cinlər

Gözəgörünməz varlıqlar ierarxiyasında aşağı təbəqə ,qul və nökər statusunda yer alırlar. Ulu atalarının adı Candır. Ağ (yəni xeyirxah) və qara (bədxah) cinlər olur, erkək və dişi cinlər olur. Cinlər öz aralarında ailə qurub uşaq törədirlər. Bəzilərinə vəzifə tapşırılır, bəşəriyyətə ötürülməli olan məlumatı ötürmək üçün insan cildində doğulub yaşamağı bacarırlar insanlar arasında və eyni zamanda pis məqsədlər uğruna sehr,cadu vasitəsilə başqa insanın cisminə daxil edilirlər şər qüvvələrə uyaraq. Suyu çox sevirlər, bir çox erkən orta əsrlər mənbələrində tüstüsüz oddan yaradıldıqları bildirilir , insanın qaladığı oddan isə qorxurlar. Ərəbcə cin sözünün latınca genii sözü ilə kökdaş olması haqda nəzəriyyələr var.

yazılışı yanlış bilinən sözlər

Azərbaycan dilindəki "şillə" sözü "sillə" kimi yazılıb-oxunsa belə, hər iki variant düzdür. Çünki bu sözün kökü Avropa xalqlarının dilindən gəlir. ilk yazılı qeydə alınmış variantı Aşağı German dilində slappe , sonralar German dilində Schlappe sözündən götürür kökünü. ingilis dilində "Slap" sözü 17-ci əsrdən yazılıb-oxunurdu. Azərbaycan dilindəki şillə sözü ilə eyni variantda söz Avropada bircə island dilində qalıb ,o da smella və sla variantında. Slap /Slappe/Schlappe [şlapp] sözündəki p və pp Azərbaycan dilində ixtisara düşüb və şillə variantını əldə edib. Çox güman ki,ilkin variantı şilləp ,şləp olub . Slavyan dillərindən ən yaxını olan Rus dilində "шлёпок" , "шлёпать" "шлёпанцы" sözləri də bu kökdəndir. Şillə sözü german dilindəki schlappe , sillə sözü isə ingilis dilindəki slap sözünə dəng gəlir. Bunun da səbəbi, çox güman ki, Sami dilləri olan ibrani dilindəki şin hərfinin ərəb dilində sin oxunması ilə əlaqədardır (məsələn Şalom-Salam) . Avropa xalqlarının da əlifbalarında Sami dillərinin əlifbalarının rolu olub və ş və s samitlərinin ayrı-ayrı xalqlarda bir-birini əvəzləməsi sami dillərindən qaynaqlanır.

body shaming

Qərb dünyasının icad etdiyi yeni dilemma. Yəni normal çəkili və normal düşüncəli insanların gözü qarşısında dəniz sahilində yarıçılpaq peyda olan 155 kiloluq dayday və ya dar kupalnikli 165 kiloluq xalalara "boooy ,siz necə də yağlanmısınız ! Olmazdı ki,bir az boş kupalnik , yaxud da örtülü gen köynək geyinəydiniz ,ay xala ? " (Mixail Zadornov demişkən ,plyajda o cür xalaları görəndə nimçədə xolodes titrəyişi yadıma düşür.) deməyin qadağan edilməsi. Bu ,əslində , Qərb kapitalist dünyasında depressiyadan əziyyət çəkən və kökələn insanların birbaşa ciblərindəki pullara tuşlanmış qəddar sosial siyasət növüdür, təki depressiyadan əziyyət çəkib kökələnlərə (anormal kökəlmənin əsasında depressiya durur əksər vaxtlarda!)kənardan heç kəs pis baxmasın,heç nə deməsin ,özü axırıncı dəfə güzgüyə baxıb öz ölçülərinin və formasının krizis həddində olduğunu görüb ayılanda psixoloqlara ,dietoloqlara ,bariatrik cərrahlara ,abdominoplastik əməliyyatlara ,fitnes məşqçilərinə ,klublara ətək-ətək pullar töksünlər .

yazarların prezident olacağı təqdirdə edəcəyi islahatlar

1) ilk gündən hamını istefaya yollayacam. Bütün strateji obyektlərdə güclü mühafizə təşkil edəcəm. Un dəyirmanları və çörəkzavodlarından tutmuş meyvə-tərəvəz soyuducu anbarlarına qədər.
2) yerli toxumçuluğun qorunması və artırılması , xarici meyvə-tərəvəz toxumlarının Azərbaycan iqliminə uyğunlaşdırılması və aqrar sektorda qanuni tətbiqi və şaquli-mərtəbəli əkinçiliyin inkişafına nail olacam.
3) içməli su mənbələri və alternativ enerji vasitələrinin qorunmasını gücləndirəcəm. Evlərdə və idarələrdə ,ictimai hər yerdə lazerli ötürücülü kranların quraşdırılmasını tətbiq etdirəcəm ki , heç yerdə kranlardan əlavə su israfı olmasın . Yanğından mühafizə sistemlərinigücləndirib hər yerdə hidrant quraşdırmağı əmr edəcəm. Hidrant və kollektor sistemlərinin yenidən qurulmasını təşkil etdirəcəm.
4) istefaya göndərilən hamını tarlalalara yollayacam . Şadlıq sarayı ofisiantından tutmuş professorlara qədər , hamı yığışıb gedəcək tarlalalara , fermerlərə kömək etməyə . Mükafatı kəndlərdə qonaqlama və naturadan qazanc (hər məhsuldan bir 5kq-lıq meşok/məşk)
5) Ali məktəblərdə Bolonya sisteminin ləğvi.
6) Gəmiqayırmanı gücləndirmək , kiçik növ qayıqların tikintisini artırmaq və istifadəsini güzəştli qiymətlərlə kirayə əsasında asanlaşdırmaq (balıqçılığın inkişafı ilə paralel) və hava nəqliyyatını fərdi sahəyə çevirmək: xalq özü təyyarə alacaq donorluq yolu ilə + hər xarici avia şirkət Azərbaycan hava limanında parkladığına əlavə günlərə görə əlavə vergi ödəyəcək. Dəmiryolu sərnişindaşımasında bonus və güzəştli qiymətlərin tətbiqi. Bölgələrdə iki və üçtəkərli səs desibeli yüksək olmayan motorlu nəqliyyat vasitələrinin istifadəsini genişləndirmək və yolların həmin nəqliyyat vasitələrinə uyğunlaşdırılaraq yenidən qurulması.
7) Abşeron və bölgələrdə haram pullarla tikilmiş villaların sökülməsi əvəzinə o villalara 75 yaşdan yuxarı olan qoca insanların və ahılların yerləşdirilməsi ,peşəkar baxıcıların məktəblərinə çevirmək və bu sahəni qurmaq , çoxmərtəbəli butik-otelləri isə yaşlılar ,alzheimer və parkinson ,dementiadan əziyyət çəkən və bütün ahıl yaşlı insanlar üçün huzur evlərinə , reabilitasiya mərkəzlərinə çevirmək. Sanatoriya istirahəti sistemini yenidən qurmaq.
8) Orduda sağlam və bütün göstəriciləri uyğun gələn oğlanlar üçün məcburi xidməti saxlamaq . Ordudan yayınmış mamauşaqlarını Dünyanın istənilən nöqtəsindən olsa belə , çağırtdırmaq. Orduya xidmətə qəbul üzrə tibbi komissiyanın tərkibindəki mütəxəssisləri çoxaltmaq , peşəkar psixoloq və dietoloqları həmin komissiyaya cəlb etmək.
9) Elmi dairələrin fəaliyyətini yenidən qurmaq . Bugünə qədər PhD diplomunu rüşvətlə alanların hamısını ifşa etmək məqsədilə yenidən imtahan etdirmək.
10) Uşaq ədəbiyyatı və milli uşaq teatrının fəaliyyətini ,uşaq cizgi filmlərinin istehsalını yenidən qurmaq.
11) istənilən növ əxlaqsızlığın kökün kəsmək. Əxlaqsızları ölkə vətəndaşlığından çıxarmaq və Dünyanın 4 bir yanına yola salmaq. Ölkəyə əxlaqsızlığı təbliğ edən vasitələri keçirənlərı və satanları 20 illik həbs etdirmək.
12) Siqaret çəkənləri ayaqlarından asdırıb 80 qamçı ilə cəzalandırmaq və narkotik istifadəçilərini məcburi müalicə və narkotik bazarını məhv etmək.