tarixdə qəhrəman və xain şəxsiyyətlər

bu məqama diqqət yetirin. səbəbini fikirləşirəm, ancaq içimdən gəldi deyə bu başlığı açdım. indi yazdığım sitatı diqqətlə oxuyun. nəzərinizə çatdırım ki, bu sitatda türkiyə tarixində olan məqamlar var.
"konstitusiyanı yıxıb, iqtidarı ələ keçirə bilirsənsə qəhrəmansan! iqtidarı ələ keçirə bilmirsənsə xainsən! xainlə qəhrəman arasındakı fərqi məhkəmələr deyil, tarix müəyyənləşdirir... tarixə haradan baxacağıq? 1907-ci ilən tarixə baxsaq ənvər paşa banditdir, əşkiyadır. 1908-ci ildən hürriyət qəhrəmanı. 1914-cü ildən baş komandir vəkili. 1918-dən sürgün bir məğlub komandir. 1923'də vətən xaini..."

oxuduz? mən əlavə edərdim ki, xalqlar və hakimiyyət tarixi dəyişə və müsbət şəxsiyyəti mənfiyə, xasiyyətcə mülayim şəxsiyyəti qəddar şəxsiyyətə çevirə bilər. ona görədir ki, ən qəddar olan və ya mülayim olan şəxsiyyətləri bəziləri sevir, bəziləri nifrət bəsləyir. hər şey xalqa məxsusdur. "hakimiyyətin mənbəyi xalqdır" ifadəsi bizim müstəqil azərbaycan respublikamızın da konstitusiyasında da boşuna əks olunmayıb. ümumilikdə şəxsiyyətləri analiz edəndə (real qaynaqlarla) daxili fikirləri bilmək olur, amma analiz etmək lazımdır.

2016-cı ilin ən çox qazananları

deməli "forbes" jurnalı 2016-cı ildə ən çox qazananların siyahısını ictimaiyyətə dərc edib. bu list, siyahı da tərtib olunarkən əmək haqqları, bonuslar və reklamdan gələn gəlirlər əsas götürülüb. düşünün, sizcə kimlər o siyahıda ilk pillələrdədir söz6 üzvləri? açıqlayıram.

reytində 1-ci yeri "real madrid"in futbolçusu cristiano ronaldo tutub. portuqaliya yığmasının lideri ötən il 88 milyon dollar (56 milyon klubdan+32 milyon reklamdan) qazanıb.

"barselona"nın ulduz futbolçusu lionel messi siyahıda 2-ci yeri tutur. argentinalı futbolçunun gəliri 81,4 milyon dollar (53,4+28) olub.

basketbolçu lebron ceyms 77,2, tennisçi roje federer 67,8 milyon, basketbolçu kevin dürant isə 65,2 milyon dollar qazanaraq ilk 5-likdə qərarlaşıblar.

barron trump

2006-cı ildə doğulmuş və atası prezidentlik gününü keçirərkən sıxıntıdan az qala partlamaq istəyən uşaq. donald trumpun oğlu. belə baxanda görünür ki, sarı genlərini atasından, üz quruluşunu isə anasından almışdır. barron, melanie trump və donald trumpın tək uşağıdır. ancaq atasının daha əvvəlki evliliklərindən qardaşları və bacıları da var. yəni atasının beşinci və ən balaca oğludur. atası da amerikanın ilk sıralarında olan varlılarından biridir. barron'un ən böyük zövqü, o yaşlarda demək olar bütün uşaqlar kimi maşın, helikopter kimi şeylərlə oynamaqdır. atasının təyyarə, maşın gibi nəqliyyatlarının eynisinin oyuncağı var özündə. bunlarla evdəki otağında deyil, özünə aid olan qatında oynuyur. anası deyir ki, oğluma daha çox "mini donald" deyə xitab eləyirlər. ancaq yayılmış videolarda göründüyü kimi, o çox da atası kimi siyasətlə, politik şeylərlə maraqlanmaq niyyətində deyil. hətta indidən bezir gördüyümüz qədərilə.

sizə bir məlumat da verim ki, (onun özü hələ fikirləşməz bunu) 1963-cü ildən bəri ağ ev'in rəsmi mənzilinə yerləşən ilk prezident oğludur. con ficerald kennedidən başqa, abş prezidentlərinin hamısının qızı varıydı. çox maraqlı faktdır fikrimcə.

ruhun mövcudluğu iddiası

hamımız yaxşı bilirik. ətrafımızdan və ya ictimai mediadan gördüyümüz üzrə ruhla əlaqəli bir çox xəbər və hadisə yaşanmışdır. lakin ruhların görüldüyünü, çağırdığını, danışdığını iddia edənlər bunu heç bir şəkildə sübut edə bilməmişdir. bu kimi hadisələrin arxasında başqalarının qazancları ola biləcəyi kimi, həm də bir qarabasma və sair duyğu yanılması da ola bilərlər. yaxud beynimizin mükəmməl olmaması səbəbiylə əsəbi bir boşluqdan və ya narahatlıqdan bu kimi hadisələr meydana gələ bilər. bu kimi hadisələrin düşünmədiyimiz qədər çox, ağılımıza gələ bilməyəcək qədər maraqlı şərhləri da ola bilər. lakin doğruluğu barədə kiçik bir ehtimal belə verən hadisə hələ meydana gəlmədi.

zaman içərisində əsrlər boyunca görüldüyü üzrə saxta-elm və metafizik səhv düşüncələr elmin işığında bir-bir izah olunmuş və bu düşüncələr tərk edilmişdir. indiki vaxtda elmin ortaya qoyduğu məlumatlara baxsaq ruh deyə bir fakt yoxdur. elm xaricindəki məlumatlar hər nə qədər ruhun olduğuna dair sübut təqdim etdiklərini önə sürsə də bu məlumatların günümüzə qədər heç bir sübutu da olmamışdır. bu səbəblə var olduğu sanılan bu anlayış bir çox insanın bu dünyaya dair fikirlərində çox üstün bir rol oynadığından, mənfi istiqamətdə ediləcək hər cür hadisə və qərardan qaçınılmalı və “ruh” olduğuna dair doqmatik fikirlərdən uzaqlaşılmalıdır.

stalinin zarafat anlayışı

ümumilikdə stalin çox zarafatcıl və yumoru sevən insan olub. özüdə soyuq zarafatlar. o vaxtı kqb əməkdaşları da öz aralarında qımışaraq stalinin "itoynadan" olduğunu danışırdılar. bir az bəhs edəcəm. konkret, real olan şeylərdir. ola bilsin ki, illər keçdiyinə görə biraz rəvayət kimi səslənə. amma elə deyil. bir neçəsini yazım.

deməli o vaxtı ssri-də xidmət edən polkovnik feldbinnin söylədiyinə görə, anastas mikoyan oktyabr inqilabının 40 illik yubileyindəki ziyafətdə stalininin çox zarafatcıl insan olduğu haqda danışırmış:
- stalin çox ağıllı, maraqlı, iradəli, partiyaya sadiq, zarafatı sevən adam idi. bir dəfə ziyafətlərin birində alliluyeva ilə oturub uşaqlar haqqında söhbət edirdik, birdən stalin barmağı ilə bizi göstərib ucadan dedi: “yoldaş politbüro üzvləri, görürsünüz, mikoyan arvadıma girişir. onu öldürsəm, günah özündə olacaq”. mən özümü narahat hiss etdim, bərk qorxdum. sonrakı ziyafətlərdə nadejdadan mümkün qədər uzaq durmağa çalışdım. birdən alliluyeva nə isə soruşmaq üçün mənə yaxınlaşdı və stalin əyri təbəssümlə: - görürsünüz, anastas yenə də arvadımı bişirir, - elə qəzəblə dedi ki, canıma vəlvələ düşdü. evə qayıtdıqdan sonra da qorxudan titrəyirdim. gecəni səhərədək yuxulaya bilmədim.

başqa bir ziyafətdə nadyaya dedim ki, gəlin bir yerdə oturmayaq, yoldaş stalini hirsləndirməyək. o güldü və razılığını bildirdi. bu dəfə masanın əks tərəfində oturduq, heç bir-birimizə baxmadıq. stalin barmağını saat kəfkiri kimi tərpədərək:
- görürsünüz, alliluyeva ilə mikoyan stolun əks tərəfində oturublar, danışmırlar, deməli maskalanıblar. öldürəcəm!!
mən yenə qorxdum. çox şən adam idi stalin...

hərdən gecədən xeyli keçmiş qırmızı telefonla evimizə zəng vurardı:
- anastas ivanoviç, yatmısan?
- xeyir, yoldaş stalin. buyurun, rica edirəm...- gözlərimi ova-ova, dilim dolaşa-dolaşa dillənərdim.
- bakı komissarları neçə nəfər olublar və neçəsi güllələnib?
- iyirmi yeddi olublar, yoldaş stalin, iyirmi altısi həlak olub...
- eləmi?! hə, silahdaşımı sakitləşdirdim, indi özüm də yata bilərəm. yaxşı, sən də yat...
səhərədək yatağımda eşələnərdim...
çox zarafatcıl idi.

kqb əməkdaşları bunu da danışırdılar ki, koba (stalin) istirahət vaxtlarında pitsa gölündə balıq tutmağı sevirmiş və çox vaxt özü ilə anastas mikoyanı da bu “uik-endə” apararmış. mikoyan yəhudilər haqqında lətifələrlə “bığlı bəyi” gülümsəməyə vadar edə bilirdi. kqb əməkdaşları olan cangüdənlər dinamit ataraq balıqları keyləşdirir, sonra suya girərək “ovu” yığışdırardılar. stalin mikoyanı da məhsul yığımına məcbur edərdi. çox vaxt soyuq sudan çıxan anastas ivanoviçin dişləri bir-birinə dəyər, bədəni titrəyərdi. stalin bir qədəh konyak süzüb ona verər, nimçədəki cücə qızartmasını qarşısına itələyib:
- ətdən ye, yoxsa bu cücə böyüyüb sənin kimi “xoruz” olacaq, - deyərək uğunarmış. =) nəzərinə çatdırım bu mikoyan da adından məlum olduğu kimi erməni olub.

alı qocayev

samux rayon icra hakimiyyətinin başçısı.
əslən qazax rayonunun çaylı kəndindəndir. oqtay əsədovun qudasıdır. 2005-ci ildə cənab prezidentin sərəncamı ilə binəqədi rayon icra hakimiyyətinin icra başçısı təyin olunmuşdur. 2012-ci ildə isə o vəzifədən çıxarılıb, yerinə xaləddin isgəndərova təyin olunub.. və elə həmin il, 18 aprel cənab prezidentin sərəncamı ilə də samux rayon icra hakimiyyətinə başçı təyin olunub. ailəlidir, üç övladı və yeddi nəvəsi var.

26 iyul, 2017'ci ildə cənab prezident alı qocayev'i vətənə xidmətə görə medalı ilə təltif etmişdir.