citizenerased

56 0 0 0

5. nəsil yazar

Entry: 56

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

alman dilini öyrənmək istəyənlərə məsləhətlər

+66 əjdaha

Əhd etmişdim sertifikatı alsam, bu haqda sözlükdə uzun bir entry yazacam deyə. O gün bu gündür -*
araya pandemiya girdiyindən, hazırlaşma müddətim lazımından artıq çəkib bir az. Amma ümumi normal səviyyədə alman dilinə sahib olmaq üçün öyrənim gücündən asılı olaraq 1-1,5 il zaman lazımdır. ilk olaraq hədəfi əvvəldən müəyyənləşdirmək lazımdır hansı səviyyəni və hansı sertifikatı istəyirsiniz deyə. Mənim gələcək ixtisas seçimim üçün c1 səviyyə daha lazımlı olduğundan elə əvvəldən həmin səviyyəni əldə etməyə çalışırdım.
ilk olaraq vəsaitlərdən başlayım. ilk 3 səviyyə üçün ən faydalı vasitə begegnungen kitabıdır. Qrammatika və ümumi biliklər hamısı eyni kitabdan öyrənilir. Qrammatika üçün əlavə material kimi übungsgrammatik kitabından istifadə oluna bilər. Çox aydın şəkildə, ətraflı izah edilir. Bu kitablardan başqa əlavə heç bir vasitəyə ehtiyac yoxdur deyərdim, xüsusilə aşağı səviyyələrdən çox yüklənməyə ehtiyac yoxdur. Əsas söz bazasının gücləndirilməsi və lazımlı materialların öyrənilməsi kifayət edər. Kitabdakı çətin textlərin öyrənilib danışılması danışıq qabiliyyətinin yüksəlməsinə və sözlərin daha yaxşı yadda qalmasına kömək edə bilər. Qrammatikada hansısa problem olarsa, youtube-dakı almanca kolay kanalında çox gözəl başa salınır. Eşitmənin yaxşılaşdırılması üçün easy german kanalı da faydalı ola bilər aşağı səviyyələrdə (mən izləməmişəm).
B1, B2 və c1 məsələsinə gəldikdə isə, artıq fərqli kitaba keçmək məsləhətdir. Aspekte kitabı imtahan struktura ən yaxın olan kitabdır. Söz bazası və qrammatik qaydalar cəhətdən zəngindir. 2 kitab olduğundan bir az yorucu olur, amma yenə də yüksək nəticə üçün daha faydalıdır. Bundan başqa b2 və c1 səviyyələri üçün begegnungen kitabının davamı olan erkundungen kitabı var. Şəxsi təcrübəmdə mən aspekte kitablarını bitirdikdən sonra əlavə olaraq c1 səviyyə erkundungen kitabını da işlədim. Həmçinin digər səviyyələrin də kitablarını tam ciddi olmasa da, ümumi nəzər salmışdım. Bu səviyyələrdə isə daha ciddi yanaşmaq lazımdır hər bir hissəyə. Söz bazası maksimum dərəcə artırılmalı, ismi-feili birləşmələr öyrənilməli, b2-c1 qrammatikası cümlələrdə istifadə edilməlidir. Danışıq üçün fərdi hazırlaşılırsa, partner mütləqdir. Səviyyələr üzrə mövzular tapılmalı, onların hər birinə vaxt ayırıb, internetdən fikirlər tapılmalı, müxtəlif məqalələrdən çətin sözlər götürülməlidir. Eşitməni gücləndirmək üçün youtube-da zövqə uyğun kanallar tapıb, oradakı eşitdiklərinizi vərəqə yaza bilərsiniz, xüsusilə c1 səviyyədə çox faydalı olur. Bir də imtahan materiallarının maksimum dərəcədə işlənməsi lazımdır. Yazı zamanı isə, əsas yenə qrammatikaya, səviyyəyə uyğun ifadələrə fikir vermək lazımdır. Şablonlardan qaçmaq, özünüzə uyğun şablon çıxarmaq məsləhətdir. Asan cümlə strukturundan qaçmaq, mürəkkəb cümlələrə üstünlük vermək lazımdır. Lesen hissəsi üçün isə, özümün belə bir taktikam yox idi, textə uzaqdan baxmaq, soruşulanı yaxşı başa düşmək, almanlar kimi düşünmək lazımdır lol. Son zamanlar imtahanlardan bu hissəni lap mürəkkəbləşdirdiklərindən, ümid bağlamaq lazım deyil, əsas hören və yazının yaxşılaşdırılmasına çalışmaq lazımdır.
Təbii ki, bu qədər hazırlıq c1 üçün lazımdır, b2 imtahanından isə son zamanlar salam verəni keçirirlər. Xüsusilə son zamanlar testlər dəyişdirilmir, hamı cavabları əzbərləyib rahat imtahanı keçir, vaxtınız yoxdursa, rahat şəkildə türkiyədə b2 verə bilərsiniz. C1 üçün isə, təbii ki, əziyyət çəkmək lazımdır.
C1 imtahanı üçün əlavə hazırlıq materiallarına isə station c1, mit erfolg, prüfungstraining, oberstufe aiddir. Xüsusilə imtahanla mit erfolgun nəticəsi çox uyğundur bir-birinə. Kitabları və bu materialları bitirdikdən sonra artıq imtahan haqqında düşünmək olar. imtahanı azərbaycanda, gürcüstanda, türkiyədə və almaniyada vermək olar. Ən asan gürcüstanda keçirilir deyə düşünsək də, son nəticələrdən sonra artıq orada da normal olmadığını gördük. Ona görə ən əsas öz biliyinizə güvənməyiniz, ən yüksək səviyyədə imtahanda iştirak etmək lazımdır. Nəzərə də almaq lazımdır ki, bu imtahan əslində dil səviyyəsini yox, hazırlığı ölçür və daha çox şans işidir.
Hazır olduqdan sonra bütün sadaladığım materialların yükləndiyi drive linki yerləşdirəcəyəm. Ona qədər kimə hansı material və ya məsləhət lazım olsa, mesaj yaza bilər -*

52 əjdaha! 20.12.2021 20:38, citizenerased

#341900 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

qocalma qorxusu

+27 əjdaha

Bu gün qocalığın tam olaraq necə bir şey olduğunu anladım. Almaniyada yaş ortalaması bizdən çox olduğundan adətən xəstələrin yaşları da 90 olur, normal olaraq xəstələrin çoxunda demensiya da başlayır.
Bu gün bir xəstədə infeksion xəstəlik olduğu üçün otaqla izolə olunmuş şəkildə yatırdı və qapıdan çölə çıxmağına icazə yox idi. Tək olduğu üçün sıxılmışdı və bir neçə dəfə çölə çıxmağa çalışdıqda tibb bacıları bağıraraq otağa qayıtmasını və çıxmamasını tapşırdı. Daha sonra mən xəstənin otağına xüsusi geyimlərlə qorunaraq daxil oldum və gördüm ki, xəstə sulu salfet paketi ilə oynayır, çünki edəcək başqa bir şey tapa bilmir. Yaşlı və tənha olduğu üçün də telefon filan heç bir vasitəsi də yoxdur, ümumiyyətlə, ünsiyyət qura biləcəyi insan yoxdur. Onun bu vəziyyətini görüb, paketi əlindən alıb bir yandan işimi görərkən, bir yandan da söhbət etməyə çalışırdım ki, başı qarışsın. işim bitdikdən sonra özüm də infeksiyalı ərazidə çox qala bilməyəcəyim üçün çıxmalı idim, amma ürəyim də dözmədi onun o halına. Nə edəcəyimi bilmədiyim üçün əlindən aldığım salfet paketini yenidən gətirib qarşısına qoydum, xəstə isə oyuncaq verilən uşaq kimi sevinib tez əlimdən paketi alıb maraqla paketə baxmağa başladı.
Bəlkə bir alman üçün bu görülən mənzərə normal bir şey idi, çünki onlar öyrəşiblər tək yaşayan və tək ölən yaşlıları görməyə. Ən azından bilirlər ki, dövlət öz yaşlısına maddi və mənəvi yardım göstərir. Amma bu gördüyüm mənzərə mənim kimi bir yerdə böyüyən üçün dəhşətli idi. ilk olaraq valideynlərimin, uzun illər sonra isə özümün o vəziyyətdə ola biləcəyimi düşünəndə gözlərim dolurdu. Nə qədər ölkə ilə bağlarımı qoparmağa çalışsam da, valideynlərim orada olduğu müddətcə bu mümkün olacağa oxşamır. Böyüdülmə şəklimizmi, yoxsa bizim köməyimiz olmadan necə yaşayacaqlarını bilmədiyimizin verdiyi narahatlıqdanmı qocaldıqda onları tək qoyma fikrini qəbul etmək çətindir. Bu günə qədər yox idisə, davamlı olaraq qocaların məruz qaldığı münasibətə şahid olduğum üçün qocalma qorxusu məndə də artıq var, deyəsən. istəyərdim ki, mən və sevdiklərim hər zaman bu yaşımızda qalaq, amma, təəssüf ki, zaman axır və əlimizdən bir şey gəlmir.

20 əjdaha! 15.12.2022 22:14, citizenerased

#364123 şikayət

six contes moraux

+21 əjdaha

son zamanlar həm rejissora, həm də filmlərinə başlıq açıldığını görüb, haqqında ümumi entry yazmağın daha yaxşı olacağını düşündüyüm 6 filmdən ibarət, adının da mənası "altı əxlaq hekayəsi" olan eric rohmer toplusudur. rejissorun 1962-1972 illəri aralığında çəkdiyi bu filmlər onun məşhurlaşmasında başlıca rol oynamış, həmçinin rohmer bu filmləri ilə birlikdə fransa kinematoqrafiyasında yeni dalğanın (baxma: La Nouvelle Vague) əsas nümayəndələrindən biri olmuşdur.
əslində filmlər toplusunun adındakı əxlaq deyə tərcümə olunan söz birbaşa əxlaq mənasını daşımır, daha çox insanın nə düşündüyü, nə hiss etdiyini əks etdirir. filmlərə bu mövqedən yanaşmaq daha düzgün ola bilər, çünki rejissor filmləri elə mövqedən çəkib ki, bu mövzuların əxlaqsızlıq olub-olmadığı müzakirəyə açıqdır, insana görə dəyişir.
mövzular isə qadın-kişi münasibətləri haqqındadır. bütün filmlərdə öz inancları, prinsipləri olan bir kişi və onun bu düşüncələrini sorğulamasına səbəb olan bir qadın var. bəzi filmlərdə kişilər öz düşüncələrinə görə əxlaqsızlıq etməmək üçün mübarizə aparsalar da (nə dərəcədə bacardıqlarını filmləri izlədikdən sonra bilmək olur), bəzilərində əxlaqsızlıq adlandırdıqları davranışları özləri də göstərə bilirlər. bəs buna səbəb nədir? həqiqətən bütün bunlara səbəb qadınlardırmı? yoxsa əslində inandıqları dəyərlərə bağlılıqları düşündükləri kimi güclü deyilmi? bütün bu suallarla birlikdə rejissor insan təbiətini ən gözəl şəkildə göstərməyə çalışmış və mənim fikrimcə, çox da gözəl bacarmışdır.
filmlərin hər biri haqqında ayrı başlıq açıb yazmaq olar, amma mən bu başlıqda hər biri haqqında qısa məlumat verəcəyəm.
(baxma: La Boulangere de Monceau) - 1963-cü il tarixli, ilk filmdir. qısa metrajlıdır, ağ-qara, 4:3 formatında çəkilmişdır. mən izləyərkən sıralamanı pozduğumdan bu filmi sona saxlamışdım, gözləntim çox da yüksək deyildi. əgər filmləri izləməyə başlamağı düşünürsünüzsə, ilk bu filmdən başlamağınızı tövsiyə etməzdim, çünki digərlərinə həvəsiniz ölə bilər. digər bir tərəfdən də bu film ilə başladıqda sizi sonradan nə tipdə hekayələrin gözlədiyi haqqında da fikir sahibi ola bilərsiniz. mövzusuna gəldikdə isə, hüquq fakültəsində oxuyan bir tələbədən danışılır. evlənəcəyi qızla tanış olduğunu düşünən bu gənc, onunla tanış olduqdan sonra qızın izini itirir. bundan sonra isə daimi müştərisi olduğu şirniyyat dükanında bir satıcı qız ilə tanış olur. bundan sonra olacaqları isə gəncin düşüncələrinə əsasən əvvəldən başa düşmək olur.
(baxma: La Carriere de Suzanne) - yenə 1963-cü ildə çəkilib, 54 dəqiqə uzunluğundadır. açığı, burada mövzunu çox anlamadım, bəlkə də, yuxulu izlədiyimdəndir. bu filmdə də saf bir qadın və ondan istifadə edən iki kişi var. digər filmlərin hər birində kişilərə daha çox əsəbiləşsəm də, bu filmdə qadına daha çox əsəbiləşmişdim. yenə də filmi çox da sevdiyim deyilməz.
(baxma: Ma nuit chez Maud) - dördüncü filmdən sonra çəkilsə də, üçüncü film sayılır. öz dövründə yetərincə səs salmışdır və tamaşaçıların filmlərə marağının artmasında əsas rol oynamışdır. həmin dövrdə artıq rəngli film çəkilişlərinin olmasına baxmayaraq, ağ-qara filmdir bu da. düşünürəm ki, bu filmlə birlikdə rohmer əsl göstərmək istədiyi tərzdə çəkməyə başlamış və filmin əvvəlindən sonuna kimi baş rolun nə edəcəyini həyəcanla gözləməyə səbəb olmuşdur. bu filmdə də digərlərində olduğu kimi yenə iki dost və bir qadın vardır. dostlar uzun illərdən sonra bir-biri ilə təsadüfən görüşürlər və biri digərini öz sevgilisi maud ilə tanış edir. baş rolda olan obraz dininə bağlı və ciddi əxlaqi dəyərləri olan biridir. ancaq heç istəmədiyi vəziyyətə düşdükdə bu imtahandan uğurlu keçə biləcəkmi? həmçinin filmdə bol-bol pascal haqqında müzakirələr var. əgər haqqında məlumatlısınızsa, marağınızı çəkən dialoqlar ola bilər.
(baxma: La Collectionneuse) - 1967-ci ildə çəkilmiş, rejissorun ilk rəngli film işidir. ilk olaraq bildirmək istəyirəm ki, bu filmi izlədikdən sonra yay fəslindən ötrü darıxacağınız dəqiqdir, ona görə də bu filmin də rəngsiz olmadığı üçün çox sevinirəm. filmdə yayda eyni evdə yaşamalı olan iki dost və bir qız var yenə. gözəlliyinin fərqində olan haydee heç kimi vecinə almadan istədiyi kimi yaşayır. əvvəldən bu davranışlarına görə onu qınayan adrien isə, bir yandan da onu əldə etməyə çalışır. bir az sıxıcı gəlmişdi mənə bu film də. bir də adrienin bir haydee deyə səslənişi var ki, izləməyimin üzərindən aylar, illər keçsə də o səs tonunun beynimdən silinəcəyini düşünmürəm.
(baxma: Le Genou de Claire) - mənə görə aralarındakı ən mükəmməl film. ilk bu film vasitəsilə tanımışdım rejissoru. mükəmməl məkan seçimi və baş obrazın məqsədinə çatmaq üçün etdiyi bütün hərəkətlər bu qədər sevməyimə səbəb olmuşdur yəqin ki. dialoqlarının da digər filmlərdən daha üstün olduğunu düşünürəm. obrazların da hər biri üzərində ətraflı işlənilib. digər filmləri izləməsəniz də, bunu izləməyiniz məsləhətdir.
(baxma: : LAmour lapres midi) - və nəhayət son film də budur. beşinci filmdən sonra bir az zəif işlənildiyini düşünürəm, amma yenə də yaxşı filmdir. bu dəfə baş rol digərlərindən fərqli olaraq artıq evli və iki uşaq atasıdır. illər sonra biz zamanlar aşiq olduğu, amma hekayələrinin yarım qaldığı qadın yenidən ölkəyə qayıtmış və baş rolumuzu tapmışdır. baş rol yoldaşını və uşaqlarını çox sevir (özünün dediyinə görə yoldaşına aşiqdir, ancaq filmin ilk dəqiqələrindən də görmək olur ki, bundan heç də əmin deyil), ancaq əvvəllər aşiq olduğu qadının dönüşü ilə düşüncələri bir-birinə qarışmışdır.
sonuncu filmdə rejissor digər toplu filmləri olan rejissorların etdiyi kimi əvvəlki filmləri yad etmək məqsədi ilə, digər filmlərdəki baş rol qadın obrazları qısa müddətlik eyni fraqmentlərdə göstərmişdir. məncə, filmin də ən gözəl səhnəsi bu idi:

(youtube:

)

həmçinin qeyd etmək istərdim ki, bütün filmlərdəki obrazlar, xüsusilə qadın obrazları çox gözəldir. sırf onlara görə də bütün filmləri izləməyə dəyər.
qeyd: bu filmləri ilə rejissor çox insana ilham mənbəyi olmuşdur. onlardan biri də Cristi Puiu-dur. puiu da rohmer kimi yeni 6 film seriyası çəkir. onlardan üçü artıq hazırdır: (bax: the death of mr. lazarescu), (bax: aurora), (baxma: Sieranevada). hələ ki, bu filmlərlə də yetərincə uğurludur. ümid edirəm, o da işini bitirdikdən sonra, filmləri haqqında yazaram -*

11 əjdaha! 02.02.2021 00:27, citizenerased

#319092 şikayət

evin ortancıl uşağı olmaq

+16 əjdaha

Nə böyük uşaq kimi diqqət mərkəzində olursan, nə də son uşaq kimi qayğını çəkirlər, qısası, özünə bir yer tapa bilmirsən. Bütün uşaqlığın onlara göstərilən münasibəti izləməklə keçir. Heç kim səninlə maraqlanmır, öz başına böyüyürsən elə. Arada nəsə anlaşılmazlıq olsa, haqsız tərəf də sən olursan: böyükdür hörmət elə, kiçikdir yola ver. Diqqətləri üzərinə çəkmək üçün ya nəsə səhv etməlisən, ya da uğur qazanmalısan, onda yadlarına düşür ki, bizim belə bir övladımız da varmış. Amma belə bir müsbət tərəfi də var ki, özün öz doğrularını tapa bilirsən, heç kim səni yönləndirmir. Həm də uşaqlıqdan ilgisizliyə öyrəşdiyindən, böyüyəndə də kimdənsə çox ilgi gözləmirsən, bu da yaşayışı nisbətən asanlaşdırır.

11 əjdaha! 27.08.2019 21:33, citizenerased

#289744 şikayət

apophenia

+21 əjdaha

Bir-biri ilə əlaqəsiz, təsadüfi olan hadisələr və ya mənalar arasında əlaqə qurmağa meyillilikdir. ilk dəfə 1958-ci ildə alman psixiatrı və nevroloqu klaus conrad tərəfindən şizofreniyanın ilkin mərhələsini təsvir etmək üçün istifadə edilmişdir.
Beynimiz random şəkildə bənzətmə aparmağı sevir. Daim yaxın gördüyümüz nöqtələri bir-biri ilə birləşdirməyə çalışırıq. Məsələn, səmaya baxdıqda buludları hər hansı heyvana, sifətə və ya fiqura oxşadırıq. Ya da bir hadisənin baş verməsinin səbəbini başqa bir hadisədə görüb, əlaqələndiririk. Apofeniya narahatedici vəziyyət aldıqda isə insan həddən artıq əslində olmayan modellər qurmağa çalışır.
Məntiq, intellekt, analitik təfəkkür beynin sol yarımkürəsi ilə, pattern recognition - model tanıma isə sağ yarımkürə ilə əlaqələdir. Bundan belə nəticə çıxarmaq mümkündür ki, apofeniya ilə məntiq bir-birlərinə tərs olan anlayışlardır. Həmçinin sol yarımkürədə dominantlığın azalması, sağ yarımkürədə artması da şizofreniya zamanı müşahidə olunur. Ona görə də paranoid şizofreniyası olan şəxslər gördüklərini tamamilə əlaqəsiz şeylərə bənzədib, onları gördüklərini iddia edə bilirlər.
Apofeniyanın bəzi əsas növləri vardır:
pareidolia - ən çox rast gəlinən növüdür. Hansısa əşyada müxtəlif sifətlər, fiqurlar görülməsi fenomenidir.
gambler’s fallacy - ehtimal nəzəriyyəsində şansa bağlı olan hər hadisə bir-biri ilə əlaqəsizdir. Bunu inkar etmə vəziyyətinə isə qumarbaz yanılması deyilir. Bu zaman bərabər ehtimalı olan hadisələrdən biri yaşananda, insan səhvən o hadisənin yenidən yaşanma ehtimalının azalacağını düşünür. Daha çox qumarbazlar oyun əsnasında bu düşüncəyə düşdüklərindən belə ad almışdır.
clustering illusion - təsadüfi yaşanan hadisələr qrupunun əslində təsadüfi olmadığını düşünməyə verilən addır. insan yaşana biləcək hadisələrin müxtəlifliyini qavraya bilmir və onlar arasında əlaqə qurmağa çalışır.
confirmation bias - insanın müəyyən bir məlumatı araşdıranda, qərar alanda, hansısa vəziyyəti dəyərləndirəndə öz istəklərinə, inanclarına, doğrularına uyğun fikirləri qəbul edib, uyğun olmayanları isə görməzdən gəlməyə meyillənməsidir.
Ümumiyyətlə, apofeniya pis bir şey deyil. Sərhədlərin genişlənməsinə, xəyal gücümüzün böyüməsinə kömək edir, Gördüklərimizi seçmə azadlığı verir. Lakin bəzən bu azadlıq aldadıcı ola bilər və biz məntiqdən uzaqlaşaraq olmayan şeyləri fərz edə bilərik.

19 əjdaha! 06.07.2019 18:18, citizenerased

#288192 şikayət

muscle museum

+12 əjdaha

Tam olaraq 22 il öncə bu tarixdə yayımlanmış muse ep-si. Ep 6 mahnıdan ibarət olmuşdur. Onlardan pink ego box adlı mahnı muscle museum-un b-side versiyası kimi önə çıxarılmış, digərləri isə yenidən yazılaraq qrupun debut albomu olan showbizdə yayımlanmışdır. Həmin mahnılara isə yetərincə məşhurlaşan sober, uno, unintended, muscle museum və az bilinən muscle museum 2 (qısa, sadəcə gitar səsindən ibarət versiya) aiddir. Ep-nin cəmi 999 kopyası var və hər bir kopyanın sırası əlyazma ilə üzərinə yazılıdır.
Muscle museum adının isə çox bəsit bir hekayəsi var. Qrupun vokalisti və mahnıların yazarı matthew bellamy açıqlama vermişdir ki, lüğətdə muse sözünü axtaran zaman həmin sözdən yuxarıda muscle, aşağı da isə museum sözü yazılmışdı, o da bu iki sözü birləşdirib mahnıya belə əlaqəsiz bir ad vermişdir.
Mahnının əsas versiyası çoxu tərəfindən tanındığından mən bəhs etdiyim qısa versiyanı paylaşmaq istərdim:

Həmçinin çoxunu ağladan mahnının bir də belə şən versiyası var -*

(youtube:

)

7 əjdaha! 11.01.2021 23:21, citizenerased

#316824 şikayət

ederlezi

+9 əjdaha

Balkan ərazisində yaşayan qaraçıların xalq mahnısı və baharın gəlişini təmsil edən eyni adlı şənlik. Sözün kökü türkiyədə keçirilən hıdırellez bayramına dayanır. Şənlik bir çox ölkələrdə müxtəlif adlarda, vaxtlarda və adət-ənənələrlə keçirilir. Məsələn, serbiya, albaniya, bolqaristan kimi ölkələrdə müqəddəs george günü (baxma: durdevdan) adı ilə 6 may, bizim ölkədə isə xıdır ilyas və ya xıdır nəbi adı ilə fevralın ilk 10 günündə qeyd olunur.
Ederlezi günü qaraçı ailələri hər yeri çiçəklərlə bəzəyir, əksər bayramlarda olduğu kimi, əsasən, çay kənarında, çəmənlikdə bir yerə toplaşıb mahnılar oxuyur, rəqs edirlər. Həmin gündə tutduqları arzuların reallaşacağına, baharın gəlişi ilə xəstəliklərin, bədbəxtliyin uzaqlaşacağına inanırlar.
Mahnıya gəldikdə isə əsas dom za vesanje filmindən sonra tanınmışdır. Musiqinin dili yoxdur cümləsinin qarşılığını tam verir. Bir çox dillərə tərcümə edilib ifa olunmuşdur, amma yenə də təsirini və gözəlliyini itirməmişdir.

(youtube:

)

(youtube:

)

(youtube:

)

(youtube:

)

(youtube:

)

4 əjdaha! 06.08.2019 00:56, citizenerased

#289124 şikayət

adventure time

+11 əjdaha

regular show ilə birlikdə cartoon network'un ən baxılası cizgi filmi. uşaqlar üçün uyğun olduğunu düşünmürəm amma qardaşımla sevə-sevə izləyirik.

9 əjdaha! 01.09.2016 09:18, citizenerased

#227492 şikayət

alman dilini öyrənmək istəyənlərə məsləhətlər

+9 əjdaha

öyrənməsinlər. Başladıq, sonuna çıxa bilmirik çünki.

7 əjdaha! 11.06.2021 20:54, citizenerased

#329557 şikayət

the neighbourhood

+7 əjdaha

Çox insanın sweather weather ile tanıdığı eslinde ise daha yaxşı mahnılarının olduğu qrup

(youtube:

)

(youtube:

)

(youtube:

)

(youtube:

)

(youtube:

)

(youtube:

)

7 əjdaha! 21.05.2016 18:09, citizenerased

#214480 şikayət

hamının sevdiyi halda sevilməyən şeylər

+6 əjdaha

(baxma: təriflənmək )

6 əjdaha! 26.04.2016 22:20, citizenerased

#211908 şikayət

balta

+13 əjdaha

Son bölümü nisbətən sıxıcı olsa da, son səhnə ilə nöqtəni qoymuşdur:

(youtube:

)

12 əjdaha! 04.06.2019 23:28, citizenerased

#287162 şikayət

my dinner with andre

+5 əjdaha

Rejissorunun louis malle olduğu, 1981-ci ildə çəkilən komediya/dram janrında film. Baş rollarda wallace shawn və andre gregory var. Filmdə də ad və soyadları eynidir və buna görə də bəzən film boyunca dialoqların yazılmayıb, spontan şəkildə edildiyi təsirini bağışladı mənə.
Film başdan sona qədər iki nəfərin söhbətindən ibarətdir. Wally və Andre illər sonra görüşəcək iki dostdur. Wally daha çox öyrəşilmiş həyat yaşayan və bu həyatından məmnun olan biridir, Andre isə əksinə daim yeni axtarışların arxasınca gedib, həyatın mənasını anlamağa çalışır. Hər birimiz illər sonra bir tanışımızla görüşə məcbur olduqda stresslənir, könülsüz gedirik, Wally-də də bu aydın hiss olunur. Lakin bir neçə səmimi olmayan dəqiqədən sonra o qədər maraqlı mövzulara toxunurlar ki, artıq siz də danışmayan, sadəcə dinləyici olan 3-cü şəxs kimi masada əyləşirmişsiniz kimi hiss edirsiniz. Kimin haqlı, haqsız olduğu isə tamamilə sizin şəxsi düşüncənizə bağlı olur.
2 saata yaxın davam etsə də, şəxsən mən o qədər həyəcanlı şəkildə izləyirdim ki, vaxtın necə keçdiyini xatırlamıram. Haqqında oxuduqda isə, bəziləri ilk 10 dəqiqədən sonra izləmədiklərini, maraqsız hesab etdiklərini bildiriblər, tamamilə zövq məsələsi.
Sonda da izləyənləri gymnopedies, no.1 ilə gözəl bir bağlanış gözləyir.

(youtube:

)

5 əjdaha! 24.07.2021 22:06, citizenerased

#332791 şikayət

ananın uşaqlar arasında fərq qoyması

+5 əjdaha

özləri inkar etsə də, az da olsa fərq qoyurlar, məncə. əsasən daha kiçik və oğlan uşaqlarına qarşı olur. qızlardan isə daha yola getdikləri, daha yaxın olduqlarına qarşı.

5 əjdaha! 31.03.2016 19:14, citizenerased

#205542 şikayət

basedow xəstəliyi

+6 əjdaha

qalxanabənzər vəzin hiperfunksiyası nəticəsində yaranan xəstəlikdir. bu xəstəlik zamanı vəzin ölçüsü artır, maddələr mübadiləsi güclənir, oksigen sərfi intensivləşir, sinir sisteminin oyanıqlığı yüksəlir, gözlər bərəlir, əllərdə titrəmələr, tərləmə əmələ gəlir. xəstənin iştahası yaxşı olsa da sürətlə arıqlayır. müalicə üçün əvvəl radioaktiv, antitiroid dərmanlardan istifadə edilir effektiv olmadıqda isə cərrahiyyə üsulu ilə vəzin bir hissəsi kəsilib götürülür.
(bax: qalxanabənzər vəz)
(bax: tiroid)
(bax: bazedov xəstəliyi)

6 əjdaha! 12.06.2016 14:02, citizenerased

#217519 şikayət

tom odell

+4 əjdaha

Sparrow adlı musiqisi depressiyadan çıxmağıma səbəb olan insan. Hər özümü yalnız hiss etdiyimdə 10-15 dəfə dinləyib, sonra da hansısa cümləsini seçib whatsapp about hissəsinə yazıram, indi də olduğu kimi lol.

4 əjdaha! 18.06.2021 20:17, citizenerased

#330092 şikayət

muse

+4 əjdaha

The Globalist mahnısının ilk dəqiqələri western filmlərinin musiqilərini xatırladır.

(youtube:

)

Bundan əlavə Unintended adlı mahnıları da var ki, sevməyən insana belə, eşq ağrısı çəkdirir

(youtube:

)

Resistance və citizen erased'ın yeri isə tamam başqadır

(youtube:

)

(youtube:

)

4 əjdaha! 28.03.2016 20:25, citizenerased

#205241 şikayət

gerard way

+4 əjdaha

my chemical romance qrupunun qurucusu və vokalisti. Ərgən vaxtlarımda welcome to the black parade, famous last words mahnılarını dinləyəndə bağıraraq oxuyub gee-ni tək qoymadığım yadımdadır. Qrup dağıldıqdan sonra özü musiqi kariyerasına davam edəcəyini açıqladı, amma ondan əlavə keçmiş işi olan comics yazmağa da davam etdi. umbrella academy adlı comic-book böyük maraq gördükdən sonra, iş irəlilədilib netflix-də eyni adlı serialın çəkimlərinə başlanıldı. Serialdakı soundtrack-lərin seçimi ilə də özü məşğul olur. Hətta sırf bunun üçün keçmiş qrup üzvlərindən biri olan ray toro ilə birlikdə bəzi mahnıları cover edib, mcr fanlarını həyəcanlandırmışdır. 4-5 ay əvvəl müsahibəsinə baxdıqda bir zamanlar platonik aşiq olduğum gee-nin, indi şirin, göbəkli, amma hələ də xarizmatik olan dayıya çevrildiyini gördüm. Amma önəmli deyil, görünüşü dəyişsə də, səsi və mənim onu yeni mahnılarda belə tək qoymadığım gerçəyi dəyişmir.
Həmin müsahibə:

(youtube:

)

Və cover edilən mahnılar:

(youtube:

)

(youtube:

)

3 əjdaha! 16.07.2019 14:17, citizenerased

#288505 şikayət

ən murdar tiplər

+4 əjdaha

heç nə bilmədiyi halda özünü hər şeyi bilirmiş kimi göstərən insancıqlar. bir şey haqqında danışan zaman sözünü kəsib qışqıraraq öz fikirlərini deməyi çalışan. dedikləri də düz olsa dərd yarıdı.

4 əjdaha! 30.03.2016 19:08, citizenerased

#205438 şikayət

roseaux

+4 əjdaha

2012-ci ildə qurulmuş fransız qrupu. Mahnıları, adətən, alternativ janrında olur. Bu vaxta qədər sadəcə roseaux və roseaux 2 adlı 2 albomları var. Vokalist kimi də çox mahnıda aloe blacc ifa edir.
Tərzləri o qədər incə, insanı sakitləşdirəndir ki, sözlə ifadə edə bilmirəm. Hələ heart and soul mahnıları 1 aydır ki, günlük vərdişimə çevrilib və bezə bilmirəm. Mahnıların sonunu o qədər gözəl bitirirlər ki, bu yenidən qulaq asmağıma səbəb olur.
Xoş dinləmələr -*

(youtube:

)

(youtube:

)

3 əjdaha! 13.06.2022 00:33, citizenerased

#351531 şikayət

sözaltı radio

+5 əjdaha

Nirvana - where did you sleep last night

(youtube:

)

5 əjdaha! 10.05.2016 20:43, citizenerased

#213287 şikayət

magic piano

+3 əjdaha

smule tərəfindən yaradılmış həm ios, həm android üçün pulsuz olan program. piano çalmaq istəyib də çala bilməyənlər üçün əvəzsiz programdır. bir çox janrda musiqilər var. çoxu smoola vasitəsilə alınır, lakin hər gün pulsuz olaraq 1 musiqi hədiyyə edilir. çox rahat, tək əl hətta 2 barmaqla idarə edilir.

3 əjdaha! 05.07.2016 17:44, citizenerased

#220356 şikayət

hozier

+3 əjdaha

Take me to church'dən əlavə arsonist's lullaby mahnısı da möhtəşəmdir, dinləniləsidir

(youtube:

)

3 əjdaha! 29.03.2016 23:05, citizenerased

#205362 şikayət

yazarların paylaşmaq istədikləri musiqilər

+3 əjdaha

The Neighbourhood - Daddy issues

(youtube:

)

3 əjdaha! 29.03.2016 23:09, citizenerased

#205363 şikayət

the nutcracker

+3 əjdaha

ilk olaraq müxtəlif xalqlarda oxşar olan nağıllar e.t. Hoffmann tərəfindən the nutcracker and the mouse king adı altında toplanmışdır. Sonra 1844-cü ildə Alexander dumas tərəfindən nisbətən yumşaldılıb, tərcümə edilmiş və çap etdirilmişdir. 1891-ci ildə bu əsərlər əsasında tchaikovsky son baletini bəstələmişdir. Bəstəkar hekayənin mövzusunu bəyənməsə də, bu işi qəbul etmiş lakin sonradan özünə güvənsizlik və ilham gəlməməsi səbəbindən çox əziyyət çəkmişdir. Deyilənə görə, ilk dəfə celesta adlı musiqi aləti ilə tanış olan bəstəkar sugar plum fairy hissəsini bəstələmək üçün ilham tapmışdır. Sonradan bu alətlə olan melodiyalar yeni ilin simvolu sayılmışdır.
ilk səhnəyə qoyulan zamanı izləyicilər tərəfindən bəyənilməmiş, lakin müxtəlif koreografiyalarla qurtulmuşdur.
Hekayənin məzmunu isə Clara adlı qız və onun yuxusu haqqındadı. Yeni il ilə bağlı hər uşağa hədiyyə verilir claranın payına isə nutcracker düşür. Bunu görən qardaşı əsəbləşir və oyuncağın bir ayağını qırır. Onuncaq sonradan təmir edilir. Gecə hər kəs yuxuya gedəndən sonra Clara ayılır və yeni il ağacının altında onu qucaqlayıb yuxuya gedir. Yuxusunda nutcracker ilə ilk olaraq siçanlar ölkəsinə gedib siçanlar kralını öldürürlər. Burada yaralanan oyuncaq claranın gözyaşı sayəsində dirilir və şəhzadəyə çevrilir. Şəhzadə və qız birlikdə qarlar ölkəsinə gedirlər. Bundan sonra isə şəkər ölkəsinə gedirlər və burada olan pərilərə başlarına gələn əhvalatı danışarlar. Pərilər onları mükafatlandırmaq üçün müxtəlif rəqslər edirlər. Son olaraq əsərdən bir neçə hissə:
Sugar Plum Fairy

(youtube:

)

Russian dance (trepak)

(youtube:

)

The nutcracker march

(youtube:

)

Waltz of flowers

(youtube:

)

3 əjdaha! 03.07.2016 19:02, citizenerased

#220109 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

citizenerased

son bəyənilənlər:

oxuyucuların bəyəndikləri: