı tiplərdir. Nəsilləri azalmaq əvəzinə get-gedə artır, eləbil. Ümumiyyətlə, insanların bunlara gülməyi asılılıq yaradıb artıq. Məzəli olmaq üçün dəridən-qabıqdan çıxırlar və bunun üçün də başqalarının zəifliklərini istifadə edirlər adətən. Ən çox acığım gələn də odur ki, belə ucuzlara qarşı insanlar səslərini çıxarmaqdansa, gülməlidir, əyləncəlidir deyə ona qoşulub hörmətsizliyə ortaq olurlar. Təəssüf ki, bu gün hələ də bir çox insanlar tərəfindən bir şəxsə yönümlü zarafat ilə səhv salınan anlayışdır bullinq. Halbuki, bullinqdən və ya digər adı ilə zorbalıqdan fəqli olaraq zarafat təhqir və hörmətsizlik ünsürü ehtiva etmir. Bundan başqa, bu iki anlayışı ayırd etmək üçün fəaliyyətin edildiyi şəxsin buna qarşı verdiyi reaksiyanı ölçmək də önəmlidir. Əgər həmin şəxs məqsədyönlü şəkildə özünün narahat edilmək istəndiyini hiss edirsə və buna uyğun olaraq mənfi reaksiya verirsə, bunun bullinq olduğundan şübhələnmək və bunun qarşısını almaq üçün ünsiyyətin məzmununa hakim olmaq vacibdir. Bunu etdikdə kənardan deyilən "əşiii, sən də çox dəymədüşərsən e", "niyə zarafat götürmürsən sən?!" kimi sözləri eşitmək olar ama buna aldanmamaq lazımdır. Başa salmaq lazımdır ki, "zarafat" adı altında edilən zorbalıqdır bu.
Fiziki və ya psixoloji olmasından asılı olmamaqla illərlə buna uğramış və öz sağlamlığım üçün bununla mübarizə aparmış və aparan biri olaraq onu nəzərə çatdırmaq istəyirəm ki, istər zorbalığın qurbanı olun, istərsə də tamaşaçısı, heç vaxt yox yerə edilən zorbalığa qarşı susmayın. Çünki susduqca və bunu tətbiq edənlərə səhvlərini izah etmədikcə, başa salmadıqca belə keyfiyyətsiz insanlar cəmiyyətdə daha çox yer tutacaqlar. Yəni, sosial inqilab öz yerini tənəzzülə verəcək.

10 əjdaha! 14.04.2023 15:53, Cetrion

#370400 şikayət

məsləhətxanada gizli yazma səbəbləri

+9 əjdaha

Zənnimcə, idarə heyətinin hansı istifadəçi adlı şəxsin gizli profil ilə yazdığını öyrənə bildiyini bildikdən sonra çox da mənası qalmayan səbəblərdir. Ən azından mənim üçün.

8 əjdaha! 04.05.2023 14:56, Cetrion

#371736 şikayət

george carlin

+6 əjdaha

"Təhsilin yerlərdə sürünməsinin bir səbəbi var və eyni səbəbdən bu əsla və əsla düzəlməyəcək. Boşuna gözləməyin. Sahib olduqlarınız ilə xoşbəxt olun. Çünki sizin həqiqi sahibləriniz bunu istəmirlər. Hər şeyi idarə edən və bütün önəmli qərarları verən böyük, varlı və iş dünyası mənfəətləri güdənlərdir. Siyasətçiləri unudun. Onlar əhəmiyyətsizdirlər. Siyasətçilər sadəcə seçim azadlığı fikrini sizə vermək üçün ora qoyulurlar. Ancaq xeyr, sizin seçiminiz yoxdur. Sizin sahibləriniz vardır. Onlar sizi öz mülkləri kimi görürlər. Hər şeyin sahibləri onlardır. Əhəmiyyətli ərazilərin sahibləri onlardır, şirkətlərin sahibləri onlardır. Senat, konqres və bələdiyyə şuraları da onlara məxsusdur. Məhkəmə hakimlərini arxa ciblərində daşıyırlar. Böyük media şirkətləri də onlara məxsusdur. Beləliklə, gördüyünüz və eşitdiyiniz bütün xəbərləri kontrol edirlər. Sizə necə məlumat veriləcəyinə də onlar qərar verirlər. Onlar yaxşı təhsil almış, yaxşı məlumatlanmış və tənqidi düşünməyə qadir insanları istəmirlər. Bu onların maraqlarına ziddir. Bu, böyük bir klubdur və siz ona daxil deyilsiniz. Siz və mən o böyük klubda deyilik".

(youtube:

)

4 əjdaha! 02.01.2024 12:49, Cetrion

#381602 şikayət

çoxları tərəfindən səhv bilinən məlumatlar

+7 əjdaha

insan bədənində həm tüklərin, həm də qılların olması səhv məlumatdır. insan da daxil olmaqla, heç bir məməli növündə tüklər yoxdur, qıllar vardır. Eyni şəkildə, qılları olan hər canlı da məməlilər sinfinə mənsubdur. Tüklər ancaq quşlarda mövcuddur. Yəni, bu xüsusiyyətlər yalnız bu canlı növlərini ehtiva edir. qıl və tükün zahiri görkəm oxşarlığı əsasında bu iki sözün sinonim kimi işlənməsi, bunun doğru olduğunu göstərmir. qıl və tükün bir-biri ilə həmcins quruluşda olmadığı və biri quşlara, digəri isə məməlilərə məxsus uzantı olduğundan ötrü fərqli epidermal uzantıların adlandırılması üçün də onlara fərqli adlar qoymağa ehtiyac var.

əlavə 1: mövzu "tük" sözünün örnəyini verdiyiniz etimoloji keçmişi deyil, mövzu quşdakına da, insandakına da eyni adın verilməsidir. bizim dil üçün də bu xarakterikdir. ülgüsüz, yazdıqlarımı yenidən və diqqətlə oxuyun, zəhmət olmasa.
Əlavə 2: sarkazm ələsalmanın ən şiddətli halıdır, btw. məhz buna görə o meme'i paylaşdığınız aydındır.

6 əjdaha! 09.08.2023 20:38, Cetrion

#377275 şikayət

dünyadakı ən qorxunc həqiqətlər

+8 əjdaha

indiyə qədər bildiyimiz, xəbərdar olduğumuz hər şeyin, hətta elmin də, əslində, kimliyini tam olaraq bilmədiyimiz şəxslərin bilməyimizi istədikləri qədər məhdud olmağı. ilk növbədə qulağa uydurma kimi gələ bilər, amma bu, haqqında sorğulayan və araşdıran hər insanın bildiyi acı gerçəkdir. Dünyanı idarə edən sözügedən şəxslərin, qlobal şirkətlərin başında durduqları və çox daha arxa planda duraraq gizlilik siyasətini qorumaq istədikləri və bunu da müvəffəqiyyətlə həyata keçirdikləri güman edilir. Bu çox dərin mövzudur və bir çox mövzularınkından haqqında daha çox məlumat yer verilməyə layiqdir. Qısacası, Kukla kimi idarə edilən olmağı bilməyin verdiyi hiss, şəxsən, mənə çox narahat edici və qorxunc gəlir. Daha qorxuncu isə, əlimizdən heç nə gəlməyərək onların çoxdan planladığı və yaratdığı sistemin əsarəti altında yaşamağa məhkum olmaqdır. istəsək də, istəməsək də.

7 əjdaha! 21.04.2023 00:26, Cetrion

#370787 şikayət

azərbaycan

+8 əjdaha

2024-cü ilin ölkə xalqlarının iq ortalamaları nəticələrinə əsasən, 197 ölkənin yer aldığı siyahıda 84.81 xal ortalaması ilə 84-cü sıranı tutmuş ölkədir. Məhdud zəka kimi qəbul edilən ölçünün 76-89 xal aralığındadır.

Mənbə: link link

Əvvəlki bəzi illərin nəticələri təxmini 86-87 xal arasında idi. Onsuz da, bir çox azərbaycanlıların fərqli məzmunlar üzrə sosial mediada paylaşdıqları şərhlərdən ortalama iq səviyyəsini az-çox tutmaq mümkün olduğundan xalların illər ərzində geriləməsi təəccübləndirmir. Sonu xeyirli olsun.

7 əjdaha! 05.03.2024 23:35, Cetrion

#383050 şikayət

əmir teymur

+7 əjdaha

O dərəcə qanısoyuq, amansız və öz mənfəəti gözlərini bürümüş insan idi ki, hindistan səfərində sırf dehli sultanlığı ordusunun fillərini qorxudaraq dehli ordusunu əzib keçməsi üçün, öz ordusundakı dəvələrin hörgücünü yanıcı yağ və çır-çırpı ilə doldurtduqdan sonra dəvələri diri-diri yandırıb qaçıraraq fillərə doğru göndəribmiş.

7 əjdaha! 16.06.2023 13:36, Cetrion

#373864 şikayət

şahmat

+4 əjdaha

"Şahmatda həyatın başlıca beş ünsürü əks olunmuşdur: birincisi: qələbə üçün tam təmkinini saxlamaq və çox uzaqgörən olmaq vacibdir; ikincisi, oyun sxemlər üzərində, nə vaxtsa oynanılmış gedişlər ardıcıllığı üzərində qurulur və istənilən matçda azsaylı variasiyalarla yenidən oynanılır; üçüncüsü, sizin rəqibiniz oyunda istifadə etdiyiniz sxemləri təhlil edir və gedişlərinizi proqnozlaşdırmağa çalışır; dördüncüsü, rəqibə, öz oyununu qura biləcək, irəlidən görünən heç bir şablon vəziyyətlər yaratmamaqla, siz böyük üstünlük qazanırsınız; beşincisi, şahmat da həyat kimidir: davranışınızı qabaqcadan duya bilməyənlər narahatlıq və qeyri-müəyyənlik hissləri keçirirlər - onları həyəcan, qorxu, çaşqınlıq çulğalayır".

"Hakimiyyətin 48 qanunu" kitabından

2 əjdaha! 06.05.2023 15:25, Cetrion

#371850 şikayət

ən nifrət edilən insan tipi

+5 əjdaha

Özünü başqasının yerinə qoymağa, empatiya qurmağa zəhmət çəkməyib həmin şəxs haqqında kənardan göründüyü kimi rahatlıqla danışan, rəy verən, mühakimə edən, hətta təhqir belə edən, qısacası, ağzına gələni danışan insan tipi. Əsasən, ölkəmizdə başqalarına yerli-yersiz müdaxilə edən bu cür hədsizlərlə çox rastlaşırıq. Bəlkə, sənə çox adi, asan olaraq görünən bir şey başqa biri üçün elə deyil. Hamının səhvi ola bilir, amma əvvəlcə başa düşmək vacibdir ki, o insanın müəyyən olaya nöqteyi-nəzəri necədir, bəlkə, onun elə problemi var ki, heç haqqında danışa bilmir. Adama deyərlər, başa düşmürsənsə, sus sadəcə.

4 əjdaha! 13.03.2023 16:13, Cetrion

#368639 şikayət

öyrənildiyində təəccübləndirən məlumatlar

+4 əjdaha

Canlılar aləmində, cinsi çoxalma yolu ilə çoxalan yalnız üç heyvan qrupunda- dənizatları, dəniz əjdahaları və boru balıqları qrupunda doğulmamış yavruları daşıyan dişi əvəzində erkək cinsindən olan fərdlərdir. Bu əks valideyn rolunun bir deyil, üç fərqli növdə görülməsi və bu üç növün genetik olaraq bir-birinə ən yaxın növlər olması təkamülün ən yaxşı dəlillərindən biridir. Bu, erkək hamiləliyinin bu üç növün ortaq əcdadında təkamül etdiyini və sonra bu üç növə keçdiyini göstərir.

Bu gün mövcud olan otuz beş dənizatı növü haqqında məlumatlar çox məhduddur amma bildiyimiz bir şey var ki, erkək dənizatlarının hər birinin qarnında kisə var. Cütləşmə zamanı dişi yumurtalarını bu kisəyə qoyur və erkək onları öz daxilində dölləyir. Erkək yumurtaları çatlayana qədər kisəsində daşıyır, sonra tam formalaşmış miniatür dənizatlarını suya buraxır.

Dişilərin yox, erkəklərin hamilə qalmasının, yəqin ki, ən böyük səbəbi dənizatlarının çoxalma prosesini və təkamülünü sürətləndirmək üçün yaranmış təbii təkanlar idi. Belə ki, hər dəfəsində mindən çox bala dənizatı doğulmasına baxmayaraq, onlardan yalnızca bir neçəsi həyatda qalmaqdadır. Sağ qalan bala sayını artırmaq üçün yaradılan ziqotu artırmaq isə, dişi dənizatına zərər verəcəyi səviyyəyə gələrdi. Bu gün dişi dənizatlarının bədənlərinin üçdə biri artıq yumurta istehsalı üçün ayrılmışdır, onların erkək dəniz atlarınınkı qədər bala daşımaq üçün çox yeri yoxdur. Erkək dənizatları hamilə qaldıqda belə, min baladan yalnız bir neçəsi sağ qalır. Digər tərəfdən, hətta min bala çıxarmağa yeri olmayan dişi dənizatları hamilə qalmağa davam etsə idi, dənizatlarının nəsli kəsiləcəkdi.

Buna görə, hamiləlik genlərinin, erkək fərdlərin hər birinə uşaqlıq kisəsi qazandıra bilməsi şəklində kopyalanması, çox güman ki, dənizatlarının soyunun qurtulmasına səbəb olub. Bunun səbəbi isə iki aspekt üzrə cəmlənir: birincisi, erkək bədənində yaşaması mümkün yavrular üçün daha çox yer var idi və ikincisi, yumurta istehsalı spermatozoid istehsalından daha uzun çəkir.

Erkək hamilə ikən dişi yenidən yumurta istehsal edə bilər və erkək doğduqdan sonra spermatozoid istehsal edib qısa müddətdə yenidən cütləşə bilirlər. Təbiətdə, doğrudan da bu cür olur: məsələn, gecə balalayan erkək dənizatı tezliklə yenidən sperma əmələ gətirə, səhər yenidən hamilə qala və kütləvi şəkildə nəsil yetişdirməyə başlaya bilər. Bu, sağ qalma şansı az olan bir populyasiyanı xilas etmək üçün işə yarayır.

4 əjdaha! 18.06.2023 18:33, Cetrion

#374002 şikayət

nar şirəsi

+5 əjdaha

"Narşərab" kimi də adlandırılır. Qədim xalq təbabətindən bu yana bir çox dərdlərə dərman olduğu bilinən nar şirəsi mədə iltihabını, susuzluğu və ürəkbulanmanı yatırmaq üçün faydalı vasitədir. Meyxoş narın dənələnib sıxılaraq suyunun çıxarılması və dörddə bir hissəsi qalanadək qaynadılması ilə hazırlanır. Bir-iki nanə atılsa, daha ətirli olur. Həmçinin, şirin nar yemək və ya nərşərab işlətmək üzün rənginin durulması ilə daha yaxşı görünüş almasına səbəb olduğu üçün kosmetikada işlədilən vasitələr arasındadır.

4 əjdaha! 24.06.2023 14:12, Cetrion

#374252 şikayət

ilham əliyev

+5 əjdaha

Xalqı, şüuraltı qorxu təlqin etməklə üsyankarlıq əvəzində psixoloji öyrənilmiş çarəsizliyə, laqeydliyə və itaətə öyrəşdirərək kontrol altında tutan klassik bir diktator fiquru. Daxili siyasətinin bərbadlıq dərəcəsinə baxmayaraq, xüsusilə, son illərdə hərbi və diplomatik sahələrdə əldə etdiyi uğurlara görə, çox güman ki, ən azı növbəti beş-on il ərzində(xalq baş qaldırmadıqca) devrilməsi mümkün deyil, təəssüf ki.

5 əjdaha! 18.07.2023 23:25, Cetrion

#375793 şikayət

faydalı məsləhətlər

+3 əjdaha

Telefonunuzun fonuna, önəmlə gördüyünüz bir məqsədinizlə bağlı olan bir şəkil qoyun. Bu şəkli hər dəfə gördüyünüzdə həmin məqsədə diqqət yetirməli və ona nail olmaq üçün çalışmalı olduğunuzu, güman ki, xatırlayarsınız və bu, həmçinin, daha çox həvəslənməyinizə səbəb ola bilər. Beləliklə, şüuraltınıza bir neçə dəfə bu cür bildirişlər göndərməklə gələcəkdə məqsədinizi ya da məqsədlərinizi həyata keçirmə ehtimalını dolayı yolla artırmış olarsınız.

1 əjdaha! 24.03.2023 14:47, Cetrion

#369123 şikayət

azərbaycanda təhsilin geri qalma səbəbləri

+4 əjdaha

Bu gedişlə, təhsil sisteminin düzələcəyindən şübhəliyəm. Çox güman ki, yaxşılaşmayacaq, daha da pisləşəcək. Bu, indiki vəziyyətin bizə göstərdiyi acı həqiqətdir.

Çünki azərbaycanlılar təhsilin nə olduğunu belə bilmirlər və buna görə də problemləri səhv müəyyən edirlər. Problemlərinin aşkar edilə bilməyəcəyi bir sistemi düzəltmək isə mümkün deyil.

Azərbaycanda "universitet" dediyimiz qurum peşə əldə etmək, iş tapmaq üçün bir qurum kimi qəbul edilir. Problem buradan başlayır. iş axtararkən hazırlanan CV-dəki bir sətir məlumat işə müraciət edənin zəkasını, iş əzmini və sosial vəziyyətini anlamağa kömək edən bir meyardır, hamısı budur.

Bəs əslində nədir? Universitet hər hansı bir təhsil sahəsinin bütün tarixi məlumatlarının toplandığı və həmin toplanmaya töhfələrin verildiyi yerdir. Müvafiq olaraq, bir təhsil sahəsinin bütün biliklərinin tələbəyə öyrədildiyi və ona nəsə əlavə edildiyi yerdir və tələbənin bu tərəqqiyə töhfə verməsi gözlənilir. Biz isə universitetlərimizi və məktəblərimizi heç bir təhsil sahəsinin mənbəyi olan bir yerlər kimi tikə bilmirik. Ona görə də irəliləyişdən danışmaq mümkün deyil. Çünki ictimaiyyətin və universitetlərdə xalqın təmsilçisi olan tələbələrin universitetlərdən gözlədiyi bu deyil. Ailələr deyir ki, övladım iş görsün, ailəsini dolandırsın. Normalda bunun təmin ediləcəyi qurumlar peşə liseyləridir.

Bütün bu çatışmazlıqların, təhriflərin mənbəyi xalqımızda elmi mədəniyyətin olmamasıdır. Biz elmin nə olduğunu belə bilmirik, ona hörmət etmirik, onu öyrənməyə çalışmırıq. Biz elmlə yox, övladlarımızın dolanışığını təmin etməklə məşğuluq. Deməli, cəmiyyət də savadsızdır. Toyuq-yumurta dilemmasına oxşayır bu. Təhsilsiz cəmiyyət elmin qədrini bilmir. Elmin qədrini bilmədiyi halda da, təhsilsiz olmağa davam edir.

Həmçinin, kurikulumlarımız müasir və mütərəqqi deyil. Biz dünyadan çox geri qalmışıq, dünyanın tərəqqisinə töhfə vermirik, edənləri kənarda saxlayırıq, ölkədən qaçırlar. Çünki bizim təhsil meyarlarımız elmi tərəqqiyə yönəlməyib. Təhsildə məqsədimiz irəliləmək deyil, mövcud olanı qorumaqdır. Mövcud olanı qoruyub saxlayaraq inkişaf edə bilməyəcəyimizi dərk edə bilməmişik.

Pedaqoqların böyük əksəriyyəti bu işi maaş qazanmaq əsasında görür. Çox az pedaqoq tələbələri, həqiqətən, irəli aparmaq istəyir. Bu zaman tələbələr və şagirdlər öncəliyi bilik qazanmaqda deyil, öz müəllimlərini seçmək və lazımi miqdarda pul ödəyə bilməkdə görürlər. Məktəbi bitirmək və getmək həvəsi ilə oxuyurlar. Demək olar ki, məktəblər zərurətə çevrilib. Tələb olunan, əsasən, məlumat, bilik yox, diplomdur.

Azərbaycan çıxılmaz bir spiraldadır. Bu çıxılmaz vəziyyət üçün böyük bir silkələnmə lazımdır. Bu sarsıntı üçün böyük bir islahat. Böyük islahat üçün, vizyon sahibi böyük lider. Amma, təəssüf ki, belə böyük liderlər Yer kürəsinə nadir hallarda gəlirlər. Bu əsrdə bir ulu öndərin hakimiyyətə gələrək ölkəsinə böyük islahat gətirməsi ehtimalı çox azdır. Ona görə də bununla bağlı heç kimin ümidi yoxdur. Hər kəs özünü xilas etməyə çalışır. Nəticə də belədir...

Edit: Bu mövzuda bəzi iddia və fikirlərlə bağlı da baxış bucağımı bildirmək istəyirəm. Təhsil sistemində öncəlik, əsasən, ixtisas əldə etmək və bunun üçün çalışmaq, oxumaq yox, maraq göstərilən elm sahəsi və onunla iç-içə olan digər sahələr üzrə ətraflı şəkildə praktiki bilik və bacarıq sahibi olmaq, öz istədiyin bilikləri əldə etmək, daha sonra onu tətbiq edə biləcək ixtisas sahəsi seçməkdir. Düzdür, tətbiq etmək üçün ixtisas sahəsi seçmək və bunun üzrə oxumaq vacibdir amma təhsilin keyfiyyəti, sadəcə həmin sahə üzrə oxuya bildikdə yox, ən önəmlisi, təhsil şagirdə, və ya tələbəyə şüurlu mənimsətmə yolu ilə verildikdə və praktikada bunu necə istifadə edə bildiyini yoxlandıqda çox olur. Yəni, problemin kökü təhsil meyarlarının tərəqqiyə yönəlmədiyi üçün və buna görə də, sistemin də əzbərçiliyə və nəzəriyyəyə söykəndiyi üçün yüksək səviyyədə, mənimsəyərək oxumaq da bu ölkədə bir fayda vermir. Ona görə də, belə oxuyacaq olan da bilir ki, əziyyəti yerdə qalacaq və bu ölkədə bəhrəsini verməyəcək, çünki bu ölkədə işləyərək və sonra da pensiya alaraq dolanışığı təmin etmək ön plandadır, sistem buna əsasən qurulub. Bilir ki, əgər faydası olmağını istəyirsə, daha uyğun bir ölkəyə üz tutmalıdır. Buna görə potensialı olan insanlar da bunları etməyə həvəs və ehtiyac duymurlar, adətən, başlarını götürüb qaçmaq istəyirlər. Avropa ölkələrinə və digər bəzi ölkələrlə rəqabət etmək, sözsüz ki, mümkün deyil, mən bunu da nəzərdə tutmadım. Sadəcə, edilə biləcək islahat və düzəlişlər də edilmir və bu təqdirdə, vəziyyət də bu cür, açıq-aşkar ortada olur.
Bütün bunlara görə, nəticə olaraq, azərbaycan, təhsilini elm sevərlərin sevəcəyi və seçəcəyi bir yerə çevrilə bilmir, hətta lazımi inkişafdan da geri qalmış olur və ümumi durum da acınacaqlı olaraq qalır.

3 əjdaha! 27.03.2023 14:31, Cetrion

#369325 şikayət

flüor

+5 əjdaha

Flüor, flüorid tipli birləşmə halında bu gün bir çox yeyəcək və içəcək məhsullarının tərkibinə qatılan kimyəvi bir maddədir. Diş çürüməsi əleyhinə faydalı olduğu bilindiyi üçün diş məcunlarına da qatılır. Lakin daha çox zərəri olan bu maddənin içmə suyuna əlavə edilməsi onun qaçılmazlığını artırır. Bu gün əlimizi atdığımız, demək olar ki, hər şeyin bizim üçün zərərli olduğunu öyrənmək pis hiss edilməsinə səbəb olur.

Fərdlərin, onların ailələrinin və uşaqlarının bəs şəkildə analitik düşünmə və ətraflı sorğulama bacarığına sahib olmaları həyati əhəmiyyət kəsb edir. Bu maddənin tarixinə baxdığımızda isə bununla bağlı narahat olmağımız üçün başqa bir səbəb bizi qarşılayır. Belə ki, 1930-cu illərdə nasist düşərgələrində insanları Hitlerə asanlıqla itaət etdirmək üçün külli miqdarda natrium flüorid istifadə olunduğuna dair məlumatlar ürküdücüdür. Bu maddənin davamlı qəbulu, xüsusilə də beyində yığılmağa meyilli maddə olduğu üçün, beyin funksiyalarının geriləməsinə, hadisələr qarşısında ətraflı düşünmə qabiliyyətinin kəskin şəkildə azalmasına səbəb olur.

Alzheimer testi siçanına flüoridli içmə suyu verilməsi nəticəsi kimi əldə edilmiş tapıntılar vəziyyətin ciddiliyini ortaya qoyur. Flüorun beynin ortasında yerləşən və üçüncü gözümüz kimi tanınan epifiz'i zədələdiyi də məlumdur. Günün sonunda bütün bunlar bizi bir çox xəstəliklərə dəvət edir.

Əksər ölkələrdə flüor istifadəsi rəsmi şəkildə qadağandır. Çünki, bütün bu tapıntılardan sonra bir çox ölkələrdə flüor istifadəsi qadağan edildi. Bəzi ölkələrdə onun diş məcunlarında istifadəsi azalıb.
Yaponiyada diş məcunlarından bu maddənin çıxarılması ilə ölkədə insanların, şəkər yesələr də dişlərinin çürümədiyi müşahidə edilib.
Flüorun tətbiqi istifadəsinin məhdudlaşdırıldığı və içmə suyuna qatılmasının qadağan edildiyi ölkələrin adları aşağıdakılardır:

Yaponiya
Norveç
isveç
Danimarka
Çin
Avstriya
Hollandiya
Macarıstan
Finlandiya
Belçika

içmə suyu flüorun ən pis mənzərəsi kimi görünsə də, təəssüf ki, bu maddə yeyəcək, içəcək və kosmetika vasitələri kimi bir çox məhsullarda istifadə olunur. Flüoridin ən çox işlədildiyi məhsulların adlarını aşağıdakı kimi sadalaya bilərik:

Diş məcunu
Şəbəkə suları
Satılıq meyvə şirəsi
Siqaret
Toyuq bulyon
Satılıq şorba
Satılıq körpə qidası məhsulları
sedativ dərmanlar

"Bioakkumulyator" adı verilmiş maddələr arasında olan flüor bədənə qəbul edildikdə, onun yalnız təxmini 60-70 faizi sidik və tüpürcək ifrazı ilə xaric edilə bilir. Qalan hissəsi adətən, bədəndə yığılmış halda qalmağa davam edir. Uşaqlarda xaric edilmə miqdarı isə daha azdır. Ümumi zərərləri bu şəkildə sadalana bilər:

Heyvanlar üzərində aparılan təcrübələrdə külli dozada qəbul edilmiş flüoridin erkək reproduktiv orqanlarına zərər verdiyi və sonsuzluğa səbəb olduğu müəyyən edilib.

Qalxanabənzər vəzi xəstəliklərinə səbəb olur, hormonları ləngidir.

Erkən yeniyetməliyə səbəb olur.

Alzheimer və xroniki unutqanlıq kimi beyin xəstəliklərini artırır.

iq itkisinə səbəb olur.

Araşdırmalar göstərib ki, sabit bir miqdarda flüorlu içmə suyu içmiş qızlar içməmişlərə nisbətən 5 ay daha erkən adət görüblər.

Revmatizmə səbəb olur.

Maddə daha çox sümüklərdə yığıldığı üçün osteoporoza səbəb olur.

Flüorun antidotu selen kimi tanınır. Selen tərkibli həblərin və yeyinti qidalarının istehlakı orqanizmi flüordan təmizləməyə kömək edir:

Balıq: Balıqda selenium çoxdur.

Paxlalılar və taxıl qidaları: Makaron, əriştə, noxud, mərcimək, yulaf kimi qidalar selenlə zəngindir.

Qırmızı ət: Qırmızı ətdə də çox miqdarda selen var.

Tam taxıl çörəyi: selenlə çox zəngindir.

Oregano yağı: Flüor epifizdə kalsifikasiyaya səbəb olur. Oregano epifizdə bu kalsifikasiyanın qarşısını alır.
Qalxanabənzər vəzi xəstəliklərinin sağalmasında aktiv rol oynayır.
Həmçinin, təbii antibiotik kimi fəaliyyət göstərir.

Xam kakao: Epifiz vəzinin toksinlərdən təmizlənməsinə kömək edir və kalsifikasiya əleyhinə faydalıdır.

Göyərtilər: Lif zəngini olan göyərtilərin istehlakı bədənimizdəki zərərli maddələrdən də xilas olmağa kömək edir.

Alma sirkəsi: Detoks funksiyasını yerinə yetirən sirkə bədənimizdəki toksinlərdən xilas olmaq üçün yaxşı bir vasitədir. Epifizdə kalsifikasiyanın qarşısını alır.
Bununla belə, sirkənin üzvi, hətta özümüz hazırladığımız sirkə olması vacibdir.

Bor mineralı: Bor mineralının bədənə qəbulu toksinlərin atılmasında aktiv rol oynayır. Tərkibində bor mineralı olan qidalar arasında gavalı, şəkər çuğundur kimi meyvələr və bir çox tərəvəzlər vardır.

Yod: Bədənimizə qəbul etdiyimiz yod ilə sidik vasitəsilə flüoridi bədəndən çıxarmaq daha asan olur. Bundan əlavə, yod epifiz vəzinin zədələnməsini və kalsifikasiyanı azaldır.

Dəniz yosunu, brokoli, kələm, badam, portağal, kətan toxumu, küncüt, şüyüd, kəklikotu kimi qidalar da istehlak edilməlidir.

Flüor kimi zərərli maddələrdən qorunmaq üçün atmalı olduğunuz bəzi digər addımlar var:

qablaşdırılmış yeyinti və içkilərin istehlakını azaltmalısınız.

Aldığınız məhsulların tərkibi haqqında yazılı məzmunu oxumalısınız.

Flüorsuz diş məcunu işlətməlisiniz.

Şəbəkə suyunu içməməlisiniz, içsəniz belə, əvvəlcə təmizləyici filtr işlətməlisiniz. Filtr suyun tərkibindəki zərərli maddələri məhv edir və onu mikroblardan təmizləyir.

Orqanizminizi toksinlərdən və zərərli maddələrdən təmizləmək üçün bol su içməlisiniz.

5 əjdaha! 31.08.2023 23:08, Cetrion

#378218 şikayət

yazarların linçə səbəb olacaq fikirləri

+2 əjdaha

Doğru olduğuna hələ tam olaraq əmin olmamışam ancaq hiss etdiklərim bu şəkildədir. Buranın normativ qavrayış qəliblərindən azad olması, demək olar, tamamilə bir illüziyadan ibarətdir. insanların şablon anlayışlar və görüşlər əvəzinə sual verməyə, sorğulamağa, araşdırmağa, öyrənməyə qarşı olan laqeydliklərinin və daha çox səthi mövzular üzrə ünsiyyət quraraq vaxt öldürməyə, deyib-gülməyə, xarici görünüşə əsasən(bu mücərrəd varlıq da ola bilər.) qərar verməyə, sürü psixologiyasına tabe olaraq düşünməyə və davranmağa olan meyilliliklərinin açıq şəkildə bu sözlükdə də əks olunması. Bu platformanı ilk dəfə görəndə azərbaycanda belə bir sayta daha öncə rastlamadığım üçün çox təəccüblənmişdim. Yazılı məzmunlarını gördükdə qəribsəmişdim: elmi məlumatlar, maraqlı xatirələr, keyfiyyətli yumorlar və s. haqqında yazılar məni cəlb etmişdi. Ancaq bir müddət sonra gözümdə çox adiləşməyə və digər sosial media platformalarından çox daha az fərqlənməyə başladı. Həmin ilk dəfə gördüyüm yazılı məzmunların, əslində bu saytın məzmunlarının çox az hissəsini təşkil etdiyini, həqiqətən, faydalı, məlumatlandırıcı və keyfiyyətli entry sayının bu qədər az olduğunu fərq etdim və çox məyus oldum. Yazılan yazıların, adətən, haqqında danışmaqdan bezmədiyimiz səthi mövzular(adətən, mentalitet mövzuları) haqqında olmasını, bununla da yanlız bu vərdişlərin tərəfdarı olan oxuyucuların sözlüyə cəlb olunmasını gördüm. Yəni, xalqın əksər hissəsinin olduğu vəziyyətin oxşarını burada da müşahidə etmək olur, təəssüf ki.

2 əjdaha! 07.05.2023 02:08, Cetrion

#371897 şikayət

depressiya

+2 əjdaha

insanlar arasında ən geniş yayılmış psixi pozuntudur. Səbəbləri olaraq bir çox müxtəlif faktorlar rol oynaya bilir. Həmçinin, növləri və səviyyələri də fərqlidir. Allahın bəlası bu pozuntu fərdin, adətən ovqatının pis olmasına, gündəlik fəaliyyətlərlə məşğul olma marağının və zövqünün bir qədər və ya tamamilə azalmasına, özünü zamandan zamana günahkar və/və ya dəyərsiz hiss etməsinə, iştahında pozulmaların yaranmasına, yuxu keyfiyyətinin azalmasına, davamlı olaraq keçmişə ilişib qalmasına səbəb olur, hətta fərdin, sanki həyatını boşa israf edirmiş kimi hiss etməsinə və intihar etməyi istəməsinə də gətirib çıxara bilir. Elə ən pisi də, olduğunuz yerdə duraraq, sadəcə vaxtınızı öldürdüyünüzü və bəlkə də, həyatınızın ən yaxşı, ən uyğun çağlarınızı hədər etdiyinizi anlamaq amma eyni zamanda da, əlinizdən heç nəyin gəlməməsi və nə edəcəyinizi bilməməkdir. Belə olduqda da, həyata tutunmaq üçün demək olar ki , keçərli bir səbəbinizin, məqsədinizin olmadığını hiss edirsiniz. Məhz bütün bunlara görə də, depressiya, vaxtında aşkar olunmalı və mənəvi yardım ilə üzərində səy göstərilərək qarşısı alınmalı olan, əks təqdirdə isə getdikcə daha təhlükəli və ciddi bir hal alaraq və əlamətləri ağırlaşaraq xəstəni bataqlığın dərinliyinə aparan bir xəstəlikdir. Bu azara tutulmuş şəxslərin bu hallara düşməyində əməyi keçmiş bütün zalımların da bir an əvvəl cəzalarını çəkmələrini ürəkdən diləyirəm. Ümidvaram ki, hamımız, tezliklə daha tolerant, empatik, daha məsuliyyətli, daha əladətli, sağlam və xoşbəxt ola biləcəyimiz yeni bir dünyaya ayaq açarıq.

2 əjdaha! 21.02.2023 01:11, Cetrion

#367811 şikayət

qlobal istiləşmə

+2 əjdaha

Satılıq görüşlərin yiyələri olan alimlər istisnalar olmaqla, elm adamlarının önəmli bir hissəsi qlobal istiləşmə, iqlim böhranı, iqlim dəyişikliyi kimi anlayışların uydurma ya da ən azından şişirtmə anlayışlar olduğunu, bir iqlim böhranında olmadığımızı və iqlim böhranının, gələcəkdə insan nüfusunu azaltmaq məqsədilə insanların qarşısına ortaq bir qlobal problem olaraq təqdim edildiyinə əmindirlər. Eynilə, "Greenpeace Canada"nın qurucusu və ilk üzvü olmuş Patrick Moore qlobal istiləşmə yalanını dünyanı idarə edən qlobal elitaların bir silah olaraq işlətdiyini deyirdi. Onsuz da, dünyanın, əslində isinmədiyi aşkar olduqda, "qlobal istiləşmə"nin adını dərhal "iqlim böhranı" şəklində dəyişdirdilər.

Bugünkü istiləşmənin insan fəaliyyəti nəticəsində yaranan istixana qazlarının artması ilə bağlı olduğuna dair heç bir sübut yoxdur. Son 650.000 ilin buz nüvəsi qeydləri göstərir ki, temperaturun artması karbon qazının minlərlə illik artımından sonra baş verməyib, okeanların istiləşməsi atmosferdəki karbon qazının artmasının əsas mənbəyi olub.

Dominant istixana qazı kimi su buxarı karbon dioksiddən çox, çox daha vacib rol oynayır. Gələcək istiləşmənin dəhşətli proqnozları demək olar ki, tamamilə kompüter iqlimi modellərinə əsaslanır, lakin bu modellər su buxarının rolunu düzgün "başa düşmür" və hər halda su buxarı bizim nəzarətimizdən kənardadır. Həmçinin, kompüter modelləri ötən əsrin əhəmiyyətli hissəsinin (1940-1975-ci illər) müşahidə edilən soyumasını nəzərə almır. O, həmçinin “barmaq izləri” adlandırdığımız müşahidə olunan istiləşmə nümunələrinə məhəl qoymur. Məsələn, Antarktida soyuyur, modellər isə orada istiləşməni proqnozlaşdırır. Modellər orta atmosferin səthdən daha sürətli istiləşməsini zəruri hesab etdikdə, müşahidələr bunun əksini göstərir.

Temperatur dalğalanmalarının təbii səbəblərini dəstəkləmək üçün ən yaxşı sübut günəş fəaliyyətinin müntəzəm dəyişmələri ilə güclü əlaqədə olan buludluluğun dəyişməsidir. Bugünkü istiləşmə, demək olar ki, bir milyon il əvvəl müşahidə oluna bilən iqlimdə təbii istiləşmə və soyutma dövrünün bir hissəsi ola bilər. Vikinqlərin Qrenlandiyada məskunlaşdığı və taxıl becərdiyi orta əsrlərin isti dövrü təxminən eramızın 1100-cü illərinə, Avropaya sərt qışlar və soyuq yaylar gətirmiş və məhsuldarlığın azalmasına, aclığa, xəstəliyə və ümumi səfalətə səbəb olmuş kiçik buz dövrü isə eramızın 1400-1850-ci illəri arasına uyğun gəlir. Özlərini qlobal istiləşmənin varlığına həsr edənlər, bunun haqqında bəhs edilən tarixi iqlim dəyişkənliklərinin mövcudluğunu inkar edir və ağac halqalarının və digər ikinci dərəcəli məlumatların saxta analizlərindən istifadə edərək bugünkü istiləşmənin “qeyri-adi” olduğunu sübut etməyə çalışırlar – bu, məşhur “xokkey çubuğu” temperaturu qrafikasının yaranmasına səbəb olmuşdur. Bu xokkey çubuğu cədvəli indi tamamilə etibarsızdır.

Əgər istiləşmənin səbəbi əsasən təbiidirsə, o zaman bununla bağlı çox şey edilə bilməz. iqlim dəyişkənliyinin ehtimal mənbəyi olan durğun günəşi idarə edə bilmirik. indi təsadüfən başqalarına təklif edilən istixana qazlarının azaldılması proqramlarının heç biri maddi töhfə verməyəcək. Bu proqramlar yararsız, faydasız və olduqca bahalıdır:

- istər ərizə formasında, istərsə də müfəssəl limit və ticarət proqramları şəklində karbon dioksid emissiyalarına nəzarət;

- Etanol kimi qeyri-iqtisadi "alternativ" enerji və praktiki olmayan "hidrogen iqtisadiyyatı";

- Böyük külək turbinlərinin və günəş kollektorlarının yaradılması;

- Karbon qazının zavod bacalarından və hətta atmosferdən çıxarılması üçün təklif olunan layihələr.

ironiya odur ki, müşahidə olunan istiləşmə tendensiyasının səbəbi karbon qazı olsa belə, bütün bu proqramlar, hər kəsi yanacaq istifadəsini 80% azaltmağa razı sala bilməsələr, effektiv olmayacaq.

Nəhayət, heç kim göstərə bilməz ki, daha isti iqlim sırf mənfi təsirlər yaradacaq. Dəniz səviyyəsinin çox qorxulduğu artımın qısamüddətli temperatur dəyişiklikləri ilə bağlı olmadığı görünür çünki dəniz səviyyəsinin qalxma sürəti son buz dövründən, yəni 10.000 il bundan əvvəl sabit olmuşdur. Əslində, bir çox iqtisadçı bunun əksinin daha çox olduğunu iddia edir, yəni istiləşmə xalis fayda verir, gəlirləri artırır və həyat səviyyəsini artırır. Nə üçün indiki iqlimin optimal olduğunu düşünmürük? Əlbəttə ki, bunun baş vermə ehtimalı kifayət qədər az olmalıdır və keçmiş iqlim istiləşməsinin iqtisadi tarixi bunu dəstəkləyir.

Böyük Qlobal istiləşmə Saxtakarlığının əsl mesajı daha genişdir. Nə üçün biz öz qıt resurslarımızı mahiyyətcə problem olmayan şeylərə sərf etməli və dünyanın üzləşdiyi real problemlərə – aclıq, xəstəlik, insan hüquqlarının pozulmasına məhəl qoymamalı, terrorizm və nüvə müharibəsi təhlükələrinə yetərincə diqqət yetirməməliyik? Biz, həqiqətən təbii fəlakətlərin, bəşəriyyətin əhəmiyyətli bir hissəsini məhv edən epidemiyaların və hətta biri dinozavrları məhv edən kiçik planetlərin təsiri ilə mübarizə aparmağa hazırıqmı? Bununla belə, dünyanın bir çox yerlərində siyasətçilər və elitalar məhdud resurslarımızı real problemlər üçün istifadə etməkdənsə, "dəbli" problemlərə sərf edəcəklər. Bir anlıq dünya üzrə, guya etibarlı olan ədədlərə əsaslanan qorxunc təxminlərə nəzər salın. Elm insanlarının düşündüyü və gördüyü kimi, bu, bütün insanlığı axmaq və cahil yerinə qoyaraq onu idarə etməyə hazırlıq görməkdən başqa bir şey deyil.

1 əjdaha! 02.08.2023 19:21, Cetrion

#376823 şikayət

çoxları tərəfindən səhv bilinən məlumatlar

+1 əjdaha

Yuxarıdakı yazar, lağ etmək məqsədilə mert bakırcının şəkli olan bir meme paylaşıb, ancaq ironiya odur ki, tük və qılın eyni olmadığı məlumatı "evrim ağacı" platformasında çağrı mert bakırcı tərəfindən yazılmış bir məqalədə də var.

Tük və qıl ayrımı yalnız türk dilinə mənsub deyil və bu sözlərin sinonim kimi sayılması da yanlışdır. Türk dilində də bunlara sinonim sözlər kimi baxıldığı üçün türklər də quşdakına da, insandakına da "tük" deyirlər. Yəni, söhbət onların dilində "lələk" sözünün olmamasından yox, hər iki dildə məməlidəki qıla da "tük" adı verilməsindən gedir. "Tük" sözünün etimologiyası barədə məlumata nəzər salaraq da bu sözlərin eyni mənşəli olmadığını və fərqli mənaları ifadə etdiyini sübut etmək olur:
Qədim forması "yük" şəklində olub. Qanad yerinə "yük" də işlətmişik. Oперение sözünün qarşılığı "yüklük" kimi qeydə alınıb. Tülək, lələk, yelək sözləri də "tük" kəlməsi ilə qohumdur. Elə buna görə də "yun", "qıl" kimi sözlər "tük" sözündən fərqlənir: "tük", əsasən, quşlarla bağlı işlədilir. Görünür, "tük" (əsli: yük) sözü uçmaq, yüksəyə qalxmaqla (yük və yük-sə-k!?) bağlı işlədilən söz olub. (Bəşir Əhmədov. Etimologiya lüğəti)

internetdə saniyələr ərzində bu iki anlayışın fərqli olduğu məlumatına sahib ola bilərsiniz. Kaş ki, başqasını "bilimsiz" kimi aşağılayıb məsxərə obyektinə çevirərək hörmətsizlik etməzdən əvvəl ərinməyib araşdırmağa ehtiyac duya idiniz. O meme'nin bu entry'də olduğunu Çağrı bəy görsə idi, çox güman ki, utandığından əlini yenə üzünə çırpardı, lol.
Yeri gəlmişkən, tanımadığınız biri ilə ünsiyyət üslubunuzda daha hörmətli və diqqətli olsanız, daha yaxşı olar.

silinmiş entry.

0 əjdaha! 10.08.2023 19:07, Cetrion

#377345 şikayət

çoxları tərəfindən səhv bilinən məlumatlar

+1 əjdaha

Azərbaycan dilində də, "tük" sözü "lələk" sözünün sinonimi kimi işlədilir, hətta "quş tükü" söz birləşməsi də vardır. yəni, yazdığınızın əksinə, bu hal azərbaycan dili üçün də xarakterikdir. qısacası, onlara eyni adların verilməsi yanılmağınıza səbəb olmasın. qıl və tükün zahiri görkəm oxşarlığı əsasında bu iki sözün sinonim kimi işlənməsi, bunun doğru olduğunu göstərmir. Onsuz da, qıl və tükün bir-biri ilə həmcins quruluşda olmaması və birinin quşlara, digərinin isə məməlilərə məxsus uzantı olması bu gün bütün elmi ictimaiyyətə məlumdur. Fərqli epidermal uzantıların adlandırılması üçün də onlara fərqli adlar qoymağa ehtiyac var.

Edit: mövzu "tük" sözünün örnəyini verdiyiniz etimoloji keçmişi deyil, mövzu quşdakına da, insandakına da eyni adın verilməsidir. Bizim dil üçün də bu xarakterikdir. Yazdıqlarımı yenidən oxuyun, zəhmət olmasa.

silinmiş entry.

0 əjdaha! 10.08.2023 23:44, Cetrion

#377363 şikayət

yazarların paylaşmaq istədikləri sitatlar

+1 əjdaha

"Elm öyrənməkdə əsas problem onun xüsusiyyətlərinin, qayda və qanunlarının bəzən çətinliklə həzm olunmasında, başa düşülməməsindədir. Ona görə də öyrənmək öyrənəninkindən çox öyrədənin ustalığından asılıdır".

izahlı lüğət müəlliflərindən

1 əjdaha! 12.09.2023 22:34, Cetrion

#378531 şikayət

henry kissinger

+2 əjdaha

Dünya və insanlığın qurtulmuş olduğu, pislikləri və murdar əməlləri ucbatından milyonlarla insanın ölümünün səbəbkarı daha bir "evil soul"dur. Tarixin ən böyük və məharətli siyasətçilərindən olan kissinger düz 100 yaşında, nəhayət ki, gəbərmişdir. Sağ əli digər şeytancıqların və milyarder qlobal elitaların başına!

silinmiş entry.

2 əjdaha! 30.11.2023 10:14, Cetrion

#380653 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

Cetrion

son bəyənilənlər:

oxuyucuların bəyəndikləri: