Son yazılanlar
Bu gün doğum günü olan sənətkar. Yaşasaydı 72 yaşı olacaqdı. "Rolling" jurnalı tərəfindən tarixin ən yaxşı müğənnilərdən seçilib. ilk dəfə I'm afraid of americans mahnısı ilə tanıyıb sonralar az qala bütün diskoqrafiyasını yükləyəcəq qədər xəstəsi olmuşdum. Elə indi də xəstəliyim davam edir. Aktyor kimi də özünü sınayaraq bir çox filmdə yer alıb. Xarizmadı da adam. iki gün sonra yəni 10 yanvar ölümündən 3 il keçəcək.
Rest in peace.
Uşaq vaxtı olanda səhər tezdən azan səsi gələndə qorxub ayılırdım. 3-4 yaşlarında olardım. Kimsə mənə dinin ya islamın pis bir şey olduğunu da deməmişdi. Amma hər dəfə bu səs məndə mənfi təəsürat oyadırdı.
)
Bütün musiqilərini dinlədiyim, Azərbaycan caz musiqisi deyəndə Vaqif Mustafazdə ilə birlikdə ağıla gələn sənətkar. Hətta Herbie Hancock və Chick Corea'nın birlikdə buraxdığı albomdan sonra Vaqiflə belə bir albom buraxmaq fikrində imiş. Vaqifin qəfil ölümü buna imkan verməyib. Düşünürəm ki, Rafiqin harmonik yanaşması ilə Vaqifin improvizəsi bir yerdə əla tandem təşkil edərdi. Vaqifin ölümündən sonra Əzizə Mustafazadənin musiqi biliklərində müstəsna rolu olub. Musiqidən əlavə Rafiq Babayevin çox güclü riyazi bilikləri olub ki musiqi və riyaziyyat arasında seçim etməli olub. 1970-ci ildə Rauf Hacıyevin operettalarından ibarət buraxdığı "Cuba my love" albomunda Nyu-Orleanın caz ruhunu hiss edə bilərik. Rəşid Behbudovla mahnı teatrında çalışmasaydı daha gözəl musiqilər, caz nümunələri bəxş edərdi deyə düşünürəm. Bir çox filmlərə musiqi bəstələyib. Bəstəkarlıqdan əlavə aranjimançı da olub. Bəzi musiqilərində vokaliz kimi səsini də eşidə bilərik. YouTube-da Murad Hasanov və Cavid Ağanın kanallarında demək olar bütün musiqiləri yer alıb. Ölüm səbəbi bilənlərə bəllidir. Terror həmişə pislənməlidir. Amma terroru bir millətin üzərinə yıxmaq və bütünlükdə hansısa milləti terrorçu adlandırmaq axmaqlıqdan başqa bir şey deyil. Rafiq Babayevin 60-cı illərdə yaratdığı kvartetin üzvləri, Bakının musiqi, caz mühitindəki musiqiçilər belə erməni idilər.
Qızı Farizə Babayeva hazırda Marionet teatrında aktrisadır. Digər qızı Gülarə Babayeva isə anası Fəridə Babayeva kimi musiqişünasdır.
)
83 yaşlı sovet-gürcü bəstəkarı. Bir çox məşhur filmlərə musiqi bəstələyib. Hazırda Belçikada yaşayır. istər simfonik orkestr üçün yazdığı əsərlər, istərsə də gürcü xalq musiqisinin üzərində yaratdığı caz, bossa-nova nümunələri fərqliliyi ilə seçilir.
)
Tarantinonun ilk filmi Resevoir dogs' da adamı qaza gətirən versionu səslənən mahnı
(bax: harry nilsson)
Özünəməxsus tərzi ilə seçilən, rəsmləri insanda pozitiv ab-hava yaradan, Amerikada doğulub əslən yunan olan 19 yaşlı rəssam. Valideynləri də rəssam olan Dimitra təhsilini məhz onların əsasını qoyduğu "Arizona art Institute"də alıb. Əsərlərində daha çox heyvan və qadın rəsmlərini təsvir edir. Özünün də dediyi kimi "Art is a window into another realm. It brings heaven to earth and transforms us from within."
Sözlük sayəsində tanıdığım əjdaha qrup. Mahnıları asılılıq yaradıb məndə. Caz elementləri ilə proqressiv roku, müxtəlif janrların instrumenlərini qarışdırıb bir-birindən gözəl işlər ərsəyə gətiriblər.
Çayı yeni yuyulmuş stəkanda içə bilməmək. Daha doğrusu yeni yuyulmuş ola bilər. Amma yuyandan sonra quru olmalıdır. Stəkan, nəlbəkini krantın altından götürüb çay, su tökəndə o çayı içməsəm daha yaxşı. istənilən içkiyə də aid edə bilərəm, çayı nümunə çəkdim.
Filmlərini bir-bir izlədiyim aktrisa. Sırf Audreyə görə baxıram düzünü deyim. Fransızca müsahibələrini dinləyib bir zad qanmasam da necə gözəl, şirin danışır bu insan deyə heyrətimi gizlədə bilmirəm. Mimikalar, batan yanaq, səs tonu. Amelie çəkiləndə 23 yaşlı qızcığaz olub. Necə yaraşır o geyimlər, qısa saç. Heyif ki zaman işini görür. Yaşı artsa da o şirinlik, məsumluq çöhrəsindən getməyib amma.
)Ruhsuz şəhər. Bəlkə çoxları deyəcək sakitdir, Bakıdan fərqli olaraq tıxac yoxdur falan filan. Amma sıxır adamı. Evdən çölə çıxmaq istəməyəcək qədər sıxır. Şəhəri tanımayanlar üçün qəribə gələr ola bilsin. Şəhərin bu başından o başına piyada 1 saata gedə bilərsən. Əhalisinə gəlincə bildiyimiz kimi hərə bir rayondandır. Əksəriyyəti mühafizəkar insanlar. Bakıda cüzi də olsa "international" mühiti görmək olsa da Sumqayıtda bu ab-hava hiss olunmur. iddia edildiyi qədər gözəl olmayan bulvarı var. Sovet dövrünün monoton tikililəri göz yorur. Digər rayon, şəhərlərdəki zövqsüz, şablon layihələrə, keyfiyyətsiz memarlıq nümunələrinə burda da rast gəlmək olar.
Ruhumun musiqisi saydığım janr. 8 ya 9cu sinifdə oxuyardım caza yoluxanda. Bütün hisslərə yer var burda. Bəzən cool jazz dinləmək istəyərsən, bəzən bepop, araya free jazz girər. Adicə bir mahnıda improvizə etsən, caz harmoniyaları qatsan necə gözəl iş çıxar ortaya.
Orta məktəbdə oxuya bilmədiyim, oxumağa cəhd etmədiyim fənn, elm. O vaxt anlamırdım riyaziyyatın nə demək olduğunu. Elə buna görə də Fizikadan, Kimyadan da qaçdım, qorxdum. indi peşmanam. Hər şeyi yenidən başlayıb, sıfırdan öyrənə bilsəydim kaş.
Bir ildən çoxdur az qala hər gün girib başlıqları oxuduğum, məsləhətxananı ələk vələk etdiyim lakin bir neçə gündür qeydiyyatdan keçdiyim sözlük.
Son bəyənilənlər
