Müharibə dəhşətləri

Savaş insanın xislətindədir. Boş verin dövlətləri, rəhbərləri. insan cılız bir ovçu və yığıcı olduğu zamanlardan bəri savaşır. Tarixlər boyu insan savaşmaq üçün hər zaman bir bəhanə tapıb. Rəhbərli, rəhbərsiz. Çünki, homo sapiensin genindədir savaşmaq. Bir gün gələcək, öz təkamülünün hansısa nöqtəsində insan savaşdan əl çəkəcək. Amma, ona qədər minilliklər keçəcək. Nəticədə bioloji növ olaraq biz hələki iməkləyən ağzı soskalı körpəyik. Yetkinlik yaşımıza çatmağımıza isə hələ çooox var.
Yox, illa birilərinə üzüləcəm deyirsinizsə, gedin insanın öz tələbatlarını qarşılamaq üçün kölə halına gətirdiyi toyuqlara, inəklərə üzülün. insanın ucbatından nəsli tükənən heyvanlara üzülün. Nə bilim ala planetimizə üzülün. Göt gününə qoymuşuq yaşadığımız yeganə evimizi. Demaqoqluq eləmək istəmirəm. Amma, valla olanı deyirəm. iki dənə bir-birini öldürmək istəyən insana üzülməkdənsə, yuxarıda saydıqlarıma üzülün.
Tanım: soyuqqanlıqla izlədiyim video.

29 may 2019 bakıda keçiriləcək avro liqa finalı

Azərbaycanda keçirilən hər bir beynəlxalq yarış/tədbir kimi skandallarla müşaət olunan hadisə.
ilk narazılıq liverpulun alman məşqçisi jurgen kloppdan gəldi. Adam sıxılmadan, çəkinmədən birbaşa dedi ki, bakıya final oyununun keçirilməsini etibar edən şəxslər görəsən səhər yeməyinə nə yeyib içirlər? Buna cavab olaraq çingiz abdullayev dəxlisiz yerə ikinci dünya müharibəsini cənab kloppa xatırlatdı. Çoxdanın sınağından keçmiş variantdı əslində. Bir almanın dediyi söz ürəyincə deyilsə, o dəqiqə nasist almaniyasını ortaya at, söhbəti bağla. Nə isə sözüm onda yox.
Ardınca mxitaryan problemi. Azərbaycan dəfələrlə təhlükəsizlik təminatı versə də, qaqaş tumanına batırdı, gəlməkdən imtina elədi. Halbuki, bu günə qədər onlarla erməni idmançı gəlib Azərbaycana. Heç birinin tükünə də toxunulmayıb. Kiminin nəyinə lazımdı e. Klaviatura arxasında yazmağa bənzəməz bu. Real həyatda heç kim öz başına problem açmaq istəmir.
Sonra britaniya xin-nin bəyanatı gəldi. Öz vətəndaşlarını bakıda gecələr bayıra çıxmamağa, ehtiyatlı olmağa, çox basdırıq yerlərə getməməyə çağırıblar. Birdən terror falan olar.
Bunun üstünə Azərbaycan höküməti 25-31 may tarixində turistlər rahat olsun deyə yerli əhali üçün mərkəzi küçələrə girişi məhdudlaşdırır.
(bax: 25-31 may 2019 tarixlərində küçələrə girişin məhdudlaşdırılması)

Amma, deyəsən hökümətin aldığı tədbirlər mənasızdı. Çünki, son gələn xəbərlərə görə bakıya 7-8 min turist gəlsə al papağıvı at göyə. Bakı aeroportunun buraxılış imkanlarının aşağı olması, həmçinin oyunun yerli vaxtla gec başlaması, viza problemi ilə əlaqədar olaraq bir çox ingilis fanatı finalı evdə izləyəcəklər. Çelsi və Arsenal klubları 6 min bileti geri qaytarıb. Eyni zamanda uefa sponsorları üçün ayrılan 2000 biletin satışında da problemlər var. xəbər
Azərbaycanda isə hələki sadəcə 23 min bilet satılıb. Stadionun tutumu isə 69 mindi. Nə isə, deyəsən bakı finalını fiasko gözləyir.

game of thrones

8-ci sezonun 3-cü bölümü yayınlamış serial.
Nəyə görə bu qədər acımasızca tənqid edildiyini anlamadığım bölüm. Məntiqi səhvlər və zəif yönləri az deyildi. Amma, bölümün yerin dibinə soxulması ilə də razı deyiləm. Bundan sonrası spoiler.

--spoiler--

Mənə görə olduqca epic bir bölüm idi. Xüsusən də ilk 20 deqiqəsi möhtəşəm idi. Ordunun qaranlığa baxması, dothraki ordusunun alovlu qılınclarla hücum edib* Mənasız bir taktika olsa da , yavaş-yavaş alovun sönməsi, qışqırıq səsləri, 2-3 atın hürkərək geri qaçması filan tükürpədici idi. ilk dəfə ekrandan qorxunun və çarəsizliyin nə olduğunu hiss elədim. Bölümün qalan hissəsini də dırnağlarımı yeyə-yeyə keçirtdim. Aryanın kitabxanada ölülərdən gizlənmə səhnəsi nəfəs kəsdi. Iyanna beybi marmontun ölümü ürək dağladı. Belə bir kiçik bədəndə bu boyda cəsarətə heyran qaldım. Ölənlər arasında ən çox ona üzüldüm. Sonuncu səhnədə əvvəlcə elə bildim arya əlli ayaqlı getdi. Davamını görüncə əvvəlcə şok keçirtdim, sonra da şaqqanaq çəkib güldüm. illərdi internetdə, youtubeda bir teoriyadan vurub, o birisindən çıxan bloggerlər göt oldular dedim. Camaat nədən narazıdı bilmirəm. Jonla night kingin ölümünə savaşıb, jonun dibə vurduğu an ailəsini, sevgilisini gözünün qabağına gətirib reski durub night kingə saplayacağını gözləmirdiz hər halda. Night kingin axilles dabanı sayağı zəif yeri var idi. arya da ondan yaxşı istifadə elədi. serialın adından biliyindiyi kimi demək əsas məsələ həqiqətən də taxt savaşı imiş. Ölülər filan tırt imiş. Amma, buna rəğmən bölümün mənfi tərəfləri də az deyil idi.
1. Artıq bir çoxunun dediyi kimi hədsiz qaranlıq. Monitorun qaranlığından ekranda özümü görürdüm. Məcbur oldum işığı söndürüm ki, az maz bir şey görünsün. Sırf bu effektə görə winterfell uğrunda döyüş, bastardların savaşı bölümünün altında qaldı mənim üçün.

2. Poxdan hücum/müdafiə taktikası. Dothraklərin ölümü epic görünüş yaratmaqdan başqa bir işə yaramadı. Tamamən israfçılıq.
Dany və jonun əjdahaları ilə birlikdə döyüşə lyanna marmont qədər bir faydaları olmadı. Bütün bölümü mənasızca ordan ora uçdular.

3. Əsas personajların ha öldü, ha öləcək deyərkən başqa birinin son anda gəlib xilas eləmə temasını həqiqətən suyunu çıxartdılar. Yalan olmasın azı 4-5 dəfə təkrarlandı.

4. Artıq bran stark personajına bir əl atılmalıdı. Məqsədi və ya faydası nədisə üzə çıxsın artıq. Ümid edirəm 7 sezondu bu mıymıntıya bu qədər ekran vaxtının sərf edilməsinin arxasında çox sağlam bir şey durur. Yoxsa bu da ölülər teması kimi tırt çıxsa onda heç nə apar tulla.

Sonda onu deyim ki, 3-cü bölümdən sonra teoriya zad qurmağın mənası yoxdu. Amma, bir dənə teoriya mənə hələ də real gəlir. Jon snow tyrionun qurbanı olacaq. Bu da burda belə qalsın.

--spoiler--

nailə əskərzadə

(baxma: Nailya asker-zade)
Rossiya 24 və rossiya 1 telekanalının azərbaycanlı aparıcısı. 1987-ci ildə Bakıda doğulub. Haqqında elə də çox məlumat yoxdu. Amma deyilir ki, vtb bankının başçısı andrey kostinin sevgilisidir. «Действующие лица с Наилей Аскер-Заде» verilişini aparır. Verilişdə rusiyanın məşhur iş adamları və siyasətçiləri ilə söhbət edir. Məsələn, kadırovla verilişi.

(youtube: )

azərbaycan məktəblərində rus dilli sektorların pullu olması təklifi

1. hökümət tərəfindən dövlət dilindən başqa heç bir dildə tam orta təhsil maliyyələşdirilməməlidir.

2. rus dilini öyrənmək üçün mütləq 11 il təhsil almağa ehtiyac yoxdu. babat çalışsan il yarıma, uzağı iki ilə dili yaxşı öyrənmək olar. bizim camaatda niyə hələ də bu əsassız fikir qalıb başa düşmürəm.

3. digər tərəfdən artıq bu vətən şüvənlər qəbul etsin ki, azərbaycan dili cəmiyyətdə yetərincə möhkəmlənib. nə rus, nə də başqa bir dil azərbaycanda dövlət dili üçün təhlükə deyil. rus dili mövzusundakı bu isterika artıq həqiqətən bezdirici hal alıb.
sənin təhsil sistemin hansı dildə olur olsun, onsuzda tırtdı. ona görə məncə çox da şey eləməmək lazımdı.

14 avqust 2018 bate qarabağ oyunu

qarabağın bu illik çl-na vida etdiyi oyun. açığı çl qozuma deyil. amma ki, klubun yürütdüyü siyasəti anlaya bilmirəm. neçə ildi bir yerdə uğurlu oynayıb, artıq oturuşmuş komandanı dağıtmaqda məqsəd nə idi? başqaları cəhənnəmə, almeida kimi yarımmüdafiəçi və ndlovu kimi hücumçu qarabağa hava su kimi lazımdı. komandanın açıq aşikar oyun qurucusu və vuran ayağı yoxdu. yeni transferlərdən zubir, slaviç və ozobiç pis deyillər. ancaq, bir yerdə çox az müddət oynayıblar deyənə aralarında anlaşılmazlıq çox olur. emeqaranan, delarjdi nədi onları apar tulla. köhnələrdən miçel, gerye, bədavi stabil oynayırlar. mədətov nəinki qarabağdan, ümumiyyətlə futboldan qovulmalıdı. belə qoyun oyunçu hələ tərlan əhmədov vaxtından görməmişdim. sadıqov ayrı hekayədi. komandaya məğlubiyyəti hər iki oyunda da bu adam gətirdi. yakub kimi oyunçu qala-qala qurbanov israrla rəşadı çıxardır. görünür dostunun xətrinə dəyə bilmir. bu cür məntiqsiz bir addıma başqa izah verə bilmirəm.