Son yazılanlar
bu sifarişi verən: alter ego
elçi - nə isə istəməyə göndərilən, yaxud iki nəfər arasında hansısa bir xəbəri, məlumatı çatdırmaq üçün yollanan şəxs mənasında işlənir.
elçiliyin günümüzdəki mənası isə qız istəmək mərasimidir. oğlan valideynlərini, yaxın qohumları götürüb qızın evinə gedir, qızı oğlana istəyirlər böyüklər. qızın atası razı olsa şirin çay içirlər. çox düşük və axmaq bir adətdir və yavaş-yavaş unudulub getməyə məhkumdur.
bu sifarişi verən: didier nisma
hər bir musiqi aləti üçün çox sayda ifaçının olması və tonların müxtəlifliyi ilə tanınan orkestra üçün yazılmış sonataya deyilir. bu termin ilk dəfə 16- cı əsrdə italyanlar tərəfindən çalğıçı qruplarını ifadə etmək üçün istifadə edilmişdir. 17-ci əsrdə simfoniya termini bugünkü mənasını almağa başladı. almaniyanın mannheim şəhərində ilk nümunələri yaranmışdır. rebel, richter, cannabich, johann sebastian bach'ın oğlanları, haydn kimi bəstəkarlar ilk simfoniyaları yaratmışlar.
pik nümunələri mənim fikrimcə beethoven simfoniyalarıdır. 9-cu simfoniya əfsanədir, şəxsi düşüncəm isə 5-ci və 2-ci simfoniyalardır ən yaxşıları.
haydn, motsart kimi bəstəkarların simfoniyaları 4 hissədən ibarət olub:
1. allegro, 2. andante (adagio) , 3. menuet və trio, 4. finale.
bu sifarişi verən: fövqəl insan
yeddi muğam dəstgahımızdan dördüncüsüdür. farsca çahar - dörd, gah- yer deməkdir. major laddadır, yəni ağlamalınski deyil, güc, qəhrəmanlıq, etiraz motivləri daşıyır.
deyəsən tək mənim bacardığım şey. biri xaric bütün köhnə sevgililərim indi dostlarımdır. hətta ən yaxın dostlarım. o qədər şey paylaşdığınız, bir biriniz haqqında o qədər şey bildiyiniz, yaxından tanıdığınız insanlar ilə birdən -birə əlaqəni kəsməyi mən mənasız görürəm.
keçən il biri ilə yaşadığım ölkədə görüşdük məsələn, təzə sevgilim də yanımda idi, tanış oldular, əla bir gün keçirdik. apreldə bir digəri ilə görüşəcəyik. keçən keçib artıq, hər iki tərəf olanlarla barışıb və münasibətləri dostluq şəklində davam etdirir. ki, məncə olması lazım olan da budur..
(baxma: kirlikedi)
(baxma: depeyi)
(baxma: mies)
(baxma: femme noir)
(baxma: romica)
(baxma: jun misugi) ən sevdiyim.
uzun zamandır ki bu barədə fikirləşirəm. bəzən fərqində olmuruq bu sonların. belə sonlar olduqca qorxudur məni. təsəvvür et, bir dostunla mesajlaşırsan, amma bilmirsən ki bu həyatdakı son mesajındı ona. hansısa sevdiyin bir kafedə oturursan amma bilmirsən sonuncu dəfədi burdasan. hətta hər səhər evdən çıxıb gedirsən işə, ağlına gəlmir ki bu son gedişin ola bilər, bir daha qayıtmayacaqsan. bu yaşadığın son gündür. bu yeməyi bir daha heç vaxt yeməyəcəksən. misalları uzatdıqca uzatmaq olar...
fikirləşirəm ki əgər bu sonları qabaqcadan bilsəm nə edərdim?
deyəsən ağır depressiyadayam.
yazının davamı olacaq.
həsrət..
bu sifarişi verən: fövqəl insan
master i marqarita əsərindən bir personaj. istəyəndə böyük qara bir pişik, istəyəndə isə pişiyə oxşayan adam cildində görünür. çox danışır, çox yeyir, əsərin məncə ən məzəli personajıdır.
bu sifarişi verən: edwardwitten
beynin temporal payında yaranmış dəyişikliklərin səbəb olduğu epilepsiya, loru dildə desək ürəkkeçmə xəstəliyi. hallüsinasiyalar daha çox müşahidə olunur bu zaman, çünki limbik sistem temporal payda yerləşir. bir çox səbəbləri vardır, məsələn keçirilmiş travmalar, infeksion xəstəliklər (ensefalit, meningit), beyin şişləri, damar xəstəlikləri və s.). tutmalar 1-2 dəqiqə çəkir. auralı yaxud aurasız ola bilər. diaqnozu elektroensefaloqrafiya ilə qoyulur. müalicə ya neyrocərrahi üsulla (beyin şişlərinin çıxarılması məsələn) yaxud dərman müalicəsi ilə (antiepileptik dərmanlar) aparılır. bir çox zaman şizofreniya ilə qarışdırıla bilər, çünki görülən hallüsinasiyalar şizofreniya yaxud başqa psixi xəstəliklərdən şübhələndirir.
bu sifarişi verən: daxili heyecan
mənə qismət olmayacaq hadisə. nə işim var gorbagorun qəbrində.
amma atam olsaydı, qəbrinə getsəydim vodka filan aparıb tökərdim yəqin. hansısa bir kinoda görmüşdüm.
mamam həmişə deyirdi ki qış kasıblar üçün deyil.
mənim uşaqlığımda çox çox çətin keçərdi. ayqaz adlanan soba var idi, bir çox evlərdə zəhərlənmə və ölümlərə səbəb olmasına baxmayaraq ondan başqa əlac yox idi.. bizdə isə neftlə işləyən bir balaca plitə vardi, üstündə yemək bişirirdik, işıqlar sönəndə onun ətrafına yığışırdıq. neft lampalarının iyi evi başına götürürdü.
işıqlar hər 2 saatdan bir sönərdi naxçıvanda. bəzən saatlarla yanmırdı. yerimə girib xəyallar qururdum, uşaq kitabları oxuyurdum, ən böyük xobbim isə mamamla söhbət eləmək idi. əynimizi nə ki var geyinirdik və yorğanı örtürdük üstümüzə, söhbət eləyirdik. işıq yananda dərs zad oxuyardım.
su da gəlmirdi evə qış boyu. bir neçə yer var idi binanın ətrafında ki, oralara su gəlirdi arada. biz də su daşıyırdıq. mən balaca, mamam böyük vedrələr ilə. su növbələrinə dururduq. yerlər buz olanda sürüşməmək üçün diqqət eləmək lazım gəlirdi. elə də olurdu ki günlərlə su gəlmir, ac-susuz qalırdıq. çirkli qablar yığışıb mətbəxlə bir olurdu. çox axmaq günlər idi. buna baxmayaraq xoşbəxt hiss edirdim özümü.
sinfimizdə də peç yandırırdıq, bilmirəm nə ilə işləyirdi, amma onu bilirəm ki yanacağı almaq üçün pul yığırdılar. 5-ci sinifdə oxuyanda təzə klyonka kurtkamı o peçə yapışdırmışdım. ağlamaqdan az qalmışdım özümdən gedim. sonra ağız-ağıza tikdilər ustalıqla onu, görsənmədi yanıq.
indi də qış gəlir. sevinirəm. noyabrın axırlarında həm yaşadığım şəhərdə, həm də ətraf şəhərlərdə yeni il yarmarkası başlayacaq. çox sevirəm bu yarmarkaları, uşaqlar oynayır, böyüklər yeyib-içir, hər yerdə xoşbəxt insanlar, qovrulmuş badam qoxusu, sən də baxıb şənlənirsən.
ankarada da gözəl keçərdi qış. onlar şabalıd qovururlar hər yerdə, qarla qarışıq yağış yağır, tunalı hilmi caddesində qar yağanda gəzmək istərdim indi.
nəysə yenə gəlir ömrün növbəti qışı. neçə gözəl qışlara...
nəyə görə bu qədər pis insanlar olmuşuq. niyə dost tapmaq bu qədər çətindir. niyə hamı bir birindən qorxur çəkinir ehtiyat edir.. sonra da deyirlər intihar halları niyə çoxalıb. yalnızlıq son zamanlar çoxalıb ona görə. amma niyə qorxuruq bir -birimizdən? çox düşündürür bu sual məni.
(bax: volkan demirel)
təkəm. çoxdandır tək qalmırdım, 2 ilə yaxındır ki hər gün bir yerdəydik. 1 həftədir artıq, gedib təzə maşınımızı sənədləşdirsin və qayıtsın. amma sənədləşmə işləri uzanır.
hərdən tək olmaq da yaxşıdır. amma darıxıram elə.. bilmirəm nə edim.
əslində etməli çox şey vardır. oxumaq, və s. amma canım heç nə istəmir. yazacaq bir şey də tapa bilmirəm.
nazan öncel mahnısı.
"bende bir resmin var, yüzüme bakmıyor.."
manuş baba da çox yaxşı ifa edir.
azərbaycan mahnılarını dinləməyəli illər olub. özüm belə hiss etməmişəm, ildən-ilə uzaqlaşmışam. o gün nəsə dinləmək istədim, tələbəlik illərində dinlədiyim mahnıların heç biri ləzzət eləmədi, təzə mahnıların da demək olar ki hamısı bərbad gündə. axırı miri yusif mahnılarına rast gəldim. bəziləri çox xoşuma gəldi. arada dinləyirəm. mənə görə hal-hazırda azərbaycanda dinləniləsi tək müğənnidir. ən azından mənim yaşımda olanlar üçün.
michael jacksondur bu adam mənim üçün. hələ də inanıram ki haradasa yaşayır və xoşbəxtlik, huzur içindədir. krallar ölməz.
bu gün işə zəng edib gəlməyəcəyimi dedim. səhər qalxdım pəncərələri açdım, gedib yuyundum sonra səhər yeməyi hazırladıq. hava çox gözəldi, pəncərədən qəşəng dəniz havası vurur bir sözlə ləzzət verir adama... özümü təmiz, doymuş və sağlam hiss edirəm.. həyatın nə qədər gözəl olduğunun anlaşıldığı an bu andır mənim üçün, elə indi... nə qədər gözəl anları qaçırırıq işləməklə... kaş ki işləmədən pul qazana bilməyin bir yolu olardı.
yazıq roluna bürünməkdə günahlandırılan yazar. birincisi, heç bir entrydə qız yaxud oğlan olduğumu yazmamışam. bunun məsələyə nə dəxli var anlamadım. ikincisi, özümü burdakılara bəyəndirmək kimi bir dərdim yoxdu, sifariş başlığı gördüm ürəyimdən nə keçir yazdım. kimsə gəlib trollluq edir kimsə kiməsə atmaca atır nə bilim min cür yazı yazılır, mən ayda ildə girib birşey yazıram gözə girir.
bilmirəm daha nə deyim..
bu sifarişi verən: arnold
mütləq alman dili öyrənin. imkanınız çatırsa almaniyanın özündə hər hansı intensiv dil kurslarında iştirak edin. bakıdakılardan qat-qat effektiv və maddi cəhətdən sərfəlidir. xarici dili öz yerində öyrənmək lazımdır.
əgər ingiliscə oxuyacaqsınızsa yenə də çalışın ki almanca dərdinizi başa salmağa kömək edəcək qədər öyrənəsiniz. ingiliscə danışmağı çoxu sevmir, bir çoxu da ümumiyyətlə ingiliscə bilmir. başladığınız universitetlərdə pulsuz alman dili kurslarına gedə bilərsiniz.
ən vacib məsləhətim budur.
Son bəyənilənlər
