peppino gagliardi

mahnılarını ayrı-ayrı playlistlərə əlavə edib sevərək dinləyirdim, illər sonra bugün həmin mahnıların müəllifinin eyni adam olması şokunu yaşamışam (:
söhbət bu 3 mahnıdan gedir, 3ünü də dinləməyi israrla tövsiyə edirəm:
(link: bildiyim qədərilə ən məşhur mahnısı budur. Scent of a woman və the man from u.n.c.l.e filmlərində istifadə olunmağıyla əlaqəli yəqin ki
(link: bu isə mənim ilk dinlədiyim əsəridir. əvvəlkiylə tərz olaraq çox əlaqəsiz olduğu qənaətindəydim, ona görə eyni müğənni tərəfindən oxunulması ağlıma gəlməmişdi
(link: gagliardini məşhurlaşdıran isə məhz bu mahnı olub. əvvəlki 2sindən daha canlı, daha az depressivdir (;

ricchi e poveri

indiyə qədər başlığının açılmamağına təəccübləndirənlərdən. italyancadan hərfi olaraq “varlılar və yoxsullar” tərcümə edilən ada sahib italyan pop qrupu. ola bilər adı tanış gəlməsin, ama mahnılarını mütləqdir ki eşitmisiz
məsələn uşaqlığımızdan xatırladığım mamma maria (link:
italyadan çox uzaqda- sumqayıtda bir qrup uşağın qışqırara oxuduğu bir mahnının müəlliflərini kifayət qədər dünyaca məşhur saymaq olar məncə (:

(link: /> (link:
bu ikisi isə mənim favorimdi və yenə adlarını bilməsəz belə hardasa, nə vaxtsa eşitdiyinizə əmin olacağım qədər məşhur mahnılardır
son olaraq isə son zamanlar sosyal şəbəkələrdə əksərən italyada yaşamı romantikləşdirən tərzdə videoların fon musiqisi olaraq rastlaşdığımız, buna baxmayaraq əfsanəviliyini qoruyub saxlayan sarà perché ti amo: (link:

sözaltı sözlük üçün tövsiyələr

1. başlıqların (əsas da elmi olanların) azərbaycanca olması. məsələn pneumothorax yazsam google-a onsuz istədiyim qədər məlumat tapacam, ingiliscəsini bilmədiyim terminləri axtaranda sözlük kimi azərbaycandilli saytlara ümid edirəm. başlığı pnevmotoraks olaraq yaradıb international adını da bax vermək məncə ən idealıdı.
2. entryə əvvəlcədən səs verib-vermədiyimizi anlamaq üçün fərqləndirici nəsə olmalıdır məncə. köhnə bir entry görürəm, tanış gəlir amma yadımda olmur ki səs vermişdim ya yox. əjdahalamaq istəyəndə əksinə əvvəldən verdiyim səsi geri çəkmiş oluram, təzədən onla əlləşməyə də həvəs olmur. məsələn əvvəlcədən əjdahaladığımız entryinin "əjdaha" yazısının rəngi fərqli ola bilər

təkcə mənmi edirəm deyə düşünülən şeylər

mən cavanam hələ qabaqda vaxtım olacaq, bəs birdən onlar daha olmaz qorxusuyla sevdiyim sənətkarların yaşını hesablayıb daha neçə il səhnədə olacaqlarını təxmin eləmək -* məsələn dünən leonid agutinlə anjelika varumun konserti var idi, çox getmək istəmişdim alınmadı. konsertdən videoları görüb lap üzüldüm getməməyimə, ardınca da "gələcəkdə gedə biləcəmmi?" sualına cavab axtarmağa yollandım -* bunu bir dəfə bir rəfiqəmə demişdim, ikimizin də bəyəndiyimiz bir müğənni haqda, deyir sən elə deyəndən sonra mən də qorxdum evdə oturub ağlamışam -*

qreqor mendel

hazırda hamımızın genetikanın banisi və bir dahi kimi tanıdığımız bu adam 2 dəfə məktəbdə müəllim olmaq üçün verdiyi imtahandan kəsilib, monastr bağçasında 10 ilə yaxın bitkilərlə- xüsusən noxudlarla apardığı təcrübələrinin nəticəsini brnoda 40 nəfərlik kiçik bir zalda təqdim edib. elmi işini bir çox alimə ( deyilənə görə bu alimlər sırasına darvin də daxil olub) poçtla göndərib, xüsusilə pərəstiş etdiyi isveçrəli bitki fizioloqu karl von nageliyə davamlı olaraq bu iş barəsində məktublar yazıb. amma təəssüf ki onun nailiyyəti yalnız ölümündən sonra öz təsdiqini tapıb. Nageli bu məsələyə etinasız yanaşır, mendelin dünya şöhrətli alimdən savayı həvəskar bioloq olması faktı yəqin ki, nagelinin qiymətləndirmə prosesinə təsir edir. mendelə təcrübələri noxud üzərində deyil, qırğıotu ilə keçirməyi üçün təzyiq göstərir. bu isə o qədər parlaq bir fikir olmur, çünki qırğıotu cinsi yolla çoxala bilmir, çarpaz tozlanmır. Mendel təcrübələr davam etdikcə ümidsizliyə düşür və öz gəldiyi nəticədən yavaş yavaş qopur. sonda nageliyə təcrübələri təəssüflə sonlandırdığını yazır, belə də olur- təcrübələrdən əl çəkir, amma bağda işləməkdən yox. xəstə olub heç nəylə məşğul olmadığı vaxtda belə öz bitkiləriylə vaxt keçirir, axı bu sevgi idi onu bu tarixi kəşfə gətirib çıxaran, dərin elmi bilikləri yox. 1884-cü il yanvarın 6-sı Mendel böyrək çatışmazlığından ölür, yerli qəzetdə onun ölümü ilə bağlı işlədiyi monastrın gənc rahiblərindən birinin yazdığı qeyd: xoşxasiyyət, səxavətli və lütfkar.. çiçəkləri sevirdi.

the oa

çıxdığı ildə afişasını ss alıb galeriyada saxlamaqla baxmağı planlayıb, nəhayət illər sonra baxdığım serialdır. hərəsi 8 bölüm olmaqla 2 sezondan ibarətdir. ilk bölümdən sona qədər o qədər gözlənilməyən məqamlar ortaya çıxır ki, nə yazsam spoiler olar deyə çəkinirəm. sadəcə deyə bilərəm ki, "gələcək" və "yeni kəşflər" mövzusunda olub texnoloji inkişafla bağlı olmayan, məncə xüsusilə tibb sahəsində olanlar/ bu sahəyə marağı olanlar üçün əvəzsiz bir serialdır. bəzi yerlərdə yavaş irəlilədiyini iddia edən şərhlər oxudum, qəribədi ki çox da serial həvəskarı olmayan mən üçün əksinə çox axıcı gəlmişdi. maksimum ilk seriyada bir qədər durğunluq ola bilər, 2ci sezon isə ümumiyyətlə monotonluqdan söhbət gedə bilməz. təəssüf ki, yarım qalıb. bu halıyla belə tövsiyə edirəm və baxmayaraq ki, mən başlayanda serialın yarım qaldığını bilmirdim, amma bilsəydim də baxmağa dəyərdi.

tək yaşamaq

hardasa 3 il əvvəl tək yaşamağı xəyal edirdim. yeni evə köçəcəyimi bilirdim, ama tək köçməyim ehtimalı o vaxt heç yox idi, yəni reallıqdan uzaq bir xəyal idi mənim üçün. ama elə alındı ki istədiyim yerdə, düşündüyümdən də qəşəng bir evdə tək yaşayası oldum. burda yaşadıqca yadıma düşdü vaxtıykən bunu arzulamağım, əslində sadəcə indiki həyat tərzimə daha uyğundu deyə lokasiyamı dəyişdirmişdim. normalda da tək vaxt keçirməyə üstünlük verən biri olaraq yalnız hiss edəcəyim ağlıma gəlməzdi. boşluqdayam elə bil, heç nə həzz vermir. günün az hissəsini evdə oluram əslində, gün ərzində çox insan içində oluram. yenə də o ki evə gəlirsən oturub telefonda məşğul olursan, onda o biri otaqlardan qab-qacaq, nəbilim televizor səsi gəlmir. tənhalığı onda hiss eliyirəm. mən ailəylə qalanda olurdu ki kitabımı götürüb gedib otururdum qonaq otağında, hansındaki atam tv izləyirdi. otağımda tək oturub oxumaqdansa, iş otağında sakitçilikdə oxumaqdansa atamın yanında olmaq daha yaxşı hiss elətdirirdi. o vaxt bunları sorğulamırdım, düşünmürdüm ki tək yaşasam bunlardan məhrum olacam. indi çox darıxıram. əslində məsələ məhz ailə deyil, yurtda otaq yoldaşıyla qaldığım da olub. o da tək yaşamaqdan yaxşıdı. tək yaşamaq xəyal etdiyiniz kimi deyil- moral of the story -*

vagina

kişi cinsiyyət orqanından fərqli olaraq steril olmayan nahiyə. öz mikroflorası var. təbii doğuşla dünyaya gələn körpənin mikroblarla ilk təması ananın vaginasından keçdiyi zaman olur. kesr kəsiyi əməliyyatının mənfilərindən biri kimi qiymətləndirilən bu hadisə (kesrdə uşaq birbaşa xaricə mühitə çıxarıldığı üçün) sonralar uşağın immuniteti, autoimmun xəstəliklərə və infeksiyalara yoluxma meyilliliyi kimi bir neçə situasiyaya yön verir.
öz mikroflorası olması səbəbindən vaginanı sabunla yuyaraq sterilləşdirməyə çalışmaq ümumən düzgün deyil, disbakterioz yaratma ehtimalı yüksəkdi. vulvanı yuyarkən də irritasiya yarada biləcək vasitələrdən uzaq durmaqda fayda var, istifadə edəcəyiniz vasitəni seçərkən diqqətli olun. normalda işlətdiyiniz hər hansı bir sabunla yumaq xoş olmayan nəticələrə gətirib çıxara bilər

feromon

həmçinin eyni mühiti paylaşan, yaxın olan qadınların menstrual tsiklini də sinxronlaşdıran bir maddədir. bacımla həmişə eyni vaxtda menstruasiya olmağımıza çox əsəb olurdum, evdə nə ped tapılırdı nə ağrıkəsici. yaxın podruqalarımla da eyni vaxta düşməyini qəribsəsəm də təsadüfdü deyib keçirdim. bu məlumatı öyrənəndən əməlli aydınlanma yaşamışam -* bir dəfə bir rəfiqəmlə eyni otaqda qalıb hətta otaq xarici də demək olar səhərdən axşama bir yerdə vaxt keçirdiyimiz bir period olmuşdu. ilk həftədəcə ikimizin də tsiklində pozulma oldu, dengem şaşmışdı necə deyərlər -*

düşün ki o bunu oxuyur

ankaradan da zəhləm gedir, boş keçən günlərdən də, təsadüfən eşitdiyim mariah careynin my all mahnısında səni xatırlamaqdan da. çox gülməli. məncə beynim sadəcə boşluqları doldurmaq üçün səndən istifadə edir, çünki i wouldn't give my all for your love. son vaxtlar dadandığım blonde latteni bugün yenə americanoyla əvəzlədim, nə deyirsən, səncə də nələrinsə qayıdışına işarə olar bu? çox da vacibiydi elə. nəsə çox atarlı olmuşam son vaxtlar, deyirəm bu türklərdən keçdi mənə. hər şeydə bir söz atmaq, triplənmək. bir fincan almaq istədim hamısının üstündə dəxlisiz sözlər yazılıb. sənə danışardım hamısını, əsəbimi pozan hər şeyi elə günündəcə yazardım sənə. bilirsən necə darıxıram, bütün doğma hesab elədiklərimlə əlaqəni saxlamağa çalışırdım. sən istisna. arada yadıma düşürdün, ama keçirdi. sonra yenə düşdün, bugün, ama keçənə oxşamır bu dəfə. çox da fərqi yoxdu, onsuz mənə elə gəlir çox yox 1il sonra bu yazdığıma gülməyim gələcək. açığı elə indi də gəlir. sadəcə ehtiyacım var kimisə düşünməyə, nəsə hiss etməyə. bugün səni düşünürəm, oxumazsan, xəbərin olmaz yəqin, elə olmasa daha yaxşıdı -*