vaqif mustafayev

əvvəla sadəcə 1 entry ilə qarşılaşdığım üçün pis olduğum başlıqdır. ağlıma gəldi, dedim axtarım görüm mən yazacaqlarımı yazmış olarlar yəqin. çox təəssüf. keçək mətləbə.
faciəvi komediyanın tanrılarından olan rejissordur. qısa və orta metrajlı filmlərin, mozalan seriyalarının önəmli bir hissəsinin, yoxlama serialının rejissoru. eyni zamanda müəllifi olduqlarına "yapon" və yaponiyalı, bəyin oğurlanması, tütək səsi və s. əlavə etmək olar. möhtəşəm bir mizaha sahib sənətkardır. aktyor heyətinə sadiqdir. əjdər həmidov, nuriyyə əhmədova, səidə quliyeva, yaşar nuri, arif qasımov, arif kərimov. xüsusilə saydıqlarımı çox filmində görmək olar. daimi heyətin artistlərinin dediyinə görə vaqif m. sərt bir insandır. yəni heyətlə mülayim rəftar etmir. 2 şey məni onun şəxsiyyətindən geri itələyir.
1-cisi fəryad filmiylə bağlı ceyhun mirzəyevin həyat yoldaşının verdiyi açıqlamalar. ki bunun dəqiqliyindən əmin deyiləm. nə qədər ağlabatan ittihamlar olsa da ceyhun mirzəyevin xanımıyla vaqif mustafayev arasında xanımın ərini itirməsi səbəbiylə emosiomallığından doğan bir yanlış anlaşılma da ola bilər.
2-cisi isə heydər əliyev haqqında çəkilən sənədli film silsiləsinə imza atmasıdır. ümid edirəm ki, ya bu dahi rejissorun həqiqətən heç bir çıxış yolu qalmadığından etmişdir. ya da ümid edirəm ki, həqiqətən bu dahi rejissor həqiqətən heydər əliyevi sevir. çünki bu sənətkara səmimiyyətsizliyi yaraşdırmıram.

ən sevdiyim dialoqlarından biri, "fransız" filmindəki bu hissədir:


--spoiler--


"yaşar nuri dayandığı yerdə birdən arif qasımov gəlir.
y.n.:
-sən kimsən?
a.q.:
-dədə qorquud.
y.n.:
-hıh.a belə dədə qorqud olar?
a.q.:
-sən dədə qorqud görmüsən?"


--spoiler--


son olaraq hər nə olur olsun, necə deyərlər " adamın üstündə allah var" bu kişi yaradıb da. kino tarixi üçün ölməz bir rejissordur.

ilqar fəhmi

ilqar paşayev əliabbas oğlu. şair, yazıçı, kinodramaturq. 1975 təvəllüdlü yazar hüquq fakültəsi bitirib. "sirat körpüsü", "qaydasız döyüş", " ölüm növbəsi", " hörümçək toru", " dərvişin qeydləri" və "aktrisa" filmlərinə imza atmışdır.

düzü mənim yazıçılar birliyində vəzifəyə qoyulmuş, birdən çox ssenari üçün dövlət dəstəyi almış yazarlara bir az ehtiyatla yanaşıram. o məsələləri az çox bildiyim üçün çarxın necə döndüyündən xəbərim var. hələ işin içinə "ulduz" jurnalında işləmək və "rəsul rza" mükafatı almaq girəndə sanki üzümə anar mehi əsdi.

bütün bu ehtimallarıma baxmayaraq müsbət təəssüratımı da bölüşməliyəm. bu yazarın yaradıcılığı ilə ancaq aktrisa filmini izlədikdən sonra tanış olmuşam. film, ssenari mənim üçün gözlədiyimin qat-qat üzərində çıxdı. həqiqətən təqdirəlayiq işdir. ümid edirəm bu yazıçının əsərləri də digər bir neçə dəstəkli yazar və elə yeri gəlsə anarın özünün əsəri kimi oğurluq çıxmaz.

ilqarə tosova

1966-cı il (1965 də ola bilər. vikipediyada ikisi də yazılıb) 2 fevralda balakənin hənifə kəndində doğulmuş aktrisadır. 1992ci ildən 2009-a qədər azərbaycan dövlət gənclər teatrının, 2009-dan bəri isə azərbaycan dövlət gənc tamaşaçılar teatrının aktrisasıdır.

teatrda 2 dəfə izləyib ortabab saydığım
aktrisadır. bala başa bəladaki aktrisalığını isə heç bəyənmirəm.

eyni zamanda bəxt üzüyündən alkaş hüseyn kimi tanıdığımız ayşad məmmədovun həyat yoldaşıdır.

bala-başa bəla

cahangir novruzov muxtar maniyevi öpəndə gözlərimi tutduğum tamaşa.
səidə quliyeva, ələkbər hüseynov, afaq bəşirqızı, rafael isgəndərov və digərlərinin rollarını möhtəşəm şəkildə oynadıqları film. filmdə bəyənmədiyim tək obraz ilqarə tosovanın canlandırdığı cəmilə obrazızdır. nə vaxt baxsam onu görəndə əsəbləşirəm yapışmır danqa tamaşaya.

film şərif qurbanəliyev rejissorluğuyla 1995-ci ildə çəkilmişdir. şərif qurbanəliyev özü də filmdə rol almışdır. cəmil'ə podxod edib, mozqsini xarab eləyən hacı hacısoy obrazını canlandırmışdır. titrlərdə şərif məcbur yazılır. rejissor bu rola heç kəsi tapa bilmədiyi, məcburiyyətdən özü ifa etdiyi üçün belə yazmışdır.
film rafael isgəndərovun rol aldığı ilk filmdir.
divarda asılan əkizlər şəkli isə cahangir novruzovun uşaqlıq şəklidir. nəsibə zeynalova oğlu uşaq ikən mırta onu həm oğlan, həm də qız paltarıyla şəklini çəkdirmişdi. rejissor bu şəkildən xəbər tutan kimi şəkilləri birləşdirib istifadə eləmək qərarına gəlib.
film ramazan ayında çəkildiyi üçün cahangir novruzov oruc idi.

izləməyən hələ də varsa izləsin.

ehtiram eldar oğlu islamov

azərbaycan xəbər saytlarının və facebookda olan səhifələrinin bugün dayanmadan paylaşdığı xəbərin baş qəhrəmanıdır. belə deyək, azərbaycandan istanbula gəlib islam dövlətinə qatılmaq istədiyini bildirən bu qaqam islam dövlətindən bir neçə azərbaycanlı ilə əlaqə qurub. islam dövləti qaqaya 1.500 dollar yardım edib. bir müddət sonra qaqam 11 nəfər olduqlarını söyləyərək daha çox pul istəyib. işid-in azərbaycanlı qrupu da birdən qışqırıb ayılıblar. deyiblər ay qa səni dağıdajyıq. bu da guya yoxa çıxıb.

əvvəla, xəbərdə adı çəkilən şəxslə şəkli verilən şəxs ayrı adamlardır. və pıx orasındadı ki, ikisini də tanıyıram və bu fırıldağı hansı eləyib baş açammıram. adı çəkilən şəxs artıq neçə ildir burdadır, şəkildəki birad isə təzə gəlib istanbula vq. yəni şəkildəkinin etmə ehtimalı yüksəkdi. arada hansısa çujoy paxmel gedir. pıx pıxa qarışıb. 11nəfərlik siyahıya bəlkə mənim də adımı yazıb vq. 1-2 günə məndən xəbər çıxmasa bilin ki, siyahıda adım var, ya işid fırıldaqçı bilib başımı kəsib, ya da dövlət işidçi bilib basıb içəri.

gülməli adamın yuxusu

fyodor mixaylovic dostoyevskinin 1877-ci ildə yazdığı hekayədir. əsər dostoyevskinin ən son əsərlərindəndir. "cinayət və cəza", "idiot", "qumarbaz", " alçaldılmış və təhqir edilmişlər" kimi böyük əsərlərindən daha sonra yazmışdır. bu da yazıçının daha kamil dövründə yazıldığı üçün əsəri daha dəyərli edir. eyni zamanda əsərin artıq borclardan qurtarmış və maddi problemi olmayan bir dostoyevskinin yazması həcmdə də özünü biruzə verir. o daha çox qonorar almaq üçün müəyyən mənada uzadan dostoyevski yox püxtələşmiş yaradıcılığının nirvanasına çatmış, özünü yetərincə təsdiqləmiş bir dostoyevski idi.
mixail baxtin əsərlə bağlı yazır: “bu əsərin son dərəcə universalizmi, eyni zamanda da onun son dərəcədə yığcamlığı, bədii-fəlsəfi lakonizmi adamı heyrətləndirir. öz tematikasına görə “gülməli adamın yuxusu” – dostoyevskinin bütün mövzularının, demək olar ki, bütöv ensiklopediyasıdır”

əsər intihar etməyə hazırlaşan insanın mürgüləyib gördüyü yuxunu, yuxudan əvvəlki həyatı və sonrakı dəyişiklikləri danışmasından ibarətdir.


--spoiler--

“yalançı, acıqlı və ədalətsizik oluruq qoy olaq, bunu bilirik, buna görə ağlayır, özümüzü üzürük, özümüzə əzab veririk, bəlkə də, gələcəkdəki mühakimimiz, adını da bilmədiyimiz o mərhəmətli hakimdən də çox özümüzü cəzalandırırıq. lakin bizim elmimiz var, onun vasitəsiylə də yenidən həqiqəti axtarıb tapacağıq, amma bu dəfə onu şüurlu qəbul edəcəyik. bilgi duyğudan üstündür, həyatı dərketmə — həyatdan üstündür. elm bizlərə hikmət verəcək, hikmət də qanunlara yol açacaq, xoşbəxtliyiyin qanunlarını bilmək isə xoşbəxtlikdən üstündür”

--spoiler--

əsər pdf formatda rahatlıqla tapılar. kitab olaraq isə "gizlindən qeydlər", " paxla" və adı çəkilən əsərin yer aldığı məmməd qocayev tərcüməçiliyi ilə "f.m.dostoyevski-povest və hekayələr" adlı kitabdan oxuya bilərsiniz. lakin bu tərcüməni çox məsləhət görməzdim. daha yaxşısını tapammasaz bu da gülabnan gedər.

mirzə ələkbər sabir

Babamın babasıdır. Nickimi imzasından aldığım dahi şəxsiyyətdir. Ancaq ölümündən sonra kitabı çap etdirilən, hamının bəh-bəhlə tərifləməsinə baxmayaraq kitabın ilk nəşri üçün kifayət qədər ianə toplana bilməyən dahi, 11uşağından 8-ini sağ ikən itirməsinə baxmayaraq mizahdan, alovlu satiradan son nəfəsədək əl çəkməyən şəxsiyyət.
Dəfələrlə maddi vəsait yığılmağı üçün elan verilməsinə baxmayaraq dövrün milyonçularının 1-2günlük gəlirini keçməyəcək vəsait güc-bəla ilə oxuculardan və heç də varlı sayılmayan insanlardan toplanmışdır. Bu hadisə dövrün milyonçuları ilə bağlı bu nəticəyə gəlməyimdə kömək etmişdir. indi fəxrlə adları çəkilən bu milyonçular bəlkə də indiki dövrün oliqarxlarından heç də geri qalmamışdırlar. Maarifləndirmə işləri ilə bağlı bu kimi layihələrdə qəpiklərindən keçməyən bu insanları Cəlil Məmmədquluzadə və Həsən bəy zərdabi kimi maarifçi insanlar yaxşıca tənqid etmişdilər. Zərdabinin erməni işçi Mıkırtıçla bağlı yazısından bunu görə bilərik. Sabir bizim əvvəllər kişilik, insanlıq filan var idi nağılları danışan insanlara qapaq qoymuş insandır.

Sabirin böyük övladı Məşədi Səkinə xanım 1975-ci ilə qədər yaşamışdır. Anamın tələbəlik illərində birbaş Səkinə nənədən eşidib bizə danışdıqlarını öz sözlərimlə yazıram. Sabiri kasıb həyat yaşamış kimi göstərmək sovetin siyasəti idi. Bu ondan sonrakı quruluşda da öz əksini tapır. Yeni bir quruluş gəlirsə əvvəlki hökümətlərin dövrünü pis göstərməlidir. Sabir çox gənc yaşda, səhv etmirəmsə 20 yaşda şərqi səyahət etməyə çıxır. Bir neçə ölkə vilayət gəzdikdən sonra atasının xəstələnmə xəbərinə görə 2il səyahət etdikdən sonra geri qayıdır. Gəncliyi, hətta ölümünə yaxın dövrlərədək imkanı orta olmuşdur. Sabun bişirməyə isə hobbi xarakteri ilə başlamışdır. Kişi iştapmırsan e filan deyənlərə də millətin içini təmizləyə bilmirəm. Bari çölünü təmizləməyə kömək edim cavabını vermişdir. Sabirin qızının gümüş və bürünc pullarla bəzədilmiş kəmərini bir neçə il əvvəl dayımla muzeyə verdik.
Sabir çox az danışmışdır. Daim olduğu əsasən də ilk daxil olduğu yığıncaqlarda uzun bir müddət sakit dayanıb sonda bir qapaq qoyub gedərmiş. Sabir dövrünün çox çox irəlisində bir şair idi. Şeirlərində bulvarda madmazel tutan hacılarından tutmuş geylərinə, cahil dindarlarından tutmuş hiyləgər alverçilərinə, rüşvətxorlarına və dövrümüzdə də şəkil dəyişdirib var olan təməl problemlərin hər birinə rast gələ bilərsiniz. Dövrünün önündə olmağını səhv etmirəmsə Abbas Zamanovun yazdığı bir xatirədən anlaya bilərik. 1930-larda Sabirin şeirləri bir qəzetdə çap olunur. Nəşriyyata sovet aşiqləri tərəfindən 100-dən çox məktub gəlir ki, bu şair repressiya edilməlidir. 1911-də 49yaşında vəfat etmiş, SSRi görməmiş bir şair 20-30il sonrakı sovetin belə damarına toxunub.

Əlinizdə, evinizdə olan o "Hophopnamə" ruslarla bağlı misralar dəyişdirilib çıxarılsa belə, bütün ixtisarlara baxmayaraq çox dəyərlidir, böyük insanların səyləri nəticəsində ortaya çıxarılmışdır.

Sabir bağındakı heykəl isə əvvəllər ayaq üstə olmuşdur. Sabirin oturdulma səbəblərini isə bilmirəm.

Son olaraq bir neçə il əvvəl işBankası nəşriyyatı " Hasan Ali Yücel Dünya Klassikləri" silsiləsində tədricən Türkiyə türkcəsinə tərcümə edilmiş ixtisarlı "Hophopnamə" nəşr etdirmişdir. 10liradır. Türkiyəli dostlarınıza hədiyyə edə bilərsiniz.

Yaradıcılığı ilə bu linkdəki siyahıdan seçib, yükləyib pdf formatda tanış ola bilərsiz:

http://anl.az/el/s/s.php

Azərbaycan ədəbiyyat tarixində obyektiv olmaq üçün bir çox araşdırmalar aparmağıma baxmayaraq heç bir yalnış addımını, fikrini tapa bilmədiyim yeganə insan və fəxr etdiyim nadir şəxsiyyətlərdəndir.

taras bulba

nikolay vasilyeviç qoqol tərəfindən 1835-ci ildə yazılmış povestin və bu əsərin baş qəhrəmanının adıdır. Eyni zamanda Vladimir Vladimiroviç Bortko tərəfindən bu əsərə çəkilmiş filmin adıdır.

Əsər Kazak ruslarının cəsarətindən, döyüşçülüyündən bəhs edən əsərdir.
Düzü əsəri ilk oxumağa başladığımda milliyətçiliklə "mırtdaşan", ironik dillə təsvir edən bir əsər oxuyacağımı sanmışdım. Amma əsərin ortalarına doğru tərəzinin digər gözü ağırlaşır, sonlara doğru isə tamamilə kazak ruslarına mədhiyyəyə çevrilir. Əsərdə qadına heç bir dəyər verilmədiyi də göstərilir. Ana ürəyi yanğısı, onla övlad arasında olması mütləq bağların atalar və övladların beyinlərinə doldurulan milliyyətçilik və döyüşçülük fikirləri ilə qoparıldığı da göstərilir. Əsərdə yəhudi, müsəlman, tatar, türk, katolik və s.hamısına lori dillə desək kazakların dilindən "geydirilib". imkansız məhəbbət də əsərin ana mövzuları arasındasır. Spoiler vermək istəmirəm.)
ümumilikdə əsəri dəyərləndirdikdə gözəl bir əsərdir. Oxumağı məsləhət görürəm. Döyüş səhnələri də möhtəşəm təsvir edilib. Sadəcə oturun oxuyun. Kişi hər nə niyyətlə anladıb anlatsın, sən onsuz mırtdaşmaq istədiyin yerlə mırtdaşasısan.)

Bu və başqa məşhur əsərləri pdf olaraq endirib oxumaq üçün bu linkə girib yükləyə bilərsiniz:
http://anl.az/el/latin_qrafikasi/de/de.php

Keçək filmə. Film 2009-da çəkilib. Əsəri bitirdikdən sonra filmini axtardığım zaman 1962 Amerika və 2009 Rusiya istehsalı olan 2film çıxdı. Amma mənə qonşularımız daha maraqlı gəldi. Film 2008-də hazır olsa da Qoqolun 200illiyində 2009-da nümayiş etdirilib. Taras Bulba rolunda əfsanə aktyor Boqdan Silvestroviç Stupka canlandırmışdır. Ümumiyyətlə əsəri oxuyarkən gözümün önünə gələn tipləri oynayacaq aktyorlar müvəffəqiyyətlə seçilmişdir. Digər rollarda isə Magdalena Mielcarz, iqor Petroviç Petrenko, Ada Roqovtseva, Vladimir Vdoviçenko və s.oynamışdır.

Film:

(youtube: )

(youtube: )