insanı mənəvi cəhətdən böyüdən şey. 1.5 ildir tək yaşayır. Öz yeməyini bişirib, evi təmizləyib, azdan-çoxdan yadında qalmasa belə o yorğunluqla kitab oxuyub, özünə vaxt ayırdıqca, kommunal xərcləri ödəyib evə ərzaq üçün pulu hesabladıqca həqiqətən böyüdüyünü hiss edir. Əsas da pul bölgüsünü düzgün aparmaq. Vaxt olub ay sonu 2 manatı qalıb cibində. Vaxt da olub çox, lap çox..
Təkliyi sevməyənlər üçün çətin, cansıxıcı ola bilər 4 divar, ancaq ona son dərəcə xoşdur. Ailəsini sevmədiyindən deyil. Əksinə, onlar üçün yaman darıxır. Ancaq bundan savayı evə gəldikdə sakitlik, istədiyi vaxt istədiyi şeyi istədiyi tərzdə etmək rahatlığı-bu əvəzolunmazdır. Bəzən heç nə etmədən uzun müddət boş otura bilir. Bəzən "incəsənət"lə məşğul olub heç nəyi yığışdırmadan başını qoyub yatır. Bəzən qablar günlərcə yığılır yumur. Çox vaxt da belə olur. işdə çox səliqəli, evdə konfort sahəsində isə tör-töküntüyə meyilli. Vecinə deyil.
Heç kəsin deyinməyini eşitmək məcburiyyətinin olmamağı və evdə bütün işıqları söndürüb zil qaranlıqda oturmağı..
Niyə axı başqa cür olsun?
Ruhun doğuluş və ölüm dövranından *
sansara
qurtulmağına xidmət edən və bioloji ölümdən sonra bir bədəndən digərinə keçməsinə verilən ad.
Qədim hinduizm kitablarından biri olan *bhaqavad gita*da ruhun 8.640.000 canlı növündən keçərək axırda *samadhi*yə, yəni tanrı qatına qovuşacağı *
qovuşmalı olduğu
qeyd edilir (Maraqlısı budur ki, müasir elm yer üzündə 8.700.000 canlı növünün olduğunu təsdiq edir. ~e.ə. 400 illərində yazılan kitab bu məlumatı necə bilirdi?).
işin-peşən ancaq özünü bəzəmək, heç nə ilə məşğul olmamaq ancaq bəzəmək, bəzəmək, bəzəməkdirsə o biri həyatda ruhun gülə keçir. Çox tənbəlsənsə, yerindən qalxıb hərəkət etmirsənsə sonrakı həyatında ruhun ağaca keçir. Yəni nə istəyirsənsə, ruhun nəyə meyillidirsə, tanrı səni o formada təzahür etdirir. insan çalışmalıdır ki, ruhu bu *sansara*dan çıxsın.
insan 3 qunada yaşayır: *Tamas quna* - xaos, cahillik, dəyişməz və inaktiv, həyat amalları ancaq öldürmək, yemək-içmək, heyvan kimi yaşamaqdır. Bunlar öldükdə ruhları donuz bənzəri vəhşi heyvana keçir. *Rajas quna* - arzular, aslılıq, nəyə isə həddindən artıq bağlanmaqdır. Məsələn *rembrandt*. Bütün həyatını ancaq rəsm çəkməyə həsr edir. Və ya *Tesla* - fizikaya. Yəni hər şeyi yaddan çıxarıb ancaq bir şeyə köklənir. Dünyadan, gedişatdan uzaq düşür. Bu da yaxşı hesab olunmur. *Sattva quna* - kainatın axışına uyum, saflıq, aydınlıq və sülh tərəfdarı, özünü ilahi elmlərə həsr etmək. Bu qunada yaşayanları öldükdə tanrı daha yaxşı şəraitdə dünyaya gətirir və sansaradan qurtuluşa bir az daha yaxınlaşır. Ruh insan bədənindəki bu qəfəsdən qurtulmaq üçün mütləq şəkildə pis əməllərdən uzaq olub özünə yaxşı karma yığmalıdır. Əlqərəz, sattva qunada yaşamalıdır.
Ey qurbanolduğum *
?
Bu başlığa heç vaxt yazmayacağımı yəqin edirdim. Səbəb və Ancağını başa salmağa ərindiyimdən direkt mövzuya bodoslama atlayıram. Bayaq Telefonumun iki metrdən kafelin üstünə atladığı kimi. Hal-hazırda bu entryni yazdığım telefonun ha.
Qadasını mən aldığım bu daşdəmir saat 5 sularında iki hissəyə ayrıldı. Ekran və telefon. adətən, insan əlindən nəsə önəmli bir şey düşürəndə ya həyəcanlanar, ya söyüb batırar. ən azından "offf" nidası işlədər. içində bütün private məlumatlarımı saxladığım )başqa heç bir yerə yazmamışam. Bir gün belə bir şeyin başıma gələcəyini bildiyim halda( mən vecimə almadan sadəcə lentasını birləşdirməyi yoxladım. mənim üçün gözlənilməz olsa da açıldı ekran. Ancaq Əslində açılmağını istəmədiyimi başa düşdüm o an.
Arada yadıma düşəndə fikirləşirəm hansı ara, necə, nəydən sonra bu qədər vecsizləşdim. Niyə başım da qopsa "əşş başdı da, uzağı unicorn alaram, namım yürüsün" şeyindəyəm. )?(
Yarasaların bir-birinə borc qan verməsi.
O gecə qurban tapıb kifayət qədər qan içmiş yarasalar Özünə ov tapa bilməmiş mağara yoldaşlarına içdiyi qanın bir hissəsini qusaraq borc verir. Ancaq insandan fərqli olaraq bu vampirlər heç vaxt "mən bu gün sənə 200 ml qan verirəm, sabah mənə 250 ml qaytaracaqsan" deyə verdiyi kreditin faizin almır.
Bir sözü üst-üstə təkrar etdikdə dinləyici üçün mənasının itməsini açıqlayan psixolojik fenomen. Həmçinin bir sözü çoxlu-çoxlu görmək, yazmaq da beyinə eyni toxluğu yaşadır. Məsələn "yastıq" sözünü sürətlə təkrarlayın. Yastıq, yastıq, yastıq, yastıq.... Yastıq sözünü tətikləyən neyronlar bir yerdən sonra "toxluq"a çatır, "yorulur".
Bunun səbəbi isə yastıq sözünü eşitdiyinizdə və ya işlətdiyinizdə beyninizdə canlanan yastıq şəkli )bu hər hansı bir mücərrəd isim də ola bilər, fərq etmir. O sözün sizdəki qarşılığı, yaratdığı hiss( dəfələrlə alovlanır, dəfələrlə... getdikcə mənası zəifləyir və random hərf yığınlarından yaranmış mənasız səsə çevrilir. Beynimizin yaşadığı bu toxluq bəzən başqa bir sözə, mənaya da keçid edə bilir. yastıq - qəsd kimi. Ki bu da transformation effect adlanır.
Təkbaşına əksik qanundur. Plastik torba, şüşə kimi tullantıların dərdini ən çox çəkənlərdən biri olaraq deyə bilərəm ki, bu proses geridönüşüm konteynrlarının qoyulması ilə yanaşı getmirsə boş şeydir.
Plastik torba birdəfəlik qadağan olunsa kağız torbalar gərək olacaq. Həm də plastik qabağan olunursa fanta, cola kimi içkilərin aqibəti necə olacaq? Onları içib tullamaq olar, amma zibili atmağa torba tapmayaq?
Bundan əlavə, bu kimi qadağalardan əvvəl rayon və kəndlərə zibil konteyrnlarının qoyulması çox-çox daha vacibdir.
Tullantılar yandırılaraq məhv edilir. fikirləşmirlər ki, onun zəhəri təbiətə çox daha ağır fəsadlar verir. Əvvəlcə bunu düşünüb lazımi tədbirlər görülməli, sonra plastik torbaların qadağasına keçilməlidir.
Bu zaten sözünün dilimizdə işlək halını alması da insanların gözünə niyə belə batır anlaya bilmədim. Zatən ərəb sözüdür və əslində, təbii olaraq, özü-özündən mənasını verir.
Günlük həyatda 10 minlərlə ərəb sözü işlədən insanların bir bu zatən sözünə ilişib qalmaları, onu gündəmə gətirmələri, ciddən, ağıl-sirr ərdiriləcək mövzu deyil.
Təqribən 20 dəq gəzinəndən sonra söz6'ya şükr etdiyim sayt.
Bir oxuyucu kimi gördüyüm qədəri ilə səs vermək, like/disslike kimi düymələr yoxdur, yəni rəqabət də yoxdur. Bu yaxşı bir şeydirmi, ya pis, orası müzakirəyə açıq, amma atışmaların olmayacağı düşüncəsindəyəm. Anonimlik yox, hamı öz ad-soyadı, hətta öz şəkli ilə qeydiyyatdan keçir, bu qarşısındakını ağzına gələn sözlərlə söymək hallarını aşağı salır.
Axtarış edirəm, nəticə yox. Bu səfər var olan başlıqları axtarışa verirəm, yenə nəticə yox.
Və ironik olaraq hamının 10-15 təqibçisi var, amma heç kəsin "təqibçiləri" bölməsində müsbət bir rəqəm yoxdur. *
allah allah
Söz6 səmimiliyi görə bilmədim. Ola bilsin bunu istəməyənlər getsin, amma adicə bizim sistem robotu üzümə söysün, öpüb başıma qoyaram, o dərəcə. *
sistem robotu fetişi
Hər nöqtəsi səmimidir buranın. Başına döndüyüm söz6'ım.
israildə həkimlərin üzərində tamam fərqli təcrübə apardığı, orqanizmə düşən yad cisimlərə qarşı mübarizə aparan igid *leykosit*lərdən, *oksigen* və *karbon dioksid*i *hüceyrə*lərə daşımaqdan *mütəvəllid* kuryer *eritrosit*lərdən, tərkibinin çox "cıvık" olmayıb qatılaşmasını təmin edən *trombosit*lərdən, formalı elementlərdən fərqli olaraq qanın maye qismi olan *plazma*dan təşkil olunmuş təbiətdəki bir çox canlının bir növ benzini, həyati vacib maye.
Təcrübə : Deməli israildə neynirlər..
insandan 1 damcı qan götürülür və mikroskop altında xüsusi təkmilləşdirilmiş aparatlarla ekrana əks etdirilərək incələnir.
Yavaş-yavaş hərəkət edən bakteriyalar və qanın təmizliyi üçün əlləşib vuruşan *mikrofaq*lar qeydə alınır. Yəni bunlara bir növ əsgər kimi baxa bilərik.
Həkimlər görürlər ki, həmin bu mikrofaqlar sanki yuxuludurlar, sərxoş kimi hərəkət edirlər. Bayaq bəhs etdiyimiz bakteriyaları elə bil görmürlər, veclərinə deyil. Özləri üçün gəzirlər. Daha sonra qanı alınan adama gülməli video-çarxlar izlədilir. Adam sözügedən gülməli videolara baxmağa başlayan anda hətta ilk gülüşdən bayaqki süst halda gəzinən mikrofaqlar elə bil yuxudan ayılır öz vəzifələrinin başına keçirlər. Aktiv bakteriyalara hücum çəkərək onları iştahla yeyirlər. *
sözün həqiqi mənasında udular lan
Nəticədən heyrətlər içində qalan həkimlər qaza gəlib eksperimentə eyni qaydada davam edirlər. Lakin məsələ burasındadır ki, bu səfər gülüş doğuracaq komediyanı qorxu filmləri ilə əvəz edirlər.
Aydın olduğu üzərə, mikrofaqlar tam tərsinə hərəkət edir. Bakteriyalar aktivləşib ora bura qaçır, onlara hücum edir, mikrofaqlar isə geri çəkilirlər.
Bu təcrübə onu göstərir ki, bizim indiyə qədər bilmədiyimiz hər hansısa üsulla insanın burdakı əhval-ruhiyyəsi hətta ondan ayrılmış qana da təsir edə bilir. Edir. Bu faktdır. Prinsip aydındır. Şüurun vəziyyəti insanın daxili ekologiyasının, qan təmizliyinin, immun sisteminin gücləndiriliməsində bilavasitə rol oynayır.
Deməli *gelotologiya* heç də dırnaqarası yanaşılacaq bir sahə deyilmiş.
Ön söz: "Secret of Water" sənədli filmində bəhsi keçən Yapon psevdoalimi Masaru Emotonun iddialarına əsasən yazılmışdır.
H20. Yür üzərində maye, qatı və buxar halında mövcud ola bilən yeganə element. Bildiyimiz kimi bütün maddələr qızdırıldıqda genişləyir, soyuduqda sıxılır. Lakin bu suda təm tərsinə işləyir.
Suyun həcmi donma nöqtəsində (0°C) artır və donma nöqtəsinin üzərində (-4°C) azalır.
Masaru Emotonun iddiasıan görə su yaddaşa sahibdir. O, ətrafında baş verən hər şeyi xatırlayır. Canlı və cansızların onun üzərində buraxdığı hər bir iz (bu yaxşı və ya pis ola bilər) onun H20'luğunu deyil, sadəcə strukturunu dəyişir.
Düşünməyinizə kömək edək; su H20 komalarından təşkil olunub və bu komaların hər biri yaddaş hüceyrəsi rolundadır. Hər bir hüceyrə 400.000-dən çox informasiyanı qeyd edə bilmə potensialına sahibdir. Su su formasında qalır, lakin o, eyniylə sinir sistemi kimi müxtəlif qıcıqlara reaksiya verir. Bunu formasını dəyişərək edir.
Müxtəlif bir çox təsir vasitələrinin suya hansı təsirləri göstərəcəyi laboratoriya şəraitində yoxlanılıb. Maqnit sahələrinin, elektrik sahələrinin, müxtəlif növ cismlərin və s. Ən sensasional nəticə insan duyğu və düşüncələrində aşkar olunub.
Pozitiv və neqativ duyğu və düşüncələr suda birbaşa öz əksini tapır. Belə ki, aqressiya, nifrət, təhqir, qorxu sudakı elektrik yükünü ən aza endirib canlılığı azaldır və onun *simmetriya* sını pozarkən, sevgi, təşəkkür, məmnuniyyət və s. kimi duyğular suyun enerjisini artırır və suya qərarlılıq qazandırır.
insan suya xoş niyətlə yanaşır və ona təşəkkür edirsə, bu suyun keyfiyyətini artırır və su o insanın bədəni üzərində müsbət təsir yaradır.
1472-ci ildə tarixi qeydlərə görə Karl Gastinsis adlı keşiş böhtanlara məruz qalır və haqsız yerə həbs olunur. Tanınmış bir əsilzadənin xəstələnməsinə səbəb olduğu irəli sürülərək mühakimə olunur. Həbsdə saxlanıldığı müddət ərzində keşişə sadəcə bayatımış çörək və bir qab kirli su verilir. Qırx gün sonra gözətçi keşişin səhhətinin heçmi heç pozulmadığını, hətta əksinə daha da yaxşıya getdiyini görür. Ancaq bu vəziyyət keşişin qara qüvvələrlə əlaqədə olduğu iddiasını daha da gücləndirərək keşişin daha ağır mühakimələrə məruz qalmasına səbəb olur və bir çox işgəncələrdən sonra Karl Gistansis ona verilən bu kirli suya dualar oxuduğunu, tanrının bu sınağı üçün ona təşəkkür etdiyini etiraf edir. Beləcə 40 gün ərzində kirli su içməsinə baxmayaraq səhhətinə bir zərər gəlməmiş, suyun dadı niyət və istəklə düzəlmişdi.
Təbiətdə su hər zaman dairəvi qıvrımlar şəklində yol alır. insanlıq isə müasir texnologiya dövründə su ilə yaxın ərazilərdə yaşamasından aslı olmayaraq suyu yüksək təzyiq altında sərt qıvrımları olan borulardan kilometrlərlə uzaqdakı yaşayış məntəqələrinə daşıya bilir. Lakin suyun təbii komponentləri bu perpendikulyar dönüşlərin hər birində daha da korlanır. Şiddətli kimyəvi arıtma proseslərindən, güclü filtrlardan keçdikdən sonra su məruz qaldığı kobudluq və qərəzi xatırlayaq bütün bu stressi öz üzərinə çəkir.
Dr. Prof. Akademik Konstantin Korotkov günümüzdə "Dünyanın ən gözəl suyu" adı altında şüşələrə doldurulub satılan xüsusi şirkətlərin sularını labroatoriya şəraitində incələmiş və bu suyun boş, ölü bir su olduğunu aşkar etmişdir. "Düzdür, bu su safdır, yaxşıdır və bəzi minerallar da qatılıb, lakin içində enerji, yaşam enerjisinin mövcud olmadığı ölü bir sudur." -deyə əlavə etmişdir.
Dünyanın bütün dinlərində yeməkdən əvvəl dua oxumaq adətdir. Ümumiyyətlə, dua, şükür etmək dinin bir parçasıdır. Sulara dualar oxunub içdikdə onun şəfa verəcəyinə inanılır. Eyniylə bu inancın nə dərəcədə düzgün olduğunu ölçmək üçün Masaru Emoto laboratoriyada sulara Buddist, Xristiyan və Müsəlman duaları dinlətdikdən sonra onları dondurur. Mikroskop altında su kristalları incələndikdə çıxan nəticələr:
1881-ci ildə Lara yelkənli gəmisi Liverpool'dan San Fransiskoya doğru gedərkən 3-cü gün gəmidə yanğın baş verir və gəminin kapitanı Neil Carrey ilə bir neçə insan qayıqla canlarını qurtarırlar. Qısa müddət ərzində suları bitən dəstə günlər boyunca ucsuz bucaqsız dənizin ortasında susuzluqdan işgəncə çəkir. 3 həftənin sonunda qaraya gəlib çatan dəstədən necə sağ qaldıqları soruşulduqda Kapitan Neil Carrey onları nəyin qurtardığını deyir və bu dildən-dilə ötür: "Hamımız susuzluqdan bitab düşmüşdük. Yuxularımızda şirin su görürdük. istəyimiz sadəcə şirin su idi. Yalnızca bunu düşünürdük. Ətrafımızdakı suyun duzlu dəniz mavisindən şirin su yaşılına döndüyünü xəyal etməyə başladıq. Sonra bütün gücümü topladım və dənizdən bir ovuc su aldım. Dadına baxdığımda şirin idi!"
1956-ci ildə cənubi şərqi asiyada kütləvi qırğın silahlarının hazırlandığı gizli hərbi laboratoriyada bir neçə ildir ki, güclü bir bakterioloji silah üzərində təkmilləşdirmə işləri aparılır. Alimlər 2-3 saat boyunca keçirmiş olduqları iclasda bakterioloji silahın hansı məhvedici xüsusiyyətlərinin olacağını ətraflı şəkildə müzakirə edirlər və qəbul etdikləri yeganə qida stollarının üstündə içdikləri su olur. Uzunmu uzun iclasları əsnasında yavaş-yavaş hər kəsin halı pisləşir, iclas bölünür və iştirakçılar zəhərlənmə simptomları ilə xəstəxanaya çatdırılır. Həkimləri çaşdıran içdikləri suyun tərkibində heç bir zərərli maddə aşkar edə bilməmələri olur. Analizlərdə cavab saf H20-dan başqa bir şey deyildi.
Və nəticəyə də yazılan bu olur: Adi sudan zəhərlənmə.
Təcrübə: 1995-ci ildə Masaru Emoto musiqinin suya göstərdiyi təsiri ölçmək üçün təcrübələr aparan ilk şəxs kimi elm tarixinə keçir. O laboratoriyada 50 fərqli qaba 0.5³ sm. miqdarında su yerləşdirirlər. Sonra bu qabı 3 saat ərzində -25°C temperaturda dondururlar və onları da -5°C temperaturdakı soyuducuya yerləşdirirlər. içəridəki kameralı mikroskop ilə 50 fərqli du damcısının şəkillərini çəkirlər. Burada suya müxtəlif janrda musiqilər dinlədirlər:
Emoto'nun bir digər təcrübəsi:
O, ciddi cinayətlərin çox qarğış və təhqir edilən yerlərdə daha çox işləndiyini təxmin edir.
Təcrübə: laboratoriyada su qablarına tanınmış şəxslərin adları və sözlərini ifadə edən heroqliflər qazınır və onlar da mikroskop altında incələnir:
Təcrübə: Xüsusi təkmilləşdirilmiş mikroskop altında insan qanından bir parça götürərək eritrositlər gözdən keçirilir.
Həkimin rəyi: Eritrositlər bir-birlərinə yapışaraq "rulo" formasını alıb Böyük bir simplast yaranmışdır ki, bu da öz növbəsində ürək xəstəliklərinin, artrit və ağciyər xəstəliklərinin işarəsidir.
Həmin şəxsə işlənmiş su içirdilir və 12 dəq. sonra proses təkrarlanır.
Həkimin rəyi: Hüceyrələr artıq batmırlar, üzürlər. Sürüşkən hal alıblar. Hamısı elektrik yüklüdür, enerjikdirlər və bir-birlərini itələyirlər. Bu, onların oksigen daşıya bilməsinə zəmin yaradır və öz növbəsində qanın pH göstəricilərini yüksəldərək anaerobik mühit aerobik mühitə keçid edir. Və bunu edən içmə suyundan başqası deyil.
Bütün bu bilgi kirlilikləri yaddaşında qat-qat yığılaraq suyu zəhərləyib. Əgər bu proses sonsuza qədər davam etsəydi su şüurunu itirərdi. Lakin o, özünü təmizləyəbilmə potensialına sahibdir. Su hər dəfə buxarlaşıb yağış halına gəldiyində, dondurulub sonra əridikdə bütün informasiya kirliliyini ataraq əvvəlki həyat üçün proqramlanmış təməl halını qoruyur.
Edit: arrowhead nickli yazarın haqlı etirazına əsasən qısa bir araşdırmadan sonra təcrübələrin əsaslı dəlillər təqdim edilərək elm cəmiyyəti tərəfindən təsdiqlənilmədiyi aşkarlanmışdır.
Persefona qədim yunan əfsanələrində Zevs ilə Demetra'nın qızıdır. O qədər gözəl olmuşdur ki, yeraltı dünyanın allahı aid (bax: hades)
persefonaya vurulur və Aid qardaşı Zevsin tövsiyəsi ilə onu ölülər dünyasına qaçırır. Oranın qaydalarından bixəbər Persefona Aidin verdiyi nardan yeyərək əbədi orada qalmağa məhkum edilir. Belə ki, ölülər dünyasında hər hansı bir şey yeyən kəs bir də yer üzərinə çıxa bilməz. Anası Demetra günlərcə qızını axtarır, axırda Yeri və Göyü izləyən Helios Demetraya yazığı gəlir, "Qızını ərinin gizli icazəsiylə qaynın qaçırıb" deyərək Demetranın ürəyinə "su sərpir". Hara su? Əsəb çıxır kəllə-çarxa. Məhsuldarlığın və bərəkətin tanrısı olan Demetra yer üzərindən əlini çəkir, güllər çiçəklər solur. Lakin ana qəlbi işte, əlləşir-vuruşur, axırda qızının ilin 6 ayı Yer üzərinə göndərilməsinə icazə alır. O gündən bu günə Persefona baharın başlanğıcı ilə əlaqələndirilir. Persefona yer üzərinə çıxdıqda güllər çiçəklər açır, ətraf yaşıllaşır, məhsuldarlıq artır. Nə vaxt ki o ölülər dünyasına Aidin yanına getməyə məcbur olur, bu zaman bitki örtüyü quruyur, təbiət cansız hal alır.
Gözün sklerasını və ağ qismini təşkil edən konyuktivanın virus mənşəli iltihabı. Gözün ağ qismindəki və qapaqlarındakı kapilyar damarların bu iltihablanma səbəbilə şişməsi və qırmızı hal alması səbəbilə pink eye, qırmızı göz xəstəliyi də deyilir. Allah qəni qəni lənət eləsin.
Heçözüdəbilmirin viral konyuktivit serüveni. hansı ki konyuktivit tipləri arasında düzgün müalicə edilməzsə ağır fəsadlar verəbilən, ən zəhlətökən formasıdır.
Xəstələnəndə yaşayanların hansı mərhələlərdən keçdiyini öyrənmək üçün oxumadığım sayt qalmadı. Həyatım iflic oldu. Günəş altında quruyub qovrulan bir bitkidən fərqsiz idim.
Oxuyun, qardaşlarım. Oxuyun, bacılarım.
imkansız kimi görünsə də, keçib gedirmiş.
1. Gün: qaşınma, göz qapaqlarının içində şiddətli qızarma. Üst göz qapağı yüngül şişməsi. Hələ ki o qədər də bəlli deyil.
2. Gün: simptomların bir az daha artması.
3. Gün: simptomların əməlli-başlı şiddətlənməsi. Gözdən şıpır-şıpır axan sular. Səhər xəstə göz qapaqlarının yapon kleyiylə yapışdırılmış kimi yapışmış vəziyyətdə oyanmaq. Xəstliyin ciddiyyətinin fərqinə varıb hafiften tırsmaq.
4. gün: gözünün içinə 1 çay qaşığı qum üflənmiş hissiyatı. Ilıq dəsmalla gözünə kompress edib yatmağa çalışmaq.
5. Gün: gözünüzə məhəmməd əli əl gəzdirmiş kimi şişməsi. göz ətrafı sümüyün ağrısı. Baş ağrısı.
6. Gün: davam edir. Bu ağrılar ki başladı Yata bilmək üçün tərəfimdən ağrıkəsici qəbulu tövsiyədir.
7. gün: ağrılar müəyyən qədər azalır. Amma qızartı, su axması davam.
8. Gün: kafasına görə şişiən göz qapaqları. Bulanq görmə. Görən hər kəsin "gözünə nolub???" Suallarından bezib "çəkmişəm" demək.
9. Gün: üz əzələlərini gərəndə (əsasən qızlar dodaq boyası çəkərkən etdikləri kimi) alt göz qapağı ilə göz arasında böyük bir uçurum görüntüsü.
10 gün: qırmızılıq və şişkinlik öz yerində. Heç vaxt sağalmayacaqmış kimi gəlir. Dərman tökdükdə gözdən axan qırmızı sular. Gözünü yediyim kapilyarlarım partlayır, yəqin. Sözün əsl mənasında qan ağlatdı.
11 gün: davam
12: gün eyni şey.
13: həyatdan bezmək.
14 gün: derken simptomlar cüzi yüngülləşir.
15 gün: batma hissi dözüləbilir hala gəlir. Su axmağı azalır.
16 gün: su axmağı tamamilə dayanır. Gözünün ağ qismi ağarmağa başlayır, bir az sarılıq var amma o da dərd deyil.
17 gün: uzaqdan baxanda xəstə olduğun o qədər də anlaşılmır.
18 gün: artıq qızarıqlıq sadəcə göz qapaqlarının altında qalıb.
19 gün: ağrı tamamilə yox olduğu üçün dərman damcılatmağı unudursan.
20 gün: üz əzələlərini gərdiyində gözünlə göz qapağın arasındakı o uçurum əvvəlki halını alır.
21 gün: göz qapaqlarının altındakı qızarıqlıq davam. Məsələ deyil.
25 gün: qızarıqlıq azalıb amma var. Ozodrop və deksa tökməyə başladım.
35 gün: gözün qaraslna da nöqtələr düşüyü üçün arada gözümə nəsə batır. Ozodrop Tökürəm, çox pis yandırır, ancaq sonra sakitləşir. Gözümün qarasında hələ də nöqtələr var. Zibilə qalsın konyuktivit.
60 gün: düz ad günümə düşürdü. Həkim baxdı dedi iynə vurmalıyıq. Gözündəki nöqtələr tez sovrulub getsin. Şok oldum ki nə iynə ala. Keyyidici damcı tökdülər. iynəni bir neçə yerdən batırıb vurdu. Batıranda hiss etmirdim ancaq gözümün içinə nəsə axdığını hiss edirdim. Onunla da gözümdəki arabir qaşıntılar və quruluq keçdi.
108 gün: yüngül konyuktivit keçirən, heç bir simptom verməyən o biri gözüm batmağa başladı. Kiprik qalıb elə bil. Həkim məzuniyyətdə olduğu üçün telefonla danışdım, bu xəstəlikdən sonra uzun müddət göz quruluğu qalır, deksametazon tök dedi. O yandırdığı üçün eyelos qarışığı deksa tökürəm. Sakitləşir biraz.
N-ci gün: oktyabrın 30u və gözümdə aylardır batma, tük qalmış hissiyatı var. 1.5 aydır Keratodrop damcıladıram. 5 aydır tam sağalmamışam.
Tövsiyyələr: günəşə, küləyə qəti çıxmayın. Çıxası olsanız günəş eynəyindən istifadə edin. Gözünüzə pambığa batırılmış qaynanmış su ilə kompress edin. Çox soyuq olmasın. isti də sakitləşdirir. Bu həm də gecə göz qapağı yapışmalarını yüngülləşdirəcək.
Hər gün yastıq üzünü dəyişin. Evin hər yerini spirtləyin. Tez tez çimin, amma gözünüzü qoruyun, su dolmasın. Xəstə ikən adi oturanda belə özünə nifrət edirsən. Çimib bədəni sakitləşdirmək psixi olaraq kömək edir. Çox keçici xəstəlikdir. Hava damcı yolu ilə, sizin toxunduğunuz əşyalara başqalarının toxunması ilə sevdiklərinizə də bu zülmü yaşatmağınız çox asandır. Odur ki, hər kəsdən uzaq gəzin. Və ən əsası, əziz oxuyucu, Konyuktivitə qəni-qəni lənət oxuyun.
Heçözüdəbilmir bu murdar xəstəliyi də geridə qoydusa ölüm yoxdu ona iki cihanda.
2. gündən istifadə etdiyim dərman "Ayferon" hansı ki tapılması çox çətin oldu. 1 damcı. 14.47 azn.
Sonrakı saat "torax" 1 damcı. 10.44 azn
Belə-belə hər bir saatdan bir gözümə dərman tökürdüm. Dərman tökmək üçün dəqiqələri sayırdım. Ayferon çox pis yandırır. Torax sakitləşdirirdi.
Digər gözə keçməyinin qarşısını almaq üçün hər iki gözə də eyni dərmanları tökməyi tapşırmışdı doktor.
14. gündən "Virqan" göz üçün gel. 1 damcı, göz alt qapağına. 23.36 azn
Hardasa 18. Gündən ayferon bitdi.
"Eyelos" göz damcısı. Göz quruluğu üçün.
Kafama əsəndə tökürəm. 5.56 azn
Virus bədənə düşəndən sonra onsuz etdiyini edəcək, immuniteti qaldırmaqdır ən vacibidir. C vitamini gecikdirmədən alın. Mən fışıldayan tabletlərdən aldım. 20 ədəd. ~ 10 azn.
Deksametazon - 2.27 azn
Ozodrop - 18.4 azn
Keratodrop - 6.88 azn
Total: 91.30 azn.
Ozodropu doktor özü verdi sağolsun. Deyir "22 ildir doktoram konyuktivitin bu qədər şiddətli yayılıdığı ili görməmişəm. 8 il əvvəl yayılmışdı, amma bu il dəhşətdi"
Əlinizi gözünüzə vurmayın. Gözüzünü ovxalamayın.
3 dekabr: son mərhələdə deksa göz damcısı fayda verdi. Artıq qaşınmır gözüm.
Qeyd: bu mənin serüvenimdir. Ola bilər ki sizdə başqa cür keçsin. Əsasən immunitetdən aslıdır. Əgər hər hansı bir simptom hiss edirsinizsə qəti surətdə gecikdirmədən göz həkiminə gedin. Dərmanları səbrlə, vaxtı-vaxtında istifadə edin.
1. Sənin kimi başqaları da var?
2. Cənnət həqiqətən varsa sonsuza qədər orada qalmaq mütləq sıxıcılaşmayacaq?
3. Hər şeyə qadirsənsə bunca tantana neden? Nədir bu işin fəlsəfəsi?
Entrylərin əksəriyyəti monoteist dinləri əsas götürərək verilən suallardan ibarətdir. islam başda gəlir. Bir də, təbii ki, təhqirlər.
Sırf öləndə nə olacaq deyə tez-tez "bircə ölsəydim" fikri keçir ürəyimdən. "Bircə ölsəydim, görüm nolur". Tamamilə gic istəkdi, sözsüz, amma maraq öldürür məni.
Sən gəl bu boyda kainat yarat, sonra heç nədən xəbərsiz dölbeyinləri yığ içinə ki, iş bilmişəm.
Necə ki 4 ölçülü dünyanı 5 duyğu üzvümüzlə hiss edə bilmiriksə, heç bir zaman da tanrı ilə *empatiya* qura bilməyəcik. "Niyə, niyə, niyə?" suallarımıza heç vaxt tutarlı səbəblər uydura bilməyəcik. Buna görə də boş verin, yaşayın getsin.
(Buraya da başlığın tələbindən kənara çıxaraq 3 sual yazıb sonra da gətirdiyi arqumentlərlə özü-özünü təkzib edən bir yazar çizelim. Adı da Heç özü də bilmir olsun.)
Bir vaxtlar yeri göyü dağıtdığım indi çox asan kontrol etdiyim psixoemosional vəziyyət.
Deməli necə kontrol etmək olar? Əsəbiləşdirən hər nə və hər kimdirsə əvvəlcə o vəziyyətdən kənara çıxıb hadisəyə başqa perspektivdən baxılır.
Tutaq ki, qrup yoldaşın dölbeyinin yekəsidi və özünü Freud hesab edib sənin haqqında reallığa bir addım belə yanaşmayan analizlər edir. Sən isə dəli olub özündən çıxırsan, hansısa bisavadla söz dalaşına girirsən. Əslində, məsələ savadla da əlaqəli deyil. Əvvəla, başa düşməkdə fayda vardır ki, insanlar hər şeyi bilə bilməz və onlara nəyisə sübut etmək böyük bir heçdən ibarətdir. Boş-boş fikir yürüdür? Yerli-yersiz mülahizələri var? Burda sən anlamalısan ki, o insan ağacdan qopub yerə düşmüş çürük meyvə ola bilər, ona yaxınlaşıb özünü çürütmək isə sənin seçimindir.
O cümlədən ağlınıza gələ biləcək hər şey. Ən pik misallar..
Əsəbiniz heç nəyi həll etməyəcək, əksinə daha çıxılmaz vəziyyətə soxacaq, bunun fərqində olun.
Əsəbiləşdiyiniz və əsəbinizin soyuduğu o iki anı gözünüzün önünə gətirin. Nə dəyişdi? Heç nə. Əsəbiləşmədən də təmkinlə məsələni həll edə bilərdiniz, amma sizə daxili sisteminizə zərər vermək daha asan görünür. Sözün həqiqi mənasında çox sadə bir şeydir və əmin olun bunu ən çıxılmaz vəziyyətlərdə bacarmışam.
əsas qanun: səni tanıyan və tanımayan, sevdiyin nifrət etdiyin, uşaq və ya böyük heç kəsə heç nəyi başa salmağa çalışma. Fikrini bir dəfə çatdır, çatmadısa, ikinciyə tənəzzül etmə. Biri ilə konfliktə girmək sənə heç nə verməyəcək. Ondansa get fərdi inkişaf kitabları oxu, filmə bax, çöldə gəz, olmadı gəl yat, amma müzakirə mübahisəhə çevrildiyi anda oradan sakitcə uzaqlaş. Çünkü onların sənə qazandıracağı şey böyük bir 0 olacaq. *
elmi müzakirələr söhbətdən kənardır
*
deyən olacaq deyəsən özün çox oxumusan ha bizə dərs mərs keçirsən, fərdi inkişaf kitabı oxumamışam, təcrübə ilə sabit müşahidələrimdir. Başım da zordu, bir müddətdən sonra başa düşməyən heç kəs qulağıma deyil
Əsəbi tamamilə yığışdırıb kənara qoymaq üçün uzaq şərqdə bir ömür sərf edirlər, bizim ona nə şərait, nə imkan, nə həvəsimiz var. Dediklərimi etmək isə olduqca asandır.
Acı reallıq budur ki, əsəbi olmaq insanın gizli zəiflik göstəricisdir. Qarşınızdakı insanı əsəbiləşdirə bilirsinizsə deməli o sizi və fikirlərinizi umursayır. Sizi və fikirlərinizi umursayırsa deməli özünə inamı yoxdur. Özünə inamı olmayan insan da zəifdir. *
əsəb uçbucağı: umursamaq-inamsızlıq-əsəb
Buna görə də ipləri əlinizə almaq üçün ya eq yüksək olacaq ya iq, başqa cür nevrozdan 35-ində ölüb gedərsiniz.
"Əlində olsa hansı tarixi şəxsiyyətlə görüşməyi seçərdin?" tipli suallara birnəfəsə cavab verdiyim Buddanın belə bir kəlamı ilə bitirim getsin: "Məsələ həll olunandırsa narahat olmağa dəyməz. Məsələ həll olunan deyilsə narahat olmaq heç bir şeyi dəyişdirməz."
Azərbaycanlı youtuber. adam *cringe*in orqanizm halıdır. Amma təkhüceyrəli orqanizm. *Tiktok* çəkənləri tənqid edir, heçnə demirəm, gicbəsər ilk videodakı oğlanı da tənqid edib "bu videonu niyə çəkmisən mənə çatmır" deyir, hansı ki özü dəxlisiz tənqidlərlə səviyyəsiz videolar çəkdiyindən xəbərsizdi. Hamını söyür. Bu bədbəxt mentalitet anlayışına düz gəlməyən nə gördü videoya alıb əsas da homofobiklərdən prim kasır. Videoların altına yazılan şərhləri oxusaz ondan beş betər utanacaqsınız. Müəyyən qədər oxuduqdan sonra hələ də özümə gələ bilməmişəm. 200 mindən çox abunəçisi var, hədəfi 1 milyon imiş. Söyüş söyməyi "zoram voram" temalarını coolluq sayır. Görün bizim gənclik təhqirlə tənqidi səhv salan bu "aqıllı"nı necə çıxardıb dağ başına qoyub, tərifləyir.
Videolarındakı ayrı bir ironiya da ondan ibarətdir ki, *
tragikomediya
tiktok videolarında hər 3 sözündən biri "özünüzə hörmət qoyun" ikən, bu dölbeyin videoya "hamıya salam dostlar, bu gün də dünyanın ən şərəfsiz programını izləyirsiz"lə başlayır. Bəli, şərəfsizsən. Mən burda homoseksuallara, lgbt üzvlərinə duyar kasmıram, amma sənə nə dəxli milləti təhqir edirsən, ay ...
Düzdü, bir-iki başqa videosunda normal tənqidini gördüm, hansı ki tiktok zibilliyində heç bir məna kəsb etməyən ərgənoidlərin (yaşından aslı olmayaraq) çəkdiyi videolara çox düzgün də olmasa, mənfi fikrini bildirir. Onlara söz demirəm. Ümumi götürdükdə isə, ayırdığım 20 dəqiqəyə heyfim gəlir bu mala.
izləyib-izləməmək sizə qalıb. Əsəbdən bağrınızın yarılmağını istəyirsinizsə izləyin.
Edit: sözlükdə sırf bu gün bu başlığın açıldığından xəbərsiz idim, eyni anda 5 yazar entry girib. Deyəsən, trenddədir. Allah daha betərlərindən saklasın.
(bax: baader-meinhof fenomeni)
(bax: sinxronizm)
Lamaizmin əxlaq prinsiplərinin əsasını, bir növ bünövrəsini təşkil edən anlayış.
Bütün lamaistlər 10 qara qəbahətdən çəkinməli, 10 ağ fəzilətə əməl etməlidirlər.
10 qara qəbahət 3 bədən günahı - adam öldürmək, oğurluq, zina. 4 söz günahı - yalan danışmaq, böhtan, qeybət, lovğalanmaq. 3 fikir günahı - həsəd aparmaq, kin bəsləmək, küfr etmək. *
Küfr söz günahına niyə daxil deyildir mən də bilmirəm.
Deməli belə ki, insanı ağır qəbahətlərinə görə ağır cəza (cəhənnəmə reinkarnasiya), orta qəbahətlərə görə orta cəza (bədheybət heyvan şəklində yenidən doğulma), yüngül günahlara görə yüngül cəza (xəstə yaxud şikəst insan şəklində və ya lamaizm diyarından kənarda doğulma) gözləyir.
10 ağ fəzilət bunlar savab gətirən fəzilətlərdir — başqasının həyatını qorumaq, əliaçıqlıq, bakirəlik, həlimlik, doğruçuluq, sülhsevərlik, itaətkarlıq, istiqanlılıq, həqiqi biliyə səy göstərmək və s.
Bundan əlavə, lamaist hikmət yoluna çıxmaq üçün zəruri altı vasitəyə paramita də malik olmaq lazımdır. Bu vasitələrə daxildir: Sədəqə, əhdinə sadiq olmaq, səbr etmək, çalışqanlıq, zöhd və hikmət.
Bu lüğətdən götürdüyüm bir sıra gözəl sözlər:
(baxma: bəlağət) ə. fikri incə, gözəl, açıq ifadələrlə anlatma.
(baxma: cəhli-mürəkkəb) ə. bilməməklə bərabər, bilməməzliyini də bilməyib özünü alim zənn etmə. (söz birləşməsi)
(baxma: xürdəbinanə) f. incədən-incəyə; dərindən
(baxma: xürdədan) f. incədən-incəni seçən
(baxma: xürdəgir) f. sözdə incə məna axtaran
(baxma: xülyapərvər) ə. xəyala qapılan, xəyala dalmağı xoşlayan.
(baxma: xümar) ə. 1) içkidən sonra süstləşmə; 2) kefli, sərxoş; 3) xumarlanmış, süzgün (göz haqqında)
(baxma: qələndər) f. 1) dünyadan əl çəkib sərsəri həyat keçirən adam; 2) dünyadan əl çəkib həqiqət axtaran alim; filosof; 3) qayda-qanuna tabe olmayan; özbaşına.
(baxma: leyli) ə. gecəyə mənsub, gecə olan.
(baxma: dilmürdə) f. "Ürəyi ölmüş" m. ölgün, süst
(baxma: busəgah) f. 1) öpüş yeri; 2) müqəddəs yer.
(baxma: canfərza) f. Ləzzət verən, cana gətirən
(baxma: canfərsa) f. ruha əziyyət verən
(baxma: malakəlam) ə. sözlə ifadə edilə bilməyən, təsviri mümkün olmayan
(baxma: məanipərvər) ə. bir şeyin əslinə, kökünə çatan. Bir şeyi incədən-incəyə izləyən.
(baxma: məhcur) ə. 1) uzaqlaşmış, ayrı düşmüş; 2) yaddan çıxmış, unudulmuş; 3) atılmış, tərk edilmiş; 4) köhnəlmiş, arxaik (söz haqqında)
(baxma: məxmur(ə)) ə. 1) sərxoşluqdan sonrakı başağrısı/sərxoşluqdan xumarlanma; 2) m. süzgün baxış, sərxoş kimi gözləri süzərək baxma
(baxma: müqmir(ə)) ə. Ayın işıqlandırdığı (gecə haqqında)
(baxma: pürxab) f. çox yuxusu gələn, yatmaq istəyən; 2) xumar (göz haqqında)
(baxma: şəhdkam) ə. f. dadı damağında qalmış
(baxma: təğlib) ə. müəyyən məqsədlə bir sözü başqa mənada işlətmə
(baxma: vəla) ə. 1) dəlicəsinə vurulma, bərk aşiq olma; 2) dostlaşma; 3)hüsn-rəğbət, simpatiya.
Beynimdə özümdən aslı olmadan baş verən bir proses var ki bu da sözlüklə bağlı təxminlər etməkdir. Artıq bunu etiraf etməyin vaxtı gəlib çatıb.
1) Yazarların cinsiyyətləri üzərində baş yoruram (necə də seksistəm, əlimə nə keçəcək? Güya analiz edirəm, ağıllıyam axı (!) ).
2) Zirzəmi və ya sol frame'də başlığı görən kimi "açacam və yüz faiz filan yazar yazıb" deyirəm.
3) Entry oxuyarkən "bu filan yazarın entry'sidir" fikirləri keçir içimdən. (ən çox da *graviton* və *qreqor zamza*da olur bu. Bu iki yazarın dəsti xətti çox bəlirgindir.)
4) Qəbul etmədiyim fikirləri sırf çox gözəl yazılıb deyə (baxma: yazarlıq bacarığı) əjdahaladığım çox olub.
5) Bir entry'ni bəyənirəmsə tək *əjdaha* yetmir, mütləq *maraqlı* da verməliyəm.
(edit: eyni anda həm əjdaha, həm maraqlı səs verilmədiyini öyrənəndən bəri yazar hələ də özünə gələ bilməyib. 2 ayı yalanmış..)
6) Cahıl vaxtlarımda bir çox entry'ni zirzəmiyə atmadığıma görə utanıram. Sol frame boş yerə dolur. (Bunu hələ də edir)
7) Məişətə aid entrylərin çox, elmi qırıntıları olan entrylərin onlara nisbətdə az oxuduğunu gördükdə neçə saat kefim saz olmur.
1991. ildə irlandiyada sırf black metal janrında başlayıb illər keçdikcə blacki celtic və folk metalla harmanlamış, mənim gözümdə janrının ən gözəl nümunələrindən biri. iç-içə keçmiş yeri gəldi doom, yeri gəldi melodic black metal havası adamı azərbaycandan alıb hansısa şimali avropa ölkələrindən birinə aparır. Bu cür zor gitar riffləri və brutal vocalları ilə bu qədər az tanınması əsəbimə toxunur. Dinləyin bu qrupu.
(youtube: )
- "nail their tongues" ilk bu mahnısı ilə tanış olmuşuq, içmişik.
(youtube: )
gitar riffləri.. ax bu gitar riffləri..
(youtube: )
- "last call" mahnı ümumilikdə sərt yüksəlib yumşaq enmələr üzərinə qurulub. Və bu çıxış (1:47) və enişlər (4:37) dinləyicinin içinə şövq toxumları səpir. Gitar solosu isə mahnının ruhuna tamamlayıcı amillərdəndir (6:54).
(youtube: )
"where lie the gods"
"What desolate walls are these
That rise up from the ruins"
Sitatın sonu.
Əsas da bu albomun hamısını atardım, ancaq nə qədər çox bir o qədər az dinlənir.
(youtube: )
- "failure's burden"
Bilmirsən sözləri zordu, musiqisi zordu, ya vokalistin hünəri. Gitardı səni belə dəli edən, ya sürətli ritmik drums.
Mahnıları çöküş, maddə aslılığı, din, ruhi xəstəliklər, təslimiyyət, aqressiya, siyasət və bu bənzəri mövzular üzərində yazır.
O məşhur ifadədə də olduğu kimi, Chrisin hələ uşaq yaşlarından musiqiyə böyük marağı olub.
Ağır depressiya və yuxusuzluqdan əziyyət çəkərkən 1 il boyunca nəinki mahnı yazmaq, qulaq asmağı belə dayandırır. "Bir də heç vaxt mahnı yaza bilməyəcəyimi düşündüm." deyə qeyd edir. allah qoruyub.
Ancaq bu cür ağrı-acıdan belə mükəmməl əsərlər ortaya çıxardı. Fikirləşirsən ki "yaxşı ki yaşayıb". nə qədər əclafca səslənsə də.
(youtube: )
(youtube: )
- Chris elə rejissorudur klipin və bunun haqda ayrıca danışmaq lazım gəlir. Belə təhlil etmək olar ki, qara rəng, gözləri ağ personaj Chrisin daimi gördüyü halüsinasiyalardır. Körpə isə saflıq və təmizliyi simvolizə etdiyindən qarşılaşdığı çətinliklərdə heç bir qəbahəti olmayan, həyata biixtiyar atılmış insanları təmsil edir. 1:09-cu saniyədə körpəni kompleks formalı, nə olduğunu heç özü də bilmədiyi 'şeylər' qabağına səpələnmiş vəziyyətdə görürük. Nəyi necə etməli olduğumuzu bilmədiyimiz, bütün bu xaotik seçimlər qarşısında acız qalan bizlər.
Yaşlı kişi aqressiv hərəkətləri ilə (1:30) təhlükəni, yoldakı barierləri təmsil edir.
Çətinliklər onu əlinə aldıqda körpə başlayır ağlamağa (1:56). O isə istehza və məzə ilə gülür. Eyni depressiya kimi.
Həyatın zarafat anlayışına so ...
"Goodbye my friends
Goodbye to the money
Adieu to the fuckers that think that is funny
i just want to turn the lights on
in these volatile times"
(youtube: )
(youtube: )
- spit it out
"And it breaks my heart
People need love"
Gənclik illərində (1995) qurduğu qrup *Sneaker Pimps* Becoming x albomu ilə milyonlarla kopya satır. O vaxtdan bir X sevdası var imiş. Becoming x i am x olur. Maraqlı detaldır.
Ps: tanıyıb kəşf etməyimə vəsilə olan *nellie crain*ə double təşəkkürlər. Adamsın.
Ruha təskinlik qarışığı əziyyət verən mahnılar o mahnılara deyilir ki, bunları dinləyərkən nə düz əməlli üzülə, qəhər hissində boğula, nə də adam kimi sakitləşə bilirsən. ikisinin ortasında, insanı yarım-yamalaq qoyma potensiala sahib mahnılardandır.
Razılıq: əgər mənbəyi bilinməyən bir duyğu durumuna düçar olmaq istəmirsinizsə aşağıdakı siyahıda göstəriləcək olan mahnıları dinləməkdən çəkinin.
Əks təqdirdə bunlar diqqətlə seçilmiş əsərlərdir və yazar iddia edir ki, hamısını dinlədikdə boşluğa düşə, bütün varoluşu mühakimə edib özünüzlə daxili münaqişəyə girərsən.
Mahnı əlavə edəcəklərə yüz ölçüb bir biçməyi, dinləyəni nə təskinlik hissinə qaptıracaq, nə də tam olaraq iztirab verəcək olan mahnılar seçməyi xahiş olunur. ikisinin ortasında, nə idüğü belirsiz, amma ruhuna toxunan bir şeylər olması başlıq üçün daha məqsədəuyğundur.
Qeyd: mahnını adı da qeyd olunsa sonradan video silinmə hallarımda da dinlənilə bilər.
Camel - Rajaz
(youtube: )
Morphine - Rope on fire
(youtube: )
Moderator - Words Remain (Vinly Extended Version)
(youtube: )
idir - A vava inouva
(youtube: )
Oi Va Voi - Everytime
(youtube: )
Sting - Desert Rose
(youtube: )
Ali Azimli - Pishdaramand
(youtube: )
Bu siyahının ən açığlayıcı mahnısını sona saxladım.
J^p^n - Amend
(youtube: )
Edit: müəyyən bir hissə qapıldığınızdan əmin olub "bu mahnıda təskinlik tapıram" və ya "bu pis kədərləndirir" deyəniniz varsa mesaj qutumu yaşıllandıra bilər.
bu sifarişi verən: Nellie Crain
Səsi və özünəməxsus oxuyuşu ilə adamı istəmədən heyran buraxan musiqiçi.
Bilənlər bilir hələ-hələ heç kimə heyran olub baxmıram.
Ümumiyyətlə, baxmıram.
Ancaq yaşına və ölkənin musiqi standartlarına nəzər salanda qürur duyuram rüstəmlə.
Adam haqda deməyə çox şey var.
Bulud mahnısı uçmağı və başqa bir arzunu ürəyində yara etmiş insanların hiss edə biləcəyi bir mahnıdır. Yara demiş, yara klipində babat şirin mimikaları var, qızların könlün yakar bu uşaq xd
(youtube: )
"Eləcə göylər mənə baxır
Heç səs eləmir
Göylər cəhənnəm
Bəs yaradan görmürmü nə cəfa çəkirəm?
Yoruldum by sürgündən
istəmirəm olum bu bədəndə."
(youtube: )
fərhad olub dağları dəlirsən...", "məcnun olub çölləri gəzirəm" ifadəsi gülümsətmişdir. Bəlkə də düşündüyüm şeydir.
Rəylərdə deyilənə görə anası kimsəsiz uşaqlar evində işləyir və çox yaxşı insandır. Ordan bəlli olur tərbiyəsi, qəlbitəmizliyi haradan gəlir.
Bir az bioqrafik məlumatlara keçsək *Admiu*-da rejissorluq üzrə təhsil alır *
ya alıb
. 5 ildir vokalla məşğuldur. Mahnıların söz və musiqisini özü yazır. Qısa filmlər çəkir və video kliplərinin operatorluq/montajını özü edir.
Əlavə qeydlər özümdə qalacaq.
Kəşf etmək üçün vaxt itkisi olmayacaq musiqiçidir. Ən azı bir mahnı.
)
