anarxist

arxiya sözünə a şəkilçisi artırılmaqla yaranmış düzəltmə söz. tabe olmağı qəbul etməyən idealogiyaya sahib insanların fikrinə anarxiya o insanlara da anarxist deyilir. sözün formalaşması fikrin formalaşmasından çox daha sonralar olub. çünki anarxistlər bu dünyada sivilizasiya ilə birlikdə yaranıblar. bir insan başqa insanı niyə üstün qəbul etməlidir ? çünki birinin bir işdə bacarığı digəri ilə eyni ola bilməz. məsələn mən bethovenə bərabərəm demək axmaqlıqdır çünki sən ondan pis ya da yaxşı ola bilərsən. fikirdə və bacarıqda bərabərlik yoxdur. bu babda üstün şəxslər var. amma bethoven yaxşı bəstəkardır deyə gəlib mənim həyatımı şəkilləndirə bilməz. eynilə digər ixtisas sahiblərinə də aiddir bu. məsələn bir boksçunun qarşısına çıxan hamını döyməsi necə axmaqca görünürsə idarə etmə bacarığı olan birinin başqalarını idarə etmə fikri eyni şəkildə axmaqcadır. çünki azadlıq insanın ən təbii hüququdur. və etatist ya demokrat ya sosialist insan azad olduğunu iddia edə bilməz. azadlıq şüurlu şəkildə dərk edilməlidir və şüurlu şəkildə səni idarə edəcək insanları seçirsənsə deməli sən azad insan deyilsən. burda hamı min illərdir dövlətin yaranma əsası olan ictimai asayişi önə sürən fikirlər müdafiə edir və xaosdan qorxuya düşüb dövlətə yəni cəmiyyəti idarəetmə maşınına sığınır. əvvəlcə onu deyim ki xaos elə də pis şey deyil xaos inkişaf etdirir. qaldı anarxizmə anarxist bir cəmiyyətdə hər fərd ayrı ayrılıqda anarxist şüura sahib olmalıdır. burda ictimai mənafe yaranır. azad insanlar öz cəmiyyətlərini qoruyur. tam şüurlu şəkildə. nihilzm anarxizmə çox uzaqlaşıb xüsusilə indiki dövrdə. həyatı içki və seksdə görmək yox içki və seksi həyatda görmək lazımdır. ona görə free sex düşüncəli hər adam anarxist sayılmır. bir insanın anarxist olmağı üçün əvvəlcə öz divarlarını yıxmalıdır. insan azadlığının köləsi olmamalıdır.yəni anarxist biri başqasına anarxist ol belə deməməlidir.

loxlanmış kimi hiss etmək

bugün eşitdiyim bir xəbərdən təsirlənərək yazıram. deməli ailədə 3 nəfər yaşayırıq üçümüz də ayrılıqda maaşımızın 1/5-ə yaxın miqdarını illərdir dövlətimizə vergi olaraq veririk ki dövlətimiz günəşli günlərə çıxsın. nəysə bunun kommunalı filan gedib çıxır uzaqlara. sözüm onda deyil. bugün xəbərlərdə eşitdim ki məcburi köçkünlər evlərinə sayğac qoyulmasına etiraz edib. bu məcburi köçkünlər illərdir dövləti soyur ki onun içində illah bizim də vergimiz olmamış olmaz, bunların yadına məcburi köçkün olduqları düşmür çətinə düşən kimi bayraq edirlər statuslarını. mənim bir qrup yoldaşım var idi demişdi ki "özüm yaxşı hazırlaşmamışdım bilirdim ki onsuz da pulluya düşsəm dövlət verəcək". bunların əksəriyyətinin əsgərlik söhbətlərindən də bir neçə dəfə yazmışam. mən 9 ay ön cəbhədə olmuşam bir dənə qaçqınam deyən görməmişəm. könül istərdi ki qaçqınlar indi yox çox daha əvvəl etiraz edərdilər sayğac üçün yox amma bayraq kimi qaldırdıqları o statusu silib torpaqlarına qayıtmaq üçün. onda mən də özümü illərdir vergi və kommunal haqq verdiyim üçün loxlanmış kimi hiss etməzdim.

intihar

intihar iki növ qərarın tətbiqidir. bunların ikisi də eyni anda tətbiq edilə bilməz. ilki qudurmuşduqdu. bu dünyadan o qədər ləzzət alırsan ki artıq ləzzətin özü ləzzət vermir sənə. oxuduqlarımıza inansaq henri fordun oğlu sırf bu səbəbdən intihar edib. intiharın ikinci dramatik növü məğlubiyyətin idrakıdır ki bu an insan tək çıxış yolunu ölməkdə görür. məsələ inancda bitir sırf bu mövzuda. dünya dindarına da pisdir ateistinə də. bədbəxt dindar da var bədbəxt ateist də. dindar insan inanıb bir şeyə və pis yaxşı ümidi var. dinsizçün isə itirəcək bir axirət dünyası yoxdur ona görə intihara meyillidir. amma yenə də nəticə etibarı ilə hər iki qisim insan məğlub insandır. bu dünyandan bir şey ala bilməyən yaxud dünyanın bir şey vermədiyi insandır. çox böyük bir ümidi olmayan bir insan niyə yaşamaq istəsin ki bu dünyada ?

20 yanvar 1990-cı il hadisələri

bu sumqayıtda ermənilərin öldürülməsi məsələsini anti humanist adlandıranlar 85 ci ildən sonra dqmv və ermənistan ssri-də şəxsiyyət əleyhinə cinayətlərinə bir baxsın və görsün ki o vaxt neçə erməni neçə azərbaycanlını öldürüb. təbii erməni azərbaycanlını öldürəndə motivi millətçilik yazmırdılar deyə bugün o hadisələri biz şəxsi zəmində cinayətlər kimi bilirik. üstəlik eyni vaxtda ermənistan ssri-dən azərbaycanlılar deportasiya edilir və paşa adlı biri sumqayıtda erməni qətliamına başlayır. ölənlərin faşist yox internasionalist sovetpərəst ermənilər olması da xüsusilə diqqətçəkir. çünki o ermənilər azərbaycandan çox ermənistana zərər verirdi. 20 yanvar hadisələrinin arxasında oynanan siyasi oyun sosializmə nifrət yaratmaq idi bu gün kimi aydındır amma saf xalqın o günki azadlıq eşqini lağa qoymaq sadəcə ağılsız köpəklərin ulduza hürməsi məsəlini xatırladır mənə. onlar indi onları lağ edənlər qədər intellektual deyildilər amma onların etdikləri şərəf qədər yüksək bir şey idi ki indi onları lağ edənlər ondan məhrumdular.

qız tutmağın yolları

özün kimi olmamalısan, cins-cins kiminsə sözlərini danışıb görünüşünü də kiməsə oxşadmalısan bu baxır qızın dünya görüşünə qız liberaldısa sən orta statistik amerikalı, sosialistdirsə che guevara, dindardısa ərəb olmalısan. öz fikrin olmamalıdı xüsusilə danışanda qeyd elədiyim idealogiyaların atalarının sözləri ilə danışmalısan. özünü qızın ətrafına sevdirə bilməlisən ki qız səni yanında gəzdirəndə utanmasın necə olsa sən də bir növ əmtəəsən. sonra pul-xüsusilə vacib şərtdir yoxdusa bu işə baş qoşma ged qədir qızılsəsə qulaq as. boş vaxtlarında park bulvarı, 28 mallı, gənclik mallı gəz tanı, qızı ora aparanda səni buraların daimi müştərisi bilsin ki 1-0 qabağa keç. qızla əgər etik və səmimiyyət daxilində danışsan o qız səni qıracaq ilk şərt saxta olmaqdır. bu artıq ölkəmizdə qayda olub. üstündə dayana bilməyəcəyin sözlər ver günü xilas elə bəlkə qız da kənarını göstərər sənə. bu addımlarla irəliləsən işin uğurlu olacaq. devizin olsun səmimiyyətsizlik və heç bir vəchlə özün olduğun kimi rəftar eləmə. yoxsa qalarsan kafkanın gününə. onsuz da ona da qoz qoyan yoxdu artıq.

insan haqları

insan haqqı biraz and içməyə oxşayır bunun əsli insan hüquqlarıdır. başlığı açan zat-i möhtərəm türk abilərdən fazla etkileniyor. nəysə insan hüquqları təbii hüquqlar əsas götürülərək müəyyənləşdirilib. əsasən günəş batmayan ölkənin kraliçası 2-ci dünya müharibəsindəki məğlubiyyətindən sonra yerini günəş batan ölkənin iş adamlarına verir onlar da özlərini yaxşı göstərmək üçün insan hüquqları deyə bir şey çıxarır. yaxşı tərəfi çoxdur. amma mümkün deyil tətbiq olunsun, məsələn bu günəş batan ölkənin iş adamları eroin üçün əfqanıstanlı uşaqları neft üçün iraqlı uşaqları öldürəndə insan hüquqları yerin dibinə girmişdi ? girməmişdisə belə girsə yaxşı olar.

fahişəlik

fahişəliyə heç vaxt seks işçiliyi kimi baxmamışam və birinə qəhbə deyəndə o yaşamaq uğrunda bədənin satan çarəsiz qadınları nəzərdə tutmamışam. fahişəlik şərəfini vagina eləyib kiminsə penisinin ora girməsini gözləyən bütün cins insanların elədiyi işdir. bu dünyada təsadüf yoxdur və də azərbaycanın rifahını düşünən hərhansı humanitar təşkilat yoxdur. bunu bilmək üçün kahin olmaq lazım deyil yüngül tarix bilgisi bəsdir. mən öncəbhədə xidmət eləmişəm ora gələn konserv mal ətini, yumurtanı yaxud digər yeyilə bilən şeyləri komandir heyəti öz arasında bölürdü və biz günlərlə daşlaşmış makaronla ac yatırdıq fahişəlik o komandir heyətinin etdiyi şeydir, fahişəlik şuşa alınmayacaq deyib şuşanı döyüşsüz təslim edən hökümətin elədiyi işdir, fahişəlik bir qızın bakirəliyini alandan sonra onu bu canavar mentalitetin arasına çarəsiz buraxanların elədiyi işdir, fahişəlik xalqın pulu ilə xalqa kömək edib lovğalananların işidir, fahişəlik insanların əlindən torpağın alıb sonra vətənşüvənlik edənlərin işidir. fahişəlik əylislini qınayıb erməni kilsələrinə pulsuz qaz verən abdullayevə bir söz deməyə götü çatmayanların işidir. fahişəlik iranın,türkyənin, rusyanın ya qərbin xeyrin güdüb öz vətənin satanların işidir. bu dünyada təsadüf yoxdur. bu xalqın pulunu yeyib xalqı bu günə qoyanlarla fransada ermənilərlə badə qaldıranlar da fahişəlik edirlər və də hansısa mistik varlıq zühur edəcək deyə ölkəsini əmmaməyə satanlar da eyni qəbildən fahişədirlər.

quran-i kərim

səmavi dinlərin son kitabı. kitab deyərkən ağlınıza vərəqlərdən ibarət toplu gəlməsin. quran 22 il ərzində hissə hissə şəklində ayrı vaxtlarda sonuncu elçi tərəfindən insanlara çatdırılıb. kitab halına salınması isə 1-ci rəşid-i xəlifə əbu bəkr üs sıddıq əl mühacirinin dövründə olub. quran miladdan sonra 610-cu ildə ay təqvimi ilə ramazan ayının son günlərində sonuncu elçi tərəfindən 'yaradan rəbbin adıyla oxu' cümləsi ilə insanlara çatdırılıb. quranın məkkədə deyilən ayətləri əsasən idealogiya formalaşdırmaq üçün, mədinədə deyilən ayətləri bir ideyada birləşən insanları idarə etmək üçün nəzərdə tutulub. quran son elçinin gətirdiyi son kitab olduğu üçün yer üzünün qiyamətinə qədər onu göndərən tərəfindən qorunacaq və dəyişdirilməyəcək. quran elmi kitab deyil ona görə orda elmi faktlar axtarmaq axmaqlıqdır. amma quran oxuyanlar bilir ki onda hüquqi, bioloji,fizioastronomik, coğrafi elmi tədqiqat mövzuları var. qaldı ki kitabın əsası mistizm və metafizika üzərinə qurulmuş bir kitabdı. bir ateist gedib 'ol dedi oldu' ayətin oxusa təbii ki bu ona gülməli gələcək. o kitabı qavramaq üçün bəzi mümkünsüz şeylərə inanmaq lazımdır. yox əgər inanmırsınızsa o kitabı oxuyub lağ eləməklə əlinizə birşey keçməyəcək. onsuzda ona inan inanır. lap tutaq ona inan biri sənin sözünlə inanmaqdan əl çəkdi yenə sənə nə olacaq ? nəysə sözümün canı yaxşı kitabdı. iqrə

hörmət

əfsanəvi obraz. insanlar dünyaya axın etməyə başlayanda öldüyü deyilir. məşhur tarixçi-səyyahlar onun ölkəmizə gəldiyinə dair maddi sübut tapmayıblar. lakin soyları tükənməkdə olan qədim xalqların folklorunda hörmətin ölkəmizə gəldiyini görmək olar. buna baxmayaraq tv-lərdə çıxış edən siyasətçilər isə hörmətin nəinki ölkəmizə heç dünyaya gəlmədiyini iddia edirlər. jurnalistlərimiz bu barədə qlobal araşdırmalar aparıb, saysız məqalələr yazıblar. araşdırmalara əsasən demək olar ki hörmət bir küçə itinə yemək verən insanın gözündə, misirdə aksiyaya çıxmış müsəlmanlar namaz qılanda onları xuntanın güllələrindən qorumaq üçün qol-qola girib insan divarı hörən qeyri müsəlmanların beynində və hələ də heç tanımadığı insanlara yaxşılıq edə bilən insanların ürəklərində yaşayır.