sözlükdə link paylaşmaq

Glink, yəni gizli link verərək entryni daha səliqəli və oxunaqlı hala gətirmək üçün istifadə edə bilərsiniz.


bənzər başlıqlar:
(bax: sözlükdə şəkil paylaşmaq)

yuxu gətirən şeylər

Yatmazdan 1 saat əvvəl qatıq, ayran, çobanyastığı çayı, duş qəbul etmək. Yayda reyhanı çox yemək.
Bir də əgər günün böyük hissəsini yatağınızda keçirirsinizsə bunu etməmək. Beyin yatağı yatmaq yox, müəyyən işləri görmək üçün bir məkan olaraq proqramlaşdıracaq. Bu səhvi çox edirdim. Yatağınızdan yalnız və yalnız yatmaq üçün istifadə edin. Mümkünsə yatağa girməmişdən əvvəl bir neçə alışqanlıq yaradın və bunu mütəmadiyən təkrarlayın — diş fırçalamaq, su içmək və s
kimi. Beyin "aha, bunu edirsə deməli yatacaq bu" deyir və proses bu cür qurulur artıq.

Yuxuya dalmağı asanlaşdıracaq şeylərdən isə dilinizi üst damağınız və üst dişlərinizə doğru basın. Və o klassik taktika işə yarayır — rəqəmləri sayın.
Mənim ən çox etdiyim və işləyişinə qaranti verdiyim üsul ssenarilər qurmaqdır. Dəxlisiz amma. Məsələn "Tanımadığım bir yerdəyəm. Göydə uçan pişik gördüm. Tullanıb ayağına toxundum. Pişik düşür... mənə salam verdi və ac olduğunu dedi. Yerdən bir soxulcan götürdüm və ona uzatdım. Pişik naz elədi və getdi. Aha, bir çətir var yanımda. Mindim üstünə, uçuruq. Tokyodayam. Amma buludlar qırmızı rəngə çalır" kimi dəxlisiz, absurd, yuxuları çağrışdıran ssenarilər qurmaq. Bunlar minimum 3 dəqiqəyə yuxuya daldırır məni.
Yuxusuzluğu olan telefonunu 2-3 metr uzağa qoyaraq bu metodlardan bir-ikinisi yoxlaya bilər.

meteor və meteorit arasındakı fərq

Meteor yerin atmosferinə daxil olaraq yüksək təzyiq və sürtünmə ilə yanıb toza çevrilən kosmik cismdir. Yay, xüsusilə də iyul-avqust aylarında daha çox müşahidə edilir. "*Ulduz axması*" dediyimiz şey budur.
Meteorit isə o sürtünmədən sağ çıxaraq yerə qədər gəlib çatmağı bacaran kosmik cismdir.

əlaqədar başlıqlar:
(baxma: meteor)
(baxma: meteorit)
(bax: krater)

aztv kino dublyajları

"Yıox, sən bunu edəblməzsən cıon" kimi cümlələr işlədən, Dramanı dəhşət drama, aksiyonu dəhşət aksiyon halına gətirən dublajlar.
Mən özüm də bəyənmirəm, amma bəzi sözlər var ki, onları efirə verməmək daha yaxşıdır. Uşaqlar onsuz da eşitdikləri hər söyüşü lüğətlərinə böyük hərflərlə qeyd edirlər, bir də bu motherfucker kimi sözləri necə var elə tərcümə etsələr dəhşət olar. Nə desin adam, anas--ən deyə tərcümə etsin? Bizim cəmiyyət hər işə qulp qoymağa elə hazırdır ki. istəyirsən 50 hesab aç 50-si ilə də umbayla, nə var onu deyəcəm. Güya türklər bir çox söyüşü olduğu kimi dublaj edir? Baxırsan hamısı lanet olsun, babaannemin valiz çorabı gibi kokuyorsun tərzində cümlələr işlədir. Yəni belə çox dəxlisiz. Adam necə tərcümə etsin bu amerikalıların ağzıgenişliyini? "Anas--ən, get özünü qayır" desə ona da bir söz tapacaqlar. Etməyin, eyləməyin.
Mən də dublaj komandasına ürəkaçan yanaşa bilmirəm, başlıqdakl bütün entryləri belə oxumağa səbrim çatmadı, amma dediyim şeyləri də bu qədər qınaq yersizdir.

gecə

Leyl ə gecə
Leyli ə gecəyə mənsub, gecə olan
Gecə, günün yorğunluğu insanların üzərlərinə çökdüyü üçün, o ağırlığın gətirdiyi dürüstlüklə bir şeylər etiraf etməyə daha meyilli olduqları zaman dilimidir. *Yer* planetinin fırlanması və *Günəş* şüalarının Yerin digər yarımkürəsində qalması nəticəsində baş verir.

Edit: gecəyə gecəyə yaraşan bir entry yazmaq gərək. Pəncərəni açdıqda üzünüzə vuran o sərin meh heç nəyə bənzəməz. Əsas da yaz ayları. Ələxsus, aprel və may. Burnundan bütün hüceyrələrinə bircə-bircə yaymaq istədiyin o qoxunu təsvir etməyə söz bazam kifayət etmir. Amma mənim kimi rayonda qalırsınızsa, uzaqdan və yaxında gələn it hürüşmələrinin, müxtəlif həşəratların və quş cəhcəhlərinin də bu valehedici gözəlliyə qoşulduğu an...
Ay və onun işığından qaçmağı bacarmış 4 ulduzla baxışdığım an... 4:03 AM.

şedevr sözlük

"istifadəçi qaydaları və müəllif hüquqları sözləşməsi"ni oxuyum dedim, kıl oldum. Qurucular ismin hallarını yazarkən nə zaman ğ-ya keçməli olduqlarını bilmirlər (Hətta keçmirlər).
Atım bura, mənim kimi orfoqrafiya obsesifləri günlük *cringe* dozalarını alsınlar.

—sitat—
sedevr.com istifadəçi sözləşməsi. sayta qeyd olan hər bir istifadəçi aşağıda yazılan sözləşməni qəbul etmiş sayılır. azərbaycan respublikası vətəndaşlarının ortaq dəyərlərinə təhqir və söyüş söymək qadağandır və saytdan vaxtsız uzaqlaşdırma səbəbidir. həmin şəxslər barəsində hüquqi əməliyyat başladıla bilər. saytda heç bir yazar başqalarının milli mentalitetlərini, cinsini, irqini alçaldacaq başlıq açıb, entry yaza bilməz. sadaladığımız mövzularda başlıq açıb entry yazan şəxslərin yazıları görüldüyü təqdirdə silinir və sözlük daxili cəzalar verilir. sözlükdə "troll" məqsədi ilə açılan başlıqlara, yazılan entrylərə əlbətdə icazə var. lakin, "troll" məqsədi ilə yazılan entrylər huquqi və gerçək insanlara/təşkilatlara ünvanlanılıbsa və cəmiyyətin milli dəyərləri ilə tərs düşürsə moderatorlar yazarı və entryləri qaydalardan kənar görüb sözlükdən uzaqlaşdırma ilə cəzalandıra bilər. açılan başlı(kalin:q)ın ilk entrysi mövzu haqqında əsas bilgiyə sahib olmalıdır. i̇lk olmayan entrylər isə başlıq haqqında görüş və fikirdən ibarət olmalıdır. sadəcə duyğu və düşüncə məqsədi ilə yazılan entrylər (məs: hahahaha) qadağandır və görüldüyü təqdirdə silinir. başqa saytlardan birəbir copy paste edilən yazılar təsbit edildiyi zaman silinir. başqa saytlardan birəbir kopyalanan yazılar qəbul edilmir lakin bir qismi alınmış olabilər. (kalin:(qaynaq göstərmək yazarın vicdanına qalmışdır)) . başlıq açarkən və yaz entry yazarkən azərbaycan dili xaricində başqa dildən istifadə etmək qadağandır. yazılan yazıların başa düşülməsi çox önəmlidir. lakin ğ,ş,ç,ə,ö,ü, hərflərinin yerinə g,s,c,e,o,u hərflərini işlətmək olar (yazının başa düşülməsi daxilində) . sözlük daxilində sistemə, back-end, front-end, database zərər verən və yazarlar, oxuyucular arasında qalmaqal salan, dövlət və siyasət adamlarının şəxsinə yönəlik tənqid, təhqir, söyüş edən yalan məlumat paylaşan şəxslər adminstrator tərəfindən saytdan uzaqlaşdırılma ya da dövlət orqanlarına şikəyət edilərək ( və ya dövlət orqanları tərəfindən yazarın məlumatları istənilərsə ) haqqında istintaq aparılmasını başlada bilərik. yeniyetmə vəzifəsindən üstün olan bütün idarəçilərin yazdı(kalin:q)ı entrylər və açdığı başlıqlar bizim tərəfimizdən heçbir təsdiqdən keçmir. buna görədə hər yazar öz yazdı(kalin:q)ından cavabdehdir və sedevr.com məsuliyyət daşımır. sözlük sizin fikirlərinizi və görüşlərinizi paylaşa biləcəyiniz və məlumat sahibi olmayanların məlumatlandıra biləcəyiniz bir platformdur. qeydiyyatdan keçdiyiniz zaman yuxarıda qeyd etdiyimiz qanunları qəbul etmiş sayılırsınız. müəllif hüquqları: saytımızda açılan başlıqlar və yazılan entrylərdən digər saytlar qaynaq olaraq saytımızın adını və linkini qeyd etmək şərti ilə faydalana bilər. yazarın öz entrysini silməsi moderatorlar tərəfindən görülüb, heçbir problem yaratmayacağını düşünərək yenidən fəaliyyətə gətirmə haqqlarına sahibdir və bu mövzuda 3cü şəxslərə hesab vermə məcburiyyətində deyildir.
—sitatın sonu—

Madam sözlük açırsan və belə ciddiyət tələb edirsən, onda "sözləşmə"ni də ciddi və düzgün yazmalısan!
Lakindən sonra vergül qoyulmur. Lakindən əvvəl vergül qoyulur.
"Görədə" yox, "Görə də".
"Heçbir şey" yox, "Heç bir şey".
"Sözlük sizin fikirlərinizi və görüşlərinizi paylaşa biləcəyiniz və məlumat sahibi olmayanların məlumatlandıra biləcəyiniz bir platformdur — olmayanların yox, olmayanları. Cümlələr itətök tərzdə, necə gəldi yazılıb.
Ayın tarixini belə avqust yazmaqdan məhrumdurlar, avgust yazıblar.

Qeydiyyatdan keçərkən ad soyadınızı doldurmalı olduğunuz iki xana verilir. Hansı ki bunu doldurduğunuzda yuxarıda qeyd olunduğu kimi, sabah-biri gün quşlasanız aidiyyatı orqanlara şikayət edə və ya şikayət gələrsə adınızı rahatlıqla verə biləcəklərini açıq şəkildə dilə gətiriblər.
Və nədəndir bilinməz, "i̇lk olmayan entrylər isə başlıq haqqında görüş və fikirdən ibarət olmalıdır." Kimi qəti qərar qeyd olunub. ilk entry bilgi verməlidir, ikincisi görüş və fikirlərdən ibarət olmalıdır" kimi ironiya basmış cümlələr.
Niyə də, ala? Sırf bu mənasız, əttökkən, heç özü də nə dediyini bilməyən cümləyə görə yazarlığa dəyməz.
Sözləşmədə belə bu qədər səhv buraxan saytın karizması yerdədir gözümdə.

Bəli, söz6.com-da da bir çox hərf səhvləri var. "Bugün", "qəşəy" (səmimiyyət) kimi, amma söz6-nın belə bir məqsədi də olmayıb, onsuz. Yazarla söz6 arasında olan o əsgər yoldaşı səmimiliyi... Bir iddiası yoxdur buranın.
Amma sən adını şedevr qoyaraq bu cür iddialı sözlük yaradırsansa, buna sadiq də qalmalısan.

— dövlət və siyasət adamlarının şəxsinə yönəlik tənqid, təhqir, söyüş edən yalan məlumat paylaşan şəxslər adminstrator tərəfindən saytdan uzaqlaşdırılma ya da dövlət orqanlarına şikəyət edilərək ( və ya dövlət orqanları tərəfindən yazarın məlumatları istənilərsə ) haqqında istintaq aparılmasını başlada bilərik.
Vs.
— 12 bizi poxa sala biləcək siyasi və ya dini təhqir entryləri yazmayın, əks halda kimsə bizi kürdəxanı universitetinə aparmaq istəsə sizi də özümüzlə apara bilərik.)
(baxma: söz6.com fərqi)

Bəyəndiyim xüsusiyyətlər:
-kim verir bilmirəm, amma yazarlara titul verilməsidir. istedadlı/bacarıqlı/həyəcanlı/həvəsli (və s.) yazar kimi.
-Hər bir yazarın profilində "açdığı başlıqlar" bölməsinin olmağı.
-Entryləri rahatlıqla wp'dan paylaşmaq imkanı.
-Saytda ən aşağıya endikdə yuxarıya bir toxunuşla çıxmağınıza kömək edən ox düyməsi.

karma xalı

Aylıq aktivlik xalı. Ay sonunda ümumi karmanıza əsasən gələn ayın əvvəlli azalır. Səhv etmirəmsə o dəfə oxuyanda * vvikipediadan görmüşdüm ki, məsləhətxanadan gələn səslər karmanızın hansı dərəcədə sırıflanacağına təsir edir.
Çünkü apreldə karmam 10min idi və 6 minə düşdü. Mayda 12 min idi yenə 6 minə düşdü. Çünkü apreldə məsləhətxanada aktiv olmuşdum. Ya da başqa sistemlə hesablanır, bilmirəm, tutduğum tema budur.
Bir sıra yazarların profillərinə girərək təcrübə də apardım və dəqiqliyinə qaranti verirəm.
Əjdaha — 18 karma xalı / 1 reytinq xalı
Maraqlı — 18 karma xalı / 1 reytinq xalı
Umbay — 0 karma xalı / -1 reytinq xalı
Favori — 36 karma xalı / 1 reytinq xalı
* dünya dağılır, mənim işimə-gücümə bax, pərvərdigara.

sözaltı sözlük üçün tövsiyələr

Vecə alınarmı bilmirəm, amma mən yenə də yazım.

1. Müsbət və ya mənfi səsləri oxuyucu və umbay yox, yalnız yazarlar verə bilsin (Umbay və oxuyucu mənfi səs verə bilmir, onsuz). Çünkü umbay adı üstündə hələ umbaydır, formata aşina olduğu təsdiqlənməyib. Oxuyucunun səs verə bilməsi isə bir sıra haqsızlıqlara zəmin yaradır. Vpn-i dəyişdirib səs vermə halların aradan qaldırmaq üçün ideal yoldur. Həm oxuyucu səs verəndə sözlüyün ciddiyəti aşağı düşür, saxta səslər ortaya çıxır.

2. Hamı, bir sözlə hamı azərbaycan *şrift*lərindən istifadə etsin. Ş-ları s yazma, ə-ləri e yazma halları, şükür ki, yoxdur daha. Amma olan birbaşa umbay edilsin. Sözlük heyəti əlləşib vuruşub vaxtından, səbrindən keçib entry bölməsinə ə ç ş ğ ö ı hərflərini yerləşdirib, durub 2010-cu illərdəki kimi entry girmək onların əməyinə hörmətsizlikdir.

3. Başlıqları blok etmək funksiyası gəlsin (Sol frame'də o başlıq görünməsin). *pulsuz oyun fürsətləri* marağımı cəlb etmir, məsələn.

4 Yazar, tutaq ki, sözlükdən gedir. Nəyəsə əsəbləşib, ya artıq maraqlı gəlmir bura, kafama sıkar giderim məntiqi ilə entrylərinə sıkıb gedəndə olan bizə olur. Nə qədər bilgi verici entrylər eyni səbəbdən silinib gedib, kim bilir. Bunun üçün bir çarə fikirləşmək lazımdır. Adam nə qədər *referans* verdiyi entryə girib "Olmaq, ya da olmamaq, bax budur bütün məsələ." Sözünü görər. Silmək istəyirlərsə, elə bir funksiya yaratmaq lazımdır ki, yazarın adı o entrydən silinsin, bilinməsin kim yazıb. "Hökümdü, siləcəm, a kişi" prinsipindən də qurtulmuş olar beləcə.

murat soner

Serial və filmlərin incələməsini aparan türk youtuber. Satirik dili mənə ləzzət edir. Türklərin deyimi ilə, "yıkıcı" deyil, "yapıcı eleştiri" aparır. Uzun illər radio kanalında aparıcılıq edib. Son illərdəki türk seriallarının "namıs, töre, intiğqam aşk üçkeni"ndən çıxa bilməməsini elə yumoristik dillə ələ alır ki, hər cümləsi ləzzət edir adama.
Tək serial və filmlərlə qalmayıb, ümumən türk medyasını xarici medyanın standartları ilə qarşılaşdırır, çox vaxt.
Gündəmdə baş qaldıran hadisələrə aid videoları da az deyil.
Atakan Kayalar, Taksim Dayı, Aleyna Tilki və s. kimi daha yüzlərcəsi.
Velhasıl kelam, baxılası kanal.

(youtube: )

loreena mckennitt

"Oyy səsinə qurban olum!" dediyim qadın. ilahi səsi var, lərzəyə gətirir adamı.
Bu şahəsəri ilə tanıdım və aşiq oldum.

(youtube: )

atmosfer

Yunan dilində atmos buxar, sfera kürə deməkdir, belə "hava təbəqəsi" mənasına gəlir. Yer kürəsinin ətrafını əhatə edən qaz təbəqəsidir. Atmosferdəki qazların 78%-i *azot* 21%-i *oksigen*, qalanı isə dəyişkənlik göstərən *hidrogen*, *helium*, *neon* *arqon*, *kripton*, *ksenon* qazlarından ibarətdir.

(bax: troposfer)

riskbudur.az

Təqribən 20 dəq gəzinəndən sonra söz6'ya şükr etdiyim sayt.
Bir oxuyucu kimi gördüyüm qədəri ilə səs vermək, like/disslike kimi düymələr yoxdur, yəni rəqabət də yoxdur. Bu yaxşı bir şeydirmi, ya pis, orası müzakirəyə açıq, amma atışmaların olmayacağı düşüncəsindəyəm. Anonimlik yox, hamı öz ad-soyadı, hətta öz şəkli ilə qeydiyyatdan keçir, bu qarşısındakını ağzına gələn sözlərlə söymək hallarını aşağı salır.
Axtarış edirəm, nəticə yox. Bu səfər var olan başlıqları axtarışa verirəm, yenə nəticə yox.
Və ironik olaraq hamının 10-15 təqibçisi var, amma heç kəsin "təqibçiləri" bölməsində müsbət bir rəqəm yoxdur. * allah allah
Söz6 səmimiliyi görə bilmədim. Ola bilsin bunu istəməyənlər getsin, amma adicə bizim sistem robotu üzümə söysün, öpüb başıma qoyaram, o dərəcə. * sistem robotu fetişi
Hər nöqtəsi səmimidir buranın. Başına döndüyüm söz6'ım.