hakimiyyətdən xilas olmağın yolu

uşaqlar, yığışın, ağlıma bir plan gəlib. bir neçə həftəyə xalq hərəkatını başladırıq.

deməli fikir vermisinizsə son günlərdə hakimiyyət küçüklərini yığıb aparır müsavat partiyasının önünə, isa qəmbər və müsavat haqqında alçaldıcı şüarlar səsləndirir. daha əvvəl də belə yığıncaqların əli kərimlinin evinin önündə təşkil edildiyinin şahidi olmuşuq. heç birində də polis müdaxiləsi baş vermir. yaxşı planlama və yapılanma ilə bu boşluğu dəyərləndirə bilərik.

deməli gedib üzv oluruq yap'ın gənclər hərəkatına. çoxunuz onsuz da tələbə vaxtı zorla üzv olmusuz deyə bu iş daha da asanlaşacaq. sonra yığışırıq yapın ofislərinə və plakatlar hazırlamağa başlayırıq. əli kərimli, isa qəmbər, axcp, müsavat və sair haqqında ən düşük şüarları yazırıq plakatlara. özümüzü bir iş görürmüş kimi göstəririk. bu sırada da planlaşdırılan tarixdə "vətən xainləri"nə qarşı səsimizi bildirmək adı altında xalqı müsavat partiyasının önünə dəvət edirik. maliyyə dəstəyini də yap təşkil edir. planın can alıcı hissəsi burdadır. onsuz da hər şeyə inanan xalqı inandırırıq ki bu günə kimi başımıza nə gəlibsə isa qəmbər üzündən gəlib. dediyimizdə kiçik bir həqiqət payı da olduğu üçün bunu edəndə vicdan əzabı çəkməyimizə də ehtiyac qalmayacaq. onsuz da azərbaycanda bütün günahı müxalifətdə görən böyük bir kəsim var. beləcə xalqı vətən xainlərinə qarşı etiraz adı altında toplayırıq müsavat partiyasının qarşısına. həm də polis müşaiyəti ilə. sayımız iki yüz mini keçən kimi u dönüşü edərək gedirik bir başa prezident aparatına doğru. burada əsas iş əlində mikrofonla isa qəmbərə keçici olaraq söyüşlər yağdıran, yap'çı kimi görünən nidaçıların üzərinə düşür. xalqı o sırada başa salmalıdılar ki, sən demə isa qəmbər bir ildən artıqdırki heç müsavatın başqanı deyil. elə başımıza nə gəlibsə sən demə hakimiyyət üzündən gəlibmiş. xalqımızı da bilirsiz də, küyə getmək üçün ölürlər. elə həmən küynən bir başa gedirik prezident aparatına doğru.

amma bu planın bir qüsurlu hissəsi var. əgər bu sırada hakimiyyət planımızı başa düşsə işimiz çətindir. bir anda xəbər gələcək ki düşmən lələ təpəni geri almağa çalışıb, amma cəsur əsgərlərimiz düşməni geri püskürdərək 7 yüksəkliyi işğaldan azad ediblər. 27 gəncimiz şəhid olsa da erməni tərəfinin 148 leşi var.

bax bu anda xalqı saxlaya bilməyəcik. yolu dəyişib bir başa dönəcəklər müdafiə nazirliyi tərəfə. gedib sıraya girəcəklərki bizi də cəbhəyə aparın. hamı prezidentimizin ətrafında sıx birləşəcək. hətta əli kərimli də çıxıb açıqlama verəcək ki, söhbət vətəndən gedirsə qalşan hər şey təfərrüatdır.

bax bu sırada nə eləməli olduğumuzu hələ çözə bilməmişəm. o arada mehman hüseynov da event yaradıb səngərdəki əsgərlərə siqaret almaq üçün pul yığmağa başlasa aləm dəyəcək bir birinə.

huququbil.com

azərbaycanın ilk onlayn hüquq ensiklopediyası deyə biləcəyimiz gözəl bir sayt. müəllifi erkin qədirlidir. bəzi önyarğılı yazarlarımız yəqinki bundan sonrasını oxumayacaq amma saytı incələməyinizi hamınıza məsləhət görərdim. erkin qədirlinin siyasi və ya ideoloji orientasiyasını bəyənməmək olar. bu hər bir fərdin inkaredilməz haqqıdır. fəqət məhz bu orientasiyadan yola çıxaraq yaradılmış sayta yetərli dəyəri verməmək haqsızlıq olar.

sayt bütün(birçox) hüquq biliklərini müxtəlif başlıqlar altında toplamış və axtardığınız bilgiyə tez çatmağınız üçün çox gözəl dizayn edilmişdir. gələcəkdə hüquq tələbələrinin və haqqı pozulan hər bir vətəndaşın ilk baş vuracağı adres olacağını düşünürəm.

hal hazırda kontekstlər doldurulmadığı üçün seçəcəyiniz hər hansı yazıda "tapılmadı" erroru ilə qarşılaşacaqsınız. amma sayt hazır olduğunda mütləq ziyarət edərək faydalanmağı unutmayın.

edit: saytın orta aşağı qisminə mail adresinizi girərək abonə olabilər və saytda yayınlanacaq yazılardan anında xəbərdar ola bilərsiniz.

nəsimi filmində əmir teymurla nəsiminin dialoqu

azərbaycan kinosunun sahib olduğu ən gözəl film səhnələrindən biri:

--spoiler--


teymur: hamı mənə peyğəmbərin elçisi deyir, təzim eləyirlər mənə. təkcə siz itaət eləmirsiz. niyə?
nəsimi: sənin hakimiyyətin qılınc və qorxu üstündə bərqərardır.
t: xırda həşərat iri həşəratdan qorxur, qoyun qurddan, gücsüz adam güclüdən. cəmi bəşər də allahdan. dünyanın özü qorxu üstə bərqərar deyil?
n: güclü gücsüz insan yoxdur. kamil insan var, bir də cahil. cahilin tərzi həyatı heyvanatın tərzi həyatı ilə doğurdan da uyğundur. qılınc, küllü-qırğın, din, allah xofu, hamısı hökmranlıq üçün gərəkdir sənə.
t: əcəlim çatacaq, mən də köçəcəyəm bu dünyadan. amma allah xofu çıxmayacaq insanın canından. ildırımı, dolusu, tufanı var bu dünyanın. seli, daşqını, zəlzələsi var.
n: kamil insan cümlə aləmin sirrinə vaqif olacaq və heç nədən qorxmayacaq.
t: qorxusuz insan insan deyil, qudurmuş itdir.


--spoiler--

anal seks edib bakirəyəm deyən qız

cəmiyyətin boşluğunu tapmış, həm gəncliyini yaşayan həm də vədəsi yetişəndə qeyrətli bir oğlana asanlıqla ərə gedə biləcək qızdır. amma soxasan belə cəmiyyətə ki hələ də o cəmiyyətdə bakirəlik müzakirələri aparılır.

ümumiyətlə sözlükdə keçirdiyim son bir iki həftədə cəmiyyətlə bağlı fikirlərim mənfiyə doğru sürətlə irəliləməyə davam edir. 5 illik qürbət həyatı məni azərbaycandaki heyvanatın tərzi həyatından uzaqlaşdırmış olsa da (bax: nəsimi filmində əmir teymurla nəsiminin dialoqu )

bir lotunun digərinin qulağını kəsdirməsi

bu gün videosu yayılmış hadisədir. faciəvidir və nə qədər ləyaqətsiz bir ölkədə yaşadığımızı göstərir. amma başlıq açmaqdakı məqsədim bunları demək deyil, birazdan digər yazarlarımız aşağı video linki falan qoyarlar. mənim diqqətimi çəkən insanların video ilə bağlı yorumları oldu. köpəyuşağının hamısı "hardasan ay bəxtiyar", "rövşən öldü bu göbələklər çoxaldı", "qurban olum sanka mamedə, onun dövründə yox idi belə şeylər" tərzi şərhlər yazır. sağ lotulardan çəkdiyimiz az deyilmiş kimi hələ bir ölülərin də dirilib gəlməyini istəyirlər.

deyən lazımdı, a sikiklər, biriniz də "hardasan ay cəlil məmmədquluzadə", "hardasan ay axundov" deyərdiz mən də gəlib burda başlıq açmaq məcburiyyətində hiss etməyəydim də özümü.

steven avery

amerikanın wisconsin əyalətinin manitowoc bölgəsində doğulub boya başa çatmış, çatan kimi də təcavüz suçundan həbsə atılmış şəxs. həbsdə 18 il keçirdikdən sonra 2003-cü ildə günahsız olduğu faktiki dəlillə sübut olunmuş və azadlığa çıxarılmışdır. amma faciə bununla bitməmişdir. cəmi iki il sonra yenidən fərqli bir qadına təcavüz etmək və öldürmək suçundan həbsə atılmışdır. günahsız olduğunu göstərən bir çox amil olsa da faktiki dəlil olmadığı üçün hələ də azadlığa çıxa bilməmişdir və hüquq mübarizəsini davam etdirir. dünyanın müxtəlif ölkələrində avery'nin günahsız olduğuna inanan milyonlarla insan var.

bu şəxsi daha da məhşurlaşdıran isə bu illərdə netflix'in avery haqqında çəkdiyi 10 seriyadan ibarət making a murderer serialıdır. 18 il tam suçsuz yerə, 12 il(bu günə qədər olan müddət) isə günahsız olduğunu iddia edərək həbsdə çürümüş bu şəxs haqqında çəkilən bu serialın ikinci sezonunun bu il yayımlanacağı netflix tərəfindən rəsmən açıqlanmışdır. məhz bu sənədli serialı izləyə bilmək üçün netflix hesabı olmayanlara bir hesab açdırmalarını məsləhət görərdim. geriyə sizə qalacaq olan yüzlərlə maraqlı film, dizi və sənədli filmlər olacaq.

qeyd: ortalama gəliri olan hər kəs rahatlıqla 1 illik netflix abunəliyi ala bilər. verəcəyiniz pula dəydiyini görəcəksiniz.

düzəliş: hərf səhvi

azərbaycanda 2018 prezident seçkiləri

bölünmə nöqtəsidir. həm bu mənasız görünən cümləni, həm də bu seçkilərin nə qədər əhəmiyətli olduğunu birazdan izah etməyə çalışacağam. hələlik isə gəlin ölkəmizdəki son 5 seçki ilə bağlı biraz incələmə aparaq:

1993-cü il prezident seçkiləri - sözlük yazarlarının bir çoxu hələ doğulmayıb, bəziləri danışa bilmir, bəziləri isə oxuma-yazmanı öyrənəcək yaşa çatmamışdır. 1975-ci ildə doğulanlar ilk dəfə səsvermələrdə iştirak edəcəklər.

1998-ci il prezident seçkiləri - bizim nəslin tam xatırlamadığı son seçkilər. bəzilərimiz oxumağı və yazmağı təzə öyrənmiş, məktəbə başlamış, ya da bir neçə il içində başlamağa hazırlaşan balaca uşaqlar idik. edə biləcəyimiz heç nə yox idi. heç nə də etmədik. yaxşı da etdik. 5-6 yaşımızda siyasətə girişib ölkəni düzəltməyimizi gözləyən böyüklərimiz utansın. bizim daha vacib işlərimiz var idi o illərdə. əlifbanı öyrəndik, tanıyırdıq hərfləri. elə o vaxtdan gəl!rd!k(nidaçı deyiləm, amma bizim nəslimizin ən cəsur gənclərinə salam vermədən keçmək istəmədim). 1980-ci ildə doğulanlar ilk dəfə səs verəcəkdilər. vədə yetişirdi.

2003-cü il prezident seçkiləri: gəlmişdik 10-11 yaşımıza. bir şeylər baş verirdi ölkədə, amma nələr baş verdiyini, gələcəyimizlə necə oynandığını bilmirdik. yaxşı gizlənpaç oynamağı bilirdik amma. böyüyəndə öyrənəcəkdik ki, xalqın ümid bağladığı, uğruna meydanlarda yemədiyi kötək qalmayan şəxslər bizdən çox daha yaxşı gizlənpaç oynaya bilirmişlər. utanmayın uşaqlar, biz uşaq idik, lap əcəb edib gizlənpaç oynayırdıq o yaşımızda. qoy 40-50 yaşlarında gizlənpaç oynayan böyüklərimiz utansın.

2008-ci il prezident seçkiləri: məndən biraz böyük olan sözlük yazarları yaşlarını doldurub və şəxsiyyət vəsiqələrini alıblar. bir çoxu həyəcanla seçkilərin gəlməsini gözləyir. xalqın xilasında ilk dəfə rol alacaqdı bizim nəsil. amma bir də gördük ki bizim tərəfimizdə olan, səs verə biləcəyimiz heç kim yoxdur ortada. manqurtluğun zirəsində idi xalq o illərdə. müharibə sonrası aclıq keçmiş, qarınları bir tikə çörək görmüşdü deyə qırağa çəkilib oturmuşdu böyüklərimiz. kefləri kök idi. veclərinə deyildi uşaqlarının gələcəyi. o il yəqinki ilk dəfə böyüklərimizin yerinə biz utandıq. böyüklərimizdə artıq utanacaq üz belə qalmamışdı. yenə də "qoy seçilsin, onsuzda konstitusiyamız var" deyib özümüzə təsəlli verirdik ki, cəmi bir il sonra həyat üzümüzə bir osmanlı şilləsi çəkdi. bu işin o qədər də asan olmayacağını o zaman anladı bizim nəsil. 1990-cı ildə doğulan təmsilçilərimiz ilk dəfə səs verəcəkdi o il.

2013-cü il prezident seçkiləri. hansı ara gəldik biz bu yaşımıza psixologiyasına girmiş nəslimiz, artıq qarşısına məqsəd qoymuş, böyüklərin görə bilmədiyi işi görmək vəzifəsini çiyinlərinə almışdı. ilk dəfə ölkənin gələcəyində rol oynayacaq olmağın verdiyi həyəcanla qollarını çırmalamış, gəncliyimizi oğurlamağa çalışanların qarşısına keçmiş və mübarizə məşəlini əlinə alıb səfərbər olmuşdu. yüzminlərlə gənc birlikdə bakı küçələrində gələcəkləri uğruna toplaşmış, azadlıq nəğmələrini oxumağa başlamışdılar. illərdir atalarının edə bilmədiyi işi edə bilmiş olmağın verdiyi şərəf və qürur hissi hamımızın içini alovlandırırdı meydanlarda. heç kimi dinləməmiş və ən çox da "sən, mən etiraz etsək nə dəyişəcək axı, otur oturduğun yerdə, bir tikə çörəyimiz var, ondan da olmayaq" deyən böyüklərin acığına meydanlarda idilər. sanki 20 illik diktaturaya qarşı yox, öz valideynlərinin acizliyinə qarşı savaşırdılar...

2018-ci il prezident seçkiləri: bölünmə nöqtəsidir. həm bu mənasız görünən cümləni, həm də bu seçkilərin nə qədər əhəmiyətli olduğunu indi izah etməyə çalışacağam. 2013-cü il seçkilərində olmayanları oxudunuz az öncə. mən o olmayanları yazanda nə qədər həyəcanlandığımızı izah edə bilmərəm. kaş yazdığım kimi olsaydı, kaş 2012-ci ilə qayıtsaydıq və o etmədiyimiz qəhrəmanlıqları tək tək etsəydik deyirəm. amma zamanın istiqaməti tək yönlüdür və gələcəyə yönəlib. artıq bu bizim gələcəyimiz deyil, uşaqlar. uşaqlar deməyimə baxmayın, uşaqlığımız 1998-ci ildə qaldı, gəncliyimizi də böyüklərimiz satdılar 2008-ci ildə. artıq gələcək yeni doğulan körpələrindir. biz bu günümüzü yaşayırıq. əvvəlki seçkilər haqqında yazarkən yerdən yerə vurduğum "böyüklər" biz olacağıq 2018-ci il seçkilərindən sonra. məhz buna görə bu seçkilər bizim üçün bölünmə nöqtəsidir. qarşımızda iki seçim var; ya bizdən sonrakı nəsillərin gəncliyini satıb böyüklərimizin yolunu gedəcəyik, ya da 2013-cü il üçün yazdığım qəhrəmanlıqları edərək həmişə gənc qalacağıq tarix kitablarında. və əgər məndən soruşsanız, mən qocalanda gənc ölməyi üstün tuturam, əzizlərim. ona görə gəlin bu seçkilərə ciddi yanaşaq. gəlin bizdən olanların bizim üçün həbsdə keçirdiyi hər günün haqqını verək. gəlin tarixi yaşamayaq, yaradaq.

qeyd: son 20 ildə azərbaycanda insan haqqları uğrunda mübarizədən dönməyən şərəfli böyüklərimizin əllərindən öpür və onları bu yazıda yazdığım ittihamlardan azad edirəm.

ilqar məmmədov

hal hazırda həbsdə olan respublikaçı alternativ hərəkatının sədri. haqqında "mənasız qabardılan insan" deyilmiş şəxs. amma yazar olsa da umbay kafasında yazı yazan şəxs qanmır ki, ilqar məmmədov yetəri qədər qabardılsaydı ölkə bu gün olduğu vəziyyətdə olmazdı.

demək umbay bunun tərəfdarlarına sual verir ki, ilqar məmmədovun həbsdə olmadığı zaman ortaya qoyduğu sosial/iqtisadi nə kimi planı, projesi falan olub? nədirdə bu adamı fərqli edən?

umbay başa düşmək istəmir ki, on nəfərə sual verənə kimi bir dəfə açıb oxusa daha yararlı olar. umbay anlamır ki, ilqar məmmədovun tərəfdarlarının sosial/iqtisadi plan, proje açıqlaya bilməyəcək səviyyədə olması ilqar məmmədovun mənasız qabardıldığı anlamına gəlmir.

umbay asan olana qaçır: hamı tərifləyirsə mən tərsini edim və bu gün də fərqli görənmək xətrinə fərqli görünmək missiyamı tamamlayım.

ümid edirəm bir gün gələcək və buradan bir çoxumuz ilqar məmmədovun dövlət başçısı kimi apardığı siyasəti tənqid etmək üçün sıraya düzüləcəyik. ama o gün bu gün deyil yoldaşlar. oturun yerinizdə və insanın həbsdə keçirdiyi 1421 günü düşünün. düşünün yoldaşlar, düşünün.

ilqar məmmədov komandasının vəd etdiklərini oxumaq üçün:
http://cumhuriyyet.org/real-cumhuriyyet.html
http://cumhuriyyet.org/real-guvenc.html
http://cumhuriyyet.org/real-insan.html
http://cumhuriyyet.org/real-tereqqi.html

edit: 1597 gün