içki içərkən dinlənəcək mahnılar

bu mahnı, bu sənətçidən, bu versiyada və lazım gələrsə bu video ilə. əlbəttə içki içərkən dinlənməyəcək musiqi yoxdur. bu biraz da içkini hansı məqsədlə və ya səbəbdən içdiyinizə bağlıdır. amma dərdlənmək üçün içirsinizsə mütləq bu mahnıya qulaq verin. mahnının sonunda abidik gubidik səslər çıxaran sənətçiyə eşlik edin güzel kafanızla. ən əsası, için yoldaşlar, için və unudun. için və xatırlayın. nə pox yeyirsiz yeyin. adam kimi için. adam olun.

(youtube: )

yəhudi qızartması

ritorika öyrənmiş sırtıq yobaz nick'li yazarın bir digər zarafatı. bəzən həqiqətən gülməli zarafatlar edir. amma bəziləri iyrənc olur. mən də bir tabu və ya dəyərin mizah obyekti ola biləcəyini, mizahın sərhədlərinin çox geniş olduğunu düşünənlərdənəm. amma bu zarafat məncə çox ağırdır. niyəsini uzun uzun yazacaq halım yoxdur amma belə bir şey gəldi ağlıma. 40 il sonra bir banqladeşli troll xocalı soyqırımını nəzərdə tutaraq "azərbaycanlı qızartması" adı ilə bir yemək məsləhət görsə nə reaksiya alardı? heç. çünki banqladeşlilərin vecinə olmayacaq xocalıda ölən insanlar. zarafat obyekti kimi baxılacaq onlara. necəki ritorika öyrənmiş sırtıq yobazlar indi yəhudi soyqırımını zarafat obyektinə çevirirlər, bax elə.

bax: #247783

mehman hüseynov

mən də sevmirəm jurnalistikasını. mən də yarım azərbaycan türkcəsi ilə 4-5 dəqiqə boş və mənasız girişlər etdikdən sonra 15-20 saniyəlik videolar paylaşmasını görəndə əsəbləşirəm. amma iş burasındadır ki, bu adamı hər cür şey ilə ittiham edib, cəsarətini gözardı edib, gördüyü işlərin böyüklüyünü inkar edənlərdən olmamışam heç vaxt. ən son mehman mövzusu düşəndə onun tərəfini saxlayanları linç edən yazarlara görə az qala sözlüyü tərk edəcəkdim. sözlük çox bir şey itirməyəcəkdi amma mən sözlüksüz qalmaq istəmədiyim üçün bunu etməyə cəsarətim çatmamışdı.

mənə ən çox qoyan isə son dəfə mehman hüseynov mövzusu açılandan və müzakirələr fərqli məcralara daşandan sonra gözümdə sözlüyün ən dəyərli yazarlarından olan sıradanikici'nin mənasız ittihamlarla umbay edilməsi idi. göstərilən səbəb isə daha acınacaqlı idi. sıradanikinci azərbaycan xalqını təhqir etmişdi. necə? azərbaycanı pox çuxuru adlandıraraq. buna görə bakirfikir nick'li ikinci nəsil moderator sıradanikinci'ni qalıcı olaraq umbay etmiş və azərbaycanın pox çuxuru olmadığını hamımıza əyani olaraq sübut etməyə çalışmışdı. amma burada bir səhv var. axı azərbaycan hal-hazırda həqiqətəndə pox çuxurundan fərqlənmir. mütləq fiziki olaraq pox altında qalmalıyıq ki azərbaycana rahatlıqla pox çuxuru deyə bilək? dahi yazar dario fo'nun o məhşur cümləsini xatırlatmadan keçə bilməyəcəm: "başımız dik gəzirik, çünki boynumuza qədər poxun içərisindəyik".

bir digər canımı sıxan məsələ isə sıradanikinci'nin umbay edilmə şəklidir. illərdir sözlükdə yazı yazan, əməyini heçbir qarşılıq güdmədən sözlük üçün sərf edən bir yazar bir gecə yarısı ikinci nəsil bir moderator tərəfindən umbay edilir. bunun adı yargısız infazdır. mən burda nəsil söhbəti və ya "dedovşina" söhbəti eləmirəm. sadəcə mənə maraqlı gəlir. yəni sözlükdə "edam" cəzası bu qədər asan mı qəbul edilir? yoxmu bu xarabanın bir yiyəsi? mən hardan bilim ki, sabah dini tənqid etdiyim üçün dindar bir moderator tərəfindən, ya da stalini təhqir etdiyim üçün kommunist bir moderator tərəfindən bir gecədə umbay edilməyəcəm? bu məsələ ilə bağlı həqiqətən bir açıqlama hakettiyimizi düşünürəm yazarlar olaraq.

lalə dövrü

osmanlı imperatorluğunda 1718-1730'cu illəri əhatə edən, daha sonradan(1913) lalə dövrü adlandırılmağa başlanan dövr. dövrün əsas xüsusiyyəti dövrün sultanının incəsənət ayağına sultanlıq xəzinəsini kef məclisləri üçün xərcləməsi və əhali səfalət içindəykən saray əhlinin xəzinə pullarını havaya sovurmasıdır. hətta 1730-cu ildə xalqdan(esnaf) iran üzərinə səfərə çıxmaq adı ilə pul toplanmış(imdadiyye-i seferiyye) lakin yığılan pul boğazda düzənlənən əyləncə məclisləri üçün xərclənmişdir.

dövrün sonunu gətirən patrona xəlil üsyanı olmuşdur. üsyanın çıxması üçün xalqın səbr kasasını daşıran son damla isə iran savaşında alınan qalaların pul qarşılığında geri qaytarılması şaiyələri olmuşdur. azərbaycan tarixindən yaxşı xatırlayacağımız kimi 1730'cu ildə nadir şah osmanlıların peçinə qoymaqda və şəhərləri tək tək geri almaqda idi. beləliklə 1730'cu ildə çıxan patrona xəlil üsyanı nəticəsində dönəmin sultanı 3. əhməd taxtdan endirilmiş və yerinə 1. mahmud gətirilmişdir.

uzun sözün qısası, azərbaycanda bu yaşadığımız dövrü asanlıqla lalə dövrü adlandıra bilərik gələcəkdə.

ilham əliyevin türkiyədə keçiriləcək 16 aprel referendumunun taleyini həll etməsi

#köylütürkler temasından sonra türkiyə gündəminə bu cür oturduğumuzu xatırlamıram. ilham əliyev istəmədən də olsa son qərarı ilə türkiyədə "hayır" kompaniyası yürüdənlərə böyük bir kıyak çəkmiş, və qərarını verməmiş böyük bir kütlənin qərar verməsinə səbəb olmuşdur, fikrimcə. əyani olaraq türkiyəlilərə başlarına gələ biləcəkləri göstərmiş və ölkə gündəmini işğal etmişdir.

ümumiyətlə qeyd etməliyəm ki, uzun zamandır azərbaycanın qurtuluşunun türk medyasına və müxalif kəsiminə bağlı olduğunu, buna görə də, ölkədə dəyişiklik etmək üçün vuruşan hərəkat vəya partiyaların türkiyə ilə sıx əlaqələr qurmalı olduğunu düşünürəm. və əgər türkiyədə referendum nəticəsi "yox" çıxacaqsa inanıramki bunda azərbaycanda son günlərdə baş verənlərin böyük(ən az 3%) təsiri olacaq. yəni türkiyə bizə demokratiya məsələsində borclanmış olacaq. bundan sonra edilməsi gərəkən azərbaycanda demokratiya uğrunda aparılacaq mübarizəni tez tez türkiyə gündəminə gətirmək və türkiyənin bizə olan demokratiya borcunun bir hissəsini ödəməsini sağlamaqdır.

yazarların hal-hazırda oxuduqları kitablar

vilhelm reyx - dinlə, kiçik adam

məsləhətli kitabdır, oxusanız peşman olmazsınız. hətta kitabdan sevdiyim bir hissəni paylaşım, bəlkə kimlərinsə oxumasına vəsilə olmuş olaram:

qeyd: bədii əsər olmadığı üçün spoiler xəbərdarlığı vermirəm.

sən, hindistanlı kiçik adam, vətənində milyonlarla insan aclıq çəkərkən inəklərin müqəddəsliyi barəsində müsəlmanlarla döyüşürsən. sən, kiçik italyan və sən, kiçik triestalı slavyan, cır-cındır içində dolaşırsan, amma triestanın "italyan"mı, yoxsa "slavyan" mı olduğuna aydınlıq gətirməkdən başqa dərdin yoxdur. mən də bu triestanı dünyanın hər yanından gələn gəmilərin bir limanı zənn edirdim!

bu hissə üzərinə aldığım not: sən azərbaycanlı kiçik adam, aclıq və səfalət içində haqqın olan sərvətin talanmasını, haqqlarının və azadlığının əlindən alınmasını izləyirsən, amma dolmanın "azərbaycanlı" yoxsa "erməni" mətbəxi olduğuna aydınlıq gətirməkdən başqa dərdin yoxdur. mən də dolmanın sadəcə ləzzətli bir yemək olduğunu zənn edirdim!

azərbaycana nifrət etmə səbəbləri

bu gün bir səbəb daha çıxdı qarşıma. əlbəttə, azərbaycana qarşı bir nifrətim yoxdur, amma nifrət etmək üçün səbəblər yüzlərlədir. qarşılaşdığım səbəbi sizinlə də paylaşmaq istədim və ən uyğun başlığın bu olduğunu düşündüm.

deməli, facebook'da səhifələrdən birində belə bir xəbər qarşıma çıxdı: "bakıda məhşur "troya" klubunda əylənən g. s. adlı qız qabağındakı pivə bakalını ona "bar qızısan da, kimsənki" deyən oğlanın başına vurub. oğlanın aldığı xəsarətdən gözləri kor olub. qıza 6 il 6 ay iş kəsilib."

xəbərin doğruluğunu yoxlamadım, qızın başına gələnlərə üzüldüm və biraz təsəlli tapmaq ümüdi ilə şərhləri oxumağa başladım. gördüyüm şərhləri olduğu kimi sıralayıram:

--fayse faysedı ona subut ede bılmezsen!!!--
--fahşiyə fahşə deyərlərdə amma gərək qabaqcadan sdoyka drub udarın qarşısın almaq üçün blokla udarı dəf etməyə hazır olmalıydıdə fahşədən hər alçaqlıq gözləmək olar--
--bu bilirsen neye oxsadı qehbe altinan cixanan sonra deyir men qehbe deyilem qehbe deyilsen qehbexanada ne sikdirirsen--

bundan sonrasını mədəm qaldırmadığı üçün şərhləri bağladım və özümü çölə atdım və siqaretə sarıldım. ölkəyə qayıtma qərarımı ilk dəfə sorğuladım bu gün. bayaqdan dilimə "fayse faysedi" sözü takılıb, özümdən asılı olmadan təkrarlayıram, çox da əyləncəli olur. bəlkə də sadəcə əsəblərim pozulub.

respublikaçı alternativ hərəkatı

bax: #201647
ilk dəfə eşidənlərdən və ya haqqında yetərli məlumatı olmayanlardan yuxarıdakı entry'ə və orada verilən hərəkatın rəsmi web səhifəsinə göz attıqdan sonra bu yazını oxumaları xahiş olunur.

gəlin qəbul edək ki, bu hərəkat öz potensialını mövcud olduğu 8 il ərzində ortaya qoya bilməyib və sözlükdə bəzi haqlı tənqidlərə məruz qalıb. lakin haqqında yazılanların böyük əksəriyyəti haqsız tənqid və təhqirlərdən ibarətdir. ən çox tutulan iradlar isə idarə heyyəti üzvlərinin şəxsi görüşləri və xarakteristikaları ilə bağlıdır. başa düşmək lazımdır ki, erkin qədirlinin düşüncələrinin bizimkilərlə üst-üstə düşməməsi və ya altay göyüşovun zarafatlarının duzsuz ya da bizim zövqümüzdən uzaq olması kimi göstəricilərlə respublikaçı alternativ hərəkatını dəyərləndirmək olmaz. əgər hərəkat haqqında danışırıqsa deməli hərəkatın rəsmi bəyanat və mövqelərinə, mətbuat açıqlamalarına və platformasına baxmalıyıq. mən isə yuxarıda gözüyumulu bu hərəkatı təhqir edən yazarların sadaladıqlarımdan hansınısa oxuduğuna şübhə edirəm.

bəzi yazarlar isə ilqar məmmədov amilini nümunə gətirərək hərəkat haqqında müsbət rəylər yazıblar. bu da ən az yuxarıda yazdıqlarım qədər yanlışdır mənim fikrimcə. sual oluna bilər ki, "idarə heyyəti üzvlərinə baxıb fikir formalaşdırmayacağıqsa, nəyi əsas alaraq dəyərləndirmək lazımdır bu hərəkatı?"

cavab sadədir, hərəkatı əsas almaq lazımdır. respublikaçı alternativ demək nə natiq cəfərli, nə erkin qədirli, nə də azər qasımlı demək deyil. respublikaçı alternativ hərəkatı haqqında danışarkən onu bir şəxs olaraq görməli və yalnız onun açıqlama və bəyənatları üzərindən dəyərləndirmə aparalıyıq. elə hərəkatın əsas məqsədlərindən biri də azərbaycanda insana dayalı siyasi baxış açısını dəyişərək ideologiya və dəyərlərə dayalı bir siyasi platforma oluşdurmaqdır. illərdir müsavat sözünü eşidəndə isa qəmbəri düşünən, lakin müsavat partiyasının siyasi baxışı haqqında heç bir fikir sahibi olmayan insanların düşüncə tərzini dəyişməyə çalışmaqdadır respublikaçı alternativ hərəkatı. siyasi səhnədən əvvəlcə əli kərimliləri, daha sonra ilham əliyevləri silməyi hədəfləyir sözügedən hərəkat.

hər müxalifət özünə tam adekvat bir iqtidar formalaşdırdığı üçün siyasi səhnədən əvvəlcə klassik müxalifəti, daha sonra cari iqtidarı silmək gərəkir. bunun əksi mümkün deyil və biz bu teoremi xalq olaraq cəmil həsənlinin timsalında bir daha təcrübədən keçirmiş və sübut etmişik.

yuxarıda yazdıqlarım isə bir daha göstərir ki biz hələ də respublikaçı alternativ hərəkatını şəxslər üzərindən dəyərləndirməyə və onu da klassik müxalifətə, yəni özümüzə oxşatmağa çalışırıq. gəlin bu baxış bucağını dəyişək, yoxsa gözlədiyimiz dəyişim heç vaxt gəlməyəcək.

bu yazı ilə heç kimi respublikaçı alternativ sıralarına qoşulmağa səsləmirəm. sizdən tək xahişim hərəkat haqqında danışarkən insanları və onların fikirlərini işin içinə qatmayın. obyektiv olun.