texnologiya

insanlarla rəqabətə girib əməlli. deməli ağıllı telefonum yoxdur indi mənim, nəinki ağıllı telefonum ümumiyyətlə telefon işlətmirəm. ağıllı telim olduğu müddətdə də nə whatsapp, nə facebook, twitter, nə instagram yükləməmişdim. fikirləşirdim bir evə bir komputer bəsdi. mümkün qədər qaçıram texnologiyadan amma mən qaçdıqca o mənə sarı gəlir. zəlidi elə bil. indi də whatsapp web çıxıb. indi bunu nəyə yaratmısız ki? imkan verin adam balası kimi yaşıyaq da. hər şey bu qədər sürətlə inkişaf etməməlidir. insanlıqdan çıxırıq artıq. adamda insaf yaxşı şeydi, etməyin də bunları. asosiallaşmaq bəs nədən irəli gəlir? hamısı bu texnologiyanın zibilləridir.adamın çoxlu pulu ola yığa hamısın bir yerə yandıra. istədim whatsapp web başlığına yazım amma gördüm buna sevinənlər var. dedim yazıb qanlarını qaraltmıyım -*

yaşamaq

(bax: ikiru)

Akira Kurosawanın 1952-ci ildə çəkdiyi və ən çox bəyənilən filmi. film çəkiləndə yaponiya müharibə sonrası dönəmindəydi. kiçik bir spoiler verim:

--spoiler--

filmin qəhrəmanı Vatanabe biləndə ki, mədəsində xərçəng var və 6 ay ömrü qalıb, bircə anın içində dünyaya, həyata, öz işinə münasibəti dəyişir. O qərara gəlir ki, neçə vaxtdı işlədiyi idarədə süründürməçilik ucbatından uzanıb həll edilməyən çirkli su gölməçəsinin qurudulması və yerində uşaqlar üçün park salınması məsələsini mütləq həll etsin. Bütün ömrünü cari işlərlə keçirən və qəfildən qaçılmaz aqibətlə - ölümlə üzbəüz qalan Vatanabe qərara gəlir ki, həyatının son aylarında da olsa, bir xeyirxah iş görsün.

--spoiler--

ilk ondan başlayım filmin əvvəllərində bir dövlət dairəsində yerini qorumanın ən böyük yolu " heçnə etməməkdir" deyimi, yapon qadınlarının "burada demokratiya yoxdur" sözü diqqətimi çəkdi və an olaraq azərbaycanın indiki vəziyyəti ilə müqayisə etdim. daha sonra filmi incələyənlər filmdə "salt" və "Ekzistensializm" fəlsəfəsinə rast gəldiklərini bildirirlər, hətta filmin qəhrəmanı Vatanabeyi Leo Tolstoy'un ivan ilyiç'in Ölümü adlı romanın qəhrəmanı Leo Tolstoy'un ivan ilyiçlə müqayisə etmişlər. amma buna baxmayaraq filmi qətiyyən sevmədim. sevməmə səbəbim isə filmin mövzusunun çeynəlmiş mövzu olmağıdır. mövzu ucuz romantikadan başqa bir şey deyil mənə görə. ən dəhşətlisi filmlərə aktyorların əsl səslərini eşitmək üçün dublaj yox altyazılı baxdığım üçün bütün gününü Vatanabe ilə keçirən Toyonun ciy-ciy səsinə dözməyə məcbur oldum. hələ o iyrənc gülüşünü demirəm. filmə baxmamısızsa altyazılı qətiyyən baxmayın, yoxsa siz də mənim günümə düşə bilərsiz.

amma bu bəyənməmələrə rəğmən filmdə ancaq bir səhnəni sevdim, o da Vatanabenin sonda yelləncəkdə yellənərək " həyat qısa, aşiq olun bakirələr" mahnını oxuması idi.

Hayat kısa
Aşık olun bakireler
Dudaklarınızın allığı
Solup gitmeden önce
içinizde arzu dalgaları
Durulmadan önce
Yarını bilmeyen
insanlar için
Hayat kısadır
Aşık olun Bakireler
Uzun siyah saçlarınız
Ağarmadan önce
Kalbinizdeki alevler
Titreşip sönmeden önce
Bugünü bir daha
Yaşayamayacaklar için

(youtube: )

mihaly vig

bela tarrın ayrılmaz hissəsi. tarrın 2 filmini( karhozat və Werckmeister harmonies) izləsəm də, iki filminə bəstələdiyi musiqilərlə qəlbimi fəth etmiş bəstəkar. yaxşı ki, ikisi də var.

" Kész az egész"

(youtube: )

(youtube: )

(youtube: )

sözlük yazarlarının qorxuları

nə gecə evə gəlməkdən qorxuram, nə narkomandan qorxuram, nə evdə tək qalmaqdan qorxuram, nə itdən it kimi qorxuram, nə oğrudan qorxuram, nə kimisə itirməkdən qorxuram. qorxmadığım şeylər "n" qədərdir. amma kiməsə durduq yerə, ürəyim istədiyi vaxt( hərçənd ki bu ildə bir, iki dəfə olur) "salam necəsən" yazmaqdan qorxuram. yazmaqdan yox da, yazıb kimisə narahat etməkdən qorxuram. yazsam da heç vaxt "necəsən" sualını vermirəm ki, çox lazımdı elə. bir dəfə gecə-gecə könlümə kimlə isə danışmaq keçmişdi. adama yazmışdım "salam, necəsən?" amma "necə olduğun həqiqətən maraqlıdır mənə" də yazmışdım ardından. bəlkə də özüm çox tez bezirəm deyə elə bilirəm onlar da mənim kimidir amma bildiyiniz fobiyadır bu artıq.

(baxma: danışmaq istədiyim insanlarla danışmağa söz tapmayan insanam.)

rafiq hüseynov

1946-ci il doğumlu aparıcı, diktor. Çox gözəl səs tembrinə malik şəxs. diktor olmaqla yanaşı həm də " sevərəm təzədən səni", " gecdi daha" , "görüş", "çıx qatar yoluna" mahnıların ifaçısı.

" sevərəm təzədən səni"

(youtube: )

(youtube: )

(youtube: )

(youtube: )

fazıl say

Nazim Hikmet Oratoryosunda Genco ERKALın Nazim Hikmetin Ben içeri Düştüğümden Beri şerini söyləyərkən fonda gedən musiqini axtarırdım uzun müddət. Bilirdim Fazil Say ifa edir amma həmişə şerlə birgə versiyasın tapırdım, ancaq müsiqi tapa bilmirdim. Hətta fazil sayın özünə də yazmışdım, cavab da yazmışdı, amma cavabı "Nazim Hikmet Oratoryosu" idi. və hətta #135418 -bu entryımda da elan vermişdim ki, musiqini bilən yazsın mənə amma heç kimdən səs çıxmamışdı. nəhayət, uzun müddətdən sonra bir dostumun köməkliyi ilə tapdım, təsadüfən bu da Nazim Hikmətin doğum gününə düşdü. paylaşıram musiqini. dinləyin, zövq alın.

Ballad No. 1 "Nazim"

(youtube: )

charlotte gainsbourg

(baxma: Şarlotta Gensbur)

bu aktrisa haqqında təzə bura gələndə də başlıq açmışdım amma 6 oktyabr faciəsinin qurbanı oldu. olsun yenə yazarıq yox da yenidən yazdıran aktrisadan çox qadındır. charlotte ilə ilk tanışlığım trierin Nymphomaniac filmi ilə başlayıb. o filmdən sonra o qədər sevmişdim ki, bu qadını işdə oturub film siyahısını tutub 23 filmin 23nə də baxmışdım. əvvəl filmlərə rejissor-rejissor (yəni bir rejissor seçib onun bütün filmlərinə baxırdım) baxırdımsa, charlottedan sonra filmlərdəki aktrisalara və ya aktyorlara görə baxmağa başladım.

charlotte rejissor, aktyor, müğənni Serge Gainsbourgin və aktrisa Jane Birkin qızıdır, ki bunu da hamımız bilirik. aktyorluq fəaliyyətinə 1984-cü ildə çəkilən " Sözlər və musiqi" filmi ilə başlayıb.
aktrisalıqla yanaşı həm də müğənni olan charlotte " just like woman", " hey joe", " voyage" və s mahnıların ifaçısıdır. çox güman səsinin olması atasından, gözəlliyi anasından keçmədir. atasıyla rəqs edə-edə ifa etdiyi Charlotte for Ever mahnısı ən sevdiklərimdəndir. ayrıca " Charlotte for Ever" adlı filmin rejissoru elə serge gainsbourgdur.

Filmoqrafiya

Sözlər və musiqi (1984) / Paroles et Musique
Ədəbsiz qız (1985) / L’Effrontée
Əbədi Şarlotta (1986) / Charlotte For Ever
Təşəkkür, həyat (1991) / Merci la vie
Sement bağ (1992) / The Cement Garden
Aşiq (1992) / Amoureuse
Ceyn Eyr (film, 1996) / Jane Eyre
Sevgi və s. (1996) / Love etc.
Milad piroqu (1999) / La Bûche
Səfillər (2000) / Les misérables
Feliks və Lola (2001) / Felix et lola
Mənim arvadım aktrisadır (2001) / Ma femme est une actrice
21 qram (2003) / 21 Grams
Lemminq (2005) / Lemming
Biri gedir, o biri qalır (2005) / L’un reste, l’autre part
Yuxu elmi (2006) / La Science des Rêves
Subay qalaraq necə evlənməli? (2006) / Prête-moi ta main
Mən orada yoxam (2007) / I’m Not There
Antixrist (film, 2009) / Antichrist
Ağac (2010) / The Tree
Melanxoliya (2011) / Melancholia
Narahat etməyin (2012) / Do Not Disturb
Nimfoman (2013) / Nymphomaniac)

son olaraq bir dostumun charlotte haqqında dediyi fikri paylaşım. "Sənət əsəridir bu qadın; zəyif aktrisa, zəyif ifaçıdır, lakin tanrı üzünün, gözlərinin və əllərinin gözəlliyi, dərinliyinə görə onu bağışlamaq gücündədir". əl-qərəz aktrisalıqdan çox qadının dibidir.

jim jarmuschun jozef van wissemla hazırladığı albom

düzü mən jozef van wissemi Jarmuschun sonuncu filmindən sonra tanımışam. o filmin babat soundtracklərində jozef van wissemin öz imzası var. jarmuschla birgə hazırladığı albomun adı Concerning the Entrance into Eternitydir ki bu albom jarmuschla ilk işbirliyidir. çox əjdaha tracklər var.

" Apokatastasis"

(youtube: )

(youtube: )

yaşar kurt

tək annesi yox ruhumu, kendim gibisi, ən əsas da samistal yaylası var.

ruhum

(youtube: )

(youtube: )

(youtube: )

hooverphonic

əksəriyyətimizin dinlədiyi halda adına başlıq açılmamağına təəccübləndim.

1995-ci ildə yaranan belçika qrupu. ilk olaraq qrup ancaq trip trop janrında oxusa da, sonradan genişləndirərək bura alternative, electronica, electropop, rock janrlarını da əlavə etdilər. əslində qrup özünü " hoover" adlandırmışdır amma sonradan bu adı digər qrupların da götürdüyün görüb, dəyişiklik edərək "hooverphonic" qoydular. qrupun üzvləri: vocalist Geike Arnaert, gitarist Raymond Geert, bass gitarist Alex Callier.

qrupun çıxardığı albomlar

A New Stereophonic Sound Spectacular (1996)
Blue Wonder Power Milk (1998)
The Magnificent Tree (2000)
Hooverphonic Presents Jackie Cane (2002)
No More Sweet Music (2005)
The President of the LSD Golf Club (2007)
The Night Before (2010)
Hooverphonic with Orchestra (2012)
Reflection (2013)

Mənim ən, ən çox sevdiyim iki mahnıları var, ki bunlar da "mad about you" və " 2 Wicky"dir. "2Wicky" mahnısı Bernardo Bertoluccinin 1996-ci ildə çəkdiyi "Stealing Beauty" filminin soundtrackidir və eyni zamanda " I Know What You Did Last Summer " filminin də. ayrıca "2Wicky" mahnısı Isaac Hayesin 1960-ci illərin hiti Walk On By mahnısından bəhrələnmişdir.

" 2Wicky"

(youtube: )

(youtube: )

mehriban zəki

aktrisa olmaqla yanaşı həm də gözəl bəstəkar və müğənni

"yağış"

(youtube: )

(youtube: )

azərbaycan turizm institutu

2006-cı ildə azərbaycan turizm nazirliyi nəzdində açılan dövlət institutu. 2 korpusu var. biri gənclikdə yerləşir, digəri azadlıqda. əsas fakültələr( turizm və otelçilik, menecment, marketinq, lingivistika vəs) gənclik korpusunda, köməkçi fakültələr( regionşünaslıq, muzeyşünaslıq, bt və s) isə azadlıqdakı korpusda olur.

bilmirəm hardan başlayım ki, bu il qəbul imtahanına hazırlaşanlara heç olmaya məlumat vermiş olum.
deməli instituta daxil olmusuz məsələn, sənədlərinizi təqdim etməyə gələndə sizdən ingilis və rus dilindən imtahan götürəcəklər. bunu da ona görə götürürlə ki, tələbələri dillər üzrə səviyyələrə bölsünlər. a1, a2, a3, a4........a15-ə kimi davam edir. məsələn bəlkə biri rus dilindən çox zəifdi biri çox güclü. onları eyni dərsi keçib, eyni imtahana salmaq mümkün olmaz axı. ona görə imtahanı götürürlər əgər sən a2 səviyyəsindəsənsə, sənə o səviyyədə dərs keçirilir. qısacası artıq material yüklənmir.

keçək dərslərə, kəsrlərə və kəsrlərin kreditlərinə. dərslər rahat keçirilir. tələbənin özündən asılıdı. əgər tələbə istəyirsə, dərslər müzakirə formasında keçirilsin elə keçirilir yox əgər istəyirsə, hər gün əzbərçi formada dərs soruşsunlar onda da elə keçirilir. fənnlərin saatlarını və müəllimlərini özün seçirsən amma bu seçmə 2ci kursdan başlayır. istədiyin müəllimi bəyənməsən, dekanatlığa lap elə rektorluğa müraciət edib dəyişə bilərsən. digər universitetlərdəki kimi rektoru ildə bir dəfə görmür rektoru, istədiyi vaxt otağına yaxınlaşıb şikayətini bildirə bilər. hansısa fəndən kəsilsən, və razı olmasan apilyassiyaya verə bilərsən, əksər vaxt bu tələbənin xeyrinə qurtarır.bunlar hamısı institutun yaxşı tərəfləri.

indi keçək pis tərəflərinə. kəsilsən (ki kəsilməyən tələbəyə pis baxırlar) kəsrin bir krediti 41 azndir. rus və ingilis dilinin saatları çox olduğundan kəsr pulu da çox olur. 8 kredit və 8i də 41 vursaq 328 azn edir. hələ bu fənlər davamlı olursa onda lap çətin olur. məsələn iqtisadiyyat bu smestr keçilir, gələn smestr makro iqtisadiyyat sonra mikro iqtisadiyyat. əgər ilkindən kəsilsən və kəsr imtahanına girməsən digər smestrdə makroya girə bilmiyəssən artıq. dillərdə də belədir 3 smestr ard-arda keçirilir. hələ rus, ingilis dilini qurtarandan sonra seçmə dil var ki bunlara fransız, alman, ərəb, ispan dilləri daxildir. yəni hanısını istəsən onu keçirlər 2 smestr. ona görə çalışın ilkindən kəsilməyəsiz. imtahana giriş balı isə 26 baldır. keçid balı isə 51dir onu da etiraz edib yendirmişik yoxsa 61 idi. və kəsilsən bütüb hallarda pul ödəyirsən. ay aşağı kurslarla oturanda pul vermiyəcəm kimi qaydalar yoxdur, düzü var idi amma mən daxil olan ilin 2ci smestrində yığışdırdılar onu da. bir də deyirlər ki, pul keçmir yalan deyirlər. keçir amma bunlar hələki arsızlaşmıyıblar ki, tələbənin özünə desin filan fənn filan qədərdi. bunlar mədəni şəkildə alırlar rüşvəti. deməli hər imtahan öncəsi dekan girir kafedralara müəllimlərə deyir ki, filan qrupdan filan qədər tələbə kəsilməlidir, o da hansı bədbəxtin bəxtinə düşdü düşdü. kəsr pulları yüksəkdi bu da üstünə. hələki belə alırlar rüşvəti təzədilər, gələcəyini fikirləşməsək yaxşıdı.

daha sonra institut daxilində avstriyanın krems universitetinin dərsləri keçirilir ki, bunu da oxusaz, qurtaranda iki diplomunuz olur. həm turizm institutunun həm də krems universitetinin. və təbii ki, bu dərslərə də əlivi-qoluvu sallaya-sallaya girmirsən. bunun üçün 2ci kursda 140 azn ödəyib ielts imtahanı verirsən. əgər 6.5 bal toplasan onda oxuya bilirsən. amma çətindir biraz ona görə ki, həm millidə həm kremsdə oxusan səhər 9dan axşam 7ə kimi institutda olasan gərək. çox tələbə də buna dözə bilmir. amma kremsin dərsləri rahatdı həm də xarici müəllimlər tərəfindən keçirilir və təbii ki, ingilis dilində olur bütün dərslər. burda amma kəsilsən bir hətfə sonra yenidən hazırlaşıb verə bilirsən.

bir də onu da qeyd edim ki, əsas fakültələrin tələbələri praktikaya xarici ölkələrə göndərilir. burda keçirilmir yəni praktika.

yəni deməyim odur ki, universitetlərin adını yazmamışdan əvvəl yaxşı-yaxşı düşünün. çətindi turizm institutunu bitirmək. güclə də olsa bitirmişəm, canım qurtarıb. hamınıza uğurlar.

ayrılmaz ikililər

(baxma: bela tarr və mihaly vig)
(baxma: andrey tarkovski və eduard artemyev)
(baxma: kieslowski və zbigniew preisner)
(baxma: theo angelopoulos və eleni karaindrou)
(baxma: andrey zvyagintsev və andrey dergatchev)

only lovers left alive

ilk olaraq onu qeyd edim qeyri-real, fantastik filmləri sevmədiyimdən yaxşı ki, vampir sözünü görüb aldanmayıb, filmə baxmışam. film film deyil: ədəbiyyatdır, musiqidir, fəlsəfədir-uzun sözün qısası hiperintellektual filmdir. estetizmin zirvələrində yaşayan, postmodernizmi isə damarlarında yaşadan və bunlardan aldığı güclə şaha çıxan bir film. Jarmusch sanki uzun illərdir qazandıqlarını son filmində qusub. woody allen üçün "Midnight in Paris" nə deməkdirsə, Jarmusch üçün də "only lovers left alive" filmi də o deməkdir. filmdə incə yumor var və Jarmusch bu yumoru Dr. Watson və Ian arasında bölüşdürüb. Bir də filmdə Adam həkim qılıgına girəndə Faust adını götürməyi də bizə bir şeylər deyir. bildiyimiz kimi Goethe’nin Faust adlı əsərində Doktor Faust ruhunu şeytana satmağə üstün tutaraq məsumiyyətini itirir. adamın insanları "zombie" adlandırması ayrı bir zövq verdi mənə.

Filmdə Miçiqan teatrından vurdular Henri Fordan çıxdılar. Henri Forddan vurdular Mary Wollstonecraftdan çıxdılar. Mary Wollstonecraftdan vurdular Charlie Feathersdən çıxdılar. Charlie Feathersdən vurdular Chet Atkinsdən çıxdılar...Vurdular...çıxdılar eləcə. Əsas odu babat şey çıxıb ortaya. şiddətlə tövsiyyə edirəm baxmağı.

(youtube: )