Son yazılanlar
div çıxmış adam. qardaş, nə danışırsız siz? ay pis olmayıb, ay vecinə deyil anasının ölümü... adamı sındırmaq üçün dəfnə buraxıblar, onda da gah iki saat, gah üç gün deyiblər, lap emosiyaları ilə oynayıblar ki, çıxsın çöküb ağlasın, nazirlər də orqazm yaşasınlar. adam divdi e, div. adı nədir bunun, bilmirəm. kimdə ki, o möhkəmlik yoxdu, başa düşə bilmir mehmanı, başlayır söyməyə.
əjdaha diapazonu olan musiqiçi. bir ara xatirə islamın əlinə düşdü, "ahmet kaya kimi oxuyan adam" olaraq verilişlərə çıxarıldı. qəribim də təriflərdən cuşa gəlib başladı ahmet kaya kimi oxusun deyə səsini bərbad hala salmağa. elə qısa vaxtda da ulduzu söndü.
edit: bundan əvbəlki entrini də üç il əvvəl mən yazmışam sən demə. gör necə iz qoyub məsələ
eleni karaindrouya və yaxın keçmişə
)
(baxma: sahibəz zaman)
sözlükdə ümid işartıları verən yeddinci nəsil yazar. xalxın uşağı. formatı da tez qavrayıb, başlayıb yazıb-tökməyə.
(baxma: ragnarokdan sağ çıxan azərbaycanlı kimi ol)
dəmiryolçu qıza
gəncə şəhərinin dəmiryolçular qəsəbəsində doğulub, böyümüş şairin ozon qoxulu romantikası.
heç kim bilməyəcək
o kobud əllərinin incə toxunuşlarını,
heç kim dadmayacaq
qalın dodaqlarının dəri üstündəki utanmaz rəqsini,
heç kim eşitməyəcək
lokomotivin ikinci qarajındakı səssiz hıçqırıqlarını,
dəmiryolçu qız...
bir mənəm səni tanıyan,
təsəvvür edən,
yazan.
sən olmasan da...
bu şeir səni sığallasın deyədir, dəmiryolçu qız,
sənə yumşaq olsun deyədir.
mənim didərgin olduğum şəhərə aparan polad relslər
sənin sərt əməyinin nəticəsidir.
o şəhər ki, sənin sərtliyinə biganə,
mənim yumşaq sətirlərimə yad.
sən nə acı mənzərələr görmüsən, dəmiryolçu qız,
o yollarda nə qədər nikbinliyin yıxılıb qatar altda.
o qatarlar ki, vağzalda dayananda
altından keçən məktəblilərin ağ köynəyini mazutlar.
sənin bir vaxtlar ağ olan əllərin kimi.
o şəhərdən sonra yaza bilmirəm, dəmiryolçu qız,
avaralığımı orda qoyub gəlmişəm.
lokomotivin üçüncü qarajında.
tap ordan,
özünə bir şeir götür,
mən daha yaza bilmirəm.
aşığın "dalay" ı qurtaranda "dəmir-dəmir" deyərmiş.
son bir aydır mysql sistemi zibil kimi işləyən serverdir. cana gətirib day. ftp qoşulması da sürünür. bu gedişlə hostgatora keçəcəm.
edit: elə bilirdim bura yazsam düzələcək, amma düzəlmədi
indicə status yazdım bununla bağlı, dostluğumdakı geniş qəlbli bir nəfər bu saytı atdı: musicforprogramming 
möhtəşəm işdi
#220681 -dəki şeirə misraardı
)
vivaldiyə, "incil" ə və ölmüş xristian dayıma
"matta" da neçə fəsil var?
arada çaşır adam.
incil ən müqəddəs kitab,
vivaldi məşhur adam.
saxla "yay sonatası" nı,
bu gecədən qoş "payız".
bu il nəsə çox yubanıb,
tüfeyli, sərxoş payız.
heç çatmadı bu il bizə
uca ruhun xaçı da.
dünəndən yarpaq tökübmüş
qonşunun ağacı da.
həvarilər iş görübmü
soyuğa hazır, əmin?
vivaldi, üçüncünü ver,
payız qoydu qədəmin.
bir kişi əl açıb göyə,
əli üfürür payız.
kişi vəhy aldı sanır,
gizlincə gülür payız.
tozlu maqnitafonunun
kişi basır düyməsin,
vivaldi hövlnak oyanır,
icra edir bəstəsin.
uzanır kişi yatağa,
yaxınlaşırıq həmən:
ata, oğul, müqəddəs ruh,
vivaldi, payız və mən.
elmə çox ciddi töfhələr verməsinə baxmayaraq "azərbaycana nə verib" sualı ilə "neprav" çıxarılan alim.
bir kasıbın balasının qarnını doyurubmu? fitrə çıxarıbmı? ameada illərini avaraçılıqla keçiribmi? kitab yazıb, ön sözündə heydər babanın ruhunu izzətləndiribmi? qeyri səlis məntiqin ideyasının qurandan bəhrələndiyini bəyan edibmi?
əlbəttə yox. o dünya insanıdır. ən azından bu arqumenti, onu konservativ düşüncəli həmvətənlərimizə qarşı müdafiə edərkən deyirik.
amma lütfi zadənin azərbaycan üçün nəsə etməli olması fikri ilə onun ölümünə yaxın azərbaycanla bağlı dedikləri eyni məntiqin nəticəsidir. hərfi mənada qeyri səlis məntiqin.
adam deyir ki, ilham əliyev diktator deyil, yaxşı liderdir, rüşvət azərbaycan xalqının mədəniyyətidir, demokratiya qısıtlı olmalıdır və s.
indi, a dünya insanı, sənə lazım idi azərbaycanda dəfn olunmaq? yaxşı deyək ki ölümü hiss elədin, sentimentallıq vurdu o "fındıq" başına, olmayan yerdən vətən xiffəti çəkdin... bəs heç vaxt birgə yaşamadığın xalq haqqında niyə fikir irəli sürürsən? tamam, bunu da qəbul eləyək hardasa ki, bir səhvə düşüb önyarğı eləmisən, ofşordan, guardiandan xəbərin yoxdur, ilhamı yaxşı lider olaraq görürsən. bəs söz azadlığı ilə bağlı niyə gicləyirsən? gərək amea-da avara alim olaydın, kitab yazanda orda kimlərəsə tərif yağdırmalı olaydın, yuxarılara rüşvət verməkçün aşağılardan yığaydın? əlbəttə onda azərbaycan üçün nələrsə etmiş sayılacaqdın, heç kim də sənə "fındıqbaş" deməyəcəkdi.
(bax: mətbuat katibinin lütfi zadə açıqlaması)
(bax: sözlükdəki ərgənlər)
ifşa edilib, trollanmaları üçün açılmış başlıq. fərqi yoxdu bu ərgən 17 yaşındadı, ya 30. beyni yetişməyibsə format daxilində biz sıxaq heç olmasa. zatən timidus dünyanı fırlanır, o biri moderatorlar da baxmırlar kim nə yazır.
bəsdi də ala ömrümüzə oturduz. format da hərləmirsiz, baxan da yoxdu. gedin tvitterdə orxan ata favlayın da ala. hiss eləmirsiz ki bura sizlik deyil? nə məcburdu axı yazırsız? əsəbləşəndə gedin sızanaqlarınızı sıxın da, burda niyə üfunət yayırsız?
birincisini mən verirəm, istəyən nikaltısında yazsın ürək sözünü.
(bax: ölü götün qənimi)
#259893
#259703
#259696
və s.
online photoshop kimi tanınsa da, əslində çox da funksional olmayan photo editor. əsas yaxşı tərəfi layerlər arasında rahat işləyə bilməkdi.
sözlükdə ikinöqtə və bağlanan mötərizə işarələrinin kombinasiyası ilə ulduz şəklində görünən və haşiyədə "glş" olaraq yazılan zad.
komediya, ironiya, istehza, manipulyasiya və s. səbəblərdən yarana bilir.
qəhqəhə, təbəssüm, hətta mücərrəd halı mövcuddur.
haşiyə: mücərrəd halının konkret adı yoxdur. səssiz ünsiyyət; yazı ünsiyyəti zamanı ortaya çıxır. məsələn, bir nəfər sənə yazdığı mesajda gülməli zarafat eləyir. təbəssüm edəcəyin və ya qəhqəhə çəkəcəyin qədər gülməli olmur. sadəcə xoş bir zarafat olur. o an içində nəsə gülümsəyir, amma bu, əsla gülüş deyil.
gülüş etiraz metodu da ola bilər, yaltaqlıq ifadəsi də. amma hər halında əsaslı meyardır. bir insanın nələrə güldüyü onun haqqında çox şey deyir. bu şəhərdəyə gülən adamla cem yılmaza gülən adam arasında uçurum var.
satira gülüş doğura bilər. amma mirzə ələkbər sabirin
ağlarsa uşaq dərdinin axtarma davasın,
ancaq söy anasın.
misralarına gülən adam, əlbəttə, çox ağır avaradır. bu yerdə gülüş çox incə meyardır. adam var ki, "pəncərə" filminə baxır, uşaqların mələdiyi səhnədə qəhqəhə çəkir. başa düşürsən ki, sən bu adamla o qədər uzaqsan ki, əlavə müşahidəyə gərək yoxdur.
qara yumora olan reaksiyamız, bu sahədə psixologiyamızın çatdığı çağdaş nöqtədir. yəni gülüş, mücərrəd təkamül keçən şeydir. gələcəkdə insanlar nələrə necə güləcək, bunu təsəvvür edə bilmərik.
müxtəlif mədəniyyətlərdə belə insanlar tamam fərqli şeylərə gülürlər. dəyişməyən təkcə uşaqların gülüşüdü. şərq fəlsəfəsinə görə öz içində məhz onu tapmalısan. mənə görə də belədir. amma şərq fəlsəfəsi daha yaxşı referansdır.
bu dediyimə mücərrəd olaraq güldüz? bəlkə də, smaylik qoysam gülərdiz. amma sözlükdə qadağandır.
8 layihəyə təklif verib, hələlik heç birindən cavab almadığım sayt. amma trafikdən bəllidir ki, üstünə düşülsə, məlumalar yaxşı doldurulsa yaxşı məbləğlər qazanmaq mümkündür.
bir yerə qədər "mən niyə strateji düşünə bilmirəm" deyə özünüzü qınayacaqsız. amma əzminizi itirmədən çoxlu praktika eləsəz, zamanla özünüzdə olan dəyişikliyin möhtəşəm həzzini görəcəksiz.
bu ümumi məsləhət.
mənim məsləhətimə gəlincə isə: udmağa çox konsentrasiya olmayın. domino məntiqiylə yanaşmayın. hər gedişin önəmi yüksəkdir şahmatda. konkret nəticəyə qaçmayın. şahmat mərhələli, şaxəli prosedurdur. azərbaycan müxalifəti əzmiylə mübarizə aparın.
deniz tekin - " bir bilebilsen" (müslüm gürses cover)
dəhşətdi e, çox dəhşətdi.
)Son bəyənilənlər
