bir qızın lezbiyan olduğunu anlama yolları

(bax: bir oğlanın gey olduğunu anlama yolları)

bir oğlanın gey olduğunu anlama yolları

Bu söhbətin başını buraxın, gənclər. Çox fobik hərəkətdir, entrylərdən məlumdur ki, feminin hərəkətlər edənləri gey olaraq təyin edirlər. Ümumiyyətlə siz başqasının orientasiyasını niyə təyin edəsiniz axı? Heç üsulunuz da qarantiyalı deyil ki. Ən salamatı bu qədər maraqlanırsınızsa, özündən soruşun. istəyir gey olsun, ya olmasın, sizə bəyanı nədirsə elə də adlandırmağınız kifayət edəcək. Sjwlıq olsun deyə demirəm, üsulunuz həqiqətən effektiv deyil.
Məsələn mənim bir tanışım var, adam oturub saatlarla vor söhbətləri edir, konkret qaqaşdır, mən istəmirəm partnyorum işləsin - filan. Düşünün, adam müharibəyə gedənə qədər sevgilisinə (homo-cütlükdürlər) işləməyə icazə vermirdi. Çox heteronormativlərlə dolu bir həyat yaşayırlar. Bizimlə danışanda çox qıydır ha, di gəl ki, ona publikdə "geysən?" Desək ağzımızı sikər.

Çox yaxın bir dostum isə feminindir və cis-hetero kişidir. Özü də çox möhtəşəm insandır, üzünə "petuxsan" desən tək cavabı "sənə nə?" Olacaq. Məsələn bu iki insanın yerinin dəyişməsini istəyərdim, gül kimi uşaqdır, di gəl ki, heterodur da kxxx.


Bilmirəm insanları müqayisə etmək nə dərəcədə doğru idi, sadəcə misal olaraq göstərdim. Nəm əşşi, həyatdır da.

hüseynbala mirələmov

femkulis səhifəsi, fikrimcə, bu mövzunu qısaca təhlil edib;
Eks-deputat Hüseynbala Mirələmovun katibəsinə seksual xarakterli hərəkətlər etməsi son günlərdə müzakirə mövzusuna çevrildi.

Yayılan videoya əsasən insanların münasibəti iki qurupa bölünür:

- Razılıq söhbətləri ilə ayrı-seçkiliyi legitimləşdirənlər;

-Bunu seksual qısnama adlandıranlar;

Birinci qurupun iddiasına əsasən ortada heç bir ayrı-seçkilik, qısnama yoxdur. Çünki zorakılıq olması üçün razılıq olmamalıdır və iddia edir ki, qadının gülməsi razılıq əlamətidir.

Hədəfi yayındırmağa çalışan irtica, iş sahəsində yaranan kişi üstünlüklü iyerarxiyada genderi qadın olaraq təyin edilən şəxsin imtiyazsızlığından istifadə edilərək akt ilə razılaşdırılır.

Bu qısnama ilə üzləşən şəxsin maddi-asıllığının olması, aktı edənin imtiyazlarının çox olması (Azərbaycanda vəzifə və ya maddi imkanı olan şəxslərin hüquq sisteminə bir başa müdaxilə edə bilməsi, reputasiyası olan şəxslərə cəmiyyətin inamının daha çox olması, qadınların bu tip qısnama hadisələrində "şərait yaratmaqla" itdiham edilməsi) zərərçəkəni çarəsiz hala salır.

Belə ki, nəticədə zərərçəkən şəxs susmağa məcburiyyətində qalır.

Qanunlara istinad etdikdə biz bu kimi hallarla rastlaşdıqda nə edə bilərik?

-Bu qısnama ilə bağlı fakt toplamaq
-Qısnama ilə əlaqədar polisə müraciət etmək

Cinayət Məcəlləsinin 151-ci maddəsinə əsasən (Seksual xarakterli hərəkətlərə məcbur etmə) əmlakının məhv edilməsi, zədələnməsi və ya götürülməsi hədəsi ilə və yaxud zərərçəkmiş şəxsin maddi və ya sair asılılığından istifadə etməklə onu cinsi əlaqəyə girməyə, uşaqbazlığa və ya seksual xarakterli digər hərəkətlərə məcbur etmək bir ildən üç ilə dək azadlıqdan məhrum etmək və ya bir ildən iki ilə dək islah işləri görmək ilə cəzalandırılır.

kuir incəsənət festivalı

nəfəs lgbt Alyansının təşəbbüsü ilə
Kuir incəsənət Festivalı Bakı onlayn sərgi keçirib. Festival onlayn sərgisini təşkil etmək üçün müxtəlif alətlərlə işləyən 8 fərqli sənətkarı bir araya gətirərək kollektiv onlayn sərgi yaradıb. Sərginin əsas mövzusu “Kuir x Azərbaycan: Bədənim, Şəxsiyyətim, Mirasım, Mühitim” adlanır.
Hər alt kateqoriyada sənətkarlar mövzunu LGBTi+ və feminizm perspektivində araşdırıb və əsərlərin mövzuları yerli kuir və feminist icmaların üzləşdiyi problemlərlə əlaqəlidir.

Yerli sənətkarların işlərini görmək üçün: link

gender bələdçisi

LGBTiQ+ mövzularını işıqlandırmaq istəyənlər üçün Azərbaycan dilində gender haqqında ümumi anlayışlar barədə kitabçadır.

Bələdçi cins və gender arasındakı fərqi, gender kimliyini, cinsi orientasiyanın onlardan fərqini, gender özünü ifadə dövrünün mərhələlərini, formalaşmasını, gender rollarını, sterotipləri əhatə edir, mövzunun hüquqi tərəflərinə toxunur.

Qeyd: kitabçada bir neçə dəyişiklik də olunmalıdır; 7-ci səhifədəki "interseksuallıq" ifadəsi yerinə "interseks" yazılmalıdır, 8-ci səhifədəki "transseksual" sözünün yerinə "trans" yazılamalıdır. Qalan gördüyüm hər şey zordur.

Kitabçanın linki: link

heyvanlar üzərində təcrübə aparmayan firmalar

PETA tərəfindən hazırlanan "Bunny-free" adlı bu tətbiqlə bir çox məşhur məhsulun cruelity-free olub-olmadığını öyrənə bilərsiniz. Həmçinin özünüz də haqqında məlumat bildiyiniz məhsulları əlavə edilməsini təklif etsəniz çatımlılığı birgə artıra bilərik. Aşağıya android üçün yükləmə linki yerləşdirirəm. Eyni adla iOS-da da tapa bilərsiniz.

Android üçün: link

azərbaycanın eurovisionda təkrar qalib olması

Ümid edirəm ki, sadəcə xəyal olacaq bir düşüncədir. Reallaşsa belə söhbət qətiyyən "ədalətli musiqi seçimi" olmayacaq. Başdan-ayağa son illərdir ortaya qoyduğumuz iş tolerantlıq klounadası yaratmaqdan ibarətdir. #323103 nömrəli entrydə və blogumda azərbaycanın etməyə çalışdığını öz gözümdən yazmışdım.

Xaricilərin musiqi haqda düşüncələrini isə çox uzağa getmədən redditdəki bu paylaşımla görə bilərsiniz;

from

heyvanlar üzərində təcrübə aparmayan firmalar

Daha əvvəl azərbaycanda olan cruelity-free firmaları göstərən bir səhifə var idi, təsssüf ki, artıq bağlanıb. Çox istəyərdim ki, sizinlə bölüşüm, amma onun yerinə ən yayğın məlumatı bilməyənlər üçün təkrar paylaşım;
Heyvanlar üzərində aparılan təcrübələrin əksəriyyəti kosmetik məhsulların tərkibindəki maddələrin dəriyə və gözlərə zərər vurub-vurmadığını aydınlaşdırmaq məqsədilə həyata keçirilir. Bu təcrübələr zamanı ən çox istifadə olunan heyvan dovşandır. Dovşanlara heç bir ağrıkəsici vermədən zəhərli maddələri gözlərinə tətbiq edirlər və heyvanlar da xilas olmaq məqsədilə ağrılar içində qaçaraq özlərini qəfəsə çırpırlar. Nəticədə, dovşanların boyunları və onurğaları qırılır və ağrılar içində can verirlər. Bir digər təcrübə isə kosmetik məhsulun daxilə qəbul edilməsi təqdirində onun verdiyi zərərin aydınlaşdırılması ilə bağlıdır. Bu təcrübə zamanı heyvanlara ölənə qədər zəhərli maddəni zorla yedirdirlər və nə qədər zərərli maddənin həmin heyvanı öldürdüyünü aydınlaşdırırlar. Dəhşətli təcrübələrdən biri də kosmetik məhsulların hamilə insanlara və bətnindəki körpələrinə təsirini ölçmək üçün istifadə olunan təcrübədir. Bu təcrübə zamanı hamilə dovşanların bədənləri kəsilərək balaları çıxarılır və maddələr onlara tətbiq olunur. Bütün bu təcrübələr zamanı heyvanlar ac, susuz, ağır şəraitdə qaranlıq qəfəslərdə saxlanılır və qəfəsdən kənara yalnız təcrübə üçün çıxarılır. Heyvanların çoxu ağır psixoloji travma alır. Onlar təcrübələrdən sağ çıxa bildiyi təqdirdə yenidən ağır təcrübələrə məruz qalırlar və bu döngü heyvanlar həyatlarını itirənə qədər davam edir. Bu təcrübələr zamanı onların dərilərində sağalmaz yaralar, yanıqlar əmələ gəlir. Bu yaralar sağalmadığı zaman heyvanlar diri-diri öldürülürlər. Sağalan heyvanların üzərində isə yenidən təcrübələr aparılır. Əslində "cruelity free" və "vegan" firma anlayışları fərqlidir. Heyvanların istismar olunmadığı firmanı seçmək üçün məhsulumuzun iki tələbə də cavab verməsi lazımdır.




Yuxarıda paylaşdığım "cruelity-free" loqolarıdır. Bəzi məhsullar bu standarta cavab versə də loqo ya işlətməyiblər, ya da təsdiqlənmə səbəbinə görə loqoları yoxdur. Bu zaman həmin firmanın saytından və ya dəstək xidmətindən bu haqda maraqlanmaq mümkündür.



Bu isə məhsulun təsdiqlənmiş şəkildə veqan olduğunu göstərir (və ya digər tərzdə "veqan" yazı, loqoları ilə). Məhsul veqan olsa da loqodan istifadə edilməmiş də ola bilər. Bu təqdirdə tərkib hissəsinə göz gəzdirməyiniz kifayətdir.

Bu paylaşımda isə azərbaycanda yayğın olan və "veqan & cruelity-free" standartına cavab verən firmaların bir neçəsi ilə tanış ola bilərsiniz; link


Xüsusi qeyd: hazırda "love by veganazer" adlı veqan mağazadaki bütün məhsullar tam eko dostu və cruelity-free & veqandır.

Xüsusi qeyd 2: instagramda "@vegancosmetics_de" səhifəsindən bütün veqan & cruelity-free makiyaj məhsullarını ölkəyə gətirmək mümkündür.

sözlüyə yazma səbəbləri

"Twitter"də bir neçə dəfə adını eşitmişdim, nəhayət baxmaq qərarına gəldiyimdə ekşi tipli azərbaycanca bir platforma ilə qarşılaşmağım zor oldu. Şablon sosial media nikimi də götürüb (anonimlik söhbətini - filan düşünmədən qeydiyyatdan keçdim) daxil olan kimi hələ mövzunu tam anlamadan adətim üzrə LGBTi söhbətlərinə başladım. Elə məqsədim də bu idi: yerli dildə per-petux söhbətlər aparmaq.

Birinci dəhşət təcrübəsiz idim də. Heç araşdırmadan birbaşa söhbətə girişməyə əlləşəndə poxunu çıxarmışdım. Hətta başlıqlardan birinə "x nədir?" yazıdığımı xatırlayıram. Çox "kxx" söhbətdir. Bir də niyə ilk gün taphatup (?) Queer mövzularını döşədiyimi də bilmirəm. Əşşi artıq vərdişdir də, qoyasan elə ancaq diqqət qəhbəliyi edim. Bir də gördüm, nikaltıda uje sındırılmışam. Başlığı çat kimi istifadə edib camaata cavab verməmişəm yaxşı ki.

qeyri-binar

Qeyd: bəziləriniz bu termini non-binary kimi eşitmiş ola bilər, "qeyri-binar" isə terminin azərbaycanca ən uyğun qarşılığıdır.

Genderi kişi və ya qadın olmayan insanlar özlərini təyin etmək üçün fərqli terminlərdən istifadə edirlər. “Non-binary” (qeyri-binar) bunlardan ən çox yayılmış, bilinən olanıdır.
Sadəcə iki genderin var olduğu fikri “ gender binary” olaraq adlandırılır, çünki ikililik “iki parçadan ibarət olmaq” (kişi və qadın) mənasını daşıyır. Bu səbəblə, “non-binary” ( qeyri-binar) bu ikiliyə daxil olmayan genderləri təsvir etmək məqsədi ilə istifadə olunur.
Həmçinin genderqueer, agender, bigender və daha başqa terminlər də istifadə olunur.

Daha ətraflı oxumaq üçün link

sally ride

Kosmosdaki ilk amerikalı qadın. 26 May 1951-ci ildə Kaliforniyanın Encino şəhərində Carol Joyce və Dale Burdell Ride-də anadan olub. 10 yaşından bəri tennislə məşğul olub, sonradan Los Angelesdəki Westlake Qızlar Məktəbinə təqaüd qazanıb. gənc tennisçilər müsabiqəsində milli olaraq ilk 20-ci sıraya daxil olub. Orta məktəbi bitirdikdən sonra Pensilvaniyada “Swarthmore” Kollecində təhsilini davam etdirib. Üç aydan sonra kollecin onun üçün daha yaxşı bir seçim olduğunu müəyyənləşdirdi və Stanford Universitetinə yazılıb. 1973-cü ildə fizika üzrə bakalavr və ingilis dilində incəsənət bakalavrını qazandı. 1975 və 1978-ci illərdə fizika üzrə magistr və doktorluq dərəcələrini alaraq Stanfordda təhsilini davam etdirib. 1977-ci ildə Ride Milli Aviasiya və Kosmik idarə (NASA) tərəfindən yerləşdirilən bir qəzet elanına cavab verdi. NASA’nın 78’in sinfinə seçilmiş 5 qadından biri idi. Təbii atletik qabiliyyəti, 1977-ci ildə NASA ilə məşq etdiyi zaman böyük fayda gətirdi. Paraşütlə tullanma və sudan sağ qalma təhsili texniki və elmi təlimatını müşayiət etdi. Challenger STS-7 kosmos gəmisindəki beş heyət üzvündən biri olub. 18 iyun 1983-cü ildə 32 yaşında kosmosdakı ilk Amerikalı qadın və kosmosdakı ən gənc Amerikalı oldu. 5 oktyabr 1984-cü il tarixində Ride başqa bir servis missiyasına – STS-41G-yə keçirildi. Səkkiz gün Yerin elmi müşahidələrini apardı. Həm də servislərin yanacaq doldurma texnikaları üzərində işləyirdi. ikinci missiyasından sonra Ride, 1986 Challenger hadisəsini araşdırmaq üzərində çalışdı. istintaqdan sonra NASA administratorunun uzunmüddətli və strateji planlaşdırma üçün xüsusi köməkçisi rolunu oynadı. 1987-ci ildə NASA-da işləməyi dayandırdı. O, Kaliforniya Universitetinin bir tədqiqat institutu olan Kaliforniya Kosmik Elmlər institutunun direktoru vəzifəsində çalışdı. O, həmçinin San Diego Kaliforniya Universitetində fizik və fizika professoru olaraq da çalışmışdır. Bu müddət ərzində elm və riyaziyyat öyrənmək istəyən qadınlara kömək etməyin yollarını axtarmağa başladı. Daha sonralar Prezidentin Elm və Texnologiya Məsləhətçiləri Komitəsinin üzvü idi və Milli Qadın Tarix Muzeyinin Məsləhət Şurasında işlədi.

Və son olaraq bu qədər həvəslə yazmışamsa deməli içində LGBTiQ+lə bağlı nəsə var da. Bu bomba tarixi həyatı olan qadın homoseksual idi.
Daha geniş formatda oxumaq üçün;
link

təmizqan

Dünəndən etibarən qurulmağa çalışıldığını eşitdiyimiz, azərbaycandaki LGBTiQ+lərə qarşı zorakılıq göstərməyi hədəf tutan qruplaşma. Minority Azerbaijana gələn şikayətlər, hornet platformasında təcili vəziyyət çağırışları və teleqramın rusdilli azərbaycan xəbər qrupunda olunan paylaşımdan belə bir iddia ortaya qalxdı. 2017 və 2019-cu ildə LGBTiQ+lərin polis tərəfindən qaçırılıb aç, susuz vəziyyətdə işgəncələr gördüyünü, polisin il boyu queerlərin haqlarını nə bahasına olsa a qorumadığını nəzərə alsaq xəbərin varlığı belə icmaya qorxu salıb və ciddi bir təhdiddir.

.

bərbad reklamlar

Mütləq ki, kimsə 8 mart ərəfəsində gəlib söhbətin içinə sıçmalıdır. Bu il də maxi.az vacibli vəzifəni yerinə yetirməyi unutmayıb. Videoya baxdıqda qadınları əslində necə görmək istədikləri izah olunur, çarxdaki qaqaşın da üzünü allah kimi bağlayıblar. Başa düşürəm, qohumunuzu gətirib qoymusunuz işə, bəs bu boyda komandada bir dənə ağlı başında adam olmayıb ki, fikir versin?

link

penis ayıblama

(Qeyd: Əslində daha çox dickshaming olaraq bilinir, lakin ifadəni milliləşdirmək istədim. )

Penisin ölçüsünə və formasına görə mühakimə etmək, body-shamingin bir növüdür. Bu shaming növü əsasən cəmiyyətin ayaqlarının arasındaki orqana görə “kişi” olaraq dəyərləndirdiyi şəxslərə, penis ölçüsü zarafatları ilə olunur və əsas funksiyası, həmin şəxsin daha az “kişi” olduğuna dair istinadlarla hücum etməkdir. insanlara görə penis ölçüsü müəyyən bir standarta cavab vermirsə, cəmiyyət üçün “təbii olaraq” utanc verici və gülünc bir şey olur. Çünki penis nə qədər böyükdürsə, o insan seksdə və həyatda qədər uğurlu və güclü olacaq inancı beynimizə yeridilib.

Bunun tək səbəbkarı cəmiyyət də deyil, həmçinin porno sektorudur. Biz porno videolarına baxdığımız zaman “kaçok”, enli kürəkli, bədənini gördükdə “tutub məni divara çırpsın” demək istədiyimiz insanların qırxılmış, yuxarıda verdiyim bütün variantlara uyğun gələn penisə sahib bir aktyorun partnyoru ilə məharətlə sikişdiyini görürük. Onlar elə təssəvvür yaradırlar ki, bu kateqoriyalara uyğun gəlməyən şəxs dönüb özünə “yəqin, mənim penisim sadəcə işəmək üçündür” deyir. Axı bizə həyatımızın hər nöqtəsində o alğı və damğalar verilib. insanları bu şəkildə təsnif etdiyimiz zaman, təcavüzü daha yüksək səviyyədə tuturuq və kişiliyi fiziki güclə əlaqələndiririk. Sonra bu zəhərli kişilik standartına cavab verməyənləri ələ salırıq. Bu, penisli insanları yalan danışmağa və daha da alçaldılmamaq üçün “mən daha yaxşıyam” düşüncəsinə təşviq edir.

Bəzən sizin penisinizin ölçüsünə bir xəritə də tətbiq edərək tabulara soxurlar. Hazırda xəritəni tapa bilmədim, lakin yaşadığın əraziyə görə kişilərin (məhz kişilərin) ortalama penis uzunluqları yazılıbmış. Axı bu lazımsız xəritə niyə var? "Standart"a "cavab verməyən" penisli şəxslərin nə hisslər keçirdiyini təsəvvür etmək istəmirəm daha. Hələ penisləri standartdan kiçikdirsə...

Bu haqda blogda daha uzun variantda yazmışdım; link