mənasızlıq

volume vıı;
çək zippo'mun 40 çaplı tətiyini, əsmər...
yansın bütün fahişəliklər!
böyük sənətkarlara coffee latte, yaxşı sənətkarlara copy paste...
amma şəkərsiz!
bütün ürək bulantıları ürəkdən gəlirsə, sartre sizi ürəkdən aldadıb!
aldanmağa davam edin, başqa cür bu qədər karikaturalaşa bilməzsiniz...
çox sıxsanız;
"neque porro quisquam est qui dolorem ipsum quia dolor sit amet, consectetur, adipisci velit ..." deyə microsoft mesajlar verə bilərəm yeni tikilən ofisimizdən.
shit!
cümlə içərisində göstəriş dəlisiyəm, həyatda tam əksi olsam da.bütün bəzəkli cümlələrlə masturbasiya etmək istəyirəm.
bir kəlimənin balkonundan digər kəliməyə keçidlərdə tutdu şərəfsizliyiniz məni;
ağzınızdan əməllərinizdən başqa hər şey çıxır!
səviyyə nazirliyi xəbərdarlıq edir;
viskini kokainsiz içməyin.əks halda hamilə dala bilərsiniz, xəyallara.
kilsələrdə namaz qılıb, məscidlərdə günah çıxarıb 10ave maria, buddist məbədlərində ibranicə sidur oxuyaraq içinizdəki şeytanı schubertə çevirə bilərsiniz.
2 əl atəş və nöqtə;
sən nə ruhsuz adamsan!
dünya mənə arxasını çevirib.daha pisi isə onu oxşamalı yoxsa təpikləməli olduğumu bilmirəm.gözəl dişlərim var amma gülməyə səbəblərim yoxdu.
sonunda dünyada mənim kimi tək qalacaq.
çovdarlıqda tanrıdan qoruyanı yazacam.
daha sadə daha oxunaqlı.
6 cərimə zərbəsi 5 peşmançılıq, iki nöqtədən yalnız bir doğru keçir, paralel sevgilər kəsişmir!

mənasızlıq

volume vı;
beş sevgi şeiri yazıb özümə daha çox nifrət etdim.üzü qibləyə diz çöküb yalvaranların, üzü qibləyə baş kəsməklərindən qorx.
metamarfoza...
romb üzərində yaradacam oyunu.daşların adı mən və siz olacaq.siz məni və ya məni sizi mat edəcəm.hələlik qalib sizsiniz.partladın axırına qədər gillədin şampanları.
fikirləşmək ürəyimi bulandırır,sadəcə fotosintez etməliyəm.
tanrı yuxarıdan mənə baxırsa,utanmalıdı.utanmırsa oynaya bilər.
mən sözləri, radio isə masturbasiya dalğalarını ötürür.voyb-nu48 adlı robotun,”insanların səhvi”kitabının bütün nümunələrində mən varam.nə bilirsiz onu edin. bilmədiklərivizi də edin.
yuxuda jean seberg'i görmüşəm.saçın saçımdan uzundu deyə bizdə alınmaz,deyirdi.əgər saçın qısadısa və yuxuda görəcəksənsə sizdə mütləq alınar,ümidlən.

neron romanı yandırmaq əvəzinə tərsinə çevirsəydi;
amor.
himlerin əlini sıxıb ss-sə qoşulacam, qırxılmış başla.
lone starın sonuncu qurtumunu içib, sweet aftonu dodaqlarıma bərkidib susacam.
tutmağa bir yer qalmayıb.həyatımı tikmisiz.özüdə stereotiplərivizə.
dərindəyəm.
dib.
enter the void.
electra,what is your ultimate fantasy?!

mənasızlıq

volume v;
.taksidə 3 nəfər gedirik.dördüncünün sevgilisi çıxıb.birdə içkilərin içiləni yox atılanı.
xoşbəxtlik həbləri isə çıxmayacaqmış.valiumlar da yalanmış.hamı özü tapmalıymış.hər yerdə ola bilərmiş,mağarada,funikulyorda,andromeda və ya üç'ün dördə şəkilillərdə.
salam,pollyanna.
niyə yazmırsan mənə?!
sənki…
az yuxu gördüyüm üçün həyatımı qarışdırmışam.düşən düyünləri aça bilərsiz?!
şalvarımın arxa ciblərində iki şeir var hamısını sizə verərəm.

mən sənin bildiyin oğlanlardan dəliyəm!

soyuqdan üşüyəndə tələsirdim həmişə tərk etmək istədiyim evə.dəniz mənzərəli pəncərələri olub sevginin olmadığı evi deyirəm.
dodaq qaçmaları,yanaq batmaları,stop kadr olmadı.aktirisanın makyajını təzələyin.zəhmət olmasa yan masaya iki çay və rulet.amma rus ruleti olsun.
tükənmişəm.
al axmaq daha betər ol.
taksidə üç nəfər gedirik dördüncünün sevgilisi çıxıb.
birdə tabu qıranlar,əzbər pozanlar.hara baxırsan onlardı.heç vaxt çata bilməyəcəkləri mədəniyyətin qırıntıları.
madakı'n 128 tikişli şeirləri,sonu n ilə bitən adım var. kofeli stəkan dairəvi üz qoyub masada.kitabın yanma istiliyi 451f olmalıdı,yansın bütün kitablar.
onlar adamı…
pollyanna.
sənki…
ona qədər sayıram,kimdisə kitablara ön sözləri yazanlar bir addım qabağa.
maestro,məncə priest və ya pianissimo'dan sonra sətəlcəm olmalısınız.sözləri ilə qırdıqlarını əlləri ilə düzəldə bilmir adam.
bir yazı elə başlayıb və belə nöqtələnməz(ona görə də nida)

mənasızlıq

volume ıv;

ölmək istəyirəm amma evdən qoymurlar.hər kəsin,gözləntilərindən daha çoxunu “bir gün artıq yaşamaqla” verirəm,anlamırlar.
sürətli yaşayıb,tez yorulub,gec ölürəm.
dialoqlar qurmaqdansa üç kilometr artıq yerimək daha asan gəlir.bütün dünyaya küsmüşəm,insanları tanıyandan sonra tanrıya nifrət edirəm.bütün günahlar onun,günahının adı olmamağıdı.əksi olsaydı,heç kimsə qadına günəşin şüalarını qadağan edə bilməzdi.
əgər əksi olsaydı qadını döymək haqqında ki,ayətlər ağlayaraq oxunmazdı.
səmimi fahişə,allahlardan daha yaxşı bilir nə istədiyimi.hansı anda susmağın,qışqırmağın,başa düşməyin lazım olduğunu.
başım batsın.
qazıb-qazıb tapa bilməsinlər.
yoxa çıxım.
qapı-qapı soruşub tapa bilməsinlər.
hamının evə getmək üçün gözlədiyi avtobusu ölmək üçün gözləyəcəm.içib-içib əyyaş ola bilməməyimə içəcəm.düşmən dövlətlərin himnlərini miksləyib,siyasətçilərə suiqəstlər hazırlayıb,dairənin içində ki,a-nın mənasının oğuz atay olduğunu hər kəsə başa salacam.bir gün böyük və kiçik ka'lar bura gələcək.
düşəcəklər bura sözlük.
mənim napalion, özlərinin dəli olduqlarını anlayacaqlar.
ən gözəl sevginin bonnie və clyde olduğunu anlayıb, "romeo və juliet'in bütün nüsxələrində səhvlik var üzr istəyirik" deyə yığıb yandıracaqlar
öpüşməkdən və söyüş söyməkdən çatlayan dodaqlarımın bu günlərdə səssizlikdən çatlamağının, poe'nun şəkli olan “lord,help my poor soul” yazılı köynəyini rock ulduzuna oxşatdığınız üçün tərs üz çevirib geyinməyimin, hesabını ödəyəcəksiniz.
profesional ofisiantlar kimi hesabı bir az artıq soxacam sizə.
alınmır.
hər şeyi başa düşüb hər şeyi altı yaşındakı uşaq kimi yazmağımın səbəbi var yəqin.
uzun sözün ixtisarı,hər dəfə görəndə əsl evlənməli vaxtındı deyən qonşumuz,qızını evləndirsəydi canım qutarardı!

mənasızlıq

volume ııı;

bilinmədik qaranlığa yola salarkən bir hissəmi məşuqələrimin gözlərində ölüm istəyimi görmək istədim.
gözlərini yumdular.
r-lar və ə-lər birləşdilər.
o, hərflərlə dünyann ən kədərli şeirlərini yaza bilərdilər amma əvəzində adımı çəkib,kürəyimi cızdılar.
dənizin dalğalarının sahili şillələmək səsi ilə oyanmışam bu gün.
əzan oxunub,namazlar qılınıb,tanrının eqosu bakı vaxtı ilə doyub,qarşıdakı binanın mətbəxlərinin işıqları həmişə olduğu kimi yanılıdı,yenə.
yuxu görüb görmədiyimi xatırlaya bilmirəm.dünən içdiyim içkidən olacaq ki, başım yenə ağrı dağıdı.
dənizin dalğalarının sahili şillələmək səsi ilə oyanmışam bu gün.dənizin dalğaları,dağların zirvələri,gəmilərin yelkənləri varkən mənim heç nəyimin olmadığı həqiqəti bu gündə dəyişmədi.
yalnızlıq var amma istisnalar qaydanı pozmur?!
əgər musiqi ruhun qidasıdırsa mənim ruhum obezdi.
ən çox getmək istədiyim yer qüds, ən çox qorxduğum həyat fəlsəfəsinin təməli, “3 otaqlı ev və iki uşaq” olan qadını sevmək, dünyanın ən təhlükəli hadisəsi evli qadının boynunda, sinəsində xəyanətin izlərini buraxmaqdı;
kirəmitləri qırıq olmayan dam axıtmaz.
tanış olmaq, bir yerdə içmək istədiyim adamların hamısı ölüb.telefonumda nömrəsi olan bütün qızlar ya nişanlanıb ya da evlənib.bir vaxtlar hamısı da eyni cümləni qurmuşdu. halbuki "sənsiz gələcək varsa gəlməsin”.16 yaşımda olsaydım inanardım;
bəlkə.
iki portağal soyduqdan sonra nilgün marmaranı oxudum.əsəbləşdim;
ölə bilmədiyimə,sylvia ilə nilgünün bir-birlərini tanımadığına.yaşamamazlığın rəsmini üç-dört xətt ilə sol biləyimə çəkdiyimi görməyəcəklərinə,əsəbləşdim.
bu yazdıqlarımın adı mənazıslıqdı.
yaşadığım həyatın adı mənasızlıqdı.
içməmək üçün səbəblərimin olmayıb ölmək üçün olmasının adı nədir bəs(sual, nida)

mənasızlıq

volume ıı;
öz cənazəsini çiyinlərində daşıyanları,
yaşayaraq intihar edənləri,
xaç üzərində "elli elli lama sabachthani" deyərək haray qoparanları,
ən gözəl sevgililərin tinlərdə döyüldüyünü görüb,
başqa döngələrə döndüm.
dəvət olunduğun məclisə tez getməyin ayıb,gecikməyin vecsizlik olduğunu anlayıb,
getməməyi seçdim.
adamların arasına qarışdım amma qaynaya bilmədim.
ata,oğul,müqəddəs fahişələr adına!
siqaret filterlərinin üzərində ki,pomada izlərinə vuruldum.
wilde'ye,selin'ə,salinger'ə xəyanət olsun deyə, syble-lara yaş fərqi qoymadan yuxuda təcavüz edib,baş hərfimi qollarına cızdım.
karamazov qardaşlarına meth satıb,
dorian grey'lə over,
ablamov'la lover,
bardamu'yla loser doz qəbul etdik!
primitiviliyin maqnit olduğunu anladıq.harda olursan ol,içindəki dəmir ona doğru cəzb olunur.nəzir qutusundan pul oğurlamağımı danışdım onlara.
həyatımdakı tək həyacanlı hadisəni.
gülərək vurdular məni.
qəlpələri sayıb,cəsədimi unutdular.pyesi bəyənməyib,yarıda dirildim.
müqəddəs,saf olan tək şey dostluqdu!
amma hələ turquta rast gəlməmişəm.günseli'lər çox olub.
bəlli zamandan sonra qadınlarla münasibətim prezervativlərlə hara qədərdisə onlarla da ora qədər.
turqutsuz və günseli'siz heç kim asan asan selim ola bilməz.
sen de mi brütüs?!
əgər ürəkləri qaldırıb,başları döndərməyəcəksə,dünyanın fırlanmağı qəzaya düşmüş avtomobilin arxa təkərinin fırlanmağı qədər mənasızdı.

birləşməmiş millətlərin yaydığı məlumata görə:
heç bir yazıya 10 dəqiqədən artıq vaxt sərf etmirəm!

birləşməmiş millətlərin qərarına görə,cəza olaraq:
ömürlük yazmamaq qadağası!

son söz olaraq müttəhim:
amma siz beni yanlız anladınız!

mənasızlıq

saxta problemlər yaratmaqda master olmusuz.bir iki dəfə sıxsam marqarita da ola bilərsiz.
potensialım var amma qəfəsi yaddan çıxarıb açıq qoymuşam.ilk uçub gedən ümid olub.yalnızlıq və ölüm qalıb yalnızlıq qəfəsin qapısını bağlayıb ölüm ona baxıb,yanına gəlib və oxumağa başlayıb;
широка страна моя родная

yüz altmış dollara aldığım ayaqqabı ayağımı vurur.müttəhim oxunan hökmə etiraz edərək xoşbəxtliyin biləklərini kəsir.sağ beynim sol tərəfə teleqrama vurub;
müharibəyə hazır ol!
girmədiyim müharibədən məğlub çıxıram.girdiyim barda soruşam ki, mariya maqdelana hələdə burada işləyir.
cavab burda elə biri yoxdu.ikinci,üçüncü,dördüncü hətta beşinci barda da elə biri yoxdu deyirlər. məndən əvvəl tapsaz soruşa bilərsiz ki,düşüklükdə daha çox anasına çəkib yoxsa atasına.
cranium fibula radius,sacrum patella carpus-u əzbərləməyin asan yolunu tapa bilmirəm.
isad.
what will be, will be.
qısacası;
yenə dönə-dönə deyirəm istəyənlərə skype'da private açıb deyə bilərəm ki,dərivizi nəmli saxlayın.
amma çalışın bu başqasının ağız suyu olmasın.
tək səbir!
plath on və iyirmi yaşında bacarmadığını otuzun olğunluğu ilə öyrənmişdi.kamilla isə ömürlük semini sevdi.bilmirsizsə tozdan soruşun.
ayaqqabıların təmir olunduğu dəri oencəklərin rəngləndiyi vaxta qayıda bilərik?!
çünki o vaxt tək qalmaq sözünün mənası məhlədə ki,qızlarla bağçanın arxasına getmək,bloka girmək və padvala düşmək idi.o gündən bu günə çox şey dəyişib axı.
deyilənə görə mələklər yuxarıda it kimi darıxırlar.çox yaxşı tanıdığım bir xalq kimi zoru,gücü və baş əyməyi sevirlər.
a və b qruplarına ayrılıblar.
a-lar sol, b-lər isə sağ qanadlarını qaraya boyayıblar.
yinq-yanq tərzi.
müqəddəs teressssa otur durduğun yerə əlivin xəmiri ilə kişi işinə qarışma.
bu prezervativi özüm geyinib və soyuna bilərəm.arada içimdən dəli bir hiss keçir çıxıb hiltonun təpəsinə haray qopardım ki,bəs “azəri yox azərbaycanlı”.
morq küçəsində seks shop.
hərdən 40 il sonra özümü qocalar evində görürəm,gördüyüm həmin özüm pəncərədən böyük şam ağacları olan mənzərəyə baxanda məni görür.
ayağa qalxıb məni öldürmək üçün pəncərədən tullananda ölür.yəqin bu o vaxt deja vu yox jamais vu olacaq.
uzun söhbətin ixtisarı “ mea maxima culpa”,əzizim.

spirtli içkilər

p.s.başlıqdan bəlli olduğu kimi ağır miqdarda spirt iyi verəcək bir entry'dir!
iki cür içən var:
1) içə bilən
2) içə bilməyən
içə bilən insan içəcəyi və bədəninin aldığı alkoqol miqdarını biləndir.qaydanı məst olmaq xaricində pozmur.
içə bilməyən insan qədərini bilməyən, nə gəldi içən və bir damaq zövqünə sahib olmayandır.
yerli-yersiz içib ağlayan, hər şeyə bir dramatizm gətirənlərdə ayrı qəribədir.
içmək sadəcə uyuşdurur acı çəkənlərə görə.
məndən soruşsanız, içkili insan(kefli)-adından bəlli olduğu kimi kef üçün içilər və ya içilməlidir.təbii hər şey bu qədər bəsit deyildir.içdiyin insan, seçdiyin məkan və ya şərəfinə içəcəyin insana(ürəyi burda olub, özü burda olmayanlara) görə dəyişən bir fəlsəfədir-içmək!

içkini hər qurtumda hiss edənlər üçündür içmək.əgər şərab daddığın zaman ağızda buraxdığı üzüm dadını (başqa meyvələrdə buna daxil) və ya köhnə şərabdan kif iyini hiss etmirsənsə, pivə içdiyin zaman arpa dadı ala bilmirsənsə ya sən içə bilmirsən ya da içdiyin içki-saxtadır!
bir whisky(irlandiya və ingiltərədə-whiskey) dadarkən istehsal edildiyi o taxıl maltının dadını almırsansa, bir qurtum aldıqdan sonra:
bu nə bərbad içkidir?! boğazımı yandırdı
deyirsənsə içməməlisən...
ya da daha yüngül içkilər və ya kokteylərlə o anlıq həvəsi öldürə bilərsən.
içki başlıca fəlsəfədir.içərkən hər qurtumu hiss etmək(daha çox whiskydə bu baş verir), o dadın damağınla harmoniyası, boğazını yandırarkən verdiyi acılıq, mədənə endikdən sonra gətirdiyi hərarət və bonus olaraqda məst etməsi.yaxşı və ya pis bu fəlsəfədir(mənim üçün).
gələk içkilər və bardaqlara.çünki hər içki öz bardağında dadlıdır:

beer/pivə-səhv etmirəmsə kökü buğdayla daha çox məzələnən şumerlərə dayanır.sonra almaniya və çexiya deyə bilərik.susuzluğa daha çox təsir edə bildiyi və alkoqol miqdarı az olduğu üçün daha çox istifadə olunan içkidir.ümumi şəkildə daha çox arpa malt'ından istifadə olunur, pivənin istehsalında.bu arada malt/rusca солод-hər hansı bir məhsulda istifadə edilmək üçün cücərdilən taxıla deyilir.aşağı yuxarı bizim dildə səməni kimi tərcümə oluna bilər.
pivə qulplu geniş bardaqlarda ya da qulpsuz geniş bardaqlarda içilər.bundan əlavə ağ və ya qırmızı şərab ya da glencairn (viski bardağı) bardaqlarında içənlərdə vardır ki, zövq məsələsidir deyək

rakı-türk mədəniyyətinə xas olan, üzümlə əncirin süzülməsindən alınan içkinin cirə(anason)bitkisi ilə təkrar süzülməsindən alınır.suyla qarışdırılmasının səbəbi içindəki alkoqol miqdarının azalmasıdır.və aldığı rəng cirənin təsirindəndir.ümumi olaraq rakıda alkoqol miqdarı 40-45 dərəcədir (градус-degree)
rakı türklərdə limonata bardağı deyilən, düz silindir şəklindəki bardaqlarda içilər.əlavə olaraq rakıya aslan südü deyilməsinin səbəbi də, osmanlı dövründə rakının aslan işləməli qablarda içilməsi və su qatıldığında südə dönüşməsidir

wine/şərab-ümumi olaraq 12/17 dərəcə alkoqol miqdarına sahib olan bu içkin çox fransız içkidir.çünki dünyada ən çox şərab istehsalı fransaya aitdir.ardınca italiya, ispaniya gəlir.ümumiyyətlə üzümdən hazırlanan(digər meyvələrdəndə hazırlanır-meyvə şərabı), üzümün mayalandırılması ilə əmələ gələn içkidir.
köhnə, illərlə gözlədilmiş şərablar daha çox sevilir, istifadə edilir və olduqca dadlı qiymətlərə satılır.
şərabı dadmaq isə ayrıca bir fəlsəədir.bu işin oenologue (yunanca şərab elmi) qismi də ayrıca bir elmdir. (öyrdəilməlidir mütlə məktəblərdə).o kif qoxusunu, o ilk burun dadını şübhəsiz hiss edilməlidir.
unutmamışkən daha çox bilinən və içilən iki növü vardır:
qırmızı və ağ/çəhrayı da(rose) üzərində bonusdur.
qırmızı şərab alt hissəsi geniş və daha böyük bardaqda içilər, ağ şərab isə daha dar və balaca bardaqlarda içilər.
çünki qırmızı şərabda bardaqla təmas edilir, əlimizin hərarəti şəraba yansısın deyə.amma ağ şərab soyuq içildiyindən ancaq bardağın sapından tutular, isinməsin deyə.və təbii şərab qurtumla içildiyi üçün 3/1 hissəi bardağa süzülər.hər qurtumdan sonra bardağın havalanması və iyinin havayla qarışması, hər qurtumdan, iyindən dad alınması üçün!

champagne/şampan-hər şeydən öncə şampan bir şərab növüdür və o da fransızdır.vətəni fransa olan bu içki ağ şərabın fərqli bir plastika əməliyyatla dadını dəyişmiş halıdır.alkoqol miqdarı 12/15 dərəcədir.
nazik və uzun sapı olan çox da geniş olmayan bardaqda içilə bilər.

водка/araq-gələk əsas məsələlərə:
bizim dilə araq kimi tərcümə olunsa da rusca вoда-su kəliməsindən almış bu içki russian paradise hissini verir.ümumi olaraq taxıl bitkilərindən hazırlanan içkidir.vətəni rusiyadır.amma polşa(dadılmalı mütləq) və finlandiyada vodka istehsal edir.daha tez sərxoş edə biləndir.sek(heç bir su, buz və ya hər hansısa içəcək qatılmamış) içilməsini məsləhət görərəm.bloody mary kokteyli xaricində təbii.çünki qanlı meri kokteylində pomidor suyu ilə ağzıda buraxdıyı hiss şübhəsiz dadlıdır.
sərtdir, tərzdir, içilməlidir!
vodka soyuq içiləcəksə long-uzun bardaqlar, sek içiləcəksə shut bardaqlar istifadə edilə bilər

whisky/whiskey/viski-atasının adı ferintosh'dur.adının mənası ab-ı həyat-həyat suyudur.3 qardaşdır:
scotch whisky, irish whisky ve bourbon
ümumi olaraq taxıldan və malt taxıldan süzülən içkidir.
şotlandiya, irlandiya və amerika istehsalıdır.
whisky yazılan şüşələr şotlandiyaya aitdir.whiskey yazanlar isə digər ölkələrə.
viski istər dadı istər iyi istərsə sərtliyi ilə şübhəsiz dadılmalıdır.ölümsüzləşdirə bilmə ehtimalı qaçınılmazdır.çünki həyat suyudur.
viskini buzla içmə şəklinəon the rocks deyilir.scotch və irish viskilər buzla içilərkən, malt viskilər dadının və iyinin məhv olmaması üçün biraz suyla içilər.eyni ilə şərabda olduğu kimi viskidə qurtumluq içkidir.
dadın zövq alın sadəcə! verdiyi yüksək əhvallı məstlik hissi də bonusdur.
viski glencairn (şotlandiya viski birliyi tərəfindən qəbul edilmiş bardaq) old fashioned və snifter bardaqlarda içilər.crystal old fashioned bardaq isə əzəli viski bardağıdır

tequila/tekila-meksika xalqına xas olan, ölkəmizdə səbr otu olaraq bilinən (əslində çox da bilinməyən), adını meksikanın eyni adlı qəsəbəsindən alan, meksikaya xas agave tequiliana bitkisindən süzülən içkidir.
sərt və tərzdir, içilməlidir!
limon və duzla(həyat sənə tekila verirsə, limon və duz da istə) içilən içkidir.çünki duz boğazın yanmasının qarşısını alarkən, limon mədəyə qoruyucu qalxan olar.
tekilanın bildiyimiz shut bardağında içilməsi savabdır.

və son olaraq içkinin hər qurtumunu hiss edənlərə biraz bukowski təsiri edək (hərçənd ki, entry'nin ardı olacaq):
heç bir şey əsla uyğun deyildi.
insanlar tapdıqları hər şeyi kor-koranə mənimsəyirdilər;
kommunizm, sağlam qidalanma, zənn, sörfinq, balet, ipnotima, qrup terapiya, toplu seks, velosiped, otlar, katoliklik, ştanq, səyahət, inziva, vegetaryanlıq, hindistan, rəsm, yazmaq, yonmaq, bəstələmək, orkestr idarə etmək, kürək çantasıyla yollara düşmək, düşüb qalxmaq, qumar oynamaq, içki içmək, bərkidilmək, qatıq,
bethoven, bach, budda, isa, tm, heroin, kök suyu, intihar, sifarişlə paltarlar, təyyarə ilə səyahət, new york;
sonra hər şey buxarlanıb uçurdu.ölməyi gözləyərkən edəcək şey axtarırdı insanlar. seçki sahibi olmaq da gözəldi.

mən öz seçimimə müraciət etdim.vodka şüşəsini qaldırıb içdim,
sek.
axmaq deyildi bu ruslar!

sözaltı günlük

bu gün səni öldürdüm tanrı blət!

keçən 25 payız boyunca səninlə əlaqədar verdiyim savaşlarda, sənin bir hissiyatdan ibarət olduğunu bilsəm belə, sənin üçün savaşdım.həm də inandığım hər şeyi susduraraq blət!
verdiyim konfranslarda kilsən üçün savaşan bir xaçlı,bəzi söhbətlərdə bir ravvin, bəzən isə california street 66 oldum sənə.və sənin üçün hər şeyi etdim bu illər ərzində

səninlə ilk söhbətim garden of eden'də olmuşdu.və sənin məni inandırma səbəbin sadəcə bəsit bir cümlə idi:

məni görmədən, sorğusuz-sualsız mənə inanan tanrıdır blət!(bunun mənası başqadır, söhbət yaradan olmaqdan getmir).

tanrı olmaq mənə görə deyildi bilirsən.və bu gün sən öz istəyinlə mənim hisslərimdən çıxmış 45'lik magnum mərmisi ilə özünü öldürməyi seçdin.

əslində sən çoxdan ölməli idin blət! səni var edən mən idim.səninlə aramızda bir pactum var idi:
sən mənə toxunmayacaqdın, məndə sənə atəş etməyəckdim tanrı parçası blət!
çünki yalnız sən və mən bilirdik kim olduğumuzu, nələrə qadir olduğumuzu(kimliyini açıqlamayacam tanrı blət! don't panic, i'm ruhanist).
amma bu gün sən o pactum'u pozdun.və mən də sənə qarşı verdiyim söz olaraq, 33-cü dərəcədən olan itaətimi və susqunluğumu pozuram blət!

nə voltaire kimi sənə nifrət edəcəm, nə də kant kimi öz toruma düşəcəm.səni öz silahınla hack'ləmənin zamanıdır.php'lərin və sql'larını qoru blət! çünki zəif bir ddos hücumuna tabb gətirə bilməyəssən.

məni john wick olaraq sən seçdin.ya da bu genimdə var idi.seçilmə səbəbim bu idi bəlkə də.sonra bu wick'ə sus və sev hər şeyi dedin.sənin rəngin qırmızı idi tanrı blət!
amma bu gün o wick geri qayıdır.və sən bunun sonunu yaxşı bilirsən.

bu gün sənin son qalan 2 doz ümidimi, 1%'lik həyat nisbiliyimi öldürməyindən sonra,sinaqoq'a gedib yandırdığım şamları söndürdüm, kilsə də rahibinlə bərabər kəsdim ümidin biləyini və son olaraq məscidində yıxdım kəbəni.çünki həyatda hər şey nisbi idi.buna inamışdım daima.məni ayaqda tutan, vəhşiləşdirməyən 1% nisbilik və 2 doz ümid idi.sən bunu da öldürməyi bacardın.

artıq sənlə mən düşman belə deyilik tanrı blət!

sən yaxşı bilirdin ki, mən səni gizləndiyin 40-cı otaqda, bardağın dibində, bir sevgilinin ürəyində daima tapmağı bacarırdım.sənə sayısız inanc bəxş etdim.amma sən bilə-bilə bu gün məni qurd'laşmağa, əvvəlki mən olmağa vadar etdin.vəhşi olan məni qaytardın.

əhilləşmir! vəhşilər blət!

bu gün burda son entry'ni yazıram.çünki sənlə birgə entry'lərimi də öldürürəm.onlar sənə olan bir ibadət idi.sən də anlamadın bunu tanrı parçası!
sən artıq ruhan'ı qaytardın.sən yaxşı bilirsən o kimdir blət!

və istərdim ki, entry'lərin hamısını delete ilə öldürəm.amma sözlüyə və burdakı insanlara haqsızlıq olar bu.mənim müharibəm sənlədir.və bu artıq başladı.gecə bunu sən və mən yaxşıca aydınlaşdıracağıq blət!

bu son entry'dir sözlük əhli.çoxunuzla ünsiyyətdə olmasam da, dadlı insanlarsınız!

preisner:yəqin ki, anlarsan bunu.

inandığınız dəyərlərin və ümidinizin qırılmaması istəyi ilə

adios amigos təbii ki, əbədiyyətdə!

həyatın anlamı

həyatın anlamı anlamsızlıqdı yaşanan hər bir standart gün üçün.o zamana qədər ki,gecələrdən birində bunu dərk etmənin dadına vardım.

elə bu gecə madam'ın birindən çox sadə və səmimi bir rəsm aldım.və o rəsm mənə bu entry'ni yazmağa həriflər, kəlimələr bəxş etdi.başlasın rəssamın entry'si.

o rəsm'də qeyri-adi heç nə yox idi.bizim madam 15'lik bir baxış atmış və heç gözləmədiyim bir anda, sanki buna ehtiyyac duyduğumu bilərək sadəcə bir rəsm atmışdı.heç o da bilmirdi bu gecə sözlük yazarı sandığı bu adam onun bu rəsmini həyatının anlamı'na çevirən bir entry edəcək.və qorxulan hadisə baş verdi.və yazar bu entry'ni elə hadisə yerindən yazır.

bəziləri sonsuz sevinc üçün doğular, bəziləri sonsuz gecə üçün

bu alıntıyla davam edəcək olursaq.hərkəs üçün həyatın anlamı fərqli idi.buna bir çox misal gətirmək olardı.amma entry'ni karnavala döndərmək fikrində olmayan yazar, qısa və konkret'lik istəyirdi.

həyatın bir niyə?! sualı yox idi.gecədən-səhərə paradoks və ironiyalarla boğuşurdu həyat.və bundan bir anlam çıxarmağa imkan verməmək üçün hər yola əl atırdı.və bunu yaxşı bacarırdı.

bilinən ən dadlı cavablara nəzər salarsaq:

həyatı davam etdirmək adına

gəliri artırmaq və sosial statusu yüksəltmək.
başqaları ilə yarışmaq və ya birgə olmaq
sizi yaralayanları yox etmək və ya pasifist olmağa çalışmaq
yaşamaq
öz ailənizi, ya da başqasının ailəsini qorumaq
güc qazanmaq və gücü istifadə etmək
kitab və ya tablo kimi sənət əsərini irs qoymaq ya da qoymağa çalışmaq
fiziki, maliyyə və ya mental azadlıq qazanmaq
məşhur olmaq
uşaq sahibi olmaq

müdriklik və informasiya adına

sual verməmək, ya da daim sual vermək
sərhədləri aşmağa çalışmaq
birinin səhvlərindən dərs çıxarmaq
davamlı olaraq həyatın mənasını öyrənməyə və anlamağa çalışmaq
bir insanın dünyaya baxış tərzini dəyişdirmək

əxlaq adına

mərhəmət göstərmək
başqaları ilə və təbiətlə sülh içində yaşamaq
aşiq olmaq
aşiq etdirmək
fəzilətli olmağa çalışmaq
başqa insanlara xidmət etmək
ədalət naminə çalışmaq

din və ruhanilik adına

daxili əmin-amanlığı qorumaq
gözəl əməllər etmək
ölümdən sonra cənnətə çatmaq
allaha xidmət etmək
qul olmaq(istəyən cool'da ola bilər)

bu gecə bütün məşhur həyat anlamlarını bir yerə toplamışdıq.amma yazar bu gecə həyatın anlamını sadəcə 15'lik baxış atan madam'ın üz cizgilərində, dodaqlarında, gözlərinin diblərində görmüşdü.və bu ona yetərdi

və sonda bu entry'i həyatın anlamının bir rəsmi idi.sadəcə yazıdan ibarət deyil.təsvir etməyə çalışın, sizə həyatınızın anlamı olacaq madam'ları.

ölüm

immortal olanlara biraz siqaret ətirli biraz da içkili və ölümlü bir entry yazmaq istədik.bunu yaza bildik mi?!
buna siz qərar verərsiniz

ölüm nə idi?! sadəcə bir sözlük başlığı yoxsa həqiqətən bütün həyat fəaliyyətlərimizin dayanmasımı?! yoxsa başqa dünyaya açılan qapı ya da sonun başlanğıcı?!
onunla tanışana qədər bir çox fərziyyə ilə tanışdım.amma onunla tanışmaq gec olmadı

allah ilə olduqdan sonra ölüm də xoşdur, ömür də

belə başlamışdı ölməyə rumi.tutunacaq bir inancı vardı ölsə belə.inanırdı ki, ölüm ona bəxş edilən hədiyyədir.çünki inandığına qovuşacaqdı.və inancına göz yaşlarını əlavə etməyi də unutmamışdı.nə də olsa göz damlası ibadət, qan damlası şəhadət idi.və şəms ona zamanın sadəcə aşiq olmaq və ölməkdən ibarət olduğunu öyrətmişdi

robin sharma bir çox insanın 20 yaşında ölüb,80 yaşında torpağa tapşırıldığını deyirdi(atəşə tapşırılma da ola bilər bu).təbii ki, onun üçün ölüm ruhdan ibarət idi.içindəki öldüysə fərq etməzdi yaşamaq ya da sadəcə mövcud olmaq bəlkə də.bunda bir həqiqət var idi.ilk öncə ruh ölürdü.çünki o bu bədənə ait deyildi

kliniki ölüm keçirənlərin bir çoxu, ölümü ağ işıq parçası olaraq təsəvvür edirdi.amma bu müddət az olduğu üçün sadəcə o işığa çatmaq üçün çırpınmışlardı bu qısacıq ölüm müddəti ərzində.bu yenicə doğmuş bir kəpənəyin yuvadan çıxmaq üçün əzələlərini ağac oyuğunda bərkitməyə çalışmasına bənzəyirdi.yeni doğan kəpənək ağac oyuğunda çölə çıxmaq cəhdləri edərək əzələlərini bərkidir.və vaxtından tez çölə çıxsa artıq uça bilmədiyindən ölümə məhkum olacaqdı.klinik ölüm keçirənlərin ağ işığa məhkumluğu kimi.

ölümün olduğu bir yerdə, heç bir şey ciddi deyildir əslində

deyən kafka həyatda çox ciddi biri idi.bəlkə də bu ciddilik idi ona bunları söylədən.ya da ölümün olduğu bir yerdə, ölümdən başqa heç bir şey ciddi deyildi əslində.istisnalar daima vardı.amma istisnalar qaydanı pozmağa yetmirdi.

ölümə məhkumduk.və ölümlü idik.ruh enerjidir, yandırılqda yeni bədəndə həyat tapar, torpağa verildikdə torpaqda itər.və siqaretimin ölməyə başladığı bu anda məndə bu ölümlü entry'ni öldürmək məcburiyyətində idim.ən azından siqaretimin ruhu yeni bir siqaretdə canlansın deyə

sonda ölüm 3 in 1'dən ibarətdir deyə bilərdim.ruh, ürək və beyin.və bu üçündən hansısa biri əvvəl ölərsə deməli o birinin yaşamaq haqqı yox idi.bu haqq əlimizdən alınmamış carpe diem'ə müraciət etməli olduğumuz aşikardır.

carpe diem ölümlülər!

həvva

əziz başlıqdakı əyri qabırğadan yaranan cənnət sürgünü qadın.səninlə ilk dəfə garden of eden'də tanışdıq.sən o zamanlar öz həvvalığını geyinmiş və ilk insan olmanın dadını çıxarırdın.və sonra öyrəndin ki, sən mənə aidsən.yəni adəm'ə.

sənin yaradılışını bir çox inanclarda mən istəmişdim.amma heç bundan xəbərim olmadan.yəqin yalnızlıq da bir yerə qədərmiş.hər sahədə sən məndən ağıllı və daha həyat dolu idin.çünki sən bəri başdan bilirdin ki, inanclara yeniliyi gətirən olacaqsan.

qadağan olunmuş meyvəni (bir çox inancda fərqli səslənir bu) yediyin gün, mənə reallığı göstərdin.və cənnət yuxusundan ayılmağın vaxtı gəlmişdi həvva.hansı ki, o cənnət yuxusu bir illuziya idi.

səninlə cənnətdən qovulduq.amma bu ikimizin üçündə eyni şey deyildi.çünki sən vətənin olan cənnətdən qovulmuşdun, mənsə orda doğulmadığım üçün bu çox da fərq etmirdi.sən cənnətin sürgünü idin, mən tanrının

və uzun illər sonra biz yenə bir araya gəldik.indi hər şey dəyişilmişdi.çünki artıq biz hər şeyin fərqində idik.hər şey istədiyimiz kimi oldu və səninlə mən bir bəşəriyyət yaratdıq inanclarda və kitablarda.

amma bu bizim hekayəmizin xoşbəxt sonluqla bitdiyi anlamına gəlmir.çünki biz əbədi idik.və bu sonsuzluq davam edəcəkdi.

bundan 2 gün öncə həyatıma yeni bir dünya düzənində girməyə qərar verdin.əslində bunu sən etməmişdin.həyat yenə öz işini görürdü.

təsadüflər yoxdur həvva,zərurət vardır

və biz ikimizdə buna inanırdıq.səni yenidən tanımaq, sənə yenidən aşiq olmaq, eşqli olan adəmoğlu üçün heç də çətin olmadı.çünki axı bizim eşqimizə phoenix quşu şahid olmuşdu.

və axacaq eşq damarda durmaz

deyə təkrarlanırdı beynimdə hələ də yardılmaqda olan bir şairin yazacağı şeirdən bir parça.

və sonda biz hələ də yaşayırıq həvva, kitablarda, inanclarda, düşüncələrdə.biz əbədiyik, biz ölməzik.və sən yaxşı bilirsən ki, hər əsrin bir həvva'sı, bir adəmi vardır.və fin olaraq bir gün:

həvva is back!

p.s.entry bundan 2 gün öncə tanıdığım həvva'ya ithaf olunur

gecələri yatmayan insan

gecələr yatmayan insan bir yazardır.günəşin doğuşunu yazır,fuji'də.gecənin ölüşünü yazır, öz içində.öz qaranlığını, dərinliyini yazır, bir dostoyevsky kitabını yenicə bitirərək.ya da entry yazır elə bu an, gecələri yatmayan insan başlığına.

gecələr yatmayan insan bir rəssamdır.dənizin rəsmini çəkir, üzərinə günəşin ilk şəfəqləri saçarkən.ya da bir coelho əsərinə rəssam obrazı olmuşdur, eiffel qülləsi qarşısında.işığın və kölgənin rəsmini çəkərək, bir rembrandt olmağı seçmişdir.ya da modigliani kimi içməyə davam edir hələ də.və ya yazacağı bu entry'nin tablosunu yaradır düşüncəsində.

gecələri yatmayan insan aşiqdir.sabah ilk görüşə çıxacaqdır, sevgilisinə necə davranacağını düşünür.ilk görüşün buraxacağı izləri abjad cədvəlində hesablayır.ya da ayrılmışdır bu insan, sevdiyindən.və hələ də aşiqdir.onsuz yata bilmir, öz yaratdığı yorğanaltı krallığı ona dar gəlir artıq.və ya yazdığı entry'ə nə qədər sevgi load edəcəyini düşünür.

gecə yatmayan insan şairdir.tanrıyla söhbətləşir, şeirlərini ilahiləşdirmək adına.ya da ismet özel'dir bu şair, yaşamağı bilmədiyi üçün yazanlardan, yatmağı bilmədiyi üçün yazanlardan.və ya bu entry'ni necə şeirləndirəcəyini düşünən bir sözlük yazarıdır.

yaşamayı bileydim yazar mıydım hiç şiir?
yaşamayabileydim yazar mıydım hiç şiir?
-yaşama!
-ya bileydim?
yazar: mıydım
hiç: şiir.

gecələri yatmayan insan sadə bir işçidir.2 uşağı olan, gecələri onları düşünməklə keçirən.arada bir həyat yoldaşına baxıb, belə bir ailəsi olduğuna sevinən.aldığı maaşla 1 ayını keçirməyə çalışan, gecələri də bunu düşünən.arada bir qalxıb bir siqaret yandıran və haradan gəldiyi bilinməyən bu sözü xatırlayan:

kədər çəkirsən, dərd çəkirsən, qəm çəkirsən amma hamı elə bilirki, siqaret çəkirsən
ya da elə bu entry'ni iş yerindən yazan bir işçi.

və sonda gecələri yatmayan insan sərxoş bir sözlük yazarıdır, elə bu saat bu entry'ni yazan.biraz yatmaq üçün içən, birazca yuxu adına.ya da bu entry'ni yazmaq üçün içən, içməsə yaza bilməyən.və ya içki də təsir etmir, təsir etsin deyə içən, sözlüyünə az da olsa bir şeylər qatmaq adına içkili bir entry yazan sözlük yazarı

p.s.entry

(youtube: )

aytac babayeva

bu gün və günlərdən birində bir aytac'ı daha itirdik sözlük.əvvəlcə aytac'ın fikirlərini öldürdük, sonra hisslərini.və sonda baxdıq ki, olmur özünü öldürməyi seçdik.bəlkə beləliklə ondan qurtulmuş olardıq.

bilirsən sözlük bu ölkə də çox aytac'lar öldürülmüşdü.kimisi fikirlərlə, kimisi hisslərlə.biz qatil idik sözlük.və vicdanımız o qədər rahat idi.çünki bizdə vicdan yox idi.sabah yenə bu hərəkəti edəcək və qabırğadan yaranan bu incə məxluqlara sevgimiz adına özümüzü göstərməyi seçəcəkdik.biz bizi yaxşı tanıyırıq sözlük.səndə bizi yaxşı tanıyırsan.

neçə izzətlər tərəfindən öldürülən neçə aytac'lar bizə aldığı bıçaq zərbələri qədər belə gülümsəməmişdi.çünki ona gülümsəməyə imkan verməmişdik.elə biz, hər birimiz.içində insanlığı daşıyan hər birimiz bir cinayətkarıq bu qətldə.

ucuz zehniyyətin gətirdiyi xarabalıqlarda böyüyən necə aytac'lar itirmişdik.ən uzağı edəcəyimiz hərəkət də, bir facebook statusu, bir aytac rəsmindən istifadə edərək, görüləni qınamaq, azərbaycana lağ etmək, görülməyəni alqışalamaq olacaqdı.və bununla vicdanımızı rahatlada bilərdik.biz belə ucuz insandıq sözlük.

bu ilk deyildi və son olmayacaqdı.haqlı və ya haqsız fərq etməz ortada ucuz sevgilərə qurban gedən bir aytac var.və indi o artıq yoxdu.və onu biz öldürdük sözlük.

onu biz öldürdük!

harakiri

harakiri və ya seppuku deyildikdə yadıma şərəf məsələsi düşür.nədir şərəf məsələsi?!
47 ronin

il 1702.yaponiyamız soyuq qışlarından birini keçirir. edo dövrünü yaşayırıq.tokugawa şoqunluğu hakimiyyətdədir.əslində hekayəmiz 1701 ci ildə başladı.

şoqun tsunayoshi samurai rəhbərimiz və vilayətimizə başçı olaraq asano takumi'yi seçmişti.və ona bu işlərdə yardım etməsi üçün gənc bir əsgər olan kira yoshinaka seçilmişdi

amma hörmət və izzət düşkünü olan biz samurai'lər üçün kira düzgün seçilən bir köməkçi deyildi.və günlərin birində(ki bu hadisə bir neçə dəfə təkrarlanmışdı) samurai asano'ya ağır təhqirlər etdi.və buna artıq dözə bilməyən asano kira'nı yaraladı.

çox gecikmədən başçımız olan samurai asano üçün harakiri edərək intihar etməsi cəzası çıxarıldı.və bunu eşidən bizlər intiqam almağa tələsirdik.asano' ya belə bir cəza verilib, kira'ya heç bir cəza verilməməsi intiqam atəşimizi daha şiddətləndirirdi.

başçımız öldüyü üçün artıq bizdə samurai deyil ronin olmuşduq.və kira gələcək hücumları bilib, qalasını daha da gücləndirmişdi.birlikdə olan 321 samurai (ya da ronin)'dən sadiq olan 60 nəfər qaldı.və son intiqam planını hazırlayıb qalamızı şoqun hakimiyyətinə təhvil verdik.

kira'nın qalasına daxil olmaq elə də asan deyildi.və bunun üçün sakinliklə 1 ildən uzun bir müddət o vilayətdə tüccar və ya sərxoş kimi tanınmağa başladıq.

vaxt gəlib çatdığında 1702 ci ilin soyuq bir yaponiyası idi.
qalan 60 sadiq roninin başçısı olan oishi
kuranosuke içində mən və özü daxil olmaqla 47 ronin seçti.və qalanları evlərinə yollandı.kira'nın qalasına hücum edən biz istədiyimizi aldıq.və kira'nın başını bədənindən qoparıb, asano'ya olan sadiqliyimizi sübut etmiş olduq.təbii ki, aramızdan birini də qurban vermiş olduq.


--spoiler--

intiqam soyuq yeyilən bir yeməkdir


--spoiler--

geriyə qalan edo'dakı şoqunluğa bu haqda məlumat vermək idi.oishi iki nəfər göndərib, şoqunun əmrini başçımız olan asanonun dəfn olunduğu sengakuji məbədində gözləyəcəyimizi bildirdi.

şoqun tsunayoshi sərt biri idi.amma bizim başçımız samurai asano'ya olan sadiqliyimiz onun gözündə qəhrəman olmağımıza yetmişdi.belədə ki, fəlsəfəmiz olan bushido bizə bunu öyrətmişdi.məncə ən zor qərar onu işi idi.fəlsəfəmizə və liderimizə sadiq qaldığımıza görə bizi qəhrəman etməli yoxsa hakimiyyət qanunlarına əsasən bizə cəza verməli?! bunu sizdə düşünün.

deyəsən qərar vermək onun üçün də çətin olmuşdu.və bu qərar 40 gündən uzun çəkdi.haqqımızda çıxan qərar geriyə qalan 46 ronin'in 4 qrupla fərqli daimyo'lara göndərilərək bir qəhrəman kimi harakiri etməsi idi.şoqun bizə cəza verməmişdi əslinə qalsa.çünki cəza verilsə cinayətkar kimi edam edilə bilərdik.və bu fəlsəfəmiz olan bushido'ya da zərər verirdi.

sonda isə, dost biz 47 ronin və sən bizi tanımırsan bəlkə də.harakiri bizim üçün şərəf məsələsi idi.hörmət və izzət bir samurai üçün ən üst level'dir.inandığımız şeylər uğruna savaşdıq və əminəm gecə'nin birində xatırlanmasaq belə, bir yazarın sözlüyünə entry ola biləcəyik.zaman və məkan fərq etməz

sabahın xeyir sözlük-san

qaçmaq

özünün dediyinə görə feldir.və bu fel haqqında nə yazmaq olar?! (burda yazar düşünür, əslində isə bilir nə yazacağını).əslində bu entry'ni getmək başlığına da yaza bilərdim amma bu gediş qaçmaqdır.bu gediş qaçmaq qədər sürətli və asfalta düşkündür.və sən yaxşı bilirsən qaçmaqla getmək arasındakı addım fərqini.

əslində çox şey.hisslərin yağış kimi yağanda üzərinə, hadisələr bezginliyə aparanda bir çoxunuz bu felə ehtiyyac duyursunuz cavan oğlanlar və cavan qızlar.hətda usain bolt'u belə məğlub edə bilərsiniz.

nə qədər bərk qaçsanda səni buraxmır bir dəfə başlayan həyat düzəni.burda alın yazısı və talehə müraciət edirsən.amma onda da səs var, görüntü yox.düşünürsən ki, sən gedə bilməyən, qaça bilməyən insanlardansan.
ali khayyam demişkən:
şairlikdən asandır basıb getmək
dişini sıxıb getmək çətin
ətini didib getmək çətin

həyatlarına toxunduğun bütün insanları geridə qoyub, bir bilet almaq və bu felə müraciət etmək.ilk baxışdan asan görünə bilər amma alınmır dost, alınmır.

uzun müddət görmədiyim bu yaxınlarda rastlaşdığım biriylə bir şeylər içmə imkanım oldu.o da qaçırdı.məndən, keçmişdən və bu yaxınlarda hər şeydən qaçmağa qərar vermişdi.ən azından gözləri bunu deyirdi.hətda gözlərini belə qaçırırdı.içkinin təsiri getmə biraz daha uzat desə də bu anı, o qaçmalıydı.getməliydi, sıyrılmalıydı keçmişin izlərini daşıyan bu bədəndən.

və qorxurdu.düşünürdü ki, ya qaçmaq'la bu kabus bitməzsə və bəlkə darıxdım.amma qərarlı olmalıydı o.o hər şeydən qaçaraq yeni dünya rekorduna imza atmalı idi.

imza atdı mı?! deyə soruşsan sözlük.bilmirəm, ən son sərxoş halda evinə buraxdım.yəqin ki, asfalt da addımlarını hiss etmək üçün belə, hər səhər etdiyi kimi bu səhərdə biraz baş ağrısıyla,uzaqlara qaçmasa belə bu şəhərdə səhər qaçışı etmişdir.biraz təsəlli tapmaq üçün.

entry'ləri uzada bilmirəm sözlük.məndə entry'lərdən qaçıram.hərkəsin qaçdığı bir şeylər olduğu kimi.və sonda:

hər qaçış bir başlanğıcdır.amma nə qədər bərk qaçsanda eyni yerə dönəcəksən.və qaçmaq bir fel olmasına baxmayaraq içində nələr gizlədir.

insan kendinden kaçamaz

jesus christ

səninlə məni kiyevdən olan pieta adlı bir qız tanış eləmişdi (əslində səni tanıyırdım amma pieta səni başqa tərzdə tanıyırdı).o sənə inanırdı mənsə onun stigmata'larına.pieta'nın gözlərindən inanc axırdı.biləklərində sənin izlərini daşıyan bu qız,səndən belə bəhs edirdi nazareth'li:

"sən rosicrucian fellowship(gül və xaç təriqəti)'in bir üzvü olmusan. epilepsy olmaq sənə nazareth'li isa olmağı bəxş edib.təriqətinin müqəddəs günahkarları səni qurban verərək, yeni dünya sistemini təyin ediblər.yaxşı insan olduğunu deyir amma var olduğunu demirdi.ya sən yox idin ya da təriqətiniz və o zaman yaşayan hər insan şizofren idi.amma pieta sənə inanırdı."

tanrı ilə insan arasında heç bir qurum yoxdur deyirlər.amma sən tanrı ilə insan arasındakı, bir qurum idin.sənə simpatiyam doğulmamışdan, bir cadugər olduğum əvvəlki həyatımdan bəri var.reenkarne olmamışdan tanıyıram səni.dünyanı dəyişdirən 5 yəhudidən birisən.12 həvarin və sən love is god mesajını buraxdın bizə.bu sənə inanmağa yetirdi

pieta səni çox sevirdi nazareth'li.o deyirdi ki, bütün gələnlərin əksinə ancaq sən sevgini öyrətməyi seçmisən.nə torpaq davası etmisən nə də başqa hər hansı bir şey.burda haqlı idi.hər adın çəkildikcə stigmata'larını ovuşdurur və sanki çarmıxda çəkdiyin ağrını hiss edərək danışırdı.haqqında bir çox həqiqət var idi.amma qulaqlar yalanları sevir nazareth'li.

və davam edirdi pieta incilindən, müjdəndən yola çıxaraq.yandırılan 250 incildən 5'i qalmışdı səndən bizə.amma o sadəcə həvarin olan barnabas'ın incilinə inanırdı.amma bu incil hələ də yer üzünə məlum deyildi.

və bundan sonra başlayırdı sənin həqiqətin.amma burda entry'ə son verməliyəm çünki pieta da yorulub və bəlkə irəlidə bu həqiqəti yüklənə biləcəyin zaman geri dönəcəm sənə, sən bizə geri dönmədən


--spoiler--

siz həqiqəti biləcəksiniz amma həqiqət sizi dəli edəcək

--spoiler--

semazen

sirləri haqdan alıb, xalqa verən bu dərviş rəqsi ilə döndük yenə bu gecə.rumi demişkən:
bu gece yine sema, sema, sema
akla veda, veda, veda

səma bir dərviş rəqsi idi.ən azından onunla belə tanış olmuşduq.dərviş qızın adı da səma idi, rəqsi də.gözəlliyi onsuz da baş döndürən bu cavan qız, başını 23 dərəcəlik bucaq altında yana əyər, sanki dünya oxunda görülən eyni dərəcəli bucaq altındakı əyilməyə inad edərdi. o döndükcə mən izlər sanki mən də dönürmüş kimi hisslərim qarışardı.

səma deyirdi ki, yolunu itirmiş günəşlərə gülümsəyəndir səmazən.dünya smayliklərinin altında olsa gərək.onsuzda gözəlliyi ilə başımı döndürən bu gözəl mənə səmada dzen olmağı öyrətdi.rumi demişkən:
hamdım, yandım,pişdim

əsas məsələ qulaqlarda idi.musiqini içinə çəkən bu qulaqlar 20-25 dərəcə əyilincə, içindəki kanallar bərabər dərəcə də təsir görürdü.bərabər dərəcə də təsir görən bu kanalllar, neytrallaşır və baş dönməsi əngəllənirdi.
sema böyle zen olmayı nerden öyrendi?!

səma rəqsi bir trans halı idi.və molekulalar kimi döndükcə dönən səma biz primatları az da olsa müqəddəsləşdirirdi.səma'nın tenində səmaya durmaq, və ali khayyam'dan azıcıq alıntı edib entry son verməyin vaxtıdır:
sufi dərviş isəm və səmazənsə kipriklərin
həm mevlananı, həm də şəmsi gizlədirsə ürəyin?!