sözlük yazarlarının ən sevdiyi yeməklər

Pendir souslu makaron, ət-sote > bütün yeməklər.

paralel dünyalar

Bir gün elm o qədər inkişaf edəcək ki, paralel dünyalar arasında şəbəkə xətti çəkiləcək və biz paralel dünyada mövcud olan özümüzlə əlaqəyə keçəcəyik.

fəxriyyə xələfova

Nənəmin mənim adımı seçərkən ilhamlandığı şəxs.

minnət hissi

Ən pis vaxtında səni ən dibdə tək qoymayan insanla sonradan nə qədər pis şeylər yaşasan da heç vaxt düşmən olmağı bacarmamaq.

sözlük yazarlarının uşaqlıq şəkilləri

yuxulu gözlərilə gülümsəməyi unudan mən. (indisə sözün əsl mənasında) https://i.imgur.com/Ous3AjO.jpg

azərbaycan gəncinin xəyalı

Ali təhsilini bitirən kimi ölkədən qaçmaq.

reenkarnasiya inancı

Mənim fikrimcə reinkarnasiya mümkündür. Çünki enerji itirilmir, daim çevrilir. Lakin bu, hədsiz dərəcədə sevinəcək bir şey deyil, çünki sonrakı həyatında əvvəlki həyatlarının karmik yükünü daşımağa davam edirsən. Almağınız lazım olan dərsləri almadıqca və ruhunuzu saflaşdırmayınca, ölüm-dirim dairəsinə düşəcəksiniz və bu dünya sizin həbsxananız olacaq. Bəlkə də cəhənnəmin mənası budur, eyni mənasız dövrələri heç bir dərs almadan, heç bir mənəvi transformasiya olmadan sonsuzca təkrarlamaq..

bürclərə inanan oğlan

Bürclərə inanan, günlük səhər verlişlərində öz bürcünə baxan, astrologiyaya maraq salmış oğlan gaydir. Yayın.

xəyal quraraq yatmaq

Xəyal qurmaq məncə yaradıcı tərəfindən verilən ən möhtəşəm şeylərdən biridir. Çünki, sərhədsizdir. Mən manifest edərkən xəyal qururam, yaxşı hiss etdirir.

sürətli yeriyən insan olmaq

özümdən aslı olmadan biri ilə yolda gedərkən addımlarımı çox sürətli atıram. bir də baxıram ki, arxamda qalıb. yanına qayıtmaq əvəzinə o gələnə kimi gözləyirəm.

şablon azərbaycanlı sualları

Uşaq vaxtı nənəgildən evə gələndə qonşular soruşurdu: "rayon yaxşıdır yoxsa şəhər? "

artıq inanmaqdan imtina edilən şeylər

oxuduğum kitabların, baxdığım filmlərin təsirinə düşərək gerçək sevgi olduğuna qarşı böyük inamım var idi, eləcə də məni nə vaxtsa tapacağını düşünürdüm. Onlar kimi olmayan özəl biri.. Bir müddət sonra reallığın fərqinə vardım ki, qüsursuz eşqlər ancaq elə kitablarda və filmlərdə olur. Qüsursuz insan olmadığı kimi mükəmməl münasibətlər istəmək də axmaqlıqdır. Buna görə şəxsi inkişafıma daha çox önəm verməyə başladım. insanın özündən başqa hər kəs və duyğular boş şeydir.

ataya demək istənilənlər

bilirəm, ətrafa güvənmədiyin üçün bəzi sərhədlər qoyursan. amma qəbullanmalısan ki, mən daha sənin balaca qızın deyiləm. artıq böyümüşəm ata, özümü qorumağı bacarıram, öyrətdiyin kimi..

təkcə mənmi edirəm deyə düşünülən şeylər

Anamla yatdığım gecələrdə onu qucaqlayıb nəfəs alış verişlərini öz nəfəsimlə eyni tutub yuxuya gedirəm. Uşaqlıqdan edirəm, amma niyəsin bilmirəm. :D

həyatda heç bir şeyə həvəsi və istəyi olmayan insan

Həyatımızın ən gözəl yaşlarını sadəcə dərsdən evə, evdən dərsə kimi keçirdirik. Yaşadığın ölkə qismətindir sözü boşuna deyilməyib. Təsəvvür edin, Kaliforniyada doğulmusuz; boş vaxtlarınızda dostlarınızla partyləyir, dənizə gedirsiz. Gününüz əylənməklə keçir, nə pul düşünürsüz nə ailə. Gələcək qorxusu da heç yoxdur. Eh, ciddən eh..

qrup yoldaşı

Məzun olmağıma bir aydan da az qalıb. Bu lənətə gəlmiş yeri bitirdikdən sonra hansının nömrəsini silməyi planlaşdırıram. Respublikada nə qədər iq səviyyəsi aşağı olan insan var hamsı bizim qrupda cəmləşib sanki..

pişiklərə həddindən artıq hörmət edilməsi problemi

Axır vaxtlar insanlar pişikləri digər heyvanlardan çox sevib, əzizləyirlər. Bu məni qıcıq edir..

təhsil həvəsini öldürən şeylər

Səhər erkəndən oyanmaq.

ən xoş qoxular

Vanil, çiyələk, qızılgül mürəbbəsi, şərab, yağış yağdıqdan sonra hiss edilən torpaq, kitab.

kasıb ailədə böyümənin insana alışdırdıqları

bitmiş şampunun içinə su tökərək istifadə etmək