clubhouse

2020-nin aprel ayından bazara girən və qısa müddətdə 100 milyon dollardan çox investisiya alan yeni sosial platforma və ya "daha nə qədər sosiallaşa bilərik" sualının cavabıdır hal-hazırda.

əsas özəlliyi audio-based olmasıdır. app-i açdıqdan sonra əsas səhifədə, maraqlarına, izlədiyin insanlara, dostlarına əsasən müxtəlif virtual otaqlarla qarşılaşırsan. istədiyin otağa daxil olaraq içəridə gedən disskusiyaya qoşula bilərsən. otaqlarda danışma haqqını otağı yaradan insanlar istədiyi adamlara verir və əgər mövzu haqqında fikir bildirmək istəyirsənsə, "əl qaldırıb" danışa bilərsən. istifadəçi istənilən otağa daxil ola bilər və özü də otaq yarada bilər.

bir növ live podcast şəklində olan söhbətlərin bir önəmli tərəfi də, danışılanların qeydə alınmasının və daha sonra başqa platformalarda paylaşılmasının qəti olaraq qadağan olmasıdır. yəni ki, burda olan, burda da qalar.

hazırda app-ə yalnız dəvət vasitəsilə qoşula bilərsiz. ios istifadəçiləri dəvətsiz şəkildə app-i yükləyib hesab yarada bilər. ancaq otaqlara daxil olmaq mümkün olmayacaq, qarşınıza sadəcə virtual növbədə olduğunuz haqda mesaj gələcək. bu, hazırda app-i özəl hala salır və tam şəkildə istifadə edən istifadəçilərinə imtiyazlı hiss etmələrinə səbəb olur. ancaq yaradıcıları kiçik komandalarının olduğundan, birdən-birə milyonlarla istifadəçi axınında platformanın çökə biləcəyindən və ya keyfiyyətinin aşağı düşəcəyindən ehtiyatlanaraq bu şəkildə siyasət yürütdüklərini və platformanı gələcəkdə hər kəsin istifadəsi üçün mümkün hala gətirməyə çalışdıqlarını deyirlər.

hazırda 600 000 - dən çox istifadəçisi olan platformada məşhurlara da tez-tez rast gələ və onlarla birbaşa müzakirəyə qoşula bilərsiz. elə bu entry yazılarkən *elon musk* tviter hesabından sabah quracağı virtual otağın anonsunu etmişdi artıq.

pandemiyada sıxılan minlərlə insanın pənah yeri olan clubhouse-un gələcəyi parlaq kimidir. bizi kimi sosial heyvanların istəklərini ödəməyə iddialı olduğu hiss olunur. daha bir istifadəçi profilinin açılmasının vaxtı çoxdan gəlib keçmişdi belə, əllərim gicişirdi.

in the mood for love

2000-ci ildə işıq üzü görən, ssenarisi və rejissorluğu *wong kar-wai*-yə məxsus möhtəşəm bir əsərdir.

film bir çox kino tənqidçiləri tərəfindən 21-ci əsrin ən yaxşı filmləri arasında göstərilir. mövzu cəhətdən çox bir fərqlilik olmasa da hekayənin rejissor tərəfindən ələ alınış tərzi mükəmməldir. sinematik kadrlar, filmin rəngləri, aktyor işi, musiqilər hamısı filmi tamamlayır və unikallıq yaradır. hətta noodle almağa getmək belə hələ bu qədər cəlbedici olmamışdı.

ümumiyyətlə dəfələrlə oturub izləyə biləcəyim film tapanda sevinirəm. after all, kədərli bir günü kədərli bir filmlə sonlandırmaqdan daha gözəl nə ola bilər ki?

(youtube: )

chris cornell

spesifik, ağzını açanda "aha bu odur, özüdür ki var" deyilə biləcək səsə malik musiqiçi, söz yazarı, ifaçıdır.

*soundgarden*, *audioslave*, *temple of the dog* qruplarında vokalist olaraq yer almışdır. arada solo karyera ilə də məşğul olmuşluğu var. *rolling stone* dərgisi tərəfindən gəlib keçmiş ən yaxşı lead singer-lər arasında ilk 10-a seçilmişdir.
temple of the dog qrupunu yaxın musiqiçi dostu, heroin dozasını qaçıraraq ölən *andrew wood*-un şərəfinə yaratmışdır. sonradan həmin qrup dağılaraq *pearl jam*-in yaranmasına gətirib çıxarmışdır.

özü 12 yaşından etibarən hər cür "uçurducu" maddələrlə yaxın əlaqə qurmuş, nəticəsi 14 yaşından panic disorder, aqrofobiya qazanması olmuşdur. həyatının bir çox dönəmində depressiyadan əziyyət çəkmişdir. intervyularının birində depressiya haqqında aşağıdakıları söyləmişdir:
heç kim əslində depressiyanın nə olduğunu bilmir. kiminsə depressiyada olduğunu fikirləşirsən və növbəti bildiyin şey həmin adamın özünü asdığı olur. aradakı fərqi demək çətindir. ancaq məncə depressiya xeyirli ola bilər. bəzən bu sadəcə təbii bir hissdir, heç nədən qaynaqlanmır. əgər həyatım boyunca nə vaxtsa depressiyada olmuşamsa, ondan qaçmağı fikirləşmək, təşviş içində olmaq əvəzinə, səhərisi gün ayılacağımı və artıq onu geridə buraxmış şəkildə həyatıma davam edəcəyimi özümə xatırladıram. eyni zamanda özümü yaxşı hiss edərkən də depressiyada olduğum vaxtları yada salaraq fərqləri görməyə çalışıram və hər hansı bir şəkildə əksinə çıxmamağı düşünürəm. sadəcə bütün bunların həyatın içində olduğunu anlamaq və birgə yaşamağı öyrənmək lazımdır.

əfsanəvi musiqiçi 2017-ci ildə, 52 yaşında səhnə performansından sonra otel otağında ölü olaraq tapılmışdır. ölüm səbəbi olaraq özünü asmaq göstərilmişdir.

contrapposto

avropanın hər hansı şəhərindəsən və sənət eşqinin coşub daşdığını hiss edib hansısa muzeyə və ya art qalereyaya girmisən. əgər burda renessans və ya öncəsi dövrdən bir heykəllə rastlaşacaqsansa, bu çox ehtimalla contrapposto adlanan vəziyyətdə dayanmış heykəl olacaq.

artıq anlaşıla bildiyi kimi, contrapposto duruş şəklidir, formasıdır. ilk nümunələrinə eramızdan əvvəl 5-ci əsrdə qədim yunanıstanda * həmişəki kimi rast gəlindiyi məlumdur. italyancadan gələn mənasını balans, mütənasiblik, tarazlıq kimi yozmaq mümkündür. bu da orta əsrlərdə itib-batan strukturun italiyada renessans dönəminin incəsənət adamları tərəfindən yenidən dirildilməsi ilə əlaqədardır. ən məşhur örnəyi kimi mikelancelonun davidini misal göstərmək olar.



bu üsulla düzəldilən heykəllərdən əvvəlki dönəmə baxsaq, heykəllərin daha çox düz formada, bədənin simmetrikliyinin maksimum dərəcədə qorunduğu şəkildə düzəldildiyini görə bilərik. kouros* yunanca gənc, cavan oğlan adlanan bu qədim sənət nümunələrinin oxşar cəhətləri bədənin ağırlığının hər iki ayaqda eyni şəkildə paylanması, bir ayağın digərindən bir az qabaqda olması və ümumilikdə ciddilik, sərtlik kimi nişanələr sezdirməsidir.



contrapposto-nun inkişafı ənənəvi formada düzəldilən insan fiqurlarının əvəzinə daha dinamik, insanın anatomik quruluşunu ön plana çıxardan əl işlərinin düzəldilməsinə səbəb oldu. bu, həmçinin qədim yunan mədəniyyətində əsas mövqe tutan humanizmi, insanı mərkəzə qoyan fəlsəfi axınları heykəltəraşların öz işlərində canlandıra bilməsinə, insanı rahat, gündəlik həyatdakı tərzində təsvir edə bilməsinə yol açdı. * uzun növbələrdə duruş şəkillərinizi yadınıza salın

yuxarıdakı nümunəyə nəzər yetirsək, davidin bir ayağının boşda qalaraq bədənin bütün ağırlığının digər ayaqda toplanması, sağ çiynin sola nisbətən daha yuxarıda olması, bədənin s forması alması və s. kimi contrapposto əlamətlərini saymaq olar. ümumiyyətlə, contrapposto-da bədənin demək olar ki, bütün hissələrinin duruşu refleksləndirməsi sənətkarın daha çox əmək sərf etməsinə və ortaya daha realistik insan vücudunun çıxmasına səbəb olur.

bunun daha bir örnəyini tiziano veçellinin (bax: tiziano vecellio)

unudulmaz futbol matçları

2014-cü ildə *real madrid* və *atletico madrid* arasındakı çempionlar liqasının final oyunu.

real madrid tərəfdarı kimi gecənin gec saatlarında təkbaşına oturmuşam televizorun qarşısında. televizorun səsi qısıqdır, çünki hamı yatıb.
oyunda geridəyik 0-1 hesabı ilə. bir neçə dəfə bərabərlik üçün şans əldə etsək də, dəyərləndirə bilmirik. yavaş-yavaş oyunun sonu yaxınlaşır, ümidlər getdikcə azalır. atletikonun da özünə inamı getdikcə güclənir.

əsas vaxt artıq bitib. əlavə olunmuş 3-cü dəqiqəyə girmişik. necəsə küncdən zərbə qazanırıq. topun başında di mariadır. top havalanır və cərimə meydançasında ramosun başıyla qovuşur. zərbə və qol.

bu dəfə də mən televizorun qabağında havalanıram. qışqıra bilmirəm səssizliyi pozmamaq üçün. biraz hoppanıb düşürəm. sonra fikirləşirəm ki, tarixi anlara şahidlik edirəm.
oyun uzatmaya gedir və daha 3 qol vuraraq real madrid *la decima* edərək 10-cu dəfə avropanın ən böyüyü olur.

səhər durub məktəbə gedirəm və uşaqlarla real madridin qələbəsini müzakirə etmək istəyirəm. ancaq nə qəribə ki, sinifdə bir-iki nəfəri çıxmaq şərtilə heç kim futbolla maraqlanmır və həmin bir-iki nəfər də barselona tərəfdarıdır.
elə həmin vaxt da qanıram ki, əgər ətrafında hissini, həyəcanını bölüşə biləcəyin bir insan övladı yoxdursa, o hislərin də, o həyəcanında çox bir mənası yoxdur.

"whatever you do in this life, it's not legendary unless your friends are there to see it." barney stinson.

wikipedia

bu gün 20 illik yubileyini qeyd edən onlayn ensiklopediyadır.
soruşsalar, dünya yaranandan vikipediyanın orda olduğunu deyərdim. okay, mübaliğəlidir, ancaq deməyim odur ki, vikipediyasız bir dünya təsəvvür etmək mənim üçün çətindir. əslində vikipediyanı bu konteksdə internet sözü ilə də dəyişə bilərik.
halbuki bu gün vikipediya 20 yaşını qeyd edir. bu, informasiyaya bu qədər asan çıxışımızın tarixçəsini də göstərir bir mənada və həmçinin də 4 milyon illik təkamülümüzə nisbətdə necə kiçik bir rəqəmə tuş gəlməsini.
haradasa 20-30 il əvvələ qədər istədiyin məlumatı axtarıb tapmaq o qədər də asan deyildi. ən azı götünü qaldırıb kitab axtarmaq və sənə lazım olanı ordan araşdırıb tapmaq lazım idi. ancaq indi hamının əlində ağıllı cihazlar var və unitazda oturub da kvant mexanikasına aid istədiyiniz elmi məqaləni oxuya bilərsiz.
əlbəttə, bunun da müəyyən mənfi məqamları var. amma məncə, ətrafımızdakı informasiya mənbələrindən optimal şəkildə istifadə edə bilsək müsbət cəhətlərini daha çox görə bilərik.

nəysə, bir şey dəqiqdir ki, gələcəyə aparan yeganə yol elm, bilik və məlumatdır. vikipediya və sözlük kimi məcralar da bilgi paylaşımının təminatçısı və qoruyucusudur. ona görə də, mübarəksən deyirəm, vikipediya. şəninə badələr qaldıracam, smartfonumu kənara qoya bilsəm.

ateist olmağın çətinlikləri

ən çıxılmaz anda (baxma: struggle for existence) köməyə çağırmağa heç nəyin olmaması.

əslində bu bir az trivial vəziyyətdir. əgər heç nəyə inamın yoxdursa, hər şeyin öz əlində olduğunu bilirsən və çətin vəziyyətdə rasional qərar verərək ən optimal çıxış yolunu tapa bilərsən.
ancaq yenə də, elektrikin e hərfindən xəbərsiz, ildırım düşməsini görən insanların törəmələriyik. dar ayaqda müqəddəs ruhu çağırmaq hissi keçir istər-istəməz.
(baxma: üz qarası ateist)

viva la vida

ingilis rok qrupu *coldplay*-in 2008-ci ildə yayımladıqları *viva la vida or death and all his friends* albomundan çıxan ve çox sürətlə populyarlaşmış parçadır. daha sonra grammy-ə də layiq görülmüş, sözlərini qrup üzvlərinin hamısının bir yerdə yazdığı mahnı maraqlı yerlərə toxunur. aydınlaşdırmaq üçün dönməliyik bir qədər geriyə, xvııı əsrin sonlarındakı fransız inqilabına.

inqılabın son dönəmlərinə yaxınlaşıldığı vaxtlarda kral xvı luiz (bax: xvı louis)

(youtube: )

6 yanvar 2021 abş hadisələri

aralarında vikinq papağı ilə dolaşanların da olduğu, çoxsu irqçi, rəzil tiplər olan* nəsillərinin kəsiləcəyi günü maraqla gözləyirik donald tramp tərəfdarlarının kapitol binasına daxil olub iğtişaş törətmələridir.
bütün dünyaya demokratiya paylayan abş-ın bir gün özünün də bu problemlə qarşılaşmalı olması bütün dünyanın gözünün özünə çevrilməsinə səbəbdir hal-hazırda.

stephen curry

dünən gecə *portland trail blazers*-lə oyunda 62 say ataraq öz karyera rekordunu təzələmiş, golden state forması geyinməkdə olan yaşayan əfsanədir.

basketbolun son 10 ildə oynanış tərzini dəyişdirən basketbolçulardan biri, hətta bəlkə də başda gələnidir. artıq son zamanlarda, oyunun ikiliklər üzərindən qurulmuş qədim mirasının üçlük xəttinin xaricindən üçlüklərlə əvəz olunmasının daha effektiv olduğu qənaətinə gəlinmişdir. komandaların bu oyun stilinə yönəldiyi və klubların məhz bu cür oyunçulara sahib olmaq istədiyi göz önünə gətirilsə, stephen curry-nin hazırki oyunda nə qədər dəyərli bir oyunçu olduğunu söyləməyə ehtiyac qalmır. 2015-2018 aralığında tarixin bəlkə də ən yaxşı komandası olan *golden state warriors*-un mərkəzindəki günəş olmuş rəis, artıq üçlük xəttinin kənarında top əlindəykən adamı indi nəsə magic bir şey olacaq mood-a salmağı bacarırdı.

yəni deyəcəyim odur ki, *kareem abdul-jabbar*, *wilt chamberlain*, *bill russell*-ı oynarkən görməsək də, stephen curry kimi oyunçularla eyni zaman dilimində yaşamağımız şərəfinə nail olduğumuz üçün özümüzü şanslı saya bilərik.

nəsib olsa, yaşlansaq, bir 2015 golden state - cleveland cavaliers finalında lebron - steph qarşılaşmasından danışıb nəvələrin filan yanında da respect qazanmaq xoş olardı. təbii, əgər basketboldan zəhləsi getməyən nəvəyə sahib olunacaqsa.

astrobiologiya

adından da bəlli olduğu kimi astronomiya və biologiya elmlərinin qovuşmasından əmələ gələn elm sahəsi. amma, əslində, bu qədər də sadə ortaya çıxmayıb. ilk əvvəllər ekzobiologiya adlandırılan bu elm sahəsi, biokimya, biofizika, molekulyar biologiya, geologiya, ekzoplanetologiya (ekzoplanetləri araşdıran elm sahəsi) və s. kimi müxtəlif elmlərdən bəhrələnməkdədir.
astrobioloqlar həyatın necə formalaşdığını, inkişaf elədiyini və harada tapıla biləcəyini araşdırır. astrobiologiyaya, yer planetindən kənarda həyatın olub-olmaması, günəş sisteminə daxil olan planetlərdə və peyklərdə həyat formalarının varlığı, digər ulduzların ətrafındakı planetlərdə mikroorqanizmlərin yaşayışı üçün münbit şəraitin mövcudluğu və s. kimi araşdırma mövzuları aiddir.
yəni ki, kainatdakı həyatın mənbəyinin hardan gəldiyini sorğulamaq, uzun marafonda sizi astrobioloq edə bilər.

bunlardan başqa, astrobioloqlar, yerdəki xüsusi çətin və əlverişsiz mühitlərdə yaşam formalarını araşdıraraq oxşar şəraitlərə malik mühitlərdə həyatın varlığını təxmin etməyə çalışırlar.

indiyə qədər aparılan araşdırmalar daha çox, günəş sistemində həyatın olmasına ən ideal namizədlər kimi *mars* planetinin, yupiterin peyki *europa*-nın və saturnun peykləri olan *titan*-ın və *enceladus*-un üzərində aparılmaqdadır. bu da əsasən onların atmosferindəki oksigen kimi qazların və ya molekulların miqdarı, suyun mövcudluğu, günəşdən uzaqlığı və qəbul etdiyi enerjinin miqdarı kimi amillərə əsaslanaraq aparılır.

27 dekabr 2020 erməni diversantların qarabağda təxribatlar törətməsi

biz tərəfdən 2 şəhid, 5 yaralı və bir nəfərin əsir düşdüyü, qarşı tərəfdənsə 6 erməni əsgərinin öldürüldüyü, 6-nın isə əsir götürüldüyü xəbəri var. xüsusi təyinatlı dəstələrin hal-hazırda hadrut istiqamətində təmizləmə əməliyyatları apardığı bildirilir. ermənilərin tunellərdən istifadə edərək tuğ kəndi və hadrut qəsəbəsi istiqamətində hücum etdikləri deyilir. bu arada, hələlik bütün məlumatların qeyri-rəsmi mənbələrdən gəldiyini də qeyd etmək lazımdır.
ümumiyyətləysə, bir şey dəqiqdir ki, qarabağ ərazisindəki erməni dəstələri tam olaraq tərki-silah edilməsə, belə hadisələrin olması da qaçınılmaz olacaq. bu şəkildə bölgədə sülhə və yaxud nəsə buna bənzər bir şeyə nail olmaq mümkün deyil. mötəbər rus sülhməramlıları da "biz burdayıq, dalaşmıyın haa" münasibətindənsə, bu məsələlərdə daha aktiv rol alıb əlavə insan itkisinin qarşısını almağa çalışsalar daha sülhpərvər görsənərlər. ən azı əməldə.
edit: Azərbaycan MN: "Xocavəndin Ağdam kəndi istiqamətində erməni silahlı qüvvələrinin qalıqlarından ibarət 6 nəfərlik dəstə Azərbaycan Ordusunun bölmələrinə hücum edib. Nəticədə 1 əsgər Qənbərov Elmir şəhid olub, əsgər Əliyev Emin isə yaralanıb. Erməni dəstəsinin 6 üzvü məhv edilib".