the most mysterious song on the internet

"internetdə ən sirli mahnı" çox güman ki, 1980-ci illərdə bəstələnmiş, mənşəyi, müəllifi, adı və orijinal qeyd tarixi bilinməyən mahnıya verilən addır. Onu demək olar ki, mahnı naməlum bir tarixdə Norddeutscher Rundfunk yayımından qeydə alınıb.
2019-cu ilin sentyabrında dərc olunmuş Rolling Stone məqaləsinə görə, Darius S. adlı şəxs mahnını Almaniya-nın ictimai radiosu NDR-də eşitdiyi radio şousundan yazdırıb. Ancaq nə müəllifi, nə də mahnının adı haqqında heç bir məlumatı yox idi. Uzun müddət sonra(daha dəqiq desək 2007-ci ildə) mahnı internetdə yayılır və istifadəçilərin diqqətini cəlb edir. Müxtəlif fərziyyələr ortaya qoyulur, ancaq ən məşhur fikir budur ki, bu mahnı 1983-cü ildə " Statues in Motion" qrupu tərəfindən yazılıb. Ancaq bu hələ də təsdiqlənməmiş fərziyyə olaraq qalır. Onu da qeyd edim ki, istifadəçilər tərəfindən mahnıya alternativ bir ad verilmişdir: "blind the wind"

(youtube: )

ogas proyekti

OGAS proyekti, ümummilli informasiya şəbəkəsi yaratmaq məqsədi daşıyan sovet layihəsi idi. Layihə 1962-ci ildə başladıldı, lakin 1970-ci ildə lazımi vəsait ayrılmadığından proyekt ləğv olundu.
OGAS-ın əsas memarı Viktor Qluşkov idi. Mərkəzi planlaşdırmanı təkmilləşdirmək üçün milli kompüter şəbəkəsinə dair əvvəlki təklif, Anatoli Kitov-un Avtomatlaşdırılmış iqtisadi idarəetmə sistemi, 1959-cu ildə uğursuzluqla nəticələnir. Məhz bundan sonra Qluşkov belə bir proyekt təqdim etmək qərarına gəlir. ilk zamanlar layihə böyük maraqla qarşılanmışdır. Ancaq maliyyə problemləri bu işin tam reallaşmasının qarşısını aldı.
2016-cı ildə Tulsa universiteti-nin professoru Benjamin Peters "How not to Network a Nation: The Uneasy story of Soviet internet" adlı bir kitab yayımlayır. Bu mövzu orada daha ətraflı izah olunub.

poe toaster

Poe toaster adı ilə bilinən və 1949-cu ildən bu yana hər il Edgar Allan Poe-nun doğum günü olan 19 yanvar tarixində Poe-nun Baltimore şəhərində məzarını ziyarət edib, ora 3 gül və bir şüşə konyak qoyan naməlum şəxs.
Poe toaster-in kimliyi naməlum qalsa da bu ritualın tək şəxslə bağlı olmadığına dair fikirlər var. inanılır ki, bu ritual bir ata və oğul tərəfindən həyata keçirilir. Toaster qara bir papaq və eyni rəngdə palto geyinirdi. 1998-ci ilə qədər ritualın ata tərəfindən, onun ölümündən sonra isə oğlu tərəfindən davam etdirildiyi düşünülür. 2010-cu ildən etibarən isə Poe Toaster bu ritualı dayandırır.

hays kodeksi

Digər adı ilə "Film istehsalı aktı". Hays kodeksi 1930-1966-cı illər arasında Hollywood-da qüvvədə olmuş özünüsenzura tətbiqi idi. 1920-ci illərdə Hollywood-da baş vermiş bəzi hadisələr ictimaiyyət tərəfindən mənfi qəbul olundu və kütləvi şəkildə qınanıldı. Məhz bu zaman William Hays və kino sahəsində fəaliyyət göstərən digər şəxslər bu kodeksin qüvvəyə minməsini dəstəklədi. 1930-cu ilin martında kodeks qəbul olunur. Ancaq ilk illərdə çox aktiv şəkildə tətbiq edilmirdi. 1934-cü ildən isə daha da genişlənir və o dövrdə yayımlanan filmlərin əksəriyyətində öz təsirini göstərirdi. Bu tarixdən etibarən Hollivudda "Hays Code" dövrü başlayır və artıq əvvəldə qeyd etdiyim kimi 1966-cı ildə bitir. "Hays Code" dövründən əvvəlki son film isə 1932-ci ildə yayımlanmış "The Sign of the Cross" filmi idi. Kodeksə görə tamaşaçılara vicdanlı həyat standartları təqdim olunmalı idi. Məhz buna görə filmlərdə artıq şiddətə yol verilməməli idi. Həmçinin pislik və günahı da tərənnüm etmək olmazdı. Qeyd olunan məsələlərdən biri isə filmdə mənfi obrazın mütləq şəkildə cəza alması idi. Maraqlıdır ki, 1958-ci ildə Alfred Hitchcock-un "Vertigo" filmində bu qayda pozulur.

the lighthouse

Edgar Allan Poe və H.P.Lovecraftın əsərlərindən ilhamlanmış 2019-cu il istehsalı olan qorxu filmi. Filmin yaradıcıları Edgar Poe-nun "Light-House" adlı tamamlanmamış əsərindən müəyyən detalları götürüb, Alfred Hitchcock-un tərzindən istifadə edib, maraqlı bir iş ərsəyə gətiriblər. 19-cu əsrdə "Smalls Lighthouse"-da iki mayak gözətçisi dağıdıcı fırtına zamanı həlak olmuşdu. Deyilənə görə, bu məşhur insidentin detalları süjetdə öz əksini tapmışdır

böyük oyun

"The Great Game" adı ilə daha məşhur olan tarixi/siyasi bir dövr. XIX və XX əsrin əvvəllərində Cənubi və Mərkəzi Asiyada hökmranlıq uğrunda Britaniya və Rusiya imperiyaları arasında bir rəqabət var idi. Rəqabətin əsas mərkəzi nöqtələri Əfqanıstan, iran və Britaniya Hindistanı hesab olunurdu. Termin kimi ilk dəfə 1840-cı ildə Arthur Connoly tərəfindən işlədilməsinə baxmayaraq, onun tarixi daha əvvəl başlayır. Bəzi mənbələrdə 1812-ci il 10 oktyabr tarixində(Aslandüz döyüşünün başlanması ilə), digər mənbələrdə 1814-cü ildə Tehran müqaviləsinin imzalanması ilə. Ancaq ən düzgün tarix 12 yanvar 1830-cu il hesab olunur. Məhz bu tarixdə Hindistana Nəzarət Şurasının prezidenti Lord Ellenboron, general-qubernator Lord William Beticker Buxara əmirliyinə yeni ticarət yolunun yaradılması ilə bağlı tapşırıq verir, bununla da Britaniya və Rusiya arasında olan rəqabəti kəskinləşdirir.
Ümumilikdə bütün "lore" ondan ibarətdir ki, ingiltərə Rusiyanın Hindistanı işğal etməyi planlaşdırdığını və onun bu məqsədlə Mərkəzi Asiyada geniş əraziləri tutmasından narahat idi. Rusiya isə öz növbəsində Mərkəzi Asiyada ingilis maraqlarının genişlənməsindən ehtiyat edirdi. Beləliklə, dövrün bəlkə də ən maraqlı geosiyasi rəqabəti yarandı.
Bu dövr həmçinin qanlı müharibələrlə yadda qalıb: Birinci ingilis-əfqan müharibəsi(1838-1842),Birinci ingilis-siqx müharibəsi(1845-1846),ikinci ingilis-əfqan müharibəsi(1878-1880) və s. "Böyük oyun" 31 avqust 1907-ci ildə ingiltərə-Rusiya Konvensiyanın imzalanması ilə başa çatır və dünya tarixinin ən mübahisəli dövrlərindən biri olur.
Yazını Redyard Kiplinqin bu mövzuda sitatı ilə bitirmək istəyirəm:"Yer üzündəki sonuncu insan öldükdən sonra, Böyük oyun bitmiş olacaq."

harry truman

Mənə görə ABŞ tarixində ən fərqlənən prezidentlərdən biri idi. Ancaq bu yazıda 1948-ci ildə prezident seçkiləri ərəfəsində baş vermiş maraqlı bir hadisədən bəhs etmək istəyirəm. O zamanlar Truman ABŞ mediasında o qədər də populyar bir şəxs deyildi və respublikaçılar partiyasının üzvü Thomas Dewey daha məşhur və perspektivli namizəd kimi görünürdü. Nəhayət 3 noyabr 1948-ci ildə "The Chicago Daily Tribune" adlı Respublikaçı yönümlü bir qəzet seçki gecəsi Trumanin məğlubiyyətindən əmin olub "Dewey Defeats Truman" adlı bir başlıq paylaşır. Növbəti gün nəticələr açıqlanır və Harry Truman bu seçkilərdə qalib gələrək ABŞ prezidenti postunu saxlayır. Redaksiya yanıldığını anlayır, amma artıq gec idi. Ən maraqlısı isə odur ki, bir müddət sonra Truman özü qəzetin bu nəşri ilə gülümsəyərək(əlbəttə ki edilən yanlışa görə) şəkil çəkdirmişdi.