efiopiya

Dünyanın ən qədim məskunlaşma yeri hesab olunur. italyanın hərbi işğalını çıxmaq şərtiylə heç vaxt Avropa müstəmləkəsi olmamışdır. xristiyanlıq isə iv əsrdə aksum krallığı 'nda yayılmağa başlamışdı, ölkənin 62%-i xristiyandı. Ölkə etnik baxımdan çox zəngindi. vətəndaş müharibəsi dövründə minlərlə efiopyalı yəhudi (bəzən beta yəhudiləri adlanırlar) israilə miqrasiya etdilər. uzun müddət davam edən Efiopiya-Eritreya müharibəsindən sonra 1993-cü ildə referendumun nəticəsində Eritreya müstəqiliyini qazanır. Efiopiya qırmızı dənizə çıxışını itirir, ölkə iqtisadiyyatı çökür.
əhalisinin 60%-nin elektrikə əlçatanlığı yoxdu. bu məqsədlə 2011-ci ildə Mavi Nilin üstündə Grand Renaissance su bəndinin tikintinə başlanıldı, amma Misir tikintiyə etiraz etdi. Səbəb isə Nil çayı Misirin 90% su ehtiyacını ödəyir. Misir Efiopiyanın su bəndini tamamladıqdan sonra su axınını idarə edə bilməsindən qorxur. Necə illərdi danışıqlar getsədə ortaq yolu tapa bilmirlər. Son aylarda hər iki dövlətdə bir-birini müharibəylə təhdid edirlər. Əgər müharibə olsa yəqinki tarixdə "Nil müharibəsi" kimi yadda qalar.

unec

Hal-hazırda oxuğum universitet, cahilliyimdən olsa gərək abituryent vaxtı yaxşı araşdırmamışdım. buna görə də xəyallar/həyatlar ifadəsinin son hərfinə kimi yaşadım. Nəisə keçək məsələyə

Əvvəllər universitet el arasında narxoz-pulxoz adlanırdı, rektor dəyişəndən sonra demək olarki tam rüşvət yığışıldı. Ümümillikdə 4 korpusu var - içərişəhər, Gənclik, Semoşka, Nizami. Ən yeni tikilən korpus Nizamidi, əla təmir olunubdu. Ən kiçik isə Semoşkadı ( əvvəllər morq olduğuna dair rəvayətlər var). sosial mediada reklamı güclü olsa da reallıqda təhsil sistemində ciddi boşluqlar var. azərbaycan bölməsi olan fakültələrdə müəllimlərin yaşı 40 və üstü , ənənəvi qaydada dərs keçirlər. dekanlığa müəllim barəsində narazılıq bildirəndə ya yola verirlər, ya da gələn semestr sizə güclü müəllim göndərəcik deyirlər , halbuki gələn semestr həmin fənimiz yoxdu. imtahanlar test üsulunda olduğuna görə əzbərləyib keçirsiz.

Unecin ən yaxşı təhsil verən 3 fakültəsi var - ise , SABAH və TÜDiFAK. bu üçündən başqa digər fakültələrdə oxumaq 4 il vaxt itkisindən başqa bir şey deyil. xaricdə təhsil almış cavan kadrlar bu fakültələrdə dərs deyirlər. tələbələr arasında rəqabət yüksəkdi. imtahanlar yazılı üsülda olur.

xaricdə təhsil üçün Nonerasmus, erasmus , mevlana və ikilili diplom proqramları. yerlər məhdud olur, rəqabət isə həddindən artıq. Əgər iSE, SABAH, TÜDiFAK'da oxuyursunuzsa iştirak şansınız daha da artır.

maraqlı youtube kanalları

(bax: əkinçi )

yeni nəsil azərbaycanlı musiqiçilər

(baxma: tunar manafzade) azərbaycanlı bəstəkar, dirijor, pianistdi. Haı-hazırda Türkiyədə yaşayır.
Cümhüriyyətimizin 102-ci ilinə həsrən möhtəşəm "Azəbaycanım" bəstəsi vardır.
https://www.youtube.com/watch?v=D-acMgpLsOU
(baxma: abuzar manafzade )Balaban Concerto'sunun müəllifidir.
https://www.youtube.com/watch?v=aPNJiIRCFjY

izlənilməli netflix serialları

(bax: Messiah)

bakıda liftdə 48 dəfə bıçaqlanıb öldürülən qadın

Son dönəmlərdə qadın cinayətləri həddindən artıq yayılıbdı. Facebook'da xəbər saytlarında 1-2 gündən bir hansısa rayonda amansızlıqla qətl edən qadınların xəbərlərini oxuyuram. Belə cinyətlərin səbəbi həmişə niyəsə qısqanclıq zəmnində olur. Məni sarsıdan və məyus edən fakt isə fb'da insanların çoxunun "günah həmişə öləndə olur", " deməli nəsə edibdiki kişini bu həddə çatdırıbdı", "yaxşı at özünə qamçı vurdurmaz" kimi cümlələrlə belə cinayətlərə haqq qazandırılmasıdır. Belədə ki ölkənin sevilən, minlərlə fanatı olan Manaf Ağayev'in efirdə açıq-açıq "bir kəlmə sözlə arvadın başın kəsərəm" cümləsini işlətməyindən ölkə də qadına qarşı zorakılığına, cinayətlərinə nece haqq qazandırıldığını yaxşı başa düşmək olar. Aparıcı Mətanət efirdə "Qadın hansı həddə çatdırmalıdıki Manaf ona el qaldırsın" sualını verərək qadına şiddəti təbliğ edir. MTRŞ və digər qurumlar isə məsələyə qarşı səsiz qalırlar.

(youtube: )

şuşa

Şuşa mənim dədə-baba yurdumdu. Ona görədə Şuşa deyəndə çox fərqli hislər keçirdirəm. Mənə uşaq vaxtı danışılan nağıllar, hekayələr Şuşayla bağlı idi. Şuşa, Atlantis kimi nağıllarda var, reallıqda isə yox kimidi. Natavanlıyla, Süleyman Sani Axundovuyla, Üzeyir Hacıbeyovuyla, Bülbülüylə, Cıdır Düzüylə, Şuşa Qalasıyla məhşur olan Qarabağın incisi - Şuşa....
Nənəmin danışdığına görə Şuşadakı əhali sudan məhrum idi, Xanqızı Natavan öz hesabına saxsı qablardan istifadə edərək hər məhəlləyə su çəkilmişdi. ilk su erməni məhəlləsinə çəkilmişdi. Hər məhəllənin öz bulağı var, saxsı qablara görə də su bumbuz gəlirmiş.
Bügün bu entryini yazmaq səbəbim gecə saat 4:04'də erməni xəbərlərində Dağlıq Qarabağa yeni "prezident" olaraq Arayik Harutyunyan adlı şəxs seçildiyi xəbərini oxumağımdır. Paşınyan çıxışında Dağlıq Qarabağın müdafiəsinin və təhlükəsizliyinin daha da artılacağına söz veribdi. Son olaraq paytaxtı Xankəndindən Şuşaya köçürmək qərarı alıblar.
Bizim bu 28-ildə "Gələn il Çıdır Düzündə keçirdərik" sağlığın başqa heç bir siyasi nəaliyyətimizin olmamığı isə sadəcə utancdan başqa bir şey deyil. Günbəgün tariximiz, nəslimiz, kökümüz silinir. Tanımadığın insanlar sənin öz əllərinlə tikdiyin evlərdə yaşayırlar, açıq verərcəsinə sosial şəbəkələrdə paylaşırlar. Sənin əlindən heç nə gəlməməyi insana çox pis qoyur. Hələ də Şuşa dəyəndə gözü dolan 81 yaşında babama ümidlər verməkdən başqa əlimizdən heç nə gəlmir. Nəbilim ey, ağır dərtdi qardaş.....

Edit: nə vaxtsa bu entryini edit edəcəyim ağlımın uçundan keçməzdi. Azərbaycanın mərd, igid oğullarının qanı bahasına Şuşa 28-ildən sonra erməni işğalından azad oldu. qarışıq hislər keçirdirəm, kaş hər şey tamam fərqli olardı. allahdan şəhidlərimizə rəhmət, qazilərimizə tezliklə şəfa, əsgərlərimizə zəfər və can sağlığı diləyirəm. kaş babam gözəl Şuşasının azad olunmağını görərdi.