19-cu əsr amerika şou biznesinin ən məşhur nümayəndəsi phineas barnumun həyatından bəhs edən film. daha doğrusu musicl.
baş rollarda hugh jackman, michelle williams, zac efron, rebecca ferguson.
filmə məcburi getdim. musicl adı eşidən kimi qaçaraq uzaqlaşıram. amma, gözlədiyimin əksinə babat film imiş. hekayə falan çox sadədi, nağılvaridi. ancaq musiqi nömrələri möhtəşəm idi. hər mahnıdan sonra az qala durub alqışlamaq istəyirdim. sanki cinemada yox konsert zalında idim. heyif yeni il ərəfəsində gəlməmişdi. əsl bayram abu-havasında filmdi.
blok başlıqlarını gizlət
2022 rusiyanın ukraynanı iş
2022 rusiyanın ukraynanı iş
rusiya-ukrayna münaqişəsi
fhn işçilərini təhqir edə
Notice: Undefined variable: thisuser in /var/www/soz6/profilson.php on line 166
düşünürəm ki, əsas məqsədinə çatmış cərəyan. cəmi yüz il bundan əvvəl qərbin ən inkişaf etmiş ölkəsində belə qadınlar seçmək və seçilmək, təhsil almaq, nigahda bərabər hüquqlu olmaq, kişilərlə eyni məbləğdə maaş almaq, varis ola bilmək, şəxsi mülkiyyətə sahib ola bilmək kimi hüquqlardan məhrum idilər. qadına qarşı təcavüzün və pedofiliyanın cinayət sayılmadığı dönəmlərdən bəhs edirəm.
19-cu əsrin sonu 20-ci əsrin əvvəllərində öz haqları uğrunda mübarizə aparan feminist qadınlarım arzuları və tələbləri artıqlaması ilə həyata keçib. qalıb məişət problemləri. onlar da zamanın işidi.
indi o feminst qadınların mübarizəsi sayəsində bu gün adam yerinə qoyulan civilər gəlib burda feminizmə içi boş, çürük bik bik biologiya belə gəldi elə getdi deyirlər. bu zehniyyətdə olduğunuz müddətdə elə qadın kimi yox bir heyvanın dişisi səviyyəsində mövcud olmağa məhkumsuz.
Azvision saytının hafiz əhmədov adlı bir götəş zurnalistin sözü.
"Bakıda əsl demoqrafik partlayış baş verir. Şəhərdə uşaq əlindən tərpənmək mümkün deyil. Kimə lazımdır axı bu Andronikin nəvələri?! Kimə lazımdır Denikinin nəticələri?!. 90 faiz “azərbaycanlı” uşaq rus dilində dil açır. Bunlar böyüyüb guya azərbaycanlı olacaqlar?! Hamısına rus vəsiqəsi verib ailəlikcə sürgün eləmək lazımdır bu Sovetin qırıntıları. Özümü güclə saxlayıram rus dilində danışan körpə görəndə, it başı kimi başlarını əzmək istəyirəm!”.
xeber
Gələn tənqidlərdən sonra həm sayt, həm zurnalist üzr istəyib. Ardınca da facebook səhifəsini bağlayıb.
Not: meslehetim, sürgünü birinci prezidentin ailəsindən başlasın.
Xınalıqdan tufandağına yollanan Babur Hüseynov, Namin Bünyadov və Fəridə Cəbrayılzadə adlı üç alpinist itkin düşüb. Alpinistlərdən sonuncu dəfə dekabrın 24-ü xəbər alıblar.
Alpinistlərin dostlarından birinin instagram paylaşımı.
link
(baxma: şam ağacı)
xristianlıqla bir əlaqəsi olmasa da milad bayramının və sonradan yeni ilin atributuna çevrilmiş ağac. deyilənə görə şam ağacının bəzədilməsi məşhur alman reformatoru martin lüterə aiddi. 1513-cü ildə milad bayramından bir neçə gün öncə martin lüter evə qayıdarkən göy üzündə ulduzların çoxluğundan heyrətə gəlir. ulduzlar o qədər çox idi ki, ətrafdakı şam ağacları belə sanki parıldayırdı. bu mənzərədən sonra martin lüter evə gələrək şam ağacını bəzəməyə qərar verir. bu hadisədən sonra milad ərəfəsi yolka bəzəmək get-gedə bütün avropaya yayılır. yəni bu adət ilk dəfə almaniyada yaranıb.
birinci dünya müharibəsi zamanı almaniya ilə savaşan ölkələrin bir neçəsində yolka bəzəmək qadağan edilmişdi. ssri-də isə ümumiyyətlə 1925-1935 illər arası yolka bəzəmək az qala cinayət idi. sovet höküməti yolkanı dini atribut kimi qəbul edirdi. lakin, 1935-ci ildə yolkanı xristianlığın deyil, sadəcə yeni ilin atributu kimi qəbul edərək qadağanı ləğv etdi.
uşaqlıqda baxdığım latın amerikan serialları sayəsində gözümdə xarizması yerlərdə olan dil.
insanlıq tarixinin ikinci ən böyük imperiyasını yaradan şəxs.
(bax: britaniya imperiyası)
gəzən rəvayətlərə görə dünya əhalisinin hər 200 nəfərindən biri məhz çingiz xanın soyundan gəlir.
nə gözəlliyi, nə fərli başlı arxitekturası, nə də önəmli bir strateji əhəmiyyəti olmadığı halda, götdən uydurma hekayələrə görə üstündə dava gedən ruhsuz şəhər.
amerikanın qüdsü israilin paytaxtı kimi tanımasından sonra yenidən ibadətə açılması gündəmə gətirilən tarixi muzey. kimə acıq vermək istəyir bunlar başa düşmürəm. ayasofya istər muzey olsun, istər məscid. yəhudilərin, ya da trumpın nə tikinədi axı.
rusiya imperiyasının azərbaycanlı hərbi xadimi. general-adyutant rütbəsinə qədər yüksəlmişdir. rusiyada bu rütbəyə layiq görülən yeganə müsəlmandır. rus-yapon müharibəsində ikinci dağıstan süvari alayına komandanlıq edib. elə bu savaşdakı sücaətinə görə 4-cü dərəcəli müqəddəs georgi ordeninə layiq görülüb. 1906-cı ildə rus ordusunun ən şöhrətli 17-ci nijeqorod draqun alayının komandiri təyin olunur. sonradan nikolay oğlu tsareviç alekseyi də bu alayın siyahısına yazır. hətta alayın hərbi formasını vəliəhdə hüseyn xan özü təqdim edib.
naxçıvanski nikolay tərəfindən sevilirdi. bir neçə dəfə saraya səhər yeməyinə dəvət edilib. birinci dünya savaşında yaralanıb hospitalda yatarkən daima imperatriça və qızları tərəfindən ziyarət edilirdi. elə hüseyn xan da nikolaya fanatik səviyyədə bağlı idi. inqilab zamanı iki general müvəqqəti hökümətə tabeçiliyi rədd edir və açıq-aşikar monarxiyaya sədaqətini göstərir. biri qraf fyodor keller, digəri xan naxçıvanski olur. general 1918-ci ildə həbs edilir. 1919-cu il 29 yanvarda petropavlovsk qalasında velikiy knyazlarla bərabər xan naxçıvanski güllələnir.
naxçıvanski ədəbiyyatı çox sevirdi. daima peterburqun ədəbi məclislərində iştirak edirdi. elə burda gələcək həyat yoldaşı sofya gerbellə tanış olur. nigah mərasimi zamanı ona çoxarvadlıqdan imtina etməyi şərt qoyublar. o da qəbul edib. mərasim katolik kilsəsində baş tutub. bu evlilikdən üç uşağı olub. xan nikolay, tatyana xanım və xan georgi. uşaqlarının üçü də provaslav adəti ilə xaç suyuna salınıb. xan nikolay 21 yaşında rəhmətə gedir. tatyana hərbiçi ilə ailə qurur. 1972-ci ildə fransada rəhmətə gedir. kiçik oğlu georgi də atası kimi çara sadiq qalır, ağ qvardiyanın sıralarında döyüşür. qvardiyanın məğlubiyyətindən sonra anası ilə bərabər əvvəlcə fransaya, sonra livana köçür. orda ford şirkətinin yaxın şərq nümayəndəliyini yaradır. 1941-ci ildə anası, 7 il sonra isə özü dünyasını dəyişir.
əslində alman sülaləsi olan saksen - koburq - gotha-nın britaniya qoludur. amma, birinci dünya müharibəsində britaniya almaniya ilə savaşdığı üçün kral 5.georq sülalənin adını dəyişməyə qərar verir. vindzor adı britaniya monarxlarının əsas igamətgahlarından biri olan vindzor sarayından götürülür.
Gənclik istək Liseyinin 9-cu sinif şagirdi. Reyhan, öz məktəbli dostları və fizika müəllimləri ilə birlikdə yağış suyundan enerji isehsal edən Reynerci (Rainergy) qurğusunu yaradıblar.
Ivanka trampın Hindistanda keçirilən Qlobal Sahibkarlıq Sammitində reyhanın adını çəkəndən sonra Azərbaycanda da diqqət mərkəzinə düşüb. link
bu soxa-soxda şeyinin dərdində olan adam. Türməyə rüşvətlə fahişə zad gətizdirib.
Deyirəm camaatın babat sinir sistemi var ətağa. Onun yerinə mən olsam stressdən çoxdan şey-şüyüm quruyub tökülmüşdü.
Kukla monarxiyanın, kukla şahzadəsi. Nə ölkə idarəsində iştirak edirlər, nə də artıq əsilzadəlik adət-ənənəsinə riayət etmirlər. Xalqa liberal görünmək üçün bir tumancağ gəzmədikləri qalıb. Şaka şaka tumancağ da gəziblər şahzadə Harry həzrətləri
Belə deqradasiya olmuş monarxiyanı saxlamağın kayfı nədi başa düşmürəm hələ də.
Haqqında 8 bölümlük mini serial çəkilib. link
29-cü dəqiqə qarabağ on nəfərlə, penaltidən 1:0 geridə. 5 oyunda 3 qırmızı. bu nə deməkdi belə? qarabağın eşşək kimi oynamağı yoxsa hakimlərin titullu klublara rəğbəti?
(baxma: based on true story)
koreya müharibəsi zamanı süleyman adlı türk əsgərinin koreyalı bir qız uşağını xilas etməsindən bəhs edir.
film indidən rekord qırır. deyəsən türkiyə tarixinin ən çox izlənən filmi olacaq.
qadınlara seçmək və seçilə bilmək haqqının verilməsi əsasən 19-cu əsrin ikinci yarısından sonra başlanılıb. amma, o vaxta qədər də bəzi ölkələrdə müəyyən məhdudiyyətlərlə qadınlara seçmək hüququ verilib.
orta əsrlər fransasında şəhər yığıncağlarında və seçkilərində ailə başçısı olan qadınlar səsvermələrdə iştirak edə bilirdi. 1755-1769-cu illər arası korsika respublikası qadınlara səsvermə hüququ tanımışdı. eyni qanun 1718-1771-ci illərdə isveçdə də keçərli idi. bir istisna ilə: sözügedən qanun sadəcə vergi ödəyən qadınlara aid idi.
1776-1807-ci illər arası nyu-cersidə qadınlara seçmək hüququ verilmişdi. lakin, sadəcə şəxsi mülkiyyəti olan qadınlar səs verə bilərdilər.
yeni zellandiya hal-hazırda mövcud olan ölkələr arasında qadınlara seçmək və seçilmək haqqını tanıyan ilk ölkədi. 1893-cü il.
bu qanunu avropada 1906-cı ildə ilk finlandiya qəbul edib. bir il sonra artıq finlandiya parlamentində 19 qadın otururdu.
islam ölkələri arasında ilk azərbaycandı (1918). bunu bilirik. -*
sonra qırğızıstan (1918), albaniya (1920),). eyni ildə qazaxıstan, türkmənistan, tacikistan, özbəkistan (1924), türkiyə (1930).
asiyada ilk şri-lanka (1931).
qanunu ən axırıncı qəbul edən ölkələrdən bir neçəsi: bəhreyn (2002), kuveyt (2005), b.ə.ə (2009), s.ərəbistanı (2011).
digər ölkələr:
rusiya (1917)
ermənistan (1921)
gürcüstan (1918)
iran (1963)
avstraliya (1902)
norveç (1913)
kanada (1917)
belçika (1918)
britaniya (1918)
almaniya (1918)
polşa (1918)
abş (1920)
braziliya (1931)
ispaniya (1931)
fransa (1944)
indoneziya (1945)
yaponiya (1945)
italiya (1946)
çin (1947)
hindistan (1947)
meksika (1947)
argentina (1947)
c. koreya (1948)
suriya (1949)
yunanıstan (1952)
tunis (1959)
isveçrə (1971)
iordaniya (1974)
qatar (1997)
nikolay elə bir şəxsiyyətdir ki, onu sevən də, nifrət edən də öz fikrini təsdiq edəcək səbəblər tapa bilər. məsələn, taxta çıxdığı ilk günlərdə xodınka meydanında basa-bas nəticəsində mindən çox adam ölür. amma, çar yas saxlamaq əvəzinə səhərisi gün şənliyə qatılır. yəni ürəyin yanmasa belə ən azından insan bir öz reputasiyasını fikirləşər də. ya da "qanlı bazar günü" hadisəsi olsun. işçilər dinc şəkildə sarayın qabağına gəlib diləkçə vermək istəyirlər çara. nikolay xalqın qarşısına çıxmır, nə də ən azından rəsmi şəxslərdən kimisə göndərmir. əvəzində xalqa atəş açılır, yüzlərlə insan ölür.
1905-ci ildəki inqilab zamanı baş nazirin basqısı ilə ölkəyə zar-zor bir it aparan konstitusiya verdi, duma yaratdı. onu da iki gündən bir buraxırdı.
oğlunun xəstəliyinə görə ailəliklə xalqın üzünə daha da qapandılar. o qədər bağlı həyat yaşayırdılar ki, çıxan hər dediqodu xalq arasında daha da şişirdilirdi. çünki, insanlar çarı və ailəsini demək olar ki, görmürdülər. ona görə deyilən hər şey inandırıcı gəlirdi.
çox dindar və konservativ biri idi. fikri qalmışdı elə dədə-babasının vaxtında. elə bilirdi elə 2 əsr bundan əvvəl olduğu kimi indi də çar xalq üçün az qala tanrıya bərabərdi. bütün yeniliklərə bağlı idi. elə hakimiyyətinin sonuna kimi də heç bir islahat keçirmədi, heç bir yenilik etmədi.
digər tərəfdən ailəsinə düşkün idi. arvadını çox sevirdi. rusiya imperiyası tarixində arvadına xəyanət etməyən bəlkə də ilk çar idi. çarı görən hər kəs deyirdi ki, alicənab, utancaq, çox adam arasında özünü itirən biri idi. yəni rusların öyrəşdiyi çar obrazı ilə heç uyuşmurdu. hətta kimsə demişdi ki, nikolay çar olmasaydı, bağban olardı. adamın işi-gücü bağı gəzib güllərə zada baxmaq idi.
bunu qatarda tutub taxtan imtina etməyə məcbur edərkən, çox da israr eləmədən əl çəkdi. sonra da "öldürsələr də o taxta qayıtmaram" deyirdi.
nikolay pis adam deyildi. ancaq, bərbad dövlət başçısı idi. əgər cüzi bir uzaqgörənliyi olsaydı, vaxtında konstitusiyalı monarxiyaya keçərdi. həm ailəsini, həm də rusiyanı qırmızı aqressiyadan xilas edərdi. elə olsaydı belə olardı deməyi sevmirəm. amma ki düşünmədən də edə bilmirsən. kim bilir bəlkə bu gün inkişaf etmiş demokratik və liberal bir şimal qonşumuz olardı.
Notice: Undefined variable: user_id in /var/www/soz6/sds-themes/vengeful-light/profile.php on line 1336
blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343