işid

iki gün əvvəl bbc tərəfindən yayılan videoda raqqa şəhərində pyd-ypg terroristləri (mən bunlara ümumilikdə pkk deyirəm, çünki mənbə və ideologiya etibarilə hamısı pkk-lıdır.) tərəfindən məğlub edilib əsir götürülən işid militanları böyük tırlarla şəhərdən çıxarıldığı göstərilirdi, öz də silahlarıyla birlikdə. işidçilər raqqadan çıxarılıb suriyanın zəngin neft yataqlarının olduğu, hal-hazırda uğrunda əsəd-rusiya və ypg-pyd-sdf (syrian democratic forces, yəni abş-ın dəstəklədiyi kürdlərin dominantlıq etdiyi silahlı qrup) arasında döyüş gedən deyr əz-zora göndərildi. təbii ki əsəd-rusiya ittifaqına qarşı döyüşlərdə kürdlərə dəstək vermələri üçün.
əsas suallar budur; 1)abş niyə bunu edir? 2)bu abş-ın radikal islama qarşı olmadığını sübut edərmi? mərhələli şəkildə suallara cavab verəcəm.
1-ci sual: abş suriyada iranın öhdəliyi altında olan bir iqtidar istəmir, bunu təkcə abş yox, israil, ərəb liqası da istəmir. hətta əsədə iranın təsir dairəsindən çıxması şərtiylə hakimiyyətdə qalması, suriyanın ərazi bütövlüyünə təminat verilməsi də təklif olunub. amma əsəd qəbul etməyib, çünki bilir ki, bu təklifi qəbul etdikdən sonra iran nə yolla olursa olsun, əsədi öldürəcək. deməli abş suriyada kürd dövləti və iqtidarda qərb meylli bir şəxs görmək istəyir. bunun üçün də bütün yollara əl atacaq, çünki abş-ın yaxın şərqdən çəkilməsi abş üçün həyati önəm daşıyan petro-dollar dominantlığını itirməsiylə nəticələnə bilər, sırf buna görə abş onillərdir ki, zəngin neft yataqlarının olduğu ölkələrdə nə bahasına olursa olsun, özünə yaxın olan iqtidarların hakimiyyətdə qalmasına çalışır.
2-ci sual: qısa olaraq cavab xeyrdir. abş reyqan dövründən başlayaraq siyasi islama göstərdiyi dəstəyi obama dövründən etibarən kəsdi və fundamental islamı (bura müsəlman qardaşlar, həmas, əl-qaidə, ihvan hərəkatı və iranın rəhbərlik etdiyi radikal şiəlik daxildir) hədəfə aldı. bu siyasət qeyri-rəsmi olaraq "obama doktrinası" adlandırılır.
yenə sual yaranır: yaxşı, bəs abş niyə birdən-birə radikal-siyasi islama qarşı mövqeyini dəyişdi.
ilkin olaraq, bunu bilmək lazımdır ki, abş kefindən radikal islamı dəstəkləməmişdi, ssri-nin əfqanıstana hərbi müdaxiləsindən sonra bu addımı atdı və islam liderlərinə bütün sünnilərə cihad çağırışı etmələrini diqtə etdirdi. əfqanıstan müharibəsinə dünyanın bütün yerlərindən müsəlman mücahidlər axışdı. ssri məğlub edildi. təbii ki, abş bundan sonra da radikal islamdan istifadə etdi, ta ki iraqa girənə qədər, o dövrdən etibarən artıq radikal islam abş-ın maraqlarından kənardaydı və artıq idarəedilməz hala gəlmişdi. müsəlman qardaşlar, ihvan hərəkatı, həmas kimi qruplara müsəlman ölkələrində geniş xalq kütlələri tərəfindən verilən dəstək abş-ın strateji maraqlarına ziddir, abş ərəb ölkələrində növbəti iranın yaranmasını istəmir.
yadımdan çıxmadan bunu da deyim, abş cihadçılardan təkcə yaxın şərqdə mi istifadə etdi? yox, rusiyada da istifadə etdi. rus-çeçen müharibəsində. rus-çeçen müharibəsi çox maraqlı mövzudur, ayrıca entry silsiləsi yazacam.
əlqərəz, abş-ın bundan sonra görmək istədiyi yaxın şərqdə radikal islama yer yoxdur. bu həm abş-ın bölgədəki maraqları, həm də israil və ərəb liqasının maraqları baxımından önəmli məsələdir. hətta israil və ərəb liqası üçün milli təhlükəsizlik məsələsidir.
ona görə də işidin ora-bura aparılması normaldır, işid artıq yoxdur, qalan it-qurddan da müəyyən qədər istifadə ediləcək sadəcə. abş artıq yaxın şərqdə öz ordusundan istifadə etmir.

4 noyabr 2017 səudiyyə ərəbistanı çevrilişi

tipik şərq ölkələrinə xas olan saray çevrilişidir. səudiyyə ərəbistanı düşdüyü çətin geopolitik vəziyyətdən çıxmaq üçün, bölgədə get-gedə artan iran nüfuzunun qarşısını almaq üçün, yəmən, işid məsələsində itirdiyi beynəlxalq imici bərpa etmək üçün reformlar etməyə, xarici siyasət xəttində və ideoloji istiqamətdə dəyişiklik etməyə məcbur idi.
bu yenilikçi siyasətin əsas mahiyyəti yumşaq islama keçmək, ekspansionizm siyasətində yeni perspektivlər müəyyənləşdirmək və ən əsası ölkənin neftdən gələn gəlirlərini müxtəlif istehsal sahələrinə yönəltməkdir.
bu yenilikçi siyasətin lideri və mütəşəbbüskarı kral salmanın 31 yaşlı oğlu məhəmməd bin salmandır. amma məhəmməd bin salmanın bu reformları keçirməsi ölkədəki mühafizəkar qrup tərəfindən müsbət qarşılanmadı, hansı ki, bu mühafizəkar qrupun əlində ordu, pul var idi. öz də mühafizəkar komandanın rəhbərləri mbs-nın əmisi kral abdullanın (artıq ölüb) uşaqları idi.
mbs atasının da birbaşa dəstəyi ilə rəqiblərini zərərsizləşdirmək üçün korrupsiyaya qarşı mübarizə adı altında taxt-taca hüququ çatan əmisi uşaqlarını həbs etdirdi. amma həbs olunan əmiuşaqları türmə əvəzinə ritz carlton riyad otelinə aparıldı. çünki onlar şahzadədir və ölkədə xeyli tərəfdarları var. həm də mbs bununla onlara "girovumsunuz" və "ağıllanmasanız, bundan da pisi ola bilər" mesajı verdi.
mbs keçən həftə baş tutan "səhra davosu" konfransında reformlar edəcəyini, korrupsiyaya qarşı mübarizədə amansız olacağını bildirmişdi. deməli məqsəd korrupsiyaya qarşı mübarizə filan deyilmiş. artıq bütün gücü əlində toplamaqla bərabər, siyasi xətdə dəyişiklik üçün də maneələri aradan qaldırmış oldu.
bu hadisədən sonra bir neçə saat sonra yenə də mbs-nın təyziqi ilə livan baş naziri həriri istefa verdi.
siyasi xəttin dəyişilməsinin əsas məqsədi irana qarşı effektiv mübarizədir. səudiyyə ərəbistanı iranın ərəb ölkələrində şiələri hakimiyyətə gətirməsini milli təhlükəsizlik məsələsi kimi qəbul edir. bu hadisələrdən sonra yenidən səudiyyə-israil-amerika əməkdaşlığı və irana qarşı ortaq mübarizə görəcəyik. bu dəfə artıq iranı bölmək prioritetdir.

yazarların sevdiyi maşınlar

(baxma: rolls royce wraith)
(baxma: audi a6)
(baxma: porsche 718 boxter miami blue)
(baxma: audi rs7)
(baxma: ferrari 458 spyder)
(baxma: rolls royce drophead)
(baxma: bentley continental gt speed)
(baxma: mercedes amg gt coupe)
(baxma: tesla roadster)
(baxma: aston martin db10)
(baxma: aston martin vanguish)
(baxma: bmw i8)
(baxma: ferrari f12 berlinetta)
(baxma: bentley bentayga)
(baxma: lamborghini huracan spyder)
(baxma: mercedes s63 amg coupe)
hələ bəyəndiyim muscle, vintage maşın modelləri var, onlar üçün ayrıca başlıq lazımdır.

fərəh pəhləvi

xalqına etdiyi zülmlərə baxmayaraq hər zaman məsum, qurban kimi anılacaq ömrü boyu. məni əsəbiləşdirən də elə budur. keçən dəfə belə belə işlər səhifəsində bunu haqqında video çıxıb qabağıma. yalan olmasın 15-16 min like, elə o qədər paylaşım, ağlaşma, artistliyin biri bir qəpikdən. xomeyniyə lənət, fərəhin ölmüş uşaqlarına rəhmət, özünə can sağlığı, azərbaycanlılığıyla millətin fəxr etməsi (halbuki özü azərbaycanlıları ikinci sort millət olaraq görüb, memuarında azərbaycanlılar haqqında yazdıqlarından bilinir bizə qarşı nifrəti.) adamın ürəyini bulandırır.
deməli belə, pəhləvi rejiminin iranlılara vurduğu zərbə mollalarınkı ilə müqayisəyə gəlməz. pəhləvilər ölkəni talan eləmiş, iranlaları cahilləşdirən, gecə evdən adam oğurladan, hakimiyyətin qorunması üçün cinayətlər edən rejim idi. molla rejimiylə müqayisə eləmək ya cahillikdir, ya da riyakarlıq.
pəhləvi rejiminin vaxtında iranlılar yeməyə çörək, geyməyə paltar tapmırdılar, öz memuarında üstü örtülü şəkildə qəbul edir bunu. mehribana lənət oxuyub, buna tərif demək gülüncdür. çünki bu iki şəxs o qədər oxşardırlar ki (həmçinin rza şahla ilham, ikisi də iradəsiz və qorxaqdırlar), talelərinin də eyni olduğunu görəcəyik.
bəzi adamlar pəhləvi rejimini pisləyəndə "mollalar yaxşıdır?" deyir. xeyr, mollalar da iranın sərvətlərini talayır, iranın pullarını şiəliyin yayılması uğrunda hizbullah, həşdi-şəbi kimi silahlı qruplaşmalara paylayır, avropada gözəl həyat sürmələri üçün övladlarının bank hesablarına köçürür, amma ölkədə təhsil, incəsənət, sənayenin inkişafına da diqqət yetirir. müstəqil seçkilərin keçirilməsini təmin edir, söz azadlığı, mətbuatın azad işləməsini təmin edir. mitinqə çıxan insanları polislə dağıtmır. (bəzi istisnalar var əlbəttə ki, ali dini lideri tənqid eləsən başın getdi, molla rejiminə dil uzatsan vay halına, yalnız siyasi hakimiyyəti tənqid edə bilərsən)
deməli dünyanın fərəhi sevməsinin, onu qurban, məsum kimi qəbul etməsinin səbəbi pəhləvilərin devrilməsindən sonra hakimiyyətə gələn molla rejimidir. bütün dünya pəhləviləri mollaların, radikal dindarların yıxdığını düşünür, amma belə deyil. şah rejimini devirmək istəyən xalqın əksəriyyəti demokratik dövlət ümidləriylə küçələrə çıxmış gənclər, ziyalılar idi. əlbəttə, mühafizəkar kütlə də güclü idi, amma hamı xomeyninin demokratiya, "mənim siyasi məqsədlərim yoxdur" vədlərinə aldanıb onu dəstəkləyirdi.
indi iranda olanlar çox üzücüdür, iranlılar bəlkə də, dünyada ən humanist, tolerant və demokratiyaya layiq insanlardır, amma hakimiyyətdə mollalar var deyə, oturub fərəhə, rza şaha tərif demək məntiqə sığan bir şey deyil. bunu da əlavə etmək lazımdır, iranda dövlətçilik, siyasi missiya da molla rejimində yarandı. şah rejimində iran heç nə idi.

kevin spacey

pedofil olduğu üzə çıxan ən sevdiyim aktyorlardan biri. düzünü desəm bu hadisə məni nə təəsüfləndirdi, nə də ki təəccübləndirdi. çünki abş cəmiyyətinin artıq normal olmadığı məlumdur, bu manyaklıqlar da ilk dəfə olurmuş kimi davranan amerikalılar da ya safdırlar, ya da özlərini axmaq yerinə qoyurlar.
deməli kevin müəllim özünün dediyinə görə, 30 ildən artıq müddət əvvəl 14 yaşlı bir oğlan uşağını (anthony rapp) taciz (əslində bizim leksikonda bunun adı qısnamadır, cinayət məcəlləsində də bu ad altında anlayış verilib) edib. xəbər ortaya çıxanda kişinin oğlu guya qabaqdan gəlmişlik edib, həyatına hal-hazırda həyatına gey kimi davam etməyi seçdiyini (ups, bəs homoseksuallıq anadan gəlmə, təbii deyildi?), o dövrlərdə biseksual olduğunu və həmin hadisə baş verərkən sərxoş olduğunu bildirdi.
başdan ayağa yalan, bu adam həmin vaxt sərxoş olduğunu xatırlayır amma oğlan uşağını zorlamaq istədiyini xatırlamır?
gey olduğunu isə niyə dediyi məlumdur. özünü məsum pilləsində göstərmək üçün. çünki indiki dövrdə gey oldunsa, camaatın ağzını siksən də, liberal medya səni məsum, nə bilim, "cəmiyyətin təyziqləri nəticəsində psixoloji sarsıntı keçirən marjinal", "patriarxiya qurbanı", "maskulinlik qurbanı" kimi tirajlayacaq. elə də oldu, bütün medya kevinin pedofilliyindən, 14 yaşlı oğlan uşağını zorlamağa cəhd etdiyindən yox, biseksual, gey olduğundan yazdı.
öz də bu şəxs hollywood elitasına mənsubdursa, liberal siyasi establishmentə də yaxındırsa, ona hər yerdə yaşıq işıqdır. öz də baxma da, incəsənət adamıdır axı, o həyata bizim kimi baxmır. belə-belə kevin kimi manyakların etdikləri ilə sərbəst yaşamalarına göz yumulur. çoxlarının sevdiyi, özünü həmişə ağıllı, snob kimi aparan woody allenin də qızı ilə evlənməsinə "incəsənət adamıdır da" reaksiyası gəlmişdi.