ingilis dilində a lot of / a lot / many / much or very

a lot of -sayılan və ya sayılmayan bütün isimlərin qarşısında işlənir. a lot of chairs (çoxlu stullar), a lot of sugar (çoxlu şəkər)
a lot - zərf mənasında "çox" deməkdir. i speak a lot - mən çox danışıram
many - çox mənasındadır, zərfdir amma işlənmə yerləri müxtəlifdir.
1)do you have friends? - i don't have many. (dostların var? - çox deyil)
2) so many formasında. yenə də çox mənasındadır, dsha çox yanında that ilə birlikdə izah gəlir. she has so many clothes that she can't choose. - onun elə çox paltarı var ki, seçə bilmir
much - çox deməkdir və many'nin sayılmayan isimlərlə işlənən formasıdır. eyni zamanda a lot'un sinonimidir. i love you so much - səni çox sevirəm
very - çox deməkdir amma isimlə yox, sifət və ya zərflə işlənir. yəni əlamət, keyfiyyət bildirən sözün dərəcəsini müəyyən edir. he is very tall. - o çox hündürdür. my dad runs very fast. - atam çox sürətli qaçır

obsessiv kompulsiv pozuntu

ilk əvvəl adda düzəliş edək: sayrışan hallar yox, sarışan hallar. yəni hansısa fikirlər sizə sarışır (sarmaşmaq kimi) və sizdən əl çəkmir. izahına gəldikdə isə:
ingiliscə adı ocd (obsessive compulsive disorder), türkcə adı okb (obsesif kompulsif bozukluk) olan bir xəstəlikdir. obsesiyon dedkdə-hansısa fikir nəzərdə tutulur, kompulsiyon isə bu fikrin təsirilə etdiyiniz hərəkət(lər)dir. məsələn, çox təmizkarsınız. heç kəsin sizin stəkanınızdan su içməyini istəmirsiniz. bu, obsesiyondur. əgər kimsə sizin stəkanınızda su içdikdən sona siz o stəkanı atırsınızsa, bu - kompulsiyon sayılır. sarışan hallar diaqnozunun sizə qoyulması üçün obsesiyon-kompulsiyon cütlüyünün həmişə tam olması və ya çox şiddətli kompulsiyonlar olması lazım deyil. yəni sahib olduğunuz 10 obsesiyonun 4-5-nə kompulsiv reaksiya versəniz belə bu xəstəlikdən əziyyət çəkirsiniz. və ya, elə xəstələr var ki, onların həyatı kompulsiyonlara görə çox çətindir. qapını dəfələrlə kilidləyib açmaqla kilidləndiyinə əmin olmaq, kiminsə sizi eşitdiyinə əmin olmaq üçün bir şeyi dəfələrlə təkrar etmək, simmetriyaya düşkünlük, ən kiçik qanunauyğunsuzluğun kompulsiyonu tətikləməsi və s. bu xəstələrlə sizin çox fərqli olduğunuzu düşünüb sizdə sarışan hallar olmadığı nəticəsinə gəlməyin, çox fərq göstərir xəstələr arasında.
bir sıra dərmanlar və ya psixoterapiya ilə (normalda ikisini bir arada aparırlar) müalicə oluna bilər. tam keçəcək ya yox-bu bilinmir.

friends

yazılan bütün mənfi rəyləri unudun.
ilk əvvəl onu qeyd edim ki, sitcomun mahiyyəti onsuz da dərin düşüncələrə aparmaq, nə bilim nələrsə yaratmaq, kəşf etmək deyil. əyləncədir. amma bu sahədə friends-ə çatan yoxdur, ola da bilməz.
3-ü qız, 3-ü oğlan olmaq şərtilə (monica, phoebe, rachel, ross, joey, chandler) 6 dost və onların həyatında baş verən hadisələrdən danışılır. hamısının bizim kimi problemləri var, buna görə də özümüzə yaxın hiss edib xəyalən dost oluruq onlarla. iki qız (monica və rachel) iki oğlanla (joey və chandler) qonşudur, buna görə də birlikdə çox görürük onları. ross monicanın qardaşıdır, ən uzaqda yaşayan phoebe-dir. hərəsinin öz xarakteri, mənfi və müsbətləri var. amma niyəsə ən çox əsəbə toxunan rachel-dir. bununla belə, 10 ildə onun necə dəyişdiyinin şahidi olacaqsınız. özünüzü sıxıb 1-ci sezonu bitirin, sonra özü gələcək. joey favoritiniz olmağa ən real namizəddir. highly recommended

aybaşı

uşaqlıq hər ay özünü hazırlayır ki, bəs burda uşaq qalacaq, yeri rahat olacaq. divarlarını zadı düzəldir, yeri rahatlayır. sonra yumurtalıq hazırladığı yumurtahüceyrəni göndərir uşaqlığa, amma aydın olur ki qonaqlardan biri - sperma gəlməyib. nəticədə mayalanma baş vermir, uşaqlıq da bundan necə məyus olursa min bir əziyyətlə qurub yaratdığı yuvanı dağıdır, uşaqlıq divarlarının qopub tökülməsi ilə də qan gəlir. zarafat etmirəm, azca məzələnsəm də tam belə olur.
edit: belə cahilcə yazılmış entry-dəki səhvi niyə bir nəfər düzəltmək istəməyib, çatmır mənə. iki qonağın görüş yeri uşaqlıq deyil, ora mayalanmış halda gəlirlər. utanc mənbəyim olaraq dursun belə.