aleister crowley

bu sifarişi verən:khelben blackstaff aurnsun
"hello boys"
*Supernatural* serialında cəhənnəmin kralı, namıdeğer King of hell. Əsl adı Fergus Roderick Macleod olan Crowley *Şotlandiya krallığı*nda 1661-ci ildə çox güclü bir cadugər olan *Rowena* tərəfindən dünyaya gəlir. sehir və cadunu anasından öyrənməyinə baxmayaraq, buna çox pis davrandığından (bir dəfəsində onu 3 donuz qarşılığında satmağa çalışmışdı) uşaqlıqdan travmalar alır. öldükdən sonra cəhənnəmdə işgəncələrə məruz qalan, orada *demon*a çevrilən Fergus bir anda cəhənnəmin kralı, daima kostyum geyinən Crowley'miz olur.
Serialın açık ara ən sempatik mənfi orbazı. Danışığı və jestləri ilə adamı özünə heyran buraxır kişi!

5-ci—12-ci sezonlar ərzində yer alır.

(youtube: )

qravür

Təsviri incəsənətdə qrafika üsulunun 2 əsas qolundan biri.
Rəsm yalnız vahid nüsxədə olarsa, başqa nüsxələri olmazsa, bu üsulla ondan istənilən qədər nüsxə almaq mümkündür. Yəni ki, qravür çap qrafikasıdır.
Buraya metal, ağac, daş və maqnezium üzərində qazınmış rəsmlər daxildir.
(baxma: ofort)
(bax: litoqrafiya)

covid-19 karantinin bitəcəyi tarix

Yüzlərlə komplo teoriyaları uyduruldu (bax: konspirasiya)

sözlükdə youtube-dan video paylaşmaq

Bir çox yazarın, xüsusən də yeni gələnlərin bu mövzuda əziyyət çəkdiyini görərək mümkün qədər sadə dildə başa salmağa çalışdım.

Qeyd: ola bilər ki, bəzi linklərdə https:youtu.be/dan sonra watch?v= gəlir, onu da silməlisiniz.

Bənzər başlıqlar:
(bax: sözlükdə şəkil paylaşmaq)

10 qara qəbahət və 10 ağ fəzilət

Lamaizmin əxlaq prinsiplərinin əsasını, bir növ bünövrəsini təşkil edən anlayış.
Bütün lamaistlər 10 qara qəbahətdən çəkinməli, 10 ağ fəzilətə əməl etməlidirlər.

10 qara qəbahət
3 bədən günahı - adam öldürmək, oğurluq, zina.
4 söz günahı - yalan danışmaq, böhtan, qeybət, lovğalanmaq.
3 fikir günahı - həsəd aparmaq, kin bəsləmək, küfr etmək. * Küfr söz günahına niyə daxil deyildir mən də bilmirəm.

Deməli belə ki, insanı ağır qəbahətlərinə görə ağır cəza (cəhənnəmə reinkarnasiya), orta qəbahətlərə görə orta cəza (bədheybət heyvan şəklində yenidən doğulma), yüngül günahlara görə yüngül cəza (xəstə yaxud şikəst insan şəklində və ya lamaizm diyarından kənarda doğulma) gözləyir.

10 ağ fəzilət bunlar savab gətirən fəzilətlərdir — başqasının həyatını qorumaq, əliaçıqlıq, bakirəlik, həlimlik, doğruçuluq, sülhsevərlik, itaətkarlıq, istiqanlılıq, həqiqi biliyə səy göstərmək və s.
Bundan əlavə, lamaist hikmət yoluna çıxmaq üçün zəruri altı vasitəyə paramita də malik olmaq lazımdır. Bu vasitələrə daxildir: Sədəqə, əhdinə sadiq olmaq, səbr etmək, çalışqanlıq, zöhd və hikmət.

lamaizmin əxlaq prinsipləri

Lamaistlər müdriklik yoluna düşüb cahilliyi aradan qaldırmaqla öz karmasını yaxşılaşdırırlar ki, bu da onların cənnətdə, tanrıların və müqəddəslərin yanında yenidən doğulmaqlarına kömək etsin.
Zahidlik yoluna düşüb yenidən doğulmalardan yaxa qurtarmaq, sansara döngüsündən kənara çıxmaq da mümkündür, lakin bu çox az adama nəsib olur. Bununçün lamaistlər tərki-dünya həyat tərzi keçirir, bütün ləzzətlərdən üz döndərir və durmadan özünü kamilləşdirməyə can atırlar.
Lamaizmin əxlaq sisteminin fundamentini 10 qara qəbahət və 10 ağ fəzilət ideası təşkil edir.

nirvana

Nirvana odun sönməsi mənasını daşıyır. Bunu anlamaq üçün ilk öncə *sansara*nın nə olduğunu bilmək lazımdır. Nirvanaya nail olan şəxs *reinkarnasiya*dan azad olur. Bu, ruhani axtarışların son qayəsidir. Azadlıq, arxayınlıq halıdır. Nirvana halına keçənlər sansaraya qayıda bilməzlər.

insan həyatının məqsədi nirvanaya yetişmək bunun üçünsə kamilləşməkdədir. Bu elə bir haldır ki, insan o halda nəzarətsiz istək və şəhvətlərdən azad ola bilir. Lakin bu hala yüksəlmək heç də asan deyil, yəni insan ömrü buna yetmir. Ona görədir ki, insanlar reinkarnasiya edir, başqa bədənlərə keçir və getdikcə kamilliyə bir addım daha yaxınlaşırlar.

dezinfeksiya üsulları

1. Mexaniki.
2. Fiziki.
3. Kimyəvi.


Mexaniki dezinfeksiya : əlləri, bədəni yumaq. Tozu yaş dəsmal ilə silmək.

Fiziki dezinfeksiya : bu metodlardan ən çox yayılanı qaynatmaqdır (Döşəyi, qabları, içməli suyu, yeməkləri, oyuncaqları, tibb sektorunda cərrahiyə alətlərini, tüpürcək qablarını və s.). Əşyaları qaynatdıqda suya 2%-li *natrium-bikarbonat* məhlulu və ya sabun qatdıqda *bakterisid* təsiri güclü olur. Məsələn: 1 kq quru paltarı 10 litr məhlul hesabilə götürülmüş qaynar sabunlu-sodalı məhlulda (1% sabun və 0,3% paltar sodası) 2 saat qaynatmaq lazımdır. Sonra isə təmiz su ilə azı 3 dəfə yaxalanır.

Bir digər üsul isə qələvidə oynatma üsuludur. Paltarı 0,5-1%-li kalsiumlaşdırılmış soda məhlulunda 6-12 saat isladır və sonra 1-1½ saat dezinfeksiya çənində qaynadırlar.

Dezinfeksiya üçün su buxarından da istifadə olunur. Buxar paltarın içərisinə nüfuz edərək nəinki mikrobları, hətta sporlarını da məhv edir. Bununçün xüsusi dezinfeksiya kameraları və *avtoklav*lardan istifadə olunur.

Kimyəvi dezinfeksiya : bu üsullar daha çox yayılıb. Müxtəlif kimyəvi maddələr: xlorlu maddələr ( *xlorlu əhəng*, *xloramin* və s.), *fenol*, *kreol*, *lizol*, *spirt*, *qələvi* və *turşular* istifadə edilir.

Qab-qacağı dezinfeksiya etmək istəyirsinizsə 1-2%-li natrium-biokarbonat məhlulunda və ya 1%-li sabunlu suda 15 dəqiqə qaynatmaq kifayətdir.
*Çiçək* və *hepatit* xəstələrində bu müddət 45, *qarayara*da isə 60 dəqiqəyə qalxır.
Metal əşyaları isə başqa cür dezinfeksiya edirlər. Üzərlərinə 0,5-1%-li *xlor-betanaftol* məhlulu töküb sonra üzərinə qaynar su gəzdirib quruducu şkafda (şkaf olmasa da qoyun quruyar onsuz, ev şəraitində də bir şeylər etmək olar) qurudurlar.
Qab-qacağı qaynatmaq mümkün deyilsə, o zaman üzərinə 0,5%-li durulaşdırılmış xlorlu əhəng məhlulu tökülür. Və ya 0,5%-li xloramin töküb 5-10 dəqiqə saxlayıb sonra isə qaynar su ilə yaxalaya bilərsiniz.

(Bir az həssas kontent təşkil edir.)
Bakteriyagəzdirənin ifrazatını quru xlorlu əhənglə (ifrazatın miqdarının 1/2-i qədər) zərərsizləşdirmək daha yaxşıdır. Belə ki, xlorlu əhəngi nəcislə birlikdə taxta qaşıqla qarışdırır, ağzı örtülü qabda 30 dəqiqə saxlanılır. Sonra isə zövqə uyğun kanalizatsiya və ya zibil qutusuna ata bilərsiniz.

tanrıya veriləcək tək sual

1. Sənin kimi başqaları da var?
2. Cənnət həqiqətən varsa sonsuza qədər orada qalmaq mütləq sıxıcılaşmayacaq?
3. Hər şeyə qadirsənsə bunca tantana neden? Nədir bu işin fəlsəfəsi?

Entrylərin əksəriyyəti monoteist dinləri əsas götürərək verilən suallardan ibarətdir. islam başda gəlir. Bir də, təbii ki, təhqirlər.

Sırf öləndə nə olacaq deyə tez-tez "bircə ölsəydim" fikri keçir ürəyimdən. "Bircə ölsəydim, görüm nolur". Tamamilə gic istəkdi, sözsüz, amma maraq öldürür məni.

Sən gəl bu boyda kainat yarat, sonra heç nədən xəbərsiz dölbeyinləri yığ içinə ki, iş bilmişəm.

Necə ki 4 ölçülü dünyanı 5 duyğu üzvümüzlə hiss edə bilmiriksə, heç bir zaman da tanrı ilə *empatiya* qura bilməyəcik. "Niyə, niyə, niyə?" suallarımıza heç vaxt tutarlı səbəblər uydura bilməyəcik. Buna görə də boş verin, yaşayın getsin.

(Buraya da başlığın tələbindən kənara çıxaraq 3 sual yazıb sonra da gətirdiyi arqumentlərlə özü-özünü təkzib edən bir yazar çizelim. Adı da Heç özü də bilmir olsun.)

(bax: Bob Ross)

ingiliscə yuxu görmək

Tez-tez başıma gələn hadisə. Ya hansısa aktyorla ingiliscə danışmağa çalışıram, ya da o danışır, altda altyazı gedir.
(baxma: altyazılı yuxu görmək)
1. *Neil Patrick Harris*i görürəm, oturub maşınında, yaxınlaşıb selfie çəkirəm. Nə isə danışırıq, amma orasını unutmuşam.
2. Həmin yuxunu ikinci dəfə görürəm. Sevincdən uçuram ki, ala yuxu deyilmiş. Hay-həşir salıram hamıya. Daha demirəm ki, onun Sabirabadda nə işi var? Sgdffhdg
3. *Till Lindemann* oturub mafya koltuğu kimi bir yerdə, gəlirəm, nəsə danışırıq, sonra kişi birdən-birə azərbaycan dilin sökür, deyir ki, gəl qoluna imzamı çəkim.
4. Ciddən bu yuxunu ikinci dəfə görürəm və az qalıram ağlayım ki, ala yuxu deyilmiş.
5. Amerikaya gedirik siniflə, sonra tayfanı itirirəm, elin gavurlarına da başa sala bilmirəm ki, mənə təyyarə lazımdı. Nə airplane sözün xatırlaya bilirəm, nə airport, zibil! Nəysə, axırda minib avtobusa gəlib çatıram. Bəli, bəli, Musa peyğəmbərin nəslindənəm. yarıram *Atlantik okean*ını, varıram Azərbaycana!!1!1!

the egg

insan öldükdən sonra nələr olur? Onun Tanrı ilə arasında keçən söhbəti *Andy Weir*ın qələmindən.
The Egg adlı qısa hekayənin bir digər qısa filmi.

(youtube: )

(youtube: )

ferdi tayfur

*Leyla ile Mecnun* serialı ilə tanıdığım sənətkar.
Çiçekler açsın mahnısını qeyd etməsək olmaz.

(youtube: )

(youtube: )

the world is yours

*Arch Enemy* qrupunun 2017-ci ildə çıxardığı *will the power* adlı albomunun *Melodic death metal* subjanrlı əfsanəvi mahnısı.
Sözləri motivasiyaverici, üsyankar xarakter daşıyır, kapitalizmə ilişir, yeri gəldi pıçıltı və pianonu birləşdirərək çox fərqli bir hava qata bildiklərini də göstərirlər. Tam *headbang*lik. Drum'lar çox sürətli, Vokalistin (bax: Alissa White-Gluz)

(youtube: )

yoga

Böyük əksəriyyəti elə bilir ki, yoqa müəyyən poza/vəziyyətlərdə dayanıb onunla sağlamlığın müəyyən bərpasına yönəlmiş hərəkətlərdir. Hamı bunu belə başa düşür. Lakin qətiyyən elə deyil. Yoqa əsasda 8 mərtəbədən ibarət bir sistemdi. Son nəticədə ruhən Allaha qovuşmaq üçün tətbiq olunan bir sistem. Son ucda Allaha qovuşmaq mərtəbəsi isə Samathi adlanır.
Yoqa sözünün bir çox tərcüməsi vardır, lakin təxminən mənası qədim sanskrit dilində qovuşmaq, məşğul olmaq, üsul deməkdir.
Hindistanda min illər əvvəl şifahi şəkildə ötürülüb gələn bu sistem təxminən 2-3 min il bundan əvvəl *Vyasadeva* adlı bir hindli müdrik (baxma: quru) (baxma: yoq) bunu yazıya köçürür.

8 mərtəbə özü 2 hissəyə ayrılır.
Birinci 4 mərtəbə *Hatha* yoqa adlanır. (Vurğu ilk hecada) Yəni Günəş və Ay yoqası.
ikinci 4 mərtəbə isə *Raja* (raca) yoqa. Raja şah deməkdir. Bu əsas məsələdir, çünkü artıq şüur prosesləri daha basqındır.

Yoqanın əsas və ali məqsədi Allaha qovuşmaqdır. Allaha isə elə hər adam qovuşa bilməz. Bunuçün bədən və ruh təmiz, bir-birilə vəhdətdə olmalıdır.
1. Mərtəbə: *Yama*. Bütün maddi və mənəvi pis vərdişləri öldürmək. Yama *hinduizm*də ölüm allahıdır.
2. Mərtəbə: *Niyama*. Bütün maddi və mənəvi yaxşı vərdişləri özünə cəlb etmək.
3. Mərtəbə: *Asana* (vurğu ilk hecada). Müxtəlif pozalar. Asanların əsas gözəlliyi ondan ibarətdir ki, tutaq ki bir yeriniz ağrıyır, hansısa orqanınızda problem var. Buna uyğun hərəkət seçilir. O hərəkəti edərkən fikrin/şüurun ora cəmlənir, bütün enerjin ora gedir. Gözünün qabağına gətirir, təsəvvür edirsən. Sağalır...sağalır...sağalır, vəssalam. Şüuru ora yönəltməsən bu mexaniki duruş olur. Yəni mənası olmur. Asana sanskrit dilində gözəl duruş, xoş duruş deməkdir.
4. Mərtəbə: *Pranayama*. Nəfəs hərəkətləri. Prana hinduizmdə həyat verən nəfəs deməkdir. Prana enerjisi, yəni ki, həyat enerjisini özündə cəmləmək.

Hatha yoqa primitiv yoqadır. Daha çox fiziki əsasları özündə birləşdirir. Raja yoqa isə onun mürəkkəb hissədir. Daha çox psixika ilə əlaqədardır. Bax burda gəlirik dananın kuyruğunun koptuğu yerə.

5. Mərtəbə: *Pratyahara*. Hiss və duyğuların idarə olunması. 5 lamisə orqanının ötəsinə keçmək.
6. Mərtəbə: *Dharana*. Zehni sakitləşdirmək və onu bir nöqtəyə cəmləmək. Digər diqqət dağıdan faktorlardan uzaqlaşmaq.
7. Mərtəbə: *Dhayana* Çox daha dərin konsentrasiya və meditasiya texnikaları.
8. Mərtəbə: *Samathi* Bu mərhələdə isə şüur ali ruha qovuşur.

Bunlara ona görə mərtəbə deyilir ki, bir-bir, sıra ilə çıxmaq lazımdır. Yoqlar buna bütün həyatlarını həsr edir.