game of thrones azərbaycan

robert baratheon - ilham əliyev
cersei lannister - mehriban əliyeva
tywin lannister - arif paşayev
joffrey baratheon - heydər əliyev jr
stannis baratheon - surət hüseynov
renly baratheon - rəsul quliyev
gregor clegane - vilayət eyvazov
ned stark - əli insanov
john snow - ilqar məmmədov
davos seaworth - erkin qədirli
grand maester pycelle - allahşükür paşazadə
high sparrow - taleh bağırzadə
high sparrow müridləri - nardaran camaatı
olenna tyrell - lalə şövkət
roose bolton - bəylər eyyubov
ramsay bolton - robert eyyubov
aerys targaryen aka mad king - elçibəy
aemon targaryen - elçibəyin qardaşı
dothrakilər - yerazlar
white walkers - ərəblər
wildings - qaçqınlar
night's watch - lələtəpə
iron bank - beynəlxalq maliyyə fondu (imf)
walder frey - cəlal əliyev
lord baelish - natiq cəfərli (potensial satqın)
varys - altay göyüşov

abş ali məhkəməsi

bugün eynicinsli cütlüklərə övladlığa uşaq götürmə zamanı doğum şəhadətnaməsi alma hüququ verərək ən biabırçı, gülünc qərara imza atdılar. başdan-ayağa məntiqsiz, səfsətə olan qərar dövlət tərəfindən diqtə edilmə nəticəsində qəbul olunub. çünki abş ali məhkəmə hakimləri bütün xalq homo olsa belə irrasional, elmə zidd, insan hüquqlarını pozan qərar qəbul etməz. əvvəla irrasional və elmə ziddir, ona görə ki doğum şəhadətnaməsində doğulmuş uşağın bioloji ata-anasının adı yazılmalıdır. yəni doğan tərəf var, bir də bioloji ata var. iki bioloji ata olmur. elmə ziddir bu. beləliklə doğum şəhadətnaməsinin gərəkliyi də yox olur. onda nə ehtiyac var buna?
ikincisi, insan hüquqlarını pozur, ona görə ki övladlığa götürülən uşağın həmin anda şüurlu seçim etmə imkanı olmur və o, gələcəkdə yaşadığı cəmiyyətdə qəbul olunan ailə sistemində böyümür. bunun da təbii olaraq psixoloji problemləri uşaqda özünü göstərəcək.
ali məhkəmə bu qərarın açıqlamasında da utanmadan "cinsi azlıqların hisləri inciməsin deyə qəbul etdik" deyir. soxum onların hislərinə, elmi faktlar hislərdən üstündür. beləliklə, bir çox avropa ölkəsində olduğu kimi amerikada da belə psevdo elmə qapı açan qərarların qəbul olunmasının arxasında dövlətin də iştirakçısı olduğu güclü təbliğat və təyziq dayanır. yoxsa ali məhkəmənin originalist hakimləri bu cür gülünc bir şeyi heç vaxt qəbul etməz. yəni bundan sonra heç kim deməsin ki trangenderizmə dövlətlər qarşıdır, xeyr elə dövlətlər bunun yayılmasının əsas təşkilatçılarıdır.

məcburi hərbi xidmət

hər dəfə müzakirəsi gedəndə bəzi fikirlərin məni dəli etdiyi mövzudur bu. ay qa, məcburi xidmət gömrük və vergiylə (mübahisəli məqamları da çoxdur) birlikdə insanı ən çox alçaldan şeylərdir. bir insanın öz müqəddəratını təyin etmə hüququ varsa, yaşama hüququ varsa məcburi hərbi xidmət cinayətdir. mən hərbidən yayınmışam, qanunsuz yolla öz də. niyəsi də çox sadədir. çünki əsgərlik insanın ruhunda olmalıdır, sən onu sonradan sevə bilməzsən, sonradan vətən uğrunda ölümə gedəcək psixologiyada ola bilməzsən. bu dünyada hər adamın bir yolu var, biri elm adamı olmaq istəyər, biri incəsənət, biri varlı həyat üçün çalışıb iş adamı olar, biri də hərbçi olar. yəni hərbçilik peşədir, ixtisasdır. buna istəyin olmasa, iş əmsalın da aşağı olar. bizim millət hərbi ruhlu millət deyil, burası dəqiqdir. aprel döyüşlərində də gördük bunu, heç kim hazır deyildi müharibəyə və hamı məyusluq, qorxu içində idi. siz sosial şəbəkələrdəki duzu quru adamlara baxmayın, övladları hərbidə olan kasıblardan gedir söhbət. əsgərlərin özləri də məqsədi bəlli olmayan bu oyunda qurban getmək istəmirdi. deməli əsgərlik məcburi yox, könüllü və muzdlu şəkildə təşkil olunmalı, hərb akademiyalarından, hərbi liseylərdən başlayan təhsil və təbliğatla güclü ordu yetişdirilməlidir. və ən sonda ordu prezidentin əmrindən çıxarılıb müstəqilləşdirilməli, sadəcə parlamentə hesabat verən, amma öz iradəsi daxilində hərəkət edən quruma çevrilməlidir. orduda özünə inam belə formalaşar və mobil ordu belə proseslər nəticəsində yaranar.
qaldı ki qarabağ problemi, o problemin çıxış yolu qətiyyən müharibə deyil. heç kim döyüşməyəcək çünki. heç kimdə torpaq dərdi çəkəsi vəziyyət qalmayıb. bu siyasi problemdir və kökü rusiyada, azərbaycan, ermənistandakı kök salmış siyasi iqtidarlardadır. əsas məsələ, bu iqtidarları dəyişməkdir. qarabağ məsələsi azərbaycan xalqının mənafeyindən çox əliyev rejiminin mənefeyi ilə əlaqədardır. və azərbaycanda bir dövlət yoxdur, çünki xalqın iradəsi təmsil olunmur, yalnız bir qrup oliqarxiyanın iradəsi xalq iradəsi, milli təhlükəsizlik kimi soxuşdurulur. xalqın vətənini, dövlətini, ordusunu sevməsi üçün onların idarəsini xalqa vermək lazımdır birinci. ucuz populistlikdir qalan şeylər.
irana gəldikdə isə, iran azərbaycana qarşı heç bir addım ata bilməz. bizim sığortamız orada yaşayan 30 milyon soydaşımızdır.

qazaxıstanda hicab qadağası

ümumiyyətlə son vaxtlar nursultan nazarbayevin öz mənfəətini güdən diktator, yoxsa atatürk kimi xalq mənfəəti üçün çalışan diktator olması arasında vargəl edirəm. adam qazax xalqı üçün çox önəmli addımlar atdı. rus əlifbasını ləğv elədi, rusdilli təhsili sıxışdırdı ki, bunlar çox önəmli idi, çünki mədəni əsarət uzun perspektivdə yenidən siyasi əsarətə çevrilə bilər. heç kim izləmədi, amma iki ay əvvəl adam parlamentar dövlət modelinə keçdi. öz səlahiyyətlərinin azalmasına göz yumdu. indi də bu qərar. əgər doğrudursa, nursultan yenə dahi bir addım atıb. təbii ki, bunların heç biri onun insan hüquqlarını pozmasını gözardı edə bilməz, amma reallığı dərk edib hərəkət etdiyi aşkardır. çünki siyasi islam orta asiya ölkələrində mötəbər mövqedədi. düzdür, qazaxıstanda çox böyük gücə malik deyil, amma özbəkistanda ana müxalifətdir və işidin insan qaynağıdır. uyğurlarda həmçinin. normal hüquqi dövlət yaratma prosesini başa vurub cəmiyyəti avropalaşmağa doğru aparsa, nursultana halal olsun onda.

qətər-ərəb liqası böhranı

bugün başda səudiyyə ərəbistanı və misir olmaqla, b.ə.ə, bəhreyn, yəmənin qətərlə diplomatik münasibətləri kəsməsiylə baş vermiş böhran. amma kökü çox dərinlərə gedib çıxır.
amma əsas aqressiya birinci gün qətər kralı şeyx tamim bin hamadın iranı bölgədə sülh təminatçısı kimi gördüklərini açıqlamasından sonra başladı.
əvvəla qətər həmişə səudiyyə rejimini narahat edirdi, çünki qətər səudiyyənin dominantlıq etdiyi, başı israil-amerikaya bağlı olan bir siyasi-iqtisadi birlikdə zəif qalmaq istəmirdi. bunun nəticəsi olaraq ərəb dünyasının ən böyük və dünyanın mötəbər media orqanlarından olan al-jazeerani yaratdı. səudiyyəni qətərin media gücü narahat edirdi. qətər dünyada qaz rezervlərinə görə 3-cü yerdədir. kiçik ərazisi olduğu üçün və liman ölkəsi olduğu üçün boru kəmər qazı yox, lng (maye qaz) satır və bu sahədə liderdir. əsas bazarı hindistan, çin, yaponiya, cənubi koreyadır. və bu ölkələr də israil, amerikanın siyasi iradəsiylə qətərdən imtina etməz. deməli qətər burda özünü sığortalayır.
amma qətər üçün təhlükəli məsələ qida təminatıdır. ölkənin qida məhsullarının 90 faizini səudiyyə ərəbistanı təmin edir. iran bu nöqtədə səudiyyəni əvəzləmək potensialına sahibdir sözsüz ki. amma qətər enerji perspektivindən baxdıqda bu dəfə də opec-də təklənmiş vəziyyətə düşür. əsasən b.ə.ə, səudiyyə və küveyt tərəfindən. bu üç ölkə opec-də charter sövdələşməsi əsasında fəaliyyət göstərir.
səudiyyə məsələdə ciddidir, çünki bütün əlaqələri kəsdi və birbaşa qətəri müsəlman qardaşlara maliyyə dəstəyi eləməklə ittiham etdi. eyni mövqe misir tərəfindən də sərgiləndi, çünki həm misirdə, həm də bir çox ərəb ölkələrində müsəlman qardaşlar silahlı müxalifət mövqeyindədirlər.
əsas məsələ təbii ki müsəlman qardaşlar idi. amma ikinci önəmli səbəb də yəməndə iranın dəstəklədiyi hutilərə maliyyə dəstəyi idi. hutilər radikal şiələrdir. paradoks isə qətərin sünni, hətta vəhabi rejim olmasındadır. amma məsələ köklü surətdə araşdırıldığında görünür ki, qətərin könlü asiya birliyindədir. çin-iran-rusiya-türkiyə (nə qədər mübahisəli olsa da) və hətta hindistanın yer alacağı birlikdə özünü də görmək istəyir. real görünür, çünki iranla birləşsələr, bölgədə iran çox güclənəcək. iranla yaxınlaşmanın əsas göstəricisi 2015-ci ildən etibarən qətər və iranın fars körfəzində south pars qaz yatağında ortaq olmaları barədə memorandum oldu.
əgər bölgədə böhran dərinləşərsə, neft qiymətləri də uçar. təbii ki, bunu istəmirik, bizimkilər yetərincə zəifləyib, göydəndüşmə olar onlar üçün.
iranın bölgədə güclənməsi isə ərəblərdən çox israili qorxudur, ona görə də bu "ərəb qərarı"nın arxasında əsas olaraq israil var.
bu məsələdə ən maraqlı mövqe rusiya və ingiltərənin olacaq. çünki 2013-də qətərin suveren fondu rusiyanın əsas enerji şirkəti olan rosneftin 20 faiz hissəsini aldı. həmçinin bp də qatargas və rosneftdən hissələr aldı. enerji dövlətlərin monopoliyasında olduğu üçün tam olaraq security və geopolitik bir məsələdir.
məsələnin bir də türkiyə perspektivi var təbii ki. türkiyə iqtisadiyyatı çöküşdədir və akp iqtidarı tam olaraq ümidləri qətər puluna bağlayıb. həmçinin bütün ərəb dünyası tərəfindən və amerika-israil birliyi tərəfindən suriyadan təcrid olunan türkiyə təkbaşına qalmışdı. ypg-pyd-yə qarşı bir yerdən maliyyə dəstəyi gəlməliydi. iran var idi, amma iran da akp iqtidarı ilə əsəd məsələsində kollizyada idi. ona görə ən optimal variant qətər oldu. belə ki, həm türkiyə, həm qətər müsəlman qardaşları demokratik siyasi birlik kimi tanıyır. akp sözsüz ki, qətərin arxasında dayanacaq və artıq partiyanın media qurumları hərəkətə keçib. dünənə kimi səudilərə qardaş deyənlər uje, israil iti deyir.
görək qətər hara qədər davam edəcək.

ilham əliyev

rusiya tərəfindən artıq silinmiş lider. bəli, rusiyanın gələcək qafqaz planlarında ilham əliyevə yer yoxdur. səbəbi, ilhamın sərvətini qorumaq üçün israil, ərəb liqası ilə həddən artıq yaxınlaşması və avropalıların tırkasıyla cənub axınını rusiyanın diqtəsindən kənar həyata keçirməsidir. rusiyanın artıq ilhamla yola davam etmək istəmədiyini bu yaxınlardakı azərbaycan diaspor qurumunu ləğv etməsiylə gördük. çünki həmin qurum bizim iqtidara bağlı idi. amma ölkənin siyasi arenasında ilham əliyevə alternativ rusameyilli siyasi lider olmadığı üçün rusiya hələ ki yola bizimkiylə davam edir. son dəfə merkellə görüşəndə pərdəarxası çox önəmli söhbətləri olub. ilham merkeldən vaxtiylə azərbaycana dubayda metal emalı zavod kompleksinə investisya adıyla 3.3 milyard dollar pul atmış ingilis iş adamından həmin pulu qaytarmağı xahiş edib. təbii ki, rədd cavabı gəlib. bu pulun atılma hekayəsi bizim hökumətin küçə uşaqlarından təşkil olunduğunun sübutudur. deməli 2004-dən etibarən neft erası başlandı, bu müddət ərzində sadə xalqın xəbəri olmadan ölkəyə yüzlərlə trader, broker, hedge fund manager gəldi. gəlmələrinin səbəbi həm oliqarxiya, həm də neft fonduna girən pulları birja əməliyyatlarına cəlb etmək idi. amma gələnlərin arasında bu hökumətə pul atmağın su içimi olduğunu dərk edənlər də var idi. atdılar da. ən böyük pulu atan ingilis iş adamı oldu. bizimkilərə birja əməliyyatlarından daha qazanclı iş təklif etdi. guya ki, dubayda metal emal zavod kompleksi açacaq, hər il 50 faiz gəlir, bir neçə ildən sonra da zavod kompleksi bizimkilərə veriləcək. bizimkilər də ağızları sulana-sulana o dəqiqə razı oldular. 2 milyard ilkin ödəmə, daha sonra isə 1.3 milyard yüksək texnologiyanın zavoda təmin edilməsi üçün. ingilis iş adamı cəmi 700 milyon xərcləyib zavodun skeletini hazırlayıb aradan çıxır. bizimkilər adamı təqib edəndə adamın arxasından mi6 çıxır. pul da beləcə gedir.
bütün bunları qoyaq kənara, hətta belə ağır vəziyyətdə ilham əliyev bu il üçün ayrılmış 10 milyard dollarlıq büdcədən 2.5 milyard istəyir. və bunun hər şeyə rəğmən gerçəkləşməsi üçün maliyyə nazirliyini, aparatı pazlayır. yenə tikinti, infrastruktur layihələrinə ayrılmalı olan pulu cibinə endirib, çəkiləcək xərcləri oliqarxiyaya ödətmək istəyir.