düşün ki o bunu oxuyur

bir səfehlik daha elədim. yenə incitdim səni deyəsən.demişdim amma ən çox sevdiklərimi incitdiyimi. həm də özümü alçaltdım bu dəfə. gərək eləməyəydim. sadəcə sənə baxmaq, səni izləmək istəmişdim. darıxmışam axı.. həm də gülümsədiyin o an yenə unutdum hər şeyi. bu dəfə bir ehtimal belə ola bilməyəcəyimizi. dəyişən həyatımı..
indi səni sevdiyimə inanmırsan. canın sağ olsun. amma mən yalan deməmişdim, əzizim. zamanla öyrənəcəksən çarəsizlik necə bir hisdi.
həyat yenə şərəfsizlik elədi.yenə məğlub oldum. bu dəfə revanşı olmayacaq. çünki, xəyal qurmuram artıq, ümidim yoxdu. çünki nə sənin sevmək ehtimalın var, nə də uzaqdan sevə bilərəm səni.
o gecə səni sevdiyimi dediyimə görə, qurduğumuz xəyallara görə, tuta bilməyəcəyim sözlərə görə bağışla məni.
hər şey bir yana, yaxşı ki, sevgili deyildik

nizamülmülk

böyük səlcuq imperatorluğunun yüksəlişində əvəzsiz xidmətləri olmuş siyasi xadim. səlcuq sultanları alparslan və məlikşah ın vəziri olmuşdur. məşhur "siyasətnamə " əsərinin müəllifidir. 74 yaşında "xaşxaşi" sui-qəsdçisi tərəfindən öldürülmüşdür

sözlərin deyiliş formasında yazılması

ədəbi dilin orfoqrafik normasına əməl olunmaması. nitq mədəniyyətsizliyi. savadsızlıqdan daha çox dilə biganə yanaşılmasının nəticəsidir.
düzgün yazılışını bildiyimiz sözləri tələffüz etdiyimiz kimi yazmaqda niyə belə israr edirik ki? səmimiyyət göstəricisi deyil, doğru şəkildə yazmaqdan çətin də deyil. ətrafımızdakı bir çox şeylər kimi dilimizə də laqeyd yanaşırıq sadəcə.
(baxma: ədəbi dilin normaları)
(baxma: nitq mədəniyyəti)