"Kim bilir?ölmək-axı nə deməkdir?bəlkə insanın yüz hissi var,öləndə onlardan yalnız bizə məlum olan beşi tələf olur,qalan doxsan beşi isə qalıb yaşayır".(bax: anton çexov)
(baxma: albalı bağı)
blok başlıqlarını gizlət
whatsappdan gələn son mesaj
Notice: Undefined variable: thisuser in /var/www/soz6/profilson.php on line 166
(baxma: albalı bağı)
türkiyədə canan karatay bizdə də rəşid mahmudov.hər mövzuda fikri var.koronavirus haqda danışıb indi də.necə də hər mövzu haqda belə “bilikli” kimi danışırlar e.öz işindən başqa hər şeyi bilir.mühazirəyə hazırlıqsız gəlib dəqiqəbaşı allahdan danışan adamdı ama heç kimə bu maraqlı deyil.
bugün pişiyimiz özünə sevgili tapdı.tək qalmışdı həyətdə indi bir yerdə ora-bura qaçırlar -* özüm sevgili tapsam bu qədər sevinməzdim -*
videolarının izləyicilərdə ekzistensial krizis yaratmasını nəzərə alıb 2017də optimistik nihilizm adlı video hazırlayıblar.açığını deyim,2013dən mövcud olan bu kanalla 2017də hazırlanmış bu video sayəsində hələ təzə tanış olmuşam.bu kanalla əlaqəli və ya əlaqəsiz ekzistensial krizis keçirən hər kəs üçün bir növ işıq ola bilər.psixoloqumun dedikləriylə eyni şeyləri deyirlər demək olar ("hər şeyin mənası olmaya bilər,amma tam əks perspektivdən baxsaq hər şeyin bir o qədər mənası var" "canlı olmaq,kainatın bir hissəsi kimi mövcud olmaq bizə daha çox kəşf etmək, bütün hissləri,həzləri dadmaq imkanı verir") amma bunu daha effektiv və digər videolarının da sayəsində bir "bütün" halında təqdim ediblər.baxmaq istəyənlər üçün həmin video:
(youtube: 
)
)
“Momo və ya zaman oğrularının və oğurlanmış zamanı insanlara geri qaytaran uşağın qəribə hekayəsi” alman yazıçı Michael Endenin məşhur əsəri.
Hələ də ara-ara bu əsəri uşaq kitabı adlandıranlarla rastlaşmaq mümkündür,bu isə həmin insanlar üçün çox məyusedici vəziyyətdir.şəxsən düşünmürəm ki,kimsə bu kitabı oxusun və nəsə əldə etməsin.məşhurluğuna rəğmən oxumayan və hətta bir şans belə vermək haqda düşünməyənlər üçün bir neçə oxuyarkən altını xətlədiyim hissələri yazıram,bəlkə maraq oyadar kimdəsə;
-“ Bax,Momo,bilirsən nə baş verir?Bəzən qarşıma upuzun bir küçə çıxır.Elə bilirəm axırı yoxdur.
O zaman tələsməyə başlayırsan.Getdikcə daha sürətli..Hər dəfə qabağına baxanda yol qısalmır.Daha sürətli,daha əzmli,daha qorxuyla çalışırsan,sonra nəfəsin kəsilir,gücdən düşürsən.Küçə isə qarşında uzandıqca uzanır.insan belə etməməlidir.
Küçəni bütünlüklə görüb düşünməməlidir.Həmişə sonrakı addımı,sonrakı nəfəsi və sonrakı süpürgəni..Həmişə bir addım sonra nə olacağını.Yalnız o zaman zövq ala bilərsən.
Bir də baxırsan,addım-addım bütün yolu bitirmisən.Bunun necə olduğunu anlamadan və yorulmadan.Vacib olan da budur”.—“ insanlar vaxta qənaət etdikcə,vaxt azalırdı”
-“ Zaman nədir?
Bəlkə,həmişə mövcud olduğu üçün eşidilməyən musiqidir?”
uşaq vaxtından düşünmüşəm ki,intihar edənlər çox bəsit insanlardır,hanısa uğursuzluğa,ya da hansısa insana görə həyatlarına son verirlər,bəlkə də kimdənsə intiqam almaq üçün.o barədə hələ də eyni fikirdəyəm.heç bir uğursuzluq,çıxmaz yol intihar üçün səbəb deyil.və bir kimsə intihardan əvvəl öləndən sonra yaxınlarının reaksiyasını düşünürsə,deməli həqiqətən də bəsitdi.
amma bu hamıya aid deyil.mənim vecimə də deyil arxamca nə reaksiya verərlər,neçə gün ağlayarlar və ya nə dərəcədə təəccüblənərlər.not yazmaram,açıqlama vermərəm.
mənə görə kimsə intihar etmək üçün səbəb gətirirsə,o insan bu barədə elə də ciddi deyil.məsələ intihar etməmək üçün səbəb tapa bilməməkdir.
əvvəllər necəsə başıma bir şey gələr ölərəm düşüncəsi vahiməli,kədərli emosiyalar yaradardı məndə,sonralar tam neytral yanaşdım.son zamanlar isə qeyri-iradi olaraq bir rahatlıq,xoşbəxtlik,daxili sakitlik yaratdığını gördüm.bir neçə dəfə isə hansısa ölümcül xəstəlikdən söz düşəndə içdən içə ona tutulmaq istəmişəm,kimisə maşın vurub deyəndə mənim başıma gəlsə necə olardı deyə düşünmüşəm.intihar etməyin məsuliyyətindən azad olmaq üçün bu yollar həmişə ideal görünüb.
mən bilirəm ki mən yaşasam da ölsəm də dünya dönməyə davam edəcək,bilirəm ki bu saniyənin özündə intihar etməmək üçün heç bir səbəbim yoxdu.amma kaş olardı.mən illərlə yer kürəsində olub bir işə yaramıyıb axırda da heç var olmamış kimi ayrılan bəsit biri olmaq istəmirəm,hərçənd belə hər şey daha rahat olardı.güclü olmaq istəyirəm,ölümün cazibəsinə qarşı ayaqlarımı bərk bərk yerə sıxacaq qədər güclü bir varlıq.
o gün səbəbsizcə belə bir ifadənin varlığı yadıma düşdü və bir neçə saniyəlik əsəb krizi keçirdim.bir kitab oxu (hansı ki oxunması elmi kitablarla müqayisədə su kimi asandı) gəl ol "alim".sonra da başla ağıllı ağıllı özüvü neçə universitet bitirmiş,həqiqətən alim olan bir dinsizə irad tutacaq adam hesab elə.ilham əliyevin sözü olmasın,xəstədilər,dəlidilər,nədilər,deməyə söz tapmıram -*
international emmy awards'da ilk türk kişi aktyor olduğu üçün son günlərdə gündəm olan aktyor.bu qədər gündəm olmağına səbəb hamının sözügedən aktyora duyduğu böyük hörmət və heyranlıqdır.əslinə qalsa,2017ci dildə kara sevda serialı international emmy alan ilk türk serial olmuşdu,bundan əlavə əvvəlki illərdə tolga sarıtaş,özcan deniz kimi aktyorlar da həmin mükafata namizəd olublar.çünki bu bildiyimiz emmy awards deyil,international olanıdır.sponsorlarından biri də ay yapımdır.
haluk bilginerin aktyorluğuna sözüm yoxdu,amma açıq danışaq türk xalqı ölür də şişirtməkdən ötrü.
bu başlıq mənə məşhur 1984 əsərini xatırladır.ən köhnə,ən kasıb mənzillərdə belə son model televizor,smartfon və ya planşet kimi alətlərin mövcudluğu artıq bunların “istək” və “seçim”dən o tərəfə-“məcburiyyətə” keçdiyini düşündürür.cəmiyyətdə insanların özlərinin də xəbəri olmadan belə bir düşüncənin yaranması,özlərini bu alətlərdən əldə etməyə məcbur hiss etməklərinin şüuraltı olmağı bu məcburiyyətin hökumət və ya hansısa orqan tərəfindən tələb olunmasından daha qorxuducudur.
“Biz xaricdə olanda mən hər gün moskva radiosuna qulaq asırdım. Görən bakıda hava necədir. biləndə ki, bakıda hava soyuqdur, mən də üşüyürdüm”.
(bax: gün keçdi)
“dayaz hisslər, adətən, dəbdəbəli cümlələrin altında gizlənir”.
(bax: madame bovary)
(baxma: seksist başlıqlar)
(baxma: flörtü yanlız qadınların etməsi)
(baxma: boş başlıqlar)
edit: başlıq sonradan dəyişildi deyə entrym aktuallığını itirib.
əsəbiləşdirmək səviyyəsi artan sırası ilə;
1)qulaqlıqların dolaşması
2)nazik boyunbağının dolaşması
3)kiçik çantada uzun müddət saxladığın qulaqlıqla nazik boyunbağının bir-birinə dolaşması..
türk dostlarımın çox israrla mənə başa saldıqlarına əsaslansaq; gülməli yox, “şirin” olduğunu düşünürlər.hər bir halda,çox əsəb pozan vəziyyətdir,nə qədər inkar etsələr də bu gülüşün altında bir alçaltma mütləq var,bariz hiss olunur.
əslinə qalanda çox əla seçimdi,çox üstünlüyü var.məsələn mən 7-10 günlüyünə səyahətə gedəndə fikirləşirəm görən özümlə neçə kitab götürüm?qalın kitabları ixtisar eləmək istəyir(çox yer tutmaq,ağırlıq eləmək baxımından),bir tərəfdən də yollarda kitabsız qalmaqdan çəkinirəm.pdf formanı yükləyəndə isə heç bir əlavə yüksüz istədiyin qədər oxuya bilərsən.
di gəl ki gözlərim çox həssas olduğu üçün bu qədər uzun müddət telefona baxa bilmirəm.amma bu cür problemi olmayanlar üçün idealdı.
bütün uşaqlığım boyu frankensteinı həkim yox,həkimin yaratdığı həmin o məxluqun adı bilmişəm.13-14 yaşlarımda kitabını oxuyanda bilmişəm.son zamanlarda da anladığım qədərilə belə zənn edən təkcə mən deyilmişəm,film/kitabdan xəbərsiz ancaq səthi məlumatı olanların çoxu “frankenstein” deyəndə məxluqu nəzərdə tuturmuş.
#288667
alınma sözlərlə varvarizmi ayırd edə bilməyən yazar.
hazırda moda dünyasında “ayaqqabı” deyiləndə ağla gələn ilk ad.illərdir bu sahədəki sarsıdılmaz hakimiyyətinə hamı yanlız heyranlıq duyur,çünki buna layiq olduğu aşkardır.şöhrəti ilk dəfə princess diananın onun ayaqqabılarından geyinməsiylə yayılıb,sonrakı ən böyük faktorlardan biri isə sex and the city serialı olub.
Haqqında Netflixdə 2017ci il istehsalı 1saat 28 dəqiqəlik bir belgesel var-“kərtənkələlər üçün ayaqqabı hazırlayan oğlan”,modaya marağı olan hər kəs üçün estetik baxımdan doyurucu bir filmdir.belgeseldə özünün dediyinə görə,ilk kolleskiyasını hazırlayanda ayaqqabılar haqda bir qədər məlumatsız olduğuna görə rezin kabloklar edib və içərisinə polad qoymağı unudub -* Nəticədə,mankenlər dəfilə zamanı yeriməkdə çətinlik çəkib,yıxılıblar.insanlarsa alqışlayıblar,çünki bunu yeni trend hesab ediblər.ardınca isə bu trendə tezliklə qoşulmaq üçün sözügedən ayaqqabılardan əldə ediblər-*
#141900 nömrəli entrydə hər şey çox aydın izah olunub ama bəzi vacib məqamlar və eksperimentin müxtəlif şəraitlərdəki nəticələri haqda yazacam.
deməli,ən vacib hissə budur ki,”müəllim” rolundakı insanlara eksperiment üçün vəd etdikləri pulu əvvəldən ödəyiblər və eksperimenti dayandırsalar belə pulu alacaqlarını deyiblər.üstəgəl də,voltaj artdıqca onlara mikrofondan sadəcə olaraq “davam edin” “eksperimentə davam etməlisiz” şəklində tam mədəni,sakit tərzdə cümlələr qurublar,hədələmə,məcbur etmə olmayıb.
sonradan bu eksperimenti universitetdə,professorların nəzarətində deyil adi bir ofisdə ediblər,yenə eyni şərtlərdə.bu dəfə voltajı axıra qədər artıranların sayı 30% aşağı olub.bu isə onu göstərir ki,insanlar biləndə ki,universitetdə,bir professorun nəzarətində bu işi görürlər onlarda arxayınlıq yaranır.məsuliyyətin onlarda olmadığını bilmək insani hissləri kənara atmağa bəs edir.”mənlik bir şey yox idi,deyiləni etdim” düşüncəsi və bu “deyənlər”ə arxayınlıq.
illər sonra eksperimentin yalnız kişilərlə edildiyini görən insanlar müşahidə olunanların “eyniliyinə” görə nəticələri ciddiyə almayıblar.bundan sonra həmin şeyləri qadınlar üstündə də yoxlayıblar və demək olar əvvəlkindən fərqsiz nəticələr alıblar.bu da cəmiyyətdə mövcud olan “qadınlar daha duyğusaldı” fikrinin heç də doğru olmadığını,hamımızın lazımi şəraitdə eyni qədər vəhşiləşə biləcəyimizi göstərir.
belə bir söz var “sınanmadığın günahın məsumu deyilsən”.yəni “insani” duyğularımıza arxayın olub “mən elə şey etmərəm,insanlıqdan kənardı” və sairə demək absurddur.”mədəniyyət” və “insanlıq” adlandırdığımız pərdənin altında,içimizdə bir yerlərdə bir vəhşi yaşayır,onu hiss edirik,varlığından xəbərdarıq və optimal şəraitdə onu azadlığa buraxmağa hazırıq.
Notice: Undefined variable: user_id in /var/www/soz6/sds-themes/vengeful-light/profile.php on line 1336
blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343